ჯაღმაიძე

საპატრიარქო მცხეთა-თბილისის ეპარქიული კომისიის დასკვნას აქვეყნებს

საქართველოს საპატრიარქოს ეპარქიული კომისია შუამდგომლობით მიმართავს სრულიად საქართველოს კათოლიკოს-პატრიარქს, უწმინდესსა და უნეტარესს, ილია მეორეს, რათა არქიმანდრიტი დოროთე (ყურაშვილი) კომისიის უგულებელყოფის, შეურაცხყოფისა და კვლავ არასაპატიო მიზეზით გამოუცხადებლობის გამო, გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში.ამის შესახებ საპატრიარქოს მიერ გავრცელებულ განცხადებაშია ნათქვამი.„2025 წლის 29 ოქტომბერს საქართველოს საპატრიარქოში გაიმართა მცხეთა-თბილისის ეპარქიული კომისიის სხდომა. მცხეთა-თბილისის ეპარქიულმა კომისიამ კვლავ განიხილა ქვემო ბეთლემის მაცხოვრის შობის სახელობის ტაძრის წინამძღვრის, არქიმანდრიტ დოროთეს (ყურაშვილი) საკითხი. როგორც საზოგადოებისთვის ცნობილია, არქიმანდრიტი დოროთე (ყურაშვილი) მიმდინარე წლის 16 ოქტომბერს დაბარებული იყო მცხეთა-თბილისის ეპარქიულ კომისიაზე, სადაც მღვდელმთავრებთან შეხვედრისა და გასაუბრების საშუალება მიეცემოდა, მაგრამ იგი არასაპატიო მიზეზით არ გამოცხადდა. აღნიშნულის საფუძველზე, მას გამოეცხადა მკაცრი გაფრთხილება, ხოლო ახსნა-განმარტებისთვის განმეორებით დაბარებულ იქნა კომისიაზე მიმდინარე წლის 29 ოქტომბერს, რაზეც მან თავისი პირობები წამოაყენა, რომ კომისიას მხოლოდ მედიასაშუალებების თანხლებით დაესწრებოდა. ამ მოთხოვნაზე კომისიამ მას უარი განუცხადა და განმარტა, რომ ასეთი ფორმატით კომისიის სხდომის გამართვა არის უპრეცედენტო და მიუღებელი. აღნიშნული პირობის არდაკმაყოფილების საფუძველზე, არქიმანდრიტი დოროთე (ყურაშვილი) კვლავ არ დაესწრო სხდომას, რაც კომისიის წევრებმა არასაპატიო მიზეზად მიიჩნიეს. აღსანიშნავია, რომ არქიმანდრიტი დოროთე (ყურაშვილი), როგორც პირველი, ისე მეორე დაბარების შემდეგ, ეკლესიის იერარქიისა და თავად კომისიის წევრების მისამართით შეურაცხმყოფელ და ცილისმწამებლურ განცხადებებს კვლავ აგრძელებს. თვალსაჩინოებისთვის მისი საუბრებიდან მოგვყავს შესაბამისი ციტატები: „ეკლესიას ძაან უნდა გახარებოდა... და ძალიან უნდა მოწონებოდა სახელმწიფოს, რომ მე ხალხი თუნდაც პოლიციელები და თუნდაც მისი ხალხი რაღაცა მსხვერპლს გადავარჩინე და ძალიან გაბრაზდა ორივე და თურმე რატომ, მსხვერპლი უნდოდათ“. „მე ვწმენდ ეკლესიას სინდისს და ნამუსს, მე ვწმენდ ეკლესიას იმ უნამუსობას, რომელიც ზოგიერთს ჩაუდენია და გაუკეთებია თავისი მდუმარებით თუნდაც“. „როცა მღვდელს სხვა უფროსი ეყოლება, მერე ის აკეთებს იმის დავალებებს, რასაც ის უფროსი დაავალებს და არა ქრისტეს დავალებებს. აი, ამ დღეში ვართ, დღეს ჩვენ ეკლესიურად უფროსი გაუჩნდა, მიუხედავად იმისა, არცერთი სახელმწიფოებრივი სტატუსით არაფერი არაა თანამდებობა, მაგრამ სახელმწიფო მთავრობა გაიხადეს უფროსად და აქ უკვე გაქრა ის, რომ ქრისტეა ჩვენი უფროსი...“ „მე დღეს მსჯის რუსეთის ეკლესია და ბიძინა ივანიშვილი, ეს არის მათი დავალება...“ეპარქიულმა კომისიამ დასკვნის სახით დაადგინა, რომ არქიმანდრიტ დოროთეს (ყურაშვილი) მხრიდან კვლავ იკვეთება დისციპლინური და ზნეობრივი ხასიათის დარღვევები, კერძოდ: ცილისმწამებლური, ასევე მღვდლისა და მონაზვნისათვის შეუფერებელი სხვა ქმედებები.აღნიშნულიდან გამომიდინარე, ეპარქიულმა კომისიამ შუამდგომლობით მიმართა სრულიად საქართველოს კათოლიკოს-პატრიარქს, უწმინდესსა და უნეტარესს, ილია II-ს, რომ არქიმანდრიტი დოროთე (ყურაშვილი) კომისიის უგულებელყოფის, შეურაცხყოფისა და კვლავ არასაპატიო მიზეზით გამოუცხადებლობის გამო, რაც მოციქულთა 74-ე კანონით, წარმოადგენს მძიმე დისციპლინურ დარღვევას, ამ ეტაპზე სასჯელის სახით გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში, რომლის საძმოს წევრადაც ირიცხება,“- ნათქვამია განცხადებაში.მათივე ცნობით, სხდომას ესწრებოდნენ: 1. კომისიის თავმჯდომარე საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი); 2. სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე); 3. კომისიის მდივანი დეკანოზი მიქაელ ბოტკოველი (სრულიად საქართველოს კათოლიკოს-პატრიარქის მდივანი); 4. საქართველოს საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე; 5. დეკანოზი ლონგინოზ სუარიშვილი.

