ვლადიმერ პუტინი

უკრაინა და რუსეთი ლიდერების შეხვედრაზე შეთანხმდნენ - თურქეთის საგარეო საქმეთა მინისტრი

უკრაინამ და რუსეთმა უკრაინის პრეზიდენტის, ვოლოდიმირ ზელენსკისა და რუსეთის ლიდერის, ვლადიმერ პუტინის მოლაპარაკებების თაობაზე პრინციპულ შეთანხმებას მიაღწიეს, - განაცხადა თურქეთის საგარეო საქმეთა მინისტრმა, ჰაკან ფიდანმა.თურქი დიპლომატის თქმით, მიმდინარე კვირას მხარეები უკვე განიხილავდნენ ასეთი შეხვედრის ჩატარების შესაძლებლობას.„მიღწეულია პრინციპული შეთანხმება თურქეთში ლიდერების სამიტის გამართვის შესახებ. ამ საქმეში მნიშვნელოვან როლს მომლაპარაკებელი ჯგუფები თამაშობენ. ვინაიდან ჩვენ ამ საკითხის განხილვას სიფრთხილით ვაგრძელებთ, ვხედავ შეხვედრის ჩატარების მზაობას“, - თქვა ფიდანმა.

პოლიტიკა • 1753355781

ობამას ადმინისტრაციის მხრიდან ადგილი ჰქონდა სადაზვერვო მასალების მანიპულაციას, რომელიც მიზნად ისახავდა ინაუგურაციამდე ტრამპის დელეგიტიმაციას - ტულსი გაბარდი

ობამას ადმინისტრაციის მხრიდან ადგილი ჰქონდა სადაზვერვო მასალების პოლიტიზაციას და მანიპულაციას, რომელიც მიზნად ისახავდა პრეზიდენტ ტრამპის დელეგიტიმაციას, ვიდრე მისი ინაუგურაცია მოხდებოდა, – ამის შესახებ აშშ-ის ეროვნული დაზვერვის სამსახურის ხელმძღვანელმა, ტულსი გაბარდმა აშშ-ის პრეზიდენტის ადმინსტრაციაში გამართული პრესკონფერენციის დროს განაცხადა.ტულსი გაბარდის თქმით, ბარაკ ობამას ადმინისტრაცია ცდილობდა ამერიკელი ხალხის ნების უზურპაციას.ტულსი გაბარდის განცხადებით, სადაზვერვო მასალები აჩვენებს, რომ 2016 წლის არჩევნების დროს, რუსეთის პრეზიდენტის, ვლადიმერ პუტინის ინტერესი იყო აშშ-ის დემოკრატიული პროცესის მიმართ რწმენისადმი ძირის გამოთხრა და არ აჩვენებდა რაიმე უპირატესობას რომელიმე კანდიდატის მიმართ.ტულსი გაბარდის თქმით, მასალები მიუთითებს, რომ პრეზიდენტი ბარაკ ობამა ხელმძღვანელობდა ამ სადაზვერვო შეფასების შექმნას.„პრეზიდენტ ტრამპის ბრძანებით და წარმომადგენელთა პალატის დაზვერვის კომიტეტის ხელმძღვანელის, რიკ კროუფორდის მხარდაჭერით და კოორინაციით, ჩვენ გამოვაქვეყნეთ საზედამხედველო ორგანოს მუშაობის შესახებ გასაიდუმლოებული ანგარიში, რომელიც წარმოებული იყო 2020 წლის სექტემბერში. განსაცვიფრებელი ინფორმაცია, რომელიც ჩვენ დღეს გამოვაქვეყნეთ, ყველა ამერიკელს უნდა აწუხებდეს. ეს არ ეხება დემოკრატებს და რესპუბლიკელებს, ეს ჩვენი დემოკრატიული რესპუბლიკის ერთიანობას უკავშირდება, ასევე ამომრჩევლების რწმენას, რომ მიცემული ხმები ჩაითვლება. არის უდავო მტკიცებულება, თუ როგორ უბრძანა პრეზიდენტმა ობამამ და მისმა ეროვნული უსაფრთხოების გუნდმა სადაზვერვო საზოგადოების ანგარიშის შექმნა, რაც იცოდნენ, რომ ტყუილი იყო. მათ იცოდნენ, რომ ეს ხელს შეუწყობდა ხელოვნურ ნარატივს, რომ რუსეთი ჩაერია 2016 წლის არჩევნებში, რომ რუსეთმა დაეხმარა პრეზიდენტ ტრამპს გამარჯვებაში. ამერიკელ ხალხს წარუდგინეს, რომ ეს მართალი იყო, ეს არ იყო მართალი. მათ საეჭვო წყაროებიდან შეთხზეს დასკვნები, დამალეს მტკიცებულებები და სანდო სადაზვერვო მასალა, რაც არ ეთანხმებოდა მათ ყალბ მოსაზრებებს. ამერიკელ ხალხს სიმართლე დაუმალეს. ამერიკელი ხალხის ნების საბოტაჟისთვის შეთქმულება მოაწყვეს, ვინც აირჩია დონალდ ტრამპი 2016 წლის ნოემბერში. ისინი მუშობდნენ მათ პარტნიორებთან ერთად მედიაში, ამ ტყუილის ხელშეწყობისთვის, რაც ძირს უთხრიდა პრეზიდენტის ტრამპის ლეგიტიმაციას და დაიწყეს წლების განმავლობაში გადატრიალება მის წინააღმდეგ. ამერიკელი ხალხი იმსახურებს სიმართლეს, ანგარიშვალდებულებას და სამართლიანობას“, – განაცხადა ტულსი გაბარდმა.

