ვლადიმერ პუტინი

სამმხრივი მოლაპარაკებების მიზანი იქნება სამშვიდობო შეთანხმების შემდეგ უკრაინისა და რუსეთის უსაფრთხოების საკითხის განხილვა, ვფიქრობ, შეთანხმების მიღწევა შეგვიძლია - ვლადიმერ პუტინი

რუსეთის პრეზიდენტმა ვლადიმერ პუტინმა განაცხადა, რომ რუსეთი მზად არის, უკრაინასთან დაკავშირებით სამმხრივი მოლაპარაკებები განაახლოს. საუბარია რუსეთის, აშშ-ისა და უკრაინის წარმომადგენლებს შორის მოლაპარაკებებზე.მისივე თქმით, სამმხრივი მოლაპარაკებების მიზანი სამშვიდობო შეთანხმების მიღწევის შემდეგ რუსეთისა და უკრაინის უსაფრთხოების უზრუნველყოფის საკითხის განხილვა იქნება.„ამ მოლაპარაკებების მიზანი იქნება სამშვიდობო შეთანხმების მიღწევის შემდეგ უკრაინისა და რუსეთის უსაფრთხოების უზრუნველყოფის საკითხის განხილვა. კერძოდ, საუბარია ასეთი შეთანხმებების საბოლოო ვერსიებზე. მზად ვართ, ეს კონტაქტები ამ მიზნის მისაღწევად განვაახლოთ“, – განაცხადა რუსეთის პრეზიდენტმა.პუტინის თქმით, უიტკოფმა ასევე გამოთქვა მოსაზრება, რომ მოლაპარაკებების ფარგლებში ევროპის უსაფრთხოების არქიტექტურაც უნდა განიხილონ. რუსეთის პრეზიდენტი ამ მიდგომას დაეთანხმა.„აშშ-ის ადმინისტრაციის წარმომადგენელმა ყურადღება გაამახვილა, რომ მომავალში უკრაინისა და რუსეთის უსაფრთხოების უზრუნველყოფასთან დაკავშირებულ საკითხებს თუ განვიხილავთ, ბუნებრივია, ევროპის უსაფრთხოების არქიტექტურაზეც უნდა ვისაუბროთ. ზოგადად, ამ მოსაზრებას მეც ვეთანხმები“, – აღნიშნა პუტინმა.რუსეთის პრეზიდენტის თქმით, მას მიაჩნია, რომ რუსეთსა და უკრაინას შორის შეთანხმების მიღწევა შესაძლებელია.„ვფიქრობ, ჩვენ შეგვიძლია შეთანხმების მიღწევა, ჩვენ ამას ვეთანხმებით“, – აღნიშნა რუსეთის პრეზიდენტმა.ამასთან, პუტინის თქმით, უკრაინისთვის ტერიტორიულ დანაკარგებზე საუბარი უადგილოა.„უპირველესად, ჩემი დამოკიდებულება ამ საკითხისადმი ასეთია: ეს მათი ტერიტორია არ არის. ეს ისტორიულად რუსეთის ტერიტორიაა. ვფიქრობ, უადგილოა საუბარი რაიმე ტერიტორიულ დანაკარგებზე. თუმცა ეს სადავო საკითხია. ამ თემაზე უსასრულოდ შეიძლება კამათი“, – განაცხადა პუტინმა.ამასთან, პუტინის თქმით, რუსეთი ევროპასთან ომისთვის არ ემზადება.„ჩვენ ევროპასთან რაიმე სახის ომისთვის არ ვემზადებით“, – აღნიშნა პუტინმა.

მსოფლიო • 1792610741

მნიშვნელოვანია, რომ უიტკოფი რუსულ მხარეს შეხვდა, რუსეთი მხარს უჭერს გუნდების დონეზე სამმხრივ შეხვედრას, ამერიკული მხარე სთავაზობს, რაც შეიძლება, მალე მოხდეს, ჩვენც მხარს ვუჭერთ - ვოლოდიმირ ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთი მხარს უჭერს გუნდების დონეზე სამმხრივ შეხვედრას.მისივე თქმით, შეხვედრის თარიღები ჯერ ისევ შეთანხმების პროცესშია.ზელენსკის განცხადებით, ეს არის აშშ-ის პრეზიდენტის სპეციალური წარმომადგენლის, სტივ უიტკოფის რუსეთში ვიზიტის შედეგი.„მნიშვნელოვანია, რომ დღეს უიტკოფი რუსულ მხარეს შეხვდა. როგორც ბრიფინგიდან გავიგეთ, რუსეთი მხარს უჭერს ჩვენი გუნდების დონეზე სამმხრივ შეხვედრას. ამერიკული მხარე სთავაზობს, რაც შეიძლება მალე მოხდეს ეს, ჩვენც მხარს ვუჭერთ. არ ვიცი, რა თარიღებში გაიმართება შეხვედრა. დღის წესრიგი ნათელია, ომის დასრულება, მშვიდობასთან დაახლოება და, როგორც მესმის, ლიდერების შეხვედრისთვის ყველაფრის მომზადება“, – განაცხადა უკრაინის პრეზიდენტმა.ზელენსკის განმარტებით, უკრაინას აღნიშნულ შეხვედრასთან დაკავშირებით ამერიკელ პარტნიორებთან კომუნიკაცია ჰქონდა.„რაც შეიძლება ადრე დაიგეგმება, ვფიქრობ, არა უგვიანეს ნოემბრის დასაწყისისა. ვნახოთ, ყველაფერი ჩვენზე არ არის დამოკიდებული“, – აღნიშნა ვოლოდიმირ ზელენსკი.ცნობისთვის, მანამდე აშშ-ის პრეზიდენტის სპეციალურმა წარმომადგენელმა, სტივ უიტკოფმა განაცხადა, რომ რუსეთ-უკრაინის ომის დასრულებაზე მსჯელობა სამმხრივი, ტექნიკური დონის მოლაპარაკებების ფორმატში გაგრძელდება. კრემლის ინფორმაციით, ვლადიმერ პუტინი უკრაინასა და აშშ-თან სამმხრივი მოლაპარაკებების განახლებას დათანხმდა.

