ვლადიმერ პუტინი

გია ვოლსკი: აშხაბადის შეხვედრა საგანგებო მნიშვნელობისაა, ყველამ იცის, ვინ არის ოკუპანტი, თავის მართლება საჭირო არ არის

აშხაბადის შეხვედრა საგანგებო მნიშვნელობისაა, ყველამ იცის, ვინ არის ოკუპანტი, საქართველო ერთადერთი ქვეყანაა, რომელსაც რუსეთთან დიპლომატიური ურთიერთობა არ აქვს, თავის მართლება საჭირო არ არის, ზუსტად ამიტომ არის პრემიერ-მინისტრი წასული, სადაც საქართველოს ხვალინდელი დღე წყდება და იგეგმება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, ფორუმში ვლადიმერ პუტინი თუ მონაწილეობს, ეს იმას არ ნიშნავს, რომ პრემიერ-მინისტრი არ უნდა შეხვდეს აზერბაიჯანის პრემიერ-მინისტრს.„პრეტენზიები თუ გვაქვს თურქმენეთთან ან მართვის სტილთან, ეს იმას არ ნიშნავს, რომ ჩვენი ინტერესებით არ უნდა ვიხელმძღვანელოთ, როდესაც ამის მაგალითებს ვხედავთ. ჩვენ თუ ჩინეთთან ვთანამშრომლობთ, ეს იმას არ ნიშნავს, რომ ევროპის კრიტიკას ავყვეთ, როდესაც თავად ჩადიან ჩინეთში და უშველებელ ხელშეკრულებებს დებენ. სამწუხაროა, ჩვენი ტერიტორიები ოკუპირებულია და ოკუპანტი ვინც არის, ყველამ კარგად იცის. ყველა რეზოლუცია, მათ შორის ბოლო რეზოლუცია, რომელიც გაერო-ში გავიდა, ჩვენი ხელმოწერით გავიდა. მართალია, უკრაინასთან დაკავშირებით იყო, მაგრამ ჩვენ არ შეგვიცვლია პოზიციები. თქვენ თუ გინდათ, მაინც და მაინც შეხვედრაზე, სადაც არის უშველებელ გლობალურ საკითხებთან დაკავშირებით საუბარი, პრემიერ-მინისტრი გამოვიდეს და იგივე იძახოს რასაც ზოგიერთი აკაცუკი ქუჩაში იძახის, ასეთი რამეები არ ხდება. ამ დონის შეხვედრებზე ასეთი რამეები არ ხდება. თქვენ თუ გგონიათ შეხვედრების, ფორუმების გარეშე საქართველოს შეიძლება, რაღაც პერსპექტივა ჰქონდეს მომავალში, არათუ ძალიან ცდებით, არამედ ვფიქრობ, მაინც პროპაგანდისტული ინტერესები გაგაჩნიათ და მეტი არაფერი“, – განაცხადა გია ვოლსკიმ.

პოლიტიკა • 1765527791

შალვა პაპუაშვილი: ირაკლი კობახიძე ქართველი ხალხის მანდატით ისაუბრებს ფორუმზე იმას, რაც სჭირდება ქართველ ხალხს. არ ისაუბრებს ისე, როგორც საუბრობს „ნაციონალური მოძრაობა“, რასა იუკნევიჩიენე და სხვა მსგავსი ომის მოსურნე ხალხი

ის [ფორუმზე] ქართველი ხალხის მანდატით ისაუბრებს იმას, რაც სჭირდება ქართველ ხალხს, მაშინ, როცა სჭირდება. არ ისაუბრებს ისე, როგორც საუბრობს „ნაციონალური მოძრაობა“, რასა იუკნევიჩიენე და სხვა მსგავსი ომის მოსურნე ხალხი, - განაცხადა საქართველოს პარლამენტის თავმჯდომარემ შალვა პაპუაშვილმა თურქმენეთში გამართულ ფორუმთან დაკავშირებით, სადაც ირაკლი კობახიძე და სხვა ლიდერებთან ერთად ვლადიმერ პუტინიც მონაწილეობს.ჟურნალისტმა მას ჰკითხა, ისაუბრებს თუ არა ირაკლი კობახიძე ოკუპაციასთან დაკავშირებით ფორუმზე.„ქართველმა ხალხმა მანდატი მისცა „ქართულ ოცნებას“ და პირადად ირაკლი კობახიძეს როგორც პრემიერ-მინისტრს. ის [ფორუმზე] ქართველი ხალხის მანდატით ისაუბრებს იმას, რაც სჭირდება ქართველ ხალხს, მაშინ, როცა სჭირდება. არ ისაუბრებს ისე, როგორც საუბრობს „ნაციონალური მოძრაობა“, რასა იუკნევიჩიენე და სხვა მსგავსი ომის მოსურნე ხალხი“, - აღნიშნა პაპუაშვილმა.

