პოლიტიკა • 1788272091

მიხეილ სააკაშვილი: აფხაზებს ჩვენ ვეზიზღებით

აფხაზებს ჩვენ ვეზიზღებით და ამას არაფერი ეშველება, - წერს მიხეილ სააკაშვილი სოციალურ ქსელში.როგორც მსჯავრდადებული ექსპრეზიდენტი აცხადებს, აფხაზეთზე კონტროლის აღდგენის გზა, აფხაზების შემორიგებაზე არ გადის.,,ვისაც ჰგონია, რომ აფხაზეთზე კონტროლის აღდგენის გზა, მაქსიმუმ 50000 აფხაზის შემორიგებაზე გადის მხოლოდ, იმას თავში აზრების ნაცვლად ტყლაპი აქვს. აფხაზებს ჩვენ ვეზიზღებით და ამას არაფერი ეშველება.აფხაზეთი, ეს არის დიდი გეოპოლიტიკური საკითხი, რომლის გადაწყვეტა გადის რუსეთის იმპერიის დასუსტებაზე და სავარაუდო დაშლაზე. საკითხი, რომელიც დამოკიდებულია უკრაინის წარმატებებზე და დასავლეთის სიძლიერეზე და რა თქმა უნდა თვითონ საქართველოს ფორმაში ყოფნაზე.ასე რომ მოეშვით მჩხიბაობას და დაინახეთ ფართო სურათი და აქვე მინდა გამოვთქვა ჩემი სამძიმარი გარდაცვლილი აფხაზი ბლოგერის, დაურ ბუავას ოჯახის მიმართ,” - წერს სააკაშვილი. 

საზოგადოება • 1788268467

„ჯორჯიან ეარვეისი“ - “ნაციონალური მოძრაობის” განცხადება აბსურდულია და საზოგადოების შეცდომაში შეყვანას ემსახურება

ავიაკომპანია “ჯორჯიან ეარვეისი” ეხმაურება “ნაციონალური მოძრაობის” წევრის, ირაკლი ფავლენიშვილის განცხადებას რუსეთის მიმართულებით ავიარეისებთან დაკავშირებით. განცხადებაში გამოთქმული მოსაზრება, თითქოს „ჯორჯიან ეარვეისი“ რუსეთის მიმართულებით ფრენების განსაკუთრებული მასშტაბით გამოირჩევა, აბსურდულია და საზოგადოების შეცდომაში შეყვანას ემსახურება. „ჯორჯიან ეარვეისის“ მიერ რუსეთის მიმართულებით დანიშნული ფრენების რაოდენობა უცხოური ავიაკომპანიების, მათ შორის Turkish Airlines-ისა და flydubai-ს ყოველდღიური რეისების რაოდენობის 1%-იც კი არ არის. ამასთან, საქართველოდან რუსეთის მიმართულებით პირდაპირი საჰაერო მიმოსვლა მნიშვნელოვანია როგორც ტურისტებისთვის, ასევე, პირველ რიგში, რუსეთში მცხოვრები მრავალრიცხოვანი ქართული დიასპორისთვის, რომელსაც საკუთარ ოჯახებთან, ნათესავებთან და სამშობლოსთან პირდაპირი საჰაერო კავშირი სჭირდება.მოვუწოდებთ “ნაცმოძრაობას” და ოპოზიციურ პარტიებს თავი შეიკავონ თავიანთი პოლიტიკური მიზნების მისაღწევად, ქართული ბიზნესის, ქართული ავიაკომპანიის, ქართული ეკონომიკისა და ტურიზმის და, საბოლოოდ ქართველი ხალხის წინააღმდეგ მიმართული საქმიანობისგან.

მსოფლიო • 1788265920

Reuters: რუსეთი 2026 წლის ნავთობის მოპოვების პროგნოზს 17-წლიან მინიმუმამდე ამცირებს

