ვლადიმერ პუტინი

პუტინი აცხადებს, რომ რუსეთი ახალი ბალისტიკური რაკეტის ბრძოლის ველზე გამოცდას გააგრძელებს

რუსეთის პრეზიდენტი ვლადიმერ პუტინი აცხადებს, რომ რუსეთი ახალი ბალისტიკური რაკეტის, „ოერშნიკის“ ბრძოლის ველზე გამოცდას გააგრძელებს.„როგორც უკვე ითქვა, ჩვენ გავაგრძელებთ ამ გამოცდებს, მათ შორის საბრძოლო პირობებში, არსებული სიტუაციისა და რუსეთისთვის შექმნილი საფრთხეების ხასიათის გათვალისწინებით“, – განაცხადა პუტინმა რუსეთის თავდაცვის სამინისტროსა და სამხედრო-სამრეწველო კომპლექსის ხელმძღვანელობასთან შეხვედრისას.პუტინმა აღნიშნა, რომ რუსეთი რაკეტა „ორეშნიკის“ სერიულ წარმოებას დაიწყებს და ის არმიის შეიარაღებაში იქნება წარმოდგენილი. თავის მხრივ, რუსეთის სტრატეგიული დანიშნულების სარაკეტო ძალების მეთაურმა, სერგეი კარაკაევმა პუტინთან თათბირზე განაცხადა, რომ „ორეშნიკს“ შეუძლია მთელ ევროპაში სამიზნეების განადგურება, რაც მას დიდი სიშორის სხვა მაღალი სიზუსტის იარაღისგან განასხვავებს.კარაკაევმა აღნიშნა, რომ სარაკეტო კომპლექსო „ორეშნიკი“ გააფართოებს სტრატეგიული დანიშნულების სარაკეტო ძალების საბრძოლო შესაძლებლობებს, სხვადასხვა ტიპის სამიზნეების განადგურებაში დასახული ამოცანის შესაბამისად, როგორც არაბირთვული, ისე ბირთვული აღჭურვილობით.ცნობისთვის, 21 ნოემბერს პუტინმა განაცხადა, რომ რუსეთმა უკრაინის ქალაქ დნეპროპეტროვსკზე დარტყმა მიიტანა ექსპერიმენტული ბალისტიკური რაკეტით. მანამდე უკრაინის შეიარაღებულმა ძალებმა, ომის დაწყების შემდეგ პირველად, გამოიყენეს ამერიკული და ბრიტანული შორ მანძილზე მოქმედი რაკეტები რუსეთი ტერიტორიის სიღრმეში დარტყმებისთვის. უკრაინელთა სამიზნე იყო სამხედრო ობიექტები ბრიანსკის და კურსკის ოლქებში.

მსოფლიო • 1732286005

ანგელა მერკელი აცხადებს, რომ პუტინი პრეზიდენტობის დასაწყისში არ აპირებდა უკრაინაზე თავდასხმას და მისი გეგმა წლების განმავლობაში გაჩნდა, მათ შორის, დასავლეთის ქცევის გათვალისწინებით

გერმანიის ყოფილი, კანცლერი ანგელა მერკელი აცხადებს, რომ რუსეთის პრეზიდენტი ვლადიმერ პუტინი პრეზიდენტობის დასაწყისში არ აპირებდა უკრაინაზე თავდასხმას და მისი გეგმა წლების განმავლობაში გაჩნდა, მათ შორის დასავლეთის ქცევის გათვალისწინებით.ჟურნალისტის შეკითხვაზე, ჰქონდა პუტინს თავიდან აგრესიის გეგმა, თუ რუსეთის ლიდერი თანდათან გახდა რადიკალური, მერკელმა უპასუხა, რომ პუტინს ყოველთვის ჰქონდა დიქტატორული თვისებები და მისი თავდაჯერებულობა ხშირად აღიზიანებდა.„მე არ მჯერა როდესაც პუტინი ხელისუფლებაში მოვიდა 2000 წელს, ის უკვე გეგმავდა უკრაინაზე თავდასხმას, ეს არის მოვლენების ისეთი განვითარება, რომლის შესახებაც ჩვენ დასავლეთშიც უნდა ვიკითხოთ საკუთარ თავს, ვაკეთებდით თუ არა ყველაფერს სწორად“, – აცხადებს მერკელი.მერკელი აღნიშნავს, რომ არ აქვს მკაფიო პასუხი კითხვაზე, გააკეთა თუ არა დასავლეთმა ყველაფერი სწორად თუმცა მეტ ერთობას ისურვებდა.„ჩვენ არ ვიყავით ისეთი ძლიერი, როგორიც შეგვეძლო ვყოფილიყავით“, – აღიარა მერკელმა.ანგელა მერკელმა უარყო კრიტიკა იმის შესახებ, რომ თავად უშუალოდ ერეოდა უკრაინის ნატო-ში გაწევრიანების გზაზე 2008 წლის ბუქარესტის სამიტზე.„ბუქარესტში საუბარი იყო ნატო-ს სამოქმედო გეგმის მიღებაზე უკრაინისა და საქართველოს, როგორც წევრობის კანდიდატებისთვის. მე ვთვლიდი, რომ ეს იყო იმედზე დაფუძნებული პოლიტიკა, რომელიც არ ითვალისწინებდა დროს წევრობის სამოქმედო გეგმის მიღებიდან წევრობამდე, ეს კი შესაძლოა, ყოფილიყო წლები. პუტინი უმოქმედოდ არ მიიღებდა ამ შუალედურ სტატუსს, როგორც შემაკავებელ ფაქტორს“, – აცხადებს მერკელი.

