უკრაინა

შალვა პაპუაშვილი ფრაქცია „საქართველოსთვის“ წევრებს - როდესაც მნიშვნელოვანი საკითხებია გადასაწყვეტი რატომ დგებით უცხოელების მხარეს და არა თქვენი ქვეყნის მხარეს?

„როდესაც მნიშვნელოვანი საკითხებია გადასაწყვეტი რატომ დგებით უცხოელების მხარეს და არა თქვენი ქვეყნის მხარეს?“- ასე მიმართა პარლამენტის თავმჯდომარემ შალვა პაპუაშვილმა ფრაქცია „საქართველოსთვის“ თავმჯდომარეს შალვა კერესელიძეს პარლამენტის პლენარულ სხდომაზე.„კორუფციაზე ბევრი ისაუბრეთ, მაგრამ გუშინ თქვენი პარტიის წარმომადგენელი პრემიერ-მინისტრთან და მთავრობის ადმინისტრაციის ხელმძღვანელთან ერთად ღია დებატებში იყო და ყველამ ნახა, რომ რეალურად პრეტენზიები იმ ანტიკორუფციული პოლიტიკის მიმართ, რომელიც ქვეყნის პრემიერ-მინისტრს აქვს, არ არსებობს. ჩემი სურვილი იქნებოდა თუკი თქვენ მართლა გულწრფელად ხართ ამ საკითხით დაინტერესებული, ვიყოთ ამ მთავრობის, პრემიერ-მინისტრის გულშემატკივრები“, - განაცხადა შალვა პაპუაშვილმა.პარლამენტის თავმჯდომარე ოჯახური ღირებულებების შესახებ კანონთან დაკავშირებულ საკითხსაც შეეხო და ოპოზიციონერ კოლეგებს საკუთარი პოზიციის დაფიქსირებისკენ მოუწოდა.„ოჯახურ ღირებულებებს შეეხეთ და ცოტა გამიკვირდა თქვენი განცხადება, რომ თითქოს იზიარებთ და ეთანხმებით ამ კანონს. მგონი თქვენ ფრაქციას ოჯახური ღირებულებების შესახებ კანონისთვის მხარი არ დაგიჭერიათ და ახლა აქ გულში მჯიღის ცემა, რომ თქვენ ხართ ოჯახის ყველაზე დიდი დამცველები, არასწორია. სწორედ აქ არის საჭირო კონსოლიდაცია. როდესაც მნიშვნელოვანი საკითხებია გადასაწყვეტი რაღა უცხოელების მხარეს დგებით და არა თქვენი ქვეყნის მხარეს? თუნდაც მაშინ, როდესაც სანქციების საკითხი იდგა და მიტინგები იმართებოდა უკრაინაში ჯარის გაშვების და საზღვრების ჩაკეტვის მოთხოვნით, მაშინ რატომ არ იღებდით ხმას და არ იყავით საქართველოს მხარეს, არა საქართველოს ხელისუფლების, არამედ საქართველოს მხარეს? იგივე მინდა ვიკითხო ოჯახური ღირებულებების შესახებ კანონზე - არ ვიცი რა უთხარით ეუთო-ს ეგიდით ჩამოსულ პოლონელ ექსპერტს, რომელსაც ეს საკითხი განსაკუთრებით აინტერესებდა და მოგვახსენა კიდეც თავის ანგარიშში, რომ ეს კანონი გავაუქმოთ. თქვით ხმამაღლა, რომ თქვენ ეწინააღმდეგებით ამ კანონის გაუქმებას.რაც შეეხება თქვენი გამოსვლის იმ ნაწილს, რომელიც დამნაშავეთა შეწყალებას და გამოშვებას შეეხება. არ ვიცი, ეს გიორგი გახარიას მხრიდან მიტევების აქტი იყო თუ არა, როდესაც მან უარი თქვა საქართველოს კანონის აღსრულებაზე და ნიკა მელიას დაკავებაზე, ალბათ მაშინაც ასე უხსნიდა მას იმ კონკრეტული ქვეყნის ელჩი, რომ „მიუტევე“, „მნიშვნელოვანია სამოქალაქო მშვიდობა“ და ასე შემდეგ და რა მოგვიტანა ასეთმა მიდგომებმა, როდესაც სხვების კარნახით ასეთი გადაწყვეტილებების მიღება ხდება, ძალიან კარგად ვნახეთ. თქვენ საუბრობთ სამოქალაქო მშვიდობაზე და რა თქმა უნდა, ეს არის დიდი ღირებულება და ფასეულობა, მაგრამ ეს კანონზე, დანაშაულზე და კონსტიტუციის დარღვევაზე თვალის დახუჭვით არ მიიღწევა. პირიქით, სამოქალაქო მშვიდობას სამართლებრივი ჩარჩო, კონსტიტუციის, კანონების მიმართ მორჩილება უზრუნველყოფს. სამართლის უზენაესობა არის ერთ-ერთი წინაპირობაა, რომ საზოგადოებაში სამოქალაქო მშვიდობა არსებობდეს. ყველა უნდა ემორჩილებოდეს კანონს და არა პირიქით, განსაკუთრებით მაშინ, როდესაც უმცირესობა ცდილობს უმრავლესობას თავს მოახვიოს საკუთარი დღის წესრიგი“, - განაცხადა შალვა პაპუაშვილმა.