საზოგადოება • 1761579198

დეკანოზი ანდრია ჯაღმაიძე სოციალურ ქსელში დეკანოზ მიქაელ ბოტკოველის არქიმანდრიტ დოროთესადმი შეტყობინების ტექსტს ასაჯაროებს

ვასაჯაროებ პატრიარქის მდივნის დეკანოზ მიქაელ ბოტკოველის შეტყობინებას არქიმანდრიტ დოროთესადმი, რომელიც გაგზავნილ იქნა 25.10.2025, - წერს დეკანოზი ანდრია ჯაღმაიძე სოციალურ ქსელში.დეკანოზ მიქაელ ბოტკოველის არქიმანდრიტ დოროთესადმი გაგზავნილ შეტყობინების ტექსტში საუბარია, საპატრიარქოში გასამართ კომისიის სხდომაზე, რომელსაც არქიმანდრიტი დოროთე უნდა დაესწროს.„მამა დოროთე. გავეცანით თქვენს მომართვას კომისიისადმი და გატყობინებთ, რომ მსგავსი ფორმატით (ტელევიზიების მონაწილეობით) ეპარქიული კომისიის სხდომა, ვერ და არ გაიმართება, თქვენ ხართ მცხეთა-თბილისის ეპარქიის მღვდელმსახური და გევალებათ, ყოველგვარი წინა პირობების გარეშე, გამოცხადდეთ საქართველოს საპატრიარქოში“, - ნათქვამია შეტყობინების ტექსტში.