მსოფლიო • 1792592760

პუტინი უკრაინასა და აშშ-თან სამმხრივი მოლაპარაკებების განახლებას დათანხმდა - კრემლი

რუსეთის პრეზიდენტი ვლადიმერ პუტინი უკრაინაში ომის დასრულების საკითხზე აშშ-სა და უკრაინასთან სამმხრივი მოლაპარაკებების განახლებას პრინციპულად დათანხმდა, – ამის შესახებ საგარეო პოლიტიკის საკითხებში რუსეთის პრეზიდენტის მრჩეველმა, იური უშაკოვმა განაცხადა.უშაკოვის ინფორმაციით, მოლაპარაკებები შესაძლოა, 10 ნოემბრის შემდეგ განახლდეს.მისი თქმით, შეხვედრების მთავარი თემა ომის დასრულების შემდეგ რუსეთისა და უკრაინის უსაფრთხოების სისტემის ჩამოყალიბება იქნება.განცხადება უშაკოვმა სანქტ პეტერბურგში ვლადიმერ პუტინსა და აშშ-ის პრეზიდენტის სპეციალურ წარმომადგენელ სტივ უიტკოფს შორის გამართული შეხვედრის შემდეგ გააკეთა. კრემლის ინფორმაციით, მოლაპარაკებები დაახლოებით სამ საათს გაგრძელდა.რუსეთის პრეზიდენტთან შეხვედრამდე ერთი დღით ადრე უიტკოფმა ოსლოში უკრაინის პრეზიდენტ ვოლოდიმირ ზელენსკისა და რამდენიმე ევროპელ ლიდერთან გამართა მოლაპარაკებები. ამერიკელმა წარმომადგენელმა შეხვედრა პროდუქტიულად შეაფასა და განაცხადა, რომ სამშვიდობო პროცესში გარკვეული წინსვლა შეინიშნება.

