კვარაცხელია „ნაპოლის“ თურქეთში გაჰყვა - როდის გაიმართება მატჩები

კვარა

ხვიჩა კვარაცხელია „ნაპოლისთან“ ერთად თურქეთშია და სეზონის განახლებისთვის მოემზადება.

იტალიის ჩემპიონატის ლიდერი თურქეთში ზამთრის მოსამზადებელ ეტაპს ჩაატარებს და ორ ამხანაგურ მატჩსაც გამართავს – ლუჩანო სპალეტის გუნდი „ანტალიასპორსა“ და „კრისტალ პალასს“ დაუპირისპირდება.

იტალიელები ანტალიაში უკვე გაემგზავრნენ და თურქეთში 11 დეკემბრამდე ივარჯიშებენ. 

„არეანაპოლის“ ცნობით, საბოლოოდ გადაწყდა მეტოქეებიც და მატჩის გამართვის თარიღიც – ლუჩანო სპალეტის გაწვრთნილები „ანტალიასპორთან“ 7 დეკემბერს ითამაშებენ, ხოლო ინგლისურ „კრისტალ პალასს“ კი 11 დეკემბერს შეხვდებიან.

სპალეტიმ შეკრებაზე გასამგზავრებელ მოთამაშეთა სიაში დაასახელა ხვიჩა კვარაცხელიაც და ამირ რაჰმანიც, რომლებმაც 2022 წლის სერია A-ს ბოლო რამდენიმე თამაში ტრავმების გამო გამოტოვეს.