რუსეთმა მიმდინარე წლის ნავთობის მოპოვების პროგნოზი 17-წლიან მინიმუმამდე შეამცირა, ასევე გადახედა 2026 და 2027 წლების საწვავის ექსპორტის პროგნოზებს. ინფორმაციას Reuters-ი ავრცელებს.სააგენტოს ცნობით, ნავთობის მოპოვების პროგნოზიზ შემცირების მიზეზი უკრაინასთან ომის გავლენაა.პროგნოზები, რომლებიც, სავარაუდოდ, სექტემბრის ბოლოს საბოლოოდ დამტკიცდება და ბიუჯეტის მომზადებისთვის გამოიყენება, 2026-2029 წლებისთვის ნავთობის მოპოვების შეფასებას მაისში გამოქვეყნებულ პროგნოზთან შედარებით 16-20 მილიონი ტონით ამცირებს.2022 წლის თებერვალში ომის დაწყების შემდეგ ევროკავშირმა რუსული ნავთობისა და საწვავის იმპორტის უმეტესი ნაწილი აკრძალა, რაც მოსკოვისთვის შემოსავლის მნიშვნელოვან წყაროს წარმოადგენდა, წერს სააგენტო.ექსპორტის შეფერხებებთან ერთად, ბოლო თვეებში რუსეთის ნავთობგადამამუშავებელ ქარხნებზე უკრაინის მიერ დრონებით გახშირებულმა თავდასხმებმა საწვავის წარმოებაც შეამცირა და ქვეყანაში ბენზინის დეფიციტი გამოიწვია.მთავრობის საბაზისო სცენარის მიხედვით, რუსეთის ნედლი ნავთობის მოპოვება - ქვეყანა ამ მაჩვენებლით მსოფლიოში მესამე ადგილზეა - წელს 17,2 მილიონი ტონით შემცირდება და 494,2 მილიონ ტონას, ანუ დღეში 9,88 მილიონ ბარელს შეადგენს. ეს 2009 წლის შემდეგ ყველაზე დაბალი მაჩვენებელი იქნება.მოსალოდნელია, რომ მომავალ წელს ნედლი ნავთობის მოპოვება 500 მილიონ ტონამდე აღდგება, თუმცა ეს მაჩვენებელი წინა პროგნოზზე 16 მილიონი ტონით ნაკლები იქნება. 2028 და 2029 წლებში მოპოვება კიდევ გაიზრდება, თუმცა 2025 წლის დონეს მაინც ჩამორჩება.რუსეთის ვიცე-პრემიერმა ალექსანდრ ნოვაკმა, რომელიც პრეზიდენტ ვლადიმირ პუტინის ადმინისტრაციაში ნავთობის საკითხებს კურირებს, ივნისში დაადასტურა, რომ წლის დასაწყისიდან ქვეყანაში ნავთობის მოპოვება შემცირდა. მან კლება ნავთობგადამამუშავებელ ქარხნებში დაუგეგმავ სარემონტო სამუშაოებს დაუკავშირა.Reuters-ის ცნობით, დრონების თავდასხმებით გამოწვეული საწვავის წარმოების შემცირებამ, თავის მხრივ, ნედლი ნავთობის ექსპორტის ზრდა გამოიწვია, ძირითადად ჩინეთსა და ინდოეთში.პროგნოზის პროექტის თანახმად, წელს რუსეთის ნედლი ნავთობის ექსპორტმა შესაძლოა 244,7 მილიონ ტონას მიაღწიოს, მაშინ როდესაც 2025 წელს ეს მაჩვენებელი 230,8 მილიონი ტონა იყო. ახალი პროგნოზი მაისში გაკეთებულ შეფასებას 7,5 მილიონი ტონით აღემატება.მოსალოდნელია, რომ ნედლი ნავთობის ექსპორტი 2027 წელს 232,5 მილიონ ტონამდე შემცირდება, ხოლო 2028-2029 წლებში მკვეთრად დაიკლებს და 216,6 მილიონ ტონას შეადგენს.შიდა ბაზარზე საწვავის დეფიციტის აღმოსაფხვრელად რუსეთმა დიზელის საწვავის ექსპორტი აკრძალა. ეს გადაწყვეტილება ბენზინისა და საავიაციო საწვავის საზღვარგარეთ გაყიდვებზე დაწესებულ შეზღუდვებს დაემატა.შედეგად, რუსეთის მთავრობა წელს საწვავის ექსპორტის 27,3 მილიონი ტონით შემცირებას, 98,5 მილიონ ტონამდე ელოდება. ეს წინა პროგნოზთან შედარებით 24,1 მილიონი ტონით ნაკლებია.მიუხედავად იმისა, რომ მომავალ წელს საწვავის ექსპორტი, სავარაუდოდ, 113,1 მილიონ ტონამდე გაიზრდება, ეს მაჩვენებელი 2025 წლის დონეს თითქმის 13 მილიონი ტონით, ხოლო წინა პროგნოზს 21 მილიონი ტონით ჩამორჩება.

პოლიტიკა • 1788264025

ლევან მაჭავარიანი: ჩვენი პრაგმატული, ფრთხილი, მოზომილი, მოქნილი და დაბალანსებული პოლიტიკა არის უალტერნატივო