მსოფლიო • 1773747520

Bloomberg: უკრაინამ, შესაძლოა, საერთაშორისო სავალუტო ფონდისგან დახმარება ვეღარ მიიღოს

უკრაინამ, შესაძლოა, საერთაშორისო სავალუტო ფონდისგან დახმარება ვეღარ მიიღოს. ინფორმაციას გამოცემა Bloomberg-ი ავრცელებს.გამოცემის ცნობით, ფონდში სერიოზულ შეშფოთებას გამოთქვამენ, თუ რამდენად შეძლებს კიევი რვა მილიარდი დოლარის ოდენობის პაკეტიდან დახმარების მიღებას, თუკი საკანონმდებლო ცვლილებებს ვერ განახორციელებს.უკრაინის უმაღლეს რადას მარტის ბოლომდე აქვს ვადა, რომ საგადასახადო კანონმდებლობაში მთელი რიგი ცვლილებები შეიტანოს. სწორედ ამ რეფორმაზე იქნება დამოკიდებული საერთაშორისო სავალუტო ფონდის მიერ კიევისთვის დაფინანსების გაგრძელება.როგორც Bloomberg-ი წერს, ამჟამად უკრაინის რადა ამ საკითზე პარალიზებულია და გადაწყვეტილების მიღებას ვერ ახერხებს.

პოლიტიკა • 1773737044

კახა კალაძე ევროკომისიის პრესსპიკერის განცხადებაზე: როდესაც საუბარია სანქციებზე, იქ უნდა იყოს კონკრეტიკაც და არა წარმოდგენებზე დაფუძნებული განცხადება - ეს ხომ თამაში არ არის?

„გარე აქტორების მხრიდან ვერ იმართება ჩვენი ქვეყანა. დღეს ქვეყანას მართავს საქართველოს პატრიოტი ხელისუფლება, რომელიც ქვეყნის მოსახლეობის უმრავლესობამ აირჩია“, - ამის შესახებ თბილისის მერმა კახა კალაძემ ევროკომისიის პრესსპიკერის მიერ გაკეთებული იმ განცხადების შეფასებისას აღნიშნა, რომელიც რუსეთის წინააღმდეგ სანქციების მე-20 პაკეტიდან ყულევის პორტის ამოღებას უკავშირდება.როგორც მერმა განაცხადა, ქვეყანა ბოლო წლების განმავლობაში შანტაჟისა და მუქარის ქვეშაა, რომლის საფუძველიც გარე აქტორებს არ გააჩნიათ.„არანაირი ფაქტი არ არსებობს. ესეც ერთ-ერთი მექანიზმია, რომელსაც ქვეყნის წინააღმდეგ იყენებენ. ჩვენი ქვეყანა არის შანტაჟის, მუქარის ქვეშ. ბოლო წლების განმავლობაში რამდენჯერ მოგვისმენია რეზოლუციები, სანქციებთან დაკავშირებით განცხადებები, თუმცა ამ ყველაფრის უკან არ არის არანაირი ფაქტი, რაზე დაყრდნობითაც აღნიშნული განცხადებები კეთდება. თუნდაც, როდესაც ამ კონკრეტულ საქმიანობაზე აწესებს სანქციებს, საფუძველი ხომ უნდა ჰქონდეს? რაღაც კონკრეტიკა და ფაქტი ხომ უნდა არსებობდეს, თუმცა არ არსებობს. უბრალოდ გადაწყვეტილებებს იღებენ, ქვეყანას აშანტაჟებენ. ვიცით, რა არის ამ ყველაფრის უკან - პირველი, რომ ქვეყანაში არ გავხსენით მეორე ფრონტი და არ შევუერთდით იმ უბედურებას, რაც უკრაინაში ხდება. ასევე, არ მივუერთდით სანქციებს, რაზეც გახსოვთ, როგორი მოთხოვნები იყო. გარე აქტორების მხრიდან ვერ იმართება ჩვენი ქვეყანა. დღეს ქვეყანას მართავს საქართველოს პატრიოტი ხელისუფლება, რომელიც ქვეყნის მოსახლეობის უმრავლესობამ აირჩია. ეს არის დღევანდელი მოცემულობა, რომელიც არ აწყობთ და არ მოსწონთ იმ გარე აქტორებს, რომლებიც ჩართულები არიან პროცესში და ებრძვიან ჩვენი ქვეყნის სუვერენიტეტსა და დამოუკიდებლობას“, - განაცხადა კახა კალაძემ.დედაქალაქის მერის შეფასებით, საქართველოსთან დაკავშირებული განცხადებები უნდა ეფუძნებოდეს კონკრეტიკას და წარმოდგენებზე დაფუძნებით არ უნდა კეთდებოდეს.„კიდევ ერთხელ ვიმეორებ, როდესაც საუბარია სანქციებზე, რა თქმა უნდა, იქ უნდა იყოს კონკრეტიკაც და არა აღქმებსა და წარმოდგენებზე დაფუძნებული განცხადება. ეს ხომ თამაში არ არის? გულდასაწყვეტია, როდესაც ვისმენთ მსგავსი ტიპის განცხადებებს ქვეყანასთან დაკავშირებით. ჩვენ უნდა მივხედოთ ჩვენს ქვეყანას. ყველას გააჩნა თავისი ინტერესი საქართველოსთან დაკავშირებით. არავინ იფიქროს, რომ ვინმე უცხოელი ჩამოვა და საქართველოს, ქართველი ხალხის ინტერესებს დაიცავს. ეს არის ტყუილი. ჩვენ ქართველებმა უნდა მივხედოთ ჩვენს ქვეყანას, პატივი უნდა ვცეთ ჩვენი ქვეყნის დამოუკიდებლობას, სუვერენიტეტს. თუ ამას არ გავაკეთებთ, გარედანაც არ იქნება პატივისცემა. მიდის შემოტევები, თუმცა, რა თქმა უნდა, უნდა გავაგრძელოთ ის პოლიტიკა, რომელიც დაიცავს ქვეყნის ინტერესებსა და მის ხვალინდელ დღეს“, - განაცხადა თბილისის მერმა.