მსოფლიო • 1752822396

ურსულა ფონ დერ ლაიენი: მივესალმები რუსეთის წინააღმდეგ სანქციების მე-18 პაკეტზე შეთანხმებას, ზეწოლა გრძელდება, ვიდრე პუტინი ომს არ დაასრულებს

ევროკომისიის პრეზიდენტი ურსულა ფონ დერ ლაიენი რუსეთის წინააღმდეგ სანქციების მე-18 პაკეტზე შეთანხმებას მიესალმება.როგორც მან დაწერა, რუსეთზე ზეწოლა იქამდე გაგრძელდება, ვიდრე ვლადიმერ პუტინი უკრაინაში ომს არ დაასრულებს.ამის შესახებ ევროკომისიის პრეზიდენტმა, ურსულა ფონ დერ ლაიენმა სოციალურ ქსელში დაწერა.„მივესალმები რუსეთის წინააღმდეგ სანქციების მე-18 პაკეტზე შეთანხმებას. ჩვენ ვურტყამთ რუსეთის საომარი მანქანის გულს. მიზანში ვიღებთ მის საბანკო, ენერგეტიკულ და სამხედრო-სამრეწველო სექტორებს და ნავთობის ფასების ახალ დინამიურ ზედა ზღვარს. ზეწოლა გრძელდება, ვიდრე პუტინი ამ ომს არ დაასრულებს“, – დაწერა ურსულა ფონ დერ ლაიენმა.

ომი უკრაინაში • 1752673560

ზელენესკი: პუტინს აშშ-ის ეშინია, კიტ კელოგის ჩამოსვლის შემდეგ მძიმე დაბომბვები ორი დღეა, შეწყდა, ხალხი ხუმრობს, კელოგს უკრაინული პასპორტი მივცეთ და დავტოვოთო

