ჯაღმაიძე

დეტალურ ახსნებს ვერ დავიწყებ რიგი მიზეზების გამო, უბრალოდ, სიმართლე იმაში მდგომარეობს, რომ... - რის შესახებ საუბრობს ანდრია ჯაღმაიძე

საქართველოს პატრიარქის საახალწლო მილოცვასთან დაკავშირებით საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე განმარტებას აკეთებს. როგორც ჯაღმაიძე სოციალურ ქსელში წერს, მას და საზოგადოებასთან ურთიერთობის სამსახურს პატრიარქის მილოცვასთან არაფერი აკავშირებთ და მიიჩნევს, რომ ვიდეოზე, სულ მცირე, მითითებული უნდა ყოფილიყო, რომ მონტაჟია."პატრიარქის საახალწლო მილოცვასთან დაკავშირებით ზოგი ადამიანი "საპატრიარქოს საზოგადოებასთან ურთიერთობის სამსახურს" იხსენიებს აუგად. დეტალურ ახსნებს ვერ დავიწყებ რიგი მიზეზების გამო, უბრალოდ, სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს. ამასთანავე, რადგან ასეთი სახის დამონტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ, მითითებული უნდა ყოფილიყო, რომ ეს არის მონტაჟი და არა ორიგინალი", - წერს ანდრია ჯაღმაიძე სოციალურ ქსელში.

საზოგადოება • 1735936797

"დეტალურ ახსნებს ვერ დავიწყებ რიგი მიზეზების გამო, სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს" - ანდრია ჯაღმაიძე პატრიარქის ვიდეომილოცვის მონტაჟთან დაკავშირებით

პატრიარქის საახალწლო მილოცვასთან დაკავშირებით ზოგი ადამიანი საპატრიარქოს საზოგადოებასთან ურთიერთობის სამსახურს იხსენიებს აუგად, ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე სოციალურ ქსელში წერს.მისი თქმით, დეტალურ ახსნას ვერ დაიწყებს რიგი მიზეზების გამო, "უბრალოდ სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს"."ამასთანავე, რადგან ასეთი სახის დამონტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ მითითებული უნდა ყოფილიყო, რომ ეს არის მონტაჟი და არა ორიგინალი", - წერს ჯაღმაიძე.

საზოგადოება • 1734093609

ის, რაც დღეს ვაკის მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს - ანდრია ჯაღმაიძე

დღეს ისმის კატეგორიული მოთხოვნა მოყვასისადმი, ჩემს შეხედულებას თუ არ იზიარებ, ქვეყნის მტერი ხარ, ესეც ძალიან ჰგავს, „ხალხის მტრებად“ გამოცხადების კამპანიას უახლეს წარსულში, - წერს საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე სოციალურ ქსელში.მისი თქმით, რამდენადაც სწორად არ უნდა ეჩვენებოდეს ვინმეს საკუთარი პოზიცია, ეთიკისაგან სრულიად დაცლილი მეთოდით მოქმედება, სიკეთეს ვერ მოუტანს ქვეყანას.„ის, რაც დღეს ვაკის მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს.დღეს ისმის კატეგორიული მოთხოვნა მოყვასისადმი – ჩემს შეხედულებას თუ არ იზიარებ, ქვეყნის მტერი ხარ, ესეც ძალიან ჰგავს, „ხალხის მტრებად“ გამოცხადების კამპანიას უახლეს წარსულში.დღეს გავრცელდა საქართველოს კათოლიკოს-პატრიარქის მოწოდება ურთიერთპატივისცემასა და ურთიერთსიყვარულის შესახებ, მეტი სიყვარული და წინდახედულობა გვმართებს.ყველანი უნდა შევებრძოლოთ სიძულვილს და არა ერთმანეთს. მთავარი მტერი კაცობრიობისა არის ურთიერთგაუტანლობა. სიყვარულის მქადაგებელი ანდრია პირველწოდებული იყოს ჩვენი მფარველი“, - წერს ჯაღმაიძე.

