საქართველოს ნაკრები დღეს თურქეთს შეხვდება

საქართველოს საფეხბურთო ნაკრები 2026 წლის მსოფლიო ჩემპიონატის შესარჩევი ჯგუფური ეტაპის პირველ შეხვედრას თბილისში, „დინამო არენაზე“ თურქეთის ეროვნულ გუნდთან ჩაატარებს.

მატჩი 20:00 საათზე დაიწყება.

შეხვედრის მსაჯი:

საქართველოსა და თურქეთის შეხვედრას იტალიელი არბიტრები განსჯიან. მთავარი მსაჯი იქნება დავიდე მასა.

ნიკა კვეკვესკირის გაცილება:

მატჩის დაწყებამდე რამდენიმე წუთით ადრე „დინამო არენაზე“ შეკრებილი გულშემატკივარი საქართველოს ნაკრებიდან ნიკა კვეკვესკირს გააცილებს, რომელმაც საფეხბურთო კარიერა დაასრულა და ვილი სანიოლის სამწვრთნელო შტაბში გადაინაცვლა.