სამართალი • 1783757910

პოლიციამ დააჯარიმა ესტონეთის მოქალაქე მამაკაცი, რომელიც თბილისში ერთ-ერთი ტაძრის გალავანთან შარდავდა

პოლიციამ დააჯარიმა ესტონეთის მოქალაქე მამაკაცი, რომელიც თბილისში ერთ-ერთი ტაძრის გალავანთან შარდავდა.სამართალდამცველებმა  გამოავლინეს და დააჯარიმეს პირი, რომელიც სოციალურ ქსელში გავრცელებული ვიდეოს თანახმად, თბილისში, კოტე აფხაზის ქუჩაზე მდებარე ერთ-ერთი ეკლესიის გალავანთან შარდავდა.როგორც ირკვევა აღნიშნული მამაკაცი ესტონეთის მოქალაქეა.შინაგან საქმეთა სამინისტროში ადასტურებენ, რომ მოხდა ვიდეოში ასახული პირის იდენტიფიცირება და მისი დაჯარიმება.

პოლიტიკა • 1783597438

ბაჩანა სურმავა: სტრასბურგის გადაწყვეტილებით, სლოვენიაში, ინტერნეტში შეურაცხყოფისა და ცილისწამებისთვის 6 თვიანი პატიმრობის შეფარდებით, გამოხატვის თავისუფლება არ დარღვეულა