პოლიტიკა • 1792560339

კაია კალასის განცხადებით, აშშ უკრაინას პუტინის პირობებით დანებებისკენ უბიძგებს

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი, აშშ-ს მკაცრად აკრიტიკებს. როგორც Euronews-ი წერს, კალასი ვაშინგტონს კიევზე ზეწოლაში ადანაშაულებს - მისი შეფასებით, შტატებს სურს, უკრაინა დათანხმდეს პირობებს, რომელიც მხოლოდ ვლადიმერ პუტინისთვისაა ხელსაყრელი."ამერიკელი მომლაპარაკებლები უკვე თითქმის ორი წელია ცდილობენ, უკრაინას იძულებით კაპიტულაციისკენ უბიძგონ - უფრო ზუსტად, ეს წელიწად-ნახევარია გრძელდება. უკრაინა პუტინის პირობებს იმიტომ არ დათანხმდა, რომ ევროპა მას მხარს უჭერს", - განუცხადა მან ევროპარლამენტის წევრებს.კალასმა ასევე აღნიშნა, რომ მოლაპარაკებების მაგიდასთან ევროპის წარმომადგენლების ყოფნა აუცილებელია, რათა დაბალანსდეს თეთრი სახლის მიერ დაკავებული პოზიციები, რომლებიც სულ უფრო მეტად იხრება მოსკოვის ინტერესების სასარგებლოდ.აშშ-სა და ევროპას შორის ურთიერთობები მას შემდეგ გაუარესდა, რაც აშშ-ის პრეზიდენტმა დონალდ ტრამპმა პუტინთან დიზელის საწვავის მიწოდების შესახებ შეთანხმებას მიაღწია და სანქციები 2027 წლის აპრილამდე შეამსუბუქა ისე, რომ, სანაცვლოდ, რუსეთი არანაირ დათმობაზე არ წასულა.ტრამპმა უკრაინას ახალი არჩევნების ჩატარებისკენ მოუწოდა, თუმცა, უკრაინის კანონმდებლობით, ომის პერიოდში არჩევნების ჩატარება აკრძალულია. მან ასევე გამოთქვა უკმაყოფილება და განაცხადა, რომ უკრაინის პრეზიდენტ ვოლოდიმირ ზელენსკისთან მოლაპარაკება უფრო რთულია, ვიდრე პუტინთან. თავის მხრივ, ზელენსკიმ თქვა, რომ ტრამპმა მას უღალატა."ვფიქრობ, გარკვეული ნაბიჯები გადაიდგა იმისთვის, რომ უკრაინა კაპიტულაციაზე დაეთანხმებინათ", - განუცხადა ზელენსკიმ Bloomberg-ს ბოლო ინტერვიუში.კალასმა სტრასბურგში, ევროპარლამენტის წინაშე გამოსვლისას, ბოლო მოვლენებთან დაკავშირებით შეშფოთება გამოთქვა. ამასთან, ევროპარლამენტის ზოგიერთმა წევრმა განაცხადა, რომ ევროპას სამშვიდობო სტრატეგია არ გააჩნია."ეს სიმართლეს არ შეესაბამება", - განაცხადა კალასმა. ამ სიტყვებით მან მიუთითა დოკუმენტზე, რომელიც ევროკავშირის წევრი ქვეყნების დედაქალაქებს წარუდგინა. დოკუმენტში ჩამოთვლილი იყო მოთხოვნები, რომელთა შესრულებასაც ევროპა მოსკოვისგან მომავალი სამშვიდობო შეთანხმების ფარგლებში უნდა ელოდოს."თუ რუსეთი თავის მაქსიმალისტურ მოთხოვნებსა და წინადადებებს აყენებს, ჩვენც მოლაპარაკებების მაგიდაზე ჩვენი მაქსიმალური მოთხოვნები უნდა დავდოთ, რათა მოლაპარაკებებში ბალანსი შევინარჩუნოთ. ამასთანავე, რუსეთს მკაფიო გზავნილი უნდა მივაწოდოთ: ყველა იმ საკითხთან დაკავშირებით, რომელიც მას აინტერესებს - მათ შორის სანქციების მოხსნასთან დაკავშირებით - ევროპა მოლაპარაკებების მაგიდასთან უნდა იყოს, რადგან ეს გადაწყვეტილებები ევროპამ უნდა მიიღოს. ჩვენ არ ვაპირებთ, რაიმე უბრალოდ დავთმოთ, რადგან მნიშვნელოვანია არა მხოლოდ მშვიდობის დამყარება, არამედ ისიც, რომ ეს მშვიდობა ხანგრძლივი და სამართლიანი იყოს", - განაცხადა კალასმა.

მსოფლიო • 1792502460

ზელენსკი: აშშ იარაღსა და დაზვერვაზე რეალურ შეზღუდვებს აწესებს, ისინი გვთხოვენ, შევჩერდეთ, ეს უსამართლობაა