რუსეთთან მიმართებაში ძალიან ფრთხილ და პრაგმატულ პოლიტიკას ჩვენ ერთადერთი მიზეზის გამო ვატარებთ - დასაბრუნებელი გვაქვს დროებით ოკუპირებული ტერიტორიები და არცერთ ისეთ ნაბიჯს არ გადავდგამთ, რამაც შეიძლება ამის ალბათობა შეამციროს. პირიქით, ყოველთვის ისეთ ნაბიჯს გადავდგამთ, რომ ეს რეალური იყოს და დავიბრუნოთ ცხინვალი და აფხაზეთი, - განაცხადა პარლამენტის პლენარულ სხდომაზე ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.მისი განცხადებით, „ღალატის ქრონიკა“ ქვეყნის წინა ხელისუფლებას მხოლოდ ომის დროს არ დაუწყია.„ეს დაიწყო 2006 წელს, როდესაც, ეგრეთ წოდებული, პარალელური არჩევნები ჩაატარეს და სეპარატისტებს არჩევნების ლეგიტიმაცია მისცეს. ამის შემდეგ აღადგინეს, ეგრეთ წოდებული, სამხრეთ ოსეთის ოლქი, აღუდგინეს ზვიად გამსახურდიას ხელისუფლების დროს გაუქმებული საზღვრები და ამ საზღვრებში შეიყვანეს ახალგორი; კოდორის ხეობას ზემო აფხაზეთი დაარქვეს, რათა უმტკივნეულოდ გადაეცათ ოკუპანტისთვის; ომამდე ჯარიდან გაუშვეს ძველი სამხედროები და ღალატის მუხლი ამოიღეს კანონმდებლობიდან; არ გააფრთხილეს მშვიდობიანი მოსახლეობა; ომის დროს სამხედრო გადაწყვეტილებებს პოლიტიკოსები იღებდნენ. კიდევ ერთხელ შევახსენებ ყველას, რა ჩაიდინეს მათ ომის შემდეგ - ჩვენს სამხედროებს დააბრალეს ომის დანაშაულების ჩადენა და ომის დაწყება, ხელი მოაწერეს „ტალიავინის დასკვნას“, სადაც წერია, თითქოს ჩვენ შევუქმენით სამართლებრივი საფუძველი რუსეთს, რომ აგრესია განეხორციელებინა საქართველოში. ქვეყნის წინა ხელისუფლებამ რუსეთს გადამწყვეტი ხმა მისცა მსოფლიო სავაჭრო ორგანიზაციაში გასაწევრიანებლად, სტრატეგიული ობიექტები გადაუფორმა რუსეთის სახელმწიფო მფლობელობაში არსებულ კომპანიებს. რიტორიკით ძალიან მარტივია, ვიღაცას რაღაც დააბრალო, თუმცა ამ რადიკალურ ძალებს არანაირი ფაქტი და მტკიცებულება საქართველოს ხელისუფლების წინააღმდეგ არ გააჩნიათ. შევეჩვიეთ უკვე, რომ რაღაც აღქმების თეორიის თავსმოხვევას ცდილობენ ხოლმე მოქალაქეებზე, თუმცა, საბედნიეროდ, ეს არ გამოსდით. ყველაზე კარგად ამაზე მეტყველებს არჩევნების შედეგები და ის, რომ ნდობის მანდატი კვლავ „ქართულ ოცნებას“ აქვს მინიჭებული“, - განაცხადა ლევან მაჭავარიანმა.ფრაქცია „ქართული ოცნების“ თავმჯდომარის პირველი მოადგილე ფრაქცია „საქართველოსთვის“ წევრების განცხადებებს გამოეხმაურა, რომელშიც ისინი მმართველ პარტიას ადანაშაულებენ, რომ „რუსეთს ხმამაღლა არ აგინებენ“.„მივმართავ კოლეგებს „გახარიას პარტიიდან“ - თქვენც გვსაყვედურობთ ხოლმე, თუ რატომ არ ვაგინებთ ხმამაღლა რუსეთს. თუ გწამს, რომ დროებით ოკუპირებული ტერიტორიები შეგიძლია დაიბრუნო, ამ შემთხვევაში, არ უნდა გადადგა ისეთი ნაბიჯი, რომელიც ამის შანსს შეამცირებს. თუ შენ იცი, რომ რუსეთი აგრესორია და მას მხოლოდ საბაბი სჭირდება, რომ კიდევ ერთი სამხედრო აგრესია განახორციელოს, ეს საბაბი რატომ უნდა მისცე? ამას ხომ უგუნური პოლიტიკა ჰქვია, რასაც ზოგადად აგენტურა, „კოლექტიური ნაციონალური მოძრაობა“, მათ შორის, თქვენ გვთავაზობთ? ჩვენ ასეთი მეზობელი გვყავს, გვაქვს ასეთი რეალობა და მოცემულობა. ვალდებულები ვართ, ყველაფერი გავაკეთოთ, რათა ჩვენი დროებით ოკუპირებული ტერიტორიები დავიბრუნოთ. ჩვენ არ გვაქვს უფლება, ემოციებს ავყვეთ და ისეთი განცხადებები ვაკეთოთ, რაც ამის ალბათობას შეამცირებს. არ გვაქვს უფლება, რომ ჩვენი ქვეყნის მოქალაქეებისთვის რისკები გავზარდოთ. შესაბამისად, ჩვენი პრაგმატული, ფრთხილი, მოზომილი, მოქნილი და დაბალანსებული პოლიტიკა არის უალტერნატივო. ქართველი ხალხი ყველაზე კარგად ხვდება ამას“, - განაცხადა ლევან მაჭავარიანმა.

პოლიტიკა • 1788263473

მე-5 კოლონა რისი მე-5 კოლონაა საკუთარი ქვეყნის დაზიანებას რომ არ ცდილობდეს - დავით მათიკაშვილი "ნაციონალების" მიერ რუს ტურისტებთან დაკავშირებით გაკეთებულ განცხადებაზე

"ოპოზიციის რუსოფობიური გეგმა და ქვეყნის ინტერესების დაზიანების მორიგი მცდელობა", - მმართველი გუნდი ოპოზიციის კიდევ ერთ დეზინფორმაციულ კამპანიაზე საუბრობს."ნაციონალური მოძრაობის" წევრებმა, მათი თქმით რუსეთის მოქალაქეების უკონტროლო ნაკადზე განცხადება ლარსის შემდეგ, ამჯერად თბილისის საერთაშორისო აეროპორტში გააკეთეს.უმრავლესობა ოპონენტებს ორმაგ სტანდარტზე მიუთითებს და ახსენებს, როგორ ხვდებოდა მათი ლიდერი 2008 წლის ომის მერე ლარსზე რუს ტურისტებს და როგორ ასხვისებდნენ სტრატეგიულ ობიექტებს რუსულ კომპანიებზე.მმართველ გუნდში ოფიციალურ სტატისტიკასაც უსვამენ ხაზს, რომლის მიხედვითაც, ლარსის გავლით ქვეყნიდან უფრო მეტი ადამიანი გადის, ვიდრე შემოდის.საკითხს გამოეხმაურა პარლამენტის საპროცედურო საკითხთა კომიტეტის თავმჯდომარე. დავით მათიკაშვილის განცხადებით, მათ ოპონენტები აღნიშნული განცხადებებით ქვეყნის ეკონომიკისა და იმიჯის დაზიანება სურთ."მე-5 კოლონა რისი მე-5 კოლონაა საკუთარი ქვეყნის დაზიანებას რომ არ ცდილობდეს. აგენტურული დღის წესრიგით, შესაძლებლობას ხელიდან არ უშვებენ, რაიმე ფორმით ქვეყნის ეკონომიკა, იმიჯი და ა.შ. არ დააზიანონ. თან არ გამოსდით ეს ყველაფერი. ახლა ეს რუსოფობიური განწყობების გაღვივება არის, ის დავალება, რომელიც მათ მიიღეს ქვეყნის ფარგლებს გარეთ.ანალოგიურს ვერ ვხედავდით 2008 წელს, როდესაც რუსეთმა ქვეყნის 20%-ის ოკუპაცია მოახდინა. გვახსოვს განცხადებებიც, რუსულ ფულს თურმე სუნი რომ არ ასდის. როგორ შეიძლება ხელი მოაწერო ისეთ რეზოლუციას, სადაც საკუთარ ჯარს, არმიას და ქვეყანას დააბრალო ომის დანაშაულის ჩადენა. დღეს სხვა დავალება აქვთ", - განაცხადა დავით მათიკაშვილმა.