პოლიტიკა • 1773736857

გვსურს დავარწმუნოთ ჩვენი ამომრჩეველი, რომ „ქართული ოცნების“ ხელისუფლებაში ყოფნა, მისი სიძლიერე და სიმტკიცე, იყო, არის და იქნება ქვეყნის უსაფრთხოების მთავარი სტრატეგია, რომლის პირდაპირი მანდატიც გვაქვს ქართველებიგან - პაპუაშვილი

ძველი წესრიგი - ცივი ომის თუ პოსტ-ცივი ომის დროინდელი - დასრულებულია, ახალი წესრიგის დაბადება კი ყოველთვის ტკივილით ხდება. ასე ყოფილა ადრეც და ასე იქნება ახლაც, - განაცხადა პლენარულ სხდომაზე, პარლამენტის თავმჯდომარემ შალვა პაპუაშვილმა პარლამენტის საქმიანობის ყოველწლიური ანგარიშის წარდგენისას.როგორც პაპუაშვილმა აღნიშნა, „ქართული ოცნების“ ხელისუფლებაში ყოფნა, მისი სიძლიერე და სიმტკიცე, იყო, არის და იქნება ქვეყნის დაცულობის და უსაფრთხოების მთავარი სტრატეგია.„უკრაინის ომის დაწყებიდან ოთხი წლის თავზე, როდესაც იმედი გვქონდა, რომ გაერთიანებული დასავლეთი უკრაინის დაცვას თუ ვერა, ომის შეჩერებას მაინც შეძლებდა, ვიხილეთ დაშლილი და ფრაგმენტირებული დასავლეთი და ახალი ომი ჩვენს საზღვრებთან კიდევ უფრო ახლოს, ჩვენს მეზობლებთან კიდევ უფრო მჭიდროდ. ისტორიულად ომი ყოველთვის იყო და იქნება პოლიტიკის გაგრძელება. ხანმოკლე ილუზია, რომ ისტორია დასრულდა და სამყაროს მხოლოდ მშვიდობა მართავს, გაქარწყლდა.თუმცა, საქართველომ მოახერხა და უკრაინაში ომის დაწყების შემდეგ შეძლო გამოემუშავებინა საქართველოს სუვერენულ ეროვნულ ინტერესებსა და მშვიდობის კონცეფციაზე აგებული უსაფრთხოების დოქტრინა, რომელსაც ერთგულად და თანმიმდევრულად იცავს.ამიტომ გვსურს დავარწმუნოთ ჩვენი ამომრჩეველი და ყველა ჩვენი მოქალაქე, რომ „ქართული ოცნების“ ხელისუფლებაში ყოფნა, მისი სიძლიერე და სიმტკიცე, იყო, არის და იქნება ქვეყნის დაცულობის და უსაფრთხოების მთავარი სტრატეგია, რომლის პირდაპირი მანდატიც გვაქვს ქართველი ხალხისგან. ამ მტკიცე ჯაჭვს ვერავითარი გარე ძალა, უცხოური ინტერესები და მეხუთე კოლონა ვერ გაწყვეტს.ამ რთულ დროში კი ჩვენი გზამკვლევი და მომავლის ჩირაღდანი ისევ ის საუნჯეა, რაც დაგვიტოვეს წინაპრებმა - ჩვენი მამული, ჩვენი ენა და ჩვენი სარწმუნოება. საქართველო უპირველეს ყოვლისა - ეს არის ჩვენი მთავარი სათქმელიც და ჩვენი მთავარი იდეოლოგიაც.ყველას გისურვებთ სამშობლოს ერთგულებით, ერთობითა და სიყვარულით საქმიანობას“, - აღნიშნა პაპუაშვილმა.

მსოფლიო • 1773725237

სლოვაკეთმა უკრაინას ელექტროენერგიის მიწოდების შეჩერების შესახებ ოფიციალურად აცნობა

სლოვაკეთის სახელმწიფო კომპანია SEPS-მა უკრაინულ მხარეს ელექტროენერგიის ავარიული მიწოდების შეჩერების შესახებ ოფიციალურად აცნობა. ინფორმაციას „უკრენერგო“ ავრცელებს.ინფორმაციის თანახმად, „უკრენერგომ“ SEPS-გან მიიღო ოფიციალური წერილი ავარიული დახმარების აღმოჩენის შესახებ ხელშეკრულების ცალმხრივად შეწყვეტის თაობაზე.ხელშეკრულებით გათვალისწინებული პირობების საბოლოო შეწყვეტა მიმდინარე წლის მაისში მოხდება, დასძინეს „უკრენერგოში“.უკრაინის სახელმწიფო ელექტროსისტემაში აგრეთვე აცხადებენ, რომ სლოვაკეთის მხარის ასეთი გადაწყვეტილება უკრაინელ მომხმარებლებზე არანაირად არ აისახება.

