ხვიჩა კვარაცხელია

„მიხარია, რომ ამ გუნდის ნაწილი ვიყავი“ - როგორ დაემშვიდობა ხვიჩა ნაპოლის

ხვიჩა კვარაცხელიას ყოფილმა კლუბმა, „ნაპოლიმ“ ცოტა ხნის წინ მეოთხე „სკუდეტოს“ აღსანიშნავად გადაღებული ფილმის, სახელწოდებით AG4IN-ის პრემიერა მოაწყო, რომელიც მთლიანად იტალიის ჩემპიონობისკენ განვლილ გზას ეხება. ფილმში რეჟისორებმა ხვიჩა კვარაცხელიას დამშვიდობების კადრების შეიყვანეს. კერძოდ, მოცემულია ქართველი ფეხბურთელის სიტყვით მიმართვა, როდესაც ის პსჟ-ში გადასვლამდე აწ უკვე ყოფილ თანაგუნდელებს ემშვიდობებოდა. როგორც ცნობილი ხდება, ხვიჩა „ნაპოლის“ ფეხბურთელებს „კასტელ ვოლტურნოში“, „ატალანტასთან“ მატჩის წინ დაემშვიდობა. კადრებში ჩანს, რომ ქართველმა შემტევმა სიტყვით გამოსვლის დროს ცრემლებიც ვერ შეიკავა. რას ამბობს კვარა დამშვიდობებისას:„ბიჭებო, მინდა ყველას მადლობა გადაგიხადოთ, რადგან თქვენგან ბევრი რამ ვისწავლე და მიხარია, რომ ამ გუნდის ნაწილი ვიყავი. გისურვებთ ყველაფერს საუკეთესოს...“განაგრძე კითხვა

Crystalsport • 1758808740

„მის წინააღმდეგ თამაში საშინელებაა“ - ვეტერანი ფრანგი ხვიჩაზე

ვეტერანმა ფრანგმა ფეხბურთელმა და „ბორდოს“, „სენტ-ეტიენისა“ და „სევილიას“ ყოფილმა მცველმა, ბენუა ტრემულინასმა ოქროს ბურთის დაჯილდოვებაზე თავისი აზრი დააფიქსირა და ხვიჩა კვარაცხელიას შესახებაც ისაუბრა. ტრემულიანი ამჟამად გავლენიანი ფრანგული გამოცემა L’Equipe-ს კონსულტანტად მუშაობს. ვეტერანი ფეხბურთელი ამბობს, რომ ხვიჩა ოქროს ბურთის საბოლოო რეიტინგში უფრო მაღალ ადგილს იმსახურებდა. რა თქვა ტრემულინასმა:„საშინელებაა კვარას მსგავსი მოთამაშის წინააღმდეგ თამაში. ერთხელ, ორჯერ, სამჯერ შეგიძლია პირველი სამი დუელის მოგება, მაგრამ ის ცდას მაინც გააგრძელებს და მეოთხე ცდაზე მოგიგებს. ამით არ იღლება, საპასუხოდ კი შენ ძალიან გღლის…“განაგრძე კითხვა

ტაბლოიდი • 1758701708

რა ღირს ნიცა თავაძის კაბა, რომელიც PSG Foundation Gala-ზე მოირგო

ნიცა თავაძემ The Gala for the Fondation PSG-ის საღამოზე კვლავ მოხიბლა საზოგადოება.კაბა, რომელიც ხვიჩა კვარაცხელიას მეუღლემ საქველმოქმედო საღამოზე მოირგო ძალიან ჰყავს Vivienne Westwood-ის Nova Cocotte crêpe satin gown მოდელს.ერთ-ერთ ყველაზე ცნობილ ონლაინ ვაჭრობის პლატფორმაზე კაბის ფასი €4,299-ია.რაც შეეხება აქსესუარებს, ნიცას ხელში Rabanne-ს ოქროსფერი „Iconic Nano 1969 mini bag“ ეჭირა, რომლის ღირებულებაც $1,080 შეადგენს.

