ღირებულება
ფინანსები • 1792618819
ვალუტის განახლებული კურსი 22 ოქტომბრისთვის
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5976 ლარი გახდა. კურსი, რომელიც დღეს მოქმედებდა, 2.5978 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 ლარი შეადგინა.რაც შეეხება ევროს, მისი კურსი 2.9163 ლარია. მაშინ, როცა დღეს მოქმედი კურსი 2.9127 ლარს შეადგენდა. შესაბამისად, ევროს ცვლილებამ 0.0036 ლარი შეადგინა.
ტაბლოიდი • 1792612078
მონაკოში მცხოვრები ქართველი ბიზნესმენი, ნიკა ლომია, სოციალურ ქსელში გამომწერებს ხშირად უზიარებს ფოტოებსა და ვიდეოებს, რომლებშიც მისი ყოველდღიური ცხოვრება და მდიდრული ცხოვრების წესია ასახული.„ინსტაგრამზე“ გამოქვეყნებულ ერთ-ერთ ვიდეოში ჩანს, როგორ იჭრის ბიზნესმენი თმას იახტაზე, ზღვის ფონზე. ლომია სოციალურ ქსელში ასევე აქვეყნებს ზაფხულის დასვენებისა და მოგზაურობის ამსახველ კადრებს.ნიკა ლომია საერთაშორისო IT კომპანია Spribe-ის თანადამფუძნებელია. კომპანია ონლაინკაზინოებისთვის პროგრამულ პროდუქტებს ქმნის და განსაკუთრებით ცნობილია თამაშით Aviator.უცხოური მედიის ცნობით, ლომიას Spribe-ის 40%-იანი წილი ეკუთვნის, თუმცა მისი პირადი ქონების ზუსტი ღირებულება საჯაროდ დადასტურებული არ არის. ცნობისთვის, ნიკა ლომიას მეუღლე უკრაინელი მოდელი ნიკა კუზნეცოვაა. წყვილმა 2026 წლის აპრილში საფრანგეთის ქალაქ კანში იქორწინა.მედიის ინფორმაციით, მდიდრული საქორწინო ცერემონიის ღირებულებამ 4,5 მილიონ ევროს გადააჭარბა.ღონისძიებაზე სტუმრების წინაშე ცნობილი პუერტორიკოელი მომღერალი რიკი მარტინიც იყო.
რეგიონი • 1792570260
ოზურგეთში ჯუმათის მონასტრის მისასვლელი გზის რეაბილიტაცია აქტიურად მიმდინარეობს
ოზურგეთში, ჯუმათის მამათა მონასტერთან მისასვლელი გზის სარეაბილიტაციო სამუშაოების მიმდინარეობას მერის მოვალეობის შემსრულებელი გია ანთაძე, საკრებულოს თავმჯდომარე დავით დარჩია და მერის მოადგილე ნიკა ბოლქვაძე, ადგილობრივი ხელისუფლების წარმომადგენლებთან ერთად გაეცნენ.პროექტი 6-კილომეტრიანი მონაკვეთის მოწესრიგებას ითვალისწინებს. სამუშაოების ფარგლებში დასრულებულია საყრდენი კედლებისა და სანიაღვრე არხების მშენებლობა. ამ ეტაპზე 2 კილომეტრ-ნახევარზე ასფალტის საფარი უკვე დაგებულია, პარალელურად კი სამუშაოები აქტიურ რეჟიმში გრძელდება.გზის რეაბილიტაცია, რომლის ღირებულება 4 მილიონ 200 ათას ლარს შეადგენს, სტიქიის შედეგების სალიკვიდაციო ღონისძიებების ფარგლებში, ოზურგეთის მერიის თანადაფინანსებით ხორციელდება.
სამართალი • 1792570097
ბოლო მონაცემებით, საბაჟო გამშვებ პუნქტზე - „ყაზბეგი“, სავალდებულო დეკლარირებას დაქვემდებარებული ოქროს ნაკეთობების შემოტანის 13 ფაქტი აღიკვეთა. ინფორმაციას ფინანსთა სამინისტროს შემოსავლების სამსახური ავრცელებს.„მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად ჯამში - 898 გრამი ოქროს საიუველირო ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ ჯამში - 189 715 ლარი შეადგინა.5 კანონდამრღვევი მოქალაქის საქმის მასალები ფინანსთა სამინისტროს საგამოძიებო სამსახურს გადაეცა, ხოლო 8 კანონდამრღვევ მოქალაქეს საქართველოს საბაჟო კოდექსის 168-ე მუხლის I ნაწილის შესაბამისად სანქციის სახით, ჯარიმა ჯამში - 82 714 ლარის ოდენობით შეეფარდა“, - ნათქვამია შემოსავლების სამსახურის მიერ გავრცელებულ ინფორმაციაში.