საქართველოს პარლამენტის თავმჯდომარის თანაშემწე ბაჩანა სურმავა სოციალურ ქსელში ადამიანის უფლებათა ევროპული სასამართლოს განმარტებას აქვეყნებს ინტერნეტის გამოყენებით ცილისწამებისა და შეურაცხყოფისთვის სისხლისსამართლებრივი სასჯელის სახით თავისუფლების აღკვეთის შეფარდების კონვენციასთან შესაბამისობის შესახებ.სურმავა იხსენებს საქმეს, რომელზეც სტრასბურგის სასამართლომ აღნიშნა, რომ კონკრეტულ შემთხვევაში გამოხატვის თავისუფლების შეზღუდვა "დემოკრატიულ საზოგადოებაში აუცილებელი" იყო."ადამიანის უფლებათა ევროპული სასამართლოს 2026 წლის 7 ივლისის გადაწყვეტილება საქმეზე "KUNSTELJ v. SLOVENIA".საქმის ფაქტობრივი გარემოებები2010 წლიდან მოსარჩელემ თავის პირად ბლოგზე ორი ჟურნალისტის, V.V.-ს და Š.P.-ს მიმართ, შეურაცხმყოფელი და ცილისმწამებლური პოსტების გამოქვეყნება დაიწყო. მოსარჩელე მათ მიმართ უკიდურესად ვულგარულ, დამამცირებელ და პირად/ინტიმურ ცხოვრებასთან დაკავშირებულ გამონათქვამებს იყენებდა (აღნიშნული სიტყვების შესახებ იხილეთ გადაწყვეტილების მე-5 და მე-6 პარაგრაფები).V.V.-მ და Š.P.-მ მოსარჩელის წინააღმდეგ ეროვნულ სასამართლოებში სამოქალაქო სამართალწარმოების წესით დავა დაიწყეს. სასამართლომ მოსარჩელეს დროებითი ღონისძიების სახით შესაბამისი გამონათქვამების გავრცელებაც აუკრძალა, თუმცა მან იგივე შინაარსის პოსტების გამოქვეყნება მაინც გააგრძელა. ამის გამო მოსარჩელეს დროებითი ღონისძიების შეუსრულებლობის გამო ორჯერ 10,000 ევროს ოდენობის ჯარიმის გადახდაც კი დაეკისრა.2012 წლის 8 მარტს სლოვენიის საგამოძიებო ორგანოებმა V.V.-სა და Š.P.-ს შეურაცხყოფის, ასევე მათ მიმართ ცილისმწამებლური განცხადებების გავრცელების გამო მოსარჩელის მიმართ სისხლისსამართლებრივი დევნა დაიწყეს. საქმე 2010 წლის ივნისიდან 2012 წლის თებერვლამდე პერიოდში მოსარჩელის მიერ V.V.-სა და Š.P.-ს შესახებ WordPress-ზე გამოქვეყნებულ პოსტებს ეხებოდა.სისხლის სამართლის საქმის სასამართლო სხდომაზე განხილვისას დაზარალებულებმა მათზე მიყენებულ მძიმე ფსიქოლოგიურ ზიანზე მიუთითეს: V.V.-მ განაცხადა, რომ ძლიერ სტრესს განიცდიდა, ხოლო Š.P.-მ თქვა, რომ პოსტების კითხვისას ერთხელ გონებაც კი დაკარგა, ჰქონდა შფოთვითი შეტევა, უძილობა და სედატიური საშუალებების მიღება სჭირდებოდა. მოსარჩელემ, თავის მხრივ, განაცხადა, რომ მისი ბლოგი „პირადი დღიური“ იყო და წერას არ შეწყვეტდა; მან ასევე თქვა, რომ დაკისრებულ ჯარიმებს არ გადაიხდიდა.2013 წლის 13 მაისს ლიუბლიანის საოლქო სასამართლომ მოსარჩელე დამნაშავედ ცნო შეურაცხყოფის ორი და ცილისწამების ერთი ეპიზოდისთვის და სასჯელის სახით 6 თვით თავისუფლების აღკვეთა მიუსაჯა. სასამართლომ გაითვალისწინა შეურაცხმყოფელი და ცილისმწამებლური ქცევის ხანგრძლივობა და სიმძიმე, პოსტების არაერთხელ ატვირთვა, ჯარიმების გადაუხდელობა, სინანულის არქონა და წარსული ნასამართლობები. მოსარჩელემ აღნიშნული განაჩენი ზედა ინსტანციის სასამართლოებში გაასაჩივრა, თუმცა ზედა ინსტანციის სასამართლოებმა აღნიშნული განაჩენი ძალაში დატოვეს (მე-5-მე-19 პარაგრაფები).“- წერს სურმავა.სურმავა დავის არსზე მიუთითებს და აღნიშნავს, რომ „ადამიანის უფლებათა ევროპულ სასამართლოში მოსარჩელე ამტკიცებდა, რომ გავრცელებული პოსტების გამო მისთვის სასჯელის სახით თავისუფლების აღკვეთით შეფარდებით სლოვენიის ხელისუფლებამ მის მიმართ დაარღვია კონვენციის მე-10 მუხლით დაცული მისი გამოხატვის თავისუფლება (21-ე პარაგრაფი).“აქვე, სურმავა განმარტავს სასამართლოს შეფასებასა და ზოგად პრინციპებს."ადამიანის უფლებათა ევროპულმა სასამართლომ აღნიშნა, რომ მას უკვე მყარად აქვს ჩამოყალიბებული კრიტერიუმები, რომლითაც ფასდება, იყო თუ არა გამოხატვის თავისუფლების შეზღუდვა „აუცილებელი დემოკრატიულ საზოგადოებაში". როდესაც საქმე გამოხატვისგან ადამიანის რეპუტაციის ან პირადი ცხოვრების დაცვას ეხება, სასამართლომ უნდა შეამოწმოს, ეროვნული ხელისუფლების ორგანოებმა დაიცვეს თუ არა სამართლიანი ბალანსი ორ კონვენციურ უფლებას, კერძოდ, ერთი მხრივ, მე-10 მუხლით დაცულ გამოხატვის თავისუფლებასა და, მეორე მხრივ, მე-8 მუხლით დაცულ ადამიანის პირადი ცხოვრების პატივისცემის უფლებას შორის.სასამართლოს განმარტებით იმისთვის, რომ კონვენციის მე-10 მუხლით გათვალისწინებული გამოხატვის თავისუფლება შეიზღუდოს, ამისთვის აუცილებელია, რომ პირის რეპუტაციაზე თავდასხმამ სერიოზულობის გარკვეულ დონეს მიაღწიოს. მხოლოდ ამ შემთხვევაში შეიძლება ამოქმედდეს კონვენციის მე-8 მუხლი და შესაბამისად, მხოლოდ ამ შემთხვევაში შეიძლება რეპუტაციის შელახვა კონვენციის მე-10 მუხლით გათვალისწინებული გამოხატვის თავისუფლების შეზღუდვის საფუძვლად იქცეს.იმის შესაფასებლად გამოხატვის თავისუფლების შეზღუდვის დროს დაცული იყო თუ არა ეროვნული ხელისუფლების ორგანოების მიერ სამართლიანი ბალანსი, ერთი მხრივ, გამოხატვის თავისუფლებასა და, მეორე მხრივ, ადამიანის რეპუტაციის პატივისცემის უფლებას შორის, სასამართლო შემდეგ კრიტერიუმებს ითვალისწინებს: შეიტანა თუ არა გამოხატვამ წვლილი საჯარო ინტერესის საგანთან დაკავშირებულ დებატში; ვისკენ იყო გამოხატვა მიმართული; რამდენად ცნობილია ის პირი, ვისზეც გამოხატვა იყო მიმართული; როგორი იყო ამ პირის წინარე ქცევა; როგორი იყო გამოხატვის შინაარსი, ფორმა და შედეგები; როგორ იქნა მოპოვებული ის ინფორმაცია და რამდენად შეესაბამებოდა სიმართლეს ის ინფორმაცია, რომელსაც გამოხატვა დაეფუძნა; ამასთანავე, გამოხატვის გამო რამდენად მკაცრი სანქცია იქნა გამოყენებული.სასამართლოს განმარტებით ეს კრიტერიუმები ყველა საქმეში მექანიკურად არ გამოიყენება. სასამართლო ყოველ კონკრეტულ შემთხვევაში ამოწმებს აღნიშნული კრიტერიუმები თითოეული საქმის შესაბამის ფაქტობრივ გარემოებებს როგორ ესადაგება. საქმის სპეციფიკიდან გამომდინარე, ზოგი კრიტერიუმი შეიძლება განსაკუთრებით მნიშვნელოვანი იყოს, ხოლო ზოგს ნაკლები მნიშვნელობა მიენიჭოს.გარდა ზემოაღნიშნულისა, სასამართლოს განმარტებით, როდესაც საკითხი კერძო პირებს შორის ურთიერთობის დროს კერძო პირების კონვენციის მე-8 მუხლით გათვალისწინებული უფლების დაცვას ეხება, სახელმწიფოს, პრინციპში, შეფასების თავისუფლების ფარგლები აქვს იმის არჩევაში, თუ რა საშუალებებით დაიცავს ის კერძო პირების რეპუტაციასა და პირად ცხოვრებას (31-ე-37-ე პარაგრაფები)", - აღნიშნავს სურმავა.სურმავა აღნიშნულ პრინციპებს მოცემულ საქმესთან აკავშირებს და წერს,  „სასამართლომ უპირველეს ყოვლისა აღნიშნა, რომ მოსარჩელის ბლოგპოსტები შეიცავდა მძიმე შეურაცხმყოფელ გამონათქვამებს, რომლებიც V.V.-სა და Š.P.-ს უკიდურესად უარყოფით კონტექსტში წარმოაჩენდა და მათ სულიერ ტანჯვას აყენებდა. სასამართლოს შეფასებით, აღნიშნული პოსტების შინაარსმა უდავოდ მიაღწია სიმძიმის იმ აუცილებელ ზღვარს, რომელიც საკმარისია V.V.-სა და Š.P.-ს პირადი ცხოვრების პატივისცემის უფლების, მათ შორის რეპუტაციის დაცვის, ასამოქმედებლად (38-ე პარაგრაფი)"."სასამართლომ ასევე აღნიშნა, რომ მოსარჩელემ სადავო პოსტები გამოაქვეყნა ინტერნეტბლოგზე, რომელსაც იგი "თავის პირად დღიურს" უწოდებდა, და ეს გააკეთა პირადი სტატუსით, ყოველგვარი ჟურნალისტური საქმიანობის განხორციელების ფარგლებს მიღმა. სასამართლოს განმარტებით, მიუხედავად იმისა, რომ, ეროვნული სასამართლოების მიერ დადგენილი გარემოებების თანახმად, V.V. და Š.P. ორივე ჟურნალისტები იყვნენ, ისინი საჯარო ფიგურებს არ წარმოადგენდნენ. ამასთან, შეურაცხმყოფელი გამონათქვამები, რომელთა სამიზნეც ისინი გახდნენ, არ უკავშირდებოდა მათ პროფესიულ საქმიანობას, ვინაიდან მოსარჩელის ბრალდებები მათი პირადი ცხოვრების ინტიმურ ასპექტებს შეეხებოდა. შესაბამისად, სასამართლოს შეფასებით სისხლისსამართლებრივი წარმოება ეხებოდა ცილისწამებას კერძო პირებს შორის, როდესაც შეურაცხმყოფელი განცხადებები საჯაროდ, ინტერნეტის მეშვეობით გავრცელდა (39-ე პარაგრაფი).სასამართლო დაეთანხმა ეროვნული სასამართლოების შეფასებას, რომ მოსარჩელის განცხადებებს, რომლებიც უმეტესწილად ვულგარულ და შეურაცხმყოფელ ენას შეიცავდა, არავითარი წვლილი არ შეჰქონდა რომელიმე საზოგადოებრივი მნიშვნელობის დებატში და რაიმე ფორმით V.V.-ს ან Š.P.-ს წინარე ქცევით განპირობებული არ ყოფილა, ამასთანავე, მოსარჩელის ბლოგპოსტები უწყვეტი შევიწროების ხასიათს ატარებდა. გარდა ამისა, აღნიშნული ბლოგპოსტები ხელმისაწვდომი იყო საკმაოდ ფართო აუდიტორიისთვის, განსაკუთრებით იმის გათვალისწინებით, რომ მოსარჩელის ბლოგს 35,000-ზე მეტი გამომწერი ჰყავდა და პოსტები შემდგომში სხვა მედიასაშუალებებმაც გაავრცელეს (მე-40 პარაგრაფი).სასამართლომ კიდევ ერთხელ გაიმეორა, რომ დაკისრებული სასჯელის სახე და ზომა წარმოადგენს იმ ფაქტორს, რომელიც მხედველობაში უნდა იქნეს მიღებული გამოხატვის თავისუფლების შეზღუდვის პროპორციულობის შეფასებისას. სასამართლომ კიდევ ერთხელ ხაზგასმით აღნიშნა, რომ ცილისწამების საქმეებში სისხლისსამართლებრივი სასჯელების გამოყენება თავისთავად არ არის არაპროპორციული, თუმცა თავისუფლების აღკვეთა გამოყენებული უნდა იქნეს, როგორც გამონაკლისი ზომა, რომელიც მე-10 მუხლთან თავსებადად შეიძლება ჩაითვალოს მხოლოდ იმ შემთხვევაში, როდესაც სერიოზულად არის შელახული სხვა ფუნდამენტური უფლებები (41-ე პარაგრაფი).სასამართლომ ყურადღება გაამახვილა იმ გარემოებაზე, რომ წინამდებარე საქმეში მოსარჩელეს ექვსი თვის ვადით თავისუფლების აღკვეთა შეეფარდა, ვინაიდან ეროვნულმა სასამართლოებმა დაასკვნეს, რომ სხვა არცერთი სანქცია არ იქნებოდა საკმარისი იმისთვის რათა მას V.V.-სა და Š.P.-ს შეურაცხყოფა შეეწყვიტა. სასამართლომ ყურადღება მიაქცია იმ ფაქტს, რომ მოსარჩელეს დროებითი ღონისძიების სახით ეროვნულმა სასამართლოებმა პოსტების გავრცელება აუკრძალეს, თუმცა უშედეგოდ. ის პოსტების გავრცელებას მაინც აგრძელებდა, რის გამოც რამდენჯერმე დააჯარიმეს კიდეც. უფრო მეტიც, მან პირდაპირ განაცხადა, რომ არ შეწყვეტდა V.V.-სა და Š.P.-ს შესახებ პოსტების გამოქვეყნებას და არც დაკისრებულ ჯარიმებს გადაიხდიდა (42-ე პარაგრაფი).მოსარჩელემ არასათანადო ქცევა სისხლის სამართლის საქმის სასამართლოში განხილვის დროსაც განაგრძო. იგი კვლავ აქვეყნებდა შეურაცხმყოფელ ბლოგპოსტებს და სასამართლო დარბაზშიც უპატივცემულო ქცევას ავლენდა (43-ე პარაგრაფი).ზემოაღნიშნულიდან გამომდინარე, წინამდებარე საქმის კონკრეტული გარემოებების გათვალისწინებით, სასამართლომ მიიჩნია, რომ მოსარჩელისთვის სასჯელის სახით თავისუფლების აღკვეთის შეფარდება, როგორც გამონაკლისი ზომა გამოხატვის თავისუფლების შეზღუდვის კონტექსტში, არ შეიძლება გადაჭარბებულად ან არაპროპორციულად შეფასდეს იმ ლეგიტიმური მიზნის მისაღწევად, რომ V.V.-სა და Š.P.-ს რეპუტაცია დაცული ყოფილიყო (44-ე პარაგრაფი).სასამართლომ კიდევ ერთხელ ხაზი გაუსვა, რომ ამგვარი ტიპის საქმეებში არსებითი მნიშვნელობა აქვს ეროვნული სასამართლოების მიერ წარმოდგენილ დასაბუთებას. სასამართლომ აღნიშნა, რომ ეროვნული სასამართლოების მიერ თავიანთი გადაწყვეტილებების გასამართლებლად მოყვანილი მიზეზები რელევანტური და საკმარისი იყო (45-ე პარაგრაფი).სახელმწიფოთათვის მინიჭებული შეფასების თავისუფლების ფარგლებისა და იმ გარემოების გათვალისწინებით, რომ ეროვნულმა სასამართლოებმა სათანადოდ განახორციელეს შეპირისპირებული ინტერესის დაბალანსება, სასამართლომ აღნიშნა, რომ ამ შემთხვევაში გამოხატვის თავისუფლების შეზღუდვა „დემოკრატიულ საზოგადოებაში აუცილებელი“ იყო (46-ე პარაგრაფი).შესაბამისად, სასამართლოს შეფასებით, ინტერნეტის გამოყენებით შეურაცხყოფისა და ცილისწამებისთვის მოსარჩელისთვის სასჯელის სახით 6 თვით თავისუფლების აღკვეთის შეფარდებით მოსარჩელის მიმართ კონვენციის მე-10 მუხლით გათვალისწინებული გამოხატვის თავისუფლება არ დარღვეულა (47-ე პარაგრაფი)", - აღნიშნავს ბაჩანა სურმავა.