პოლიტიკა • 1732273413

რუსეთის პრეზიდენტის განცხადება

„რუსეთი მიიჩნევს, რომ უფლება აქვს გამოიყენოს იარაღი იმ ქვეყნების სამხედრო ობიექტების წინააღმდეგ, რომლებიც იარაღს მის წინააღმდეგ იყენებენ“, – ამის შესახებ რუსეთის პრეზიდენტმა განაცხადა. ვლადიმერ პუტინის თქმით, რუსეთი გადამწყვეტად და სარკისებურად უპასუხებს ესკალაციას. მიმართვაში პუტინმა ასევე აღნიშნა, რომ უკრაინაში მიმდინარე კონფლიქტმა გლობალური სახე შეიძინა.

ომი უკრაინაში • 1732270820

რუსეთის მიერ უკრაინაზე ექსპერიმენტული ბალისტიკური რაკეტით თავდასხმის გამო, ნატო-უკრაინის საბჭოს საგანგებო შეხვედრა გაიმართება

უკრაინაზე რუსეთის ექსპერიმენტული ბალისტიკური რაკეტით თავდასხმის გამო, ნატო-უკრაინის საბჭოს საგანგებო შეხვედრა გაიმართება.გავრცელებული ცნობით, ბრიუსელში შეხვედრა 26 ნოემბერს, უკრაინის ინიციატივით ჩატარდება.რუსეთის პრეზიდენტის, ვლადიმერ პუტინის განცხადებით, რუსეთმა უკრაინის ქალაქ დნეპროპეტროვსკის დასაბომბად საშუალო მანძილზე მოქმედი ექსპერიმენტული ბალისტკური რაკეტა „ორეშკინი“ გამოიყენა, რომელიც უფრო ძველი რაკეტის, „რუბეჟის“ საფუძველზე შეიქმნა.„ორეშკინს“ აქვს შესაძლებლობა გადაიტანოს ბირთვული ქობინი.

მსოფლიო • 1732200120

რუსეთმა ჩრდილოეთ კორეას ზოოპარკისთვის 70-ზე მეტი ცხოველი აჩუქა

რუსეთმა ჩრდილოეთ კორეას ზოოპარკისთვის 70-ზე მეტი ცხოველი აჩუქა. კრემლის მიერ გამოქვეყნებულ განცხადებაში ნათქვამია, რომ ცხოველების გადაცემა ხაზს უსვამს ორ ქვეყანას შორის კავშირების გაძლიერებას.ვლადიმერ პუტინის მიერ ჩრდილოეთ კორეაში გაიგზავნა აფრიკული ლომი, ორი ყავისფერი დათვი, ორი შინაური იაკი და 40 იხვკაზმულა. ცხოველების ტრანსპორტირებას რუსეთის ბუნებრივი რესურსების მინისტრი ალექსანდრე კოზლოვი ხელმძღვანელობდა.ცხოველები, რუსი ვეტერინარების მეთვალყურეობით, ფხენიანის ცენტრალურ ზოოპარკში გადაიყვანეს.შეგახსენებთ, ივნისში რუსეთის პრეზიდენტი ვლადიმერ პუტინი ვიზიტით ჩრდილოეთ კორეაში იმყოფებოდა, სადაც ჩრდილოეთ კორეის ლიდერს, კიმ ჩენ ინს შეხვდა. მათ „ყოვლისმომცველი სტრატეგიული პარტნიორობის შეთანხმებას“ მოაწერეს ხელი.