რეგიონი • 1792564913
სურამში რაგბის სტადიონის მშენებლობა იწყება
რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ხაშურის მუნიციპალიტეტის დაბა სურამში რაგბის სტადიონის მშენებლობას იწყებს.პროექტის ფარგლებში, მოეწყობა რაგბის მაღალი ხარისხის ხელოვნურსაფარიანი სტადიონი, 300 მაყურებელზე გათვლილი ტრიბუნა და განათების თანამედროვე სისტემა.ასევე, გათვალისწინებულია გასახდელების, საშხაპეების, ტექნიკური სივრცეებისა და სამედიცინო ოთახის მოწყობა."მუნიციპალური განვითარების ფონდი ქვეყნის მასშტაბით აქტიურად აგრძელებს რაგბის სპორტული ინფრასტრუქტურის განვითარებას. ამჟამად მიმდინარეობს რაგბის 12 სტადიონის მშენებლობა, რომელთა ჯამური ღირებულება 80 მილიონ ლარამდეა. ამასთან, დაგეგმილია კიდევ 32 რაგბის სტადიონის მშენებლობა", - აღნიშნულია უწყების განცხადებაში.ამ დროისთვის რაგბის ტექნიკური ცენტრების პროექტირება და მშენებლობა მიმდინარეობს თბილისში, ამბროლაურში, საჩხერეში, ლენტეხში, წყალტუბოში, სურამში, ბოლნისში, გურჯაანში, სტეფანწმინდაში, წეროვანში, ასევე, ცაგერის მუნიციპალიტეტის სოფელ ორბელში.
ფინანსები • 1792524026
დოლარის და ევროს ფასი შეიცვალა - განახლებული კურსი
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5978 ლარი გახდა. კურსი, რომელიც დღეს მოქმედებდა, 2.5979 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0001 ლარი შეადგინა.რაც შეეხება ევროს, მისი კურსი 2.9127 ლარია. მაშინ, როცა დღეს მოქმედი კურსი 2.9128 ლარს შეადგენდა. შესაბამისად, ევროს ცვლილებამ 0.0001 ლარი შეადგინა.
პოლიტიკა • 1792441500
საქართველოს საგარეო საქმეთა მინისტრის პირველმა მოადგილემ, გიორგი ზურაბაშვილმა "რუსთავი 2-ის" გადაცემა "დებატებში" ქართველი დიპლომატების როლსა და ქვეყნის საგარეო პოლიტიკურ პრიორიტეტებზე ისაუბრა.მისი თქმით, დიპლომატიური კორპუსი ნებისმიერი სახელმწიფოსთვის განსაკუთრებული ღირებულების მქონე რესურსია, რომლის ჩამოყალიბებასაც წლები და პროფესიული განვითარება სჭირდება.საგარეო საქმეთა მინისტრის პირველმა მოადგილემ ასევე აღნიშნა, რომ საქართველოს მთავარი ინტერესია ევროკავშირთან დაახლოება და ღირებულებების გაზიარება."ნებისმიერ ქვეყანაში, ერთ-ერთი ყველაზე ძვირად ღირებული არის დიპლომატიური კორპუსი, საკუთარი დიპლომატიური კორპუსი, რადგან მას სჭირდება გაზრდა, სჭირდება აღზრდა, სჭირდება წლები, რომ ჩამოყალიბდეს ისეთი, როგორიც უნდა იყოს. ჩვენ გვაქვს ერთ-ერთი სატრაბახო და საუკეთესო დიპლომატიური კორპუსი, რომელიც მუშაობს უცხოეთში. ის, რომ დღეს მშვიდად ვსხედვართ, რა თქმა უნდა, ეს არის საქართველოს მთავრობის დამსახურება, ეს არის ის გონივრული კონცეფცია და მიდგომა, რაც გააჩნია საქართველოს მთავრობას, მაგრამ ამის განმახორციელებელი არის ზუსტად საქართველოს საგარეო საქმეთა სამინისტრო და ჩვენი დიპლომატები, რომლებიც არიან ან საქართველოში, ან საზღვარგარეთ ჩვენს საელჩოებში.