სპორტი • 1775335547

შეუძლია მიყვიროს, რადგან ვიცი, რომ მას ჩემი კიდევ უფრო მეტი წინსვლა სურს... - კვარაცხელია ლუის ენრიკეზე

„ლუის ენრიკესთან ძალიან კარგი ურთიერთობა მაქვს. ის მწვრთნელია და შეუძლია მიყვიროს, რადგან ვიცი, რომ მას ჩემი კიდევ უფრო მეტი წინსვლა სურს. ის ყველაფერს მარტივად მიხსნის. ყოველთვის სურს, რაღაც გასწავლოს. როდესაც რჩევას გაძლევს, უბრალოდ უნდა გაითვალისწინო, რომ უკეთესი გახდე“, – ამბობს ხვიჩა კვარაცხელია Le Parisien-თან ინტერვიუში.„კვარაცხელიას გზავნილი ნათელია: ის უსმენს ლუის ენრიკეს, რაც არ უნდა მოხდეს. მწვრთნელები ხანდახან ბრაზდებიან, მაგრამ ქართველი ამაზე არ განაწყენდება. ეს ფეხბურთის ნაწილია და ესპანელის სიტყვებიდან ბევრი რამის სწავლა შეიძლება.მთელი კარიერის განმავლობაში ლუის ენრიკემ არაერთხელ აჩვენა მოთამაშეებისა და გუნდის განვითარების უნარი, რამაც ფეხბურთელების პატივისცემა და ნდობა მოუტანა“, – ეს უკვე Le Parisien-ის შეფასებაა.

Crystalsport • 1775049182

კვარა, ოსიმენი და სხვები - ვარსკვლავები, რომლებიც მუნდიალს დააკლდებიან

2026 წლის მსოფლიო ჩემპიონატის შესარჩევი ეტაპი ოფიციალურად დასრულდა და ტურნირზე მონაწილე 48 გუნდის ვინაობა საბოლოოდ გაირკვა.  რა თქმა უნდა, მუნდიალზე მრავლად იქნებიან წარმოდგენილნი მსოფლიო ფეხბურთის ვარსკვლავები, თუმცა არიან ისეთი ფეხბურთელებიც, რომლებიც 2026 წლის მსოფლიო ჩემპიონატს დააკლდებიან, რაც ყველა გულშემატკივრისთვის სამწუხარო იქნება.ასეთი ფეხბურთელების სია Goal.com-მა შეადგინა და ბუნებრივია, ამ მოთამაშეთა შორის საქართველოს ნაკრებისა და პსჟ-ს ვარსკვლავი, ხვიჩა კვარაცხელიაც მოხვდა.  რას წერს Goal.com-ი ხვიჩაზე:„საქართველო ევრო 2024-ის ერთ-ერთი აღმოჩენა იყო, ხოლო ხვიჩა კვარაცხელია, თავისი თავბრუდამხვევი გარღვევებითა და დაუღალავი შრომით, მერვედფინალამდე მათი გზის მთავარი მამოძრავებელი ძალა გახლდათ. თუმცა, „პარი სენ-ჟერმენის“ გარემარბი მომავალ ზაფხულს თავისი ნიჭის დემონსტრირებას ყველაზე დიდ სცენაზე ვერ შეძლებს...“განაგრძე კითხვა Crystalsport-ზე

Crystalsport • 1775049006

დემბელე, მბაპე და ხვიჩა - Sport-ი ლუის ენრიკეს მიდგომებზე წერს

 ესპანური გამოცემა Sport-ი პსჟ-ის მთავარ მწვრთნელის, ლუის ენრიკეს მიდგომებზე წერს და უსმენ დემბელეს მიერ „ოქროს ბურთის“ მოგებაში ასტურიელი სპეციალისტის წვლილზე ამახვილებს ყურადღებას.გამოცემის ჟურნალისტი ალექს კალაფი დემბელესა და კილიან მბაპეს შორის ავლებს პარალელს და აღნიშნავს, რომ ენრიკემ დემბელეს საუკეთესო ვერსია გვაჩვენა, მისი შემდეგი სამიზნე კი ხვიჩა კვარაცხელიაა.„უსმან დემბელეს „ოქროს ბურთი“ უბრალოდ წარმოუდგენელი იქნებოდა ლუის ენრიკეს გარეშე, ხოლო პსჟ-ის შარშანდელი სეზონი ასეთი წარმატებული ვერ იქნებოდა უსმანის ასეთი ვერსიის გარეშე. ლუის ენრიკემ დაარწმუნა ფრანგი, რომ მას შეუძლია, გუნდის ლიდერობა ითავოს, და რომ ამისთვის გოლებისა და საგოლე გადაცემების გარდა დაცვაში თამაშიცაა საჭირო...“განაგრძე კითხვა Crystalsport-ზე

