Netflix-მა „უცნაური ამბების“ მეხუთე სეზონის თიზერი გამოაქვეყნა

Netflix-მა პოპულარული სერიალის „უცნაური ამბების“ მეხუთე სეზონის პირველი თიზერი გამოუშვა. მოვლენები მეოთხე სეზონის ამბებიდან ერთი წლის შემდეგ განვითარდება. ახალი სერიების პრემიერის ზუსტი თარიღი ამ ეტაპზე კვლავ უცნობია, თუმცა შოუ ეკრანებზე 2025 წელს დაბრუნდება.

თვითონ თიზერში კი შოუს ფინალური სეზონის 8 სერიის სახელწოდებები გაამხილეს.

„უცნაური ამბების“ პრემიერა 2016 წელს შედგა, ამ დროისთვის ბოლო, მეოთხე სეზონი კი 2022 წლის 1-ელ ივლისს დასრულდა. შოუს ავტორების, ძმები დაფერების თქმით, სერიალის მეხუთე სეზონი ბოლო იქნება.