აშშ იარაღსა და დაზვერვაზე რეალურ შეზღუდვებს აწესებს. ისინი გვთხოვენ, შევჩერდეთ, ეს უსამართლობაა, – ამის შესახებ უკრაინის პრეზიდენტმა, ვოლოდიმირ ზელენსკიმ იტალიურ მედიასთან ინტერვიუში განაცხადა.ზელენსკის თქმით, მან პრეზიდენტ ტრამპს განუცხადა, რომ უკრაინას რუსეთის თავდასხმებისგან თავდაცვა სჭირდება, რისთვისაც კიევისთვის გამანადგურებელბის დროულად მიწოდებას გადამწყვეტი მნიშვნელობა აქვს. მან ასევე აღნიშნა, რომ შტატებმა უკრაინას გამანადგურებლები არ გადასცა, დახმარების ნაცვლად კიევს დაზვერვის მონაცემებზე შეზღუდვა დაუწესა და Starlink-ის სიჩქარე შეუმცირა.„მე მას როგორც პარტნიორს მივმართე: რუსები თუ დაგვესხმებიან თავს და ჩვენ ვერ შევძლებთ პასუხის გაცემას, ეს უსამართლობაა. მე ვუთხარი: პუტინის შეჩერება თუ არ შეგიძლიათ, ყოველ შემთხვევაში, მოგვეცით გამანადგურებლები ჩვენი ენერგეტიკული ინფრასტრუქტურის დასაცავად. ჩვენ მაინც განვიცდით დანაკარგებს, მაგრამ ეს პარტნიორის საქციელი იქნებოდა. ამის ნაცვლად, მათ რაკეტები არ მოგვცეს: მათ უბრალოდ გვთხოვეს გაჩერება. შემდეგ დააწესეს დაზვერვის შეზღუდვები და Starlink-ის სიჩქარის შემცირება. ეს აღარ არის მარტივი საფრთხეები. ეს ჩვენ მიმართ უსამართლობაა. ჩვენ მადლიერები ვართ ამერიკელი ხალხის და ტრამპის გუნდის მიმართ, რომლებსაც ომის დასრულება სურთ. ჩვენ ვხვდებით და ვსაუბრობთ, მაგრამ პარტნიორებს შორის გულწრფელობა უნდა იყოს“, – განაცხადა ზელენსკიმ.მისივე თქმით, კიევისთვის აშშ-უკრაინის ურთიერთობები ყოველთვის ძალიან მნიშვნელოვანი იყო და ამერიკელი ხალხი უკრაინელებს ყოველთვის უჭერდნენ მხარს. ზელენსკიმ ასევე აღნიშნა, რომ უკრაინა ევროპული პროგრამებით მიღებული დაფინანსებით აშშ-სთან შეიარაღებას ყიდულობს.„შეერთებულ შტატებთან სტრატეგიული ურთიერთობა ყოველთვის მნიშვნელოვანი იყო, ოკუპაციის დაწყებიდან და განსაკუთრებით სრულმასშტაბიანი ომის დროს. ამერიკელმა ხალხმა, ადმინისტრაციებმა და ორივე პარტიამ მხარი დაგვიჭირა: ამისთვის მადლიერი ვარ. ჩვენ ყოველთვის გვინდოდა პატიოსნებაზე, სამართლიანობასა და გამჭვირვალობაზე დაფუძნებული ურთიერთობა. არ მინდა ამერიკის პრეზიდენტისგან არაფრის დამალვა. შეიძლება, განსხვავებული მოსაზრებები და ინტერესები გვქონდეს, მაგრამ ჩვენს ხალხებს ბევრად მეტი საერთო აქვთ, ვიდრე ამერიკასა და რუსეთს. თანამშრომლობა არსებობს: ჩვენ ამერიკულ იარაღს ევროპის მიერ დაფინანსებული პროგრამებით ვიღებთ. დღეს ჩვენ ვიხდით ამ იარაღის საფასურს. ჩვენ გვსურს, გავაგრძელოთ ღია, პატიოსანი და პრაგმატული ურთიერთობები“, – განაცხადა მან.რაც შეეხება დონალდ ტრამპის მოწოდებას უკრაინაში საპრეზიდენტო არჩევნების გამართვასთან დაკავშირებით, ზელენსკიმ განაცხადა, რომ თანამდებობის შენარჩუნების მცდელობა არავის აქვს და ომის პირობებში ყველამ თავისი საქმე უნდა აკეთოს.„არავინ ცდილობს თავისი ადგილის შენარჩუნებას. ჩვენ უნდა დავიცვათ სახელმწიფო კანონისა და კონსტიტუციის შესაბამისად. სამხედროები ფრონტზე დგანან; დანარჩენებმა უნდა იმუშაონ და გადასახადები გადაიხადონ, თუ არ გვინდა დანებება და დამოუკიდებლობის დაკარგვა. ამერიკელებს, რომლებიც პრეზიდენტის შეცვლას მოითხოვენ, მე ვეუბნები: მიეცით უკრაინელებს საშუალება, თავად მოაგვარონ საკუთარი არჩევნები და გააკეთონ საკუთარი არჩევანი, კანონის ფარგლებში“, – განაცხადა მან.რაც შეეხება ცნობებს დონალდ ტრამპის, ვლადიმერ პუტინისა და სი ძინპინის სავარაუდო შეხვედრის შესახებ, ზელენსკიმ განაცხადა, რომ პუტინი თანდათან გამოდის საერთაშორისო იზოლაციიდან, რაც სამწუხაროა.„საკითხი მხოლოდ ის არ არის, შეხვდებიან თუ არა ისინი ჩვენთან ერთად თუ ჩვენ გარეშე. სამწუხაროდ, პუტინის თანდათანობითი გამოსვლა იზოლაციიდან უკვე დაწყებულია. ეს პირველი ნაბიჯი არ იქნება. თუმცა, უკრაინა მოლაპარაკებების მაგიდასთან თუ იქნება, ჩვენ გვსურს, რომ უკრაინასთან კონსულტაციები გამართონ. დანარჩენზე კომენტარს ვერ გავაკეთებ: არ ვიცი, რას განიხილავენ ისინი“, – განაცხადა ზელენსკიმ.