სამართალი • 1783066490

გარემოსდაცვითი ზედამხედველობის დეპარტამენტმა 6 თვეში ავტოტრანსპორტის გამონაბოლქვის დადგენილ ნორმებთან შეუსაბამობის 4575 ფაქტი გამოავლინა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 იანვრიდან 30 ივნისის ჩათვლით პერიოდში, ოთხ ქალაქში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 4575 ფაქტი გამოავლინეს. ინფორმაციას გარემოსდაცვითი ზედამხედველობის დეპარტამენტი ავრცელებს.2699 სამართალდარღვევა გამოვლენილია თბილისში, 821 - ბათუმში, 694 - ქუთაისში, 361 - რუსთავში.3982 სამართალდარღვევა ფიზიკური პირის მიერაა ჩადენილი, 593 შემთხვევაში კი, დეპარტამენტის თანამშრომლებმა იურიდიული პირები დააჯარიმეს.აღსანიშნავია, რომ 2634 სამართალდარღვევა მსუბუქი ავტომობილების, 1837 - მიკროავტობუსების, 101 - სატვირთო ავტომობილების, 3 კი ავტობუსების მძღოლების/მფლობელების მიერაა ჩადენილი.ატმოსფერული ჰაერის ხარისხის გაუმჯობესებისა და სატრანსპორტო სექტორიდან დაბინძურების მინიმუმამდე შემცირების მიზნით, გარემოსდაცვითი ზედამხედველობის დეპარტამენტი ქალაქებში: თბილისი, ბათუმი, ქუთაისი და რუსთავი - გზებზე ავტოსატრანსპორტო საშუალებების ხილულ გამონაბოლქვს 2023 წლის სექტემბრიდან ამოწმებს. ჩატარებული ანალიზის საფუძველზე, დეპარტამენტმა ამ მიმართულებით შესაძლებლობების გაძლიერების პროცესი დაიწყო - გაიზარდა ეკიპაჟების რაოდენობა, შეძენილ იქნა ჰიბრიდული ავტომობილები, ეკიპაჟები აღჭურვილია შესაბამისი გამზომი ხელსაწყოებით, პერიოდულად ხდება თანამშრომლების გადამზადება. დეპარტამენტის თანამშრომლებს უკვე აქვთ შესაძლებლობა, უფრო მეტ ლოკაციაზე და მეტი ავტოსატრანსპორტო საშუალება შეამოწმონ. შედეგად, კონტროლი უფრო მასშტაბური და ეფექტიანი გახდა.

სამართალი • 1780995598

მიმდინარე წლის მაისში ავტოტრანსპორტის გამონაბოლქვის დადგენილ ნორმებთან შეუსაბამობის 695 ფაქტი დაფიქსირდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 მაისიდან 31 მაისის ჩათვლით პერიოდში, თბილისში, ბათუმში, ქუთაისსა და რუსთავში ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 695 ფაქტი გამოავლინეს.404 სამართალდარღვევა გამოვლენილია თბილისში, 119 - ბათუმში, ასევე 119 - ქუთაისში, 53 კი - რუსთავში.623 სამართალდარღვევა ფიზიკური პირის მიერაა ჩადენილი, 72 შემთხვევაში კი, დეპარტამენტის თანამშრომლებმა იურიდიული პირები დააჯარიმეს.აღსანიშნავია, რომ 415 სამართალდამრღვევი მსუბუქი ავტომობილების, 272 - მიკროავტობუსების, 8 კი - სატვირთო ავტომობილების მძღოლები/მფლობელები არიან.ატმოსფერული ჰაერის ხარისხის გაუმჯობესებისა და სატრანსპორტო სექტორიდან დაბინძურების მინიმუმამდე შემცირების მიზნით, დეპარტამენტის ინსპექტორები ქვეყნის ოთხ ქალაქში (თბილისში, ბათუმში, ქუთაისსა და რუსთავში) გზებზე მოძრავი ავტოსატრანსპორტო საშუალებების გამონაბოლქვის კონტროლს ყოველდღიურად ახორციელებენ. კონტროლის დაწყებიდან დღემდე, გაიზარდა ეკიპაჟების რაოდენობა, შეძენილ იქნა ჰიბრიდული ავტომობილები.ეკიპაჟები აღჭურვილია შესაბამისი გამზომი ხელსაწყოებით. პერიოდულად ხდება თანამშრომლების გადამზადება. დეპარტამენტის თანამშრომლებს უკვე აქვთ შესაძლებლობა, უფრო მეტ ლოკაციაზე და მეტი ავტოსატრანსპორტო საშუალების შემოწმება შეძლონ. შედეგად, კონტროლი გახდა უფრო მასშტაბური და ეფექტიანი; მიმდინარე წლის პირველ ხუთ თვეში, დეპარტამენტის თანამშრომლების მიერ გამოვლენილია ავტოტრანსპორტის გამონაბოლქვის დადგენილ ნორმებთან შეუსაბამობის 3586 ფაქტი.

