სამართალი • 1738668033

უჩა აბაშიძეს 5-წლიანი პატიმრობა მიუსაჯეს, მის ცოლს - 4 წელი

ბლოგერი უჩა აბაშიძე და მისი ცოლი მარიამ იაშვილი მოსამართლე მიხეილ ჯინჯოლიამ დამნაშავედ ცნო. განაჩენი თბილისის საქალაქო სასამართლოში დღეს, 4 თებერვალს გამოცხადდა.მოსამართლის გადაწყვეტილებით, უჩა აბაშიძე 5 წელს გაატარებს პატიმრობაში, მისი ცოლი კი 4 წელს.იმის გამო, რომ საქმე პერსონალურ მონაცემებს შეიცავდა, დახურულ სხდომებზე განიხილებოდა. შესაბამისად, მასზე დასრება ჟურნალისტებს არ შეეძლოთ და დეტალებზე ვერ საუბრობს ადვოკატიც.ცნობისთვის, უჩა აბაშიძესა და მარიამ იაშვილს ბრალი საქართველოს სისხლის სამართლის კოდექსის 157-ე პრიმა და 236-ე მუხლებით წარუდგინეს, რაც პირადი ცხოვრების საიდუმლოს უკანონოდ მოპოვება - შენახვას და ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს.

მსოფლიო • 1738323694

ვრცელდება ვაშინგტონთან ავიაკატასტროფის დროს დაღუპულთა ფოტოები - ნაპოვნია ჩამოვარდნილი თვითმფრინავის „შავი ყუთები“

ავიაკატასტროფა ვაშინგტონში მდინარე პოტომაკის თავზე მოხდა. სამგზავრო თვითმფრინავისა და შტატების არმიის კუთვნილი ბლეკ ჰოუკის ტიპის ვერტმფრენის შეჯახების შედეგად, ორივე ბორტზე მყოფი ყველა მგზავრი დაღუპულად გამოცხადდა.ცნობილია, რომ ბორტზე მყოფი 67 ადამიანიდან მაშველებმა, ამ დროისთვის, 40-ის ცხედრის ამოყვანა შეძლეს. abc დაღუპულების ფოტოებს და მათ ვინაობას  ავრცელებს, როგორც ცნობილია, ბორტზე ფიგურული ციგურაობის,  სულ მცირე 14 კონკურსანტი იმყოფებოდა.დაღუპულები არიან, მწვრთნელი ვადიმ ნაუმოვი და ევგენია შიშკოვა - ისინი დაქორწინებულები იყვნენ და 1994 წელს მსოფლიო ჩემპიონები გახდნენ: როგორც იტყობინება ბოსტონის ფიგურული საციგურაო კლუბი, დაიღუპა ჯინა ჰანი.  ასევე იუწყებიან, რომ მსხვერპლთა შორისაა მოციგურავე ლეინი და მისი დედა, კრისტინ ლეინი. დაღუპულია ასევე ოფიცერი, სამუელ ლილი. ის ახლახან დაინიშნა ოფიცერად, უყვარდა ხალხი და თავგადასავლები.დაღუპულია ელიზაბედ კეი. ის ადვოკატი იყო, რომელიც საკუთარი დაბადების დღის აღსანიშნად  მიდიოდა მეგობართან ერთად. ბრიელე ბეიერი, 12 წლის, და მისი დედა, 42 წლის ჯუსტინა, ორივე დაიღუპნენ.ქმარმა, ანდრეიმ განაცხადა, რომ მისი ცოლი და ქალიშვილი ბრუნდებოდნენ აშშ-ს ფიგურული სკატინგის ეროვნული განვითარების ბანაკიდან ვიჩიტაში, კანზასში.

მსოფლიო • 1738269043

დააკავეს კაცი, რომელმაც ცოლი დაახრჩო და მისი სხეულის ნაწილები მოხარშა (უცხოეთი)

სამხრეთ ინდოეთში მამაკაცმა ცოლი მოკლა და მისი სხეულის ნაწილები მოხარშა. პოლიციამ კაცი უკვე დააკავა. ამის შესახებ უცხოური მედია წერს.გამოცემის ცნობით, მამაკაცი არმიის ყოფილი თანამშრომელია. მერტიმ სავარაუდო, აღიარა მკვლელობა.გამოძიების დროს პოლიციამ ამოიღო კადრები, სადაც ჩანს, რომ ქალი 15 იანვარს მიდიოდა სახლში. მას შემდეგ, სახლიდან გამოსული ქალი აღარ უნახავთ. ეს გახდა კიდევ ერთი საფუძველი იმისა, რომ პოლიციას ეჭვი მის ქმარზე მიეტანა. ქალი 18 იანვრის შემდეგ აღარავის უნახავს. პოლიციაში საჩივარი მოკლულის დედამ შეიტანა, რომელიც ამბობდა, რომ მისი შვილი დაიკარგა. ამის შემდეგ, პოლიციამ მამაკაცი დაკითხა, რა დროსაც, მან ცოლის მკვლელობა აღიარა. 16 იანვარს, დილით წყვილს შორის ჩხუბი მოხდა, სწორედ ამ დროს დაახრჩო კაცმა თავისი ცოლი. როდესაც იგი მიხვდა, რომ ქალი ცოცხალი აღარ იყო, კვალის დაფარვის მიზნით, ქალის კიდურების დანაწევრება და მოხარშა. პოლიცია ამტკიცებს, რომ კაცმა რვა საათი დახარჯა მტკიცებულებების განადგურებაში. იგი ყველაფრის განადგურებას ცდილობდა, მათ შორის ძვლებისაც, რომელიც „ფხვნილად აქცია.“მერტი მკვლელობის ბრალდებით დააკავეს.