მსოფლიო • 1792337667

აშშ თუ პუტინის მხარეს დადგება, ეს ისტორიული შეცდომა იქნება - ზელენსკი

რაინის პრეზიდენტმა, ვოლოდიმირ ზელენსკიმ განაცხადა, რომ აშშ-ის მიერ რუსეთის პრეზიდენტ ვლადიმერ პუტინის მხარეს დადგომა ისტორიული შეცდომა იქნება.„ჩვენ გვინდა, რომ მას ვენდობოდეთ. იმედი მაქვს, ის გადაწყვეტილებებს შეცვლის, რადგან, ჩემი აზრით, ეს ყველაფერი შეცდომებია და არც ჩვენ დაგვეხმარება და არც შეერთებულ შტატებს“, – განაცხადა ზელენსკიმ „ენბისი ნიუსთან“ ინტერვიუში.ზელენსკის თქმით, აშშ-მა უკრაინას გარკვეული დროით შეუზღუდა სადაზვერვო ინფორმაციის მიწოდება, რის გამოც ქვეყანა რუსეთიდან გაშვებული ბალისტიკური რაკეტების შესახებ ინფორმაციას ვეღარ იღებდა. მოგვიანებით ინფორმაციის გაზიარება აღდგა.„ამისთვის ძალიან მადლიერები ვართ. ახლა ის კვლავ მუშაობს“, – განაცხადა უკრაინის პრეზიდენტმა.მისი განმარტებით, სადაზვერვო ინფორმაციის მიწოდების რამდენიმე დღით შეჩერების საკითხი უკვე მოგვარებულია, თუმცა უკრაინას კვლავ აქვს შეზღუდვები Starlink-ის სამხედრო ვერსიის, Starshield-ის გამოყენების სიჩქარესთან დაკავშირებით. ზელენსკის განცხადებით, უკრაინელი ოფიციალური პირები მიიჩნევენ, რომ SpaceX-ის მიერ დაწესებული შეზღუდვა „ამერიკის მთავრობის გზავნილს“ უკავშირდებოდა.კითხვაზე, ფიქრობს თუ არა, რომ გადაწყვეტილება უშუალოდ ტრამპმა ან SpaceX-ის მფლობელმა, ილონ მასკმა მიიღო, ზელენსკიმ უპასუხა, რომ ზუსტად არ იცის, თუმცა, მისი აზრით, ამ პროცესში ორივე მონაწილეობდა.უკრაინის პრეზიდენტის თქმით, ტრამპი ხვალ შეზღუდვის მოხსნას თუ გადაწყვეტს, „ყველაფერი დაუყოვნებლივ ისე იმუშავებს, როგორც ადრე“.რაც შეეხება ჟურნალისტის კითხვას ტრამპის განცხადებასთან დაკავშირებით, სადაც აშშ-ის პრეზიდენტმა აღნიშნა, რომ ზელენსკისთან ურთიერთობა უფრო რთულია, ვიდრე პუტინთან, ზელენსკიმ უპასუხა, რომ ტრამპთან გულწრფელია.„შესაძლოა, ეს ძალიან თავაზიანი არ არის, მაგრამ სჯობს, გყავდეს პარტნიორები, რომლებიც ღიად და მკაფიოდ საუბრობენ, ვიდრე ისეთი ადამიანები, რომლებიც მკვლელები არიან, თუნდაც სახეზე ღიმილი ჰქონდეთ“, – განაცხადა ზელენსკიმ.უკრაინის პრეზიდენტმა აღნიშნა, რომ აშშ და რუსეთი ერთ მხარეს თუ აღმოჩნდებიან, უკრაინას წინააღმდეგობის გაწევა გაუჭირდება.„ეს ორი ქვეყანა ერთად თუ იქნება, ჩვენ ვერ გავიმარჯვებთ და ვეღარც გავუძლებთ“, – განაცხადა ზელენსკიმ.ზელენსკიმ ასევე სინანული გამოთქვა, რომ ტრამპმა სანქციების ამოქმედება გადადო. ზელენსკის თქმით, გარდაცვლილი სენატორი, ლინდსი გრემი უკრაინისა და მშვიდობის დიდი მხარდამჭერი იყო.„მან თავისი ცხოვრება და დრო ჩადო ამ საქმეში, რადგან ნამდვილად სჯეროდა უკრაინის“, – განაცხადა უკრაინის პრეზიდენტმა.უკრაინის პრეზიდენტის თქმით, დღეს სატელეფონო საუბარს გეგმავს აშშ-ის მომლაპარაკებლებთან და მომდევნო დღეებში შეხვედრის იმედიც აქვს.„ამისთვის ძალიან ღია ვარ, მიუხედავად ყველა იმ რთული გარემოებისა, რომელშიც ახლა ვიმყოფებით“, – განაცხადა ზელენსკიმ.

მსოფლიო • 1792096093

პუტინი აცხადებს, რომ რუსეთი ქვეყნის ნავთობგადამმუშავებელ ქარხნებზე უკრაინის ბოლოდროინდელ თავდასხმებს უპასუხებს

რუსეთის პრეზიდენტი ვლადიმერ პუტინი აცხადებს, რომ რუსეთი ქვეყნის ნავთობგადამამუშავებელ ქარხნებზე უკრაინის ბოლოდროინდელ თავდასხმებს უპასუხებს. ამის შესახებ რუსეთის პრეზიდენტმა ფორმუზე „ბიზნესრუსეთი“ განაცხადა.მისივე თქმით, უკრაინის თავდასხმებს ქარხნებისთვის მნიშვნელოვანი ზიანი არ მიუყენებია. პუტინის თქმით, პირველი ნაბიჯი ამჯერადაც უკრაინამ გადადგა და როგორც კი მოსკოვი საპასუხო ნაბიჯების გადადგმას იწყებს, ისინი დახმარებას კვლავ საკუთარ სპონსორებს სთხოვენ.„როდესაც ჩვენ ვიწყებთ პასუხს, უკრაინელები დაუყოვნებლივ სთხოვენ თავიანთ სპონსორებს, გავლენა მოახდინონ და შეგვაჩერონ. ასე მოხდა ენერგეტიკულ ობიექტებზეც, რომლებზეც ისინი კვლავ აგრძელებენ შეტევას. გუშინ მათ სცადეს, დარტყმა მიეყენებინათ ზოგიერთი გადამამუშავებელი ქარხნისთვის. მათ დაარტყეს ზოგიერთ მათგანს. არაფერი განსაკუთრებული. მიუხედავად ამისა, ისინი აგრძელებენ. მათ გადადგეს პირველი ნაბიჯი, ჩვენ დავიწყეთ პასუხის გაცემა ენერგეტიკულ ობიექტებზე დარტყმით, რომლებზეც ახლა ყვირიან. ამ ნაბიჯის გადადგმამდე მათ კარგად უნდა ეფიქრათ შედეგებზე“, – განაცხადა პუტინმა.