პოლიტიკა • 1765526930

შალვა პაპუაშვილი: არანაირი შეხვედრა ირაკლი კობახიძესა და ვლადიმერ პუტინს შორის გათვალისწინებული არ არის

საქართველოს პრემიერ-მინისტრი იმყოფება თურქმენეთის პრეზიდენტის მიწვევით თურქმენეთში ფორუმზე, რომელიც მშვიდობის საკითხებს ეძღვნება. ფორუმის მონაწილეებს განსაზღვრავს თავად მასპინძელი, - განუცხადა პარლამენტის თავმჯდომარემ შალვა პაპუაშვილმა მედიას.ჟურნალისტმა მას კითხვა დაუსვა იმასთან დაკავშირებით, რატომ არ აარიდა ოკუპანტი ქვეყნის პრეზიდენტთან საერთო ფოტოს გადაღებას ირაკლი კობახიძემ თურქმენეთში ფორუმზე, სადაც ვლადიმერ პუტინიც იმყოფება.„საქართველოს პრემიერ-მინისტრი იმყოფება თურქმენეთის პრეზიდენტის მიწვევით თურქმენეთში ფორუმზე, რომელიც მშვიდობის საკითხებს ეძღვნება. ფორუმის მონაწილეებს განსაზღვრავს თავად მასპინძელი. საქართველოს პრემიერი იქ იმყოფება და წარმოადგენს საქართველოს. საქართველოს ხელისუფლებამ ერთი რამე დაამტკიცა განსაკუთრებით ბოლო წლების განმავლობაში, ჩვენ ვმოქმედებთ მხოლოდ ქართველი ხალხის ინტერესებით. ვინც მზად არის პატივი სცეს ჩვენი ხალხის ეროვნულ ინტერესებს, მზად ვართ ვესაუბროთ ყველას. ქართველი ხალხის ინტერესი არის ორი - ჩვენი ქვეყნის გამთლიანება და ჩვენი ხალხის კეთილდღეობის ზრდა. ვინც პატივს სცემს ამ ინტერესებს, მათ ვესაუბრებით, ვინც არ სცემს, არ ვესაუბრებით.რუსეთის მხრიდან ქართველი ხალხის ეროვნული ინტერესების პატივისცემა გულისხმობს ოკუპაციის დასრულებას, შესაბამისად არ ვსაუბრობთ. შეიძლება ვერ ატყობთ, მაგრამ დიპლომატიური ურთიერთობაც არ გვაქვს რუსეთის ფედერაციასთან. ერთადერთი - ჟენევის ფორმატია, სადაც გვაქვს შესაძლებლობა ჰუმანიტარული მიზნებიდან გამომდინარე გვქონდეს კონტაქტი, ვინაიდან მათ აქვთ ეფექტური კონტროლი ოკუპირებულ ტერიტორიაზე, ახორციელებენ ამ ტერიტორიების ოკუპაციას“, - აღნიშნა პაპუაშვილმა.ჟურნალისტი ჩაეკითხა, ისაუბრებენ თუ არა კობახიძე და პუტინი.„არანაირი შეხვედრა გათვალისწინებული არ არის“, - აღნიშნა პაპუაშვილმა.

