მეგობარი

ვინ არის თეოფილე მალაქიას მეუღლე, კაცის, რომლის სახელსაც საქართველოდან 28 ადამიანის გაუჩინარება უკავშირდება - რეზონანსული და მისტიკური ისტორიის დეტალები

„ფეისბუქგვერდი“, რომელიც თეოფილე მალაქიასა და მისი სტუდენტების შესახებ ინფორმაციას ავრცელებს, კიდევ ერთ პოსტს აქვეყნებს. ამჯერად პოსტი ბატონი რეზო ბაქრაძის მეუღლეს, მარიკა ბაქრაძეს ეხება. „თავი რომ არ მოგაბეზროთ, ცოტა ხნით შეგასვენეთ და დღეს გადავწყვიტე, გაგაცნოთ ბატონი რეზო ბაქრაძის მეუღლე - ქალბატონი მარიკა.თუმცა, „გაცნობა“ შესაძლოა ხმამაღლა ნათქვამიც კი იყოს. ერთი მოკლე პოსტით მისი პიროვნების სრულად წარმოჩენა, რა თქმა უნდა, შეუძლებელია, მაგრამ შევეცდები, რაც შემიძლია, იმ მცირედით მაინც შეგიქმნათ წარმოდგენა, თუ როგორი ადამიანია ქალბატონი მარიკა.მარიკა - მართლაც საოცარი ადამიანი, ქალი, მეუღლე, დედა, მეგობარი და, უბრალოდ, ერთგული პიროვნება.ადამიანი, რომელმაც თითოეულ ჩვენგანში განსაკუთრებული სითბო და სიყვარული დათესა.მსგავს ადამიანს მართლაც იშვიათად შეხვდებით. და ეს მხოლოდ სიტყვები არ არის.ქალბატონმა მარიკამ 1994 წელს, ბატონ რეზოსთან, მათ 12 წლის ვაჟიშვილთან და ბატონი რეზოს დისშვილთან ერთად დატოვა საქართველო.მაგრამ ეს მხოლოდ ერთი ოჯახის ემიგრაცია არ იყო. მათთან ერთად საქართველო დავტოვეთ ჩვენც — 28 ახალგაზრდამ, რომელთა შორის იყვნენ დები, და-ძმები, რამდენიმე დაოჯახებული წყვილი და ასაკით განსხვავებული, თუმცა ყველა სრულწლოვანი ადამიანი, რომელთა უმრავლესობას უმაღლესი სასწავლებლები უკვე დამთავრებული გვქონდა.მე პირადად ბატონი რეზოს ოჯახთან ერთად 2001 წელს ჩამოვედი კანადაში. ეს ნიშნავს, რომ ქალბატონ მარიკასთან ერთად შვიდი წელი ვიცხოვრე.ამ შვიდი წლის განმავლობაში მასთან ერთად ვიმოგზაურე საქართველოდან თურქეთში, თურქეთიდან არგენტინაში, არგენტინიდან რუსეთში, რუსეთიდან კვლავ თურქეთში და საბოლოოდ - თურქეთიდან კანადაში.ამ წლების განმავლობაში ქალბატონმა მარიკამ თავი გაგვაცნო, როგორც გამორჩეულმა მეუღლემ, რომლის სახეს ღიმილი მაშინაც კი არ მოშორებია, როდესაც ბატონმა რეზომ პირველ ნაკადთან ერთად კანადაში წამოსვლაზე უარი თქვა - მხოლოდ იმიტომ, რომ ჩვენ, დანარჩენები, მარტო არ მივეტოვებინეთ. მერწმუნეთ, ეს მართლაც გმირობის ტოლფასი იყო, როგორც ბატონი რეზოს მხრიდან, ასევე მისი მეუღლის.იმ დროს არც ერთ ჩვენგანს არ ჰქონდა გარანტია, რომ ოდესმე კანადაში მოვხვდებოდით. ბატონი რეზოს რწმენა, ეს იყო ერთადერთი იმედი, რომელიც გვამხნევებდა - რომ „ღმერთის მოიმედე ადამიანს ღმერთი არასოდეს მიატოვებს“.ქალბატონი მარიკას ჩვენდამი ასეთი დამოკიდებულება იყო მეუღლისადმი პატივისცემის, სიყვარულის და მისი რწმენისადმი ნდობის ძალიან ბუნებრივი გამოხატულება.და ეს დამოკიდებულება მხოლოდ ერთ დიდ გადაწყვეტილებაში არ გამოჩენილა. ყოველდღიური ცხოვრების უმცირეს დეტალებშიც კი იგრძნობოდა მისი სითბო და თანაგრძნობა.ქალბატონმა მარიკამ თავი გაგვაცნო, როგორც მზრუნველმა მეგობარმა.თურქეთში ცხოვრების ხუთი წლის განმავლობაში იგი ყოველდღიურად ამზადებდა სადილს ჩვენთვის — ზოგჯერ 15 ადამიანისთვის, ზოგჯერ 20-ისთვის, ზოგჯერ კი 28 ადამიანისთვისაც კი, იმისდა მიხედვით, თუ ვინ რა გრაფიკით და სად მუშაობდა.მახსოვს მისი სიტყვები:„მოდი, ამ სადილსაც მოვამზადებ. რა უჭირს თუ დავიღლები - სამაგიეროდ, რომ მოვლენ, თბილი კერძი დახვდებათ და გაუხარდებათ.“ხოლო მათთვის, ვინც უფრო დატვირთულად მუშაობდა, ხშირად დამატებით საკვებსაც ინახავდა:„ენერგია სჭირდებათ ბიჭებს.“ეს უბრალო სადილის მომზადება არ ყოფილა. ეს იყო ზრუნვის ის ფორმა, რომელსაც სიტყვები ნაკლებად სჭირდება.მისი გემრიელი კერძები და ღიმილიანი მომსახურება, ამშვენებდა ჩვენს სადღესასწაულო სუფრებსაც და ჩვენ ყოველდღიურ ცხოვრებას ალამაზებდა.ქალბატონმა მარიკამ თავი გაგვაცნო, როგორც საოცრად მგრძნობიარე ადამიანმა, რომელსაც თითოეული ჩვენგანის ტკივილი გულთან მიჰქონდა. გვესაუბრებოდა, გვისმენდა, გვამხნევებდა და გვეფერებოდა.ის არის მეგობარი არა მხოლოდ სიტყვით, არამედ საქმით.ადამიანი, რომელიც გვერდით ედგა არა მხოლოდ საკუთარ მეუღლეს, შვილს თუ ნათესავს, არამედ ჩვენ ყველას.იმ 28 ახალგაზრდიდან, რომელთა გვერდით ყოფნაც, უამრავ სირთულესთან და პასუხისმგებლობასთან იყო დაკავშირებული, მან ყველას სიყვარული, პატივისცემა და ნდობა დაიმსახურა.მე ვერ წარმოვიდგენ, რომ ჩვენს შორის თუნდაც ერთი ადამიანი აღმოჩნდეს, რომელიც ჩემს გულისნადებს არ გაიზიარებს - ადამიანი, რომელსაც ქალბატონი მარიკას პიროვნებამ გული არ გაუთბო და ნამდვილი მეგობრობის რწმენა არ შეუტანა.და ალბათ, სწორედ ამაშია მისი განსაკუთრებულობაც - ის უბრალოდ კარგი ადამიანი კი არ იყო ჩვენთვის; ის ჩვენთვის მეგობარი გახდა.დღესაც, კანადური ცხოვრების რიტმში, ქალბატონი მარიკა ბატონი რეზოს გვერდით დგას და ეხმარება მას ქართულენოვან სივრცეში განათლების განვითარების პროექტის განხორციელებაში“ასევე წაიკითხეთ: „გზა, რომელმაც ჩვენი ცხოვრება შეცვალა...“ - თეოფილე მალაქიას სტუდენტი წლების შემდეგ დუმილს არღვევს