სპორტი • 1758626225

ვილი სანიოლი ხვიჩა კვარაცხელიაზე - ასე მგონია, სხვა ეპოქის ფეხბურთელს ვუყურებ

„ფეხბურთი ჩემი ცხოვრებაა. ეს თამაში მაბედნიერებს და მიხარია, რომ ოცნების ახდენის საშუალება მომცა“, – ეს სიტყვები ნაწყვეტია ხვიჩა კვარაცხელიაზე ლიგა 1-ის მიერ გადაღებული დოკუმენტური ფილმიდან.„კარგად ვიცოდი, ბავშვობაში სად უნდა მეპოვა მეგობრები – ისინი სტადიონზე იყვნენ. ბავშვობა ჩემთვის ძალიან ბევრს ნიშნავს, რადგან ის ფეხბურთთანაა დაკავშირებული.„მამა – ბადრი კვარაცხელია ფეხბურთელი იყო. დედას მამის თამაშების ჩანაწერები ჰქონდა შემონახული. მათი ყურებისას მქონდა შეგრძნება, რომ ეს ნამდვილი სასწაული იყო და ვამბობდი, რომ მამა საუკეთესო იყო. ბადრისგან ძალიან ბევრი რამ ვისწავლე. შეიძლება ითქვას, რომ ფეხბურთი გენში გვაქვს. როცა ჩემპიონთა ლიგა მოვიგე, ჩემს ქვეყანაზე ვფიქრობდი. ყველაფერი ხომ სწორედ იქ დაიწყო.…ბოლომდე გავაცნობიერე, რომ დღევანდელ ფეხბურთში წარმატების მიღწევის მეტი შანსი იმ თავდამსხმელს აქვს, ვინც დაცვაში კარგად თამაშობს. ზოგადად, ეს ჩემთვის ძალიან დიდი პასუხისმგებლობაა. ყველაფერს, რასაც მინდორზე და მინდვრის მიღმა ვაკეთებ, ყველა ყურადღებით აკვირდება. ამიტომ ქართველი ახალგაზრდებისთვის მისაბაძი მაგალითი უნდა ვიყო“, – ამბობს ხვიჩა კვარაცხელია.საქართველოს ეროვნული ნაკრების ლიდერზე გუნდის ფრანგმა მთავარმა მწვრთნელმა, ვილი სანიოლმა ისაუბრა: „როდესაც ის მოედანზეა, ეს მისწრებაა კარგი შედეგის მისაღწევად და არა „ინსტაგრამის“ ფოტოებისთვის. ისეთი შთაბეჭდილება მრჩება, რომ სხვა ეპოქის ფეხბურთელს ვუყურებ“.

სპორტი • 1758563907

„როდესაც ჩემპიონთა ლიგა მოვიგე, პირველი, რაც გამახსენდა, საქართველო იყო...“ - კვარაცხელიაზე დოკუმენტური ფილმი გადაიღეს

ხვიჩა კვარაცხელია საფრანგეთის ლიგა 1-მა ხვიჩა კვარაცხელიაზე დოკუმენტური ფილმი გადაიღო, რომლის რამდენიმე ნაწყვეტიც DAZN-მა გაავრცელა.ქართველმა ფეხბურთელმა საინტერესო თემებზე ისაუბრა და ლიგა 1-მა ვილი სანიოლის კომენტარიც შემოგვთავაზა.„ფეხბურთი ჩემი ცხოვრებაა. ფეხბურთის თამაში მაბედნიერებს. ბედნიერი ვარ, რომ ოცნება ავიხდინე და ფეხბურთი ჩემთვის ყველაფერს ნიშნავს. როდესაც პატარა ვიყავი, ფეხბურთელების ვიდეოები არ იდო ხოლმე. დედაჩემს მამაჩემის თამაშის კასეტები ჰქონდა შენახული და რომ ვნახულობდი როგორ გოლებს იტანდა, ჩემთვის რაღაც სასწაული იყო. მეგონა, რომ ის საუკეთესო ფეხბურთელი იყო და მისგან ბევრი რამ ვისწავლე.როდესაც ჩემპიონთა ლიგა მოვიგე, პირველი, რაც გამახსენდა, საქართველო იყო, რადგან ყველაფერი სწორედ იქ დაიწყო. საქართველოს ნაკრებსა და პარი სენ-ჟერმენში თამაში ჩემთვის უდიდესი პასუხისმგებლობაა. ყველაფერს, რასაც მოედანზე და მის მიღმა ვაკეთებ, მთელი ყურადღებით აკვირდებიან და მინდა, ქართველი ახალგაზრდებისთვის მისაბაძი მაგალითი ვიყო“, - განაცხადა კვარაცხელიამ.