საზოგადოება • 1734093335

დღეს ისმის კატეგორიული მოთხოვნა მოყვასისადმი - ჩემს შეხედულებას თუ არ იზიარებ, ქვეყნის მტერი ხარ, ძალიან ჰგავს, „ხალხის მტრებად" გამოცხადების კამპანიას უახლეს წარსულში - ანდრია ჯაღმაიძე

რამდენადაც სწორად არ უნდა ეჩვენებოდეს ვინმეს საკუთარი პოზიცია, ეთიკისაგან სრულიად დაცლილი მეთოდით მოქმედება, სიკეთეს ვერ მოუტანს ქვეყანას, - წერს სოციალურ ქსელში საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე„ის რაც დღეს ვაკის მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს.დღეს ისმის კატეგორიული მოთხოვნა მოყვასისადმი - ჩემს შეხედულებას თუ არ იზიარებ, ქვეყნის მტერი ხარ, ესეც ძალიან ჰგავს, „ხალხის მტრებად" გამოცხადების კამპანიას უახლეს წარსულში.დღეს გავრცელდა საქართველოს კათოლიკოს პატრიარქის მოწოდება ურთიერთ პატივისცემასა და ურთიერთ სიყვარულის შესახებ, მეტი სიყვარული და წინდახედულობა გვმართებს.ყველანი უნდა შევებრძოლოთ სიძულვილს და არა ერთმანეთს. მთავარი მტერი კაცობრიობისა არის ურთიერთგაუტანლობა.სიყვარულის მქადაგებელი ანდრია პირველწოდებული იყოს ჩვენი მფარველი!“, - წერს ანდრია ჯაღმაიძე.

საზოგადოება • 1733614974

"დღეს საღამოს ვიხილეთ ფიზიკური ანგარიშსწორების უმძიმესი კადრები, რომელმაც მთელი საზოგადოების ყურადღება მიიპყრო" - დეკანოზი ანდრია ჯაღმაიძე