მსოფლიო • 1738268525

ინდოელი გოგონას ბოლო მესიჯი ქმარს, ავიაკატასტროფამდე რამდენიმე წამით ადრე - „მივხვდი, რომ რაღაც შეიძლება ცუდად ყოფილიყო“

სურათზე: ცოლი, რომელმაც ქმარს გაუგზავნა ბოლო გზავნილი ვაშინგტონის თვითმფრინავის ჩამოვარდნამდე ცოტა ხნით ადრე, რომელმაც ის და 66 სხვა დაიღუპა.ასრა ჰუსეინმა ქმარს, ჰამაად რაზას, შეტყობინება გაუგზავნა: „ჩვენ 20 წუთში ვეშვებით“, როდესაც American Eagle Flight 5342 მიუახლოვდა რონალდ რეიგანის ეროვნულ აეროპორტს ოთხშაბათს, საღამოს 8 საათამდე.სამწუხაროდ, ეს იყო 26 წლის ასრას ბოლო შეტყობინება.ქმარმა რამდენიმე პასუხი გაუგზავნა, მაგრამ არცერთი არ მიუღია.ასრა იყო ერთ-ერთი იმ 67 მგზავრიდან, რომელიც დაიღუპა, როდესაც Bombardier CRJ700 თვითმფრინავი, რომელსაც მართავდა American Airlines-ის რეგიონალური შვილობილი კომპანია American Eagle, შეეჯახა Black Hawk-ის ვერტმფრენს არმიის სასწავლო მისიის დროს.ასევე დაიღუპა თვითმფრინავის ეკიპაჟის ოთხი წევრი და შვეულმფრენის მომსახურე პერსონალი.„მან მომწერა, რომ 20 წუთში დაეშვებოდნენ. „ჩემი დანარჩენი შეტყობინებები არ იყო მიწოდებული და სწორედ მაშინ მივხვდი, რომ რაღაც შეიძლება ცუდად ყოფილიყო“, - თქვა იმედგაცრუებულმა ჰამადმა აეროპორტში.”მე უბრალოდ ვლოცულობ, რომ ვიღაცამ გამოიყვანოს იგი მდინარიდან ახლა, როცა ჩვენ ვსაუბრობთ. ეს არის ყველაფერი, რისთვისაც შემიძლია ვილოცო“, - განუცხადა მან WUSA9-ს.რაზას მამამ, დოქტორმა ჰაშიმ რაზამ, მისი ვინაობა სოციალურ მედიაში დაადგინა და დაწერა: „ეს არის ჩემი 25 წლის ვაჟი, რომელმაც დაკარგა მშვენიერი ცოლი. ჩვენ მივდივართ DC-ში, რომ ვიყოთ მასთან. განადგურებულები ვართ. ჩვენი რწმენა ღმერთისადმი ურყევია“.დოქტორი რაზა არის ცნობილი ექიმი მისურის ბაპტისტის სამედიცინო ცენტრის სენტ-ლუისში.ჰამადი და მისი ოჯახი შეშფოთებული მიდიმოდიოდნენ რეიგანის აეროპორტში და ელოდნენ სიახლეებს.WUSA-ს რეპორტიორმა აღწერა რაზასთან მისი საუბარი, როგორც "ჩემი პროფესიული კარიერის ერთ-ერთი ყველაზე სულის შემძვრელი ინტერვიუ".ფედერალური საავიაციო ადმინისტრაციის ცნობით, შეჯახება მოხდა დაახლოებით საღამოს 9 საათზე, როდესაც რეგიონალური თვითმფრინავი, რომელიც მიფრინავდა ვიჩიტადან, კანზასში, შეეჯახა სამხედრო ვერტმფრენს, რომელიც ატარებდა წვრთნებს.თვითმფრინავის დაშვებამდე რამდენიმე წუთით ადრე, საჰაერო მოძრაობის კონტროლერებმა ჰკითხეს American Airlines-ის რეისს 5342, შეეძლო თუ არა დაშვებულიყო უფრო მოკლე ასაფრენ ბილიკზე, და პილოტები დათანხმდნენ. კონტროლერებმა თვითმფრინავი დასვეს და ფრენის თვალთვალის ვებგვერდებმა აჩვენეს, რომ თვითმფრინავი არეგულირებდა მის მიდგომას ახალ ასაფრენ ბილიკთან.ავარიამდე 30 წამზე ნაკლები ხნის წინ, საჰაერო მოძრაობის კონტროლერმა ჰკითხა ვერტმფრენს, ხედავდა თუ არა შემომავალ თვითმფრინავს. რამდენიმე წამის შემდეგ, კონტროლერმა კიდევ ერთი რადიო ზარი დარეკა ვერტმფრენზე და თქვა: "PAT 25, გაიარე CRJ-ის უკან" - როგორც ჩანს, ვერტმფრენს უთხრა, რომ დაელოდონ ორძრავიანი Bombardier CRJ-701 თვითმფრინავს. არანაირი რეაგირება არ ყოფილა. რამდენიმე წამის შემდეგ თვითმფრინავები ერთმანეთს შეეჯახა.თვითმფრინავის ტრანსპონდერმა შეწყვიტა გადაცემა ასაფრენი ბილიკიდან დაახლოებით 2400 ფუტის მანძილზე.მგზავრებს შორის იყვნენ მოციგურავეები, რომლებიც ბრუნდებოდნენ ფიგურულ სრიალში აშშ-ის ჩემპიონატიდან და მათი ორი რუსი მწვრთნელი, ევგენია შიშკოვა და ვადიმ ნაუმოვი.ოფიციალური პირების თქმით, თვითმფრინავის კორპუსი ამოყირავებული იპოვეს სამ ნაწილად, ნახევრამდე წყალში ჩაძირული. ასევე ნაპოვნია ვერტმფრენის ნამსხვრევები.ხელისუფლებამ დაიწყო მასიური სამძებრო-სამაშველო ოპერაცია, 300-მდე მაშველი ადგილზე მივიდა. გასაბერი კატარღები მდინარეს გადაატარეს და მაშველებმა ნაპირის გასწვრივ განათების კოშკები მოაწყვეს ტერიტორიის გასანათებლად. ცხედრების მეთოდურ ძებნაში ასევე გამოიყენეს ძალოვანი ვერტმფრენები რეგიონის მასშტაბით.თვითმფრინავში მყოფი ყველა ადამიანი რომ დაღუპულიყო, ეს იქნებოდა ყველაზე ხალხმრავალი მომაკვდინებელი საჰაერო კატასტროფა შეერთებულ შტატებში ბოლო 24 წლის განმავლობაში. - წერს dailymail