Crystalsport • 1774957514

„დაუფასებელია, ხანდახან ხალხს ავიწყდება, რამდენად სტაბილურია“ | ფაბრიციომ ხვიჩაზე ისაუბრა

ცნობილმა ჟურნალისტმა და სატრანსფერო ექსპერტმა, ფაბრიციო რომანომ ხვიჩა კვარაცხელიაზე ისაუბრა. რომანომ „არსენალის“ ინტერესზე გააკეთა კომენტარი და „პარი სენ-ჟერმენის“ ქართველი ფეხბურთელი შეაქო. „ხვიჩა კვარაცხელია საქართველოს ნაკრების კაპიტანია.„კაშკაშებს და „პარი სენ-ჟერმენში“ საოცარ სამუშაოს ასრულებს. სიმართლე გითხრათ, ალბათ, დაუფასებელი ფეხბურთელიცაა, რადგან ხანდახან ხალხს ავიწყდება, პსჟ-ში რამდენად სტაბილურია...“განაგრძე კითხვა Crystalsport-ზე

სპორტი • 1774946298

TeamTalk: „პარი სენ-ჟერმენი“ ზაფხულში ხვიჩა კვარაცხელიას არ გაყიდის

„პარი სენ-ჟერმენმა“ ხვიჩა კვარაცხელიას ტრანსფრით დაინტერესებული ინგლისური კლუბები უარით გაისტუმრა, რადგან ქართველი ვარსკვლავის გაყიდვას არ აპირებს – ამის შესახებ გამოცემა TeamTalk-ი წერს.„„ლივერპული“ გაძლიერების მცდელობისას მნიშვნელოვან დაბრკოლებას წააწყდა: ახალი ინფორმაციით, „პარი სენ-ჟერმენმა“ მტკიცედ უარყო ხვიჩა კვარაცხელიას ტრანსფერის შესაძლებლობა, რომელსაც მერსისაიდელები ​​მოჰამედ სალაჰის შემცვლელად მოიაზრებდნენ.„ლივერპულის“ ინტერესი სერიოზული იყო, მაგრამ საბოლოოდ, უშედეგო გამოდგა. ბოლო ინფორმაციით, პსჟ კვარაცხელიას გუნდიდან გაშვებას არ დათანხმდება, არადა, შესაძლოა, რეკორდული ტრანსფერი განხორციელებულიყო.კვარაცხელიას ტრანსფერზე პარიზელებს „ლივერპულის“ გარდა, „არსენალი“ და „ჩელსიც“ დაუკავშირდნენ, მაგრამ იგივე პასუხი მიიღეს – ქართველი თავდამსხმელი ზაფხულში „პარი სენ-ჟერმენს“ არ დატოვებს.თუმცა გასათვალისწინებელია ფინანსური ასპექტი. ინგლისურმა კლუბებმა პსჟ-ის ხელმძღვანელობა რომ დააინტერესონ, რეკორდული შეთავაზება იქნება საჭირო, რაც დაახლოებით 160 მილიონი გირვანქა სტერლინგია (დაახლოებით 185 მლნ. ევრო). ეს შეფასება ასახავს როგორც კვარაცხელიას ნიჭს, ასევე სატრანსფერო ბაზარზე მის გაზრდილ ფასსაც“, – წერს გამოცემა.

