,,დიდი აღიარებაა, უდიდესი მუსიკოსის მხრიდან!" - ზაზა შენგელია ნუცა ბუზალაძის შესახებ ლაიონელ რიჩის ,,ტვიტს" ეხმაურება

„ბრავო რეკორდსის“ დამფუძნებელი, ზაზა შენგელია სოციალურ ქსელში ეხმაურება ლაიონელ რიჩის ,,ტვიტერში" გამოქვეყნებულ პოსტს, რომელიც ლეგენდარულმა მუსიკოსმა ნუცა ბუზალაძეს მიუძღვნა. 

როგორც ზაზა შენგელია წერს, ეს უკვე მეორედ, დიდი აღიარებაა უდიდესი მუსიკოსის მხრიდან. 

,,ლეგენდარულმა ლაიონელ რიჩიმ ამჯერად თავის ტვიტერის ექაუნთზე დადო პოსტი ნუცას შესახებ, რომელიც დაახლოებით ასე ითარგმნება - ,,ის გავლენა, რომელიც შენ გაქვს აუდიტორიაზე, არ ისწავლება, დიდებული სამუშაო გასწიე“.

ეს უკვე მეორე დიდი აღიარებაა უდიდესი მუსიკოსის, მაიკლ ჯექსონთან ერთად, ყველაზე დროის საუკეთესო ჰიტის, “We Are The World”-ის თანაავტორის მხრიდან.

ვფიქრობ, ბატონი ლაიონელი ნუცას მთავარი ლობისტია ამ კონკურსზე (თან ამას ვწერ, და თან არც კი მჯერა, რომ ეს ცხადში ხდება ), რაც ძალიან მიხარია, რადგანაც ჟიურის წევრებისგან, სწორედ მისი აზრი ნუცაზე არის ყველაზე საინტერესო და მნიშვნელოვანი პირადად ჩემთვის. უმნიშვნელოვანესია, რომ ლაიონელ რიჩიმ ეს პოსტი, სადაც ნუცასთვის ხმის მისაცემი ნომერიც წერია, მაშინ გამოაქვეყნა, როცა ჯერ კიდევ ხმის მიცემის დროითი ფანჯარა არ იყო დახურული. ეს ბევრ რამეზე მეტყველებს.

You Go Girl Nutsa Buzaladze", - წერს ზაზა შენგელია სოციალურ ქსელში.

ცნობისთვის, ,,ამერიკის ვარსკვლავის" ჟიურის წევრმა, ლეგენდარულმა მუსიკოსმა ლაიონელ რიჩიმ, ნუცა ბუზალაძის გამოსვლის შემდეგ ტვიტერზე პოსტი გამოაქვეყნა.