კილიან მბაპე საავადმყოფოში გადაიყვანეს

მადრიდის „რეალისა“ და საფრანგეთის ეროვნული ნაკრების ვარსკვლავი, კილიან მბაპე ჰოსპიტალიზებულია. ინფორმაციას ამის შესახებ ცნობილი იტალიელი ჟურნალისტი ავრცელებს.

ფაბრიციო რომანოს ინფორმაციით, ფეხბურთელის კლინიკაში გადაყვანის მიზეზი მწვავე გასტროენტერიტი გახდა.

„კილიან მბაპე საავადმყოფოში მწვავე გასტროენტერიტის გამო გადაიყვანეს. ის უკვე გადის სამედიცინო შემოწმებას და ჩაიტარებს შესაბამის მკურნალობას. ინფორმაციას ოფიციალურად ადასტურებს მადრიდის „რეალიც“, - წერს ჟურნალისტი.