ექიმებმა

„უცნობი თაყვანისმცემლისგან“ გაგზავნილ მოწამლულ ტორტს 17 წლის გოგონა ემსხვერპლა... - რა თქვა ბრალდებულმა ჩვენებაში

ბრაზილიაში 17 წლის ანა ლუიზა დე ოლივეირა ნევესის ტრაგიკულმა ისტორიამ მთელი ქვეყანა შეძრა. გოგონა, რომელსაც სან-პაულუს გარეუბანში მცხოვრებმა უცნობმა პირმა ტორტი გაუგზავნა, რამდენიმე დღეში გარდაიცვალა. მოგვიანებით გამოძიებამ დაადგინა, რომ ტორტი მოწამლული იყო.როგორც CNN წერს, შემთხვევა 31 მაისს მოხდა. ანა ლუიზას სახლში ამანათი მიიტანეს, რომელიც, როგორც გოგონას უთხრეს, „უცნობი თაყვანისმცემლისგან“ იყო გამოგზავნილი.გზავნილში პატარა ტორტი იდო, რომელსაც თან ახლდა ხელნაწერი ბარათი.„საჩუქარი ყველაზე ლამაზ გოგონას, რომელიც კი ოდესმე მინახავს“,- ეწერა ბარათზე. ტექსტს თან ახლდა პატარა წითელი გული და სტიკერები. ასევე მითითებული იყო, რომ ტორტი განკუთვნილი იყო „ყველაზე ტკბილი და საუკეთესო ხასიათის მქონე გოგონასთვის“.ანა ლუიზამ მეგობარს ხმოვანი შეტყობინება გაუგზავნა და უთხრა, რომ ტორტის გამომგზავნს არ იცნობდა. მოგვიანებით, სანამ შეუძლოდ გახდებოდა, მან კიდევ ერთი, ნახევრად ხუმრობითი შეტყობინება გააგზავნა:„თუ მოწამვლით მოვკვდები, უკვე გეცოდინება“.ოჯახის ინფორმაციით, ტორტის ჭამიდან დაახლოებით ერთ საათში გოგონას ჯანმრთელობის მდგომარეობა გაუარესდა. მამამ ის საავადმყოფოში გადაიყვანა, სადაც ექიმებმა საკვებით მოწამვლის დიაგნოზი დაუსვეს. ანას მედიკამენტები გამოუწერეს და სახლში გაწერეს.თუმცა, მეორე დღეს გოგონას მდგომარეობა გაუარესდა და ოჯახმა იგი კვლავ კლინიკაში გადაიყვანა. ექიმებმა საავადმყოფოში მიყვანისას უკვე სიცოცხლის ნიშნები აღარ დააფიქსირეს და მისი გარდაცვალება გამოაცხადეს.ანა ლუიზა დე ოლივეირა ნევესი 3 ივნისს დაკრძალეს.გოგონას გარდაცვალების შემდეგ საქმით პოლიცია დაინტერესდა. გამოძიებამ მალევე გამოავლინა, რომ ანასთვის ტორტის გაგზავნამდე რამდენიმე დღით ადრე, მსგავსი გზავნილი კიდევ ერთ გოგონას ჰქონდა მიღებული. ისიც შეუძლოდ გახდა, თუმცა გადარჩა.ორი შემთხვევის დაკავშირების შემდეგ სამართალდამცველებმა ეჭვმიტანილი იპოვეს - 17 წლის გოგონა, რომელმაც თანატოლის მოწამვლა აღიარა.პოლიციის განცხადებით, დანაშაულის მოტივი ეჭვიანობა იყო. ეჭვმიტანილის თქმით, მან ორივე გოგონას ტორტი იმიტომ გაუგზავნა, რომ მისი ყოფილი შეყვარებულები სწორედ მათთან გადავიდნენ ურთიერთობაში.გამოძიების ინფორმაციით, გოგონამ საკონდიტროში პატარა ტორტი შეიძინა, შიგნით საშიში ნივთიერება მოათავსა და კურიერის საშუალებით გააგზავნა.ეჭვმიტანილი აცხადებს, რომ მისი მიზანი მკვლელობა არ ყოფილა და მხოლოდ გოგონების „დასჯა“ და ცუდად გახდომა სურდა. მისი თქმით, ანასთვის მხოლოდ ისეთი სიმპტომების გამოწვევას გეგმავდა, როგორიცაა ღებინება და სისუსტე. როდესაც მისი გარდაცვალების შესახებ შეიტყო, შოკში ჩავარდა.თავის ჩვენებაში 17 წლის გოგონამ აღნიშნა, რომ ფსიქიკური ჯანმრთელობის პრობლემები აქვს და ჩადენილს ნანობს.