"უკანასკნელ პერიოდში საზოგადოებაში ურთიერთსიძულვილის ენამ და დაუნდობელმა დაპირისპირებამ გადაფარა საღი აზრი და ერთობის გრძნობა. ეს საერთო პრობლემად უნდა აღიქმებოდეს და ერთად ვფიქრობდეთ ამის გამოსწორებაზე. დღეს საღამოს ვიხილეთ ფიზიკური ანგარიშსწორების უმძიმესი კადრები, რომელმაც მთელი საზოგადოების ყურადღება მიიპყრო," - ამის შესახებ დეკანოზი ანდრია ჯაღმაიძე სოციალურ ქსელში წერს.როგორც ის აღნიშნავს, ქალაქის ქუჩებში ნიღბიან, ამოუცნობ პირთა ჯგუფის მხრიდან სასტიკი, ფიზიკური ანგარიშსწორება მოქალაქეებზე, მით უმეტეს ჟურნალისტებზე, სახიფათო ნიშანია სამოქალაქო ცხოვრებაში."უკანასკნელ პერიოდში საზოგადოებაში ურთიერთ სიძულვილის ენამ და დაუნდობელმა დაპირისპირებამ გადაფარა საღი აზრი და ერთობის გრძნობა. ეს საერთო პრობლემად უნდა აღიქმებოდეს და ერთად ვფიქრობდეთ ამის გამოსწორებაზე. დღეს საღამოს ვიხილეთ ფიზიკური ანგარიშსწორების უმძიმესი კადრები, რომელმაც მთელი საზოგადოების ყურადღება მიიპყრო.მრავალი ვერსია ისმის მომხდარის შესახებ, თუმცა საბოლოოდ, რაც არ უნდა გაირკვეს, ქალაქის ქუჩებში ნიღბიან, ამოუცნობ პირთა ჯგუფის მხრიდან სასტიკი, ფიზიკური ანგარიშსწორება მოქალაქეებზე, მით უმეტეს ჟურნალისტებზე, სახიფათო ნიშანია სამოქალაქო ცხოვრებაში.თავისი სიმძიმით, ეს ფაქტი სცილდება პოლიტიკური შეხედულებების მიმართ განსხვავებულობას, სრულიად აპოლიტიკური საზოგადოების შეშფოთებასაც იწვევს და ზოგადად აჩენს დაუცველობის განცდას.სახელმწიფოს ვალდებულებაა, შეძლოს ყველა ზომის მიღება, იმისათვის რომ მოხდეს ფაქტის სწრაფი გამოძიება და სრულიად გამოირიცხოს მსგავსი შემთხვევის განმეორება მომავალში.ვფიქრობ, ჩვენ, საზოგადოებას გვმართებს, მეტი მოთმინება ერთმანეთისადმი, თითოეულმა უნდა ვიზრუნოთ დაძაბულობის ჩაცხრობაზე, ნუ წავაქეზებთ ჩვენს შვილებს ერთმანეთის წინააღმდეგ. ყოველი სიძულვილით ნათქვამი სიტყვა, ჩვენს გარემოშივე ითესება და უკანვე გვიბრუნდება ამა თუ იმ სახით. იესო ქრისტე გვასწავლის ერთმანეთის სიმძიმის ტვირთვას. ღვარძლს ნუ დავთესავთ, თორემ ამასვე მოვიმკით.ჩემი თაობა შიშით ვუყურებთ წარსულს და გვახსოვს დედაქალაქში სამოქალაქო ომის დღეები, ოჯახების დაყოფა, ძმების დაპირისპირება, რომლის შედეგებიც წლების განმავლობაში არ განელებულა. დღეს ურთიერთგაუტანლობა საზოგადოებაში იმაზე ნაკლები არაა. რაღაცამ უნდა დაგვაფიქროს, ვიკმაროთ ამ მიმართულებით სვლა.დღეს ზედმეტია თავის მართლების და რადიკალური პოზიციის დაკავება. რაც არ უნდა სხვაობა იყოს შეხედულებებში. როგორ ვართ მართალები, თუ ერთმანეთისადმი გამოქვაბულის სიძულვილი გვიპყრობს?პასუხისმგებლიანი საზოგადოება ერთმანეთზე ზრუნვის ნიშნებს არ უნდა კარგავდეს.ღმერთმა ინებოს მშვიდობა ჩვენს საზოგადოებაში, ჩვენს ქვეყანაში,სიყვარული ყოველთვის იმარჯვებს", - წერს მამა ანდრია ჯაღმაიძე.

პოლიტიკა • 1733307405

ამერიკის საელჩო აფრთხილებს თავის მოქალაქეებს „მოერიდეთ საპროტესტო ზონებს“ და თქვენ რას მოუწოდებთ ჩვენს შვილებს, სკოლის მოსწავლეებს? - ანდრია ჯაღმაიძე სალომე ზურაბიშვილს მიმართავს

საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე სოციალურ ქსელში სალომე ზურაბიშვილს მიმართავს.როგორც მან აღნიშნა, ამერიკის საელჩო თავის მოქალაქეებს აფრთხილებს მოერიდონ საპროტესტო ზონებს, მაშინ როცა ზურაბიშვილი სკოლის მოსწავლეებს საპირისპიროს მოუწოდებს.„ქალბატონო ... ამერიკის საელჩო აფრთხილებს თავის მოქალაქეებს, "დიდი მასები არაპროგნოზირებადია", "ძალადობა... შეიძლება მოხდეს გაფრთხილების გარეშე" , "მოერიდეთ საპროტესტო ზონებს" და თქვენ რას მოუწოდებთ ჩვენს შვილებს, სკოლის მოსწავლეებს?“ – წერს ანდრია ჯაღმაიძე.

საზოგადოება • 1733219918

ანდრია ჯაღმაიძე სალომე ზურაბიშვილს: ქალბატონო ..... , სკოლების შემდეგ იმედია საბავშვო ბაღებს არ მოუწოდებთ საპროტესტო აქციებში მონაწილეობისკენ

საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე პრეზიდენტ სალომე ზურაბიშვილს პასუხობს.„ქალბატონო ..... , სკოლების შემდეგ იმედია საბავშვო ბაღებს არ მოუწოდებთ საპროტესტო აქციებში მონაწილეობისკენ“, - წერს ანდრია ჯაღმაიძე სოციალურ ქსელში.