მსოფლიო • 1773685680

უკრაინული მედია: ტრამპმა განაცხადა, რომ აშშ არ არის ვალდებული დაეხმაროს უკრაინას

აშშ-ის პრეზიდენტმა, დონალდ ტრამპმა განაცხადა, რომ ვაშინგტონს უკრაინის დახმარების ვალდებულება არ აქვს. ინფორმაციას ამის შესახებ უკრაინული მედია ავრცელებს.„ტრამპ-კენედის ცენტრის“ დირექტორთა საბჭოს წევრებთან ვახშმისას, პრეზიდენტმა ხაზგასმით აღნიშნა, რომ უკრაინა აშშ-ისგან ათასობით მილითაა დაშორებული და მათ ოკეანე ყოფთ. ტრამპმა უკრაინაში არსებული ვითარება ლიბანს შეადარა.„ისინი უკვე მიეჩვივნენ იმას, რომ ლიბანს ბომბავენ. უკრაინაშიც ცხოვრობს ხალხი - თუმცა შეიძლება იფიქროთ, რომ იქ არ იცხოვრებენ, მაგრამ ისინი ცხოვრობენ. არ ვიცი, მე მოვიქცეოდი თუ არა ასე, მაგრამ ისინი იქ ცხოვრობენ. ისევე, როგორც ლიბანში“, - განაცხადა ტრამპმა.გარდა ამისა, აშშ-ის პრეზიდენტის თქმით, ის ფაქტი, რომ ნატოს წევრ ქვეყნებს არ სურთ ჰორმუზის სრუტეში უსაფრთხოების უზრუნველყოფა, საშინელებაა. მან დასძინა, რომ აშშ ალიანსთან უკრაინის საკითხზე „მუშაობს“.„ჩვენ მათთან [ნატოს ქვეყნებთან] უკრაინის საკითხზე ვთანამშრომლობდით. ჩვენ არ გვჭირდება მათთან უკრაინის საკითხზე მუშაობა. შემდეგ კი ისინი გვეუბნებიან, რომ იქვე ახლოს ნაღმმჭერი ხომალდი გვყავს, მაგრამ მათ ამის გაკეთება [ოპერაციაში მონაწილეობა] არ სურთ. ვფიქრობ, ეს საშინელებაა“, - ხაზგასმით აღნიშნა ტრამპმა.

მსოფლიო • 1773663797

ბელგიის პრემიერ-მინისტრი: ევროპამ უკრაინაში ომის დასრულებისა და იაფი ენერგომომარაგების აღდგენის მიზნით რუსეთთან მოლაპარაკებები უნდა დაიწყოს

ევროპამ უკრაინაში ომის დასრულებისა და იაფი ენერგომომარაგების აღდგენის მიზნით რუსეთთან მოლაპარაკებები უნდა დაიწყოს, – ამის შესახებ ბელგიის პრემიერ-მინისტრმა, ბარტ დე ვევერმა განაცხადა.როგორც „ევრონიუსი“ წერს, ბელგიურ გაზეთ L’Echo-სთან ინტერვიუში ბარტ დე ვევერმა ევროპას მოუწოდა, უკრაინაში ომის დასრულების მიზნით რუსეთთან შეთანხმებას მიაღწიოს.ამასთან, მისივე თქმით, მოლაპარაკებები ასევე აუცილებელია იაფი ენერგომომარაგების აღდგენისთვის.როგორც „ევრონიუსი“ წერს, ევროკავშირში ამ საკითხთან დაკავშირებით სხვადასხვა მოსაზრებები აქვთ. კერძოდ, საფრანგეთის პრეზიდენტი ემანუელ მაკრონი, იტალიის პრემიერ-მინისტრი ჯორჯია მელონი და უნგრეთის პრემიერ-მინისტრი ვიქტორ ორბანი მხარს უჭერენ რუსეთთან პირდაპირი მოლაპარაკებების დაწყებას, მაშინ როცა პოლონეთი და ბალტიის სამი ქვეყანა კატეგორიულად წინააღმდეგია.როგორც დე ვევერმა აღნიშნა, ბევრი ევროპელი ლიდერი პირად საუბრებში ეთანხმება მის აზრს, მაგრამ ამას ხმამაღლა არ ამბობს.„პირად საუბარში ევროპელი ლიდერები მეთანხმებიან, მაგრამ ხმამაღლა ამის თქმას ვერავინ ბედავს. ჩვენ უნდა დავასრულოთ კონფლიქტი ევროპის ინტერესებიდან გამომდინარე“, – განაცხადა ბელგიის პრემიერ-მინისტრმა.ბარტ დე ვევერმა განაცხადა, რომ ევროპამ არ უნდა გაიმეოროს წარსული შეცდომები რუსეთთან ურთიერთობაში და ხაზგასმით აღნიშნა, რომ აუცილებელია აღმოსავლეთ საზღვრებზე ჯარების განლაგება.„ამავდროულად, ჩვენ უნდა დავალაგოთ ურთიერთობები რუსეთთან და დავიბრუნოთ წვდომა იაფ ენერგიაზე. ეს საღი აზრია“, – განაცხადა დე ვევერმა.