პოლიტიკა • 1788262872

უკონტროლოდ შემოდიან რას ნიშნავს, პასპორტის გარეშე შემოდიან? რუს ტურისტებს ვინ ხვდებოდა ღვინით ლარსზე კარგად გვახსოვს - თენგიზ შარმანაშვილი "ნაციონალების" მიერ რუს ტურისტებთან დაკავშირებით გაკეთებულ განცხადებაზე

"ოპოზიციის რუსოფობიური გეგმა და ქვეყნის ინტერესების დაზიანების მორიგი მცდელობა", - მმართველი გუნდი ოპოზიციის კიდევ ერთ დეზინფორმაციულ კამპანიაზე საუბრობს."ნაციონალური მოძრაობის" წევრებმა, მათი თქმით რუსეთის მოქალაქეების უკონტროლო ნაკადზე განცხადება ლარსის შემდეგ, ამჯერად თბილისის საერთაშორისო აეროპორტში გააკეთეს.უმრავლესობა ოპონენტებს ორმაგ სტანდარტზე მიუთითებს და ახსენებს, როგორ ხვდებოდა მათი ლიდერი 2008 წლის ომის მერე ლარსზე რუს ტურისტებს და როგორ ასხვისებდნენ სტრატეგიულ ობიექტებს რუსულ კომპანიებზე.მმართველ გუნდში ოფიციალურ სტატისტიკასაც უსვამენ ხაზს, რომლის მიხედვითაც, ლარსის გავლით ქვეყნიდან უფრო მეტი ადამიანი გადის, ვიდრე შემოდის.საკითხს გამოეხმაურა პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე. თენგიზ შარმანაშვილის განცხადებით, რუსი ტურისტები იმ კანონმდებლობით სარგებლობენ, რომელიც თავად "ნაციონალურმა მოძრაობამ" შემოიღო და ახლა ცდილობენ ეს ყველაფერი მმართველ გუნდს გადააბრალონ."კარგია, რომ გვახსენებენ ამ თემას, შეიძლება ჩვენ დაგვავიწყდეს. რუს ტურისტებს ვინ ხვდებოდა ღვინით ლარსზე ძალიან კარგად გვახსოვს. ვურჩევ, იმ ენერგეტიკულ ობიექტებთან მივიდნენ, რომლებიც 2008 წლის ომის შემდეგ რუსებს გადასცეს.თავის დროზე, თვითონ შემოიღეს ეს ყველაფერი, ახლა უნდათ ჩვენ გადმოგვაბრალონ. უკონტროლოდ შემოდიან რას ნიშნავს, პასპორტის გარეშე შემოდიან? ქალები შემოდიან ისეთი პასპორტებით, სადაც კაცების სურათია ჩაკრული? - რას ეძახიან უკონტროლო შემოსვლას?!იმ კაცს აქვს გარკვეული დროით, უვიზო გადაადგილების პირობებში, კანონმდებლობიდან გამომდინარე, აქ შემოსვლის უფლება. თუ იტყვიან რომ უკანონოდ და უსაბუთოდ ხდება ეს ყველაფერი და კანონის დარღვევით ვუშვებთ - კი ბატონო, მაგრამ თავისი დაწესებული წესებით შემოდიან ისინი აქ, მერე უფრო მეტნი გადიან ", - განაცხადა თენგიზ შარმანაშვილმა.

პოლიტიკა • 1788262636

არ ვებრძვით ტურიზმსა და ტურისტებს რუსეთიდან, არამედ არ გვინდა, საქართველოს მოქალაქეების ჩანაცვლება, ქართული ბიზნესების ჩანაცვლება - ირაკლი ფავლენიშვილი

"ოპოზიციის რუსოფობიური გეგმა და ქვეყნის ინტერესების დაზიანების მორიგი მცდელობა", - მმართველი გუნდი ოპოზიციის კიდევ ერთ დეზინფორმაციულ კამპანიაზე საუბრობს."ნაციონალური მოძრაობის" წევრებმა, მათი თქმით რუსეთის მოქალაქეების უკონტროლო ნაკადზე განცხადება ლარსის შემდეგ, ამჯერად თბილისის საერთაშორისო აეროპორტში გააკეთეს.პარტია "ერთიანობა - ნაციონალური მოძრაობის" დროებითი მმართველობის საბჭოს თავმჯდომარის, ირაკლი ფავლენიშვილის განცხადებით, ისინი არ ებრძვიან ტურისტებს რუსეთიდან, თუმცა არ სურთ საქართველოში ქართველების რუსი მოქალაქეებით ჩანაცვლება."უკონტროლოდ მასობრივად შემოდიან ოკუპანტი ქვეყნის წარმომადგენლები. ამ ხალხის დიდი ნაწილი არ არის ტურისტი. ჩვენ არ ვებრძვით ტურიზმსა და ტურისტებს რუსეთიდან, არამედ არ გვინდა, საქართველოს მოქალაქეების ჩანაცვლება, ქართული ბიზნესების ჩანაცვლება", - განაცხადა ირაკლი ფავლენიშვილმა.საპასუხოდ, უმრავლესობა ოპონენტებს ორმაგ სტანდარტზე მიუთითებს და ახსენებს, როგორ ხვდებოდა მათი ლიდერი 2008 წლის ომის მერე ლარსზე რუს ტურისტებს და როგორ ასხვისებდნენ სტრატეგიულ ობიექტებს რუსულ კომპანიებზე.მმართველ გუნდში ოფიციალურ სტატისტიკასაც უსვამენ ხაზს, რომლის მიხედვითაც, ლარსის გავლით ქვეყნიდან უფრო მეტი ადამიანი გადის, ვიდრე შემოდის.