უკრაინის პრეზიდენტის, ვოლოდიმირ ზელენსკის განცხადებით, რუსეთის ლიდერს, ვლადიმერ პუტინს ამერიკელების ეშინია, რადგან უკრაინაში კიტ კელოგის ჩამოსვლის შემდეგ მძიმე დაბომბვები შეწყდა.ამის შესახებ ვოლოდიმირ ზელენსკიმ „ნიუსმაქსთან“ ინტერვიუში განაცხადა.„უკრაინაში ჩამოვიდა გენერალი კელოგი და ორი ღამე ზედიზედ მასირებული დაბომბვები არ იყო. ეს ძალიან საინტერესო მაგალითია. არ იყო ძლიერი შეტევები ამ და წინა ღამეს. ადამიანებმა კი ხუმრობა დაიწყეს, რომ კელოგს უკრაინული პასპორტი უნდა მივცეთ და აქ დავტოვოთო, ხოლო ამერიკელებს საშუალება მივცეთ უფრო ხშირად ჩამოვიდნენ აქ“, – განაცხადა ვოლოდიმირ ზელენსკიმ.მისი თქმით, ეს იმას ნიშნავს, რომ „პუტინი ბომბავს სამოქალაქო მოსახლეობას, მაგრამ, როდესაც ამერიკელები აქ არიან, ამას არ აკეთებს“.„ის დაშინებას ცდილობს, შანტაჟს, დაძაბულობას ქმნის, მაგრამ სრულ ესკალაციაზე არ მიდის. ეს ერთ რამეს ნიშნავს: პუტინს ამერიკის ეშინია. მე მუდამ ამას ვამბობდი და ასევე ვუთხარი პრეზიდენტ ტრამპს. ასეა თუ ისე, პუტინს ამერიკის ეშინია და ამაში დარწმუნებული ვარ“, – განაცხადა ვოლოდიმირ ზელენსკიმ.უკრაინის ლიდერმა აღნიშნა, რომ დონალდ ტრამპსა და ჯო ბაიდენს განსხვავებული მიდგომები აქვთ უკრაინის ომთან დაკავშირებით.„პრეზიდენტი ტრამპი პუტინს ამ ომის დასრულების შანსს აძლევს. მინდა, მჯეროდეს, რომ თუ პუტინი დასკვნებს არ გამოიტანს, ტრამპი გამოიყენებს ძლიერ სანქციებს, რომელთა გვერდის ავლაც შეუძლებელია და მოგვაწვდის რეალურ თავდაცვით ფარს, რომელიც დაიცავს როგორც უკრაინას, ასევე ევროპას. ეს არის განსხვავება“, – განაცხადა ვოლოდიმირ ზელენსკიმ.მისივე თქმით, ჯო ბაიდენმა ვერ შეძლო ამ ომის დასრულება, მაგრამ დარწმუნებულია, რომ დონალდ ტრამპს ეს შეუძლია.უკრაინის პრეზიდენტმა ასევე განაცხადა, რომ აშშ-ის პრეზიდენტმა საბოლოოდ დაინახა, რომ ვლადიმერ პუტინი მას ატყუებს.„პრეზიდენტი ტრამპი აცნობიერებს, რომ პუტინი ატყუებს. მნიშვნელოვანია, რომ პრეზიდენტმა ტრამპმა ეს თვითონ დაინახა – არ მოისმინა ვინმესგან, არამედ საკუთარი თვალით იხილა“, – განაცხადა ვოლოდიმირ ზელენსკიმ.მისი თქმით, აშშ-ის პრეზიდენტი დარწმუნდა, რომ „პუტინი ერთს ამბობს და შემდეგ კი ბომბავს, რომ მას არ სურს ომის დასრულება“.„მიღებულია გადაწყვეტილება უკრაინის დახმარების გაგრძელების შესახებ. არსებობს გაგება, რომ ამერიკის შეერთებული შტატებისთვის მნიშვნელოვანია, უკრაინამ ეს ომი არ წააგოს. პუტინი კი კარგავს თავისი ჯარისკაცების დიდ რაოდენობას, აგზავნის მათ სიკვდილისკენ“, – ხაზგასმით აღნიშნა უკრაინის პრეზიდენტმა.ამასთან, მან თქვა, რომ მიღწეულია გარღვევა შეერთებულ შტატებთან უკრაინისთვის საჰაერო თავდაცვის სისტემების მიწოდების შესახებ შეთანხმებებში.„აშშ-სა და უკრაინაში ანალიტიკოსები, ფინანსისტები, ასევე ინფორმაციის გაცვლის მიზნით მომუშავე დაზვერვის სამსახურები ხვდებიან, რომ ამერიკის მიერ მომზადებული სანქციების პაკეტი პუტინის შემოსავლებს დააზარალებს, შესაბამისად, გაზრდის მშვიდობის პოტენციალს უკრაინის, აშშ-სა და ევროპის მხრიდან, რადგან პუტინი ვეღარ შეძლებს ომისთვის უზარმაზარი თანხების მიღებას ენერგეტიკიდან, ნავთობიდან, გაზიდან და სხვა რესურსებიდან“, – განაცხადა ვოლოდიმირ ზელენსკიმ.