დღეს, იცით, რომ ყველაფერი ძალიან ცვალებადია, საერთაშორისო დღის წესრიგი იცვლება, ემოციები და გრძნობები არის გადასული უკანა პლანზე, ახლა მთავარია ქვეყნების ინტერესები, რომელიც გააჩნიათ და ამ თავიანთი ქვეყნების ინტერესებზე არის დამყარებული ის ურთიერთობები, რომლებიც მათ აქვთ სხვა ქვეყნებთან. ჩვენი ინტერესია, დავუახლოვდეთ ევროკავშირს. ჩვენთვის მთავარია, გავუზიაროთ ევროკავშირს ღირებულებები. ეს არის ყველაზე მთავარი, რაც გააჩნია ქართველ ერს, ეს არის ის ღირებულებები, რომელსაც ჰქვია ევროპული ღირებულებები, რადგან საქართველო და ქართველები ნამდვილად ვართ იმ ევროპული ღირებულებების მატარებლები, რომელსაც ჰქვია ევროპული ღირებულება," - აცხადებს გიორგი ზურაბაშვილი.
პოლიტიკა • 1792439344
"თავისუფალი ხალხის პარტიის" თავმჯდომარე, იაგო ხვიჩიამ "რუსთავი 2-ის" გადაცემა "დებატებში" ევროპულ ღირებულებებსა და "ქართული ოცნების" საგარეო პოლიტიკაზე ისაუბრა.მისი თქმით, ევროპა არ არის ერთგვაროვანი და იქაც ხდება ცუდი მოვლენები, რის გამოც ევროპული კანონმდებლობისა თუ პოლიტიკის კრიტიკა სრულიად შესაძლებელია, თუმცა, იაგო ხვიჩიას განცხადებით, პრობლემა იმაში მდგომარეობს, თუ რას სთავაზობს საქართველოს ხელისუფლება ევროპას ალტერნატივად."ვინ თქვა, რომ ჩვენ ევროპელებმა ჩვენ დაგვავალეს, ჩვენი ყველა ცუდი წაიღეთ და თქვენ მოხვალთ აუცილებლად ჩვენთანო? მთელი პრობლემა იმან გამოიწვია, იმის განმარტებამ, რა არის ევროპელობა. აქამდე ამას განმარტავდნენ ევროპელები, ამიტომ ჩაერივნენ ისინი ამ ბრძოლაში "ქართულ ოცნებასთან" და "ქართული ოცნება" აღმოჩნდა ხალხის ერთობლიობა, რომელიც იძახის, თქვენ რა იცით, რა არის ევროპელობაო, მე ვიცი, რა არის ევროპელობაო! ჩვენ გასწავლით იქით, რა არის ევროპელობაო! თან, რით ვასწავლით? ვასწავლით პარტიების აკრძალვით, ენჯეოების ფინანსების დევნით, ვასწავლით გამოხატვის თავისუფლების აკრძალვით და ტროტუარზე ხალხის დაჭერით, ვასწავლით პაატა მანჯგალაძის და გია ბარამიძის ციხეში ჩაჯდომით, ისე, რომ მტკიცებულებები არ გვაქვს. ვაჩვენებთ ღიად და საჯაროდ, რომ ფეხებზე გვკიდია მტკიცებულებები და თან ვეუბნებით, რომ ეს არის ევროპაო და ისინი რამეს რომ იტყვიან: იცით, რა ხდება ევროპაში? ვიცით, რომ ევროპაში ბევრი ცუდიც ხდება, განა ევროპა ერთგვაროვანია? განა ევროპაში ყველაფერი კარგად არის. თავისუფლებისთვის ბრძოლა ყოველდღიურ საქმეა და თუ ამ თემას ოდნავ მოადუნებ, რა თქმა უნდა, თავისუფლების მტრები ამით ისარგებლებენ. ამ გაგებით, ევროპის კრიტიკაც არის შესაძლებელი. მაგრამ ჩვენ რას ვთავაზობთ? ის რა არის, რასაც ჩვენ ვეუბნებით ევროპელებს, რომ ჩვენ ქართველები ამით ვამაყობთ, - ადამიანის უფლებების გაგება, პოლიტიკური პლურალიზმი, ადამიანის თავისუფლების და სიცოცხლის პატივისცემა - რა ღირებულებაზე ვდგავართ? ამას ხომ ვერაფერს ვერ ვთავაზობთ. რა არის ის, რასაც სთავაზობ ევროპელებს? კარგი შთაბეჭდილება რომ უნდა შეუქმნა საქართველოზე. მე არ მშურს ქართველი დიპლომატების ბედი ჩვენს ეპოქაში, რადგან ეს პროფესია ფაქტობრივად არ არსებობს. მე რომ დიპლომატი ვიყო, ის, რაც ამ ქვეყანაში ხდება და ამის გაგრძელება რომ უნდა გვქონდეს საგარეო პოლიტიკაში, ის, როგორ უნდა გავიტანო, ისე, რომ ვინმეს მოვაწონო? ამიტომაც არ გამოდის არაფერი," - აცხადებს იაგო ხვიჩია.