საზოგადოება • 1783373120

„4 დღე კომაში იყო“ – ანა მიქაძე ყვება, როგორ მოიწამლა მისი შვილი ყველით და რას ურჩევს მომხმარებლებს

გადაცემაში - „თქვენი დრო პალიტრაზე“ სტუმრად იმყოფებოდა ყველის ექსპერტი ანა მიქაძე-ჩიკვაიძე. რომელმაც ყველის შენახვის პირობებზე, რისკებსა და უსაფრთხოებაზე ისაუბრა.ანა მიქაძე მომხმარებლებს მოუწოდებს, ყველის შერჩევისას განსაკუთრებული სიფრთხილე გამოიჩინონ.მისი თქმით, წლების წინ მისმა შვილმა ყველის მიღების შემდეგ მძიმე სტაფილოკოკური მოწამვლა გადაიტანა.როგორც მიქაძე იხსენებს, შემთხვევა იმდენად მძიმე იყო, რომ ბავშვი ოთხი დღის განმავლობაში კომაში იმყოფებოდა და ექიმებმა მისი გადარჩენა დიდი ძალისხმევის ფასად შეძლეს.„ჩემი ვაჟი, რომელიც ისედაც რთულია თავისი ჯანმრთელობის მდგომარეობით, დაემართა სტაფილოკოკური მოწამვლა ყველისგან. 4 დღე იყო კომაში, ძლივს გამოვგლიჯეთ სიკვდილს. მას შემდეგ საერთოდ ნაჩუქარი ყველისკენ აღარ ვიხედები. თუ ზუსტად არ ვიცი, როგორ მოწველა, რა პირობებში დამზადდა, იყო თუ არა პასტერიზებული, როგორ შეფუთეს და როგორ ინახებოდა, ასეთ ყველს აღარ ვეკარები“, – ამბობს ანა მიქაძე.მისივე განმარტებით, რძის პროდუქტებიდან განსაკუთრებული ყურადღება სწორედ ყველს სჭირდება, რადგან მისი წარმოებისა და შენახვის პროცესში სანიტარული ნორმების დარღვევამ შესაძლოა ჯანმრთელობისთვის სერიოზული საფრთხე შექმნას.ანა მიქაძე ამბობს, რომ მისი მიზანი შიშის დათესვა არ არის. იგი მოქალაქეებს მხოლოდ სიფრთხილისკენ მოუწოდებს და ურჩევს, რძის პროდუქტები სანდო, ჰიგიენური სტანდარტების დაცვით მომუშავე მწარმოებლებისგან შეიძინონ.

საზოგადოება • 1783281512

„წავიდა 5 წლის წინ დაღუპულ მამიკოსთან...“ - 82-დღიანი კომის შემდეგ 8 წლის მოზარდი გარდაიცვალა

