ხაბეიშვილი

ირაკლი კირცხალია: ხაბეიშვილის გადატრიალება არ გაიშვას - გარე პატრონებიდან ექნებათ მაქსიმალური დახმარება

ხაბეიშვილის გადატრიალება არ გაიშვას, - განაცხადა „ქართული ოცნების“ ფრაქციის თავმჯდომარემ და საპარლამენტო უმრავლესობის ლიდერმა, ირაკლი კირცხალიამ გადაცემაში „იმედი LIVE“.წამყვანის კითხვაზე, ხაბეიშვილი და მისი ჯგუფი 4 ოქტომბერს აპირებენ მასშტაბური პროტესტი მოაწყონ, რევოლუციაც დააანონსეს და „მშვიდობიანი დამხობაც“ - რა ინფორმაცია აქვს ხელისუფლებას, რა პროცესებისკენ მიდის ქვეყანა, კირცხალიამ განაცხადა, რომ აღნიშნულ ძალებს გარედან ექნებათ მაქსიმალური დახმარება პროცესების ესკალაციისთვის.„ხაბეიშვილის გადატრიალება არ გაიშვას. რაც შეეხება, საით მიდის ეს ყველაფერი, მაქსიმალურად შეეცდებიან და გარე პატრონებიდან ექნებათ მაქსიმალური დახმარება - მოწოდებებით, ხშირ შემთხვევაში დუმილით, განცხადების არ გაკეთებით, ძალადობის წახალისებით, რომ კიდევ ერთხელ მოახდინონ რაღაც ესკალაცია ქვეყანაში, მხოლოდ და მხოლოდ გარე ძალების დაყრდნობით და გარე ძალები ვის ეყრდნობიან? - ხაბეიშვილს.ჯერ ერთი, მოკლე ჭკუის მრჩევლები ჰყავს - „მშვიდობიანი დამხობა“! რას ნიშნავს „მშვიდობიანი დამხობა“?! მშვიდობიანი მოწოდება რევოლუციისკენ?! - მშვიდობიანად დაწვეს პარლამენტის შენობა, მშვიდობიანად დაასახიჩრეს პოლიციელები, მშვიდობიანად ისვრიდნენ „მოლოტოვის კოქტეილებს“ და შემდეგ მათი პატრონებიც მშვიდობიანად გამოდიოდნენ და საუბრობდნენ, რომ თურმე, ეს არის სიტყვის გამოხატვის თავისუფლება. თურმე, ეს არის დემოკრატიის ზეიმი, როდესაც „მოლოტოვის კოქტეილს“ ესვრი სპეცრაზმელს, როდესაც დაწვავ ადმინისტრაციულ შენობას, როდესაც აბულინგებ, როდესაც რევოლუციაზე საუბრობ - ეს თურმე, ყოფილა დემოკრატიის აღზევება, შუქურა და მწვერვალი“, - განაცხადა კირცხალიამ.

პოლიტიკა • 1757416607

ხავსიც კი არ გააჩნიათ ბურჭულაძეებსა და კოლექტიური "ნაცმოძრაობის" წევრებს, რომ მოეჭიდონ - დავით მათიკაშვილი