პოლიტიკა • 1790337540

საქართველოს საპარლამენტო დელეგაციამ აზერბაიჯანის მილი მეჯლისში შეხვედრები გამართა

საქართველოს პარლამენტის დელეგაცია, პარლამენტის თავმჯდომარის მოადგილის, ნინო წილოსანის ხელმძღვანელობით, სამუშაო ვიზიტით აზერბაიჯანის რესპუბლიკის დედაქალაქში იმყოფება.საპარლამენტო დელეგაციის წევრებმა შეხვედრები გამართეს აზერბაიჯანის მილი მეჯლისის კომიტეტების წარმომადგენლებთან და ორ ქვეყანას შორის პარტნიორული თანამშრომლობის შესახებ ისაუბრეს. მხარეებმა საპარლამენტო დიპლომატიის გაძლიერების საკითხი მიმოიხილეს და პარლამენტების კომიტეტებს შორის ურთიერთთანამშრომლობის მნიშვნელობას გაუსვეს ხაზი."შეხვედრებისას იმ პოლიტიკურ მხარდაჭერაზე ვისაუბრეთ, რომელიც აზერბაიჯანის მხრიდან საქართველოს მიმართ მუდმივად არსებობს. ორი ქვეყნის თანამშრომლობას განსაკუთრებული დატვირთვა აქვს, რაც დაკავშირებადობას აძლიერებს. ეს არის "შუა დერეფნის" ფუნქცია, რომელიც საქართველოსა და აზერბაიჯანის ურთიერთთანამშრომლობით ხორციელდება. საერთაშორისო პლატფორმებზე ჩვენ, ორი ქვეყანა ერთმანეთს ვაძლიერებთ. ერთობლივი მსხვილი ინფრასტრუქტურული პროექტები თითოეული ქვეყნის ეკონომიკურ მდგრადობას და ზოგადად, რეგიონის მყარ პოზიციონირებას ემსახურება", - განაცხადა ნინო წილოსანმა.საპარლამენტო დელეგაციის წევრებმა, საქართველოს ოკუპირებულ ტერიტორიებზე ე.წ. არჩევნების არაღიარების და დაგმობის გამოხატვის გამო, მეგობარი სახელმწიფოს წარმომადგენლებს მადლობა გადაუხადეს.აზერბაიჯანის რესპუბლიკის მილი მეჯლისში გამართულ შეხვედრებში ასევე მონაწილეობდნენ საქართველოს საპარლამენტო დელეგაციის წევრები: პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი, აზერბაიჯანის რესპუბლიკის პარლამენტთან მეგობრობის ჯგუფის წევრი, განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი და მეგობრობის ჯგუფის წევრები - ანტონ ობოლაშვილი, სავალან მირზოევი და ზაურ დარგალი.

პოლიტიკა • 1790329104

ლევან მახაშვილი: პრემიერ-მინისტრს გაერო-ში მნიშვნელოვანი გამოსვლა ჰქონდა, მკაფიოდ დააფიქსირა, რომ საქართველო ითანამშრომლებს ყველასთან, ვინც პატივს სცემს თანასწორობის პრინციპს

საქართველოს პრემიერ-მინისტრს გაერო-ს გენერალურ ასამბლეაზე მნიშვნელოვანი გამოსვლა ჰქონდა, – ამის შესახებ პარლამენტის ევროინტეგრაციის კომიტეტის თავმჯდომარე ლევან მახაშვილმა განაცხადა.როგორც მახაშვილმა აღნიშნა, პრემიერმა მაღალი ტრიბუნიდან მკაფიოდ დააფიქსირა, რომ საქართველო იქნება მეგობარი ყველა პარტნიორთან და ითანამშრომლებს ყველასთან, ვინც პატივს სცემს თანასწორობის პრინციპს.„რა თქმა უნდა, მან ისაუბრა საქართველოს ოკუპაციასა და სუვერენიტეტზე. აღნიშნა, რომ ოკუპირებული ტერიტორიების პირობებში მნიშვნელოვანია დიალოგი, კომუნიკაცია და ურთიერთპატივისცემა. პრემიერ-მინისტრმა თქვა, რომ ისტორიის განმავლობაში, საქართველოს სახელმწიფოებრიობა გამოცდის წინაშე არაერთხელ დადგა, მაგრამ ყოველთვის საქართველო გამარჯვებული და გაძლიერებული გამოდიოდა. მან ხაზი გაუსვა ოკუპაციას, რადგან ეს ერთ-ერთი ეროვნული გამოწვევაა. გძელვადიანი მშვიდობა იძულებით და ძალით არ მიიღწევა, რის გამოც მნიშვნელოვანია დიალოგი. ხაზი გაუსვა შუა დერეფანში საქართველოს მნიშვნელოვან როლს და აღნიშნა, რომ რამდენიმე წელში საქართველო მრავალმილიარდიანი ინვესტიციის განხორციელებას აპირებს. მაღალი ტრიბუნიდან მკაფიოდ დააფიქსირა, რომ საქართველო იქნება მეგობარი ყველა პარტნიორთან და ითანამშრომლებს ყველასთან, ვინც პატივს სცემს თანასწორობის პრინციპს“, – აღნიშნა მახაშვილმა.