საზოგადოება • 1738263955

"მაყურებელს ცოლ-ქმარი ვეგონეთ. ერთხელაც, ალეკო ქუჩაში ცოლთან ერთად მოდის. ჩათვალეს, რომ ნანა "საყვარელია" და..." - ცუცა კაპანაძე ალეკო თეთრაშვილზე გვიყვება

ალეკო თეთრაშვილზე წარსულში საუბარი ძალიან უჭირს ცუცა კაპანაძეს, მეგობარს, რომელსაც 48 წლიანი ურთიერთობა ჰქონდა ცნობილ პაროდისტთან. მსახიობი "პრაიმტაიმს" ემოციებს ამერიკიდან უზიარებს და გულისტკივილს გამოთქვამს, რომ თავის სასცენო და საეკრანო პარტნიორს უკანასკნელ გზაზე ვერ აცილებს.ცუცა კაპანაძე: დაუჯერებელია ჩემთვის მეგობარზე წარსულში საუბარი. ალეკო მხოლოდ მეგობარი ხომ არ იყო, იყო პარტნიორი თეატრ-სტუდია "მოდი, ნახე"-ში, "პა სეანსში", "იუმორინაში" - 48 წელი ცოტა ხომ არ არის, ნახევარი საუკუნეა. მძიმეა... ვერაფრით წარმოვიდგენდი, ასე უცებ თუ წავიდოდა.სტენტირება ერთი წლის წინ გაიკეთა. მას შემდეგ ზოგჯერ სუსტად გრძნობდა თავს. ორი დღის წინ, ცუდად რომ გამხდარა, ოპერაციის გაკეთება გახდა საჭირო. 12 საათი უკეთებდნენ ოპერაციას. თრომბი მოწყდა და ვერ გადაარჩინეს... ზაფხულში საქართველოში რომ ვიყავი, ტელევიზიაში უნდა შევხვედროდით, ერთ გადაცემაში. არ იყო კარგად და ვერ მოვდივარო, დარეკა. თან მითხრა, ჩემი უნახავი არ წახვიდე ამერიკაში, მომენატრე, სახლში გამომიარეო. დავპირდი, გნახავ, ჩაგეხუტები-მეთქი. მაგრამ გამოფრენის დღეს, იმდენი საქმე მქონდა, ალეკოსთან მისვლა ვეღარ მოვახერხე. დამირეკა, სად ხარო? აეროპორტში ვარ, ბოდიში, ვერ გნახე, მაგრამ მალე სულ ვბრუნდები და მერე სულ ერთად ვიქნებით-მეთქი. ჰო, ჯიგარო, გეყოფა ამერიკა, ჩამოდი და ერთად გამოვჩნდეთ ტელევიზიაშიო. ჩვენს რეჟისორს, ბატონ ნუგზარ ბუცხრიკიძეს ეუბნებოდა, აღვადგინოთ ჩვენი სპექტაკლიო. რეზო კლდიაშვილის "იადონას თეატრს" ვთამაშობდით, ცოლ-ქმარი ვიყავით. სპექტაკლი სულ ანშლაგებით მიმდინარეობდა. ერთმანეთს 1977 წელს შევხვდით, გეპეის თეატრში. მერე "პა-სეანსის" პარალელურად თეატრში ვაგრძელებდით თამაშს. "იადონას თეატრით" ამერიკაში გამოვემგზავრეთ გასტროლით მეორედ. პირველად რეზო გაბრიაძის "შერეკილებით" გახლდით შტატებში. მოკლედ, ამ სპექტაკლის აღდგენა უნდოდა. ტექსტი გაიმეორე, მე ჩამოვალ და ერთ თვეში რეპეტიციებით აღვადგინოთ-მეთქი, ვეუბნებოდი. მაგრამ გაიწელა და... ბოლოს მითხრა, ჰე, ახლა, ნუღარ გაჭიმავ, ჩამოდიო. საკუთარ თავს ვერ ვპატიობ. არ ჩამოვედი დროზე, არ ვნახე და არ ჩავეხუტე...ვერც მილოცვას დაასწრებდი, ვერც მოკითხვას. პირადშიც ყოველთვის მილოცავდა ყველა დღესასწაულს.