მსოფლიო • 1792063281

ზელენსკი: დონალდ ტრამპი, ვლადიმერ პუტინი და ილონ მასკი ერთ რესტორანში სხედან და არა სწრაფი კვების ობიექტში

ისინი ერთ რესტორანში სხედან და არა სწრაფი კვების ობიექტში, – ამის შესახებ უკრაინის პრეზიდენტმა, ვოლოდიმირ ზელენსკიმ „ფაინენშელ თაიმსთან“ ინტერვიუს დროს დონალდ ტრამპზე, ვლადიმერ პუტინსა და ილონ მასკზე საუბრისას განაცხადა.ჟურნალისტმა ზელენსკის ჰკითხა: „პრეზიდენტმა ტრამპმა პრეზიდენტ პუტინს სანქციები შეუმსუბუქა დიზელის საწვავის სანაცვლოდ. როგორ აღიქვამთ ტრამპსა და პუტინს შორის ამ ურთიერთობების ხასიათს?“„ვფიქრობ, პრეზიდენტი ტრამპი ისეთი პიროვნებაა, რომელიც საუბრობს ამაზე დაუფარავად და ხმამაღლა, რომ მას მოსწონს ასეთი ადამიანები და პატივს სცემს მათ. რადგან მისთვის, ლიდერები რომლებიც 20, 30, 40 წელი შეიძლება მართავდნენ, ნიშნავს, რომ ისინი ძალიან ძლიერები არიან, რადგან შეუძლიათ ძალაუფლების შენარჩუნება. მიმაჩნია, რომ ფული, ის უმდიდრესი ადამიანია, ყველაზე მდიდარია, პუტინი მეორე უმდიდრესია, მასკი…. არა, მათ არ ვადარებ… თუ შეიძლება ითქვას, ისინი ერთ რესტორანში სხედან და არა სწრაფი კვების ობიექტში“, – ამბობს ზელენსკი.კითხვაზე, თუ რამდენად არის გარკვეული ფაქტორი ბიზნესი, ზელენსკი ამბობს, რომ აშშ-სა და რუსეთს შორის ბიზნესინტერესები არსებობს.„ვფიქრობ, მათ სურთ, ჰქონდეთ ენერგეტიკული პროექტები. თუმცა მათთვის რთულია ამის ქონა, როდესაც ევროპაში ომია. ვგულისხმობ, რომ პოლიტიკურად ეს მარტივი არ არის. რადგან ყველას გაუჩნდება კითხვა, როგორაა ეს შესაძლებელი?! როგორ შეიძლება, აწარმოო საქმე მასთან, ვინც ასეთ აგრესიას ავლენს, იმ დროს, როდესაც სხვები ცდილობენ გადარჩენას, იბრძვიან, იხოციებიან? აქ ბევრი რისკია, დიდი პოლიტიკური გამოწვევა“, – ამბობს ზელენსკი. In a defiant interview with the FT, Volodymyr Zelenskyy said Donald Trump had an instinctive affinity for autocrats and the super-wealthy. The Ukrainian president explained his views on the relationship between the US and Russian heads of state https://t.co/LydswPxdYG https://t.co/j6ByjyImYz — Financial Times (@FT) October 15, 2026

მსოფლიო • 1792053264

Reuters: აშშ-მა საზღვაო გადაზიდვების ტარიფების შესამცირებლად შესაძლოა ე.წ. ჩრდილოვანი ფლოტის გემებზე სანქციები შეამსუბუქოს