ისტორიები • 1790247614

ტუტანხამონის საფლავის წყევლა და ძველი ისტორიები ისევ გაცოცხლდა - ნეფერტიტის სამარხის გაბურღვა იგეგმება

ტუტანხამონის სამარხის აღმოჩენამ 1922 წელს მთელი მსოფლიო მოიცვა, თუმცა ამ აღმოჩენამ არქეოლოგიის ერთ-ერთი ყველაზე გამძლე ლეგენდაც გააჩინა.ექსპედიციასთან დაკავშირებულ ადამიანებს შორის ავადმყოფობის, უბედური შემთხვევებისა და ნაადრევი სიკვდილის მთელი სერია დაიწყო, რამაც გააძლიერა მოსაზრება, თითქოს ახალგაზრდა ფარაონის განსასვენებელს სასიკვდილო წყევლა იცავდა.ახლა, როდესაც არქეოლოგები განიხილავენ ფარული კამერებისთვის გასახვრეტი სამუშაოების ჩატარებას, სადაც შესაძლოა დიდი ხნის წინ დაკარგული დედოფალ ნეფერტიტის სამარხი იმალებოდეს, ე.წ. „ფარაონის წყევლის“ შესახებ შემზარავი ისტორიებიც კვლავ აქტუალური გახდა.ტუტანხამონის სამარხის გახსნიდან სულ რაღაც ხუთ თვეში პირველი ადამიანი გახდა ის, ვინც, გავრცელებული რწმენით, წყევლის „მსხვერპლი“ აღმოჩნდა.ლორდ კარნარვონი — პირველი „მსხვერპლი“ლორდ კარნარვონი, რომელიც არქეოლოგიური პროექტის მთავარი ფინანსური მხარდამჭერი იყო, 1923 წლის 5 აპრილს სისხლის მოწამვლისა და პნევმონიის შედეგად გარდაიცვალა.მის სახეზე კოღოს ნაკბენი დაინფიცირდა, რამაც მძიმე გართულებები გამოიწვია.თუმცა ზოგიერთი ადამიანი ამტკიცებდა, რომ მის სიკვდილში შესაძლოა ფარაონის კრიპტიდან გავრცელებულ სპორებსაც შეეტანა წვლილი.ჭორებს კიდევ უფრო შეუწყო ხელი სერ ართურ კონან დოილმა — „შერლოკ ჰოლმსის“ სერიის ავტორმა. „გლაზგოუ ჰერალდში“ გამოქვეყნებულ წერილში მან განაცხადა, რომ შესაძლოა ლორდ კარნარვონის სასიკვდილო ავადმყოფობა „ბოროტ ელემენტს“ გამოეწვია.კონან დოილის სიტყვებით, უცნობი იყო, „რა ელემენტები არსებობდა იმ დღეებში და როგორი შეიძლებოდა ყოფილიყო მათი ფორმა“. მისი თქმით, ძველმა ეგვიპტელებმა ამ საკითხების შესახებ ჩვენზე გაცილებით მეტი იცოდნენ.ჯორჯ ჯეი გულდი — ავადმყოფობა სამარხის მონახულების შემდეგმეფე ტუტანხამონის სამარხის კიდევ ერთი „დაწყევლილი“ სტუმარი იყო მდიდარი ამერიკელი ფინანსისტი ჯორჯ ჯეი გულდი.მან 1923 წელს, ლორდ კარნარვონის სტუმრის სტატუსით, კრიპტა მოინახულა, თუმცა თითქმის მაშინვე შეუძლოდ გახდა.მისი მდგომარეობა აღარ გაუმჯობესებულა და რამდენიმე თვის შემდეგ პნევმონიით გარდაიცვალა.არტურ მეისი — არქეოლოგი, რომელიც სამარხის საგანძურს იკვლევდაარტურ მეისი არქეოლოგი იყო, რომელიც ტუტანხამონის სამარხის გაწმენდასა და აღმოჩენილი საგანძურის კატალოგიზაციაში მონაწილეობდა.სამარხში მუშაობის შემდეგ მისი ჯანმრთელობა თანდათან გაუარესდა. იგი 53 წლის ასაკში გარდაიცვალა პნევმონიასთან დაკავშირებული გართულებების შედეგად.ჰიუ ეველინ-უაიტი — „მე წყევლას შევეწირე“ერთ-ერთი ყველაზე იდუმალი სიკვდილი ჰიუ ეველინ-უაითის შემთხვევა იყო.არქეოლოგი სამარხის სამარხ დარბაზში შევიდა, ხოლო 1924 წელს მან სიცოცხლე თვითმკვლელობით დაასრულა.გავრცელებული ცნობების თანახმად, მან დატოვა ჩანაწერი, რომელშიც ეწერა:„მე წყევლას შევეწირე.“ზოგიერთი „მსხვერპლი“ სამარხში საერთოდ არ შესულაუცნაურია, მაგრამ წყევლის სავარაუდო „მსხვერპლთა“ შორის იყვნენ ადამიანები, რომლებსაც ტუტანხამონის სამარხში ფეხიც კი არ დაუდგამთ.ლორდ კარნარვონის ნახევარძმა, ობრი ჰერბერტი, ასევე 1923 წელს გარდაიცვალა — სამარხის გახსნიდან ცოტა ხნის შემდეგ.მას სტომატოლოგიური ოპერაციის შემდეგ სისხლის მოწამვლა განუვითარდა.ამ ფაქტმა კარნარვონის ოჯახთან დაკავშირებით არსებული სპეკულაციები კიდევ უფრო გააძლიერა. ზოგიერთი ადამიანი ვარაუდობდა, რომ ჰერბერტი წყევლის მსხვერპლი მხოლოდ იმიტომ გახდა, რომ ლორდ კარნარვონის ნათესავი იყო.აარონ ემბერი — ეგვიპტოლოგი, რომელიც ხანძარში დაიღუპამუმიის წყევლის კიდევ ერთ სავარაუდო მსხვერპლად სახელდება აარონ ემბერი, რომელიც 1926 წელს გარდაიცვალა.მართალია, იგი გათხრებში უშუალოდ არ მონაწილეობდა, მაგრამ ეგვიპტოლოგი ექსპედიციის რამდენიმე წევრის მეგობარი იყო.ემბერი სახლის ხანძრის დროს დაიღუპა, როდესაც უძველესი ეგვიპტური რწმენების შესახებ ხელნაწერის გადარჩენას ცდილობდა.მუმიფიცირებული ხელი და დამწვარი სახლიჰოვარდ კარტერი — ადამიანი, რომელსაც ტუტანხამონის სამარხის აღმოჩენის მთავარი დამსახურება მიეწერება — თითქოს თავად არ დაზარალებულა რაიმე იდუმალი უბედურებით.თუმცა იგივე ვერ ითქმის მის მეგობრებზე.გამომცემელმა და მეწარმემ სერ ბრიუს ინგრამმა, გავრცელებული ცნობებით, კარტერისგან საჩუქრად მუმიფიცირებული ხელი მიიღო, რომელსაც შემდეგ ქაღალდის საწონად იყენებდა.მალევე მისი სახლი, სავარაუდოდ, ხანძარმა გაანადგურა.შემდეგ, როდესაც შენობის აღდგენა მიმდინარეობდა, სახლს წყალდიდობამაც მიაყენა ზიანი.რადიოლოგი, რომელიც თითქოს ტუტანხამონის მუმიას რენტგენზე იღებდაწყევლის ისტორიებში კიდევ ერთი ხშირად ნახსენები პიროვნებაა რადიოლოგი სერ არჩიბალდ დუგლას რიდი.1920-იანი წლების პოპულარული ლეგენდებისა და სენსაციური საგაზეთო ცნობების თანახმად, სერ არჩიბალდმა ტუტანხამონის ნეშტის რენტგენოგრაფია ჩაატარა, სანამ მუმიას მუზეუმის წარმომადგენლებს გადასცემდნენ.მოგვიანებით ამბობდნენ, რომ რენტგენოგრაფიის შემდეგ, მეორე დღეს, იგი შეუძლოდ გახდა.ლეგენდის თანახმად, სამი დღის შემდეგ რიდი შვეიცარიაში გარდაიცვალა მუცლის ღრუს ოპერაციასთან დაკავშირებული გართულებების შედეგად.ჯეიმს ჰენრი ბრესტედი და მოკლული კანარის ისტორიაცნობილი ეგვიპტოლოგი ჯეიმს ჰენრი ბრესტედიც ჰოვარდ კარტერის გუნდთან ერთად მონაწილეობდა ტუტანხამონის სამარხის შესწავლაში.ლეგენდის თანახმად, აღმოჩენის შემდეგ, როდესაც ის სახლში დაბრუნდა, აღმოაჩინა, რომ მისი საყვარელი კანარი კობრას მოეკლა, რომელიც იმ დროს ჯერ კიდევ ჩიტის გალიაში იმყოფებოდა.კობრა ძველ ეგვიპტეში სამეფო ძალაუფლების ერთ-ერთი მნიშვნელოვანი სიმბოლო იყო და ფარაონების თავსაბურავებზე დაცვის ნიშნადაც გამოსახავდნენ.ამიტომ ეს შემთხვევა ფართოდ იქნა აღქმული, როგორც ავისმომასწავებელი გაფრთხილება.ჰოვარდ კარტერი — ადამიანი, რომელიც „წყევლამ“ ვერ შეიწირათუმცა, შესაძლოა, წყევლის წინააღმდეგ ყველაზე ძლიერი არგუმენტი თავად ჰოვარდ კარტერის ბედია.არქეოლოგმა, რომელმაც სამარხი აღმოაჩინა, მისი გათხრების პროცესს ხელმძღვანელობდა და სხვებზე მეტი დრო გაატარა მის შიგნით, კიდევ 17 წელი იცოცხლა.კარტერი 1939 წელს, 64 წლის ასაკში, კიბოთი გარდაიცვალა.მას არ ჰქონია რაიმე იდუმალი ან მოულოდნელი დასასრული და მისი შედარებით ხანგრძლივი სიცოცხლე ერთ-ერთი მიზეზია, რის გამოც ბევრი ისტორიკოსი ე.წ. „ფარაონის წყევლას“ უბრალო მითზე მეტად არაფრად მიიჩნევს — მითზე, რომელიც ერთმანეთთან დამთხვევებმა და შემთხვევითობებმა დააკავშირა.ახლა კი, როდესაც ტუტანხამონის სამარხში სავარაუდოდ დამალული კამერებით შეღწევა და იქ შესაძლოა ნეფერტიტის დიდი ხნის წინ დაკარგული სამარხის ძებნა კვლავ განიხილება, თითქმის საუკუნის წინანდელი „წყევლის“ ისტორიებიც თავიდან იჩენს თავს. - წერს უცხოური პრესა.