პოლიტიკა • 1765344852

პუტინის სპეცწარმომადგენელი: ტრამპის პოლიტიკის წყალობით მესამე მსოფლიო ომის თავიდან აცილება შესაძლებელი გახდა

რუსეთის პრეზიდენტის ვლადიმერ პუტინის სპეციალური წარმომადგენლის კირილ დმიტრიევის განცხადებით, აშშ-ის ლიდერის დონალდ ტრამპის პოლიტიკის წყალობით მესამე მსოფლიო ომის თავიდან აცილება შესაძლებელი გახდა.„სიმართლე იმაში მდგომარეობს, რომ პრეზიდენტ ტრამპისა და მისი გუნდის წყალობით მესამე მსოფლიო ომის თავიდან აცილება შესაძლებელი გახდა“, - დაწერა დმიტრიევმა სოციალურ ქსელ X-ში.მისი თქმით, ტრამპმა უკრაინის კონფლიქტის მშვიდობიან მოგვარებამდე ძალთა ბალანსში სიცხადე შეიტანა.

ომი უკრაინაში • 1764925020

ძირითად მოლაპარაკებებში პროგრესს მივაღწიეთ, მზად ვართ, გავაგრძელოთ მუშაობა ამერიკულ გუნდთან - იური უშაკოვი

ძირითად მოლაპარაკებებში პროგრესს მივაღწიეთ, მზად ვართ, გავაგრძელოთ მუშაობა ამერიკულ გუნდთან, – ამის შესახებ რუსეთის პრეზიდენტის თანაშემწემ, იური უშაკოვმა განაცხადა.უშაკოვის თქმით, პროცესი წინ მიიწევს და მოსკოვი მზად არის, უკრაინაში კონფლიქტის მოსაგვარებლად ამერიკელ მომლაპარაკებლებთან იმუშაოს.„ჩემი აზრით, პროგრესს მივაღწიეთ ძირითად მოლაპარაკებებში, რომლებშიც ჩვენი პრეზიდენტი მონაწილეობს. ეს იმედისმომცემია და მზად ვართ, გავაგრძელოთ მუშაობა ამერიკულ გუნდთან“, – განაცხადა უშაკოვმა.მისივე თქმით, კრემლში აშშ-ის წარმომადგენლებთან შეხვედრაზე ყველა საკითხი ანკორიჯში მიღწეული შეთანხმებების საფუძველზე განიხილეს.ამასთან, რუსეთის პრეზიდენტის თანაშემწემ არ გამორიცხა უახლოეს მომავალში ვლადიმერ პუტინისა და დონალდ ტრამპის შეხვედრის შესაძლებლობა.მისივე თქმით, ევროპელები მუდმივად აყენებენ მოსკოვისთვის მიუღებელ მოთხოვნებს და არ უწყობენ ხელს უკრაინის საკითხის მოგვარებას.„ევროპელები მუდმივად აყენებენ მოსკოვისთვის მიუღებელ მოთხოვნებს. რბილად რომ ვთქვათ, ევროპელები არ უწყობენ ხელს ვაშინგტონსა და მოსკოვს შორის უკრაინის საკითხებზე მოლაპარაკების პროცესს“, – აღნიშნა უშაკოვმა.

მსოფლიო • 1764879910

დასავლეთმა ომი უკრაინის წაქეზებით და გადატრიალების მოწყობით გააჩაღა, რუსეთს მტკიცედ აქვს გადაწყვეტილი, დაიცვას თავისი ინტერესები - ვლადიმერ პუტინი

