ავარია ქედაში - ცნობილია, ვინ არის გარდაცვლილი ახალგაზრდა

ქედაში ავტოსაგზაო შემთხვევა მსხვერპლით დასრულდა.

სოფელ მერისში, მსუბუქი ავტომობილი, რომელსაც 32 წლის ნიკა გორგაძე მართავდა, გზიდან ხევში გადავარდა. შემთხვევის დროს ავტომობილში მხოლოდ მძღოლი იმყოფებოდა.

დაშავებული მძიმე დაზიანებებით ქედის „ევექსის“ კლინიკაში შეიყვანეს.

სამედიცინო დაწესებულებაში განმარტეს, რომ პაციენტი საავადმყოფოში შეყვანისთანავე გარდაიცვალა.

გარდაცვლილს მეუღლე და ორი მცირეწლოვანი შვილი ჰყავს.

წყარო: აჭარაnews