„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
ქართველმა მებრძოლმა მერაბ დვალიშვილმა, ბრაზილიელი სპორტსმენი, ჟოზე ალდო სამრაუნდიან დაპირისპირებაში დაამარაცხა. ამით მან კარიერის უმნიშვნელოვანესი ბრძოლა მოიგო.
ბრძოლის შემდეგ გამართულ პრესკონფერენციაზე მერაბ დვალიშვილმა საზოგადოებას საქართველოს რუკა აჩვენა რათა ყველასთვის შეეხსენებინა, რომ საქართველოს 20% რუსეთის მიერაა ოკუპირებული.
„ყველა სპორტსმენი განსხვავებულია, განსხვავებულად იბრძვის. არ შემიძლია მივბაძო ხაბიბის. ვფიქრობ, რომ ხაბიბი განსაკუთრებულია, ის განსხვავებულია, ძლიერია და ის ლეგენდაა. ჩვენ ვართ ერთი და იგივე არეალიდან, კავკასიიდან, ჩვენ კავკასიელები ვართ, თუმცა ხაბიბი სხვა მხარესაა, ჩვენ სხვა მხარეს.
ჩვენ მსგავსი კულტურის ადამიანები ვართ. განსხვავება ისაა, რომ ისინი მუსლიმები არიან, ჩვენ ქრისტიანები, ახლო ადამიანები ვართ. მაგრამ საქმე ისაა, რომ ის წარმოადგენს რუსეთს.
ეს არის ჩემი ქვეყნის, საქართველოს რუკა, ეს საქართველოა და 2008 წელს რუსეთმა მისი კიდევ ერთი ნაწილის ოკუპაცია მოახდინა. როცა მე დავიბადე, 1991 წელს ჩემი სამშობლოს სხვა ნაწილი (აფხაზეთი) მიითვისეს და მე კიდევ ერთხელ ვიტყვი, რუსეთის მიერ ოკუპირებულია საქართველოს 20% და ახლა ისინი იგივეს აკეთებენ უკრაინაში.
მინდა ხმამაღლა ვთქვა, რომ იმედია შევძლებთ ამ ომის შეჩერებას, ეს სიგიჟეა, ადამიანები ყოველ დღე კვდებიან და მე არაფრის გაკეთება არ შემიძლია და არავის არაფრის გაკეთება არ შეუძლია. ყველანი ვაწესებთ სანქციებს, მაგრამ არ ვიცი როგორ შევძლებთ ამის შეჩერებას", - თქვა მერაბ დვალიშვილმა.