საზოგადოება • 1761575360

ანდრია ჯაღმაიძე: დოროთე (ყურაშვილი) საკმარისად განსწავლულია იმისათვის, რომ იცოდეს: მე არავის დასჯის უფლება არ მაქვს! სხვათა შორის, არც სურვილი მაქვს, ვიყო მსგავსი საქმით დაკავებული

დოროთე (ყურაშვილი) გამუდმებით იმეორებს, რომ მე ვიბარებ მას კომისიაზე, მსურს მისი დასჯა და ა.შ. თითქოს პირადად მე მაქვს მასთან რაიმე პრობლემა და არა კომისიას. ასეთი რიტორიკით კი საზოგადოება შეცდომაში შეჰყავს. იგი საკმარისად განსწავლულია იმისათვის, რომ იცოდეს: მე არავის დასჯის უფლება არ მაქვს! სხვათა შორის, არც სურვილი მაქვს, ვიყო მსგავსი საქმით დაკავებული, - წერს დეკანოზი ანდრია ჯაღმაიძე სოციალურ ქსელში.„ვფიქრობ, ეს ერთგვარი შეგნებული მცდელობაა პრობლემის დამცრობისა, პერსონალიზებისა და ვიწრო ჭრილში გადაყვანისა. მისი პრობლემა კი გულისხმობს საკმაოდ მძიმე ბრალდებებს, რომელთაც მან კომისიაზე უნდა უპასუხოს; რა შუაში ვარ აქ მე?ის ამბობს, რომ ჩვენს ეკლესიას დღესაც რუსეთი მართავს; ეთანხმება აზრს, რომ ეგზარქოსები არიან მმართველები; ირწმუნება, რომ ეკლესიას 4 ოქტომბერს სისხლის დაღვრა სურდა. ეს ნაწილია იმ საკითხებისა, რომლებზეც სთხოვს მას პასუხის გაცემას კომისია. ამიტომ არ უნდა შეიყვანოს საზოგადოება შეცდომაში, თითქოს ქვეყნის გადარჩენისთვის თავდადების გამო ებრძვის ვინმე და ესაა მიზეზი მისი კომისიაზე დაბარებისა.ზედმეტად პრიმიტიული ხრიკია, ასეთი მძიმე ბრალდებები არსებობდეს კომისიის მხრიდან და აცხადებდე, პატრიოტიზმისთვის ცდილობს ჩემს დევნას ერთი ადამიანიო.რაც შეეხება იმ საკითხს, რომ ინტერვიუში მას მოვუწოდე, ნუ ძალადობს და მორალური სიმაღლიდან ნუ გვასწავლის ჭკუას, ამას თავად მამა დოროთეს მრავალი გამონათქვამი მოწმობს. იგი თავად ყოფს საზოგადოებას ბნელ და ნათელ მხარეს მდგომებად, მოაზროვნეებად და არამოაზროვნეებად; ცდილობს, მორალურად დამცრობილად წარმოაჩინოს ის სასულიერო პირები და იერარქები, ვინც მის პოლიტიკურ შეხედულებებს არ იზიარებს და ვინც არ ფიქრობს მასავით.სხვათა შორის, შევახსენებ მამა დოროთეს, რომ პატრიარქმა არჩევნებში მონაწილეობაც მიიღო და გამარჯვებაც მიულოცა პარტიას, რომელმაც არჩევნებში გაიმარჯვა. ამიტომ ამ მხრივაც უხერხულია საზოგადოების მისეული დაყოფა ნათელსა და ბნელში მყოფებად. პირადი პოლიტიკური შეხედულებები, რა თქმა უნდა, მამა დოროთესაც შეიძლება ჰქონდეს, ოღონდ კორექტულადაა საჭირო საკუთარი აზრის გამოთქმა, კულტურული ადამიანი ამას უნდა ახერხებდეს.პირველ შეხვედრაზე სწორედ ეს აღვნიშნე და ვუთხარი არქიმანდრიტ დოროთეს, რომ თავისი აზრი და შეფასებები კორექტულად, სხვისი მორალურად დამუნათების მცდელობის გარეშე გამოეთქვა.ამ საუბრის ფრაგმენტების გასაჯაროებისასაც არაფერი მიანიშნებდა, რომ მამა დოროთე პოლიტიკური ცენზურისთვის დაიბარეს საპატრიარქოში. თუმცა მას შემდეგ იგი მაინც ამტკიცებს: არ უთქვამთ ეს, მაგრამ ამისთვის დამიბარესო. თუ არ უთქვამთ, რატომ ამტკიცებს საპირისპიროს და რატომ შეჰყავს საზოგადოება შეცდომაში, გაუგებარია.ადრე თუ გვიან საზოგადოება ალბათ სრულ ჩანაწერსაც გაეცნობა და აღარავის დარჩება სპეკულაციის საფუძველი.მე კი მამა დოროთეს მხოლოდ სიკეთეს ვუსურვებ და ვადასტურებ, რომ არანაირი პირადული ინტერესი მის მიმართ არ გამაჩნია“, - წერს დეკანოზი ანდრია ჯაღმაიძე.