სპორტი • 1758560766

ხვიჩა კვარაცხელია „ოქროს ბურთის“ გამოკითხვაში მე-12 ადგილზე გავიდა

საქართველოს ეროვნული ნაკრების და ფრანგული „პარი სენ-ჟერმენის“ თავდამსხმელი ხვიჩა კვარაცხელია 2025 წლის „ოქროს ბურთის“ ფინალში მოხვდა და საბოლოო სიაში მე-12 ადგილზე გავიდა, – ინფორმაციას გამოკითხვის ორგანიზატორი გამოცემა France Football-ი ავრცელებს.ქართველმა მსოფლიო ფეხბურთის ისეთ ვარსკვლავებს გადაასწრო, როგორებიც – ვინისიუსი, რობერტ ლევანდოვსკი, ჰარი კეინი, ლაუტარო მარტინესი, ჯუდ ბელინგემი, დეზირე დუე და სხვები არიან.„პარი სენ-ჟერმენთან“ ერთად კვარაცხელიამ 2025 წელს საფრანგეთის ჩემპიონატი, ქვეყნის თასი, ჩემპიონთა ლიგა და უეფა-ს სუპერ თასი მოიგო.2025 წლის „ოქროს ბურთის“ გამარჯვებული მოგვიანებით გახდება ცნობილი.1TVSPORT

ტაბლოიდი • 1758558072

ნიცა თავაძე პრესტიჟული გამოცემის კამპანიაში - ფოტოები, რომელშიც ვერ იცნობთ

ეროვნული ნაკრების ფეხბურთელის, ხვიჩა კვარაცხელიას მეუღლე პრესტიჟული გამოცემის კამპანიაში გამოჩნდა. ნიცა თავაძემ Boygar’s-ის გადაღებაში მიიღო მონაწილეობა. მისი თვალისმომჭრელი ფოტოები ქართულმა ჟურნალმა Whyte Magazin-მ გამოაქვეყნა.„ეს ჟურნალი ჩვენი სურვილიდან დაიბადა, რომ საქართველო წარმოგვეჩინა იმ ხედვით, რომელსაც ის გვთავაზობს - ნაცნობი ახლებურად დავინახოთ“- ვკითხულობთ გავრცელებულ ინფორმაციაში.ჟურნალში ასევე წარმოდგენილია ექსკლუზიური ინტერვიუ დეივიდ კომასთან. აქვე, შეხვდებით წამყვან მოდელებსა და ფოტოგრაფების ნამუშევრებს.

