„დღეს მხოლოდ ერთი ცხედარია ნაპოვნი...“ - იდენტიფიცირებულია რამდენიმე დაღუპული

შოვში მიმდინარე სამძებრო სამუშაოების შედეგად, დღეს მხოლოდ ერთი ცხედარია ნაპოვნი. ამის შესახებ საგანგებო სიტუაციების სამსახურის ხელმძღვანელმა განაცხადა. თემურ მღებრიშვილის თქმით, ფართოვდება სამძებრო სამუშაოების არეალი და გაყვანილია გზის 70%.

"დილიდან მოხერხდა მოზარდის ცხედრის ამოსვენება, გადასვენებულია პროზექტურაში...მიმდინარეობს საძიებო სამუშაოები აქტიურად. ამ ეტაპისთვის ჯერჯერობით მხოლოდ ერთი ცხედარია ნაპოვნი. გზა ბოლომდე ჯერჯერობით მიყვანილი არ არის, თუმცაღა ძირითადი, დაახლოებით გზის  70% გაყვანილია და მიმდინარეობს ამ წუთებშიც გზის გაყვანა.'' - განაცხადა თემურ მღებრიშვილმა.

დღეს რამდენიმე დაღუპულის იდენტიფიცირებაც მოხდა. მათ შორის, 7 წლის ლუკა დუდაშვილის, 18 წლის სამირა ისაევას, 60 წლის მარინა ხორბალაძის, დავით ბერიაშვილის.