სოციალურ ქსელში ავთო თავართქილაძე უმძიმეს წერილს აქვეყნებს, რომელშიც მისი 8 წლის შვილიშვილის ათუკას გარდაცვალების ისტორიას იხსენებს. მისი თქმით, ბავშვი სკოლაში შეუძლოდ გახდა, რის შემდეგაც საავადმყოფოში გადაიყვანეს, სადაც ექიმებმა თავის ტვინში სისხლჩაქცევა დაუდგინეს.თავართქილაძის თქმით, ათუკას გადაუდებელი ოპერაცია ჩაუტარდა, თუმცა, ექიმების ძალისხმევის მიუხედავად, 82-დღიანი მკურნალობის შემდეგ ბავშვი გარდაიცვალა.„ტელეფონმა დარეკა, მეუღლე იყო. ავთუკა სკოლაში ცუდად გახდა და სასწრაფოდ საავადმყოფოში გადავიყვანეთო. რომ მოხვალ, მაშინ გეტყვიო. საავადმყოფოში რომ მივედი, „კატეს“ ოთახში ჰყავდათ. მითხრეს, მუსიკის მასწავლებელი ღონისძიებისთვის ამღერებდა. ჩვენც იქ ვიყავით. ქეთი ვიდეოს უღებდა, სიმღერის დასრულებისთანავე ბავშვი გარბის დედასთან და ეუბნება, დედა, ჰაერს ვერ ვსუნთქაო და თავში ხელები მოიჭირაო. ქეთიმ სასწრაფოდ ხელში აყვანილი მიიყვანა მანქანასთან. მე კალთაში ჩავისვი. 5 წუთში აქ ვიყავითო. გათიშვის წინ დედა დაიძახაო. ამასობაში „კატეს“ ოთახიდან გამოიყვანეს. ექიმს ვკითხე, მე ბავშვის ბაბუა ვარ, მითხარით, რა სჭირს ბავშვს მეთქი. „კატემ“ აჩვენა, რომ თავში 70 მლ სისხლჩაქცევა აქვსო. სასწრაფოდ გადასაყვანი და საოპერაციო არისო. წარმოუდგენელი რამ მითხრა. 8 წლის ბავშვის თავში სისხლის ჩაქცევა გაგონილიც არ მქონდა. გავშტერდი. გავშეშდი. ჭკუა და გონება ამერია. ვერაფერს ვფიქრობდი. ის ვთქვი, თბილისში წამაყვანინეთ, ხარჯებს მე დავფარავ მეთქი. მითხრეს, უკვე კატასტროფის ცენტრმა ყველაფერი იცის და ისინი იღებენ მისი გადაყვანის გადაწყვეტილებასო.სანამ რეანიმობილი მოვიდოდა, სანამ გადაიყვანეს ბათუმის რესპუბლიკურ საავადმყოფოში, სანამ ოპერაციის გაკეთებაზე 0%-იანი გარანტიით ხელს მოვაწერდით, სავარაუდოდ, 6 საათამდე დროც გავიდა. ოპერაციის დაწყებამდე ქირურგმა გვითხრა, იმდენად მძიმე შემთხვევაა, რომ ცენტრიდან მითხრეს, უფლება გაქვს უარი თქვა ოპერაციის გაკეთებაზეო. მეც მყავს შვილები, კარგად მესმის თქვენი, თუ ოპერაცია არ გაკეთდება, ერთ ან საათ-ნახევარში გული გაუჩერდებაო. ძალიან ჩქარობდა. ოპერაციის დასრულების შემდეგ გვითხრეს, მდგომარეობის სიმძიმეზე და არანაირ იმედზე. მიუხედავად ექიმების უიმედო პასუხების, ჩვენ იმედს მაინც არ ვკარგავდით. თითქოს ყველაფერი კარგად მიდიოდა. ჟანგბადის მიწოდება, ტემპერატურა, გულისცემა, სატურაცია, მოგვიანებით საკვებსაც იღებდა, მაგრამ 82 დღის შემდეგ უცებ სატურაცია დაეცა და გულიც გაჩერდა. ასე დასრულდა ჩემი ოჯახის დიდი სიხარულის, მომავლის იმედის, ძალიან სხარტის, უჭკვიანესი და უსაყვარლესი ათუკას სიცოცხლე.ის წავიდა 5 წლის წინ დაღუპულ მამიკოსთან. ეს ამბავი ქვემეხივით გავარდა. ვინ არ მოდიოდა, ყველა წუხდა, ყველას ეცოდებოდა და ენანებოდა ჩემი ანგელოზი ბაბუკი. ყველას უნდოდა გვერდით დგომა და დახმარება, რისთვისაც ძალიან დიდი მადლობა ყველას. მადლობა იმ ბიჭებს, ვინც სისხლი გაიღო და სისხლის ბანკს ჩააბარა. მადლობა იმათ, ვინც მეხმარებოდა გადასასხმელი სითხის, ჰემოსოლის ძიებაში, რომელიც საქართველოს აფთიაქებში არ არის და სომხეთიდან გვიწევდა რამდენიმე ცალობით შემოტანა. მადლობა ტრაილერის მძღოლებს, რომლებიც სომხეთში, აფთიაქებში ეძებდნენ ამ სითხეს და მაწვდიდნენ. მადლობა ექიმებს, ქირურგ რეზოს და მკურნალ ექიმ ანას, რომლებიც იბრძოდნენ ჩემს ბაბუკას გადასარჩენად. მადლობა ექთნებს, ზრუნვისა და მოვლა პატრონობისათვის. მადლობა ყველას და ყველას წუხილისათვის, თანაგრძნობისათვის, ჩემი ანგელოზი ბაბუკას უკანასკნელ გზაზე გაცილებისათვის...“ - წერს ავთო თავართქილაძე.