მსოფლიო • 1773647044

დონალდ ტრამპი: NATO-ს მომავლისთვის ძალიან ცუდი იქნება, თუ მოკავშირეები ჰორმუზის სრუტის უსაფრთხოებას არ დაეხმარებიან

„ნატო-ს მომავლისთვის ძალიან ცუდი იქნება“, თუ მოკავშირეები ჰორმუზის სრუტის უსაფრთხოებას არ დაეხმარებიან, – ამის შესახებ აშშ-ის პრეზიდენტმა, დონალდ ტრამპმა „ფაინენშელ თაიმსთან“ ინტერვიუში განაცხადა.„პასუხი თუ არ იქნება ან უარყოფითი იქნება, ვფიქრობ, ეს ნატო-ს მომავლისთვის ძალიან ცუდი იქნება“, – აღნიშნა დონალდ ტრამპმა.დონალ ტრამპს მიმართეს, დაეკონკრეტებინა საჭირო დახმარება, რაზეც მან უპასუხა: „ნებისმიერი“.ტრამპმა ასევე აღნიშნა, რომ მოკავშირეებმა უნდა გაგზავნონ ნაღმოსნები, რომლებიც ევროპას გაცილებით მეტი აქვს, ვიდრე აშშ-ს.„ჩვენ გვაქვს ნატო. ჩვენ ძალიან კეთილები ვიყავით. არ ვიყავით ვალდებული, მათთვის დახმარება გაგვეწია უკრაინის საკითხში. უკრაინა ჩვენგან ათასობით მილის დაშორებითაა… მაგრამ ჩვენ დავეხმარეთ მათ. ახლა ვნახოთ, დაგვეხმარებიან თუ არა ისინი, რადგან დიდი ხანია, ვამბობ, რომ ჩვენ მათ გვერდით ვიქნებით, მაგრამ ისინი ჩვენ გვერდით არ იქნებიან. დარწმუნებული არ ვარ, რომ ისინი იქ იქნებიან“, – აღნიშნა აშშ-ის პრეზიდენტმა.

პოლიტიკა • 1773646730

შალვა პაპუაშვილი: სერიოზულად უნდა მივიღოთ რეკომენდაცია, როდესაც ზელენსკი და სანდუ - ადამიანები, რომლებმაც პარტიები გააუქმეს თავის ქვეყანაში, ჩვენ რომ გვეუბნებიან საკონსტიტუციო სასამართლოდან გამოვიტანოთ სარჩელი?!

სერიოზულად უნდა მივიღოთ [რეკომენდაცია], როდესაც უკრაინის და მოლდოვის ხელისუფლება - ზელენსკი და სანდუ - ადამიანები, რომლებმაც პარტიები გააუქმეს თავის ქვეყანაში, ჩვენ რომ გვეუბნებიან საკონსტიტუციო სასამართლოდან გამოვიტანოთ სარჩელი?!, - განაცხადა პარლამენტის თავმჯდომარემ შალვა პაპუაშვილმა.ჟურნალისტმა ჰკითხა, რომელია ის რეკომენდაციები, რის შესრულებასაც „ქართული ოცნება“ აპირებს „მოსკოვის მექანიზმიდან“.„მოგიყვანთ მაგალითებს და ერთად ვიმსჯელოთ. ერთი რეკომენდაცია არის, რომ საქართველოს პარლამენტის იმ წევრებმა, რომლებმაც მივმართეთ საკონსტიტუციო სასამართლოს რამდენიმე პარტიის არაკონსტიტუციურად ცნობასთან დაკავშირებით, სარჩელი გამოვიტანოთ. თუ შევხედავთ ამ რეკომენდაციას რომელმა ქვეყნებმა დაუჭირა მხარი, ეს არის უკრაინა, რომელსაც ბოლო სამ წელიწადში 22 პარტია აქვს გაუქმებული, მოლდოვამ, რომელსაც სამი პარტია აქვს გაუქმებული თანაც არჩევნებამდე ორი დღით ადრე. ახლა მითხარით, სერიოზულად უნდა მივიღოთ [რეკომენდაცია], როდესაც უკრაინის და მოლდოვის ხელისუფლება - ზელენსკი და სანდუ - ადამიანები, რომლებმაც პარტიები გააუქმეს თავის ქვეყანაში, ჩვენ რომ გვეუბნებიან საკონსტიტუციო სასამართლოდან გამოვიტანოთ სარჩელი?!უკრაინამ ისე გააუქმა, რომ ეს გააკეთა მთავრობამ და მერე იყო სასამართლოს გადაწყვეტილება, ხოლო მოლდოვაში არჩევნებამდე ორი დღით ადრე საარჩევნო კომისიას ჩაახსნევინეს მათთვის არასასურველი ორი პოლიტიკური პარტია. როდესაც ზელენსკი და სანდუ ჭკუას გვასწავლიან პარტიებთან დაკავშირებით, ესეც ხომ აჩვენებს რამხელა ფარისევლური არის მთლიანად პროცესი, რომელიც ჩანს, რომ კოორდინირებული იყო“, - აღნიშნა პაპუაშვილმა.პატრიცია გჟებიკი ის ე.წ. დამოუკიდებელი ექსპერტია, რომელმაც სავარაუდოდ, წინასწარ დაწერილ დეზინფორმაციას ხელი მოაწერა და „მოსკოვის მექანიზმის“ დასკვნად წარმოადგინა.ეუთო-ს „მოსკოვის მექანიზმის“ ანგარიშის თანახმად, საქართველოს ხელისუფლებას სხვა საკითხებთან ერთად, საკანონმდებლო ცვლილებების შესახებ, რეკომენდაციები მიეცა. კერძოდ, მოსკოვის მექანიზმის ანგარიშის თანახმად, ხელისუფლებას სთხოვენ „უცხოური გავლენის გამჭვირვალობის შესახებ“ და „ოჯახური ღირებულებების შესახებ“ კანონების გაუქმებას.ასევე, მოთხოვნილია „უცხოელი აგენტების რეგისტრაციის აქტის“ (FARA) , „გრანტების შესახებ“ კანონში უცხოურ გრანტებთან დაკავშირებული დებულებებისა და „მაუწყებლობის შესახებ“ კანონში ბოლო დროს შეტანილი ცვლილებების გაუქმება, რომლებიც ეხება უცხოურ დაფინანსებას და მაუწყებლობის შინაარსის შეზღუდვას.