დასავლეთმა ომი უკრაინის წაქეზებით და გადატრიალების მოწყობით გააჩაღა. რუსეთს მტკიცედ აქვს გადაწყვეტილი, დაიცვას თავისი ინტერესები, დაიცვას იქ მცხოვრები თავისი ხალხი, დაიცვას ტრადიციული ღირებულებები, – ამის შესახებ რუსეთის პრეზიდენტმა, ვლადიმერ პუტინმა ინდოეთში ოფიციალური ვიზიტის დროს India Today-სთან ინტერვიუში განაცხადა.მისი თქმით, რუსეთი „სპეციალურ სამხედრო ოპერაციას“ მაშინ დაასრულებს, როდესაც ოპერაციის დასაწყისში დასახულ მიზანს მიაღწევს.„ჩვენ არ ვიყავით ისინი, ვინც ეს ომი დაიწყო. 2014 წელს დასავლეთმა წააქეზა უკრაინა და მხარი დაუჭირა მოვლენებს, გადატრიალების ორგანიზებით. ამას მოჰყვა პროცესი, რომელმაც გამოიწვია ყირიმში მოვლენები. ახლა კი ჩვენი სპეციალური სამხედრო ოპერაცია არ არის ომის დასაწყისი, არამედ მცდელობაა, დაასრულოს ის, რაც დასავლეთმა უკრაინელი ნაციონალისტების გამოყენებით გააჩაღა. ჩვენ დავასრულებთ მას, როდესაც მივაღწევთ სპეციალური სამხედრო ოპერაციის დასაწყისში დასახულ მიზნებს, როდესაც გავათავისუფლებთ ამ ტერიტორიებს. სულ ეს არის“, – განაცხადა პუტინმა.ამასთან, ინტერვიუში ვლადიმერ პუტინმა ვოლოდიმირ ზელენსკიზეც ისაუბრა და აღნიშნა, რომ უკრაინის პრეზიდენტი მისი წინამორბედების შეცდომებს აგრძელებს და რადიკალური ნაციონალისტების ინტერესებს ხალხის ინტერესებზე წინ აყენებს.„როდესაც ეს ჯენტლმენი ხელისუფლებაში მოვიდა, მან განაცხადა, რომ ნებისმიერ ფასად მიისწრაფოდა მშვიდობისკენ, ყველა შესაძლო საშუალების გამოყენებით, საკუთარზე უარის თქმითაც კი. მაგრამ ახლა ჩვენ საკითხებს სხვაგვარად ვუყურებთ. ის იმავე მაგალითს მიჰყვება, რასაც მისი წინამორბედები, ვიწრო ნაციონალისტური ჯგუფის, განსაკუთრებით რადიკალური ნაციონალისტების ინტერესებს ხალხის ინტერესებზე წინ აყენებს. მე უკვე ვთქვი, რომ მათთვის ყველაზე მნიშვნელოვანია იმის გაცნობიერება, რომ პრობლემების გადაჭრის საუკეთესო გზა მშვიდობიანი მოლაპარაკებებია“, – განაცხადა რუსეთის პრეზიდენტმა.India Today-სთან ინტერვიუში პუტინმა ასევე აღნიშნა, რომ ამერიკულ კომპანიებს რუსეთთან ეკონომიკური ურთიერთობის აღდგენა სურთ.„აშშ-ის მსხვილმა კომპანიებმა წერილი მოგვწერეს და თხოვნით მოგვმართეს, რომ არ დაგვავიწყდეს ისინი. ისინი ელოდებიან ყველა პრობლემის მოგვარებას და მზად იქნებიან, რომ ჩვენთან დაბრუნდნენ. არსებობს მრავალი სფერო, სადაც რუსეთსა და აშშ-ს შორის ურთიერთობების აღდგენა ორივე მხარეს წაადგება. კომპანიებმა გამოთქვეს თანამშრომლობის განახლების ნათელი სურვილი და შესაბამის პოლიტიკურ სიგნალს ელოდებიან“, – განაცხადა პუტინმა.ამასთან, რუსეთის პრეზიდენტმა ინტერვიუში განაცხადა, რომ აშშ-ის პრეზიდენტს, დონალდ ტრამპს რუსეთ-უკრაინის ომის დასრულება გულწრფელად სურს.„ეჭვი არ მეპარება, რომ პრეზიდენტ ტრამპს ომის დასრულების გულწრფელი სურვილი აქვს. შეერთებულ შტატებსა და პრეზიდენტ ტრამპს მართლაც აქვთ საკუთარი გაგება, თუ რატომ უნდა დასრულდეს ეს ომი რაც შეიძლება მალე. ის ყოველთვის ამბობს, და დარწმუნებული ვარ, რომ ეს გულწრფელია, რომ მას სურს ადამიანური დანაკარგების მინიმიზაცია“, – განაცხადა პუტინმა.ცნობისთვის, რუსეთის პრეზიდენტი ვლადიმერ პუტინი ორდღიანი ვიზიტით ინდოეთში ჩავიდა, სადაც პრემიერ-მინისტრ ნარენდრა მოდის ხვდება. უკრაინაში ომის დაწყების შემდეგ ეს პუტინის პირველი ვიზიტია ინდოეთში.