აშშ-ის პრეზიდენტის დონალდ ტრამპის ადმინისტრაცია განიხილავს ე.წ. ჩრდილოვანი ფლოტის იმ გემებზე სანქციების შემსუბუქებას, რომლებითაც რუსეთიდან, ირანიდან, ვენესუელიდან და სხვა ქვეყნებიდან ნავთობისა და ნავთობპროდუქტების ტრანსპორტირება ხდება. ინფორმაციას Reuters-ი ავრცელებს.როგორც აშშ-ის ერთ-ერთმა მაღალჩინოსანმა Reuters-ს განუცხადა, მიზანი მსოფლიოში რეკორდულად მაღალი საზღვაო სატვირთო გადაზიდვების ტარიფების შემცირებაა.განხილვები რამდენიმე დღეში დაიწყო მას შემდეგ, რაც პრეზიდენტმა ტრამპმა რუსეთის დიზელის საწვავზე სანქციები დროებით შეაჩერა. ამ გადაწყვეტილებას უკრაინის პრეზიდენტის ვოლოდიმირ ზელენსკის, ევროპული ქვეყნების და აშშ-ის სენატში ტრამპის თანამოაზრე „რესპუბლიკელების“ ნაწილის მწვავე კრიტიკა მოჰყვა.ზელენსკიმ და ამერიკელმა სენატორებმა განაცხადეს, რომ ეს გადაწყვეტილება რუსეთის პრეზიდენტ ვლადიმერ პუტინისთვის საჩუქარია, რადგან მოსკოვს უკრაინის წინააღმდეგ ომის დასაფინანსებლად დამატებითი შემოსავლის მიღების შესაძლებლობას აძლევს.აშშ-ის მაღალჩინოსნის განმარტებით, ახალი განხილვების მთავარი საკითხია, დაუშვებს თუ არა ვაშინგტონი ე.წ. ჩრდილოვანი ფლოტის სანქცირებული გემებით ისეთი ნავთობის ტრანსპორტირებას, რომელზეც ამერიკული სანქციები არ ვრცელდება. საუბარია ნედლ ნავთობსა და ნავთობპროდუქტებზე, რომლებიც აშშ-ის შეზღუდვების ქვეშ არ არის მოქცეული და არა რუსულ ან ირანულ ნავთობზე, რომელთა მიმართაც ვაშინგტონს სანქციები აქვს დაწესებული.„მიზანია, სპარსეთის ყურიდან მეტი გადამუშავებული ნავთობპროდუქტისა და ნედლი ნავთობის გატანა გახდეს შესაძლებელი“, - განაცხადა ამერიკელმა მაღალჩინოსანმა.ენერგეტიკის საკითხების კვლევითი ჯგუფის Energy Aspects-ის ცნობით, აშშ-ის ენერგეტიკის მდივანმა კრის რაიტმა ამ კვირაში, ერ-რიადში გამართულ ნავთობის მსოფლიო კონგრესზე გავრცელებულ ვიდეომიმართვაში განაცხადა, რომ ადმინისტრაცია ე.წ. ჩრდილოვანი ფლოტის გემებზე სანქციების შემსუბუქებას განიხილავს. მიზანი რეკორდულად მაღალი საზღვაო გადაზიდვების ტარიფების შემცირებაა, რაც აშშ-ის ნედლ ნავთობზე მოთხოვნას ამცირებს.

მსოფლიო • 1791967380

ჯორჯია მელონი: აშშ-სა და რუსეთს შორის დიზელთან დაკავშირებული შეთანხმება ძალიან სარისკო არჩევანია, ეს მოსკოვს ლეგიტიმაციას ანიჭებს, ხოლო ირიბად ასუსტებს სანქციების ეფექტურობას

იტალიის პრემიერ-მინისტრი ჯორჯია მელონი აცხადებს, რომ აშშ-სა და რუსეთს შორის დიზელის მიწოდებასთან დაკავშირებით მიღწეული შეთანხმება „ძალიან სარისკო არჩევანია“.მისივე თქმით, შეთანხმება ვლადიმერ პუტინის მოლაპარაკებების მაგიდასთან დაჯდომის მცდელობებს ეწინააღმდეგება.„ამ გადაწყვეტილების შედეგი გაურკვეველია, რისკები კი აშკარაა. ეს მოსკოვს ლეგიტიმაციას ანიჭებს, რადგან მისი ბომბები უკრაინის ქალაქებზე ცვივა, ომის დასაფინანსებლად ახალ შემოსავალს გამოიმუშავებს და ირიბად ასუსტებს სანქციების ეფექტურობას“, – განაცხადა მელონიმ იტალიის პარლამენტში.ამასთან, იტალიის პრემიერ-მინისტრმა განაცხადა, რომ ევროკავშირის 27 ქვეყანამ უნდა დანიშნოს „ავტორიტეტული ფიგურა“ ევროპის სახელით რუსეთ-უკრაინის ომის შესახებ მოლაპარაკებების წარმართვისთვის.ამასთან, მან არ გამორიცხა E3 ჯგუფისთვის (გერმანია, საფრანგეთი და დიდი ბრიტანეთი) ფორმალური მანდატის მიცემა.„თუ საფრანგეთი, გერმანია და დიდი ბრიტანეთი მიიჩნევენ, რომ შეუძლიათ უკეთესად გააკეთონ საქმეები დამოუკიდებლად, ვიდრე ჩვენ ყველას ერთად და ჯერჯერობით ეს არის მათ მიერ გაკეთებული არჩევანი, მაშინ ყოველ შემთხვევაში, დაე, მივცეთ საშუალება, გააკეთონ ეს ყველას სახელით და ოფიციალური მანდატით“, – განაცხადა მელონიმ.შეგახსენებთ, რომ 9 ოქტომბერს აშშ-ის პრეზიდენტმა, დონალდ ტრამპმა განაცხადა, რომ რუსეთის პრეზიდენტთან, ვლადიმერ პუტინთან წარმატებული მოლაპარაკების შემდეგ რუსეთი აშშ-სა და გლობალურ ბაზარს 1.8 მილიონ ტონა დიზელის საწვავს მიაწვდის.