Crystalsport • 1774641596

„თამაშებს იგებს და განსხვავებას ქმნის“ | Standard არსენალსა და კვარაზე წერს

ავტორიტეტული ბრიტანული გამოცემა, Standard-ი „არსენალისა“ და ხვიჩა კვარაცხელიას შესახებ გავრცელებულ ინფორმაციას გამოეხმაურა. Standard-მა „მეთოფეებს“ „კვარას“ გაფორმება ურჩია და განაცხადა, რომ ლონდონელებს სწორედ მისნაირი ფეხბურთელი სჭირდებათ.„არსენალისთვის ეს სეზონი როგორც არ უნდა დასრულდეს, უკვე ნათელია, რომ „მეთოფეებს“ მნიშვნელოვანი ზაფხული ელოდებათ. ზედიზედ ოთხი სეზონის განმავლობაში ჩემპიონობისთვის ბრძოლის შემდეგ, და განსაკუთრებით იმ გათამაშების ბოლოს, რომელშიც გუნდი ოთხივე ტურნირში შორს გავიდა, ფეხბურთელები როგორც მენტალურად, ისე ფიზიკურად ძალიან გადაღლილები იქნებიან. ეს ნიშნავს, რომ „არსენალის“ სპორტულ დირექტორს, ანდრეა ბერტას, ბევრი საქმე ექნება.განაგრძე კითხვაhttps://www.crystalsport.ge/news/83060-tamashebs-igebs-da-ganskhvavebas-kmnis--standard-arsenalsa-da-kvaraze-tsers 

სპორტი • 1774591805

„მიხარია, რომ ორი გოლის გატანა მოვახერხე, მაგრამ ასევე დამწუხრებული ვარ, რადგან ვერ მოვიგეთ“ - ხვიჩა კვარაცხელია

საქართველოს ეროვნული ნაკრების კაპიტანმა, ხვიჩა კვარაცხელიამ ისრაელის ნაკრებთან ფრედ დასრულებული ამხანაგური მატჩის შემდეგ პირველ არხთან კომენტარი გააკეთა.„შეიძლება, ის ხარისხი ვერ ვაჩვენეთ, რაც გვინდოდა, თუმცა ყველა მაქსიმალურად ცდილობდა შესაძლებლობების გამოვლენას. მივმართავ გულშემატკივრებს, ვმუშაობთ, რათა ახალი რაღაცები დავამუშაოთ სექტემბრის მატჩებისთვის და ალბათ, პრობლემა ის იყო, რომ მომენტებში ბევრი შეცდომა დავუშვით. ვფიქრობ, გუნდმა დადებითი რამეებიც აჩვენა, ვაგრძელებთ განვითარებას და იმედია, მივალთ იმ მიზნამდე, რომელიც დასახული გვაქვს. ყოველთვის დიდი მოტივაციაა, როცა საქართველოში ვთამაშობთ.ბედნიერები ვართ, რომ მათთვის, გულშემატკივრებისთვის ვთამაშობთ. მიხარია, ორი გოლის გატანა მოვახერხე, მაგრამ, ასევე, ცოტა დამწუხრებული ვარ, რადგან ვერ მოვიგეთ. ყველაფერი წინ არის, უნდა გავაგრძელოთ მუშაობა იმ დეტალებზე, რომელიც დასახვეწი გვაქვს და ჩემი აზრით, ყველაფერი ისე იქნება, როგორც გვინდა. მაყურებელს ვთხოვ, უბრალოდ დაგველოდონ“, - განაცხადა კვარაცხელიამ

სპორტი • 1774551240

საქართველოსა და ისრაელის ნაკრებების მატჩი ფრედ დასრულდა

საქართველოს ეროვნული საფეხბურთო ნაკრები 2026 წლის პირველ მატჩში მიხეილ მესხის სახელობის სტადიონზე ისრაელს დაუპირისპირდა – შეხვედრა ფრედ, 2:2 დასრულდა.მატჩის დაწყებამდე ფეხბურთის ფედერაციის ვიცე-პრეზიდენტმა, ალექსანდრე იაშვილმა ხვიჩა კვარაცხელიას 2025 წლის საუკეთესო მოთამაშის ჯილდო გადასცა.საქართველოს კათოლიკოს-პატრიარქის, ილია მეორის ხსოვნის პატივსაცემად შეხვედრა წუთიერი დუმილით დაიწყო.შემდეგ ამხანაგურ შეხვედრას ჩვენი გუნდი 29 მარტს გასვლაზე ლიეტუვასთან ჩაატარებს.  

სპორტი • 1774548900

ხვიჩა კვარაცხელიას ვერ აჩერებენ! - კაპიტანმა ისრაელის ნაკრებს მეორე გოლი გაუტანა

საქართველოს ნაკრები ისრაელთან მატჩში ორი ბურთით დაწინაურდა.მეორე ტაიმში, 54-ე წუთზე, ხვიჩა კვარაცხელიამ დუბლი შეასრულა – 2:0.ამხანაგური შეხვედრა მიხეილ მესხის არენაზე მიმდინარეობს.გურამ კაშიას სანაკრებო კარიერის დასრულების შემდეგ ეროვნული გუნდი კაპიტნის სამკლაურით ხვიჩა კვარაცხელიამ გაიყვანა. ვიცე-კაპიტანი კი ოთარ კიტეიშვილია.