მსოფლიო • 1764858180

ვლადიმერ პუტინი ინდოეთში ჩავიდა

რუსეთის პრეზიდენტი ვლადიმერ პუტინი ორდღიანი ვიზიტით ინდოეთში ჩავიდა, სადაც ის პრემიერ-მინისტრ ნარენდრა მოდის ხვდება.უკრაინაში ომის დაწყების შემდეგ, ეს პუტინის პირველი ვიზიტია ინდოეთში.ვლადიმერ პუტინი და ნარენდრა მოდი მოლაპარაკებებს ხვალ გამართავენ, რის შემდეგაც რიგ დოკუმენტებს ხელი მოეწერება.რუსული გაფართოებული დელეგაციის შემადგენლობაში იმყოფებიან თავდაცვის, სოფლის მეურნეობის, ჯანდაცვის, ტრანსპორტის, ეკონომიკური განვითარების, ფინანსთა და შინაგან საქმეთა მინისტრები, ბიზნესის სფეროს წარმომადგენლები.მედიის ცნობით, ორი ქვეყანა ეკონომიკურ და თავდაცვის სფეროებში ურთიერთობების გაღრმავებას გეგმავს.

მსოფლიო • 1764836880

პუტინმა უიტკოფთან და კუშნერთან შეხვედრას სასარგებლო და აუცილებელი უწოდა და განაცხადა, რომ რუსეთს „დიდ რვიანში“ დაბრუნება არ სურს

ვლადიმერ პუტინის თქმით, შეხვედრა აშშ-ის პრეზიდენტის სპეციალურ წარმომადგენელ სტივენ უიტკოფთან და დონალდ ტრამპის სიძესთან, ჯარედ კუშნერთან, აუცილებელი და სასარგებლო იყო. შესაბამისი განცხადება რუსეთის პრეზიდენტმა ტელეკომპანია India Today-სთვის მიცემულ ინტერვიუში გააკეთა, რომლის ფრაგმენტებსაც თავად არხი აქვეყნებს და რუსეთის სახელმწიფო სააგენტოები ციტირებენ.პუტინის თქმით, ამერიკულ დელეგაციასთან შეხვედრა ხუთ საათს გაგრძელდა, რადგან მხარეებს რუსეთსა და უკრაინას შორის ომის შეწყვეტის შესახებ წინადადებების ყველა პუნქტის განხილვა მოუწიათ.მან აღნიშნა, რომ ამერიკულ წინადადებებში იყო პუნქტები, რომლებსაც რუსეთი არ ეთანხმებოდა. „სადღაც ვამბობდით, რომ დიახ, ამის განხილვა შეგვიძლია, ხოლო ამაზე დათანხმება - არა. იმის მიღწევა, რომ კონფლიქტის მხარეებმა რაღაც კონსენსუსამდე მიაღწიონ, არ არის მარტივი ამოცანა“, - განაცხადა პუტინმა.ტელეკომპანიის ჟურნალისტის შეკითხვაზე, სურს თუ არა რუსეთს „დიდ რვიანში“ დაბრუნება, პუტინმა უპასუხა: „არა“.რუსეთის პრეზიდენტმა აღნიშნა, რომ „ერთხელ ისე მოხდა“, რომ თავად პრაქტიკულად შეწყვიტა G8-ის შეხვედრებზე სიარული. „ჩემთვის ბოლომდე გასაგები არ არის, რატომ უწოდებენ G7-ში შემავალი ქვეყნები საკუთარ თავს „დიდ შვიდეულს“. რა არის იქ ასეთი დიდი?“, - თქვა პუტინმა და დასძინა, რომ ეს „მაინც მნიშვნელოვანი პლატფორმაა: ისინი მუშაობენ, რაღაცებს განიხილავენ, იღებენ გადაწყვეტილებებს“.

მსოფლიო • 1764742760

პესკოვი: სპეციალური ოპერაციების ზონაში ახალ წელთან დაკავშირებით ზავის საკითხი ამჟამად არ განიხილება

სპეციალური ოპერაციების ზონაში ახალი წლის ზავის შეთანხმების საკითხი ამჟამად არ განიხილება, – ამის შესახებ რუსეთის პრეზიდენტის პრესმდივანმა დიმიტრი პესკოვმა განაცხადა.„ამაზე ჯერ არ ყოფილა საუბარი, მაგრამ ახლა სრულიად სხვა პროცესი მიმდინარეობს“, – განაცხადა პესკოვმა ვლადიმერ პუტინისა და აშშ-ის პრეზიდენტის სპეციალური წარმომადგენლების შეხვედრის შემდეგ.ცნობისთვის, რუსეთის პრეზიდენტის, ვლადიმერ პუტინისა და აშშ-ის პრეზიდენტის სპეციალური წარმომადგენლების, სტივ უიტკოფისა და ჯარედ კუშნერის შეხვედრა თითქმის ხუთი საათი გაგრძელდა. პუტინის თანაშემწის, იური უშაკოვის განცხადებით, მხარეებს კომპრომისისთვის არ მიუღწევიათ.