საოცარი მამა და მეუღლე იყო. არ იყო დაოჯახებული ერთმანეთი რომ გავიცანით. კარგად მახსოვს მისი და ნანას სიყვარული. ნანა თეატრში მოდიოდა, ესწრებოდა სპექტაკლებს. მთელი დასი ვგულშემატკივრობდით. მერე ქორწილი ჰქონდათ. ეს საშინელი ამბავი რომ გავიგე, ჩემს თვალწინ ერთ წამში ჩაიარა ამ ყველაფერმა, მისმა და ჩვენმა ცხოვრებამ. ყველას, მაყურებელს ცოლ-ქმარი ვეგონეთ. უამრავი კურიოზი გადაგვხდენია. ერთხელ მოვდივარ რუსთაველის თეატრიდან. ალეკო მეუღლესთან ერთად მოდის საპირისპირო მხრიდან. არ დამინახავს. მოდის ხალხი და რაღაც უცნაურად გაფაციცებით მიყურებს. ხალხის ყურადღებას მუდმივად მიჩვეულები ვიყავით, სულ სითბოთი გვხვდებოდნენ, მაგრამ ახლა რაღაც განსაკუთრებულად მიყურებენ და მამხნევებენ რატომღაც - არ ინერვიულო, ასეთები არიან კაცები. მისი გათახსირებული საყვარელიო. ვიფიქრე, რა ხდება.გავიხედე, ალეკო მოდის ნანასთან ერთად. გარშემო ხალხით ვარ შემოჯარული, წინ კედელი აღმიმართეს, რომ არ დამენახა ალეკო ვითომ თავის "საყვარელთან" ერთად. ეგონათ, მღალატობდა და მეფარებოდნენ, არ მანახებდნენ, თან მამშვიდებდნენ. რომ მივედი ალეკოსთან, გაშეშებული გვიყურებდნენ. მერე  ფარდა "ავხადე" ყველაფერს - ეს ალეკოს ცოლია-მეთქი, გავაცანი და ამოისუნთქეს.*** მე ხომ "პა-სეანსის" სკეტჩებში ალეკოს ცოლი ვიყავი და სულ წიხლებს ვურტყამდი. ერთხელ მამუკა ღლონტს ეუბნება, ერთ სერიაში მეც მომაჩეჩინე, ისე მწარედ მირტყამს წიხლებს, მინდა მეც გავულაწუნო ან მოვჩეჩოო. მართლაც, საახალწლო გადაღებაზე, ჩემი მკვლელობის რამდენიმე ვარიანტი უნდა გადავიღოთ და ერთ-ერთია რინგზე შეხვედრა. გვაცვია ბოქსის ხელთათმანები. ვითომ უნდა დამარტყას ყბაში. ალეკომ არც აცია, არც აცხელა, დამარტყა და ისე დამარტყა, რომ უცებ გავითიშე და დავვარდი. ჰგონიათ, რომ ვთამაშობ. ალეკოს უხარია, მოვკალი ცოლიო. აიღებს ჩემს ხელს, დამივარდება, ჰგონია, ვთამაშობ. ცუცა, ცუცაო - მეძახის და რომ არ ვახელ თვალს, ნელ-ნელა შეშინდა. მერე პატარა ბავშვივით აჯღნავლდა. მანჯღრევდა, დამტიროდა, მაპატიე, ჩემო საყვარელო, ოღონდ ახლა გაახილე თვალები და ხელს არ დაგაკარებო. როგორც იქნა, მოვედი გონს და მებოდიშა, რამდენიც გინდა, იმდენი მირტყიო. მერე სულ იმას ეხვეწებოდა მამუკას, ხელს ვერ დავაკარებ, მსგავსი არაფერი დამავალოთო... საუკეთესო წლები ერთად გავიარეთ. სულ უნდოდა, რომ "პა სეანსი" ისევ შეკრებილიყო. ბიჭები იუბილეზე - 13 აპრილს ხვდებოდნენ ერთმანეთს უჩემოდ. შარშან სურათი გადაიღეს, გამოტოვეს ადგილი და დააწერეს - აქ უნდა იყოს ცუცაო... დამცინოდნენ..."მერვე კლასელო" ხომ კლასიკად დარჩა. ერთმანეთს ვეხუმრებოდით კიდეც. მერვე კლასში გავიყინეთ, მაინც მერვეკლასელოს გვეძახიან და რა გვენაღვლებაო. წლების მომატება მხოლოდ ციფრებია და არ ინერვიულო-მეთქი, ვეუბნებოდი. 67 წლის იყო...ალეკო მოუშუშებელი ტკივილია. იყო დიდი ბიჭი ბავშვის გულით...ცხონებული კახი კითხულობდა - ნეტა, იქ თეატრი არისო? ალბათ არის, იქ წასული, უკან არავინ დაბრუნებულა. ჰოდა, იქ ჩავეხუტები და ბოდიშს მოვუხდი, რომ უკანასკნელ გზაზე ვერ გავაცილე..."პა სეანსის" გუნდში ალეკო მეორეა, ვინც ასე ადრე წავიდა. ჩვენს გუნდს ვუსამძიმრებ ამ დიდ დანაკლისს. პაატა და ალეკო იქ შეხვდებიან და მოიკითხავენ ერთმანეთს... 