სპორტი • 1758536103

France Football-ის რედაქტორი ვინსენტ გარსია - ერთადერთი ადამიანი ვარ, ვინც „ოქროს ბურთის“ გამარჯვებულის ვინაობა იცის

ერთადერთი ადამიანი ვარ, ვინც „ოქროს ბურთის“ გამარჯვებულის ვინაობა იცის, – ამის შესახებ გამოცემა France Football-ის რედაქტორი ვინსენტ გარსია აცხადებს.როგორც გარსია ამბობს, 2025 წლის მსოფლიოს საუკეთესო ფეხბურთელის გამოვლენისას რამდენიმე კრიტერიუმზე იყო გამახვილებული ყურადღება.„ერთადერთი ადამიანი ვარ, ვინც „ოქროს ბურთის“ გამარჯვებულის ვინაობა იცის. გამარჯვებულის გამოვლენისას რამდენიმე კრიტერიუმზე გამახვილდა ყურადღება – ინდივიდუალურ ასპარეზობაზე, რამდენად გადამწყვეტი იყო ამა თუ იმ მოთამაშის როლი, ტიტულებზე, სამართლიანი თამაშის წესებსა და იმაზე, როგორ იქცეოდა ფეხბურთელი მოედანზე და მის მიღმა.ბევრი პროგნოზია, თუმცა გამარჯვებულის შესახებ მხოლოდ ბოლო მომენტში შეიტყობთ. „ოქროს ბურთის“ გამარჯვებულმა ჯერ თავადაც არაფერი იცის“, – განაცხადა გარსიამ.გამოცემა France Football-ი „ოქროს ბურთის“ დაჯილდოებას 1956 წლიდან ატარებს. 2025 წლის ჯილდოზე 30 ფეხბურთელია ნომინირებული, მათ შორის საქართველოს ნაკრებისა და „პარი სენ-ჟერმენის“ თავდამსხმელი ხვიჩა კვარაცხელია.დაჯილდოების ოფიციალური ცერემონია 22 სექტემბერს, თბილისის დროით 22:00 საათზე დაიწყება

სპორტი • 1758526635

სპორტული კვლევების საერთაშორისო ცენტრმა წლის საუკეთესო ფეხბურთელად ლამინ იამალი დაასახელა

სპორტული კვლევების საერთაშორისო ცენტრმა (CIES) წლის საუკეთესო ფეხბურთელად „ბარსელონას“ გარემარბი ლამინ იამალი დაასახელა.CIES-მა გამოაქვეყნა ბოლო ერთი წლის პერიოდში (2024 წლის 22 სექტემბრიდან მოყოლებული) 100 საუკეთესო ფეხბურთელის სია.რეიტინგი, რომელსაც ეწოდება „ოქროს ბურთი CIES-სგან“, შედგენილია რამდენიმე კატეგორიაში (დარტყმების რაოდენობა და ეფექტურობა, დასარტყმელი პასების რაოდენობა, წარმატებული ფინტები, ჰაერში თამაში, მოგებული ორთაბრძოლები და ა.შ.) მონაცემების მიხედვით. ასევე გათვალისწინებული იყო მატჩების დონე და შედეგები.მაქსიმალური ქულა (100-დან 100) ლამინ იამალმა მიიღო...ხვიჩა კვარაცხელია 25-ე ადგილზეა, „ინტერ მაიამის“ ფორვარდმა ლიონელ მესიმ 23-ე ადგილი დაიკავა, კრიშტიანო რონალდო („ალ-ნასრი“) სიაში ვერ მოხვდა.

სპორტი • 1758523626

„ოქროს ბურთის“ დაჯილდოებას „პარი სენ-ჟერმენის“ ექვსი ფეხბურთელი ვერ დაესწრება, მათ შორის ხვიჩა კვარაცხელია