ომი უკრაინაში • 1732197582

ბრიტანეთის თავდაცვის მინისტრის განცხადებით, უკრაინის ფრონტზე მძიმე ვითარებაა

დიდი ბრიტანეთის თავდაცვის მინისტრმა ჯონ ჰილიმ ქვეყნის პარლამენტში გამოსვლისას განაცხადა, რომ უკრაინაში ფრონტის ხაზზე მძიმე მდგომარეობაა.მისი თქმით, ფრონტის ხაზი ახლა ყველაზე ნაკლებად სტაბილურია, ვიდრე ოდესმე, 2022 წლის შემდეგ. როგორც ბრიტანეთის თავდაცვის მინისტრმა აღნიშნა, რუსეთის პრეზიდენტი ვლადიმერ პუტინი მკაფიო ესკალაციას ეწევა.ჰილის განმარტებით, რუსეთის მხრიდან უკრაინის სამოქალაქო ინფრასტრუქტურაზე იერიშები გახშირდა.„დღეს სამხედრო დაზვერვა გვიჩვენებს, რომ ფრონტის ხაზი ყველაზე ნაკლებად სტაბილურია, ვიდრე ოდესმე, 2022 წლის 24 თებერვლის რუსეთის სრულმასშტაბიანი შეჭრის შემდეგ. უკანასკნელ კვირებში ჩვენ პუტინისა და მისი ძალების მხრიდან ძალიან ნათელ ესკალაციას ვხედავთ“, - აღნიშნა ჰილიმ.ბრიტანეთის თავდაცვის მინისტრს დეპუტატებმა აგრეთვე ჰკითხეს, შეუძლია თუ არა მას დაადასტუროს, რომ უკრაინამ რუსეთის ტერიტორია ბრიტანული Storm Shadow ტიპის რაკეტებით დაბომბა, რაზეც მან უპასუხა, რომ ბრიტანეთი აძლიერებს და აორმაგებს უკრაინის მხარდაჭერას.

მსოფლიო • 1732110831

პენტაგონი: აშშ ვერ ხედავს იმის ნიშნებს, რომ რუსეთი უკრაინაზე ბირთვულ დარტყმას ამზადებს

ამერიკის შეერთებული შტატები ვერ ხედავს იმის ნიშნებს, რომ რუსეთი უკრაინაზე ბირთვული დარტყმის მისაყენებლად ემზადება, განაცხადა აშშ-ის თავდაცვის დეპარტამენტის სპიკერის მოადგილემ საბრინა სინგჰმა.„ჩვენ არ გვაქვს არავითარი ნიშანი იმისა, რომ რუსეთი უკრაინის ტერიტორიაზე ბირთვული იარაღის გამოყენებისთვის ემზადება. ჩვენც ვერ ვხედავთ რამე ისეთ ცვლილებებს, რომელსაც ჩვენ ჩვენს ბირთვულ სტრატეგიაში შევიტანდით“, - თქვა პენტაგონის წარმომადგენელმა.ის აგრეთვე გამოეხმაურა რუსეთის პრეზიდენტის ვლადიმერ პუტინის მიერ ბირთვულ დოქტრინაში შეტანილ ცვლილებებს, რომლის თანახმადაც რუსეთი იტოვებს უფლებას გამოიყენოს, ბირთვული იარაღი მისი ან მისი მოკავშირეების წინააღმდეგ მასობრივი განადგურების იარაღის გამოყენების საპასუხოდ. „ეს არის ისეთივე უპასუხისმგებლო რიტორიკა, რომელსაც ჩვენ ვხედავდით და ვისმენდით უკანასკნელი ორი წლის მანძილზე“, - თქვა სინგჰმა.პენტაგონის სპიკერის მოადგილის თქმით, აშშ და რუსეთის ომში არ იმყოფებიან, თუმცა მოსკოვი ესკალაციას აგრძელებს.