საზოგადოება • 1783109635

„ეს კარგი ამბავია, თან ძალიან…“ - გაბრიელის დედა სასიხარულო ინფორმაციას გვიზიარებს

პატარა გაბრიელ ჩადუნელი, რომელიც მკურნალობის კურსს გერმანიაში გადის, საზოგადოების განსაკუთრებული მხარდაჭერით სარგებლობს. ბავშვის ჯანმრთელობის მდგომარეობის შესახებ სიახლეებს მისი დედა, თაკო ბარბაქაძე, სოციალურ ქსელში პერიოდულად უზიარებს საზოგადოებას.ამჯერად თაკო ბარბაქაძემ გამოაქვეყნა ინფორმაცია, რომლის მიხედვითაც, გერმანელი ექიმების მიერ ჩატარებულმა გამოკვლევებმა მნიშვნელოვანი შედეგები აჩვენა.მისი თქმით, ექიმებმა დაადგინეს, რომ გაბრიელს ნაწლავის სიგრძე 100 სანტიმეტრზე მეტია და ჩატარებული კვლევებით ნაწლავში არანაირი შეფერხება არ გამოვლენილა.„გაბრიელის ნაწლავი 100 სმ არის, ან უფრო მეტიც... ნაწლავში არანაირი შეფერხება არ არის. რაც შეუშვეს, მთლიანად გაიარა. ეს ძალიან კარგი ამბავია“, – წერს თაკო ბარბაქაძე.დედის თქმით, უახლოეს დღეებში გაბრიელი ეტაპობრივად დაიწყებს ფაფების მიღებას, ხოლო თუ მკურნალობა არსებული გეგმის მიხედვით გაგრძელდება, დაახლოებით 2-3 თვეში შესაძლოა სრულად მოიხსნას გადასხმაზე დამოკიდებულებაც.

მსოფლიო • 1783059420

„ექიმებმა ქალის ტვინში 38 პარაზიტი აღმოაჩინეს“ - დაუჯერებელი ისტორია, რომელსაც პაციენტი თავად ჰყვება (უცხოეთი)

42 წლის ბრიტანელი ლორი დენმანი იმ მძიმე გამოცდილებაზე საუბრობს, რომელმაც მისი ცხოვრება სრულად შეცვალა. როგორც ის იხსენებს, ყველაფერი ჩვეულებრივი თავის ტკივილით დაიწყო, თუმცა საბოლოოდ ექიმებმა მის ტვინში 38 პარაზიტი აღმოაჩინეს.ლორი 2007 წელს სამი თვით ინდოეთში მოგზაურობდა. პირველი საგანგაშო სიმპტომი რამდენიმე წლის შემდეგ, 2010 წელს გამოჩნდა. ერთი წლის შემდეგ კი ძლიერი თავის ტკივილები და ეპილეფსიური შეტევები დაეწყო.ჰოსპიტალიზაციის შემდეგ ჩატარებულმა გამოკვლევებმა აჩვენა, რომ ქალს ნეიროცისტიცერკოზი ჰქონდა - დაავადება, რომელიც ტვინში პარაზიტის ლარვების მოხვედრით ვითარდება.„ექიმმა მითხრა, რომ ჩემს ტვინში 38 პარაზიტი აღმოაჩინეს. მე და დედაჩემი შოკში ვიყავით, ვერ ვიჯერებდით, რაც მოვისმინეთ“,- იხსენებს ლორი.ექიმების ვარაუდით, ინფიცირება ინდოეთში მოგზაურობის დროს მოხდა. მიუხედავად იმისა, რომ ლორი ღორის ხორცს არ მიირთმევდა, სავარაუდოდ, პარაზიტის კვერცხები დაბინძურებული საკვებით ან წყლით მოხვდა მის ორგანიზმში.ჯანდაცვის მსოფლიო ორგანიზაციის (WHO) განმარტებით, ასეთი ინფექცია ადამიანს შეიძლება გადაედოს დაბინძურებული საკვების, წყლის ან არასათანადო ჰიგიენის პირობებში.დაავადებამ ქალის ფსიქიკურ ჯანმრთელობაზეც მძიმე გავლენა მოახდინა - ტვინის ანთებამ პარანოია, პანიკური შეტევები და ფსიქოზი გამოიწვია. ახლობლების თქმით, ერთ პერიოდში მისი ქცევა იმდენად შეიცვალა, რომ ოჯახის წევრები ვეღარ ცნობდნენ.დღეს ლორის მდგომარეობა სტაბილურია. ეპილეფსიური შეტევა მას 2017 წლის შემდეგ აღარ ჰქონია, თუმცა სიცოცხლის ბოლომდე უწევს შესაბამისი მედიკამენტების მიღება. ექიმების განმარტებით, ტვინში არსებული პარაზიტები დროთა განმავლობაში იღუპებიან და კალციფიცირდებიან, ამიტომ მათი ქირურგიული ამოღება საჭირო არ არის.ლორი ახლა საკუთარ ისტორიას საჯაროდ ჰყვება, რათა ადამიანებს ამ იშვიათი, მაგრამ სერიოზული დაავადების შესახებ მეტი ინფორმაცია მიაწოდოს.