პოლიტიკა • 1780575250

გერმანიის მოქალაქე ფრიდრიხ მერცის მიმართ ინტერნეტში დაწერილი კომენტარის გამო დააჯარიმეს, მოქალაქეს 1 თვის ხელფასის ოდენობის ჯარიმა დაეკისრა

„ინტერნეტში გერმანიის კანცლერისთვის მატყუარას წოდება ახლა უფრო ძვირი ჯდება, ვიდრე ქუჩაში ჩადენილი დანაშაული. როდესაც კანცლერისთვის საკუთარი მოქალაქეების დევნა უფრო მარტივია, ვიდრე სიტყვის შესრულება, ეს უკვე ნაკლებად ჰგავს თავისუფალ ქვეყანას.“- ამის შესახებ გერმანიის ბუნდესტაგის ყოფილი დეპუტატი, პარტია „ალტერნატივა გერმანიისთვის“ (AfD) წევრი ევგენ შმიდტი სოციალურ ქსელში გავრცელებულ ვიდეოში საუბრობს.საქმე ეხება მოქალაქის მიერ ფრიდრიხ მერცის მიმართ სოციალურ ქსელში დაწერილ კომენტარს, სადაც მოქალაქემ გერმანიის კანცლერს, ფრიდრიხ მერცს, „ლიუგენფრიცი“- „მატყუარა ფრიცი“ უწოდა.ბადენ-ვიურტემბერგის მცხოვრები სასამართლომ ფეისბუქზე დაწერილი მხოლოდ ერთი კომენტარის გამო დასაჯა. მან ფრიდრიხ მერცს მატყუარა უწოდა. გერმანულად ეს ჟღერდა როგორც „ლიუგენფრიცი“ - „მატყუარა ფრიცი“, რაც სახელი ფრიდრიხის კნინობითი ფორმაა. სასჯელი- 30 დღის ხელფასს შეადგენს- ინფორმაციას შმიდტი გერმანულ მედიასაშუალება Junge Freiheit-ზე დაყრდნობით ავრცელებს.პოლიტიკოსი ვიდეოში ამ ამბის შესახებ ვრცლად საუბრობს და ამბობს, რომ ჰაილბრონის პროკურატურამ ეს შემდეგნაირად განმარტა: ეს კომენტარი თითქოს ხელყოფს ნდობას, აკნინებს კანცლერის პატიოსნებას და აგრესიას აღვივებს მის თანამოაზრეებში. საფუძველი კი სისხლის სამართლის კოდექსის მავნე 188-ე პარაგრაფია- „ცალკე მუხლი პოლიტიკოსების შეურაცხყოფისთვის“.მისივე თქმით, „გერმანელებს მწარე კომენტარებისთვის მიზეზი თავზე საყრელად აქვთ. არჩევნებზე მერცი იფიცებოდა, რომ ახალ ვალებს არ აიღებდა, მიგრაციულ პოლიტიკას რადიკალურად შეცვლიდა და „შუქნიშნის“ (წინა სამთავრობო კოალიციის) დროინდელ ყველა გადაცდომას გამოასწორებდა. გამარჯვების შემდეგ კი ყველა დაპირება დაივიწყა და 500 მილიარდი ევროს ოდენობის ვალის პაკეტი დაამტკიცა. და აი შედეგიც: სანამ პროკურორები და პოლიცია ძალებს ფეისბუქის კომენტარებზე ხარჯავენ, რიგითი მოქალაქეები ქუჩებში კრიმინალის ზრდას ხედავენ და გრძნობენ, რომ მათ არავინ იცავს. როდესაც კანცლერისთვის საკუთარი მოქალაქეების დევნა უფრო მარტივია, ვიდრე სიტყვის შესრულება, ეს უკვე ნაკლებად ჰგავს თავისუფალ ქვეყანას.“ამასთან, ევგენ შმიდტი დეტალურად საუბრობს იმის შესახებ, თუ კიდევ რომელი უწყინარი სიტყვები ხდება სისხლის სამართლის საქმის საფუძველი და აუდიტორიას სასამართლოს ამ სკანდალური განაჩენის დეტალებს აცნობს.შმიდტი ამართლებს მოქალაქის კრიტიკას და ხაზს უსვამს, რომ კანცლერისთვის „მატყუარას“ წოდება არა ცილისწამება, არამედ სიმართლეა. არგუმენტად კი მისი წინასაარჩევნო დაპირებები მოჰყავს.„პორტალ Junge Freiheit-ზე არის სტატია ჰაილბრონის სასამართლოს სწორედ ამ სკანდალურ განაჩენზე. საქმე ეხება მამაკაცს, რომელმაც 2025 წლის ოქტომბერში, პოლიციის მიერ ფეისბუქზე გამოქვეყნებული პოსტის ქვეშ (სადაც საუბარი იყო კანცლერის ვიზიტთან დაკავშირებით ქალაქში საჰაერო სივრცის დაკეტვაზე), უამრავ ნეგატიურ გამოხმაურებას შორის, ერთი ასეთი კომენტარი დაწერა- „ლიუგენფრიცი“, ანუ „მატყუარა ფრიცი“. დიახ, „მატყუარა ფრიცის“ გამო ჩვენთან ახლა ჯარიმაა დაწესებული. მოკლედ, სასამართლომ მიიჩნია, რომ ამ მიმართვით მამაკაცმა შელახა კანცლერისადმი ნდობა. ფორმულირებაში ასევე წერია, რომ მან თითქოს სხვა დამცინავი კომენტარების პროვოცირება მოახდინა. ანუ, ამით შეილახა და შეირყა ჩვენი კანცლერის პატიოსანი სახე. საბოლოო ჯამში- 30 დღიური განაკვეთი. გერმანიაში ხშირად იყენებენ ასეთ ჯარიმებს ციხეში ჩასმის ნაცვლად, რაც ადამიანის შემოსავლით იანგარიშება. მაგალითად, თუ ის თვეში პირობითად 2000 ევროს იღებს, ჯარიმაც ამ თანხიდან გამოითვლება. მაგრამ ეს მთელი ისტორია, რა თქმა უნდა, თეთრი ძაფით არის ნაკერი. გახსოვთ, ეს იმ ისტორიის ნაწილია, როდესაც მერცს იმავე ფეისბუქ პოსტში „პინოქიო“ უწოდეს. „პინოქიოს“ საქმეს მაშინ დიდი რეზონანსი მოჰყვა, რადგან პოლიციამ თავად აიღო და 38 ასეთი კომენტარი პროკურატურას გადასცა. ნაწილი ჰაილბრონის პროკურატურამ გამოიძია, ნაწილი ტიუბინგენის და ნაწილი შტუტგარტის. შტუტგარტისა და ტიუბინგენის პროკურატურებმა ეს საქმეები მაინც დახურეს, რადგან დიდი საზოგადოებრივი პროტესტი მოჰყვა. როგორ შეიძლება ადამიანს კანცლერისთვის „პინოქიოს“ წოდების გამო სდიო. გასაგებია, რომ ეს იყო მინიშნება მის ტყუილებზე, ისევე როგორც „ლიუგენფრიცი“.თუმცა, ჰაილბრონის პროკურატურამ და სასამართლომ მიიჩნიეს, რომ საქმე ბოლომდე მისაყვანი იყო და მიიყვანეს კიდეც. მთელი ეს აბსურდი ეყრდნობა სისხლის სამართლის კოდექსის 188-ე პარაგრაფს, რომელსაც აქ „მეფის შეურაცხყოფის მუხლსაც“ უწოდებენ, რადგან პოლიტიკოსები აღიარებულნი არიან განსაკუთრებულ პერსონებად, რომელთა პატივი და ღირსება განსაკუთრებული ფორმით უნდა იქნას დაცული. მაგრამ საბოლოო ჯამში, ამ პარაგრაფის რეალიზება იმით სრულდება, რომ ინტერნეტში ყველას, ვინც სიტყვებს არ არჩევს და პირდაპირ ამბობს იმას, რასაც პოლიტიკოსზე ფიქრობს, პირი უნდა მოუკეტონ. გახსოვთ, თავად ფრიდრიხ მერცი ამბობდა, რომ არ მოსწონს მის მისამართით ინტერნეტში ამდენი ნეგატივი რომ იღვრება. და აი, იმისთვის, რომ ეს ნეგატივი არ იყოს, ჩვენი სასამართლო სისტემა ასე მუშაობს, რომ ხალხს აიძულებს, გაჩუმდეს. სხვათა შორის, როგორც უკვე ვთქვი, აქ წერენ სხვა მსგავს გამონათქვამებზეც, მაგალითად: „მატყუარა მასხარა“ და „მეორეხარისხოვანი მატყუარა მასხარა“ -ეს არის მინიშნება იმაზე, რომ მერცი პირველივე მცდელობაზე ვერ აირჩიეს და მხოლოდ მას შემდეგ, რაც ბუნდესტაგში მემარცხენეებმა დაუჭირეს მხარი, მიიღო საჭირო უმრავლესობა. მაგრამ ასეთ გამონათქვამებზეც კი არაფერი ყოფილა, სხვა პროკურატურებმა საქმეები უბრალოდ დახურეს. მოკლედ, თავი არ მოიჭრეს. აი, გამოთქმებზე „პოზიორი“ ან „პიჟონი“, ადამიანს უბრალოდ 100-ევროიანი ჯარიმა გამოუწერეს, კვლავ იმისთვის, რომ კანცლერის მისამართით ცუდი აღარაფერი ეთქვათ. მოკლედ, ამ რეზონანსულ საქმეს მაინც მოჰყვა გაგრძელება. თუმცა „პინოქიოს“ საქმე დაიხურა, სამაგიეროდ „მატყუარა ფრიცის“ თქმა კანცლერზე აღარ შეიძლება, თორემ წააწყდებით ჯარიმას- თქვენი 30 დღის გამომუშავებას, რაც ყველასთვის ინდივიდუალურია.მოდით, ამ სიტუაციას მეორე მხრიდან, ფაქტების მიხედვით შევხედოთ. როდესაც ადამიანმა კანცლერს „მატყუარა ფრიცი“ უწოდა, მან ხომ, არსებითად, სიმართლე თქვა? კანცლერი, ჯერ კიდევ კანცლერობის კანდიდატი ყოფნისას, ძალიან ბევრ რამეს გვპირდებოდა და დაპირებებიდან არაფერი შეასრულა. გახსოვთ მისი გამონათქვამები იმის შესახებ, რომ „სესხების ლიმიტის“ დარღვევა არავითარ შემთხვევაში არ შეიძლება, რადგან ეს მომავალ თაობებს ართმევს მომავალს და პასუხისმგებლობაა საჭირო. ხელისუფლებაში მოსვლის შემდეგ კი, ფაქტობრივად მეორე დღესვე, ცვლის კონსტიტუციას, ცვლის ძირითად კანონს, რათა ახალი ვალები აიღოს. ანუ, რაოდენ მკვეთრად განსხვავდება მისი წინასაარჩევნო დაპირებები და ის, რაც მან შემდგომში გააკეთა. ან გახსოვთ მისი დაპირებები?- „ხელისუფლებაში მოსვლის მეორე დღესვე მიგრაციულ პოლიტიკას 180 გრადუსით შემოვაბრუნებ“. რა თქმა უნდა, მსგავსი არაფერი მომხდარა, თუმცა ის დღემდე თვალდაუხამხამებლად ამბობს, რომ მიგრაციული პოლიტიკის შემობრუნება მოხდა. მაგრამ ხალხი სულელი არ არის, ყველა ხედავს, რა ხდება სინამდვილეში. და კიდევ უამრავი სხვა დაპირება, რომელიც მან დაარღვია. ამის შემდეგ მისი მატყუარად მოხსენიება... უბრალოდ მატყუარა- სწორედ რომ ჭეშმარიტი შეფასებაა. ხომ ვერ ვუწოდებთ მას „სიმართლის მთქმელ მერცს“ ან „ალალ ფრიცს“? ეს არასწორი იქნებოდა. აი, ამისთვის კი ნამდვილად უნდა გაესამართლებინათ, რადგან ეს მერცის მისამართით მცდარი განცხადება იქნებოდა. მაგრამ არა, ხედავთ? ჩვენთან ახლა სწორედ იმისთვის ასამართლებენ, რომ სიმართლეს სიმართლეს უწოდებ. და ამ ყველაფერს, რა თქმა უნდა, ძალიან მძიმე ელფერი დაჰკრავს.საკუთარი მოსახლეობის დევნის ნაცვლად, მერცს მართებდა დაფიქრებულიყო, თუ რატომ ეკვრის მას მსგავსი მეტსახელები. შემთხვევითი ხომ არ არის „პინოქიოც“, „მატყუარაც“ და ყველა დანარჩენი ეპითეტი, რაც მის მისამართით ხალხში არსებობს? კიდევ ერთი, არანაკლებ მნიშვნელოვანი ასპექტია, თუ სად იხარჯება სახელმწიფო ორგანოების, პოლიციისა და პროკურატურის რესურსები. ქვეყანაში ქუჩის კრიმინალის თარეშია, რაც მათ ყურადღებას მოითხოვს, თუმცა ეს რესურსები, როგორც ხედავთ, იხარჯება ჩვენი „მართალი“ კანცლერის პატივისა და ღირსების დასაცავად, რომელიც ასეთი მეთოდებით ცდილობს პირის მოკეტვას არა მხოლოდ ოპოზიციისთვის, არამედ უბრალოდ განრისხებული ამომრჩევლისთვის“ -განაცხადა შმიდტმა.