პოლიტიკა • 1738228106

ზაზა ოქუაშვილი „მთავარ არხთან“ დაკავშირებით განცხადებას ავრცელებს

„ომეგა ჯგუფის“ დამფუძნებელი, ზაზა ოქუაშვილი „მთავარ არხთან“ დაკავშირებით განცხადებას ავრცელებს.როგორც ოქუაშვილი აცხადებს, უკანონო ფინანსური მაქინაციების გამო „მთავარი არხი“ ხელოვნურ გაკოტრებამდეა მისული.მისი განცხადებით, „მთავარი არხის“ გადასარჩენად საჭიროა მის დირექტორად მოვიდეს ჟურნალისტებისა და საზოგადოებისათვის მისაღები პირი, რომელიც კანონიერად მართავს არხს.ოქუაშვილი მიმართავს „მთავარი არხის“ 37%-იანი წილის მფლობელს, მასთან ერთად მიიღოს მონაწილეობა „მთავარი არხის“ გადარჩენაში“.„ვეხმაურები „მთავარი არხის“ სახელით გამოქვეყნებულ განცხადებას. „მთავარი არხის“ მხრიდან მორიგი შავი პიარის აგორება საეჭვოდ დაემთხვა სწორედ იმ დღეს, როდესაც ივანიშვილისა და მისი გუნდის წინააღმდეგ ჩემს მიერ წამოწყებული პროცესის მორიგი სასამართლო სხდომები დაიწყო ლონდონში, სადაც კვლავ გრძელდება ჩემი სამართლებრივი ბრძოლა ივანიშვილის ხელისუფლების რეჟიმთან. გვარამია და გაბუნია თავისუფალნი არ არიან თავიანთ განცხადებებში, რადგან არიან ივანიშვილის მძევლები მათ მიერ ჩადენილი უკანონო ფინანსური მაქინაციების გამო, რამაც „მთავარი არხი“ მიიყვანა ხელოვნურ გაკოტრებამდე.„მთავარი არხის“ ანგარიშებს ინკასო ადევს უკვე სამი წელია და ტელეკომპანია ვერ აწარმოებს ოფიციალურ გადარიცხვებს. ჩემს მიერ წარდგენილი დირექტორი გიორგი ქურდაძე არ გახდა თანამონაწილე „მთავარ არხზე“ მიმდინარე დანაშაულებრივი ქმედებებისა. ქურდაძის მოთხოვნა არხის მუშაობის კანონიერ ფარგლებში მოქმედებაა. სარეკლამო კომპანია „ნიუ სეილსი“, რომელიც ჩართული იყო ფულის გათეთრების მაქინაციურ სქემაში, გიორგი ქურდაძის მიერ მხილების შემდეგ აღარ თანამშრომლობს მთავარ არხთან და შესაბამისად რეკლამაც არხზე შეჩერებულია. ჩემი მოთხოვნა იყო მარტივი: გაბუნია, რომელმაც გარდა „მთავარ არხზე“ უკანონო ქმედებებისა თავი გამოიჩინა ჩემს მიმართ ცილისწამებითა და ტყუილებით, აღარ ყოფილიყო ამ არხის გენერალური დირექტორი. გაბუნიას სანაცვლოდ ნიკა გვარამიამ თავისი ცოლის – სოფიო ლილუაშვილის კანდიდატურა შემომთავაზა, რაზეც თავი შევიკავე. კიდევ ერთხელ მივმართავ „მთავარი არხის“ 37%-იანი წილის ნამდვილ მფლობელს, ჩემთან ერთად მიიღოს მონაწილეობა უკანონობის გამოსწორებასა და „მთავარი არხის“ გადარჩენაში, წინააღმდეგ შემთხვევაში მისი დუმილი „ქართული ოცნებასთან“გარკვეულ გარიგების შთაბეჭდილებას ტოვებს. „მთავარი არხის“ გადასარჩენად საჭიროა მის დირექტორად მოვიდეს ჟურნალისტებისა და საზოგადოებისათვის მისაღები პირი, რომელიც კანონიერად მართავს არხს. გვარამია-გაბუნიას ეს დემაგოგიური შავი პიარიც ჩემს წინააღმდეგ „ქართული ოცნების“ სარგებელს ემსახურება. კარგა ხანია ფარდა აეხადა გვარამიასა და ივანიშვილის ხელისუფლებას შორის ფარულ გარიგებას და საზოგადოებას არც ახლა გაუჭირდება სიმართლეში გარკვევა“, – აღნიშნულია ზაზა ოქუაშვილის განცხადებაში.ცნობისთვის, „მთავარმა არხმა“ განცხადება გაავრცელა, სადაც ნათქვამია, რომ „მთავარი არხის” თანადამფუძნებელი, ზაზა ოქუაშვილი გეგმაზომიერად მიყვება რუსული რეჟიმისთვის დამახასიათებელ გზას და ეტაპობრივად ხურავს არხს, რომელიც 5 წლის განმავლობაში მყარად ინარჩუნებდა ქვეყნის ყველაზე გავლენიანი კრიტიკული მედიასაშუალების სტატუსს.როგორც განცხადებაშია აღნიშნული, ზაზა ოქუაშვილის მცდელობით, უკვე ერთი თვეა ეთერში აღარ გადის რეკლამა და არხმა დაკარგა ყველა სპონსორი, რადგანაც გაყიდვების სახლთან კონტრაქტი ამოიწურა, მისი განახლების საშუალებას კი, ისევ ოქუაშვილის მითითებით, მისი დირექტორი, გოგი ქურდაძე არ იძლევა.

მსოფლიო • 1738052934

"ორსულ ცოლს ესროლა, რადგან ეგონა, რომ ბავშვი მისი არ იყო..." - კაცი უკვე დაკავებულია (უცხოეთი)

აშშ-ში მამაკაცი დააკავეს მას შემდეგ, რაც, აღიარა, რომ ესროლა თავის ორსულ ცოლს. მამაკაცი თვლიდა, რომ ბავშვი, რომელსაც ის ატარებდა, მისი არ იყო. ამის შესახებ უცხოური მედია წერს. გამოცემის ცნობით, მამაკაცს ბრალი უკვე წაუყენეს. საავადმყოფოში გადაყვანის შემდეგ, ექიმებმა დაადგინეს, რომ ქალი 20 კვირის ორსული იყო.მამაკაცმა პოლიციაში თავად დარეკა, რადგან დანაშაული ეღიარებინა. იგი ზარიდან 30 წუთში დააკავეს. მაკბრაიდმა პოლიციას განუცხადა, რომ მან იარაღი იყიდა სროლამდე. იგი რამდენიმე დღე გეგმავდა დანაშაულს.პროკურორებმა მაკბრაიდის ჩანაწერები იპოვეს, სადაც ის „წერდა თავისი იმედგაცრუების და გაუცხოების შესახებ“. გავრცელებული ინფორმაციით, მაკბრაიდმა აღიარა, რომ გაბრაზდა, რადგან „ის და მისი ცოლი არ განქორწინდნენ, მაგრამ ის დაორსულდა სხვა მამაკაცისგან“.

