"ვემზადები შემდეგი შეჯიბრებისთვის" - ქართველი მოფარიკავე სანდრო ბაზაძე წარმატებული ასპარეზობის შემდეგ, სამშობლოში დაბრუნდა

ქართველი მოფარიკავე სანდრო ბაზაძე, წარმატებული ასპარეზობის შემდეგ სამშობლოში დაბრუნდა. ბუდაპეშტში, სენიორებს შორის გამართულ მსოფლიო თასის ნახევარფინალში, ბაზაძემ შეხვედრა გერმანელ მოფარიკავესთან ანგარიშით 12:15 დათმო და ბრინჯაოს მედალს დასჯერდა.

"თვე-ნახევარია უკვე, რაც აქტიურ სპორტს დავუბრუნდი და სამი შეჯიბრიდან, 2 მედალი ავიღე, ეს უკვე კარგი შედეგია. ჩემი თავით ნაწილობრივ კმაყოფილი ვარ, 100%-ით ჯერ არ ვარ მთლად კარგ ფორმაში, მაგრამ ვვარჯიშობ, ვემზადები, რომ დავიბრუნო ჩემი ოპტიმალური ფორმა. ვემზადები შემდეგი შეჯიბრებისთვის. დღესდღეობით მთავარია, რომ რეიტინგში დავბრუნდე, რადგანაც დაახლოებით 4 შეჯიბრი გამოვტოვე სეზონის დაწყებიდან, ნელ-ნელა კი მაღალ პოზიციებს ვუბრუნდები,"- აცხადებს მოფარიკავე სანდრო ბაზაძე.

როგორც საქართველოს ფარიკაობის ფედერაციის პრეზიდენტის აცხადებს, სანდრო ბაზაძემ შეძლო და საუკეთესო ბრძოლები მოიგო:

"280 მოფარიკავე გამოდიოდა სანდროს დისციპლინაში, მან შეძლო და საუკეთესო ბრძოლები მოიგო. დღესდღეობით არ არის სანდრო ოპტიმალურ ფორმაში. წელს ჩვენი მთავარი გათვლებია, ევროპისა და მსოფლიო ჩემპიონატები. ნელ-ნელა სანდრო უმატებს, მან ეს დაამტკიცა,"- აღნიშნა მერაბ ბაზაძემ.