სპორტი • 1759818791

„ეს ფაქტი როგორც სანიოლის, ისე მთელი ქვეყნის შეშფოთებას იწვევს“ - AS-ის სტატია კვარაზე და საქართველოზე

11 ოქტომბერს, საქართველოს ფეხბურთელთა ნაკრები მსოფლიო ჩემპიონატის საკვალიფიკაციო ეტაპის მე-3 ტურში, სტუმრად ესპანეთის ნაკრებს დაუპირისპირდება. ვილი სანიოლის გუნდი დღეს, ესპანეთის ქალაქ ალიკანტეში არასრული შემადგენლობით შეიკრიბა და უახლოესი მატჩისთვის მზადება დაიწყო.საქართველოს ნაკრები ადგილობრივი გავლენიანი გამოცემა AS-ის ყურადღების ცენტრში მოექცა და სააგენტომ ჩვენს გუნდს სპეციალური სტატიაც მიუძღვნა, განსაკუთრებული ყურადღება კი ხვიჩა კვარაცხელიასა და მისი ფიზიკური ფორმის შესახებ გამახვილდა.რას წერს AS საქართველოზე:„ორშაბათს, საქართველოს ნაკრებმა ესპანეთთან მატჩისთვის მოსამზადებლად ალიკანტეში ივარჯიშა. ვილი სანიოლის გუნდი მსოფლიო ჩემპიონატის საკვალიფიკაციო ეტაპის E ჯგუფში ამჟამად მეორე ადგილზეა, თუმცა მათ ამ პოზიციის გასამყარებლად და პლეი-ოფში გასვლის შანსის მისაღებად რაღაც განსაკუთრებული სჭირდებათ, რადგან წინა პაუზაზე, ორ საშინაო მატჩში არაერთგვაროვანი შედეგი დააფიქსირა - თურქეთთან 2:3 დამარცხდნენ და ბულგარეთთან 3:0 გაიმარჯვეს.“ „გერმანიაში, გასაკვირად კარგად ჩატარებული ევროპის ჩემპიონატის შემდეგ, სადაც სანიოლის გუნდი მერვედფინალში გავიდა და გათამაშებას ესპანეთთან გამოეთიშა, ახლა ეს გუნდი დაცვაში გადახალისებას გადის. ძველ თაობას ახალი თაობა ანაცვლებს, თუმცა ამ პოზიციაზე გუნდს ერთ-ერთი ცენტრალური მოთამაშე და „ნიურნბერგის“ მცველი, ლუკა ლოჩოშვილი ვერ დაეხმარება, რომელსაც დისკვალიფიკაცია აქვს.“ „თუმცა, რაც სანიოლს და მთელ საქართველოს აშფოთებს, მათი ვარსკვლავის, პსჟ-ის ვინგერის, ხვიჩა კვარაცხელიას ფიზიკური მდგომარეობაა. კვარა ბოლო კვირის განმავლობაში ტრავმირებული იყო და ჩემპიონთა ლიგაზე, „ბარსელონასთან“ მოგებულ მატჩსა და ლიგა 1-ის ბოლო ტურში, „ლილთან“ ფრედ დასრულებულ შეხვედრაში მონაწილეობა არ მიუღია.“ „მიუხედავად იმისა, რომ პარიზში მისი გამოძახების გამო გარკვეული უკმაყოფილება გამოხატეს, ის საქართველოს ნაკრებში მაინც გაივლის სამედიცინო შემოწმებას და მოსალოდნელია, რომ შეკრების ბოლომდე გუნდთან ერთად დარჩება. ეს ჩანს იმ ფოტოებზე, რომელიც მისი ქვეყნის ფედერაციამ შეკრების დაწყების დროს გაავრცელა.“ „კვარაცხელიას ფიზიკური მდგომარეობა კვლავ საიდუმლოდ რჩება. სანიოლი მალე გაარკვევს, შეძლებს თუ არა მის გამოყენებას სასტარტო შემადგენლობიდან, ან სულ მცირე სათადარიგოთა სკამიდან რამდენიმე წუთით. ნებისმიერ შემთხვევაში, ალიკანტეში ვარჯიშის პერიოდში, ვილი მის რაც შეიძლება მალე გაძლიერებას ეცდება და გამოსაჯანმრთელებლად ყველაფერს გააკეთებს, რადგან ხვიჩა „ვილიარეალის“ თავდამსხმელ მიქაუტაძესთან ერთად, ქართული გუნდის შეტევითი ხაზის ლიდერია.“ცნობისთვის, საქართველოსა და ესპანეთის ნაკრებების დაპირისპირება 11 ოქტომბერს, ელჩეში, თბილისის დროით 23:00 საათზე დაიწყება.