ლევან ხაბეიშვილისა და სოფო ჯაფარიძის შემდეგ, "ქართული ოცნების" ყოფილ მაღალჩინოსნებთან თანამშრომლობას პაატა ბურჭულაძეც ადასტურებს.ერთ-ერთ სატელევიზიო ინტერვიუში ბურჭულაძემ თქვა, რომ მას აქვს უტყუარი დასაბუთება, რომ "ოცნებიდან" წასულ მაღალჩინოსნებს მათთან კავშირი აქვთ, კონკრეტულად კი ლევან ხაბეიშვილთან.ბურჭულაძის განცხადება არის კიდევ ერთი დასტური "ქართული ოცნებისთვის", რომ მათი გუნდის ყოფილი წევრების ნაწილი, "ნაციონალურ მოძრაობასთან" ერთად, ქვეყნის წინააღმდეგ საბოტაჟს გეგმავს, რასაც ხელისუფლება არ დაუშვებს.პარლამენტის საპროცედურო საკითხთა კომიტეტის თავმჯდომარის, დავით მათიკაშვილის განცხადებით, დესტაბილიზაციის ყველა მცდელობა ფიასკოსთვისაა განწირული."ხავსიც კი არ გააჩნიათ ბურჭულაძეებსა და კოლექტიური "ნაცმოძრაობის" წევრებს, რომ მოეჭიდონ. აბსოლუტურად ყველაფერს კადრულობენ, მათი მხრიდანაც არის მცდელობა, რომ დისონანსი შემოიტანონ გუნდურ მუშაობაში და ისეთ საკითხებზე ისაუბრონ, რომელიც რეალურ ხედვას არის აცდენილი.არის ინფორმაცია, რომელიც ნაწილობრივ დასტურდება, რაზეც პრემიერმაც ისაუბრა თავის დროზე. ისედაც ამაზრზენია ასეთ თემაზე საუბარი, მაგრამ თუკი მაინც დადასტურდება, რომელიმე პირის მხრიდან რადიკალიზმის წახალისების მცდელობა და მხარდაჭერა, ეს, ცხადია, რომ ფიასკოსთვის იქნება განწირული. საზოგადოების მხარდაჭერა არცერთ ასეთ გამოვლინებას არ აქვს. ყველა დანაშაულის ჩამდენი პირი ცხადია, რომ კანონის შესაბამისად იქნება დასჯილი", - განაცხადა დავით მათიკაშვილმა.

პოლიტიკა • 1757407748

წარმოუდგენლად მიმაჩნია, „ქართული ოცნებიდან“ ვინმე, ვინც წლების განმავლობაში ღირსეულად ემსახურებოდა საკუთარ ხალხს და ქვეყანას, ახლა ხაბეიშვილს და ბურჭულაძესთან ითანამშრომლოს - ლადო ბოჟაძე

ლევან ხაბეიშვილისა და სოფო ჯაფარიძის შემდეგ "ქართული ოცნების" ყოფილ მაღალჩინოსნებთან თანამშრომლობას პაატა ბურჭულაძეც ადასტურებს.ერთ-ერთ სატელევიზიო ინტერვიუში ბურჭულაძემ თქვა, რომ მას აქვს უტყუარი დასაბუთება, რომ "ოცნებიდან" წასულ მაღალჩინოსნებს მათთან კავშირი აქვთ, კონკრეტულად კი ლევან ხაბეიშვილთან.ბურჭულაძის განცხადება არის კიდევ ერთი დასტური "ქართული ოცნებისთვის", რომ მათი გუნდის ყოფილი წევრების ნაწილი, "ნაციონალურ მოძრაობასთან" ერთად, ქვეყნის წინააღმდეგ საბოტაჟს გეგმავს, რასაც ხელისუფლება არ დაუშვებს.საპარლამენტო პოლიტიკური ჯგუფის "ევროპელი სოციალისტების" თავმჯდომარის, ლადო ბოჟაძის თქმით, საუბარი იმაზე, რომ თითქოს "ქართული ოცნების " ყოფილი წევრი ოპოზიციასთან თანამშრომლობს პროვოკაციაა."სახელებსა და გვარებზე საუბარი გაგვიძნელდება, თუმცა ვფიქრობ, ეს მაინც ერთგვარი პროვოკაციაა მათი მხრიდან, რათა განცდა გააჩინონ, რომ "ქართული ოცნებიდან" ყოფილი თუ მოქმედი წევრი მათთან თანამშრომლობენ.წარმოუდგენლად მიმაჩნია, "ქართული ოცნებიდან" ვინმემ, ვინც 2012 წლიდან გამარჯვება მოიტანა, წლების განმავლობაში ღირსეულად ემსახურებოდა საკუთარ ხალხს და ქვეყანას, ახლა ხაბეიშვილთან და ბურჭულაძესთან ითანამშრომლოს.ეს პროვოკაცია მგონია, თუმცა ნებისმიერი პროვოკაციისთვის სახელმწიფო არის მზად. ყველამ კარგად იცის, ვინ არის ირაკლი კობახიძე, მისი პოლიტიკური გუნდი და რამე რომ ყოფილიყო სათქმელი, აქამდეც იტყოდნენ. მით უმეტეს, თუ ეს თანამშრომლობა შედგა მას შემდეგ, რაც ეს ადამიანები აღარ არიან თანამდებობაზე, ან აღარ არიან ჩვენი გუნდის წევრები, ან თუ ვივარაუდეთ, რომ ვინმე მანამდეც თანამშრომლობდა ანიტასთან", - განაცხადა ლადო ბოჟაძემ.