მსოფლიო • 1737839057

სასამართლომ გაამართლა ცოლი, რომელსაც ქმარი „ცოლქმრული მოვალეობის შეუსრულებლობაში“ ადანაშაულებდა - რა წერია სასამართლოს გადაწყვეტილებაში

ადამიანის უფლებათა ევროპულმა სასამართლომ (ECHR) 69 წლის ფრანგი ქალი, რომელმაც ქმართან სექსზე უარი თქვა, განქორწინებაში დამნაშავედ ცნო. ამის შესახებ The Guardian იტყობინება.აღნიშნულია, რომ ადრე საფრანგეთის სასამართლომ დააკმაყოფილა მამაკაცის სარჩელი და მისი ცოლი განქორწინებაში დამნაშავედ ცნო ინტიმურ ურთიერთობაზე რეგულარული უარის გამო. ქალი არ დაეთანხმა სასამართლოს გადაწყვეტილებას და მიმართა ადამიანის უფლებათა ევროპულ სასამართლოს, რომელმაც დაადგინა, რომ ქორწინების მოვალეობების შესრულებაზე უარის თქმა შეესაბამება სექსუალური თავისუფლების პრინციპებს და სხეულის ავტონომიის უფლებას.წყვილი დაქორწინებულია 1984 წლიდან. მათ ჰყავდათ ოთხი შვილი. ოჯახში ატმოსფერო 2002 წელს დაიძაბა, როცა მამაკაცმა ცოლის მიმართ ფიზიკური ძალადობა დაიწყო.

პოლიტიკა • 1737660135

ის რაც მოხდა, საამაყო არ არის, მაგრამ ოჯახის, შვილების, ცოლის შეურაცხყოფაზე, მიუხედავად თმენის ვალდებულებისა, ყოველთვის ასეთი რეაგირება გვექნება - ირაკლი ზარქუა აბუ-დაბის ინციდენტზე

ის რაც მოხდა, საამაყო არ არის, მაგრამ ოჯახის, შვილების, ცოლის შეურაცხყოფაზე, მიუხედავად თმენის ვალდებულებისა, ყოველთვის ასეთი რეაგირება გვექნება, რადგან კაცები ვართ და ქართველები ვართ, - განაცხადა საპარლამენტო უმრავლესობის წევრმა გადაცემაში "იმედი LIVE" აბუ-დაბის ინციდენტთან დაკავშირებით."ხმაურიანი მოგზაურობა გამოგვივიდა აბუ-დაბიში. უპირველეს ყოვლისა, მადლობა მინდა ვუთხრა ყველა იმ მხარდამჭერს, ვინც მთელი ამ პერიოდის განმავლობაში გვწერდა და გვამხნევებდა. ის რაც მოხდა, საამაყო არ არის, მაგრამ ოჯახის, შვილების, ცოლის შეურაცხყოფაზე, მიუხედავად თმენის ვალდებულებისა, ყოველთვის ასეთი რეაგირება გვექნება, რადგან კაცები ვართ და ქართველები ვართ. ჯერ პირველ დღეს ცდილობდა [თავდამსხმელი] საუზმეზე შეურაცხყოფა მოეყენებინა, მერე მეორე დღესაც. მესამე დღეს მოხდა ის, რაც მოხდა და ყველამ ნახეთ," - აღნიშნა ზარქუამ.

დედაქალაქი • 1737483578

22 იანვარს შუქი გაითიშება - ნახეთ, ქუჩების ჩამონათვალი

გადაუდებელი სამუშაოების ჩატარების გამო 22 იანვარს ელექტრომომარაგება დროებით შეიზღუდება, - ამის შესახებ ინფორმაციას „თელასი“ ავრცელებს.კრწანისის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: I ხეივნის, II ხეივნის, ახალი ხეივნის, დიდი ხეივნის, ხეივნის, საბატონოს, სირაძის, ბერძნის, ნადიკვრის, მეფისაშვილის, ოქროყანის, ორთაჭალის, ბადაგის, თორთლაძის, ნოდარ ტაბიძის, ბეჟან კალანდაძის, გრიშაშვილის, მეფე სოლომონ II, უსახელოურის, გორგასალის, წინანაურის, წითლანაძის, გულიას, მარტვილის, მელქაძის, ცოლიკაურის, შატაიძის და გულუას ქუჩების მოსახლეობას.გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: I ხეივნის, II ხეივნის, ახალი ხეივნის, დიდი ხეივნის, ხეივნის, საბატონოს, სირაძის, ბერძნის, ნადიკვრის, მეფისაშვილის, ოქროყანის, ორთაჭალის, ბადაგის, თორთლაძის, ნოდარ ტაბიძის, ბეჟან კალანდაძის, გრიშაშვილის, მეფე სოლომონ II, უსახელოურის, გორგასალის, წინანაურის, წითლანაძის, გულიას, მარტვილის, მელქაძის, ცოლიკაურის, შატაიძის და გულუას ქუჩების მოსახლეობას.გლდანის რაიონიგადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: მუხიანის IVა, IVბ მიკრორაიონების, ხრესილის, დაისის და არტანუჯის ქუჩების მოსახლეობას.საბურთალოს რაიონიგადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: აღმაშენებლის ხეივნის (ნაწილობრივ), დიდი დიღმის I მიკრორაიონის, ქართულ-ამერიკული მეგობრობის გამზირის, ვეფხისტყაოსნის, დავარის, ფატმანის, ოთხი ათასი მესხის, მეფე მირიანის, ავთანდილის, ასმათის, გიორგი ბრწყინვალის და პეტრიწის ქუჩების მოსახლეობას.მთაწმინდის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ახვლედიანის და ქიაჩელის ქუჩების მოსახლეობას.ისნის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: ბერი გაბრიელ სალოსის გამზირის, აჰმედ ჯავადის, არტურ ლაისტის, მარჯორი უორდროპის, მიხეილ აბრამიშვილის, ჩოლოყაშვილის, მეგობრობის და გრიგოლ აფშინაშვილის ქუჩების მოსახლეობას.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