პოლიტიკა • 1773600944

მიხეილ ყაველაშვილი: წარმოუდგენელი აბსურდია, რომ „იმედი“ და „პოსტვ“ უკრაინაში გავლენას ახდენს და ბრიტანეთის მთავრობა აქ საქართველოში ჩვენს ტელევიზიებს ასანქცირებს - აუცილებლად უნდა გავცეთ შესაბამისი პასუხი, რომ მიუღებელია მსგავსი აქტი

ტელეკომპანია „იმედის“ მიმართ დაწესებულ სანქციებთან დაკავშირებით აუცილებელია, რომ მხარდაჭერა გამოხატოს საქართველოს პრეზიდენტმა, მითუმეტეს ქვეყნის ფარგლებს გარეთ არის ეს სანქცია დაწესებული და ამიტომ აუცილებელია მხარდაჭერა, - განაცხადა გადაცემაში „იმედის კვირა“, საქართველოს პრეზიდენტმა მიხეილ ყაველაშვილმა.მისივე თქმით, „იმედი“ ყველაზე რეიტინგული ტელევიზიაა და საქართველოს მოქალაქეების უმრავლესობა არჩევანს სწორედ მასზე აკეთებს.„აუცილებელია პრეზიდენტმა დაიცვას მედიასაშუალებები“, - აღნიშნა მიხეილ ყაველაშვილმამანვე აღნიშნა, რომ წარმოუდგენელი აბსურდია „იმედის“ და „პოსტვ“-ის ბრიტანეთის მთავრობის მიერ დასანქცირება და აუცილებლად უნდა გაეცეთ მათ შესაბამისი პასუხი.„ვცდილობდი, რომ ღიმილი მომეცილებინა ამ კითხვასთან დაკავშირებით, მაგრამ ვერ შევძელი, იმიტომ, რომ მართლაც წარმოუდგენელი აბსურდია, რომ ეს ორი ტელევიზია უკრაინაში გავლენას ახდენს და ბრიტანეთის მთავრობა აქ საქართველოში ჩვენს ტელევიზიებს ასანქცირებს. სერიოზულად პასუხის გაცემა შეუძლებელია კონკრეტულად ამ ფაქტთან დაკავშირებით, მაგრამ ამ ფაქტს თუ მივაბამთ, ჩვენ გვქონდა საუბარი, რომ ერთი ძალის მიერ მართული გზავნილებია, დასჯის მექანიზმი, არაფერი განსხვავება არ არის მაგალითად, კანდიდატის სტატუსის არ მინიჭებასა და „იმედის“ და „პოსტვ“-ის დასჯასთან და დასანქცირებასთან დაკავშირებით ან ბიძინა ივანიშვილის და ჩვენი მაღალჩინოსნების დასანქცირებასთან ან „კამიტის“ მოგონილ თემასთან ან რეზოლუციები ან BBC-ით და CNN-ით და ძალიან ბევრი მედიასაშუალებებით გადაცემული, რომ ჩვენ ვკლავთ ყოფილ პრეზიდენტ სააკაშვილს, რომ ვაწამებთ და ა.შ. ესეც იგივე ნარატივია, ერთი ქსელია. მიუხედავად ამისა, ჩვენ პირიქით პასუხისმგებლობით და პატივისცემით ვეპყრობით ბრიტანეთს, აუცილებლად უნდა გავცეთ შესაბამისი პასუხი, რომ მიუღებელია მსგავსი აქტი“, - განაცხადა საქართველოს პრეზიდენტმა.

პოლიტიკა • 1773596340

მიხეილ ყაველაშვილი: ჩვენდა სამწუხაროდ მედია საშუალებებით, სოციალური ქსელებით, დაფინანსებით, არასამთავრობო ორგანიზაციებით და აქტივისტებით ცდილობენ რაღაც ნაწილის დამორჩილებას - სანქციებით, მოსკოვის მექანიზმით და სხვადასხვა საშუალებებით კვებავენ, რომ არ დაკარგონ საზოგადოების ის ნაწილი, რომელიც მათ მხარს უჭერს