სპორტი • 1759497918

კვარაცხელიას მდგომარეობაზე ახალი ინფორმაცია ვრცელდება

ხვიჩა კვარაცხელია, მინიმუმ, 10 დღეს გამოტოვებს და პსჟ-ს „ლილთან“ შეხვედრაში ვერ დაეხმარება, ხოლო საქართველოს ნაკრების რიგებში ესპანეთთან მატჩში მისი მონაწილეობა საეჭვოა, – ინფორმაციას Ici Paris Ile-de-France-ის ჟურნალისტი ბრუნო სალომონი ავრცელებს.„ხვიჩა კვარაცხელია, რომელმაც ბარძაყის ტრავმა მიიღო, მინიმუმ, 10 დღეს გამოტოვებს. ის კვირა საღამოს „ლილთან“ ვერ ითამაშებს. საქართველოს ნაკრების შეხვედრებშიც მისი მონაწილეობის შესახებ გადაწყვეტილება ჯერ არ არის მიღებული“, – წერს ბრუნო სალომონი.„პარი სენ-ჟერმენის“ ქართველმა თავდამსხმელმა ბარძაყის ტრავმა „ოსერთან“ მატჩში მიიღო. კვირის დასაწყისში ის პარიზში დარჩა და ვერც პარასკევს ივარჯიშა.საქართველოს ეროვნული გუნდი ესპანეთთან გასვლით შეხვედრას 11 ოქტომბერს გამართავს, ხოლო 14 ოქტომბერს თურქეთს ეწვევა.

სპორტი • 1759395585

საქართველოს ნაკრების განაცხადი ოქტომბრის მატჩებისთვის ცნობილია

საქართველოს ნაკრების განაცხადი ოქტომბრის მატჩებისთვის ცნობილია.GK: გიორგი მამარდაშვილი, ლუკა გუგეშაშვილი, დავით კერესელიძეDF: ოთარ კაკაბაძე, გურამ კაშია, გიორგი გოჩოლეიშვილი, ირაკლი აზაროვი, ლუკა ლოჩოშვილი, საბა გოგლიჩიძე, ლაშა დვალი, ივა გელაშვილიMF: გიორგი ქოჩორაშვილი, ვლადიმერ მამუჩაშვილი, ანრი მექვაბიშვილი, ოთარ კიტეიშვილი, ნიკა გაგნიძე, ნოდარ ლომინაძე, გიორგი წიტაიშვილი, გიორგი კვერნაძე, საბა ლობჟანიძე, ზურიკო დავითაშვილიST: ხვიჩა კვარაცხელია, გიორგი მიქაუტაძე, ბუდუ ზივზივაძე, გიორგი გულიაშვილი11 ოქტომბერი: ესპანეთი VS საქართველო14 ოქტომბერი: თურქეთი VS საქართველო