პოლიტიკა • 1729943485

დეკანოზი ანდრია: ვუსურვებ საქართველოს კეთილ მომავალს, მშვიდობას და ვუსურვებ, რომ ღირებულებები, რაც ჩვენთვის ძალიან მნიშვნელოვანია, იყოს ძალიან მყარად ჩვენს ცნობიერებაში

საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრიამ (ჯაღმაიძე) საკუთარი არჩევანი უკვე დააფიქსირა.მისივე თქმით, არჩევნები არის უნიკალური შემთხვევა, როდესაც თითოეულ მოქალაქეს შეუძლია ქვეყნის მომავლისთვის წვლილი შეიტანოს, არჩევანი გააკეთოს და ამ არჩევანის მიხედვით შემდგომ ქვეყანაში მოვლენები განვითარდეს.„ძალიან მნიშვნელოვანია, რომ დღეს არჩევნებში ბევრი ხალხი მონაწილეობს. ვუსურვებ საქართველოს კეთილ მომავალს, მშვიდობას და ვუსურვებ, რომ ღირებულებები, რაც ჩვენთვის ძალიან მნიშვნელოვანია, იყოს ძალიან მყარად ჩვენს ცნობიერებაში და მომავალი თაობის ცნობიერებაში“, - აღნიშნა მამა ანდრიამ.

პოლიტიკა • 1726577767

პარტია „გირჩმა“ საარჩევნო სია წარადგინა

პარტია „გირჩმა“ საარჩევნო სია წარადგინა. სიის პირველ ნომრად იაგო ხვიჩია დასახელდა.საარჩევნო სია სულ 25 ადამიანისგან შედგება. ესენი არიან: 1. იაგო ხვიჩია; 2. ალექსანდრე რაქვიაშვილი; 3. ვახტანგ მეგრელიშვილი; 4. ჰერმან საბო; 5. გიორგი ჭაუჭიძე; 6. ლევან ჯგერენაია; 7. მალხაზ ჭანია; 8. ეკა ონიანი; 9. უჩა ბარბაქაძე; 10. რუსკა აბუაშვილი; 11. ნიკა ნადირაძე; 12. ზურა ბუხნიკაშვილი; 13. ოთარ ზაკალაშვილი; 14. ლუკა ცისკარიშვილი; 15. ნოდარ სირბილაძე; 16. ავთო ლაბაძე; 17. აბესალომ დაბახიშვილი; 18. ბექა მუზაშვილი; 19. ბექა ზანდუკელი; 20. თორნიკე მითაიშვილი; 21. დავით წურწუმია; 22. ნიკა ციცქიშვილი; 23. ნინო ჯაღმაიძე; 24. ავთანდილ ჩხეტია; 25. ვლადიმერ გიგოლაშვილი.როგორც პარტიაში განაცხადეს, საარჩევნო სია მათმა მხარდამჭერებმა და პარტიის წევრებმა შეადგინეს, ამისთვის კი პრაიმერიზი ჩატარდა.პარტიაში განმარტავენ, რომ სიაში მოხვდა ყველა ის ადამიანი, რომელმაც თავად გამოხატა სურვილი საკანონმდებლო ორგანოში პარტია „გირჩს“ წარმოადგენდეს. ამასთან, „გირჩმა“ კიდევ ერთხელ განაცხადა, რომ პარტია არჩევნებზე დამოუკიდებლად გავა.