ომი უკრაინაში • 1732102401

REUTERS: პუტინი მზად არის, ტრამპთან უკრაინაში ცეცხლის შეწყვეტის საკითხი განიხილოს, თუმცა ტერიტორიების დაბრუნებას არ აპირებს და მოითხოვს, კიევმა ნატო-ში გაწევრიანებაზე თქვას უარი

რუსეთის პრეზიდენტი ვლადიმერ პუტინი მზად არის, აშშ-ის არჩეულ პრეზიდენტთან, დონალდ ტრამპთან უკრაინაში ცეცხლის შეწყვეტის საკითხი განიხილოს, თუმცა ტერიტორიების დაბრუნებას არ აპირებს და მოითხოვს, რომ კიევმა ნატო-ში გაწევრიანებაზე თქვას უარი, – ამის შესახებ „როიტერთან“ კრემლის მოქმედმა და ყოფილმა მაღალჩინოსნებმა ექსკლუზიურად, ანონიმურობის დაცვით ისაუბრეს.მათი თქმით, კრემლი შესაძლოა, დათანხმდეს კონფლიქტის გაყინვას ფრონტის ხაზის გასწვრივ. გამორიცხული არ არის, მოლაპარაკებები გაიმართოს უკრაინის აღმოსავლეთში მდებარე რუსეთის მიერ ოკუპირებული ოთხი რეგიონის – დონეცკის, ლუგანსკის, ზაპოროჟიესა და ხერსონის დაყოფასთან დაკავშირებით.რუსეთი ასევე შესაძლოა, დათანხმდეს, შედარებით მცირე ზომის ტერიტორიებიდან ძალების გაყვანას, რომელსაც ამჟამად ხარკოვისა და მიკოლაევის რეგიონებში იკავებს.ამასთან, როგორც „როიტერი“ წერს, ცოტა ხნის წინ ვლადიმერ პუტინმა განაცხადა, რომ ცეცხლის შეწყვეტის შესახებ ნებისმიერი შეთანხმება უნდა ასახავდეს ადგილზე არსებულ „რეალობას“.კრემლის ორი წყარო აღნიშნავს, რომ ჯო ბაიდენის ადმინისტრაციის გადაწყვეტილებამ, რომლითაც უკრაინას ნება დართეს რუსეთის ტერიტორიის სიღრმეში გამოიყენოს შორ რადიუსზე მოქმედი ამერიკული შეიარაღება, შესაძლოა, გაართულოს და გადაავადოს ნებისმიერი შეთანხმების მიღწევა, ასევე გაამკაცროს მოსკოვის მოთხოვნები.კითხვაზე, როგორი შეიძლება იყოს ცეცხლის შეწყვეტის შეთანხმება, ორი ანონიმური თანამოსაუბრე 2022 წლის აპრილში შემუშავებულ და თითქმის მიღწეულ შეთანხმებას იხსენებს, რომელიც სტამბოლის მოლაპარაკებების შედეგად შემუშავდა. აღნიშნული შეთანხმება ითვალისწინებდა, რომ უკრაინა უნდა დათანხმებულიყო მუდმივ ნეიტრალიტეტს, გაერო-ს ხუთი მუდმივი წევრისგან უსაფრთხოების საერთაშორისო გარანტიების სანაცვლოდ. მიუხედავად იმისა, რომ რუსეთი არ შეეგუება უკრაინის ნატო-ში გაწევრიანებას ან ნატო-ს ჯარებს უკრაინის ტერიტორიაზე, მოსკოვი მზად არის, განიხილოს უსაფრთხოების გარანტიები კიევისთვის. მათივე თქმით, იმ შემთხვევაში, თუ შეთანხმება ვერ შედგება, რუსეთი ბრძოლას განაგრძობს.„ამჟამად რუსეთი უკრაინის ტერიტორიის 18%-ს აკონტროლებს, მათ შორის მთლიანად ყირიმის ნახევარკუნძულს, დონეცკისა და ლუგანსკის 80%-ს, ზაპოროჟიესა და ხერსონის 70%-ს და ხარკოვისა და მიკოლაევის დაახლოებით, 3%-ს. უკრაინას კი, რუსეთის კურსკის რეგიონში 650 კვადრატულ კილომეტრი აქვს დაკავებული“,- წერს „როიტერი“.