განათლება • 1761286667

დიასპორისთვის ქართული ენის სწავლების გაძლიერების მიზნით ახალი ელექტრონული პლატფორმა შეიქმნა

საქართველოს განათლების, მეცნიერებისა და ახალგაზრდობის სამინისტროში ახალი პლატფორმის ,,ქართული ენა ემიგრანტებისთვის‘‘ პრეზენტაცია გაიმართა, რომელიც დიასპორისთვის ქართული ენის სწავლების გაძლიერებას შეუწყობს ხელს.პრეზენტაციაში საქართველოს განათლების, მეცნიერებისა და ახალგაზრდობის მინისტრმა გივი მიქანაძემ მიიღო მონაწილეობა, მან პროექტის შემუშავებაში ჩართულ ყველა მხარეს მადლობა გადაუხადა თანამშრომლობისთვის და საზღვარგარეთ მცხოვრებ ქართველ ბავშვებში ქართული ენისა და კულტურის პოპულარიზაციის კუთხით ახალი პლატფორმის მნიშვნელობაზე ისაუბრა.ელექტრონულ პლატფორმაზე, რომლის მიზანს დიასპორის საქართველოსთან დაახლოების ხელშეწყობა წარმოადგენს, მასწავლებელთა პროფესიული განვითარების ეროვნულმა ცენტრმა შექმნა. ამ ეტაპზე, დარეგისტრირებულია 73 ქვეყნის 2400-მდე მოსწავლე და 41 მასწავლებელი.პლატფორმაზე განთავსებულია მოსწავლის, მასწავლებლისა და საგანმანათლებლო რესურსების სექციები. პორტალი უზრუნველყოფს მსურველთა რეგისტრაციას პლატფორმაზე განთავსებული საგანმანათლებლო რესურსებით სარგებლობის, მასწავლებელთა მეთოდური მხარდაჭერის და დაინტერესებულ პირთა ინფორმირების მიზნით.ქართული ენის შესწავლის მსურველი მოსწავლეებისთვის გაკვეთილებს ატარებენ მასწავლებელთა პროფესიული განვითარების ეროვნული ცენტრის მიერ გადამზადებული სერტიფიცირებული მასწავლებლები.დიასპორისთვის ქართული ენის დისტანციური სწავლების მიმართულება, 2017 წლიდან ხორციელდება.პრეზენტაციაში მონაწილეობა მიიღეს განათლების, მეცნიერებისა და ახალგაზრდობის მინისტრის მოადგილეებმა თამარ მახარაშვილმა და ზვიად გაბისონიამ, საქართველოს შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ლია გიგაურმა, მასწავლებელთა პროფესიული განვითარების ეროვნული ცენტრის დირექტორმა ეკა ხუციშვილმა, საპატრიარქოს საზოგადოებასთან ურთიერთობის სამსახურის ხელმძღვანელმა ანდრია ჯაღმაიძემ, მოადგილე გურამ ჭარელიშვილმა და სხვა მოწვეულმა სტუმრება.

