იაპონიაში რამდენიმე ძლიერი მიწისძვრა დაფიქსირდა

სამშაბათს, ადგილობრივი დროით დილით ადრე, დასავლეთ იაპონიაში რამდენიმე მიწისძვრა მოხდა, მათ შორის, ერთი 6.2 მაგნიტუდის სიმძლავრის იყო, რომლის ეპიცენტრები შიმანეს პრეფექტურასა და მეზობელ ტოტორის პრეფექტურაში იყო.

abcnews-ის ინფორმაციით, პირველი მიწისძვრა სამხრეთ წყნარი ოკეანის სტანდარტული დროით დილის 10:18 საათზე მოხდა, მისი სიმძლავრე 6.2 მაგნიტუდა იყო, დაახლოებით 10 კილომეტრის სიღრმეზე, რაც იაპონიის სეისმური ინტენსივობის შკალით 5 ბალის ზედა ზღვარს შეესაბამება. ამას მალევე მოჰყვა მეორე მიწისძვრა, რომლის სიმძლავრე 5.1 მაგნიტუდა იყო, რაც 5.0 ბალის ქვედა ზღვარს შეესაბამება.

მედიის ცნობით, რხევითი მოძრაობები ფართოდ იყო გავრცელებული და დამატებითი ბიძგები გვიან დილამდე გრძელდებოდა.

იაპონიის მეტეოროლოგიური სააგენტო აცხადებს, რომ ცუნამის რისკი არ არსებობს, თუმცა აღნიშნავს, რომ 5.0 მაგნიტუდამდე მიწისძვრები შეიძლება დაახლოებით ერთი კვირის განმავლობაში გაგრძელდეს.