ტექნოლოგიები • 1782830879

ექიმებმა სიამის ტყუპი დები წარმატებით განაცალკევეს - უნიკალური ოპერაცია საუდის არაბეთში

საუდის არაბეთში ექიმებმა ურთულესი ოპერაციის შედეგად 2 წლის სიამის ტყუპი დები ოლივია და ჯანა წარმატებით განაცალკევეს.ფილიპინებიდან ჩამოსულ პატარებს ქირურგიული ჩარევა მეფე აბდულას სახელობის ბავშვთა სპეციალიზებულ საავადმყოფოში ჩაუტარდათ.ექვსსაათიანი ოპერაცია ექვს ეტაპად შესრულდა და მასში 22-კაციანი მრავალპროფილური სამედიცინო გუნდი მონაწილეობდა.ტყუპები გულმკერდისა და მუცლის არეში ერთმანეთთან შეზრდილები დაიბადნენ. მათ იშვიათი მდგომარეობა - თორაკო-ომფალოპაგუსი - აღენიშნებოდათ, რის გამოც გულის გარსსა და ღვიძლის ნაწილს იზიარებდნენ.ოპერაციის ხელმძღვანელის, ექიმ ალი ალ-შაჰრის განცხადებით, ქირურგიულმა ჩარევამ გართულებების გარეშე ჩაიარა.„ამჟამად ბავშვები ინტენსიური თერაპიის განყოფილებაში იმყოფებიან. ვაკონტროლებთ სასიცოცხლო მაჩვენებლებს, სითხის ბალანსს და საჭიროების შემთხვევაში ვუზრუნველყოფთ სუნთქვის მხარდაჭერას. ასეთ შემთხვევებში პაციენტები, როგორც წესი, ინტენსიურ თერაპიას 3-5 დღეში ტოვებენ,“- განაცხადა ექიმმა.მისივე თქმით, ოპერაციამდე ტყუპებმა ხანგრძლივი მოსამზადებელი ეტაპი გაიარეს, ხოლო მათი ამჟამინდელი მდგომარეობა სტაბილურია.ქირურგიული ჩარევა საუდის არაბეთის სიამის ტყუპების სახელმწიფო პროგრამის ფარგლებში განხორციელდა. ფილიპინური მედიის ინფორმაციით, ოპერაციისა და შემდგომი რეაბილიტაციის სრული ხარჯები საუდის არაბეთის მთავრობამ დაფარა.„ბოლოს და ბოლოს დადგა დღე, რომელსაც ამდენ ხანს ველოდით. ახლა ისინი დამოუკიდებელ ადამიანებად, ნორმალური ცხოვრებით იცხოვრებენ,“- განაცხადა ტყუპების დედამ, ჯინალინ მანუელმა.საუდის არაბეთის სიამის ტყუპების პროგრამის ფარგლებში დღემდე 70-ზე მეტი მსგავსი ოპერაციაა ჩატარებული. ოლივია და ჯანა მეოთხე წყვილია, რომლის წარმატებით განცალკევებაც სწორედ ამ სამედიცინო გუნდმა შეძლო.სპეციალისტების შეფასებით, მსგავსი ოპერაციები მედიცინის ერთ-ერთ ყველაზე რთულ ქირურგიულ ჩარევად ითვლება და მათი წარმატება მაღალკვალიფიციური გუნდის, თანამედროვე ტექნოლოგიებისა და ხანგრძლივი წინასწარი დაგეგმვის შედეგია.

