ხელფასი 7 ლარი: "ჩემი დაკავებულობის ხარისხი და შესაბამისად, ანაზღაურება პრაქტიკულად განულებულია" - ჩცდ-ს მსახიობმა თეატრი დატოვა

"ბოლო წლების მანძილზე ჩემი დაკავებულობის ხარისხი და შესაბამისად, ანაზღაურება პრაქტიკულად განულებულია" - სერიალში "ჩემი ცოლის დაქალები" აჩიკო ექიმის როლის შემსრულებელმა მსახიობმა სოსო ხვედელიძემ, რომელიც პარალელურად თეატრის მსახიობი იყო, სცენაზე უარი თქვა.

რა გახდა მსახიობის თუმანიშვილის თეატრიდან წამოსვლის მიზეზი - ამ საკითხთან დაკავშირებით სოსო ხვედელიძე სოციალურ ქსელში განცხადების ასლს აქვეყნებს და აღნიშნავს, რომ თეატრიდან წამოსვლის გადაწყვეტილება სპექტაკლებზე დაუკავებლობა და შესაბამისად, ანაზღაურება იყო.

მსახიობი ხელფასის ჩარიცხვის ამსახველ მოკლე ტექსტური შეტყობინების ასლსაც ასაჯაროებს, მისი ერთი თვის ანაზღაურება არც მეტი, არც ნაკლები 7 ლარია.