საქართველოს სპორტის მინისტრი თურქ კოლეგას შეხვდა - მხარეებმა ხელი მოაწერეს ურთიერთთანამშრომლობის მემორანდუმს

საქართველოს სპორტის მინისტრი თურქ კოლეგას შეხვდა. მხარეებმა ხელი მოაწერეს ურთიერთთანამშრომლობის მემორანდუმს, რომელიც სპორტის სფეროს უწყებათა შორის ორმხრივ თანამშრომლობას, ცოდნისა და გამოცდილების გაზიარებასა და ერთობლივი პროექტების განხორციელებას მოიცავს.

"სპორტის სამინისტროში ვუმასპინძლეთ თურქეთის რესპუბლიკის სპორტისა და ახალგაზრდობის მინისტრს, რომელთანაც გავაფორმე ურთიერთთანამშრომლობის მემორანდუმი, რომელიც ითვალისწინებს თურქულ-ქართულ ურთიერთობათა გაღრმავებას სპორტის სფეროში", - აცხადებს საქართველოს სპორტის მინისტრი შალვა გოგოლაძე.