ტაბლოიდი • 1782547052

„ექიმებმა დიდი ძალისხმევით გამომიყვანეს მდგომარეობიდან...“ - ლიკა გაგნიძე თურქეთის კლინიკიდან

ვიზაჟისტი და „ტიკტოკერი“ ლიკა გაგნიძე, რომელსაც სიმსივნის დიაგნოზი ხელმეორედ დაუსვეს, სოციალურ ქსელში აქტიურად გვიზიარებს სიახლეებს, თუ როგორ მიმდინარეობს მკურნალობის პროცესი.იგი თურქეთში ქიმიის პროცედურაზე იყო წასული. როგორც ლიკა წერს, ქიმიას მეორედ იკეთებდა, თუმცა ორგანიზმმა წამალი არ მიიღო და ცუდად გახდა.„მე კი მინდა ძლიერი ვიყო, მაგრამ ჩემმა ორგანიზმმა მიმტყუნა, ძლიერი ალერგია დამეწყო და ექიმებმა დიდი ძალისხმევით გამომიყვანეს მდგომარეობიდან, მადლობა უფალს და მათ რომ ცუდად არ დასრულდა. როგორც წინაზე ახლაც ნახევარი ქიმია ვერ გადამისხეს შოკური მდგომარეობის გამო, არადა ალერგიის ასაცილებლად ყველანაირად მომამზადეს წინასწარ,ვფიქრობ ემოციური მდგომარეობის გამო ხდება ეს ყველაფერი. დარჩენილ ორ ქიმიაზე სხვა პრეპარატს გადამისხამენ და იმედია ის ორი კარგად ჩაივლის“,- წერს ლიკა გაგნიძე. @likiita მე კი მინდა ძლიერი ვიყო,მაგრამ ჩემმა ორგანიზმმა მიმტყუნა,ძლიერი ალერგია დამეწყო და ექიმებმა დიდი ძალისხმევით გამომიყვანეს მდგომარეობიდან,მადლობა უფალს და მათ რომ ცუდად არ დასრულდა❤️🥺 როგორც წინაზე ახლაც ნახევარი ქიმია ვერ გადამისხეს შოკური მდგომატეობის გამო,არადა ალერგიის ასაცილებლად ყველანაირად მომამზადეს წინასწარ,ვფიქრობ ემოციური მგომარეობის გამო ხდება ეს ყველაფერი.დარჩენილ ორ ქიმიაზე სხვა პრეპარატს გადამისხამენ და იმედია ის ორი კარგად ჩაივლის ♬ original sound - Tata.Natroshvili

მსოფლიო • 1782374162

12 წლამდე ასაკის ბავშვს ევთანაზია ჩაუტარდა - ნიდერლანდებში, კანონის ცვლილების შემდეგ, ეს პირველი შემთხვევა