პოლიტიკა • 1788260906

ლევან მაჭავარიანი: ჩვენი პრაგმატული, ფრთხილი, მოზომილი, მოქნილი და დაბალანსებული პოლიტიკა არის უალტერნატივო

რუსეთთან მიმართებაში ძალიან ფრთხილ და პრაგმატულ პოლიტიკას ჩვენ ერთადერთი მიზეზის გამო ვატარებთ - დასაბრუნებელი გვაქვს დროებით ოკუპირებული ტერიტორიები და არცერთ ისეთ ნაბიჯს არ გადავდგამთ, რამაც შეიძლება ამის ალბათობა შეამციროს. პირიქით, ყოველთვის ისეთ ნაბიჯს გადავდგამთ, რომ ეს რეალური იყოს და დავიბრუნოთ ცხინვალი და აფხაზეთი, - განაცხადა პარლამენტის პლენარულ სხდომაზე ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.მისი განცხადებით, „ღალატის ქრონიკა“ ქვეყნის წინა ხელისუფლებას მხოლოდ ომის დროს არ დაუწყია.„ეს დაიწყო 2006 წელს, როდესაც, ეგრეთ წოდებული, პარალელური არჩევნები ჩაატარეს და სეპარატისტებს არჩევნების ლეგიტიმაცია მისცეს. ამის შემდეგ აღადგინეს, ეგრეთ წოდებული, სამხრეთ ოსეთის ოლქი, აღუდგინეს ზვიად გამსახურდიას ხელისუფლების დროს გაუქმებული საზღვრები და ამ საზღვრებში შეიყვანეს ახალგორი; კოდორის ხეობას ზემო აფხაზეთი დაარქვეს, რათა უმტკივნეულოდ გადაეცათ ოკუპანტისთვის; ომამდე ჯარიდან გაუშვეს ძველი სამხედროები და ღალატის მუხლი ამოიღეს კანონმდებლობიდან; არ გააფრთხილეს მშვიდობიანი მოსახლეობა; ომის დროს სამხედრო გადაწყვეტილებებს პოლიტიკოსები იღებდნენ. კიდევ ერთხელ შევახსენებ ყველას, რა ჩაიდინეს მათ ომის შემდეგ - ჩვენს სამხედროებს დააბრალეს ომის დანაშაულების ჩადენა და ომის დაწყება, ხელი მოაწერეს „ტალიავინის დასკვნას“, სადაც წერია, თითქოს ჩვენ შევუქმენით სამართლებრივი საფუძველი რუსეთს, რომ აგრესია განეხორციელებინა საქართველოში. ქვეყნის წინა ხელისუფლებამ რუსეთს გადამწყვეტი ხმა მისცა მსოფლიო სავაჭრო ორგანიზაციაში გასაწევრიანებლად, სტრატეგიული ობიექტები გადაუფორმა რუსეთის სახელმწიფო მფლობელობაში არსებულ კომპანიებს. რიტორიკით ძალიან მარტივია, ვიღაცას რაღაც დააბრალო, თუმცა ამ რადიკალურ ძალებს არანაირი ფაქტი და მტკიცებულება საქართველოს ხელისუფლების წინააღმდეგ არ გააჩნიათ. შევეჩვიეთ უკვე, რომ რაღაც აღქმების თეორიის თავსმოხვევას ცდილობენ ხოლმე მოქალაქეებზე, თუმცა, საბედნიეროდ, ეს არ გამოსდით. ყველაზე კარგად ამაზე მეტყველებს არჩევნების შედეგები და ის, რომ ნდობის მანდატი კვლავ „ქართულ ოცნებას“ აქვს მინიჭებული“, - განაცხადა ლევან მაჭავარიანმა.ფრაქცია „ქართული ოცნების“ თავმჯდომარის პირველი მოადგილე ფრაქცია „საქართველოსთვის“ წევრების განცხადებებს გამოეხმაურა, რომელშიც ისინი მმართველ პარტიას ადანაშაულებენ, რომ „რუსეთს ხმამაღლა არ აგინებენ“.„მივმართავ კოლეგებს „გახარიას პარტიიდან“ - თქვენც გვსაყვედურობთ ხოლმე, თუ რატომ არ ვაგინებთ ხმამაღლა რუსეთს. თუ გწამს, რომ დროებით ოკუპირებული ტერიტორიები შეგიძლია დაიბრუნო, ამ შემთხვევაში, არ უნდა გადადგა ისეთი ნაბიჯი, რომელიც ამის შანსს შეამცირებს. თუ შენ იცი, რომ რუსეთი აგრესორია და მას მხოლოდ საბაბი სჭირდება, რომ კიდევ ერთი სამხედრო აგრესია განახორციელოს, ეს საბაბი რატომ უნდა მისცე? ამას ხომ უგუნური პოლიტიკა ჰქვია, რასაც ზოგადად აგენტურა, „კოლექტიური ნაციონალური მოძრაობა“, მათ შორის, თქვენ გვთავაზობთ? ჩვენ ასეთი მეზობელი გვყავს, გვაქვს ასეთი რეალობა და მოცემულობა. ვალდებულები ვართ, ყველაფერი გავაკეთოთ, რათა ჩვენი დროებით ოკუპირებული ტერიტორიები დავიბრუნოთ. ჩვენ არ გვაქვს უფლება, ემოციებს ავყვეთ და ისეთი განცხადებები ვაკეთოთ, რაც ამის ალბათობას შეამცირებს. არ გვაქვს უფლება, რომ ჩვენი ქვეყნის მოქალაქეებისთვის რისკები გავზარდოთ. შესაბამისად, ჩვენი პრაგმატული, ფრთხილი, მოზომილი, მოქნილი და დაბალანსებული პოლიტიკა არის უალტერნატივო. ქართველი ხალხი ყველაზე კარგად ხვდება ამას“, - განაცხადა ლევან მაჭავარიანმა.