სამართალი • 1780035860

შავი ზღვის დაბინძურების ფაქტზე ლიბერიის დროშის ქვეშ მცურავი გემი 100 000 ლარით დააჯარიმეს

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის თანამშრომლებთან ერთად, შავი ზღვის დაბინძურების ფაქტი გამოავლინეს.ლიბერიის დროშის ქვეშ მცურავი გემის მიერ ზღვა სამეურნეო წყლებით დაბინძურდა.გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმის საფუძველზე, ფოთის სასამართლომ გემი სამართალდამრღვევად ცნო და 100 000 ლარის ოდენობის ჯარიმა დააკისრა.გემს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.შავი ზღვის დაცვა გარემოსდაცვითი ზედამხედველობის დეპარტამენტისთვის პრიორიტეტია. შავი ზღვის დაცვის კონვენციური სამმართველო წყლის დაბინძურების მინიმუმამდე დაყვანის, ასევე, უკანონო თევზჭერის ფაქტების პრევენციის, აღკვეთისა და გამოვლენის მიზნით, შავ ზღვაზე უწყვეტ სახელმწიფო კონტროლს ახორციელებს. მიმდინარე წელს, კონვენციური სამმართველოს თანამშრომლების მიერ, უკვე განხორციელდა 100-ზე მეტი გემის ინსპექტირება. გამოვლენილია გემიდან ზღვის დაბინძურების მხოლოდ შვიდი ფაქტი.მნიშვნელოვანია, რომ ბოლო წლებში საგრძნობლად მცირდება გემების მხრიდან ზღვის ნავთობპროდუქტებით დაბინძურების ფაქტები, რაც, ერთი მხრივ, გარემოსდაცვითი ზედამხედველობის დეპარტამენტის გაძლიერებისა და შავი ზღვის კონვენციური სამმართველოს ეფექტიანი მუშაობის, მეორე მხრივ კი, გაზრდილი საჯარიმო სანქციების შედეგია, რასაც შემაკავებელი ეფექტი აქვს.ინფორმაციას გარემოს დაცვისა და სოფლის მეურნეობის სამინისტრო ავრცელებს. 