პოლიტიკა • 1757406131

ლევან ხაბეიშვილი - ბოლო ჟამი დგას, შეუძლებელია, ეს ქართველმა ხალხმა არ გამოიყენოს

ქალბატონებს სცემდნენ, აფურთხებდნენ, ეს იყო მდინარაძესთან შეთანხმებული. დღეს, 20:00 საათზე მაქსიმალურად ბევრი ადამიანი უნდა შეიკრიბოს და პასუხი იყოს, ცხადია, მშვიდობიანი, – ამის შესახებ „ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.ხაბეიშვილი მელიქიშვილის გამზირზე, კახა კალაძის საარჩევნო შტაბთან დაპირისპირებას გამოეხმაურა.„ეს იყო მდინარაძესთან შეთანხმებული, მდინარაძე გახდა ახლა რკინის ხელი, ეს ფაფაცუა. დავალება მისცა, მიდით და დაამტკიცეთ, რომ კაცები ხართო. ოღონდ დაამტკიცეს, რომ აბსოლუტური ლაჩრები არიან. ქალბატონებს სცემდნენ, აფურთხებდნენ, ხელს ურტყამდნენ, ცხადია, შეთანხმებული იყო. მილიციელები რომ იდგნენ, თავზე დააფურთხეს იმათ, შეთანხმებული რომ არ ყოფილიყო, ვინმეს არ დააკავებდნენ? ცხადია, დააკავებდნენ. უნდა გვესმოდეს, რომ ეს იყო ივანიშვილის ისტერიკა. ეს გამოვლინებაა, ბოლო ჟამია. ეს ყველაფერი აჩვენებს, რომ ბოლო ჟამი დგას, შეუძლებელია, ეს ქართველმა ხალხმა არ გამოიყენოს. დღეს, 20:00 საათზე მაქსიმალურად ბევრი ადამიანი უნდა შეიკრიბოს და პასუხი იყოს, ცხადია, მშვიდობიანი. ჩვენ უფრო მეტი ვიქნებით ყოველდღე და 4-ში საერთოდ თქვენ აღარ იქნებით“, – განაცხადა ლევან ხაბეიშვილმა.

პოლიტიკა • 1757406078

კახა კალაძე - ოპოზიციას უნდა, რომ თავისი მხარდამჭერები რაღაცნაირად შეაგულიანოს, რადგან თანადგომის არანაირი რესურსი არ აქვს

ეს ძალადობრივი დაჯგუფებები გარედან იკვებებიან სხვადასხვა საერთაშორისო ორგანიზაციების დაფინანსებით, მათი რეიტინგი კი ნულია, ქართველი ხალხი 4 ოქტომბერს მათ განაჩენს გამოუტანს, – ამის შესახებ თბილისის მერმა, კახა კალაძემ მედიასთან ადგილობრივი თვითმმართველობის არჩევნების შესახებ საუბრისას განაცხადა.„უნდათ, რომ თავიანთი მხარდამჭერები რაღაცნაირად შეაგულიანონ, რადგან ყველანაირად გაუბედურებული არიან, თანადგომის არანაირი რესურსი არ აქვთ, ნიჰილიზმში არიან გადავარდნილი. ხალხი ხედავს, რას წარმოადგენენ. გუშინდელი მაგალითიც ამას მოწმობს, რომ არიან მოძალადეები, რომლებიც გარედან იკვებებიან – სხვადასხვა საერთაშორისო ორგანიზაციების თანადგომით, დაფინანსებით. მათი რეიტინგი, ავტორიტეტი ნულია. ქართველი ხალხი 4 ოქტომბერს მათ განაჩენს გამოუტანს“, – განაცხადა კახა კალაძემ.თბილისის მერის თქმით, ოპოზიცია სხვადასხვა ხრიკს იყენებს „ქართული ოცნების“ მხარდამჭერებში დაპირისპირების დასაწყებად.„ეს ადამიანები ეცდებიან, რომ რაღაც დაპირისპირება შემოიტანონ, ასეთი ხრიკებით. არც ბურჭულაძე და არც ხაბეიშვილი დიდი ინტელექტით არ გამოირჩევიან, არც ერთი და არც მეორე. ასე რომ, ჩვენ მშვიდად ვაგრძელებთ ჩვენს საარჩევნო კამპანიას და 4 ოქტომბერს ქართველ ხალხთან ერთად ვიზეიმებთ ყველა მუნიციპალიტეტში, როგორც მერების მიმართულებით, ისე საკრებულოებში გამარჯვებას“, – აღნიშნა კახა კალაძემ.