მსოფლიო • 1792431683
ამერიკელი მილიარდერი ილონ მასკი აცხადებს, რომ 2027 წელს ამერიკის შეერთებულ შტატებში მცხოვრებ ყველა ბავშვს საკუთარი კუთვნილი სფეის იქსის თითო აქციას გადასცემს. ინიციატივის საერთო ღირებულებამ შესაძლოა 10,7 მილიარდ დოლარს მიაღწიოს. მასკმა აღნიშნული დაპირება სოციალურ ქსელ „იქსში“ გაავრცელა.„მომავალ წელს ამერიკაში თითოეულ ბავშვს სფეის იქსის ჩემს კუთვნილ ერთ აქციას გადავცემ. ეს მხოლოდ დასაწყისია“, – დაწერა მასკმა.„ევრონიუსის“ მიხედვით, ამერიკის შეერთებულ შტატებში 18 წლამდე ასაკის დაახლოებით 73 მილიონი ბავშვი ცხოვრობს. სფეის იქსის აქციის საბაზრო ღირებულების, 146,03 დოლარის გათვალისწინებით, ინიციატივის სავარაუდო ღირებულება 10,66 მილიარდ დოლარს შეადგენს.ჯერჯერობით უცნობია, კონკრეტულად ვინ შეძლებს პროგრამაში მონაწილეობას, რა პირობებით გაიცემა აქციები და როგორ მოხდება მათი განაწილება.მასკის განცხადებას წინ უძღოდა ხელოვნური ინტელექტის კომპანია Anthropic-ის გადაწყვეტილება, საკუთარი აქციების 5% სპეციალურ საზოგადოებრივი სარგებლობის ფონდს გადასცეს.ინიციატივას აქციონერების თანხმობა სჭირდება. მასკმა ამ გადაწყვეტილების საპასუხოდ განაცხადა, რომ კომპანიებისთვის უკეთესი იქნებოდა, აქციები უშუალოდ მოსახლეობისთვის გადაეცათ.
ფინანსები • 1792419745
ლარი გამყარდა - განახლებული კურსი 20 ოქტომბრისთვის
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5979 ლარი გახდა. კურსი, რომელიც დღეს მოქმედებდა, 2.5982 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0003 ლარი შეადგინა.რაც შეეხება ევროს, მისი კურსი 2.9128 ლარია. მაშინ, როცა დღეს მოქმედი კურსი 2.9274 ლარს შეადგენდა. შესაბამისად, ევროს ცვლილებამ 0.0146 ლარი შეადგინა.