პოლიტიკა • 1760376861

დეკანოზი ანდრია ჯაღმაიძე: არქიმანრდიტ დოროთესგან ვერ მივიღეთ დასტური ხუთშაბათს დანიშნულ კომისიაზე გამოცხადების შესახებ - საპატიო მიზეზის გარეშე, ეპარქიის კომისიაზე გამოცხადებაზე უარის თქმა, არის დისციპლინარული გადაცდომა

საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე, არქიმანდრიტ დოროთე ყურაშვილის ეპარქიის კომისიაზე გამოცხადების შესახებ ინფორმაციას ავრცელებს.ანდრია ჯაღმაიძის ცნობით, ხუთშაბათს, დოროთე ყურაშვილთან დაკავშირებით კომისია გაიმართება, თუმცა, მისგან ვერ მიიღეს დასტური გამოცხადების შესახებ.“12 ოქტომბერს გასულ ინტერვიუში, არქიმანრდიტ დოროთეს გამონათქვამებთან დაკავშირებით მოსალოდნელ კომისიაზე ვისაუბრე. დღეს მისგან ვერ მივიღეთ დასტური ხუთშაბათს დანიშნულ კომისიაზე გამოცხადების შესახებ. ცნობისათვის, საპატიო მიზეზის გარეშე, ეპარქიის კომისიაზე გამოცხადებაზე უარის თქმა, არის დისციპლინარული გადაცდომა.” - წერს დეკანოზი ანდრია ჯაღმაიძე სოციალურ ქსელში.

პოლიტიკა • 1759673310

დეკანოზი ანდრია ჯაღმაიძე: არქიმანდრიტი დოროთე ყურაშვილი მოქმედებს საკუთარი შეხედულების მიხედვით და არა პატრიარქის კურთხევით

არქიმანდრიტი დოროთე ყურაშვილი მოქმედებს საკუთარი შეხედულების მიხედვით და არა პატრიარქის კურთხევით, - წერს სოციალურ ქსელში საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზმა ანდრია ჯაღმაიძე.„ხშირად ისმის შეკითხვა:- არქიმანდრიტი დოროთე ყურაშვილი, საპროტესტო მოძრაობაში ჩართვით, გამოხატავს თუ არა ქართული ეკლესიის პოზიციას?პასუხია: - არა, არქიმანდრიტი დოროთე ყურაშვილი მოქმედებს საკუთარი შეხედულების მიხედვით და არა პატრიარქის კურთხევით.4 ოქტომბრის საპატრიარქოს განცხადებაში, მისი ოფიციალური პოზიციაა ასახული, არქიმანდრიტი დოროთეს ქმედება კი მის შინაასთან მოდის წინააღმდეგობაში.საქართველოს საპატრიარქოს განცხადება:არჩევნებს, საერთოდ ყველგან და საქართველოშიც, დაძაბული ფონი ახლავს. სამწუხაროდ, ჩვენთან მუდმივად არის მცდელობა იმისაც, რომ ამ დაძაბულობაში სასულიერო პირებიც ჩართონ, რაც არასწორია.საქართველოს მართლმადიდებელი ეკლესია, როგორც ერის გამაერთიანებელი ძალა, არ შეიძლება პოლიტიკურ მხარედ წარმოჩინდეს; როგორც არაერთხელ გვითქვამს, ეკლესია ყოველთვის იყო და იქნება მშვიდობისა და ქრისტიანული ღირებულებების მხარდამჭერი და ემიჯნება რადიკალურ მოწოდებებსა და ისეთ ქმედებებს, რამაც შეიძლება დაპირისპირებას შეუწყოს ხელი.არჩევნები იმიტომ ტარდება, რომ ხალხმა თავისი ნება ამ საშუალებით გამოხატოს.ღმერთმა მშვიდობით აკურთხოს სრულიად საქართველო“, - წერს დეკანოზი ანდრია ჯაღმაიძე.

