"ჩვენი ოცნება ჯერ კიდევ ცოცხალია" - კრიშტიანუ რონალდო

„მსოფლიო ჩემპიონატის მერვედფინალში ვართ. დიდი სამუშაო შეასრულა გუნდმა. მაღალი კლასის მეტოქესთან მატჩში დავამტკიცეთ ჩვენი ძალა და დონე. ბრძოლას ვაგრძელებთ და ჩვენი ოცნება ჯერ კიდევ ცოცხალია. წინ პორტუგალია“, – ასეთი კომენტარი გააკეთა სოციალურ ქსელში პორტუგალიის ნაკრების თავდამსხმელმა, კრიშტიანუ რონალდომ 2022 წლის მსოფლიო ჩემპიონატის ჯგუფური ეტაპის მე-2 ტურში ურუგვაისთან გამარჯვებასა (2:0) და ტურნირის პლეი-ოფში მისი გუნდის გასვლაზე.

2022 წლის მსოფლიო ჩემპიონატის ჯგუფური ეტაპის მე-3 ტურში პორტუგალია სამხრეთ კორეას დაუპირისპირდება. მატჩი 2 დეკემბერს გაიმართება.