რუსთავში ხანძარს ქალი ემსხვერპლა

ხანძარი

რუსთავში, მარის არხის დასახლებაში ხანძარს ქალი ემსხვერპლა.

ამის შესახებ ინფორმაციას "ინფო რუსთავი" ავრცელებს. სააგენტოს ცნობით, ცეცხლი ერთ-ერთ ფიცრულში გაჩნდა, სადაც 70 წლამდე ქალი იმყოფებოდა. ქალმა ფიცრულის დატოვება ვერ მოახერხა და ადგილზევე დაიღუპა.

ფიცრულში ცეცხლი, სავარაუდოდ, ელექტრო გამათბობლისგან გაჩნდა.

ადგილზე მობილიზებული იყო სახანძრო-სამაშველო, საპატრულო და კრიმინალური პოლიციის ეკიპაჟები.