მსოფლიო • 1752605527

ტრამპი აცხადებს, რომ უკრაინის მიერ მოსკოვზე თავდასხმების იდეას ეწინააღმდეგება

აშშ-ის პრეზიდენტი დონალდ ტრამპი აცხადებს, რომ ეწინააღმდეგება უკრაინის მიერ მოსკოვზე თავდასხმების იდეას. ტრამპმა ამის შესახებ ჟურნალისტებთან ისაუბრა.დონალდ ტრამპმა ასევე უარყო უკრაინისთვის შორ მანძილზე მოქმედი იარაღის გაგზავნის განზრახვები: "ამას არ ვაპირებთ" - აღნიშნა ამერიკის პრეზიდენტმა.აშშ-ის პრეზიდენტმა კიდევ ერთხელ განაცხადა, რომ ვლადიმერ პუტინით იმედგაცრუებულია."ვნახავ, რა მოხდება პრეზიდენტ პუტინთან. 50 დღის შემდეგ თუ შეთანხმება არ იქნება, ეს ძალიან ცუდი იქნება. ტარიფები შემოვა და სხვა სანქციებიც," - განაცხადა ტრამპმა.ჟურნალისტის შეკითხვაზე, არის თუ არა ის ახლა უკრაინის მხარეს, აშშ-ის პრეზიდენტმა, ტრამპმა უპასუხა, რომ ის არავის მხარეს არ არის."მე არავის მხარეს ვარ. მე კაცობრიობის მხარეს ვარ. მე მინდა, რომ მკვლელობა შეწყდეს," - აღნიშნა აშშ-ის პრეზიდენტმა.

მსოფლიო • 1752563700

კიევის მერმა ტრამპის გადაწყვეტილება რუსეთისთვის უკრაინაში ომის შეწყვეტისთვის 50-დღიანი ვადის მიცემის შესახებ გააკრიტიკა

კიევის მერმა, ვიტალი კლიჩკომ აშშ-ის პრეზიდენტის, დონალდ ტრამპის რუსეთისთვის უკრაინაში სამშვიდობო შეთანხმების მისაღწევად 50-დღიანი ვადის მიცემის გადაწყვეტილება გააკრიტიკა. ინფორმაციას გერმანული მედია ავრცელებს.„50 დღეში დედაქალაქში და მთელ უკრაინაში უფრო მეტი ადამიანი დაიღუპება და მეტი დანგრეული შენობა იქნება. რა საჭიროა ასეთი გაჭიანურება?“, - განაცხადა კლიჩკომ გერმანულ მედიასთან ინტერვიუში.კიევის მერი ვარაუდობს, რომ ტრამპს ჯერ კიდევ იმედი აქვს, რომ რუსეთის პრეზიდენტი, ვლადიმერ პუტინი ომს შეაჩერებს. თუმცა, როგორც კიევის მერი ამბობს, მას ამის არ სჯერა. კლიჩკოს თქმით, ის მოხარულია, რომ აშშ უკრაინას სამხედრო დახმარებას გაუწევს.ცნობისთვის, ტრამპმა გუშინ განაცხადა, რომ რუსეთის ხელმძღვანელობას 50-დღიან ვადას აძლევს, რათა მან უკრაინასთან სამშვიდობო შეთანხმებას მიაღწიოს. წინააღმდეგ შემთხვევაში, როგორც ტრამპმა აღნიშნა, ის რუსეთის სავაჭრო პარტნიორების წინააღმდეგ 100-პროცენტიან მეორად ტარიფებს შემოიღებს.

მსოფლიო • 1752561360

სერგეი ლავროვი ჩინეთში სი ძინპინს შეხვდა

რუსეთის საგარეო საქმეთა მინისტრი სერგეი ლავროვი ჩინეთში სი ძინპინს შეხვდა. რუსული მედიის ინფორმაციით, ლავროვმა ჩინეთის პრეზიდენტთან ორმხრივი შეხვედრა გამართა. მათივე ინფორმაციით, შეხვედრა ჩინეთის ქალაქ ტიანძინში გაიმართა, სადაც შანხაის თანამშრომლობის ორგანიზაციის ქვეყნების საგარეო საქმეთა მინისტრების შეხვედრა იმართება.როგორც რუსული მედია წერს, სერგეი ლავროვმა სი ძინპინს პრეზიდენტ ვლადიმერ პუტინის ზეპირი შეტყობინება გადასცა. თავის მხრივ, სი ძინპინმა განაცხადა, რომ მოსკოვმა და პეკინმა მნიშვნელოვანი შეთანხმებების ეფექტურად განხორციელება უნდა განაგრძონ.„რუსეთმა და ჩინეთმა უნდა დაიცვან ორი ქვეყნის უსაფრთხოებისა და განვითარების ინტერესები, მათ უნდა გააძლიერონ ურთიერთმხარდაჭერა და თანამშრომლობა ისეთ მრავალმხრივ ღონისძიებებზე, როგორიცაა შანხაის თანამშრომლობის ორგანიზაცია“,-განაცხადა სი ძინპინმა.