მსოფლიო • 1764741988

The Telegraph: რუსეთი იგებს ომს უკრაინაში, ამიტომ ვლადიმერ პუტინი განსაზღვრავს სამშვიდობო შეთანხმების პირობებს

რუსეთი ახლა სათავეშია. ევროპას არ გააჩნია რეალისტური ალტერნატიული გეგმა და არც იმის შესაძლებლობა აქვს, რომ უკრაინას ომის გაგრძელებაში დაეხმაროს,- ეს მოსაზრება „ტელეგრაფთან“ ბრიტანელმა ჟურნალისტმა ოუენ მეთიუსმა გამოთქვა.„ვლადიმერ პუტინი კარნახობს უკრაინაში სამშვიდობო პირობებს, რადგან ის იგებს ომს. ევროკავშირის საგარეო საქმეთა უმაღლესი კომისრის, კაია კალასის, ვერც ერთი აღშფოთებული პროტესტი ამ სასტიკ ფაქტს ვერ შეცვლის. ევროპელ ლიდერებს შეუძლიათ შეიმუშაონ ნებისმიერი ალტერნატიული სამშვიდობო გეგმა, მაგრამ ერთადერთი ჭეშმარიტად მნიშვნელოვანი ხმა პუტინის ხმაა.სწორედ პუტინის ჯარები დაუნდობლად მიიწევენ წინ ადგილზე და მისი რაკეტები დაუნდობლად ანადგურებენ უკრაინის ელექტროქსელს.“- წერს გამოცემა.ავტორი თვლის, რომ კრემლში პუტინსა და ტრამპის წარმომადგენელ ვიტკოფს შორის განხილული შეთანხმება „დაარღვევს უკრაინის ტერიტორიულ მთლიანობას და საფრთხეს შეუქმნის მის სუვერენიტეტს.“თუმცა, ჟურნალისტი თვლის, რომ სხვა ალტერნატივა არ არსებობს.„პუტინისთვის პირობების დაწესების ერთადერთი გზა მისი დამარცხებაა.“ მაგრამ უკრაინამ ეს ვერ შეძლო, მიუხედავად უზარმაზარი და გმირული მსხვერპლისა, რომელსაც მხარს უჭერდა დასავლეთის ასობით მილიარდი დოლარის დახმარება.თებერვლიდან დონალდ ტრამპის ადმინისტრაცია პირდაპირ აცხადებს, რომ ომის გაგრძელება უაზროა. და ევროპა, ახალგაზრდა უკრაინელების მოწოდების მიუხედავად, იბრძოლონ და მოკვდნენ კონტინენტის უსაფრთხოებისთვის, მუდმივად უარს ამბობს რუსეთის ნავთობსა და გაზზე სანქციების სრულად დაწესებაზე.სტატიაში აღნიშნულია, რომ უკრაინას 50 მილიარდი ევროს ბიუჯეტის დეფიციტი ემუქრება. კალასის მცდელობები, წელს, ევროკავშირის წევრი სახელმწიფოებისგან პირდაპირ ახალი 40 მილიარდი ევროს ნაღდი ფულის მოზიდვის შესახებ, უშედეგო აღმოჩნდა - ევროპელებმა ასევე ცოტა ხნის წინ უარი თქვეს რეპარაციების სესხის გაცემაზე, რამაც მობილიზება გაუკეთა დაახლოებით 140 მილიარდ ევროს რუსული აქტივების ბელგიაში გაყინვას. ვოლოდიმირ ზელენსკი კარგავს სანდოობას, ფულს და ხალხს.გამოცემის ცნობით, ევროპა ეწინააღმდეგება პუტინის სამშვიდობო გეგმას, მაგრამ არ გააჩნია საკუთარი რეალისტური ალტერნატივა - და ასევე არ გააჩნია სახსრები ან იარაღის მარაგი უკრაინაში მიმდინარე ომის გასაგრძელებლად.

