1743694715
მიმდინარე წლის 23-26 იანვარს, საქართველოს მშვილდოსნობის ეროვნული ფედერაციის და მარნეულის მუნიციპალიტეტის სპორტული სკოლის ორგანიზებით, ასევე სპორტის სამინისტროს და მარნეულის მუნიციპალიტეტის ადგილობრივი თვითმმართველობის მხარდაჭერით, “აზერბაიჯან ჰაუსის” სპორტულ ცენტრში გაიმართა საქართველოს ჩემპიონატი მშვილდოსნობაში, 18 მეტრ დისტანციაზე, სამ ასაკობრივ კატეგორიაში.
ჩემპიონატი გაიმართა 15 წლამდე, 21 წლამდე და 21+ ასაკობრივ კატეგორიაში, მსოფლიო მშვილდოსნობის ფედერაციის WORLD ARCHERY" (WA) -ის წესების მიხედვით, სადაც მონაწილეობა მიიღო სპორტსმენების უპრეცედენტო რაოდენობამ, ჯამში საპრიზო ადგილებისთვის 80-მდე სპორტსმენი იბრძოდა.
ჩემპიონატმა და მასში მონაწილეთა რაოდენობამ აჩვენა რომ, ყოველწლიურად იზრდება ინტერესი სპორტის ამ სახეობის მიმართ. მსგავსი ღონისძიებები ხელს უწყობს მშვილდოსნობის განვითარებას და აძლევს სპორტსმენებს პლატფორმას, რათა წარმოაჩინონ საკუთარი ნიჭი და გამოცდილება.
ტურნირის ჩემპიონები და პრიზიორები დაჯილდოვდნენ მედლებით, დიპლომებით და ფულადი პრიზით.
ჩემპიონატზე გათამაშდა მარნეულის მუნიციპალიტეტში მშვილდოსნობის ფუძემდებლის, გიორგი გორდეზიანის სახელობოს თასი, რომელიც მოიპოვა ანრი ბასილაძემ და გადაეცა ფულადი პრემია 2000 ლარის ოდენობით.ღონისძიებას ესწრებოდნენ: საქართველოს მშვილდოსნობის ეროვნული ფედერაციის პრეზიდენტი-სიმონ ნოზაძე, ფედერაციის ვიცე პრეზიდენტი ხათუნა ნარიმანიძე და მარნეულის მუნიციპალიტეტის სპორტული სკოლის დირექტორი, მამუკა ნავერიანი.