საზოგადოება • 1725288208

დღევანდელ რეალობაში ეკლესიას აქვს ძალიან აქტიური ჩართულობა საზოგადოებრივ ცხოვრებაში და კონსტიტუციაში ასეთი ჩანაწერის გაკეთება იქნება ფაქტის კონსტატაცია - ანდრია ჯაღმაიძე

დღევანდელ რეალობაში ეკლესიას აქვს ძალიან აქტიური ჩართულობა საზოგადოებრივ ცხოვრებაში და ასეთი ჩანაწერის გაკეთება იქნება ფაქტის კონსტატაცია, - განაცხადა „დღის ქრონიკაში“ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ.„ჩვენ ბოლო პერიოდში ისეთ ეპოქაში ვცხოვრობთ, სადაც ფასეულობათა ცვლის ძალიან დიდი დინამიკა გვაქვს და ეკლესიას უხდება ხელჩართული ბრძოლა იმისათვის, რომ არ მოხდეს რადიკალური ჩანაცვლება. ღირებულებების და ფასეულობების. დღევანდელ რეალობაში ეკლესიას აქვს ძალიან აქტიური ჩართულობა საზოგადოებრივ ცხოვრებაში და ასეთი ჩანაწერი იქნება ფაქტის კონსტატაცია. ჩანაწერში, რომელიც გაკეთდა კონსტიტუციური შეთანხმების დროს, ვერ მოხერხდა ჩაწერა და აღნიშვნა იმის, რომ ეკლესიას აქვს თანამედროვე ცხოვრებაშიც მნიშვნელოვანი ფუნქცია. იქ მხოლოდ აქცენტი იყო გაკეთებული ისტორიულ მნიშვნელობაზე და მაშინ იყო სურვილი ამის ჩაწერის, თუმცა, გარემოებებმა შეუშალა ხელი. დღეს ამის ჩაწერა იქნება აღიარება, კონსტატაცია რეალობისა“,- აღნიშნა ჯაღმაიძემ.

საზოგადოება • 1725288050

ანდრია ჯაღმაიძე მოსაზრებაზე მართლმადიდებლობის სახელმწიფო რელიგიად გამოცხადების შესახებ: თავდაპირველად ჩვენთან შეთავაზება სწორედ ამ ფორმით შემოვიდა, თუმცა ეს არ ყოფილა რაიმე კატეგორიული მოთხოვნა, არც უალტერნატივო ფორმა

თავდაპირველად ჩვენთან შეთავაზება სწორედ ამ ფორმით შემოვიდა, თუმცა ეს არ ყოფილა რაიმე კატეგორიული მოთხოვნა, არც უალტერნატივო ფორმა, - განაცხადა „დღის ქრონიკაში“ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ.წამყვანმა მას ჰკითხა, ვიდრე საკონსტიტუციო ცვლილებებზე მოხდებოდა საპატრიარქოსა და ხელისუფლებას შორის შეთანხმება, არსებობდა მოსაზრება მართლმადიდებლობის სახელმწიფო რელიგიად გამოცხადების შესახებ და იყო თუ არა დისკუსიის საგანი ეს საკითხი.„თავდაპირველად ჩვენთან შეთავაზება სწორედ ამ ფორმით შემოვიდა, ოღონდ კარგად უნდა გავიაზროთ, რომ ეს არ ყოფილა რაიმე კატეგორიული მოთხოვნა, არც უალტერნატივო ფორმა. ყველა იმ პირობამ, რაც ბოლო პერიოდში ეკლესიის გარშემო მიმდინარეობს, განაპირობა სახელმწიფოს მხრიდან მსგავსი ინიციატივა. მხედველობაში მაქვს ეკლესიის წინააღმდეგ ცილისმწამებლური, მიზანმიმართული, დისკრედიტაციული კამპანია, რომელიც წლების განმავლობაში მიმდინარეობს. ლგბტ პროპაგანდის ინტენსიურ ხაზს ვხედავთ ეკლესიის ოპონენტების მხრიდან და განმსაზღვრელი აღმოჩნდა ეს ხაზი ეკლესიასა და ნაწილ არასამთავრობოებს, თუ პოლიტიკურ პარტიებს შორის. ალბათ ეს გარემოებები გახდა მიზეზი, რომ სახელმწიფოს გადმოედგა ეს ნაბიჯი. როდესაც დიალოგი შედგა ხელისუფლებასთან, სრულიად ცხადი გახდა, რომ უალტერნატივო არ იყო ეს შეთავაზება, ეს იყო შეკითხვის სახით დასმული - ხომ არ იქნებოდა მიზანშეწონილი და რას ფიქრობდა ამაზე მართლმადიდებლური ეკლესია რომ ასეთი ჩანაწერი გაკეთებულიყო. მსჯელობის შემდეგ, მღვდელმთავრების, სპეციალისტების ჩართულობით, ხელისუფლებასთან კონსულტაციის შემდგომ, შეირჩა სხვა ფორმა. ეს ფორმაც საბოლოოდ ჩამოყალიბებული არ არის, პრინციპებზე შევჯერდით ხელისუფლებასთან და შეიძლება ითქვას, რომ ეს კონსულტაციები იმ მხრივ, რომ პრინციპები შეირჩა, შედეგიანი იყო“, - აღნიშნა ჯაღმაიძემ.მართლმადიდებლობისა და მართლმადიდებელი ეკლესიის კონსტიტუციური სტატუსის კიდევ უფრო გამყარებას საპატრიარქოს სრული მხარდაჭერა აქვს. პროტოპრესვიტერმა გიორგი ზვიადაძემ განაცხადა, რომ პრემიერ-მინისტრთან და უმრავლესობის ლიდერთან ძალიან ნაყოფიერი და საქმიანი შეხვედრა გაიმართა. მისი თქმით, მმართველი გუნდის ინიციატივა ერთმნიშვნელოვნად იყო მხარდაჭერილი, გადაწყვეტილებას წმინდა სინოდის წევრები მიესალმებიან.