მსოფლიო • 1752494560

კირილ დმიტრიევი - რუსეთსა და ამერიკას შორის დიალოგი გაგრძელდება უზარმაზარი ძალისხმევის მიუხედავად, რომ ეს ყველა შესაძლო საშუალებით ჩაშალონ

რუსეთსა და ამერიკას შორის დიალოგი გაგრძელდება უზარმაზარი ძალისხმევის მიუხედავად, რომ ეს ყველა შესაძლო საშუალებით ჩაშალონ, – ამის შესახებ უცხო ქვეყნებთან საინვესტიციო-ეკონომიკური თანამშრომლობის საკითხებში რუსეთის პრეზიდენტის სპეციალურმა წარმომადგენელმა, კირილ დმიტრიევმა განაცხადა.ჟურნალისტებთან საუბრისას დმიტრიევმა აღნიშნა, რომ რუსეთზე ზეწოლის მცდელობები „წარუმატებლობისთვისაა განწირული“.„ბაიდენის მცდარმა მიდგომებმა აჩვენა, რომ ისინი არაეფექტურია. მისი ტყუილები მარადიული არ არის, ისინი უნდა გამოსწორდეს და გამოსწორდება კიდეც. ეს არის პროცესი, რომელშიც ამერიკული მხარე ცდილობს რუსეთის კანონიერი ინტერესების გაგებას“, – განაცხადა ვლადიმერ პუტინის წარმომადგენელმა.

მსოფლიო • 1752002889

დიდმა ბრიტანეთმა და საფრანგეთმა უნდა დაასრულონ აშშ-სა და ჩინეთზე დამოკიდებულება, გამოწვევების დასაძლევად ერთადერთი გზაა, ერთად წავიდეთ მხარდამხარ - ემანუელ მაკრონი

დიდმა ბრიტანეთმა და საფრანგეთმა უნდა დაასრულონ აშშ-სა და ჩინეთზე დამოკიდებულება, – ამის შესახებ საფრანგეთის პრეზიდენტმა, ემანუელ მაკრონმა დიდი ბრიტანეთის პარლამენტში სიტყვით გამოსვლისას განაცხადა.მაკრონის თქმით, დიდმა ბრიტანეთმა და საფრანგეთმა ერთად უნდა იმუშაონ მსოფლიოს დესტაბილიზაციის საფრთხეებთან საბრძოლველად და დაიცვან ევროპა შეერთებულ შტატებსა და ჩინეთზე „ზედმეტი დამოკიდებულებისგან“.როგორც საფრანგეთის პრეზიდენტმა გამოსვლისას აღნიშნა, ორმა ქვეყანამ ერთად უნდა გააძლიეროს ევროპა, მათ შორის თავდაცვის, იმიგრაციის, კლიმატისა და ვაჭრობის საკითხებში.„გაერთიანებულმა სამეფომ და საფრანგეთმა კიდევ ერთხელ უნდა აჩვენონ მსოფლიოს, რომ ჩვენ ალიანსს შეუძლია, ყველაფერი შეცვალოს. ჩვენი დროის გამოწვევების დასაძლევად ერთადერთი გზაა, ერთად წავიდეთ ხელჩაკიდებული, მხარდამხარ“, – განაცხადა მაკრონმა.ამასთან, მაკრონმა ღაზის სექტორში ცეცხლის შეწყვეტის აუცილებლობის შესახებ ისაუბრა და განაცხადა, რომ ორი სახელმწიფოს გადაწყვეტის სჯერა. მისივე თქმით, პალესტინის სახელმწიფოს აღიარებისთვის ერთად მუშაობა მშვიდობისკენ მიმავალი ერთადერთი გზაა.„ისრაელს ეს საშუალებას მისცემს, იცხოვროს მშვიდობითა და უსაფრთხოებით მეზობლებთან ერთად. მინდა ნათლად ვთქვა, რომ დღევანდელი მოწოდება ღაზაში ყოველგვარი წინაპირობის გარეშე ცეცხლის შეწყვეტის შესახებ უბრალოდ დანარჩენ მსოფლიოს ეუბნება, რომ ჩვენთვის, როგორც ევროპელებისთვის, ორმაგი სტანდარტი არ არსებობს. ჩვენ გვინდა ცეცხლის შეწყვეტა და არა დისკუსია“, – აღნიშნა მაკრონმა.გარდა ამისა, მაკრონმა ისაუბრა უკრაინის შესახებ და აღნიშნა, რომ ევროპა უკრაინას არასდროს მიატოვებს.„ყოველ ჯერზე, როდესაც ვლადიმერ პუტინის რუსეთი უკრაინაში წინ მიიწევს, საფრთხე ყველას გვიახლოვდება. არასდროს არ მივიღებთ თეორიებს, რომ „სიმართლე ძალაშია“. სწორედ ამიტომ გადავწყვიტეთ „მსურველთა კოალიციის“ შექმნა. ეს კოალიცია სიგნალი იყო, რომ ევროპელები არასდროს მიატოვებენ უკრაინას, არასდროს“, – აღნიშნა მაკრონმა.