პოლიტიკა • 1790243650

შალვა პაპუაშვილი: დადგა მომენტი, როდესაც ევროკავშირმა უნდა გადახედოს თავის მცდარ გადაწყვეტილებას, ცალმხრივად შეეჩერებინა ინტეგრაციის პროცესი, შეუძლებელია, კონფრონტაცია იყოს სწორი გზა

საქართველოს პარლამენტის თავმჯდომარის შალვა პაპუაშვილის განცხადებით, ლუქსემბურგში გამართულ შეხვედრებზე საქართველოს პარლამენტის დელეგაციამ ისაუბრა ორმხრივ საპარლამენტო ურთიერთობებზე, ამავდროულად, საუბარი შეეხო ევროკავშირთან არსებულ ურთიერთობებს.პაპუაშვილის თქმით, დადგა მომენტი, როდესაც ევროკავშირმა უნდა გადახედოს 2024 წელს მიღებულ მცდარ გადაწყვეტილებას, რომ ცალმხრივად შეეჩერებინა ინტეგრაციის პროცესი.შალვა პაპუაშვილის განმარტებით, ლუქსემბურგის ხელისუფლების დამოკიდებულება ემთხვევა საქართველოს დამოკიდებულებას, რომ სამართლიანი მოპყრობა არის მთავარი პრინციპი, რითაც უნდა სარგებლობდეს ევროკავშირის ინსტიტუტები.„უპირველეს ყოვლისა, მოხარული ვარ, რომ ხელმეორედ ვესტუმრე ლუქსემბურგს. ოთხი წლის წინ იყო ჩემი პირველი ვიზიტი ლუქსემბურგში და მიხარია, რომ ლუქსემბურგის პარლამენტის თავმჯდომარის მოწვევით, საქართველოს პარლამენტის დელეგაციით ვიმყოფებით აქ. შევხვდით ლუქსემბურგის პარლამენტის თავმჯდომარეს, პარლამენტის წევრებს, კომიტეტის თავმჯდომარეებს. ვისაუბრეთ ორმხრივ ურთიერთობებზე, მათ შორის ორმხრივ საპარლამენტო ურთიერთობებზე. თავისთავად, ამ კონტექსტში ვისაუბრეთ ასევე ევროკავშირთან ურთიერთობებზე. როგორც ბელგიაში, აქაც კიდევ ერთხელ გავაჟღერეთ ჩვენი წუხილი ევროკავშირის მიერ 2024 წლის ივნისში მიღებულ გადაწყვეტილებაზე, რომ ცალმხრივად შეეჩერებინა ინტეგრაციის პროცესი. ეს არ იყო სწორი, დასაბუთებული და სამართლიანი გადაწყვეტილება. მეტიც, თავის დროზე ამ გადაწყვეტილების მიზანი იყო საქართველოს არჩევნებში ჩარევა და გავლენის მოხდენა. თუმცა, ვფიქრობ, დადგა მომენტი, როდესაც ევროკავშირმა უნდა გადახედოს თავის ამ მცდარ გადაწყვეტილებას, ვინაიდან ფაქტია და მგონი, სწორედ ეს არის ევროპულობა, რომ შეუძლებელია, კონფრონტაცია იყოს სწორი გზა.ევროკავშირი დგას დიალოგზე, სამართლიანობასა და დისკუსიაზე და დღეს მისი ზოგიერთი ხელმძღვანელი როცა ცდილობს, ინტეგრაციის პროცესი კონფრონტაციის ინსტრუმენტად აქციოს, ეს არ არის სწორი. ამიტომ, გვიხარია, რომ ლუქსემბურგის ხელისუფლების, ისევე როგორც პარლამენტის დამოკიდებულება ამ მხრივ ემთხვევა ჩვენს დამოკიდებულებას, რომ სამართლიანი მოპყრობა, ეს არის მთავარი პრინციპი, რითაც უნდა სარგებლობდეს ევროკავშირის ინსტიტუტები, რომ დიალოგი და საუბარი არის ერთადერთი სწორი გზა. პასუხი არასდროს არ არის კონფრონტაციაში, პასუხები ყოველთვის არის დისკუსიაში და დღეს ჩვენ ბევრ საკითხთან დაკავშირებით გვქონდა შესაძლებლობა, ჩვენს კოლეგებთან გვესაუბრა“, – განაცხადა შალვა პაპუაშვილმა.რაც შეეხება კითხვას, „როგორია ლუქსემბურგის პოზიცია იმ რეალობაზე, რაც არის საქართველოსა და ევროკავშირს შორის?“, – შალვა პაპუაშვილმა აღნიშნა: „რა თქმა უნდა, წუხან, ვინაიდან საქართველოს, როგორც კანდიდატ ქვეყანას, დღეს ხელი ეშლება, რომ სრულად იყოს ჩართული იმ პროცესებში, რომელიც ინტეგრაციისთვის არის საჭირო“.შალვა პაპუაშვილის თქმით, „ლუქსემბურგის ხელისუფლება, საგარეო საქმეთა მინისტრი, პარლამენტი იქცევა სწორედ ისე, როგორც უნდა იქცეოდეს ევროპული ქვეყანა, რომელმაც უნდა დასვას კითხვები და არ აჰყვეს მზა პასუხებს, რასაც აწვდიან ხოლმე სხვადასხვა პოლიტიკურად დაინტერესებული ჯგუფები“.„მოხარული ვართ, რომ ჩვენ ლუქსემბურგის სახით, ლუქსემბურგის პარლამენტის სახით გვყავს მეგობარი, რომელსაც ესმის, რთული გეოპოლიტიკური მდგომარეობიდან დაწყებული, ჩვენი მდგომარეობა და მხარს უჭერს ჩვენს მისწრაფებებს ევროპულ ინტეგრაციაში“, – განაცხადა შალვა პაპუაშვილმა.