საზოგადოება • 1792417080
დავით სონღულაშვილმა "რუსთავის აზოტში" მოდერნიზებული რეაქტორის გახსნის ცერემონიაში მიიღო მონაწილეობა
გარემოს დაცვისა და სოფლის მეურნეობის მინისტრი დავით სონღულაშვილი სს "რუსთავის აზოტში" აზოტმჟავას საამქროში კატალიზური გაწმენდის რეაქტორის მოდერნიზაციის პროექტით დანერგილ თანამედროვე ტექნოლოგიებს ადგილზე გაეცნო.მოდერნიზებული რეაქტორის გახსნის ცერემონიას ქალაქ რუსთავის მერი ნინო ლაცაბიძე დაესწრო.პროექტის ფარგლებში რეაქტორში ახალი თაობის კატალიზატორი ჩაიტვირთა, სრულად შეიცვალა მისი შიგთავსი და დამონტაჟდა ემისიების უწყვეტი მონიტორინგის სისტემა, რომელიც დამაბინძურებელი ნივთიერებების გაფრქვევის მუდმივ კონტროლს უზრუნველყოფს. განხორციელებული მოდერნიზაცია ხელს შეუწყობს საწარმოში თანამედროვე გარემოსდაცვითი ტექნოლოგიების დანერგვას, სათბურის აირების ემისიების შემცირებასა და სამრეწველო პროცესების გარემოსდაცვითი მონიტორინგის გაუმჯობესებას."თანამედროვე ტექნოლოგიების დანერგვა იძლევა შესაძლებლობას, რომ შემცირდეს საწარმოო პროცესების უარყოფითი ზემოქმედება გარემოზე და ამავდროულად უზრუნველყოფილ იქნას ეკონომიკური საქმიანობის მდგრადობა. "რუსთავის აზოტში" განხორციელებული პროექტი კარგი მაგალითია იმისა, თუ როგორ შეიძლება თანამედროვე ტექნოლოგიების, კერძო სექტორის ინვესტიციების, საერთაშორისო პარტნიორების და სახელმწიფოს მხარდაჭერის შედეგად კონკრეტული გარემოსდაცვითი შედეგების მიღწევა", - განაცხადა დავით სონღულაშვილმა.პროექტი, გერმანიის საერთაშორისო თანამშრომლობის საზოგადოების (GIZ) მხარდაჭერით განხორციელდა, რომლის ჯამურმა ღირებულებამ 5.26 მილიონი ევრო შეადგინა, საიდანაც 2.26 მილიონი ევრო GIZ-ის დაფინანსებაა, ხოლო 3 მილიონი ევრო - "რუსთავის აზოტის" ინვესტიცია.ღონისძიებას, გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, საგარეო საქმეთა მინისტრის მოადგილე ალექსანდრე ღვთისიაშვილი, საქართველოს პარლამენტის რუსთავისა და გარდაბნის დელეგატი ირაკლი შატაკიშვილი, საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია და ადგილობრივი ხელისუფლების წარმომადგენლები ესწრებოდნენ.
შოუბიზნესი • 1792399963
VIDEO: კაილი ჯენერი Victoria’s Secretის მოდის ჩვენებაზე 50-მილიონიანი Fantasy Bra-თი გამოჩნდა
კაილი ჯენერი Victoria’s Secret-ის 2026 წლის მოდის ჩვენებაზე პირველად გამოვიდა. რეალითი შოუს ვარსკვლავმა და ბიზნესმენმა პოდიუმზე განსაკუთრებული ყურადღება მიიპყრო - მას ბრენდის ლეგენდარული Fantasy Bra ეცვა, რომლის ღირებულებაც 50 მილიონ დოლარს შეადგენს.ჩვენება 18 ოქტომბერს, ლოს-ანჯელესში გაიმართა. კაილიმ ძვირფასი თვლებით გაფორმებული ბიუსტჰალტერი, გამჭვირვალე თეთრი მინი ქვედაბოლო, გამჭვირვალე ქუსლიანი ფეხსაცმელი და თეთრი ფრთები მოირგო. Fantasy Bra 4 410 ბუნებრივი ბრილიანტითაა გაფორმებული, მის ცენტრში კი 75,54-კარატიანი ყვითელი ბრილიანტია მოთავსებული.სამკაულის შექმნაზე 15 ხელოსანი მუშაობდა და პროცესს 1 000 საათზე მეტი დასჭირდა. აღსანიშნავია, რომ Fantasy Bra Victoria’s Secret-ის პოდიუმზე 2018 წლის შემდეგ პირველად დაბრუნდა. კაილის გამოსვლას აუდიტორიიდან მისი დედა, კრის ჯენერი და პარტნიორი, მსახიობი ტიმოთი შალამე, გულშემატკივრობდნენ.
