ქუთაისში კაცს მანქანა დაეჯახა

ქუთაისში, ნინოშვილის ქუჩაზე მანქანა ქვეითს დაეჯახა. ინფორმაციას „ინფო იმერეთი“ ავრცელებს. როგორც სააგენტო თვითმხილველებზე დაყრდნობით იუწყება, მძღოლი ადგილიდან არ მიმალულა.

„ნაგავს ყრიდა ეს კაცი და მანქანა დაეჯახა. იმედია, ყველაფერი კარგად ჩაივლის“, - ამბობენ თვითმხილველები.

ადგილზე მობილიზებული იყო პოლიცია. დაშავებულის ჯანმრთელობის მდგომარეობის შესახებ ინფორმაცია ამ ეტაპზე უცნობია.

მომხდარზე დაწყებულია გამოძიება.