სამართალი • 1778137637

შავი ზღვის დაბინძურების ფაქტზე პორტუგალიისა და პალაუს დროშებით მცურავი გემები 100-100 ათასი ლარით დააჯარიმეს

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის თანამშრომლებთან ერთად, შავი ზღვის დაბინძურების 2 ფაქტი გამოავლინეს. ინფორმაციას გარემოსდაცვითი ზედამხედველობის დეპარტამენტი ავრცელებს.„პორტუგალიისა და პალაუს დროშების ქვეშ მცურავმა გემებმა ზღვა სამეურნეო წყლებით დააბინძურეს.გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმების საფუძველზე, ფოთის სასამართლომ გემები სამართალდამრღვევად ცნო და თითოეულს 100-100 ათასი ლარის ოდენობის ჯარიმა დააკისრა.გემებს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცათ.შავი ზღვის დაცვა გარემოსდაცვითი ზედამხედველობის დეპარტამენტისთვის პრიორიტეტია. დეპარტამენტის შავი ზღვის დაცვის კონვენციური სამმართველო წყლის დაბინძურების მინიმუმამდე დაყვანის, ასევე, უკანონო თევზჭერის ფაქტების პრევენციის, აღკვეთისა და გამოვლენის მიზნით, შავ ზღვაზე უწყვეტ სახელმწიფო კონტროლს ახორციელებს. მიმდინარე წელს, კონვენციური სამმართველოს თანამშრომლების მიერ, უკვე განხორციელდა 81 გემის ინსპექტირება. გამოვლენილია 15 სამართალდარღვევა. მათ შორის 6 გემიდან ზღვის დაბინძურების ფაქტია.მნიშვნელოვანია, რომ ბოლო წლებში საგრძნობლად მცირდება გემების მხრიდან ზღვის ნავთობპროდუქტებით დაბინძურების ფაქტები, რაც, ერთი მხრივ, გარემოსდაცვითი ზედამხედველობის დეპარტამენტის გაძლიერებისა და შავი ზღვის კონვენციური სამმართველოს ეფექტიანი მუშაობის, მეორე მხრივ კი, გაზრდილი საჯარიმო სანქციების შედეგია, რასაც შემაკავებელი ეფექტი აქვს", - ნათქვამია ინფორმაციაში.

სამართალი • 1777965052

აპრილში ავტოტრანსპორტის გამონაბოლქვის დადგენილ ნორმებთან შეუსაბამობის 665 ფაქტი დაფიქსირდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 აპრილიდან 30 აპრილის ჩათვლით პერიოდში, ოთხ ქალაქში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 665 ფაქტი გამოავლინეს.369 სამართალდარღვევა გამოვლენილია თბილისში, 126 - ბათუმში, 106 - ქუთაისში, 64 კი - რუსთავში.592 სამართალდარღვევა ფიზიკური პირის მიერაა ჩადენილი, 73 შემთხვევაში კი, დეპარტამენტის თანამშრომლებმა იურიდიული პირები დააჯარიმეს.აღსანიშნავია, რომ 421 სამართალდარღვევა მსუბუქი ავტომობილების, 226 - მიკროავტობუსების, 18 კი - სატვირთო ავტომობილების მძღოლების/მფლობელების მიერაა ჩადენილი.ატმოსფერული ჰაერის ხარისხის გაუმჯობესებისა და სატრანსპორტო სექტორიდან დაბინძურების მინიმუმამდე შემცირების მიზნით, დეპარტამენტის ინსპექტორები ქვეყნის ოთხ ქალაქში გზებზე მოძრავი ავტოსატრანსპორტო საშუალებების გამონაბოლქვის კონტროლს ყოველდღიურად ახორციელებენ. კონტროლის დაწყებიდან დღემდე, გაიზარდა ეკიპაჟების რაოდენობა, შეძენილ იქნა ჰიბრიდული ავტომობილები. ეკიპაჟები აღჭურვილია შესაბამისი გამზომი ხელსაწყოებით.პერიოდულად ხდება თანამშრომლების გადამზადება. დეპარტამენტის თანამშრომლებს უკვე უფრო მეტ ლოკაციაზე, მეტი ავტოსატრანსპორტო საშუალების შემოწმების შესაძლებლობა აქვთ. შედეგად, კონტროლი გახდა უფრო მასშტაბური და ეფექტიანი - მიმდინარე წლის პირველ ოთხ თვეში, დეპარტამენტის თანამშრომლების მიერ, გამოვლენილია ავტოტრანსპორტის გამონაბოლქვის დადგენილ ნორმებთან შეუსაბამობის 2891 ფაქტი.ინფორმაციას გარემოსდაცვითი ზედამხედველობის დეპარტამენტი ავრცელებს.

სამართალი • 1776929611

შავი ზღვის დაბინძურების ფაქტზე პანამის დროშის ქვეშ მცურავი გემი 100 000 ლარით დააჯარიმეს

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის თანამშრომლებთან ერთად, შავი ზღვის დაბინძურების ფაქტი გამოავლინეს.უწყების ცნობით, პანამის დროშის ქვეშ მცურავი გემის მიერ ზღვა სამეურნეო წყლებით დაბინძურდა.გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმის საფუძველზე, ფოთის სასამართლომ გემი სამართალდამრღვევად ცნო და 100 000 ლარის ოდენობის ჯარიმა დააკისრა.გემს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.„შავი ზღვის დაცვა გარემოსდაცვითი ზედამხედველობის დეპარტამენტისთვის პრიორიტეტია. დეპარტამენტის შავი ზღვის დაცვის კონვენციური სამმართველო წყლის დაბინძურების მინიმუმამდე დაყვანის, ასევე, უკანონო თევზჭერის ფაქტების პრევენციის, აღკვეთისა და გამოვლენის მიზნით შავ ზღვაზე უწყვეტ სახელმწიფო კონტროლს ახორციელებს“, – აცხადებენ გარემოსდაცვითი ზედამხედველობის დეპარტამენტში.მათივე ცნობით, მიმდინარე წელს კონვენციური სამმართველოს თანამშრომლების მიერ უკვე განხორციელდა 72 გემის ინსპექტირება. გამოვლენილია შვიდი სამართალდარღვევა. მათ შორის, ხუთი გემიდან ზღვის დაბინძურების ფაქტია.„მნიშვნელოვანია, რომ ბოლო წლებში საგრძნობლად მცირდება გემების მხრიდან ზღვის ნავთობპროდუქტებით დაბინძურების ფაქტები, რაც, ერთი მხრივ, გარემოსდაცვითი ზედამხედველობის დეპარტამენტის გაძლიერებისა და შავი ზღვის კონვენციური სამმართველოს ეფექტიანი მუშაობის, მეორე მხრივ კი, გაზრდილი საჯარიმო სანქციების შედეგია, რასაც შემაკავებელი ეფექტი აქვს“, – აღნიშნავენ გარემოსდაცვითი ზედამხედველობის დეპარტამენტში.

