„ორ-ოთახიანი გამოდის, სუფთა ჰაერი, საუკეთესო ხედები...“ - გურამ შეროზიამ „პრაიმ ჰაუსში“ მოგებული ბინა გაიფორმა

„პრაიმ ჰაუსის“ მეორე სეზონის გამარჯვებულმა, გურამ შეროზიამ მოგებული ბინა თავის სახელზე გაიფორმა. ამის შესახებ სოციალურ ქსელში ინფორმაციას თავად ავრცელებს.

„ამასობაში, „პრაიმ ჰაუსში“ მოგებული ჰაერი ჩემზე გაფორმდა. კაი ორ-ოთახიანი გამოდის, მაღალი სართული, სუფთა ჰაერი და საუკეთესო ხედები, როცა დასრულდება და ამონაწერი ჩემს სახელზე ამოვა, მივვარდები შამპანურით და აღვნიშნოოთ. თან გაჩვენებთ მერამდენე სართულზეა უკვე მშენებლობა და ჩემს რუს მდგმურებსაც გაგაცნობთ. ესეც მესამე და სამართალი, მგონი მშვენიერი სასიძო ვარ, არიქა-თ“, - წერს შეროზია.