პოლიტიკა • 1757392454

,,დაველოდებით, გამოაშკარავდება თუ არა, ვინ კონკრეტულ პირებს გულისხმობენ და ვისთან ჰქონდა "ანიტა" ხაბეიშვილს და მისთანებს ინფორმაციის ორმხრივად გაცვლის მცდელობა" - ნინო წილოსანი

ხელისუფლების დამხობისკენ მიმართული ღია მოწოდებები პოლიტიკურ სპექტრში კვლავ შეფასებების საგანია. ქუჩაში ხალხი, საარჩევნო უბნების ბლოკირება და ხელისუფლების დამხობა - ასეთია "ნაციონალური მოძრაობის" გეგმა, რომლის განხორციელებასაც 4 ოქტომბერს აპირებენ.ლევან ხაბეიშვილმა "ქართული ოცნებიდან" გაგდებულ ყოფილ მაღალჩინოსნებთან თანამშრომლობა გუშინ კიდევ ერთხელ დაადასტურა. სააკაშვილის პარტიის ყოფილმა თავმჯდომარემ ერთ-ერთ მედიასთან ისიც თქვა, რომ სახელმწიფოს წინააღმდეგ ბრძოლის გეგმას მმართველი გუნდის ყოფილ მაღალჩინოსნებთან ერთად ამუშავებს. "ქართული ოცნებიდან" წასულ პირებთან თანამშრომლობა აღიარა სოფო ჯაფარიძემაც.მმართველ გუნდში ოპონენტებს აფრთხილებენ, რომ ნებისმიერი კანონსაწინააღმდეგო ქმედება კანონის მთელი სიმკაცრით დაისჯება."რაც ძალიან ნათლად გამოჩნდა, ინფორმატორი ანიტა, ამ შემთხვევაში ლევან ხაბეიშვილი, რეალობა ყოფილა და ის ადამიანები, ვინც სახელმწიფო სამსახურში ყოფნისას მჭიდრო კავშირში იყვნენ თურმე "ნაციონალურ მოძრაობასთან" და ახლაც რაღაც გარკვეული გეგმები ამოძრავებთ, ერთი უნდა დაფიქრდნენ იმაზე, თუ რამდენად სუფთა იყვნენ თავიანთ საქმიანობაში. დაველოდებით, გამოაშკარავდება თუ არა ვინ კონკრეტულ პირებს გულისხმობენ და ვისთან ჰქონდა "ანიტა" ხაბეიშვილს და მისთანებს ინფორმაციის ორმხრივად გაცვლის მცდელობა", - აცხადებს საქართველოს პარლამენტის თავმჯდომარის მოადგილე ნინო წილოსანი.

პოლიტიკა • 1757357967

ადამიანს რომ მოუწოდებ, გარისკე შენი სიცოცხლე და თავისუფლებაო, მინიმუმ ხომ უნდა უთხრა, პრემიერი ვინ იქნება? ხაბეიშვილისთვის ვაკეთებთ ამას? ხაბეიშვილი პრეზიდენტი იყოს ან ბურჭულაძე პრემიერი? - ალექსანდრე რაქვიაშვილი

