VIDEO: „მარტო მიწის ხმა მოკლავდა ადამიანს... სამშვიდობოს გასულს გამახსენდა რომ იქ ოჯახის წევრები დავტოვე...“ - შემზარავი ტრაგედიის დეტალები

დავით ჯელაძე და მისი ოჯახის 9 წევრი, 3 აგვისტოს, შოვში სასეირნოდ იმყოფებოდნენ, როცა მოულოდნელად ღრიალის ხმა გაიგეს.

მთიდან მათკენ უზარმაზარი ღვარცოფი მოდიოდა. წამებში ისინი სტიქიის ეპიცენტრში მოყვნენ. დავითი 6 წლის დისშვილთან ერთად ცალკე აღმოჩნდა და 2 საათზე მეტი დასჭირდა, ზურგზე მოკიდებული მაშო ღვარცოფიდან ხოხვით რომ გაეყვანა, რის შემდეგაც ისევ ოჯახის წევრებთან დაბრუნდა.

ისინი ღვარცოფის მიერ მოტანილ მასაში, 4 საათის განმავლობაში ნახევრად მიწაში ჩაფლულები იყვნენ და დახმარებას ელოდნენ. 

რეპორტაჟი „მთის ამბები“