ომი უკრაინაში • 1732102274

უკრაინაში კონფლიქტის გაყინვის ვარიანტები რუსეთს არ აწყობს - პესკოვი

უკრაინაში კონფლიქტის გაყინვის ვარიანტები რუსეთს არ აწყობს, – ამის შესახებ ბრიფინგზე რუსეთის პრეზიდენტის პრესსპიკერმა, დიმიტრი პესკოვმა განაცხადა.მან კომენტარი გააკეთა სააგენტო „როიტერის“ სტატიასთან დაკავშირებით, რომელიც უკრაინაში ცეცხლის შეწყვეტის შესაძლო სცენარებს ეხება.„ამ კონფლიქტის გაყინვის რამე ვარიანტი ჩვენ არ გვაწყობს. ჩვენთვის მნიშვნელოვანია, ჩვენი მიზნების მიღწევა, რომლებიც ყველასთვის კარგად არის ცნობილი“, – განაცხადა პესკოვმა.ამასთან, კრემლის პრესმდივანმა აღნიშნა, რომ რუსეთის პრეზიდენტი ვლადიმერ პუტინი ყოველთვის მზად არის, უკრაინის საკითხზე კონტაქტებისთვის და მოლაპარაკებებისთვის.„პრეზიდენტი მუდმივად აცხადებს, რომ მზად არის, კონტაქტებისთვის და მოლაპარაკებებისთვის“, – განაცხადა დიმიტრი პესკოვმა.

პოლიტიკა • 1732099595

უკრაინაში კონფლიქტის გაყინვის ვარიანტები რუსეთს არ აწყობს - დიმიტრი პესკოვი

ომი უკრაინაში • 1732091814

ზელენსკი: პუტინი აშშ-ზე სუსტია, ამერიკას აქვს იმის ძალაუფლება, რომ ომი დაამთავროს

უკრაინის პრეზიდენტი ვოლოდიმირ ზელენსკი მიიჩნევს, რომ რუსეთის პრეზიდენტი ვლადიმერ პუტინი აშშ-ზე სუსტია და აქვს მეტი საშუალება იმისათვის, რომ აიძულოს კრემლის ლიდერი შეწყვიტოს აგრესია უკრაინის წინააღმდეგ, - განაცხადა ზელენსკიმ Fox News-თან ინტერვიუში.„დარწმუნებული ვარ, რომ დღესდღეობით ეს (ომის შეწყვეტა - რედ.) დამოკიდებულია პუტინზე. მას შეუძლია ეს გააკეთოს. მას შეუძლია მოინდომოს და დაამთავროს ეს ომი, მაგრამ ეს ასევე უფრო მეტად დამოკიდებულია აშშ-ზე. პუტინი აშშ-ზე სუსტია. ამერიკის შეერთებული შტატების პრეზიდენტს აქვს ძალაც, ძალაუფლებაც, იარაღიც, და მას შეუძლია დაწიოს ფასი ენერგორესურსებზე“, - განაცხადა ზელენსკიმ და დასძინა, რომ უკრაინამ შეიძლება წააგოს ამ ომში, თუ ამერიკა შეამცირებს დახმარებას.ზელენსკიმ ასევე ისაუბრა უკრაინის, აშშ-სა და ევროპის ერთიანობის მნიშვნელობაზე.

ომი უკრაინაში • 1732009830

რუსეთის მიერ უკრაინის ქალაქ გლუხოვის დაბომბვას ათი ადამიანი ემსხვერპლა

რუსეთის მიერ უკრაინის ქალაქ გლუხოვის დაბომბვას ათი ადამიანი ემსხვერპლა. დაღუპულთა შორის არის ერთი ბავშვი.უკრაინული მედიის ინფორმაციით, სუმის რეგიონის ქალაქზე განხორციელებული თავდასხმის შედეგად 13 ადამიანი დაშავდა, მათ შორის სამი ბავშვი.გავრცელებული ცნობით, სასწავლო დაწესებულების საერთო საცხოვრებლის შენობის ნანგრევების ქვეშ სავარაუდოდ სამი ადამიანია მოყოლილი.რუსეთმა ქალაქ გლუხოვის წინააღმდეგ შეტევა „შაჰედის“ ტიპის ორი უპილოტო თვითმფრინავით მიიტანა.თავდასხმას გამოეხმაურა უკრაინის პრეზიდენტი ვოლოდიმირ ზელენსკი, რომელმაც განაცხადა, რომ რუსეთის პრეზიდენტის, ვლადიმერ პუტინის განზრახვა ომის გაგრძელებაა.