ავარიას სკოლის დირექტორი ემსხვერპლა

სამეგრელოში ავტოსაგზაო შემთხვევა მსხვერპლით დასრულდა.

ავარია წალენჯიხის მუნიციპალიტეტის სოფელ საჩინოში მოხდა.

გავრცელებული ინფორმაციით, ამავე სოფლის მკვიდრი და სკოლის დირექტორი, ეკა ფიფია, საკუთარი სახლის წინ მანქანას აბრუნებდა, რა დროსაც საჭე ვერ დაიმორჩილა და ხევში გადაიჩეხა.

მანქანა და ქალის ცხედარი შემთხვევის ადგილიდან ამოყვანილია.

შინაგან საქმეთა სამინისტროს ცნობით, მომხდარზე დაწყებულია გამოძიება.