საზოგადოება • 1759494790

დეკანოზი ანდრია ჯაღმაიძე: შევძელით მოგვემზადებინა პროგრამა იმისათვის, რომ სასკოლო პროცესში შესაძლებელი ყოფილიყო საღვთო სიტყვის სასულიერო პირის მიერ შეტანა - ეს არის საუკეთესო, რაც შეიძლებოდა ეკლესიასა და სახელმწიფოს გაეკეთებინათ

წელს არის 1700 წლისთავი ქართლის მოქცევისა და სიმბოლურად ეს პროექტი სახელმწიფოსა და ეკლესიას შორის თანამშრომლობა აისახა ამ პროექტში და საქართველოში ქრისტიანობის გავრცელების და ქრისტიანული სიტყვის გავრცელების განახლება ასეთი სახით გვიწევს. მე მგონი, რომ ეს არის საუკეთესო რაც შეიძლებოდა ეკლესიასა და სახელმწიფოს ერთობლივად გაეკეთებინათ, - განაცხადა საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ სკოლებში ღირებულებითი განათლების კლუბების დაარსების შესახებ საუბრისას.დეკანოზის განცხადებით, აღნიშნული პროექტის განხორციელებაში ჩადებულია ძალიან დიდი შრომა, რომელიც დაეხმარება ადამიანს ცხოვრებისეულ სიტუაციებში შეძლოს სხვადასხვა ფასეულობების ამოცნობა.„ჩვენ ყველანი კარგად ვიაზრებთ, რომ ქრისტიანობა იმდენად ბევრ რამეს შეიცავს თავის თავში, იმდენად ძლიერი სიტყვაა, რომ საუკუნეების მანძილზე არ დარჩა არც ერთი სფერო, სადაც ქრისტიანული სიტყვა არ იყოს გაზავებული, კულტურა იქნება ეს, ხელოვნება, თუ მეცნიერება და დღევანდელ დღეს თუნდაც ურწმუნო ადამიანი კულტურულად რომ ჩაითვალოს საფუძვლები უნდა იცოდეს ქრისტიანული მოძღვრებისა, ქრისტიანული კულტურისა. ჩვენ ძალიან დიდი წყვეტის შემდეგ შევძელით მოგვემზადებინა პროგრამა და მოვმზადებულიყავით თავად, იმისათვის რომ სასკოლო პროცესში შესაძლებელი ყოფილიყო საღვთო სიტყვის სასულიერო პირის მიერ შეტანა და ქადაგება. ამას წინ უძღოდა ძალიან ბევრი ფიქრი, თუ რა სახით უნდა გაკეთებულიყო ეს, ძალიან ბევრი ექსპერიმენტი, რა იყო უფრო მოსახერხებელი მიგვეწოდებინა თანამედროვე ადამიანისთვის ისეთი ფორმით, რომ ეს არ ყოფილიყო არც მოსაბეზრებელი, არც ძნელად მოსასმენი, ყოფილიყო ზომიერი და მთავარი რაც არის ყოფილიყო ორიენტირებული გემოვნების ჩამოყალიბებაზე, რომ ადამიანს შეეძლოს ცხოვრებისეულ სიტუაციაში, ლიტერატურაში, ხელოვნებაში, კინემატოგრაფიაში, ამოიცნოს ის ფასეულობები, რომლებიც გაბნეულია და რომელიც ავტორის მიერ გადმოცემული არის სხვადასხვა ხერხით.გამზადებული ასეთი ინსტრუქცია არ არსებობდა და მხოლოდ გულითადი შრომა, მხოლოდ მამობრივი მზრუნველობა ჩვენს შვილებზე განაპირობებს იმას, რომ ამ მიმართულებით გვაქვს შედეგი“, - განაცხადა დეკანოზმა ანდრია ჯაღმაიძემ.