პოლიტიკა • 1790242695

„ლუქსემბურგის ხელისუფლება იქცევა სწორედ ისე, როგორც უნდა იქცეოდეს ევროპული ქვეყანა, რომელმაც უნდა დასვას კითხვები და არ აჰყვეს მზა პასუხებს“ - შალვა პაპუაშვილი

"საქართველოს, როგორც კანდიდატ ქვეყანას, დღეს ხელი ეშლება იმისთვის, რომ იმ პროცესებში სრულად იყოს ჩართული, რომელიც ამ ინტეგრაციისთვის არის საჭირო," - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.მისივე თქმით, ლუქსემბურგის ხელისუფლება იქცევა სწორედ ისე, როგორც უნდა იქცეოდეს ევროპული ქვეყანა - სვამს კითხვებს, ესმის საქართველოს მდგომარეობა და მხარს უჭერს მის ევროპულ მისწრაფებებს."ლუქსემბურგის ხელისუფლება, საგარეო საქმეთა მინისტრი, პარლამენტი - ჩვენ სხვა შემთხვევებშიც გვქონდა შესაძლებლობა ერთმანეთთან კომუნიკაციის - იქცევა სწორედ ისე, როგორც უნდა იქცეოდეს ევროპული ქვეყანა, რომელმაც უნდა დასვას კითხვები და არ აჰყვეს მზა პასუხებს, რომლებსაც აწვდიან ხოლმე სხვადასხვა პოლიტიკურად დაინტერესებული ჯგუფები.ამიტომ, მოხარული ვართ, რომ ჩვენ ლუქსემბურგის სახით, ლუქსემბურგის პარლამენტის სახით, გვყავს მეგობარი, რომელსაც დაწყებული ჩვენი რთული გეოპოლიტიკური მდგომარეობიდან, ესმის ჩვენი მდგომარეობა და მხარს უჭერს ჩვენს მისწრაფებებს ევროპული ინტეგრაციისკენ," - აცხადებს შალვა პაპუაშვილი.შალვა პაპუაშვილის ოფიციალური ვიზიტი ლუქსემბურგში დღეს დაიწყო.პარლამენტის თავმჯდომარე დიდი საჰერცოგოს დეპუტატთა პალატის სპიკერს შეხვდა - როგორც პირისპირ, ისე გაფართოებულო ფორმატში.

პოლიტიკა • 1790080975

ირაკლი ქადაგიშვილი: არმაზ ახვლედიანს რომ აფინანსებ, ამით „ნაციონალურ მოძრაობას“ აფინანსებ, ვის აყრი თვალში ნაცარს, თითქოს პოლიტიკურ-სამოქალაქო დიალოგს აფინანსებ, ეს არის პოლიტიკოსის დაფინანსება