მსოფლიო • 1751998630

მე არ ვარ კმაყოფილი პუტინით, ის აშშ-ს ბევრ სისულელეს ეუბნება უკრაინაზე - დონალდ ტრამპი

ვლადიმერ პუტინი აშშ-ს ბევრ სისულელეს ესაუბრება უკრაინაზე, – ამის შესახებ აშშ-ის პრეზიდენტმა, დონალდ ტრამპმა განაცხადა.ტრამპმა აღნიშნა, რომ არ არის კმაყოფილი რუსეთის პრეზიდენტით.„მე არ ვარ კმაყოფილი პუტინით. ახლა ამის თქმა შემიძლია, რადგან ის კლავს ძალიან ბევრ ჯარისკაცს, თავის ჯარისკაცებსაც და სხვებსაც. ახლა ეს რიცხვი კვირაში 7 000-მდეა. პუტინი აშშ-ს ბევრ სისულელეს ეუბნება უკრაინაზე. სიმართლე ისაა, რომ ის ყოველთვის კეთილგანწყობილია, მაგრამ, როგორც ჩანს, ეს უაზრობაა“, – განაცხადა ტრამპმა.რუსეთისთვის სანქციების დაწესებასთან დაკავშირებით კითხვაზე, ტრამპმა აღნიშნა, რომ რუსეთის წინააღმდეგ სანქციების დაწესების საკითხს ძალიან სერიოზულად ეკიდება.„დიახ, მე განვიხილავ. ვხედავ, რომ სენატი იღებს და დაამტკიცებს ძალიან, ძალიან მკაცრ სანქციებს. ეს არის არჩევითი კანონპროექტი და მე ამას ძალიან მკაცრად ვუყურებ“, – განაცხადა ტრამპმა.ამასთან, უკრაინისთვის იარაღის მიწოდების შეჩერებასთან დაკავშირებით დასმულ კითხვაზე ტრამპმა აღნიშნა, რომ უკრაინას თავდაცვისთვის საჭირო იარაღს უგზავნის.„ჩვენ გვსურს თავდაცვითი იარაღის მიწოდება, რადგან პუტინი არ ექცევა ადამიანებს სწორად. ამიტომ, ჩვენ უკრაინას თავდაცვისთვის საჭირო იარაღს ვუგზავნით და მე ეს დავამტკიცე“, – განაცხადა ტრამპმა.