პოლიტიკა • 1788252782

ირაკლი კირცხალია: აფხაზეთი ჩვენთვის არ არის მხოლოდ ტერიტორიული მთლიანობის საკითხი, აფხაზეთი არის ჩვენი ხალხი, ჩვენი ისტორია, ჩვენი საერთო მომავალი

ყველას, ვისაც აქვს პრეტენზია ქვეყნის მართვაზე ან პოლიტიკურ პროცესში მონაწილეობაზე, ეკისრება განსაკუთრებული პასუხისმგებლობა თითოეულ სიტყვაზე, როდესაც საქმე ეხება აფხაზეთს, ცხინვალის რეგიონს, ომსა და ტერიტორიულ მთლიანობას. ჩვენ გვაქვს ვალდებულება, საზოგადოებას ღიად ვუთხრათ, სად მთავრდება პოლიტიკური კრიტიკა და სად იწყება ისეთი უპასუხისმგებლობა, რომელმაც შეიძლება კონკრეტული ზიანი მიაყენოს საქართველოს სახელმწიფოებრივ ინტერესებს, - განაცხადა საპარლამენტო უმრავლესობის ლიდერმა ირაკლი კირცხალიამ საშემოდგომო სესიის პლენარულ სხდომაზე სიტყვით გამოსვლისას.მისივე თქმით, საქართველოს ხელისუფლების ნებისმიერი ნაბიჯი ეფუძნება ერთ მთავარ პრინციპს - დეოკუპაცია მშვიდობით და შერიგება ნდობით.„აფხაზეთი ჩვენთვის არ არის მხოლოდ ტერიტორიული მთლიანობის საკითხი. აფხაზეთი არის ჩვენი ხალხი, ჩვენი ისტორია, ჩვენი საერთო მომავალი.ამიტომ საქართველოს ხელისუფლების ნებისმიერი ნაბიჯი ამ მიმართულებით ეფუძნება ერთ მთავარ პრინციპს! დეოკუპაცია მშვიდობით! შერიგება ნდობით! და ქვეყნის გაერთიანება არა ახალი კონფლიქტით, არამედ ურთიერთობის აღდგენით.ჩვენ დღეს უკვე ვხედავთ მცდელობებს, რომ ნებისმიერი ნაბიჯი, რომელიც ნდობის აღდგენას, ჰუმანიტარულ ურთიერთობასა და მშვიდობიან დარეგულირებას ემსახურება, გახდეს პოლიტიკური სპეკულაციის, პროვოკაციისა და ხელოვნური ესკალაციის საგანი. აქ საზოგადოებას სრული სიმართლის ცოდნის უფლება აქვს.საჭიროა ყველა იმ პოლიტიკური და გავლენის ქსელის სრული, სამართლებრივი და პოლიტიკური ლუსტრაცია, რომელიც პირდაპირ თუ ირიბად მუშაობს საქართველოს სამშვიდობო პოლიტიკის წინააღმდეგ.საზოგადოებამ უნდა იცოდეს, ვინ რა ინტერესს ემსახურება, ვინ ცდილობს ქართველი და აფხაზი საზოგადოების კიდევ უფრო დაშორებას და ვინ ქმნის ნიადაგს ახალი დაპირისპირებისთვის.სამ ათწლეულზე მეტი ხნის კონფლიქტის შემდეგ, როდესაც ქართველი და აფხაზი საზოგადოებების ერთმანეთთან დაბრუნებას თითოეული სიტყვის და თითოეული ნაბიჯის ფრთხილი გააზრება სჭირდება, ერთ უპასუხისმგებლო განცხადებას შეუძლია წლების განმავლობაში ნაშენი ნდობა ერთ დღეში დააზიანოს.აფხაზეთის თემა არ არის პოლიტიკური ქულების დაწერის ადგილი. ვინც ამ თემას შიდა პოლიტიკური ბრძოლის ან რომელიმე გარე პოლიტიკური ინტერესის ინსტრუმენტად გამოიყენებს, უნდა იცოდეს, რომ მას უმკაცრესი პოლიტიკური პასუხისმგებლობა დაეკისრება. ჩვენი პასუხი ამ ყველაფერზე არის შედეგი.სწორედ „ქართული ოცნების“ ხელისუფლების პირობებში საქართველომ საერთაშორისო სასამართლოებში შექმნა უმნიშვნელოვანესი სამართლებრივი საფუძველი დეოკუპაციისთვის. სტრასბურგის სასამართლომ დაადასტურა რუსეთის პასუხისმგებლობა, ეფექტური კონტროლი და საქართველოს ტერიტორიების ოკუპაციის ფაქტი. ეს არის განსხვავება ხმაურიან რიტორიკასა და სახელმწიფოებრივ პოლიტიკას შორის", - განაცხადა კირცხალიამ.