ყველა უცხოელი პარტნიორია, მეგობარია თუ კიდევ ვინ არის, გააცნობიეროს, რომ საქართველოში ქართული კანონმდებლობით უნდა იმოქმედოს და საერთაშორისო კანონმდებლობის დაცვით, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა.ქადაგიშვილს კითხვა დაუსვეს გავრცელებულ ინფორმაციაზე, რომ არმაზ ახვლედიანის ორგანიზებით და ევროსაბჭოს დაფინანსებით, ბახმაროში გაიმართა საგანმანათლებლო სემინარი, რომელსაც პაველ ჰერჩინსკიც ესწრებოდა. არსებული ინფორმაციით, გრანტების შესახებ კანონის შესაბამისად, დაფინანსების საკითხზე მთავრობისთვის მიმართვა და თანხმობა არ არსებობდა.მისივე თქმით, შემოვლითი გზით უკანონოდ მაინც ხდება პოლიტიკის დაფინანსება.„ის კანონმდებლობა, რომელიც უცხოურ დაფინანსებას ავალდებულებდა ელემენტარული გამჭვირვალობის სტანდარტის დაცვას, მათთვის მტკივნეული აღმოჩნდა. არმაზ ახვლედიანს რომ აფინანსებ ამით „ნაციონალურ მოძრაობას“ აფინანსებ. არმაზ ახვლედიანი ბოლო ორი საპარლამენტო არჩევნების განმავლობაში იყო „ნაციონალური მოძრაობის“ სხვადასხვა ფლანგის სიით შემოსული პარლამენტში. მიუხედავად ამისა, არჩევნების შედეგებს და კონსტიტუციურ წესრიგს არ აღიარებდა. როდესაც შენ ცდილობ, რომ ასეთი ტიპის ადამიანები დააფინანსო, ამით შენ პოლიტიკას აფინანსებს და ეს სამოქალაქო დიალოგის არანაირი ხელშეწყობა არ არის. სამოქალაქო დიალოგზე თუ გაქვს საუბარი, ეს ფარულად არ უნდა კეთდებოდეს და ამასთან დაკავშირებით ინფორმაციაც საჯარო უნდა ყოფილიყო. სახეზე გვაქვს პოლიტიკოსის, „ნაციონალური მოძრაობის“ წარმომადგენლის, არმაზ ახვლედიანის დაფინანსება. საინტერესო იქნება, რა შედეგებს მოიტანს მოკვლევა. ერთხელ და სამუდამოდ, ყველა უცხოელი პარტნიორია, მეგობარია თუ კიდევ ვინ არის, გააცნობიეროს, რომ საქართველოში ქართული კანონმდებლობით უნდა იმოქმედოს და საერთაშორისო კანონმდებლობის დაცვით. მათთვის საქართველო არ უნდა იყოს საერთაშორისო კანონმდებლობის და ქვეყნის კანონების დარღვევის და გვერდის ავლის ადგილი.აუდიტის სამსახურს უკვე გამოკვლევა აქვს დაწყებული და მოვლენებს არ გავასწრებ მაგრამ ისეთი შთაბეჭდილება რჩება, რომ შემოვლითი გზით უკანონოდ მაინც ხდება პოლიტიკის დაფინანსება. ვიღაცამ შეიძლება, თქვას არმაზ ახვლედიანი პოლიტიკოსი არ არის, – პოლიტიკოსია. ეს არის პოლიტიკოსის დაფინანსება. პოლიტიკოსის, რომელიც ორი ბოლო არჩევნების განმავლობაში არ აღიარებდა არჩევნებს და იძახდა, რომ ეს არის „რუსული ოცნების“ არჩევნები. ამას, რომ აფინანსებ, ვის აყრი თვალში ნაცარს, რომ პოლიტიკურ-სამოქალაქო დიალოგს აფინანსებ? სამოქალაქო დიალოგს კი არა, ამ ხელმოცარულ პოლიტიკურ რადიკალიზმს გინდა, რომ საკვები მიაწოდო. ეს არის მთელი რეალური ფილოსოფია ევროსაბჭოს საქმიანობის ამ კონკრეტულ შემთხვევაში“, – აღნიშნა ქადაგიშვილმა.

მსოფლიო • 1789908572

„ემილი პარიზში" ბოლო სეზონის პრემიერის თარიღი ცნობილია

სერიალის „ემილი პარიზში“ ბოლო, მეექვსე სეზონის პრემიერა 24 დეკემბერს შედგება. როგორც ცნობილია, ემილი კუპერი ამჯერად საბერძნეთსა და მონაკოში იმოგზაურებს. მაყურებელი კი მისი და გაბრიელის ურთიერთობის ფინალს იხილავს.სიუჟეტში მონაწილეობას ასევე მიიღებენ სატელევიზიო შოუს მოყვარულებისთვის უკვე კარგად ნაცნობი სახეები – კუპერის საუკეთესო მეგობარი, მინდი და მისი უფროსი სილვი გრატო.სერიალმა წლების განმავლობაში არაერთი რეკორდი მოხსნა. თავად ლილი კოლინსი, რომელიც ემილი კუპერის როლში გვევლინება, ამბობს, რომ ეს მისთვის საკმაოდ ემოციური მომენტია. მსახიობის თქმით, ძალიან ბედნიერია, რომ ეს შოუ მაყურებელმა ასე შეიყვარა და თავიანთი ცხოვრების ნაწილად აქცია.

საზოგადოება • 1789891552

„ქართულ-ამერიკული უმაღლესი სკოლა“ სამწუხარო ინფორმაციას ავრცელებს

ახალგაზრდა მასწავლებლის, სოფო თედიაშვილის გარდაცვალებაზე სოციალურ ქსელში ემოციურ პოსტს აქვეყნებს. „ქართულ-ამერიკული სკოლა“. „დავკარგეთ სკოლის უერთგულესი კადრი და უღალატო მეგობარი – ჩვენი სოფო…“, აღნიშნულია სკოლის მიერ გავრცელებულ ინფორმაციაში.

საზოგადოება • 1789849442

„კამათი მოუვიდათ მამამისს და ლენოს... საერთოდ არ ველოდი, რომ სერიოზულ სახეს მიიღებდა... იმ დღეს არ აპირებდა არაფერს, მაგრამ დღიურში სულ ამაზე წერდა...“ - ლულუ კახიანი შვილის გარდაცვალებაზე