„ოქროს ბურთის“ 2025 წლის დაჯილდოებას „პარი სენ-ჟერმენის“ ექვსი ფეხბურთელი ვერ დაესწრება, – ინფორმაციას გამოცემა L’Équipe ავრცელებს.21 სექტემბერს ჩემპიონთა ლიგის მოქმედ გამარჯვებულს საფრანგეთის ჩემპიონატის მეხუთე ტურის შეხვედრა „მარსელთან“ უნდა ჩაეტარებინა, თუმცა მატჩი უამინდობის გამო გადაიდო და 22 სექტემბერს თბილისის დროით 22:00 საათზე დაიწყება, „ოქროს ბურთის“ ცერემონიის პარალელურად.როგორც გამოცემა წერს, წლის საუკეთესო ფეხბურთელის დაჯილდოებას ვერ დაესწრებიან – ლუკა შევალიე, აშრაფ ჰაკიმი, ნუნუ მენდეში, ვიტინია, ფაბიან რუისი და ხვიჩა კვარაცხელია. პარიზში, „შატლეს თეატრში“ წარმოდგენილები იქნებიან „პარი სენ-ჟერმენის“ ის ფეხბურთელები, რომლებიც ტრავმირებულები არიან, მათ შორის „ოქროს ბურთის“ მოგების მთავარი ფავორიტი უსმან დემბელე.ასევე ცნობილი გახდა, რომ ღონისძიებაზე იქნება კლუბის პრეიზიდენტი ნასერ ალ-ხელაიფი, ხოლო მთავარმა მწვრთნელმა, ლუის ენრიკემ „ოქროს ბურთის“ დაჯილდოებაზე დასწრების სურვილი არ გამოთქვა და ის გუნდს „მარსელთან“ მატჩში გაუძღვება.

სპორტი • 1758519499

„ოქროს ბურთის“ დაჯილდოების ცერემონია დღეს გაიმართება. ნომინანტებს შორის ხვიჩა კვარაცხელიაა

2024/2025 წლის სეზონის საუკეთესო ფეხბურთელების დაჯილდოების ცერემონია დღეს გაიმართება.გამარჯვებულები სხვადასხვა ნომინაციაში გამოვლინდება. საუკეთესო ფეხბურთელის ტიტულისთვის ტრადიციულად 30 ფეხბურთელი იბრძვის, მათ შორის საქართველოს ეროვნული ნაკრების ვარსკვლავი ხვიჩა კვარაცხელია. მისი კონკურენტები არიან: კილიან მბაპე, რაფინია, უსმან დემბელე, ჯუდ ბელინგემი, დეკლან რაისი, ლამინ იამალი, ვიტიანია და სხვები.„პსჟ“-დან დაჯილდოების ცერემონიას მხოლოდ ტრავმირებული ფეხბურთელები დაესწრებიან, რადგან პარიზულ გუნდს საღამოს ეროვნული ჩემპიონატის მატჩის ჩატარება უწევთ, რომელიც გუშინ უამინდობის გამო გადაიდო.ცერემონია პარიზში, თბილისის დროით 22:00 საათზე დაიწყება.

სპორტი • 1758462884

„მარსელისა“ და „პარი სენჟერმენის“ მატჩი ძლიერი წვიმისა და მოსალოდნელი წყალდიდობის გამო გადაიდო

„საფრანგეთის ლიგა 1-ის მე-5 ტურის ცენტრალური დაპირისპირება „მარსელსა“ და ხვიჩა კვარაცხელიას „პარი სენჟერმენის“ შორის სტიქიის გამო გადაიდო“, – ინფორმაციას L’Équipe-ი ავრცელებს. „მატჩი გადაიდო ძლიერი წვიმის საფრთხის გამო, რაც ქალაქის ქუჩებში წყალდიდობის მნიშვნელოვან რისკს ქმნის.65 000 ადგილიანი „სტად ველოდრომი“ და მისი მიმდებარე ტერიტორია, რომელიც, სავარაუდოდ, გადატვირთული იქნებოდა, საფრთხის წინაშე დგას. ბუშ-დიუ-რონის რეგიონში წვიმის, წყალდიდობისა და ჭექა-ქუხილის გამო ნარინჯისფერი განგაში გამოცხადდა“, – განაცხადა ბუშ-დიუ-რონის დეპარტამენტის პრეფექტმა, ჟორჟფრანსუა ლეკლერმა.საფრანგეთის გამორჩეული კლუბების დაპირისპირება 21 სექტემბერს, თბილისის დროით 23:00 საათზე უნდა დაწყებულიყო.