ნიდერლანდებში პირველად დაფიქსირდა შემთხვევა, როდესაც 12 წლამდე ასაკის ბავშვს ევთანაზია ჩაუტარდა.ქვეყანაში კანონმდებლობა ორი წლის წინ შეიცვალა და განუკურნებელი დაავადების მქონე 1-დან 12 წლამდე ასაკის ბავშვებისთვის მედიკამენტური დახმარებით სიცოცხლის დასრულება დასაშვები გახდა.ქვეყნის ჯანდაცვის მინისტრმა, სოფი ჰერმანსმა დაადასტურა, რომ ევთანაზია ჩაუტარდა მძიმედ დაავადებულ ბავშვს, თუმცა მისი ვინაობა და ჯანმრთელობის მდგომარეობის შესახებ დამატებითი დეტალები არ გასაჯაროებულა.ნიდერლანდური კანონმდებლობის თანახმად, ევთანაზიის ჩატარებისთვის აუცილებელია, რომ ბავშვი განიცდიდეს აუტანელ ტანჯვას, არ არსებობდეს გამოჯანმრთელების რეალური შანსი და გადაწყვეტილების პროცესში მშობლები იყვნენ ჩართულნი. ასევე, თითოეული მსგავსი შემთხვევა დამატებით მოწმდება შესაბამისი ორგანოების მიერ.მედიის ინფორმაციით, აღნიშნული საქმე უკვე გადაეცა პროკურატურას, რომელმაც უნდა დაადგინოს, დაიცვეს თუ არა ექიმებმა პროცედურასთან დაკავშირებული ყველა სამართლებრივი და სამედიცინო მოთხოვნა.ცნობისთვის, ნიდერლანდებში, კანონის ცვლილებამ, როგორც ქვეყნის შიგნით, ისე საერთაშორისო დონეზე ფართო დისკუსია გამოიწვია. მიუხედავად ამისა, ევთანაზიას ნიდერლანდურ საზოგადოებაში მნიშვნელოვანი მხარდაჭერა აქვს.ადგილობრივი მედიის ცნობით, ეს არის პირველი ოფიციალურად დადასტურებული შემთხვევა, როდესაც ახალი რეგულაციების საფუძველზე 12 წლამდე ასაკის ბავშვს ევთანაზია ჩაუტარდა.

საზოგადოება • 1782335029

ჩემი დედიკოს ჯანმრთელობის მდგომარეობის გამო წამოვედით - „დანტესი“ სტამბოლიდან ვიდეო მიმართვას აქვეყნებს

ცნობილი ქუთაისელი ფოტოგრაფი „დანტესი“ სტამბოლიდან ვიდეო მიმართვას აქვეყნებს, სადაც დედის ჯანმრთელობის მდგომარეობის შესახებ საუბრობს.„მე და ჩემი მშობლები ჩამოვედით თურქეთში. ამჯერად, ტურისტულად არ ვართ ჩამოსულები. ჩემი დედიკოს ჯანმრთელობის მდგომარეობის გამო...საქართველოში რამდენიმე დღის წინ ჩავიტარეთ კვლევა და გვითხრეს, რომ რაღაც კვანძები აქვს. გვითხრეს, რომ სასურველია ბიოფსიის გაკეთება. ზუსტად არ ვიცით, რასთან გვაქვს საქმე, მაგრამ ექიმებმა თქვეს, რომ საშიში არაფერია... ცოტა შეშინებულები ვართ და იმედია, ყველაფერი კარგად იქნება“, - ამბობს დავით ოქროპილაშვილი.

სპორტი • 1782333419

როგორია ილია თოფურიას ჯანმრთელობის მდგომარეობა - უახლესი ინფორმაცია

„თოფურია ახლა კარგადაა - მე მას ყოველდღე ვხედავ და შემიძლია გითხრათ, რომ უკვე სრულიად სხვა ადამიანს ჰგავს. დისკომფორტს კვლავ განიცდის, მაგრამ ისე გამოიყურება, თითქოს ბრძოლა საერთოდ არ ჩაუტარებია“, - ამის შესახებ UFC-ის ქართველი მებრძოლის, ილია თოფურიას ფიზიკური მომზადების მწვრთნელმა, ხესუს გალიომ განაცხადა.„სახეზე დასიებული ადგილები ჩაუცხრა და აღარც დალურჯებები აქვს. ექიმებმა გვითხრეს, რომ ძვალი 6-დან 8 კვირამდე აღდგება, რის შემდეგაც გარკვეული დრო იქნება საჭირო, რომ ის დაბრუნდეს. საუბარია დაახლოებით 2-3 თვეზე. პროცესი იმაზე კარგად მიდის, ვიდრე ხალხს ჰგონია. ის მენტალურად კარგად არის, ყველაფერს აცნობიერებს რაც მოხდა და ისიც იცის, თუ რისი გაკეთება მომავლისთვის საჭირო, რომ უკეთესი გახდეს. ის ჩემპიონის მენტალიტეტით დაბრუნდება“, - ამბობს ხესუს გალიო.