პოლიტიკა • 1788252367

ირაკლი კირცხალია: საქართველოს ეროვნული ინტერესები ვერ გახდება ვერც ერთი პარტიის პოლიტიკური ანგარიშსწორების, პირადი ამბიციის თუ გარე ინტერესების მომსახურების სივრცე

საქართველოს ეროვნული ინტერესები ვერ გახდება ვერც ერთი პარტიის პოლიტიკური ანგარიშსწორების, პირადი ამბიციის თუ გარე ინტერესების მომსახურების სივრცე, - განაცხადა საპარლამენტო უმრავლესობის ლიდერმა ირაკლი კირცხალიამ საშემოდგომო სესიის პლენარულ სხდომაზე სიტყვით გამოსვლისას.მისივე თქმით, ადამიანები, რომლებიც წლების განმავლობაში არ იცავდნენ საქართველოს სახელმწიფოებრივ ინტერესებს, დღეს ცდილობენ ყველაზე მტკივნეული ეროვნული საკითხები კვლავ პოლიტიკური ბრძოლის იარაღად აქციონ.„გასული ზაფხულის განმავლობაში სამწუხაროდ, კიდევ ერთხელ დავინახეთ, რამდენად სახიფათო შეიძლება გახდეს პოლიტიკური უპასუხისმგებლობა მაშინ, როდესაც ის უკვე აღარ ეხება მხოლოდ ხელისუფლებასა და ე.წ. ოპოზიციას შორის ჩვეულებრივ დაპირისპირებას და პირდაპირ ეხება საქართველოს ეროვნულ ინტერესებს, ტერიტორიულ მთლიანობას, ოკუპირებულ ტერიტორიებსა და ქვეყნის მშვიდობიან მომავალს.„ნაციონალური მოძრაობისა“ და მისგან წარმოქმნილი აგენტურული ჯგუფების ცალკეული წარმომადგენლების მხრიდან კვლავ მოვისმინეთ განცხადებები, რომელთა შინაარსიც სცდება ჯანსაღი პოლიტიკური დისკუსიის ფარგლებს და აჩენს უმძიმეს კითხვებს, ვის ინტერესს ემსახურება ასეთი რიტორიკა? რას აძლევს ის საქართველოს და რაც მთავარია! რა ზიანის მოტანა შეუძლია მას ქვეყნისთვის.როდესაც აგენტურული ქსელის ერთ-ერთი ლიდერი აფხაზეთის ომზე ისეთ განცხადებას აკეთებს, რომლის გამოც გენერალური პროკურატურა სამშობლოს ღალატისა და საბოტაჟის ფაქტზე გამოძიებას იწყებს, ეს უკვე აღარ არის მხოლოდ პოლიტიკური პოლემიკის საკითხი, ეს სახელმწიფოსა და საზოგადოების განსაკუთრებულ ყურადღებას მოითხოვს.ჩვენ ვხედავთ მეტად სახიფათო ტენდენციას: ადამიანები, რომლებიც წლების განმავლობაში არ იცავდნენ საქართველოს სახელმწიფოებრივ ინტერესებს, დღეს ცდილობენ ყველაზე მტკივნეული ეროვნული საკითხები კვლავ პოლიტიკური ბრძოლის იარაღად აქციონ.მათ რიტორიკაში კვლავ ჩნდება ისეთი გზავნილები, რომლებმაც შეიძლება დააზიანოს ქართულ და აფხაზ საზოგადოებებს შორის ისედაც ურთულესი ნდობის აღდგენის პროცესი, გააძლიეროს დაპირისპირება და შექმნას დამატებითი საფუძველი საქართველოს წინააღმდეგ მტრული პროპაგანდისთვის.განსაკუთრებით მძიმეა ის, რომ მსგავსი განცხადებები კეთდება მაშინ, როდესაც ჩვენი ქვეყანა წლების განმავლობაში უდიდესი სიფრთხილით აშენებს მშვიდობის, დეოკუპაციისა და შერიგების პოლიტიკას.ამიტომ საჭიროა მკაფიოდ ითქვას: საქართველოს ეროვნული ინტერესები ვერ გახდება ვერც ერთი პარტიის პოლიტიკური ანგარიშსწორების, პირადი ამბიციის თუ გარე ინტერესების მომსახურების სივრცე.საჭიროა ყველა იმ პოლიტიკური და გავლენის ქსელის სრული, სამართლებრივი და პოლიტიკური ლუსტრაცია, რომელიც პირდაპირ თუ ირიბად მუშაობს საქართველოს სამშვიდობო პოლიტიკის წინააღმდეგ.საზოგადოებამ უნდა იცოდეს, ვინ რა ინტერესს ემსახურება, ვინ ცდილობს ქართველი და აფხაზი საზოგადოების კიდევ უფრო დაშორებას და ვინ ქმნის ნიადაგს ახალი დაპირისპირებისთვის.ამის შეფასებისთვის საკმარისია უახლეს ისტორიას გადავხედოთ. 2008 წლის უმძიმესი ომის შემდეგ ჩვენ ვნახეთ მაშინდელი ხელისუფლების რიტორიკა და კონკრეტული პოლიტიკური ნაბიჯები. ვნახეთ ევროპის საბჭოს საპარლამენტო ასამბლეის რეზოლუციაში საქართველოსთვის უკიდურესად მძიმე ფორმულირებები. ვნახეთ, როგორ თანაარსებობდა ხმამაღალი ანტირუსული რიტორიკა რუსეთთან ეკონომიკური ურთიერთობების პრაქტიკულ გაღრმავებასთან. ანუ ერთი იყო სიტყვა და მეორე საქმე.2022 წლის შემდეგ კი იმავე პოლიტიკური წრის რიტორიკა სრულიად სხვა მიმართულებით შეიცვალა. უკვე გვესმოდა საქართველოსთვის სანქციების დაწესების მოთხოვნა, რუსეთის წინააღმდეგ ორმხრივი სანქციების დაწესების მოთხოვნა, საუბარი „მეორე ფრონტზე“, დაუსაბუთებელი ბრალდებები თითქოს საქართველო საერთაშორისო სანქციების გვერდის ავლისთვის გამოიყენებოდა და მუდმივი მცდელობა, რომ ჩვენი ქვეყანა შესულიყო პირდაპირი ესკალაციის რეჟიმში.ყველა ამ მოწოდებას ერთი შესაძლო შედეგი ჰქონდა საქართველოში მშვიდობის რისკის ქვეშ დაყენება. დღეს ეს პოლიტიკური ხაზი განსაკუთრებით სახიფათო ხდება, როდესაც საქმე აფხაზეთს ეხება.სამ ათწლეულზე მეტი ხნის კონფლიქტის შემდეგ, როდესაც ქართველი და აფხაზი საზოგადოებების ერთმანეთთან დაბრუნებას თითოეული სიტყვის და თითოეული ნაბიჯის ფრთხილი გააზრება სჭირდება, ერთ უპასუხისმგებლო განცხადებას შეუძლია წლების განმავლობაში ნაშენი ნდობა ერთ დღეში დააზიანოს.აფხაზეთის თემა არ არის პოლიტიკური ქულების დაწერის ადგილი. ვინც ამ თემას შიდა პოლიტიკური ბრძოლის ან რომელიმე გარე პოლიტიკური ინტერესის ინსტრუმენტად გამოიყენებს, უნდა იცოდეს, რომ მას უმკაცრესი პოლიტიკური პასუხისმგებლობა დაეკისრება“, - განაცხადა კირცხალიამ.