საზოგადოება • 1771317632

კრიტიკული შეუსაბამობები საზოგადოებრივი კვების ობიექტებში - სურსათის ეროვნულმა სააგენტომ 7 ბიზნესოპერატორს საწარმოო პროცესი შეუჩერა

სურსათის ეროვნული სააგენტოს თბილისის დეპარტამენტი განაგრძობს დედაქალაქში საზოგადოებრივი კვების ობიექტების აქტიურ შემოწმებას.სახელმწიფო კონტროლის ფარგლებში, მიმდინარე წლის 13 თებერვალს გეგმური და არაგეგმური ინსპექტირება ჩატარდა 19 ობიექტში. აქედან, 7 ობიექტზე გამოვლინდა ისეთი კრიტიკული შეუსაბამობები, როგორიც არის ინვენტარის არასათანადო რეცხვა-დეზინფექცია, ინფრასტრუქტურისა და გამწოვი სისტემების გაუმართაობა და სურსათის დაბინძურების საფრთხე, სურსათი ეტიკეტის გარეშე.ი/მ მაჯეედ შაკკეერ - კაფე-ბარი რესტორანი (მის: ბერძენიშვილის ქ. N4. ს/კ 305726916), საქმიანობდა  ეკონომიკურ საქმიანობათა რეესტრში რეგისტრაციის გარეშე, გამოვლინდა კრიტიკული შეუსაბამობები - გამწოვი სისტემის გაუმართაობა, ეტიკეტირების წესის დარღვევა  და ვადაგასული სურსათის რეალიზაციის ფაქტი;შპს „ალ ბეიქ გრილლს“ -  ინდური  რესტორანი (მის: ლუბლიანას ქუჩა 19ა, ს/კ  422955902),  გამოვლინდა კრიტიკული შეუსაბამობები - ზედაპირების არასათანადო რეცხვა დეზინფექცია,  გამწოვის სისტემის გაუმართაობა, ასევე ეტიკეტირების წესის დარღვევა;„100 არაბული რესტორანი“ - სწრაფი კვების ობიექტი (მის: ქ. თბილისი, გურამიშვილის გამზირი 27, ს/კ 300451936). ბიზნესოპერატორი არ იყო რეგისტრირებული ეკონომიკურ საქმიანობათა რეესტრში, აღინიშნა კრიტიკული შეუსაბამობები-გამწოვი სისტემის გაუმართაობა, ინვენტარის არასათანადო რეცხვა დეზინფექცია,  ეტიკეტირების წესის დარღვევა;ი/მ იაშპალ შარმა - ინდური  რესტორანი (მის: ქ. თბილისი,  პეკინის გამზირი 31 ბ, ს/კ  305726275). ბიზნესოპერატორი არ იყო  რეგისტრირებული ეკონომიკურ საქმიანობათა რეესტრში, აღინიშნა  კრიტიკული შეუსაბამობა - არასათანადო რეცხვა დეზინფექცია, ეტიკეტირების წესის დარღვევა;შპს „ტაი ინ თაუნ“ - კაფე-ბარი/რესტორანი, (მის: თბილისი, კოტე აფხაზის 17, ს/კ 404626561). აღინიშნა კრიტიკული შეუსაბამობები - მღრღნელები ობიექტზე,  გამწოვი სისტემის გაუმართაობა, ეტიკეტირების წესის დარღვევა;Fiesta (შპს ,,მდ ენთერფრაისის”)  -  კაფე-ბარი/რესტორანი (მის: ქ. თბილისი, ნაძალადევის რაიონი, გიორგი სააკაძის ქ. N 156,  ს/კ 406479591),დაფიქსირდა  კრიტიკული შეუსაბამობა - ინფრასტრუქტურის  და გამწოვი სისტემის გაუმართაობა და  სურსათის დაბინძურების საფრთხე,  ეტიკეტირების წესის დარღვევა;შპს „სარეია ტრეიდინგი“- მზა კერძების წარმოება-რეალიზაცია (მის: პეტრე ბაგრატიონის ქ. N 33, ს.კ 404596941), აღინიშნა კრიტიკული შეუსაბამობები - ინფრასტრუქტურის  და გამწოვი სისტემის გაუმართაობა და  სურსათის დაბინძურების საფრთხე, ტემპერატურული რეჟიმის დარღვევა, არასათანადო რეცხვა-დეზინფექცია.  სურსათის ეროვნული სააგენტოს ინსპექტორებმა, კანონმდებლობის შესაბამისად, დააჯარიმეს ბიზნესოპერატორები და შეუსაბამობების გამოსწორებამდე შეუჩერეს საწარმოო პროცესი.კანონმდებლობის თანახმად, კრიტიკული შეუსაბამობა არის ისეთი ტიპის დარღვევა, რომელიც  საფრთხეს უქმნის ადამიანის ჯანმრთელობასა და სიცოცხლეს და  ჯარიმის გარდა, არსებული მდგომარეობის გამოსწორებამდე საწარმოო პროცესის შეჩერებას ითვალისწინებს. ბიზნესოპერატორს შესაძლებლობა აქვს, გაცემული მითითებების შესრულების შემდეგ, სააგენტოს კონკრეტული საწარმოო პროცესის გაგრძელების მოთხოვნით მიმართოს. თუ განმეორებითი კონტროლი დაადასტურებს, რომ ობიექტზე აღმოფხვრილია კრიტიკული შეუსაბამობები, სააგენტო ბიზნესოპერატორს საწარმოო პროცესის გაგრძელების უფლებას ანიჭებს. 

საზოგადოება • 1771218600

შავი ზღვის დაბინძურების ფაქტზე კამერუნის დროშის ქვეშ მცურავი გემი 100 000 ლარით დააჯარიმეს

გარემოს დაცვისა და სოფლის მეურნეობის სამინისტროს ინფორმაციით, გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის თანამშრომლებთან ერთად, შავი ზღვის დაბინძურების ფაქტი გამოავლინეს.  კამერუნის დროშის ქვეშ მცურავმა გემმა ზღვა სამეურნეო წყლებით დააბინძურა.გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმის საფუძველზე, ფოთის სასამართლომ გემი სამართალდამრღვევად ცნო და 100 000 ლარის ოდენობის ჯარიმა დააკისრა.კამერუნის დროშის ქვეშ მცურავ გემს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.შავი ზღვის დაცვა გარემოსდაცვითი ზედამხედველობის დეპარტამენტისთვის პრიორიტეტია. დეპარტამენტის შავი ზღვის დაცვის კონვენციური სამმართველო წყლის დაბინძურების მინიმუმამდე დაყვანის, ასევე, უკანონო თევზჭერის ფაქტების პრევენციის, აღკვეთისა და გამოვლენის მიზნით, შავ ზღვაზე უწყვეტ სახელმწიფო კონტროლს ახორციელებს. გასულ 2025 წელს, შავი ზღვის კონვენციური სამმართველოს მიერ ჩატარდა საქართველოს ნავსადგურებში შემოსული 259 გემის ინსპექტირება. გამოვლინდა გემებიდან ზღვის დაბინძურების 14 შემთხვევა. გარემოსთვის მიყენებული ზიანის ჯამური ოდენობა 49 539 ლარია.მნიშვნელოვანია, რომ ბოლო წლებში საგრძნობლად მცირდება გემების მხრიდან ზღვის ნავთობშემცველი წყლებით დაბინძურების ფაქტები, რაც, ერთი მხრივ, გარემოსდაცვითი ზედამხედველობის დეპარტამენტის გაძლიერებისა და შავი ზღვის კონვენციური სამმართველოს ეფექტიანი მუშაობის, მეორე მხრივ კი, გაზრდილი საჯარიმო სანქციების შედეგია, რასაც შემაკავებელი ეფექტი აქვს.