"ლევან ხაბეიშვილი არის მათი პოლიტსაბჭოს თავმჯდომარე, თუ არ მეშლება, რაღაც თავმჯდომარეა ამ პარტიაში. ეს დაახლოებით იგივეა, რომ მე რევოლუციას ვგეგმავდე და იაგო ამბობდეს, არ ვიღებ ამ საქმეზე პასუხისმგებლობასო, "გირჩი" ამაზე პასუხისმგებელი არ არისო. ეს ხომ შეუთავსებელი იქნება?" - ასე ეხმაურება "ღამის კურიერის" ეთერში პარტია "გირჩის" სათათბიროს წევრი, ალექსანდრე რაქვიაშვილი "ნაციონალურ მოძრაობის" მინიშნებებს, სადაც არ მალავენ, რომ 4 ოქტომბერს გადატრიალებისთვის მზადება მიდის.რაქვიაშვილი ამ ყველაფერს არასერიოზულს უწოდებს."ლევან სანიკიძე, ლევან ხაბეიშვილის თანაპარტიელი ამბობს, რომ პარტია "ნაცმოძრაობა" არ იღებს პასუხისმგებლობას 4 ოქტომბრის აქციაზე. ლევან ხაბეიშვილი არის მათი პოლიტსაბჭოს თავმჯდომარე, თუ არ მეშლება, რაღაც თავმჯდომარეა ამ პარტიაში. ეს დაახლოებით იგივეა, რომ მე რევოლუციას ვგეგმავდე და იაგო ამბობდეს, არ ვიღებ ამ საქმეზე პასუხისმგებლობასო, "გირჩი" ამაზე პასუხისმგებელი არ არისო. ეს ხომ შეუთავსებელი იქნება?მათივე ლოგიკას რომ გავყვეთ, რუსულ რეჟიმს ამხობენ, რუსული რეჟიმი ხომ იმიტომაც უნდა იყოს რუსული, რომ, ალბათ, შეიძლება გაისროლოს, გცემოს, შენ ეუბნები ადამიანს რომ წავიდეთ დავამხოთო, ე.ი. ვიღაცამ შეიძლება გაწიროს სიცოცხლე, ჯანმრთელობა, თავისუფლება. ადამიანს რომ მოუწოდებ, გარისკე შენი სიცოცხლე და თავისუფლებაო, მინიმუმ ხომ უნდა უთხრა, პრემიერი ვინ იქნება. ხაბეიშვილისთვის ვაკეთებთ ამას? ხაბეიშვილი პრეზიდენტი იყოს ან ბურჭულაძე პრემიერი? რაღაც ხომ უნდა ისმოდეს? 5-ში რომ გაიღვიძებს საქართველო, დავუშვათ დაამხვეს, ვინ მართავს ამ ქვეყანას?" - ამბობს ალექსანდრე რაქვიაშვილი.

პოლიტიკა • 1757338820

თორნიკე ჭეიშვილი: ის აბსურდული განცხადებები, რომელიც ჩვენ გვესმის ოპოზიციის მხრიდან, კიდევ ერთხელ ადასტურებს იმას, რომ ეს არის პოლიტიკურ აგონიაში მყოფი წარმავალი პოლიტიკური ძალა

ის აბსურდული განცხადებები, რომელიც ჩვენ გვესმის ოპოზიციის მხრიდან, კიდევ ერთხელ ადასტურებს იმას, რომ ეს არის პოლიტიკურ აგონიაში მყოფი წარმავალი პოლიტიკური ძალა, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა.„გარკვეული სასოწარკვეთილი ძახილია ახლა მათი მხრიდან, რომლითაც ცდილობენ იმას, რომ ისევ თავის მხარდამჭერებში, თუკი ასეთი დარჩათ, როგორღაც გარკვეული მუხტი გამოიწვიონ და ასწიონ წინასაარჩევნოდ. სამართლებრივ კონტექსტში თუ შევხედავთ მათ ამ მოწოდებებს, ბუნებრივია ეს არის ძალიან სერიოზული ყურადღების საგანი სამართალდამცავი ორგანოების მხრიდან“, - აღნიშნა თორნიკე ჭეიშვილმა.ყველა კანონსაწინააღმდეგო ქმედებას სახელმწიფოს მხრიდან შესაბამისი რეაგირება მოჰყვება - მმართველი გუნდი „ნაციონალური მოძრაობის“ ღია მოწოდებებს პასუხობს. ლევან ხაბეიშვილის პროპაგანდიდან, „ნაციონალური მოძრაობა“ ღია მოწოდებებზე გადავიდა. აანონსებენ რევოლუციას და ხალხს ხელისუფლების დამხობისკენ მოუწოდებენ.