სპორტი • 1759294797

ჩემპიონთა ლიგაზე გიორგი მამარდაშვილისა და გიორგი ზარიას დებიუტი შედგა

ჩემპიონთა ლიგაზე ორი ქართველი ფეხბურთელის დებიუტი შედგა. ტურნირზე პირველად ითამაშა ეროვნული ნაკრებისა და „ლივერპულის“ მეკარემ გიორგი მამარდაშვილმა. ის „გალათასარაისთან“ თამაშში ალისონის ტრავმის შემდეგ, მეორე ტაიმში ჩაერთო. მამარდაშვილს გოლი არ გაუშვია, თუმცა „გალათასარაიმ“ პირველ ტაიმში გატანილი გოლის წყალობით შეძლო მატჩის მოგება.ამასთან, „ლივერპულის“ მთავარმა მწვრთნელმა არნე სლოტმა განაცხადა, რომ მიღებული ტრავმის გამო ალისონის ჩელსისთან თამაში გამოირიცხა. შესაბამისად, შაბათს მამარდაშვილი ინგლისის პრემიერ-ლიგაში პირველ ოფიციალურ მატჩს ჩაატარებს.ჩემპიონთა ლიგაზე ასევე ითამაშა „კაირატის“ ნახევარმცველმა გიორგი ზარიამ. ის მადრიდის „რეალის“ წინააღმდეგ შეცვლაზე შემოვიდა. ყაზახური გუნდი ესპანელებთან გამანადგურებელი ანგარიშით, 0:5 დამარცხდა.დღეს კი ტურნირზე კიდევ 3 ქართველი ფეხბურთელის კლუბი იასპარეზებს. ხვიჩა კვარაცხელიას „პსჟ“ „ბარსელონას“ დაუპირისპირდება, გიორგი მიქაუტაძის „ვილიარეალი“ „იუვენტუსს“, გიორგი ქოჩორაშვილის „სპორტინგი“ კი „ნაპოლის“.

სპორტი • 1759218841

ხვიჩა კვარაცხელია ბარსელონასთან მატჩს გამოტოვებს

მარცხენა ბარძაყის მცირე დაზიანების გამო, ხვიჩა კვარაცხელია ჩემპიონთა ლიგაზე ბარსელონას წინააღმდეგ ვერ ითამაშებს.Geo Team-ის ინფორმაციით, დაზიანება არაა სერიოზული და აღდგენითი პროცესის კარგად წასვლის შემთხვევაში, ხვიჩა მოედანს მომდევნო უიქენდზე დაუბრუნდება.

Crystalsport • 1759153859

დიდი კითხვის ნიშანი | Le Parisien-ის ბოლო ინფორმაცია ხვიჩას ტრავმაზე

ავტორიტეტულმა ფრანგულმა გამოცემამ, Le Parisien-მა ხვიჩა კვარაცხელიაზე ახალი ინფორმაცია გაავრცელა.„ოსერთან“ მატჩში ქართველმა ფეხბურთელმა ტრავმა მიიღო და „პარი სენ-ჟერმენის“ მთავარ მწვრთნელს, ლუის ენრიკეს მისი შეცვლა მოუწია. Le Parisien-ის მიხედვით, „ბარსელონასთან“ „კვარას“ თამაში დიდი კითხვის ნიშნის ქვეშ დგას.განსხვავებული სიტუაციაა ვიტინიასთან მიმართებით. „პარი სენ-ჟერმენი“ დიდი ოპტიმიზმითაა განწყობილი და მაღალია ალბათობა, რომ ის „ბლაუგრანას“ წინააღმდეგ მოედანზე ვიხილოთ.განაგრძე კითხვა

Crystalsport • 1759066860

ბარსელონასთან თამაში საეჭვოა - ახალი ცნობები ხვიჩას ტრავმაზე

ფრანგული მედია ხვიჩა კვარაცხელიას ჯანმრთელობის მდგომარეობასთან დაკავშირებით ახალ ინფორმაციას ავრცელებს.  გავლენიანი გამოცემა RMC Sport-ის ჟურნალისტი, არტურ პერო სოციალურ ქსელში წერს, რომ ხვიჩა კვარაცხელიას და ვიტინიას სამედიცინო შემოწმება ხვალ, დილის საათებში ჩაუტარდებათ და მათი დიაგნოზის შესახებ ოფიციალური ინფორმაციაც სწორედ ამის შემდეგ გამოცხადდება...განაგრძე კითხვა