საქართველოს პრეზიდენტმა, მიხეილ ყაველაშვილმა გადაცემაში „იმედის კვირა“ პრემიერ-მინისტრის, ირაკლი კობახიძის მიერ 2024 წლის 28 ნოემბერს გაკეთებულ განცხადებაზე ისაუბრა.„გარე მსახურების ბევრი მაგალითის მოყოლა შეიძლება, მაგრამ რადგან ბოლო წლებზე ვსაუბრობთ, პირდაპირ განვაცხადოთ და ნაწილი საზოგადოების ნეიტრალური, თითქოს არ მოსწონს ხელისუფლება, მაგრამ არც ოპოზიცია მოსწონს, მაგრამ უყვარს თავისი ქვეყანა, მათ დაძახილზე გამოვიდა რამდენჯერმე. აი სად მოხდა მაგალითად რომ გავარჩიოთ, შეიძლება ჩვენს მომხრეებშიც გამოიწვია ამ განცხადებამ, რაზეც აქვთ საუბარი, 28 ნოემბრის [განცხადებაზე], როდესაც გამოვიდა პრემიერი და [თქვა], რომ ჩვენ მოვემზადებით 2028 წლისთვის და ვიქნებით ერთ-ერთი წამყვანი კანდიდატებს შორის. არჩევნების შემდეგ ვერ მოახერხეს დიდი რაოდენობის გამოყვანა, მაგრამ ამ განცხადების შემდეგ რაოდენობა მოქალაქეების გამოვიდა. მეორე დღე იყო თუ მესამე დღე, ირაკლი კობახიძემ ასევე გააკეთა განცხადება, რომ ნებისმიერ დროს, როგორც კი ევროკავშირი გადაწყვეტს, რომ ის მზად არის და ჩვენთან სურს საუბრის გაგრძელება ამ საკითხთან დაკავშირებით, ნებისმიერ დროს 24 საათის მანძილზე, ჩვენ მზად ვართ დავსხდეთ და გავაგრძელოთ მოლაპარაკება. ეს არის პასუხი“, - განაცხადა მიხეილ ყაველაშვილმა.მისივე თქმით, ევროკავშირში გაწევრიანება ყოველთვის იყო ვაჭრობის საგანი, ხოლო საქართველოსთვის კანდიდატის სტატუსი არ მინიჭების მიზანი იყო ხელისუფლების ცვლილება.„ბიძინა ივანიშვილის სიტყვები მახსენდება, რომ ერთი გონიერი ადამიანი არ ჰყავთ, აი კედელს, რომ ეჯახებიან და არავის არ დაუსვამს ეს კითხვა, საკუთარ გამარჯვებად რომ დაესახათ, ხომ წარმოგიდგენია, რომ ტრიალდებით ევროკავშირის საელჩო არის, წარმომადგენელი არის, იქ ჩავდივართ და ვეუბნებით, რომ თქვენ ხომ გინდათ, რომ საქართველო ევროკავშირში გაერთიანდეს, აგერ ჩვენ ვაიძულეთ ხელისუფალი, რომ ეს განცხადება გაეკეთებინათ, მიდით გახსენით მოლაპარაკება და ჩვენ ვაიძულებთ და ჩვენი ჩართულობით მოხდება ეს პროცესი, მაგრამ აქ ხდება ყველაზე კარგად ამ სურათის დანახვა, რომ ეს პროცესი ევროკავშირთან მოლაპარაკებას არ ემსახურებოდა. არჩევნებამდე, კიდევ მანამდე, უკრაინაში ომის დაწყებამდე, შემდგომ - ეს ყოველთვის იყო ვაჭრობის საგანი და გაუგებარი იყო თვითონ ევროკავშირის ქვეყნებში, რომ რატომ მიენიჭა ორ ქვეყანას და არ მიენიჭა საქართველოს კანდიდატის სტატუსი, რომელიც წამყვანი იყო სამ ქვეყანას შორის. ეს ის კითხვებია, რომელიც პირდაპირ სცემს პასუხს ამ ხალხის მოქმედებას და აქ იყო მიზანი ხელისუფლების ცვლილების და ეს მიზანი ამ გამოსვლებით და ამ ძალადობრივი აქტებით უნდა განხორციელებულიყო“, - განაცხადა მიხეილ ყაველაშვილმა.როგორც მან აღნიშნა, გონიერმა საზოგადოებამ, ძალიან კარგად გაიგო პრემიერ-მინისტრის განცხადების აზრი და შესაბამისი შედეგებიც დადგა.„ის ძირითადი ბირთვი, რომელიც მხარში დაუდგა ჩვენს ხელისუფლებას და არ გამოვრიცხავ, რომ ბევრს შეიძლება რიგ შემთხვევებში არ მოსწონდეთ ხელისუფლების ქმედებები, მაგრამ სახელმწიფოებრივად აზროვნებს ეს საზოგადოება, ჩვენი ქართული, გონიერი საზოგადოება, მათ ძალიან კარგად გაიგეს და შესაბამისი შედეგებიც დადგა.ან ის ხალხი 4 ოქტომბრის ძალადობრივ აქტს როცა ვიხსენებთ 5-7 ათასამდე ადამიანი გამოვიდა. გესმით, იმ სიგიჟის მოთხოვნაში „დავიწყებთ და დავამთავრებთ, დავამხობთ ხელისუფლებას“, ამ სეირის საყურებლად გამოვიდა? არ რცხვენიათ ამ დაძახილზე რომ გამოდიან? მათაც შერცხვათ და დაიწყეს ერთმანეთის ძაგება - სად გამოვდიოდით, რატომ გამოვდიოდით. ჩვენდა სამწუხაროდ მედია საშუალებებით, სოციალური ქსელებით, ამ დაფინანსებით, არასამთავრობო ორგანიზაციებით და აქტივისტებით ცდილობენ რაღაცა ნაწილის მაინც დამორჩილებას. ნარკოდამოკიდებული ადამიანები რომ არიან, ისე ჰყავთ დამოკიდებული საზოგადოების ძალიან მცირე ნაწილი ამ ფეიქ ნიუსებით და გარედან მართული სიტუაციით - სანქციები, მოსკოვის მექანიზმი და სხვადასხვა საშუალებებით. ამით კვებავენ, რომ არ დაკარგონ ის ნაწილი საზოგადოების, რომელიც მათ მხარს უჭერს“, - აღნიშნა საქართველოს პრეზიდენტმა.