მსოფლიო • 1765949917

The New York Times: აშშ ევროპულ ტექნოლოგიურ კომპანიებს რეგულაციებთან დაკავშირებული დავის ფონზე სანქციებით ემუქრება

სოციალურ ქსელში გამოქვეყნებულ პოსტში, აშშ-ის ოფიციალურმა პირებმა, ევროკავშირი, ამერიკული ტექნოლოგიური კომპანიების დისკრიმინაციისთვის გააკრიტიკეს და ევროპული ტექნოლოგიური კომპანიების დაჯარიმებით დაემუქრნენ. ინფორმაციას The New York Times ავრცელებს.გამოცემის ინფორმაციით, ეს განცხადება აშშ-ევროკავშირის სავაჭრო ურთიერთობებში უფრო დაძაბული პერიოდის დაწყებაზე მიანიშნებს იმ ფონზე, როცა ორივე მთავრობა წელს გამოცხადებული სავაჭრო ჩარჩოს დასრულებაზე მუშაობს. შეერთებული შტატები ევროპას მოუწოდებს, ამერიკული კომპანიებისთვის საკუთარი ტექნოლოგიური სექტორი უფრო მეტად გახსნას. თუმცა, აშშ-ის ოფიციალური პირები ჩივიან, რომ ევროკავშირს უკან არ დაუხევია კომპანიების საქმიანობის ფართო რეგულაციების დაწესების მხრივ და ამავე დროს, აგრძელებს ისეთი მსხვილი ამერიკული ტექნოლოგიური კომპანიების  მიმართ გამოძიებას, როგორიცაა Google, X, Amazon და Meta.სოციალურ მედიაში გამოქვეყნებულ პოსტში, შეერთებული შტატების სავაჭრო წარმომადგენლის ოფისმა, რომელიც ამ მოლაპარაკებებს აწარმოებს, განაცხადა, რომ ევროკავშირი და მისი ზოგიერთი წევრი სახელმწიფო ამერიკული კომპანიების წინააღმდეგ "დისკრიმინაციული და შემავიწროებელი სარჩელების, გადასახადების, ჯარიმებისა და დირექტივების უწყვეტ პოლიტიკას" აგრძელებენ.აშშ წლების განმავლობაში, ამ საკითხებთან დაკავშირებით, ევროკავშირთან შეშფოთებას გამოხატავდა, თუმცა, „მნიშვნელოვანი ჩართულობის გარეშე“, ამავდროულად, ევროპულ კომპანიებს შეერთებულ შტატებში თავისუფლად მოქმედების საშუალებას აძლევდა, ნათქვამია განცხადებაში. თუ ევროკავშირი ამ პოლიტიკას გააგრძელებს, შეერთებულ შტატებს „სხვა გზა არ ექნება გარდა იმისა, რომ გამოიყენოს მის ხელთ არსებული ყველა ინსტრუმენტი ამ არაგონივრული ზომების წინააღმდეგ საბრძოლველად“, - განაცხადა აშშ-ის სავაჭრო წარმომადგენლის ოფისმა (U.S.T.R.). შესაძლო ზომებს შორის კი დასახელდა მომსახურების სფეროში მოქმედი კომპანიებისთვის დაწესებული საკომისიოები და შეზღუდვები, ასევე აღინიშნა, რომ იგივე მიდგომა გამოყენებული იქნება იმ სხვა ქვეყნების მიმართაც, რომლებიც ევროპის სტრატეგიას გაიზიარებენ.პოსტში გამოკვეთილი იყო პოტენციური ევროპული მომსახურების მიმწოდებლები, რომლებიც შესაძლოა სამიზნედ იქცნენ; ჩამონათვალში შედიოდნენ Accenture, DHL, Mistral, SAP, Siemens და Spotify, სხვებთან ერთად.New York Times-ის ცნობით, ამერიკელი ოფიციალური პირები დიდი ხანია უკმაყოფილებას გამოთქვამენ ევროკავშირის, როგორც ტექნოლოგიური ინდუსტრიის ყველაზე აგრესიული რეგულატორის როლის გამო, თუმცა, ასეთი პირდაპირი საპასუხო ზომებით მუქარით, ტრამპის ადმინისტრაცია გაცილებით შორს მიდის, რათა ბრიუსელში ოფიციალური პირები უკან დახევაზე დაიყოლიოს.„ჩვენ, ევროკავშირი, გავაგრძელებთ ჩვენი წესების სამართლიანად და დისკრიმინაციის გარეშე აღსრულებას“, -  ციტირებს გამოცემა ევროკომისიის წარმომადგენლის, თომას რენიეს სიტყვებს, რომელმაც დასძინა, რომ ბლოკი „გააგრძელებს თანამშრომლობას“ შეერთებულ შტატებთან მათი სავაჭრო შეთანხმების განხორციელებასთან დაკავშირებით."ბოლო თვეების განმავლობაში ევროპის ხელისუფლებამ გამოთქვა მზადყოფნა, შეამსუბუქოს ტექნოლოგიების გარკვეული რეგულირება ეკონომიკური ზრდის ხელშესაწყობად და ხელოვნური ინტელექტის განვითარების წახალისების მიზნით. თუმცა, ევროკავშირის ოფიციალურმა პირებმა ნაკლები გახსნილობა გამოავლინეს სოციალურ მედიასთან და ანტიკონკურენტულ ქცევასთან დაკავშირებული ძირითადი რეგულაციების შეცვლის მიმართ, რომლებიც ხშირად ამერიკელების საჩივრების ცენტრშია.პრეზიდენტმა ტრამპმა და ადმინისტრაციის სხვა ოფიციალურმა პირებმა ამ თვეში გააკრიტიკეს ბლოკი მას შემდეგ, რაც მისმა მარეგულირებლებმა ილონ მასკის საკუთრებაში არსებული სოციალური მედიის პლატფორმა X დაახლოებით 140 მილიონი დოლარით დააჯარიმეს ციფრული გამჭვირვალობის წესების დარღვევისთვის. X-ის კიდევ ერთმა გამოძიებამ, შესაძლოა, დამატებითი ჯარიმები და სასჯელები გამოიწვიოს. „ევროპა ძალიან ფრთხილად უნდა იყოს“, - განაცხადა ტრამპმა გასულ კვირას," - წერს The New York Times.გამოცემის ინფორმაციით, ბოლო კვირების განმავლობაში ბრიუსელის ხელისუფლებამ დაიწყო ახალი გამოძიება კომპანიების, მათ შორის Google-ის, Microsoft-ის, Amazon-ის და Meta-ს მიმართ. ეს ემატება მილიარდობით ჯარიმას, რომელიც ბოლო ათწლეულის განმავლობაში ამერიკული ტექნოლოგიური გიგანტების წინააღმდეგ ანტიმონოპოლიური, ციფრული კონფიდენციალურობისა და საგადასახადო წესების დარღვევისთვის იქნა დაკისრებული.ეს ამბავი ტრანსატლანტიკური ურთიერთობებისთვის რთულ მომენტში მოხდა. მიუხედავად იმისა, რომ შეერთებული შტატები და ევროპა ისტორიულად მჭიდრო მოკავშირეები იყვნენ, გასულ წელს ეს ურთიერთობა განსაკუთრებულად დაიძაბა." - აღნიშნულია სტატიაში.https://www.nytimes.com/2025/12/16/business/economy/us-eu-tech-penalties.html