სამართალი • 1754391453

შსს-მ ოპოზიციის აქტივისტის განცხადებაზე, პოლიტიკოსების მკვლელობის მოწოდებასთან დაკავშირებით, გამოძიება დაიწყო

შინაგან საქმეთა სამინისტრომ რადიკალური ოპოზიციის აქტივისტის ფეისბუქ პოსტთან დაკავშირებით გამოძიება დაიწყო. უწყების ცნობით, გამოძიება სისხლის სამართლის კოდექსის 239-ე პრიმა მუხლით მიმდინარეობს, რაც ძალადობრივი ქმედებისკენ საჯაროდ მოწოდებას გულისხმობს.აქტივისტი მამუკა ჯუღელი პოლიტიკოსების მკვლელობის საჯარო მოწოდებით გამოვიდა, მან სოციალურ ქსელში სია გამოაქვეყნა.სიაში არიან: ბიძინა ივანიშვილი, ირაკლი კობახიძე, თეა წულუკიანი, შალვა პაპუაშვილი, გიორგი ვოლსკი, მამუკა მდინარაძე, კახა კალაძე, სოზარ სუბარი, შალვა რამიშვილი, ანდრია ჯაღმაიძე, ლევან მურუსიძე, მიხეილ ჩინჩალაძე, დიმიტრი გვრიტიშვილი, ირაკლი რუხაძე, გეკა გელაძე.

საზოგადოება • 1751142237

ილია მეორემ ახალი ბრძანება გამოსცა, რომელიც 1 ივლისიდან ამოქმედდება

ქრისტიანობის სახელმწიფო რელიგიად გამოცხადების (326წ.) 1700 წელთან დაკავშირებით 1 ივლისიდან საქართველოს საპატრიარქოს კომისია შეიქმნება.შესაბამისი ბრძანება, რომელსაც საქართველოს საპატრიარქო ავრცელებს, სრულიად საქართველოს კათოლიკოს-პატრიარქმა ილია II-მ გამოსცა.კომისიას ევალება, შეიმუშაოს საიუბილეო წლის პროგრამა.„ქრისტიანობის სახელმწიფო რელიგიად გამოცხადების (326წ.) 1700 წელთან დაკავშირებით ა.წ. 1 ივლისიდან შეიქმნას საქართველოს საპატრიარქოს კომისია შემდეგი შემადგენლობით:საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი),სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე),ჭიათურისა და საჩხერის მიტროპოლიტი დანიელი (დათუაშვილი),ნიქოზისა და ცხინვალის მიტროპოლიტი ისაია (ჭანტურია),მანგლისისა და თეთრიწყაროს მიტროპოლიტი ანანია (ჯაფარიძე),ურბნისისა და რუისის მიტროპოლიტი იობი (აქიაშვილი),აბბა ალავერდელი მიტროპოლიტი დავითი (მახარაძე),ფოთისა და ხობის მიტროპოლიტი გრიგოლი (ბერბიჭაშვილი),ახალქალაქისა კუმურდოსა და კარის მიტროპოლიტი ნიკოლოზი (ფაჩუაშვილი),ხონისა და სამტრედიის მიტროპოლიტი საბა (გიგიბერია),ზუგდიდისა და ცაიშის მიტროპოლიტი გერასიმე (შარაშენიძე),გორისა და ატენის მიტროპოლიტი ანდრია (გვაზავა),ქუთათელ-გაენათელი მიტროპოლიტი იოანე (გამრეკელი),ბოდბელი მთავარეპისკოპოსი იაკობი (იაკობიშვილი),ნიკორწმინდელი ეპისკოპოსი ვახტანგი (ლიპარტელიანი),თბილისის სასულიერო აკადემია-სემინარიის რექტორი, პროტოპრესვიტერი გიორგი ზვიადაძე,სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი,საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.კომისიას ევალება, შეიმუშაოს საიუბილეო წლის პროგრამა“, - აღნიშნულია ბრძანებაში.