ლულუ კახიანი შვილის გარდაცვალებაზე საუბრობს „ლიკა ყაზბეგის პოდკასტში“ საუბრობს. - ბევრი შემთხვევა ყოფილა, რომ უთქვამთ მეგობრებს ან ასეთ ახლობლებს, ნაცნობებს, საუბარში უხსენებიათ ლენო და მერე ბოდიში მოუხდიათ, რომ „ბოდიში, რომ არ გვინდოდა, რომ რაღაც...“ ფიქრობენ, რომ ამით მახსენებენ და უფრო თავიდან განვიცდი ამ ყველაფერს, მაგრამ რეალურად ასე არ არის. ეს განცდა სულ არის, რომ არც შემახსენონ. ლენო ყოველთვის მახსოვს, ყოველ წამს და უბრალოდ წლებთან ერთად ეს ტკივილი რაღაც გადავამუშავე, შეიძლება ასე ვთქვა. და თავიდანვე არ იყო მტკივნეული ლენოზე საუბარი. პირიქით, ლენოზე რომ ვსაუბრობ, მგონია, რომ ისევ ცოცხალია ან სადღაც არის, ისევ აქ არის და მიხარია ისიც, როდესაც ახსენებენ, ლენო კიდევ ახსოვთ. ან სოციალურ ქსელში ლენოს ინსტაგრამზე შევდივარ ხოლმე. არაფერს არ ვპოსტავ, უბრალოდ ხანდახან სთორებს ვდებ ძველი ფოტოების სახით და ზოგიერთი მისი მეგობარი წერს ხოლმე უბრალოდ კომენტარებში, რომ „მოგვენატრე, ლენო“ და რაღაცნაირად მიხარია. მსიამოვნებს, რომ ლენო კიდევ ახსოვთ შვიდი წლის მერეც. თან ისეთ ასაკში წავიდა, ბავშვებმა მალე იციან დავიწყება, მოზარდებმა... და ამ შემთხვევაში ასე რომ არ ხდება, რაღაცნაირად მსიამოვნებს ეს ფაქტი, რომ ლენო ახსოვთ...გუშინდელი დღესავით მახსოვს ყველა დეტალი. დრო მკურნალია — ამ შემთხვევაში არ მუშაობს ეს ფრაზა. დრო არ არის მკურნალი. უბრალოდ რაღაცას ეგუები და სხვა რეჟიმში განაგრძობ ცხოვრებას. ...ბათუმიდან ჩამოვედით. რაღაცა კამათი მოუვიდათ მამამისს და ლენოს. საერთოდ არ მქონდა მოლოდინი იმის, რომ რაღაცა სერიოზულ სახეს მიიღებდა, იმიტომ რომ ასეთი კამათები მანამდეც ყოფილა.მაღაზიაში ჩავიდა და აღარ ამოვიდა არასოდეს და გვიანი იყო უკვე, 11 საათი, ტელეფონი ჰქონდა გათიშული, დაუჯდა. მაგაზე დაიწყო კამათი, „ტელეფონი რომ ხედავ, რომ გიჯდება, უნდა ამოხვიდე სახლში და გამაფრთხილო, რომ ტელეფონი მიჯდება, იმიტომ რომ გირეკავ და არ პასუხობ, სახლში არ მოხვედი, რა უნდა ვიფიქროთ, ვნერვიულობ“.მეორე ფაქტორი იყო ის, რომ ბოლო პერიოდში, მაშინ მეცხრე კლასში იყო ლენო და ძაან ისე დადიოდა სკოლაში, ჩათვლებზე მიდიოდა, გამოცდებზე, წერა რომ ჰქონდათ რაღაც ჩასაბარებელი, მაგ დროს მიდიოდა და ზოგადად, აპროტესტებდა სკოლაში სიარულს. ამაზეც იყო კამათი, რომ „ხვალიდან სკოლაში წახვალ და ჩადგები რეჟიმში“. არადა, პრინციპში, უკვე წლის ბოლო იყო, 10 დღე რჩებოდა სემესტრის დამთავრებამდე...ასე კამათში რაღაცა დაიძაბა. უბრალოდ ამან აღარ დაუთმო საუბარი მამამისს და წამოუხტა, დაუყვირა, გაიწია... მე ამ დროს, ახალი ჩამოსული რომ ხარ, ხომ იცი, იქ რაღაცა ბარგი, სარეცხი, ყოფით ამბებში ვარ და ვერ მივხვდი უცებ, რატომ გაცხარდა ეს კამათი, რაღაც სხვა დონეზე გადავიდა...და რაღაცა უთხრა ლენომ, აღარ მახსოვს ზუსტად რა უთხრა, ცოტა უხეშად უთხრა მამამისს და მამამისმა ხელი ჰკრა. გაბრაზდა ძაან ლენო და „გეყოფათ ჩხუბი, დამშვიდდით-თქო“.გვაჯი მიდიოდა მაშინ სტუდიაში, სამუშაო ჰქონდა, რაღაცას ახმოვანებდა მეორე დღეს, აღარ მახსოვს, თუ წერდა. და, „მე წავედიო სტუდიაშიო და შენ ბავშვს მიხედეო...და რაღაცა მომენტი იყო მანამდე, რომ გამოვიდა და ლენო არ არის ოთახში და ორივემ გავიხედეთ აივნისკენ რატომღაც.„სად არისო ლენო?“ — გვაჯიმ დაიყვირა და გავიგე მერე ონკანის ხმა აბაზანიდან და მეთქი, „აბაზანაში არის“.ანუ უკვე იმ მომენტში წინასწარ, რამდენიმე საათით ადრე, ელვასავით რომ გაიელვებს, გონებაში ეგ ფაქტი დაფიქსირდა....და წაეშალა სახე გვაჯის, „მე ახლა გავდივარო და შენ მიხედე ბავშვსო“.მერე ლენო იჯდა დივანზე და ველაპარაკე. მივუჯექი, დავამშვიდე და ვთხოვე, „ნუ აჰყვები-მეთქი მამაშენს. ხომ იცი, როგორი ხასიათი აქვს, შენ თუ ჯიბრში ჩაუდგები, ისიც არ დაგითმობს და ვიღაცამ უნდა დაუთმოს-მეთქი ამ დროს. შენ იყავი-მეთქი ის ვიღაცა".ლენო ძაან ნაწყენი იყო. „მამა როგორც მელაპარაკაო და როგორც მომექცა ახლაო, ამას ვერ ვაპატიებ ვერასოდესო“.და მე ვცდილობდი, რომ რაღაცა...დღემდე ბოლომდე არ მაქვს ეს გადახარშული თვითონ ეს მომენტი, როგორ მიიღო ეს გადაწყვეტილება და როგორ შეასრულა, ანუ სისრულეში მოიყვანა თავისი გადაწყვეტილება... იმიტომ, რომ იქ ტანსაცმელი დატოვა დაკეცილი, მაგიდაზე, ფეხსაცმელი, იქ რაღაცები. მიაკრა ფანჯრებზე წარწერები. ჩემს საძინებლის კარებთან დამიწერა: „Mom, I love you the most. I will be fine. Don’t worry.“ მერე „Angels can fly“ — რაღაც წარწერები — მიაკრა უკვე ამ აივნის შუშებზე...იმ დღეს არ აპირებდა არაფერს, მაგრამ ალბათ სცენარი უკვე დალაგებული ჰქონდა თავში“