საზოგადოება • 1725287913

სახელმწიფომ თუ გადაწყვიტა, რომ საჭირო არის ეროვნული ფასეულობების დაცვა და ქრისტიანული ღირებულებების კიდევ უფრო გამყარება, გასაგები არის რა სარგებელი ექნება სახელმწიფოს, ეს უნდა იყოს ერის კიდევ უფრო გაძლიერება - ანდრია ჯაღმაიძე

განსაკუთრებით მნიშვნელოვანი არის ფასეულობების დაცვის ხაზი, რასაც ატარებს ხელისუფლება. ვფიქრობ, რომ სწორედ ეს არის ის ფონი, რაზეც უნდა განვიხილოთ ეს შემოთავაზება, - განაცხადა საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ „დღის ქრონიკასთან“ საუბრისას.წამყვანმა მას ჰკითხა, თუ რა სარგებელს მიიღებს სახელმწიფო, თუ კი კონსტიტუციაში მართლმადიდებლობის, როგორც ქართული სახელმწიფოს თვითმყოფადობის საყრდენის მისია მკაფიოდ აისახება. ანდრია ჯაღმაიძის განცხადებით, ეს ნიშნავს ერის კიდევ უფრო გაძლიერებას.„სახელმწიფო უნდა ზრუნავდეს ერის ერთობაზე და უნდა ზრუნავდეს ერის ღირებულებების საბაზისო, აი ამ მოცემულობების შენარჩუნებაზე, გამყარებაზე და კიდევ უფრო ფართოდ გაშლაზე. ბოლო პერიოდში, სახელმწიფოს პოლიტიკას ჩვენ ვადევნებთ თვალს, განსაკუთრებით მნიშვნელოვანი არის ფასეულობების დაცვის ხაზი, რასაც ატარებს ხელისუფლება. ვფიქრობ, რომ სწორედ ეს არის ის ფონი, რაზეც უნდა განვიხილოთ ეს შემოთავაზება. თუ სახელმწიფომ მიიჩნია მნიშვნელოვნად, რომ აი ამ პერიოდში, როდესაც ფასეულობათა აი ასეთი ცვლილებების პერიოდში ვართ, ასეთ ჭიდილში, შეხედულებების მსოფლმხედველობების აი ასეთ განსხვავებულ ფონზე, სახელმწიფომ თუ გადაწყვიტა, რომ საჭირო არის ეროვნული ფასეულობების დაცვა და ქრისტიანული ღირებულებების კიდევ უფრო გამყარება, მაშინ სრულიად გასაგები არის რა სარგებელი ექნება სახელმწიფოს. ეს უნდა იყოს ერის კიდევ უფრო გაძლიერება“, - განაცხადა ანდრია ჯაღმაიძემ.