„თუ ჯგუფიდან გასვლა გვინდა, ჩეხეთთან თამაში უნდა მოვიგოთ!“ - გიორგი ქვილითაია

გიორგი ქვილითაია ევროპის ჩემპიონატზე საქართველოს ნაკრების დებიუტსა და ჩეხეთთან მოსამზადებელ ეტაპზე საუბრობს:

„მიუხედავად კარგი თამაშისა და გასახდელში კარგი განწყობის, წავაგეთ. წაგებული თამაშის შემდეგ, რა თქმა უნდა, ბედნიერი ვერავინ იქნებოდა. მაგრამ კარგი ფაქტი არის ის, რომ ევროპის ჩემპიონატზე 3:1 თურქეთთან რომ აგებ, თან უკმაყოფილო ხარ და თან რამდენიმე მომენტი შექმენი, ეს გაძლევს ბედნიერების საფუძველს.

ხარისხიანი თამაშისთვის არც გუშინ გამოვსულვართ, შედეგისთვის გამოვედით... თავიდანვე, სანამ წამოვიდოდით, ყველა ვამბობდით და ვთანხმდებოდით, რომ აქ არ ვართ ტურისტებად და გვინდა შედეგის დადება, შედეგი იქნება ჯგუფიდან გასვლა, თუ ჯგუფიდან გასვლა გვინდა, ჩეხეთთან თამაში უნდა მოვიგოთ. მზადებას დღეს დავიწყებთ, ხვალ უკვე ჩეხეთის ნაკრებზე გადავერთვებით,“ - თქვა ჟურნალისტებთან ქვილითაიამ.

ავტორი: ირაკლი გოგვაძე