საზოგადოება • 1789762148

ლელა კაკულია წინასწარმეტყველებას აქვეყნებს

წინასწარმეტყველი, ლელა კაკულია სოციალურ ქსელში წინასწარმეტყველებას აქვეყნებს, რომელიც 2012 წლის 16 მაისით თარიღდება.„ვხედავ, დავითგარეჯას გასაღებს კოსმოსი ქართველებს უბრუნებს!შეგახსენებთ ქალბატონი ლელას წინასწარმეტყველებებს, რომლებიც წარსულში არაერთხელ გამოქვეყნდა.16 მაისი, 2012 წელიდავითგარეჯასთან დაკკავშირებით ვხედავ, ეს არის ბინძური პოლიტიკა, რომელსაც აზერბაიჯანი თამაშობს. კოსმოსი ამას არ დაუშვებს და დიდი პოლიტიკური ომების შემდეგ, ქართული მიწა, თავისი უძველესი ძეგლებით, დაუბრუნდება საქართველოს!ანუ „ძალიან დიდ პატივს დაგვდებს“ აზერბაიჯანი, რომ ჩემს მიწებს დამიბრუნებს.გარეჯის საკითხში ქართული სამღვდელოება ძალიან დიდ როლს ითამაშებს… ეს არის ქართველი ერის საგანძური, სიამაყე, ჩვენი წარსული და ისტორია.ვხედავ, რომ იმ ადგილებში, რომლებსაც „მეგობარი“ და მეზობელი ქვეყნები გვედავებიან, სადაც ჩვენი ეკლესიებია და ქართული სული ტრიალებს, სხვა ერი ვერ გაიხარებს. და თუ როგორ ვერ გაიხარებს, ამას ყველა იხილავს. იმ სახელმწიფოებს ბევრი უბედურებები დაატყდებათ თავს საკუთარ ქვეყანაში და კაი ხანს ვერც დალაგდებიან. ეს დამანგრეველი ძალა კოსმოსიდან მოდის. ფრთხილად!ასევეა დაცული დავითგარეჯიც. ვაი მათ, ვინც მას მიეკარება, თუნდაც იყვნენ ქართველები. ვაი მათ!2019 წელი, 31 ოქტომბერითურქეთის პრეზიდენტი, რომელსაც დიდი გავლენა აქვს აზერბაიჯანზე, მის პრეზიდენტ ალიევზე, დავითგარეჯის საკითხში საქართველოს მხარეს დაიჭერს აუცილებლად.საბოლოოდ კი დავითგარეჯის თემას ამერიკა საქართველოს სასარგებლოდ გადაწყვეტს, აზერბაიჯანს, ასე ვთქვათ, ჩაუკაკუნებს ძალიან მაგრად. 2020 წელი, 1 ივლისითავი გაანებეთ დავითგარეჯას!!! ეს არის წყევლა გარეჯაში დავანებული უხილავი ბერებისა, რომლებიც განრისხებულნი არიან აზერბაიჯანის ქმედებებით. დიახ, კოსმოსი, მამა–ღმერთი, არ დაუთმობს აზერბაიჯანს თავის მიერ ჯვარდანიშნულ ადგილს.2021 წელი, 9 თებერვალიწყევლა ადევს აზერბაიჯანს – დავითგარეჯას წყევლა! ამ წყევლას ვერც აზერბაიჯანი გაექცევა, ვერც თურქეთი, ვერც რუსეთი და ვერც ვერავინ.2021 წელი, 18 აპრილი - აზერბაიჯანს ისევ ვაფრთხილებ დავითგარეჯასთან დაკავშირებით: აზერბაიჯანელებო, ფრთხილად იყავით, გარეჯი თქვენი წყევლაა! თქვენ მოშორდებით მაგ ადგილს. უკან–უკან დაიწყებთ დახევას და აუცილებლად მიხვდებით, რომ თქვენი ქვეყნისკენ უარყოფითი ენერგია გარეჯიდან მოდის. ვხედავ, დავითგარეჯას გასაღებს კოსმოსი ქართველებს უბრუნებს. ამინ!!

საზოგადოება • 1789630972

„ადვოკატის ნათქვამი რაღაცები მითხრეს... ვერ გამოძვრება!“ - რას წერს 17 წლის დავით ნარიმანიძის დეიდა

თბილისში, ხუდადოვის ქუჩაზე მოკლული 17 წლის არასრულწლოვანი, დავით ნარიმანიძე უკანასკნელ გზაზე გააცილეს. მისი დეიდა, მაკა მხატვრიშვილი სოციალურ ქსელში წერს:„უკანასკნელ გზაზე გავაცილეთ ჩვენი დათუნა. სიტყვებით ვერ გადმოვცემ მადლიერებას ყველა იმ ადამიანის მიმართ, ვინც პირადად თუ შორიდან გვაგრძნობინა თანადგომა და გაიზიარა ჩვენი ოჯახის უდიდესი ტკივილი... თითოეული კომენტარი, მოწერილი თუ სხვა ფორმით გამოხატული ემოცია ვნახე და ბოდიშს გიხდით, რომ ინდივიდუალურად ვერ გიპასუხეთ. მართლა უდიდესი ძალა ჰქონია ასეთ დროს თანადგომას. მადლობა კიდევ ერთხელ...რაც შეეხება დათოს მკვლელობის საქმეს - ერთი წამითაც არ იფიქროს ვინმემ, რომ შერჩება. ადვოკატის ნათქვამი რაღაცები მითხრეს, ვითომ მტკიცებულებების ნაკლებობაზე, და მინდა იცოდეს, რომ დაცვის მხარის ყველა სტრატეგია მაქვს გაანალიზებული და პასუხი ყველაზე ერთია: ვერ გამოძვრება! მშვიდობიანი ღამე ყველას..." მაკა მხატვრიშვილი სოციალურ ქსელში პერიოდულად აქვეყნებს სიახლეებს გულშემატკივრებისთვის, საზოგადოებისთვის, რომელიც შეძრა ამ მკვლელობამ:„მრავალფეროვანი კრიმინალური წარსული ჰქონდაო, წინა დანაშაულზე გირაო გადახდილი არ ჰქონდაო, მთელი თბილისის მაღაზიები გაქურდული ჰქონდაო!!! ეს იყო თავისუფლებაზე და ჩვენი ანგელოზი ბავშვი მოკლა, სრულიად უკონფლიქტო, მხიარული, უთბილესი, ზრდილობიანი დათუნა... სრულიად უცხო მივიდა სადაც იყვნენ, უკითხია, აქ რა ხდებაო? მერე აუღია ჭიქა ამ მკვლელს, დათოს ფეხზე რაღაც მოხვდა მძიმე, ზაფხულს, და შენ ფეხზე რატო არ ადექი, მე რომ ვდგავარო. ხელი გადახვია და წამო ერთი იქითო, წამებში პროფესიონალი მკვლელივით ჯერ არტერია გადაუჭრა და მერე გულში ჩაარტყა... მკვლელს თან ახლდა ორი მეგობარი (სახელებსა და გვარებს ჯერ არ ვწერ), რომლებმაც დაინახეს, თუ როგორ მოკლა ბავშვი და გაიქცნენ.მათ გაქცევაზე ახლა არ ვწერ ( შეუტყობინებლობაც არაა, პოლიცია მაშინვე მივიდა).მინდა გითხრათ, რა მოხდა შემდეგ: ეს არსებები სახლში მივიდნენ, დაწვნენ და დაიძინეს. მშვიდად და ტკბილად ეძინათ, სანამ პოლიცია არ მივიდა და ჩვენების მისაცემად განყოფილებაში წასაყვანად არ გააღვიძა...თქვენ, ვინც მათი მეგობრები და ოჯახის წევრები ხართ, იაზრებთ, რა დონის საზიზღარი და გულქვა ადამიანები გყავთ ახლობლად?" ლოტკინის დასახლებაში, საზარელი მკვლელობის მიზეზი, სადღეგრძელოს გამო დაწყებული უკმაყოფილება გახდა. როგორც საქმის პროკურორი ქეთი სონიძე აცხადებს, დაკავებული 17 წლის დ.პ. მრავალფეროვანი კრიმინალური ისტორიის მქონე არასრულწლოვანია და ახლაც გირაოს პირობების ქვეშ იმყოფებოდა.დაკავებულს ბრალდება საქართველოს სისხლის სამართლის კოდექსის 109-ე მუხლის „ვ“ ქვეპუნქტით (განზრახ მკვლელობა, ხულიგნური ქვენა გრძნობით) წარედგინა, რაც სასჯელის სახედ და ზომად 20 წლამდე თავისუფლების აღკვეთას ითვალისწინებს.