მსოფლიო • 1751705176

ტრამპმა და ზელენსკიმ, მათ შორის გამართული სატელეფონო საუბრის დეტალებზე ისაუბრეს

ვლადიმერ პუტინის შემდეგ ვოლოდიმირ ზელენსკი - ამერიკის შეერთებული შტატების პრეზიდენტი უკრაინის პრეზიდენტს ტელეფონის ესაუბრა. მთავარი განსახილველი საკითხი კვლავ ევროპის კონტინენტზე 3 წლიანი ომის დასრულება იყო. მხარეებმა თავდაცვის გაძლიერებისა და უკრაინისთვის სამხედრო დახმარების შეწყვეტის საკითხიც განიხილეს.დონალდ ტრამპმა ისაუბრა ვლადიმერ პუტინთან გამართული სატელეფონო საუბრის შესახებ და თქვა, რომ საკითხი შეეხო სანქციების თემას, რომელიც შესაძლოა ამერიკის შეერთებულმა შტატებმა რუსეთს დაუწესოს."ვლადიმერ პუტინთან სატელეფონო საუბრის დროს შევეხეთ სანქციების საკითხს, რომელიც შესაძლოა ამერიკის შეერთებულმა შტატებმა რუსეთს დაუწესოს. ვიტყოდი, რომ ის ამით აღფრთოვანებული არ არის. პუტინმა სხვადასხვა სანქციის მართვა შეძლო, მაგრამ სანქციების პაკეტი, რომელზეც მე ვსაუბრობ, ძალიან მკაცრია და მას ეს ზუსტად ესმის. იცის, რომ ეს შეიძლება მოხდეს, თუმცა, ამ საკითხში პროფესიონალია. ჩემი მთავარი მიზანია ამ ომის დასრულება, არ მინდა ყოველ კვირა ათასობით ჯარისკაცი იღუპებოდეს. არ უნდა კვდებოდნენ რიგითი ადამიანები. ადრე ვამბობდი, რომ კვირაში 5000 ადამიანი იღუპებოდა, ახლა ეს მაჩვენებელი ბევრად დიდია. სწორედ ამიტომ, რუსეთის მიმართ გაცილებით მკაცრი ვარ, ვიდრე ნებისმიერი სხვა ქვეყნის მიმართ." - ამბობს დონალდ ტრამპი.დონალდ ტრამპთან გამართული სატელეფონო საუბრის შესახებ ისაუბრა ვიდეო მიმართვაში ვოლოდიმირ ზელენსკიმ. უკრაინის პრეზიდენტის თქმით, განიხილეს სხვადასხვა პროდუქციის ერთობლივი წარმოება, რაც ორივე ქვეყანას სჭირდება."ვესაუბრე პრეზიდენტ ტრამპს. ჩვენს შორის მნიშვნელოვანი კომუნიკაცია შედგა. შევთანხმდით, რომ საჰაერო თავდაცვის შესაძლებლობების გასაძლიერებლად, ჩვენს გუნდებს შორის უნდა შედგეს შეხვედრა. ასევე, სიღრმისეულად განვიხილეთ სხვადასხვა პროდუქციის ერთობლივი წარმოება, რაც ორივე ქვეყანას სჭირდება. საკითხი, რაზეც ახლა ყურადღებას ვამახვილებთ გამჭოლი, უპილოტო საფრენი აპარატების წარმოებაა, ასევე გვჭირდება მეტი მოსამზადებელი კურსი ჩვენი ოპერატორებისთვის, რომლებიც დრონებს მართავენ. ეს არის მთავარი ამოცანა, რომელიც აუცილებლად უნდა შევასრულოთ," - ამბობს ვოლოდიმირ ზელენსკი.

ომი უკრაინაში • 1751624941

ზელენსკი - რუსეთი კიდევ ერთხელ აჩვენებს, რომ არ აპირებს ომისა და ტერორის დასრულებას, თავდაცვის საკითხში პარტნიორების მხარდაჭერის შენარჩუნება მნიშვნელოვანია

რუსეთი კიდევ ერთხელ აჩვენებს, რომ არ აპირებს ომისა და ტერორის დასრულებას, – ასე ეხმაურება უკრაინის პრეზიდენტი რუსეთის მიერ უკრაინაზე განხორციელებულ მასშტაბურ იერიშს.ვოლოდიმირ ზელენსკის განცხადებით, უკრაინის ქალაქებში განგაშის ხმები დონალდ ტრამპისა და ვლადიმერ პუტინის სატელეფონო საუბარის პარალელურად გაისმა.„ჩვენს ქალაქებსა და რეგიონებში საჰაერო თავდასხმის სირენები პრეზიდენტ ტრამპსა და პუტინს შორის სატელეფონო საუბრის დაწყების შესახებ მედიაში გავრცელებულ ინფორმაციასთან ერთად გაისმა. რუსეთი კიდევ ერთხელ აჩვენებს, რომ არ აპირებს ომისა და ტერორის დასრულებას“, – განაცხადა უკრაინის პრეზიდენტმა.მისი თქმით, კიევში საჰაერო თავდასხმის შესახებ განგაში დილის 09:00 საათზე დასრულდა.„ეს იყო ერთ-ერთი ყველაზე მასშტაბური საჰაერო დარტყმა, დემონსტრაციულად მნიშვნელოვანი და ცინიკური დარტყმა. მისი მთავარი სამიზნე დედაქალაქი იყო“, – აცხადებს ვოლოდიმირ ზელენსკი.უკრაინის პრეზიდენტმა დასძინა, რომ ძალიან მნიშვნელოვანია პარტნიორების მხარდაჭერის შენარჩუნება თა