პოლიტიკა • 1773594540

მიხეილ ყაველაშვილი: ამ ქაოსში, რაშიც დღეს მსოფლიოა მოქცეული, საქართველო არის ერთ-ერთი ქვეყანა, რომელსაც წინასწარ ჰქონდა გათვლილი როგორ მოქცეულიყო, როგორ შეენარჩუნებინა მშვიდობა, რა გზა აერჩია და რა მიმართულებით განევითარებინა ქვეყანა

რუსეთის მიერ უკრაინაში ომის დაწყების დროს გამოიკვეთა პროცესი, სადაც პირდაპირი მნიშვნელობით ხორციელდებოდა ზეწოლა. რატომ? იმიტომ, რომ ამ პროცესში საქართველოს თავისი როლი უნდა ეთამაშა. გახსოვთ დეზინფორმაციის ნიაღვარი და უკრაინის ხელისუფლების წარმომადგენლების რჩევები გავისეირნოთ [აფხაზეთში, ოსეთში] ასევე მოხალისეების გაგზავნასთან დაკავშირებული თემები, გამოსვლა და პირდაპირი ზეწოლა ხელისუფლებაზე, სანქციებთან შეერთებაზე, ერთი ძალა კურირებდა ამ ყველაფერს და ჩვენი მთავარი მოტივაცია იმ დღეებში იყო, რომ რაც შეიძლება სწრაფად მოგვეხდინა ინფორმირება ჩვენი საზოგადოების - რა იყო სიმართლე, რა უნდა დაგვეცვა. სხვათა შორის ჩვენს მომხრეებშიც იწვევდა გაუგებრობას, ისეთი დიდი ნიაღვარი იყო [დეზინფორმაციის], თითქოს მტრის მხარეს დგებოდა ჩვენი ქვეყანა და ამას ყველამ ერთად გავუძელით, მთელმა სახელმწიფომ, - ამის შესახებ საქართველოს პრეზიდენტმა, მიხეილ ყაველაშვილმა გადაცემაში „იმედის კვირა“ განაცხადა.მისივე თქმით, ქაოსში, რაშიც დღეს მსოფლიოა მოქცეული, საქართველო არის ერთ-ერთი ქვეყანა, რომელსაც წინასწარ ჰქონდა გათვლილი როგორ მოქცეულიყო, როგორ შეენარჩუნებინა მშვიდობა, რა გზა აერჩია და რა მიმართულებით განევითარებინა ქვეყანა. „ის მთელი მოქმედებები, რომელიც ბრჭყალებში ვიტყვი, თითქოს ჩვენი კეთილის მსურველები, პარტნიორები, აშშ-ის მაშინდელი ადმინისტრაცია და მთლიანად, უკვე აღარც არის დამალული, პირდაპირ შეგვიძლია, სხვას ვერაფერს დავარქმევ, იმ რადიკალური ფრთის მოქმედებას მაშინაც და დღესაც, ეს არის მეხუთე კოლონა, რომელიც პირდაპირი მნიშვნელობით დამოკიდებულია სწორედ ამ ძალებზე და მხოლოდ მათი დაკვეთით მოქმედებს. მათ არსებულ ტელევიზიებში პროპაგანდა მიდიოდა, რომ რუსეთი როგორი სუსტია და პატრიოტულ ნოტებზე გადაჰყავდათ და აგულიანებდნენ ახალგაზრდობას, საზოგადოებას, რომ როგორი შანსი გვაქვს ახლა, რომ დავაბრუნოთ ჩვენი ტერიტორიები და ეს უმოქმედო, რუსი ხელისუფლება არაფერს აკეთებს. აი ამ ზეწოლებს ჩვენ საკმაოდ მომზადებული შევხვდით, ეს ბრძოლის პროცესია და ამ ბრძოლაში ჩვენ გავიმარჯვეთ, ეს ბრძოლა არ ჩერდება, ვაგრძელებთ ამ ბრძოლას.უკრაინის ომის შემდეგ, თითოეულმა მოქალაქემ, რომელიც ჯანსაღად აზროვნებს, პატრიოტია და იცავს ამ ქვეყნის ღირებულებას და ინტერესებს, შეიძინა გამოცდილება და მისთვის ნათელი გახდა რასთან გვქონდა საქმე, მითუმეტეს ამ ფონზე, ამ ოთხი წლის შემდეგ, ამ ქაოსში, რაშიც დღეს მსოფლიოა მოქცეული, ასეთ დროს საქართველო არის ერთ-ერთი ქვეყანა, რომელსაც წინასწარ ჰქონდა გათვლილი როგორ მოქცეულიყო, როგორ შეენარჩუნებინა მშვიდობა, რა გზა აერჩია და რა მიმართულებით განევითარებინა ქვეყანა. ჩვენ ამ გზას ვაგრძელებთ, ჩვენს ეროვნულ ინტერესებზე მორგებულ პოლიტიკას ახორციელებს ჩვენი სახელმწიფო და ჩვენი ხელისუფლება“, - განაცხადა მიხეილ ყაველაშვილმა.