შემთხვევა • 1782315620

თელავში, მართვის მოწმობის გამოცდისას, კაცი ცუდად გახდა და გარდაიცვალა

თელავში, მართვის პრაქტიკული გამოცდის ჩაბარების დროს, 43 წლის მამაკაცი გარდაიცვალა. თვითმხილველების ინფორმაციით, მამაკაცს საგამოცდო პროცესის დროს გული გაუჩერდა.მამაკაცი სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა, თუმცა მას გული უკვე გაჩერებული ჰქონდა.თელავის რეფერალური საავადმყოფოს დირექტორის, ხათუნა ჭონიაშვილის განმარტებით, ექიმებმა მამაკაცს გული ვეღარ აუმუშავეს.„43 წლის მამაკაცი უკვე გარდაცვლილი შემოვიდა ჩვენთან. გაჩერებული ჰქონდა გული, ყველაფერი სცადეს ექიმებმა, თუმცა სამწუხაროდ, გულის ამუშავება ვერ მოხერხდა. ცნობილია, რომ ჰქონდა დიაბეტი. სტრესის ფონზე, სავარაუდოდ, მიიღო ინფარქტი და ადგილზე გარდაიცვალა“, - განაცხადა ჭონიაშვილმა.შემთხვევის ადგილზე მობილიზებულია პოლიცია, მიმდინარეობს საგამოძიებო მოქმედებები.

მსოფლიო • 1782153460

ჩვილები მხოლოდ მისი მორიგეობის დროს იღუპებოდნენ - რა აღმოაჩინა გამოძიებამ (უცხოეთი)

ბრიტანეთის ისტორიაში ერთ-ერთი ყველაზე გახმაურებული კრიმინალური საქმე ახალგაზრდა მედდის, ლუსი ლეტბის სახელთან არის დაკავშირებული.ყველაფერი 2015 წელს დაიწყო, როდესაც ინგლისის ქალაქ ჩესტერის საავადმყოფოს ახალშობილთა განყოფილებაში ექიმებმა ჩვილების სიკვდილიანობისა და მოულოდნელი ჯანმრთელობის გაუარესების უცნაური სერია შენიშნეს. თავდაპირველად შემთხვევები ტრაგიკულ დამთხვევად მიიჩნიეს, თუმცა დროთა განმავლობაში მედიკოსებმა ერთ საეჭვო გარემოებას მიაქციეს ყურადღება - თითქმის ყველა შემთხვევა მაშინ ხდებოდა, როდესაც მორიგეობაში ერთი და იგივე მედდა იმყოფებოდა.გამოძიების მიხედვით, რამდენიმე ჩვილი სრულიად მოულოდნელად ხდებოდა კრიტიკულად ცუდად, მიუხედავად იმისა, რომ მანამდე მათი მდგომარეობა სტაბილური იყო. ექიმების ნაწილმა ეჭვი გამოთქვა, რომ საქმე ბუნებრივ მიზეზებს არ უკავშირდებოდა.საავადმყოფოს შიდა შემოწმების შემდეგ საქმეში პოლიცია ჩაერთო. მრავალწლიანი გამოძიების ფარგლებში სამართალდამცველებმა ათასობით სამედიცინო დოკუმენტი, ექსპერტიზის დასკვნა და პერსონალის ჩვენება შეისწავლეს.გამოძიების ვერსიით, ლუსი ლეტბი ჩვილებს განზრახ აზიანებდა სხვადასხვა მეთოდით. სასამართლოზე განხილული მტკიცებულებების მიხედვით, ზოგიერთ შემთხვევაში ახალშობილების ორგანიზმში ჰაერის შეყვანაზე, ზოგიერთ შემთხვევაში კი ინსულინის გამოყენებაზე იყო საუბარი.საქმემ დიდი რეზონანსი გამოიწვია არა მხოლოდ ბრიტანეთში, არამედ მთელ მსოფლიოში. სასამართლო პროცესის განმავლობაში ნათელი გახდა, რომ რიგ შემთხვევებში ექიმები წლების განმავლობაში ცდილობდნენ ხელმძღვანელობის ყურადღების მიქცევას, თუმცა მათი შეშფოთება სათანადოდ არ განიხილებოდა.2023 წელს სასამართლომ ლუსი ლეტბი დამნაშავედ ცნო შვიდი ახალშობილის მკვლელობასა და კიდევ რამდენიმე ჩვილის მკვლელობის მცდელობაში. მოსამართლემ მას სამუდამო პატიმრობა მიუსაჯა, გათავისუფლების შესაძლებლობის გარეშე.