ბათუმში, ზღვაში მომხდარ აფეთქებაზე შსს განცხადებას ავრცელებს

ბათუმში, ზღვაში მომხდარ აფეთქებაზე შსს განცხადებას ავრცელებს. როგორც უწყებაში აცხადებენ, აფეთქების ადგილზე ამ დროისთვის ყველა საჭირო ღონისძიება ტარდება.

,,შინაგან საქმეთა სამინისტროს საზოგადოებრივი უსაფრთხოების მართვის ცენტრ "112-ში" შემოვიდა შეტყობინება ქალაქ ბათუმში, ზღვაში მომხდარ აფეთქებასთან დაკავშირებით. 

შეტყობინების მიღებისთანავე, ადგილზე გამოცხადნენ შინაგან საქმეთა სამინისტროს შესაბამისი დანაყოფების თანამშრომლები, მათ შორის მეხანძრე-მაშველები, საპატრულო პოლიციისა და კრიმინალური პოლიციის წარმომადგენლები.

ასევე, ადგილზე იმყოფებიან გამნაღმველებიც. 

ამ დროისთვის ტარდება ყველა საჭირო ღონისძიება. გამოძიება საქართველოს სისხლის სამართლის კოდექსის 229-ე მუხლის 1-ლი ნაწილით მიმდინარეობს, რაც აფეთქებას გულისხმობს", - აღნიშნულია განცხადებაში.