პოლიტიკა • 1757328138

დავით მათიკაშვილი: ეს არის დიდი უტიფრობა და პოლიტიკური სიბეცე, როდესაც ცდილობ საზოგადოებას შეასაღო თითქოს რაიმე ფორმით არსებობს მშვიდობიანი დამხობის მექანიზმი

ეს არის დიდი უტიფრობა და პოლიტიკური სიბეცე, როდესაც ცდილობ საზოგადოებას შეასაღო თითქოს რაიმე ფორმით არსებობს მშვიდობიანი დამხობის მექანიზმი, - განაცხადა საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა.„ჩვენ კარგად ვიცით, რომ მათ არაფრის თავი არ აქვთ და არიან უსუსტესები. ვინც გასცდება კანონის ფარგლებს, ყველა ამ პირის მიმართ იქნება სახელმწიფო ადეკვატური. ეს ვითომ ცხელი თავი ლიდერები ბოლოს გარბიან, იმ მოტყუებულ ადამიანებს შეატოვებენ იმ დაპირისპირების კერას და ძალიან მძიმედ სრულდება ეს ყველაფერი.ის დრო გავიდა, როდესაც ტყუილებით კვებავდნენ საზოგადოებას, არანაირი ვარდების რევოლუცია რომ არ იყო ეს ჩვენ ძალიან კარგად ვიცით. იყო ჩვეულებრივი ძალმომრეობითი გადატრიალება, რაშიც დიდი როლი შეასრულეს უცხოეთიდან კონკრეტულმა დავალების მიმცემებმა აქ აგენტურამ და ა.შ.“, - აღნიშნა დავით მათიკაშვილმა.ლევან ხაბეიშვილის პროპაგანდიდან „ნაციონალური მოძრაობა“ ღია მოწოდებებზე გადავიდა. აანონსებენ რევოლუციას და ხალხს ხელისუფლების დამხობისკენ მოუწოდებენ.

საზოგადოება • 1757314735

შეურაცხყოფა და ბულინგი სიახლე არ არის ოპოზიციისთვის, ეს მათი ჩვეულებრივი დღის წესრიგია - კახა კალაძე

თბილისის მერის განცხადებით, შეურაცხყოფა და ბულინგი ოპოზიციის ჩვეულებრივი დღის წესრიგია. ამის შესახებ კახა კალაძემ ჟურნალისტებს ოპოზიციურ პარტიებს შორის თვითმმართველობის არჩევნებთან დაკავშირებით არსებულ დაპირისპირებაზე დასმული კითხვის პასუხად განუცხადა."შეურაცხყოფა, ბულინგი, სიახლე არ არის ოპოზიციისთვის. ეს მათი ჩვეულებრივი დღის წესრიგია. დღეს უკვე ერთმანეთს უპირისპირდებიან და შეურაცხყოფას აყენებენ. არ მინდა ოპოზიციაზე საუბარი, საარჩევნო კამპანიის რეჟიმში ვარ, ვესაუბრები დედაქალაქის მოსახლეობას გაკეთებულ საქმეებზე, დაგეგმილ და განსახორციელებელ პროექტებზე, გამოწვევებზე, სირთულეებზე. ის, რომ ოპოზიციაში დაპირისპირებაა, ცხადია. არის აზრთა სხვადასხვაობა. ალბათ, თვითონ გაერკვევიან ერთმანეთში", - განაცხადა თბილისის მერმა.რაც შეეხება ოპოზიციის განცხადებებს ხელისუფლების "მშვიდობიან დამხობასთან" დაკავშირებით, კახა კალაძე ამბობს, რომ თუ ვინმე კანონსაწინააღმდეგო ქმედებას ჩაიდენს, უმკაცრესი სამართლებრივი პასუხი გაეცემა."არაფერი იქნება. ხაბეიშვილი არ არის სერიოზული ფიგურა და მისი განცხადებები არ არის საინტერესო. თავიანთი მხარდამჭერების გასამაგრებლად იგონებენ ახალ-ახალ სისულელეებს. არანაირი რევოლუცია და დაპირისპირება არ იქნება. თუკი ვინმე რაიმე კანონსაწინააღმდეგოს ჩაიდენს, ამას მოყვება შესაბამისი რეაგირება. აბა, გაბედონ და რაიმე კანონსაწინააღმდეგო გააკეთონ", - აღნიშნა კახა კალაძემ.