სპორტი • 1774546800

კვარას გოლი! - საქართველოს ნაკრები ისრაელთან მატჩში დაწინაურდა

საქართველოს ნაკრები მიხეილ მესხის სახელობის სტადიონზე ამხანაგურ მატჩში ისრაელის ნაკრებს მასპინძლობს.შეხვედრის 36-ე წუთზე, მატჩის პირველი ტაიმის ერთადერთი გოლი საქართველოს ნაკრების კაპიტანმა ხვიჩა კვარაცხელიამ გაიტანა და ანგარიში – 1:0 გახდა.

სპორტი • 1774506082

საქართველოს საფეხბურთო ნაკრები წლის პირველ მატჩს ისრაელთან გამართავს

საქართველოს ეროვნული ნაკრები დღეს წლის პირველ შეხვედრას გამართავს. ვილი სანიოლის გუნდი თბილისში, „მიხეილ მესხი“ არენაზე ისრაელის ეროვნულ გუნდს დაუპირისპირდება. საქართველოსა და ისრაელის ნაკრებების ამხანაგური შეხვედრა 21:00 საათზე დაიწყება. მატჩის პირდაპირ რეპორტაჟს საქართველოს პირველი არხი და საქართველოს რადიო შემოგთავაზებთ.საქართველოს ნაკრები მატჩის წინა დღეს, ჩვენმა გუნდმა მიხეილ მესხის სახელობის სტადიონზე ივარჯიშა – შეკრებაზე გამოძახებული ფეხბურთელებიდან არ ჩანდნენ „უოტფორდის“ მოთამაშეები, გიორგი ჩაკვეტაძე და საბა გოგლიჩიძე, რომლებიც, დიდი ალბათობით, არ ითამაშებენ.საქართველოს ნაკრები წლის პირველი ამხანაგური მატჩით იწყებს ერთა ლიგის შეხვედრებისთვის მზადებას, რომელიც 2026 წელს „ჯვაროსნებისთვის“ ყველაზე მნიშვნელოვანი ტურნირი იქნება. ვილი სანიოლს გუნდის შეთამაშება სურს, განსაკუთრებით უკანა ხაზში, რადგან გურამ კაშიამ სანაკრებო კარიერის დასრულება გამოაცხადა – ნაკრების ახალი კაპიტანი კი ხვიჩა კვარაცხელია იქნება.

სპორტი • 1774443956

ხვიჩა კვარაცხელია: კაპიტნობა რთულია, მაგრამ შევეცდები, ჩემი თავის საუკეთესო ვერსია ვიყო

მიხეილ მესხის სახელობის სტადიონის საპრესკონფერენციო დარბაზში, საფეხბურთო ნაკრების მთავარ მწვრთნელთან, ვილი სანიოლთან ერთად, ნაკრების ახალი კაპიტანი ხვიჩა კვარაცხელია იმყოფებოდა და ისრაელთან მოახლოებულ შეხვედრაზე ისაუბრა.„უპირველესად მინდა, რომ საქართველოს ჩვენი პატრიარქის გარდაცვალება მივუსამძიმრო. ბედნიერი ვარ, რომ მასთან შეხვედრის ბედნიერება მქონდა.რაც შეეხება ისრაელთან მატჩს, ყველაფერს გავაკეთებთ, რომ საუკეთესო შედეგი დავაფიქსიროთ.რას ნიშნავს ჩემთვის კაპიტნობა და რა მიზნები მაქვს? ეს პასუხისმგებლობაა, მით უფრო, რომ კანკავას და კაშიას კაპიტნობის დროს დავიწყე ნაკრებში თამაში. შევეცდები, ჩემი თავის საუკეთესო ვერსია ვიყო.მსაჯებთან პრობლემები მაქვს? არ ვფიქრობ, რომ ასეა. თუმცა, როდესაც ნაკრების კაპიტანი ხარ, უფრო მობილიზებული უნდა გახდე და შევეცდები, ასეთი ვიყო“.საქართველოს ეროვნული ნაკრები წლის პირველ მატჩს 26 მარტს თბილისში, „მიხეილ მესხი არენაზე“ გამართავს და ისრაელს დაუპირისპირდება, ხოლო 29 მარტს ლიეტუვას კაუნასში ესტუმრება. ორივე შეხვედრის რეპორტაჟს საქართველოს პირველი არხი და პირველი არხი სპორტი შემოგთავაზებთ.