მსოფლიო • 1764701881

NATO-ს სამიტზე ევროპის პრეზიდენტს მეძახდნენ, ჩვენ პატივს გვცემენ, ჩვენი ხალხი ახლა რუსეთშია, რათა გაიგონ, არის თუ არა ომის დასრულება შესაძლებელი - დონალდ ტრამპი

აშშ-ს პრეზიდენტის, დონალდ ტრამპის განცხადებით, მისი წარმომადგენლები ახლა რუსეთში იმყოფებიან, რათა გაარკვიონ, არის თუ არა რუსეთ-უკრაინის ომის დასრულება შესაძლებელი.როგორც ტრამპმა ჟურნალისტებს განუცხადა, მიუხედავად იმისა, რომ ამერიკა ფინანსურად აღარ არის ჩართული ომში, მაინც ცდილობს ამ საკითხის მოგვარებას.„ამერიკა კვლავ ძლიერი და პატივსაცემი ქვეყანაა მსოფლიოში. NATO-ს სამიტზე როდესაც ვიყავი, ისინი ევროპის პრეზიდენტს მეძახდნენ. ჩვენ პატივს გვცემენ. როგორც იცით, ჩვენ გვაქვს პრობლემა ომთან მიმართებით, რომლის მოგვარებასაც ჩვენი ხალხი ცდილობს რუსეთსა და უკრაინას შორის. ჩვენ აღარ ვართ ამ ომში ჩართული ფინანსურად. ბაიდენმა 350 მილიარდი დოლარი გასცა ისე, თითქოს ეს ტკბილეული ყოფილიყო. ეს ძალიან დიდი რაოდენობის თანხაა. მე არაფერი მიმიცია, ჩვენ ვყიდით აღჭურვილობას NATO-ზე, ევროპული ქვეყნები გვიხდიან ახლა ფულს და შემდგომში მიაქვთ ეს უკრაინაში ან რასაც არ უნდა უშვრებოდნენ. ჩვენ ვცდილობთ, ეს საკითხი მოვაგვაროთ. მე რვა ომი დავასრულე, ეს იქნება მეცხრე და ჩვენი ხალხი ახლა რუსეთში იმყოფება, რათა გაიგონ, არის ამის დასრულება შესაძლებელი. არ არის მარტივი სიტუაცია. ეს არის ომი, რომელიც არასდროს მოხდებოდა მე რომ პრეზიდენტი ვყოფილიყავი და ეს არ მომხდარა ოთხი წლის განმავლობაში“, – განაცხადა ტრამპმა.ცნობისთვის, მოსკოვში რუსეთის პრეზიდენტ ვლადიმერ პუტინისა და აშშ-ის პრეზიდენტის სპეციალური წარმომადგენლების, სტივ უიტკოფისა და ჯარედ კუშნერის ოფიციალური შეხვედრა მიმდინარეობს.

მსოფლიო • 1764695254

მოსკოვში სტივ უიტკოფის, ჯარედ კუშნერისა და ვლადიმერ პუტინის შეხვედრა მიმდინარეობს

მოსკოვში რუსეთის პრეზიდენტ ვლადიმერ პუტინისა და აშშ-ის პრეზიდენტის სპეციალური წარმომადგენლების, სტივ უიტკოფისა და ჯარედ კუშნერის ოფიციალური შეხვედრა დაიწყო.პუტინთან ერთად შეხვედრას ესწრებიან პუტინის თანაშემწე იური უშაკოვი და რუსეთის პრეზიდენტის სპეციალური წარმომადგენელი კირილ დმიტრიევი.აღნიშნულ ინფორმაციას კრემლი ავრცელებს და შესაბამის ფოტოს აქვეყნებს.როგორც ცნობილია, შეხვედრის დასრულების შემდეგ უიტკოფი და კუშნერი ევროპაში გაემგზავრებიან და ვოლოდიმირ ზელენსკის პუტინთან საუბრის შესახებ მიაწვდიან ინფორმაციას.