სპორტი • 1758992980

ნახეთ, რამდენი ქულა დააგროვა ხვიჩა კვარაცხელიამ ოქროს ბურთის გამოკითხვაში

L’Equipe-მა ოქროს ბურთის გამოკითხვის შედეგები გამოაქვეყნა. როგორც მოგეხსენებათ, ხვიჩა კვარაცხელია გავიდა მე-12 ადგილზე და საამისოდ მას 124 ქულა დასჭირდა. ქართველი ვინგერი სულ რაღაც 1 ქულით ჩამორჩა პედრი გონსალესს, რომელიც მე-11 პოზიციაზე აღმოჩნდა.პარის სენ-ჟერმენის გარემარბის უახლოესი მდევარი არის ჰარი კეინი, რომელიც 112 ქულით მე-13 ადგილზე აღმოჩნდა. ის არის უკანასკნელი მოთამაშე, რომელმაც 2025 წლის ბალონ დორის გამოკითხვაში 100-ქულიან ზღვარს გადააბიჯა. ქვემოთ შეგიძლიათ იხილოთ მსოფლიოს საუკეთესო ფეხბურთელთა 10-ეული და მათი ქულები.  Ousmane Dembélé a remporté le Ballon d'Or 2025 avec 1380 points !Le classement complet : https://t.co/5WYKKSf6MY #ballondor pic.twitter.com/c6RVB5xmXQ — L'Équipe (@lequipe) September 26, 2025

Crystalsport • 1758812100

„მიხარია, რომ ამ გუნდის ნაწილი ვიყავი“ - როგორ დაემშვიდობა ხვიჩა ნაპოლის

ხვიჩა კვარაცხელიას ყოფილმა კლუბმა, „ნაპოლიმ“ ცოტა ხნის წინ მეოთხე „სკუდეტოს“ აღსანიშნავად გადაღებული ფილმის, სახელწოდებით AG4IN-ის პრემიერა მოაწყო, რომელიც მთლიანად იტალიის ჩემპიონობისკენ განვლილ გზას ეხება.  ფილმში რეჟისორებმა ხვიჩა კვარაცხელიას დამშვიდობების კადრების შეიყვანეს. კერძოდ, მოცემულია ქართველი ფეხბურთელის სიტყვით მიმართვა, როდესაც ის პსჟ-ში გადასვლამდე აწ უკვე ყოფილ თანაგუნდელებს ემშვიდობებოდა.  როგორც ცნობილი ხდება, ხვიჩა „ნაპოლის“ ფეხბურთელებს „კასტელ ვოლტურნოში“, „ატალანტასთან“ მატჩის წინ დაემშვიდობა. კადრებში ჩანს, რომ ქართველმა შემტევმა სიტყვით გამოსვლის დროს ცრემლებიც ვერ შეიკავა.  რას ამბობს კვარა დამშვიდობებისას:„ბიჭებო, მინდა ყველას მადლობა გადაგიხადოთ, რადგან თქვენგან ბევრი რამ ვისწავლე და მიხარია, რომ ამ გუნდის ნაწილი ვიყავი. გისურვებთ ყველაფერს საუკეთესოს...“განაგრძე კითხვა

Crystalsport • 1758808740

„მის წინააღმდეგ თამაში საშინელებაა“ - ვეტერანი ფრანგი ხვიჩაზე 

ვეტერანმა ფრანგმა ფეხბურთელმა და „ბორდოს“, „სენტ-ეტიენისა“ და „სევილიას“ ყოფილმა მცველმა, ბენუა ტრემულინასმა ოქროს ბურთის დაჯილდოვებაზე თავისი აზრი დააფიქსირა და ხვიჩა კვარაცხელიას შესახებაც ისაუბრა.  ტრემულიანი ამჟამად გავლენიანი ფრანგული გამოცემა L’Equipe-ს კონსულტანტად მუშაობს. ვეტერანი ფეხბურთელი ამბობს, რომ ხვიჩა ოქროს ბურთის საბოლოო რეიტინგში უფრო მაღალ ადგილს იმსახურებდა.  რა თქვა ტრემულინასმა:„საშინელებაა კვარას მსგავსი მოთამაშის წინააღმდეგ თამაში. ერთხელ, ორჯერ, სამჯერ შეგიძლია პირველი სამი დუელის მოგება, მაგრამ ის ცდას მაინც გააგრძელებს და მეოთხე ცდაზე მოგიგებს. ამით არ იღლება, საპასუხოდ კი შენ ძალიან გღლის…“განაგრძე კითხვა