პოლიტიკა • 1737373130

მამუკა მდინარაძე: სოციალურ ქსელში ერთი ახალგაზრდა ამბობდა, ნაცებს ვერ ვიტანთ და ახალი არჩევნები გვინდაო. ვინ მოგყავს? გახარია, მელია, რუსეთიდან დაფინანსებული ხოშტარია, ხაზარაძე, გირჩი ჯაფარიძე - ნაცები არ არიან?

ნაცების დაბრუნებას კი არ ითხოვს ხალხი, არამედ ამ ოთხი „ახალი“ პარტიას, რომლებიც ნაცები არ არიანო და თქვენ მეუბნებით, რომ ეს ადამიანები ნაცები არ არიან? ამ პარადოქსული არგუმენტით ცდილობენ ნაცების მობრუნებას, - განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ.მისი თქმით, ყველა ვინც აქციაზე დგას და ახალ არჩევნებს ითხოვს, არის ნაცი, ან ნებსით თუ უნებლიედ, ემსახურების „ნაციონალური მოძრაობის“ ინტერესებს.„ჩვენ ალბათ ყველას მეტი გვმართებს, რომ საქართველოში ობიექტურ რეალობაში დავარწმუნოთ ყველა ადამიანი. ჩვენ ხისტად ვაკრიტიკებთ არამხოლოდ ჩვენს ოპონენტებს, არამედ იმ ადამიანებსაც კი, ვინც რუსთაველზე დგას და რატომ ვეძახით ბევრ მათგანს ნაცს. ნებისმიერ შეგიძლიათ ჰკითხოთ: თუ ისინი მიაღწევენ მათი მოთხოვნის დაკმაყოფილებას, (თეორიულად, პრაქტიკულად შეუძლებელია) და დაინიშნება ახალი არჩევნები, ვის აძლევენ ხმას? ვინ უნდათ ხელისუფლებაში, ვინ უნდა მოვიდეს? ნაცის გარდა, დღეს არის ვინმე ისეთი, რომელიც შეიძლება ქართული ოცნების ნაცვლად იყოს ხელისუფლებაში? გვარამია და მელია არ არიან ნაცები, გირჩი ჯაფარიძე, ხოშტარია, ხაზარაძე არ არის ნაცი და მათი რეკეტიორი არ ყოფილა არასდროს და გახარიას არ უღალატია ნაცებთან ქართული ოცნებისთვის? ნაცების დაბრუნებას კი არ ითხოვს ხალხი, არამედ ამ ოთხი „ახალი“ პარტიას, რომლებიც ნაცები არ არიანო და თქვენ მეუბნებით, რომ ეს ადამიანები ნაცები არ არიან? ამ პარადოქსული არგუმენტით ცდილობენ ნაცების მობრუნებას. თუ ვინმე დღეს ითხოვს ხელახალ არჩევნებს, მათი მოთხოვნა საფუძვლიანია იმ შემთხვევაში თუ 300 000 ხმა გაყალბდა, ოღონდ 300 ხმის გაყალბების მტკიცებულებასაც კი ვერ დებენ. თუკი ვინმე ასე უარგუმენტოდ ითხოვს ახალ არჩევნებს, ისინი ნაცების დაბრუნებას ითხოვენ ხელისუფლებაში. პროკურატურა გამოდის და პირდაპირი მნიშვნელობით იხვეწება - რაიმე ინფორმაცია თუ გაქვთ მტკიცებულების სახით, მოდით და დადეთო. ასეთი ინფორმაცია ჯერ ჩვენ ვერ ვნახეთ. მივიდნენ და დადონ და მერე ილაპარაკონ ახალ არჩევნებზე, რომლითაც ისინი ნაცების დაბრუნებას ითხოვენ.გახარია ნაცი არ არის? ახლა, ინციდენტი რომ მოხდა, სამხარაძეს თავს რომ დაესხა, ამან პასუხი რომ გასცა და იქ გაბრუებული რომ იყო წამოწოლილი შუა ქუცაში, პირველი ვინ დაუჭირა მხარი? პირველები ვინც აღშფოთდნენ, ყველა რადიკალური ნაცები იყვნენ. ძალადობაზე კი უნდა აღშფოთდე, მაგრამ შე კაი ადამიანო, ჯერ მოიკითხე რა მოხდა. სხვა შემთხვევაში თუ არკვევ და როგორც გაწყობს, ისე ლაპარაკობ, აქაც მოიკითხე. გახარიას ოთხ მუნიციპალიტეტში აქვს კოალიცია ნაცებთან. ცოლი და ქმარი ერთად რომ ცხოვრობდეს ღამეს ერთად ატარებდნენ, ხელი რომ არ ჰქონდეთ მოწერილი და ერთმანეთი გვეზიზღებაო რომ ამბობდნენ, დაახლოებით ეს ვარიანტია. ვის აბრმავებენ? ხაზარაძე და ჯაფარიძის მთავარი ფუნქცია იყო ნაცების რეკეტის აღუსრულებლობა. თუ გახარია, მელია, რუსეთიდან დაფინანსებული ხოშტარია, გირჩი ჯაფარიძე არ არის ნაცი? როგორ დავიჯეროთ მათი განნაცება? სოციალურ ქსელში ამომიგდო, ერთი ახალგაზრდა ამბობდა, ნაცებს ვერ ვიტანთ, ნაცობას გვაბრალებენო და ახალი არჩევნები გვინდაო. ვინ მოგყავს? მოგყავს ნაცი, ესე იგი ნაცის საქმეს აკეთებ, გგონია, რომ ანტინაცი ხარ და ნაცი მოგყავს? რა დაგმართნია, მეორე უბედურებაში გაგიყვია თავი - აზრზე არ ხარ, ისე ხარ ნაცი. ასევე საფუძვლიანია მათი მოთხოვნა პატიმრების გათავისუფლებასთან დაკავშირებით, თუ ისინი არ იღებდნენ აქტიურ მონაწილეობას ძალადობრივ აქციებში. თუ დანაშაულს ჩადიოდნენ, რატომ უნდა გათავისუფლდნენ? აგერ, დღეს ორმა ადამიანმა მოინანია, აღიარა და პროკურატურამ ძალიან სერიოზული შეღავათი გაუკეთა“, - განაცხადა მდინარაძემ.

