ჩემთვის სიგიჟეა, დილით გავიღვიძო და... - როგორია დემნა გვასალიას დღის რუტინა

ქართველი დიზაინერი, დემნა გვასალია ჟურნალისტის კითხვას, დილას ესკიზების ხატვით იწყებს თუ არა?! ასე პასუხობს:

„დილით გაიღვიძო და ესკიზების ხატვა დაიწყო, ეს სიგიჟეა. მუსიკოსზე ვარ დაქორწინებული, დილით ბასგიტარის ხმაზე ვიღვიძებ. საუზმეზე ისე ვართ, როგორც კლუბში რამდენიმე საათის შემდეგ. არ ვაზვიადებ, დღეს დილით მეზობლებმა დაგვიკაკუნეს, ხმამაღალი მუსიკის გამო.

ჩემთვის სიგიჟეა, დილით გავიღვიძო და ესკიზებზე მუშაობა დავიწყო. შეიძლება იმიტომ რომ მოდაში არ „ვცხოვრობ“, ჩემი სივრცე მაქვს. შუადღემდე ჩემს ცხოვრებაში მოდა არ შემოდის.“- ამბობს „ბალენსიაგას“ კრეატიული დირექტორი.