ტაბლოიდი • 1758701708

რა ღირს ნიცა თავაძის კაბა, რომელიც PSG Foundation Gala-ზე მოირგო

ნიცა თავაძემ The Gala for the Fondation PSG-ის საღამოზე კვლავ მოხიბლა საზოგადოება.კაბა, რომელიც ხვიჩა კვარაცხელიას მეუღლემ  საქველმოქმედო საღამოზე მოირგო ძალიან ჰყავს Vivienne Westwood-ის  Nova Cocotte crêpe satin gown მოდელს.ერთ-ერთ ყველაზე ცნობილ ონლაინ ვაჭრობის პლატფორმაზე კაბის ფასი €4,299-ია.რაც შეეხება აქსესუარებს, ნიცას ხელში Rabanne-ს ოქროსფერი „Iconic Nano 1969 mini bag“ ეჭირა, რომლის ღირებულებაც $1,080 შეადგენს.

სპორტი • 1758626225

ვილი სანიოლი ხვიჩა კვარაცხელიაზე - ასე მგონია, სხვა ეპოქის ფეხბურთელს ვუყურებ

„ფეხბურთი ჩემი ცხოვრებაა. ეს თამაში მაბედნიერებს და მიხარია, რომ ოცნების ახდენის საშუალება მომცა“, – ეს სიტყვები ნაწყვეტია ხვიჩა კვარაცხელიაზე ლიგა 1-ის მიერ გადაღებული დოკუმენტური ფილმიდან.„კარგად ვიცოდი, ბავშვობაში სად უნდა მეპოვა მეგობრები – ისინი სტადიონზე იყვნენ. ბავშვობა ჩემთვის ძალიან ბევრს ნიშნავს, რადგან ის ფეხბურთთანაა დაკავშირებული.„მამა – ბადრი კვარაცხელია ფეხბურთელი იყო. დედას მამის თამაშების ჩანაწერები ჰქონდა შემონახული. მათი ყურებისას მქონდა შეგრძნება, რომ ეს ნამდვილი სასწაული იყო და ვამბობდი, რომ მამა საუკეთესო იყო. ბადრისგან ძალიან ბევრი რამ ვისწავლე. შეიძლება ითქვას, რომ ფეხბურთი გენში გვაქვს. როცა ჩემპიონთა ლიგა მოვიგე, ჩემს ქვეყანაზე ვფიქრობდი. ყველაფერი ხომ სწორედ იქ დაიწყო.…ბოლომდე გავაცნობიერე, რომ დღევანდელ ფეხბურთში წარმატების მიღწევის მეტი შანსი იმ თავდამსხმელს აქვს, ვინც დაცვაში კარგად თამაშობს. ზოგადად, ეს ჩემთვის ძალიან დიდი პასუხისმგებლობაა. ყველაფერს, რასაც მინდორზე და მინდვრის მიღმა ვაკეთებ, ყველა ყურადღებით აკვირდება. ამიტომ ქართველი ახალგაზრდებისთვის მისაბაძი მაგალითი უნდა ვიყო“, – ამბობს ხვიჩა კვარაცხელია.საქართველოს ეროვნული ნაკრების ლიდერზე გუნდის ფრანგმა მთავარმა მწვრთნელმა, ვილი სანიოლმა ისაუბრა: „როდესაც ის მოედანზეა, ეს მისწრებაა კარგი შედეგის მისაღწევად და არა „ინსტაგრამის“ ფოტოებისთვის. ისეთი შთაბეჭდილება მრჩება, რომ სხვა ეპოქის ფეხბურთელს ვუყურებ“.