პოლიტიკა • 1757071626

ირაკლი კობახიძე: სახელმწიფო დგას თავის ადგილზე და არც მშვიდობიანი, არც არამშვიდობიანი დამხობის საშუალებას არავის მისცემს, ამ პირობას აუცილებლად შევასრულებთ

სახელმწიფო დგას თავის ადგილზე და არც მშვიდობიანი, არც არამშვიდობიანი დამხობის საშუალებას არავის მისცემს, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტის კითხვის საპასუხოდ განაცხადა, რომელიც „მშვიდობიან დამხობასთან“ დაკავშირებით პაატა ბურჭულაძისა და ლევან ხაბეიშვილის განცხადებებს ეხებოდა.კობახიძის თქმით, ეს ყველაფერი მეტყველებს მათ სახეზე, სულისკვეთებასა და დამოკიდებულებაზე.„თვითონ სახელები და გვარები გეუბნებათ ყველაფერს, როგორ შეიძლება, ამ ორი ადამიანის საუბარი სერიოზულად აღვიქვათ? თუმცა, კიდევ ერთხელ, ესეც აჩვენებს რადიკალური ოპოზიციის სახეს. მთელი ამ წლების განმავლობაში ისინი გამუდმებით საუბრობენ დამხობაზე, რევოლუციაზე. მერე რა, რომ არ გამოსდით, ეს ყველაფერი მაინც მეტყველებს მათ სახეზე, მათ სულისკვეთებასა და დამოკიდებულებაზე. ასე მოქმედებენ უცხოელი აგენტები. ბუნებრივია, სახელმწიფო დგას თავის ადგილზე და არც მშვიდობიანი, არც არამშვიდობიანი დამხობის საშუალებას არავის მისცემს. როგორც ვპირდებოდით საზოგადოებას მთელი ამ წლების განმავლობაში, რომ ამის საშუალებას არავის მივცემდით და ვასრულებდით პირობას, ასევე ვპირდებით ახლაც და ამ პირობასაც აუცილებლად შევასრულებთ“, – განაცხადა პრემიერ-მინისტრმა.

პოლიტიკა • 1756991354

გია ვოლსკი: ეტყობა, ხაბეიშვილს უნდა, შეაგულიანოს ხალხი, რომელიც გარკვეული მიზეზების გამო შემოეფანტა

ეტყობა, ხაბეიშვილს ხალხის შეგულიანება უნდა, რომელიც გარკვეული მიზეზების გამო შემოეფანტა. მისი დამოკიდებულება მძიმე, შეურაცხმყოფელია და არ ითვალისწინებს რეალობას, რა ხდება ქვეყანაში, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, ხაბეიშვილი ხმამაღალ განცხადებებს აკეთებს, რათა ყურადღება მიიქციოს.„მას ისევ საკუთარი თავის წარმოჩენა უნდა. ამბობს, „ქართულმა ოცნებამ“ კაპიტულაცია გამოაცხადაო. ეს განცხადება იმისთვისა, ვინმეს თუ ეშინია ფიზიკური დაპირისპირების, ამ გმირ ლიდერს, ხმალამოღებულს უნდა გაჰყვეს და უკვე დამარცხებული მტრის რიგებში შეიჭრას. მას პოლიტიკაზე ასეთი წარმოდგენა აქვს, თუმცა, რეალურად, ის ადამიანია, ვინც თავისი ინტელექტით ერთადერთი რესურსის მატარებელია, რომ ადამიანების საზიანო განცხადებები გააკეთოს და მუშტიც მოიქნიოს, მაგრამ არანაირი პოლიტიკური პერსპექტივა არ აქვს“, – აღნიშნა გია ვოლსკიმ.„ნაციონალური მოძრაობის“ წევრმა, ლევან ხაბეიშვილმა სოციალურ ქსელში დაწერა: „ივანიშვილის რეჟიმის კაპიტულაცია ახლოვდება, 4 ოქტომბერი გამარჯვების დღეა, ყველა ქუჩაში, დროშები“.