VIDEO: ეს კადრები უმძიმესი და ემოციური სანახავია - როგორც ცდილობს მაშველი შოვში, ადამიანების პოვნას

ონის მუნიციპალიტეტში, შოვში, სტიქიის ზონაში, მეექვსე დღეა, სამაშველო ღონისძიება გრძელდება.

მთელი ღამის განმავლობაში სტიქიის ზონაში სპეციალური განათებებით უწყვეტ რეჟიმში მიმდინარეობდა სამძებრო-სამაშველო ღონისძიება. ამასთან, ადგილზე სამუშაოებს განაგრძობენ თავდაცვის ძალების სამხედროები. დამეწყრილ ტერიტორიაზე, სადაც გადაადგილება შეუძლებელი იყო, ასაწყობი საფეხმავლო ხიდები დამონტაჟდა.

შოვში მეწყერი 3 აგვისტოს ჩამოწვა. ამ დროისთვის არსებული მონაცემებით, დაღუპულია 18 ადამიანი, სტიქიის ზონაში კი 17 ადამიანს ეძებენ.

სამაშველო ღონისძიების ფარგლებში უსაფრთხო ადგილას გადაყვანილია 200-ზე მეტი ადამიანი. ვრცელდება შემზარავი და ემოციური კადრები შოვიდან - როგორც ცდილობს მაშველი ადამიანების პოვნას.