მსოფლიო • 1788250320

„დიდი ოცეულის„ ფინანსთა მინისტრებისა და ცენტრალური ბანკების ხელმძღვანელთა შეხვედრის ფარგლებში, შტატების სახაზინო მდივანი სკოტ ბესენტი რუსეთის ფინანსთა მინისტრს შეხვდა

"დიდი ოცეულის" ფინანსთა მინისტრებისა და ცენტრალური ბანკების ხელმძღვანელთა შეხვედრის ფარგლებში, შტატების სახაზინო მდივანი სკოტ ბესენტი რუსეთის ფინანსთა მინისტრს შეხვდა.გამოცემა "აქსიოსი" წერს, რომ ეს შეხვედრა "ტრამპის ადმინისტრაციის მხრიდან მოსკოვთან უმაღლესი დონის ურთიერთობის განახლების ნიშანია".ბესენტმა და სილუანოვმა ტრამპის უკრაინის სამშვიდობო გეგმაზე იმსჯელეს. რუსეთის ფინანსთა სამინისტროს განცხადებით კი, მოლაპარაკებები ორ ქვეყანას შორის და "ჯი 20-ის" ფარგლებში ფინანსურ თანამშრომლობას შეეხებოდა.

მსოფლიო • 1788246242

რუსეთმა პირველი სექტემბრის ღამეს კიევში ბალისტიკური რაკეტებით სარკინიგზო ობიექტებს დაარტყა, დაღუპულია შვიდი ადამიანი

რუსეთმა პირველი სექტემბრის ღამეს კიევში ბალისტიკური რაკეტებით სარკინიგზო ობიექტებს დაარტყა, დაღუპულია შვიდი ადამიანი, მათ შორის ექვსი „უკრზალიზნიციის“ თანამშრომელია. ინფორმაციას „უკრზალიზნიციის“ პრესსამსახურზე დაყრდნობით უკრაინული მედია ავრცელებს.„ბალისტიკურმა დარტყმამ შვიდი ადამიანის სიცოცხლე შეიწირა, მათგან ექვსი ჩვენი თანამშრომელია. ერთი ჩვენი კოლეგა საავადმყოფოშია გადაყვანილი და ჭრილობები აქვს. ჩვენი თანამშრომლები მის გვერდით არიან და ყველა საჭირო დახმარებას უწევენ. ათობით ადამიანმა თავშესაფრებში გადარჩენა მოახერხა და ახლა მათ მდგომარეობიდან გამოსვლაში ვეხმარებით“, – აღნიშნა უკრზალიზნიციის“ სამმართველოს თავმჯდომარემ, ალექსანდრ პერცოვსკიმ.მისივე თქმით, ნგრევა მასშტაბურია და ერთ-ერთი საამქრო სრულად განადგურდა.მაშველები ამ დროისთვის რამდენიმე ხანძრის ლოკალიზებასა და ჩაქრობას აგრძელებენ.ამავდროულად გავრცელდა ინფორმაცია კიევის ოლქის ქალაქ ბორისპოლზე თავდასხმის შესახებ, რასაც სამი ადამიანის სიცოცხლე ემსხვერპლა. კიევის ოლქზე რუსეთის სარაკეტო თავდასხმის შედეგად დაზიანდა საცხოვრებელი სახლები, სამოქალაქო ინფრასტრუქტურის ობიექტები და ავტომობილები. რამდენიმე ადგილზე ხანძარი გაჩნდა. დაზიანებულია ხუთსართულიანი მრავალბინიანი საცხოვრებელი სახლი, მაღაზია და ორი კერძო საცხოვრებელი სახლი. საგანგებო სიტუაციების სახელმწიფო სამსახურის დანაყოფებმა 48 ადამიანის ევაკუაცია განახორციელეს და ნანგრევებიდან ორი ადამიანი ამოიყვანეს.