პოლიტიკა • 1791780247

ამერიკელი სენატორები - აშშ-მა პუტინს ფინანსური სამაშველო რგოლი არ უნდა მიაწოდოს

შვიდი ამერიკელი სენატორი - როგორც “დემოკრატიული” ასევე “რესპუბლიკური” პარტიიდან, აშშ-ის პრეზიდენტ დონალდ ტრამპის მიერ რუსული დიზელის საწვავის იმპორტის დაშვების შესახებ მიღებულ გადაწყვეტილებას ეხმაურება და აცხადებს, რომ აშშ-მა ვლადიმერ პუტინი ფინანსური რესურსით არ უნდა უზრუნველყოს.“2022 წელს კონგრესმა მკაფიოდ აკრძალა რუსული ენერგომატარებლების იმპორტი, რათა თავიდან აეცილებინა ამერიკული დოლარით უკრაინის წინააღმდეგ პუტინის მიერ წარმოებული სასტიკი ომის დაფინანსება. კონგრესის პოზიცია ცალსახა იყო: აშშ-მა არ უნდა განახორციელოს რუსეთიდან ნავთობის იმპორტი მანამ, სანამ რუსეთი არ შეწყვეტს უკრაინის წინააღმდეგ აგრესიასა და ნატო-ს მოკავშირეების მიმართ მუქარას. პრეზიდენტ ტრამპის გადაწყვეტილება, დაუშვას აშშ-ში რუსული დიზელის საწვავის იმპორტი, პირდაპირ ეწინააღმდეგება აღნიშნულ კანონს. ადმინისტრაციამ ასევე არც კონგრესთან გაიარა კონსულტაცია და არც რაიმე განმარტება წარმოადგინა გადაწყვეტილების დასასაბუთებლად, რასაც კანონი მოითხოვს”, - აღნიშნულია სენატორების განცხადებაში.ამერიკელი სენატორები ხაზს უსვამენ, რომ შეერთებულმა შტატებმა არ უნდა გაუწიოს პუტინს ფინანსური დახმარება მაშინ, როდესაც რუსეთი უკრაინელი მშვიდობიანი მოქალაქეობის მკვლელობას აგრძელებს.„შეერთებულმა შტატებმა პუტინს ფინანსური სამაშველო რგოლი არ უნდა მიაწოდოს მაშინ, როდესაც რუსეთი უკრაინის მშვიდობიანი მოსახლეობის ხოცვას განაგრძობს. ადმინისტრაციამ დაუყოვნებლივ უნდა შეცვალოს თავისი კურსი”, - აღნიშნულია განცხადებაში.განცხადებას ხელს აწერენ ამერიკელი სენატორებმა: ჯინ შაჰინი, სიუზან კოლინზი, რიჩარდ ბლუმენტალი, ლიზა მურკოვსკი, რონ უაიდენი, თომ თილისი და ჯონ კერტისი. აშშ-ის პრეზიდენტმა დონალდ ტრამპმა 9 ოქტომბერს განაცხადა, რომ ესაუბრა რუსეთის პრეზიდენტ ვლადიმერ პუტინს და მიაღწია შეთანხმებას ამერიკული და მსოფლიო ბაზრებისთვის რუსული დიზელის საწვავის მიწოდების შესახებ.

მსოფლიო • 1791728644

ზელენსკი აცხადებს, რომ უკრაინა არჩევნებს ჩაატარებს, თუ პუტინი 60-დღიან ცეცხლის შეწყვეტას დათანხმდება

ვოლოდიმირ ზელენსკის განცხადებით, უკრაინა არჩევნებს ჩაატარებს, თუ ვლადიმერ პუტინი 60-დღიან ცეცხლის შეწყვეტას დათანხმდება. ამის შესახებ უკრაინის პრეზიდენტმა ABC News-თან ინტერვიუში განაცხადა.„გთხოვთ, უთხარით პუტინს, მოგვცეს ორი თვე, 60 დღე, შესვენება. სრული ცეცხლის შეწყვეტა, 60 დღე და ჩვენ არჩევნებს ჩავატარებთ. რა თქმა უნდა, ჩვენ მზად ვიქნებით ნებისმიერი არჩევანისთვის, რომელსაც ჩვენი ხალხი, კერძოდ, უკრაინელი ხალხი გააკეთებს“, – თქვა ზელენსკიმ.უკრაინის პრეზიდენტის განცხადებით, პრეზიდენტ ტრამპის მიმართ სრული პატივისცემის მიუხედავად, სწორედ უკრაინის საზოგადოებასა და ხალხზეა დამოკიდებული, თუ რომელ ლიდერს აირჩევს.„დიახ, ჩვენ ომში ვართ და არჩევნების ჩატარება მართლაც რთული საკითხია“, – აღნიშნა უკრაინის პრეზიდენტმა.