საზოგადოება • 1735980232

დეტალურ ახსნებს ვერ დავიწყებ რიგი მიზეზების გამო, უბრალოდ, სიმართლე იმაში მდგომარეობს, რომ... - რის შესახებ საუბრობს ანდრია ჯაღმაიძე

საქართველოს პატრიარქის საახალწლო მილოცვასთან დაკავშირებით საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე განმარტებას აკეთებს. როგორც ჯაღმაიძე სოციალურ ქსელში წერს, მას და საზოგადოებასთან ურთიერთობის სამსახურს პატრიარქის მილოცვასთან არაფერი აკავშირებთ და მიიჩნევს, რომ ვიდეოზე, სულ მცირე, მითითებული უნდა ყოფილიყო, რომ მონტაჟია."პატრიარქის საახალწლო მილოცვასთან დაკავშირებით ზოგი ადამიანი "საპატრიარქოს საზოგადოებასთან ურთიერთობის სამსახურს" იხსენიებს აუგად. დეტალურ ახსნებს ვერ დავიწყებ რიგი მიზეზების გამო, უბრალოდ, სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს. ამასთანავე, რადგან ასეთი სახის დამონტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ, მითითებული უნდა ყოფილიყო, რომ ეს არის მონტაჟი და არა ორიგინალი", - წერს ანდრია ჯაღმაიძე სოციალურ ქსელში.

საზოგადოება • 1735936797

"დეტალურ ახსნებს ვერ დავიწყებ რიგი მიზეზების გამო, სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს" - ანდრია ჯაღმაიძე პატრიარქის ვიდეომილოცვის მონტაჟთან დაკავშირებით

პატრიარქის საახალწლო მილოცვასთან დაკავშირებით ზოგი ადამიანი საპატრიარქოს საზოგადოებასთან ურთიერთობის სამსახურს იხსენიებს აუგად, ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე სოციალურ ქსელში წერს.მისი თქმით, დეტალურ ახსნას ვერ დაიწყებს რიგი მიზეზების გამო, "უბრალოდ სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს"."ამასთანავე, რადგან ასეთი სახის დამონტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ მითითებული უნდა ყოფილიყო, რომ ეს არის მონტაჟი და არა ორიგინალი", - წერს ჯაღმაიძე.

საზოგადოება • 1734093609

ის, რაც დღეს ვაკის მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს - ანდრია ჯაღმაიძე

დღეს ისმის კატეგორიული მოთხოვნა მოყვასისადმი, ჩემს შეხედულებას თუ არ იზიარებ, ქვეყნის მტერი ხარ, ესეც ძალიან ჰგავს, „ხალხის მტრებად“ გამოცხადების კამპანიას უახლეს წარსულში, - წერს საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე სოციალურ ქსელში.მისი თქმით, რამდენადაც სწორად არ უნდა ეჩვენებოდეს ვინმეს საკუთარი პოზიცია, ეთიკისაგან სრულიად დაცლილი მეთოდით მოქმედება, სიკეთეს ვერ მოუტანს ქვეყანას.„ის, რაც დღეს ვაკის მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს.დღეს ისმის კატეგორიული მოთხოვნა მოყვასისადმი – ჩემს შეხედულებას თუ არ იზიარებ, ქვეყნის მტერი ხარ, ესეც ძალიან ჰგავს, „ხალხის მტრებად“ გამოცხადების კამპანიას უახლეს წარსულში.დღეს გავრცელდა საქართველოს კათოლიკოს-პატრიარქის მოწოდება ურთიერთპატივისცემასა და ურთიერთსიყვარულის შესახებ, მეტი სიყვარული და წინდახედულობა გვმართებს.ყველანი უნდა შევებრძოლოთ სიძულვილს და არა ერთმანეთს. მთავარი მტერი კაცობრიობისა არის ურთიერთგაუტანლობა. სიყვარულის მქადაგებელი ანდრია პირველწოდებული იყოს ჩვენი მფარველი“, - წერს ჯაღმაიძე.