კრიმინალი • 1737124622

„ქართულ-ალბანური მაფია KFC-ის მიღმა იმალება“ - დავით კეზერაშვილის გარემოცვას, ამჯერად, ალბანეთის მედია ამხელს

ცოტა ხნის წინ ალბანეთში სკანდალის ცენტრში მოექცა KFC-ის ქსელი, სადაც სალმონელით დაინფიცირებული, ჯანმრთელობისთვის საშიში საკვები აღმოაჩინეს.ხმაური კიდევ უფრო გამძაფრდა მას შემდეგ, რაც ჟურნალისტები სწრაფი კვების ქსელის მიღმა ქართულ-ალბანური მაფიის კვალზე ალაპარაკდნენ. გამოცემა prapaskena წერს, რომ ეს ჯგუფი უკვე წლებია, ეწევა კრიმინალურ საქმიანობას ტირანაში, რაც მოიცავს ფულის გათეთრებას, ქოლ-ცენტრების ორგანიზებულ თაღლითობას, მოსახლეობის ჯანმრთელობის წინააღმდეგ მიმართულ ქმედებებს და ა.შ. აი, რას წერს ალბანური მედია: „ალბანეთში KFC-ის უკან, რომელიც სალმონელით ინფიცირებულ ქათმის პროდუქტებს ყიდის, ალბანელებისა და ქართველების მაფიოზური ქსელი დგას. იგივე ჯგუფი ასევე იდგა Gulf-ის პირამიდული სქემის უკან, რომელმაც თავისი საქმიანობა პროვოცირებული გაკოტრებით დახურა, 5 მილიონ ევროზე მეტი მიითვისა და სავარაუდოდ, ეს ფული KFC-ის ქსელის გაფართოებასა და უძრავ ქონებაში ინვესტირებისთვის გამოიყენა. საქმეში გამოჩნდნენ „ფულის გათეთრებისა“ და საგადასახადო თაღლითობის სქემის ხელმძღვანელი, ალბანო ალიკო, ქოლ-ცენტრების ალბანური ფილიალის უფროსი, ამანტ იოსიფი, 39 წლის ქართველი რევაზ სააკაძე, რომელსაც ბრალი ედება ქოლ-ცენტრის თაღლითობასა და ფულის გათეთრებაში და ასევე ალბანო ალიკოს თანამოაზრე, ოთარ ქათამაძე“.ვინ არიან ალბანურ მედიაში მაფიოზური დაჯგუფების წევრებად მოხსენიებული პირები? საჯარო წყაროებით დასტურდება, რომ ამანტ იოსიფი დაკავშირებულია ტრანსნაციონალურ დანაშაულთან, კერძოდ „მილტონ გრუპის“ საფარქვეშ მოქმედ ქოლ-ცენტრებთან, საიდანაც ევროპის სხვადასხვა ქვეყნის მოქალაქეებს სატელეფონო თაღლითობის გზით, ათობით მილიონი ევრო გამოსძალეს.ამანტ იოსიფის მიმართ ესპანეთის მოთხოვნით გამოცემულია დაპატიმრების ორდერი. ის დუბაიში გასულ წელს მართლაც დააკავეს, თუმცა გავრცელებული ინფორმაციით, ამჟამად დიდი რაოდენობით გირაოს სანაცვლოდ არის გათავისუფლებული. სხვადასხვა ჟურნალისტური გამოძიებითაც დასტურდება, რომ ამანტ იოსიფი არის „მილტონ გრუპის“ ალბანური ფილიალის მმართველი, თავად „მილტონ გრუპის“ უკან კი ასევე საერთაშორისო მედია, საქართველოს თავდაცვის ყოფილ მინისტრს, დავით კეზერაშვილს მოიაზრებს.ამანტ იოსიფი ჩანს „მილტონ გრუპის“ კორპორაციულ წვეულებებზე გადაღებულ ფოტოებშიც, სადაც ასევე ფიქსირდებიან დავით კეზერაშვილის უახლოესი გარემოცვის წევრები. როგორც მინიმუმ, ამანტ იოსიფის მეშვებით, დავით კეზერაშვილთან არის დაკავშირებული ალბანურ მედიაში ნახსენები ოთარ ქათამაძეც, რომელიც ფლობს KFC-ს ბიზნესს, როგორც ალბანეთში, ისე საქართველოში. წყარო ჰყვება, რომ ქათამაძეს თავდაცვის ყოფილ მინისტრთან მჭიდრო ფინანსური კავშირები აქვს, ისევე როგორც 39 წლის რევაზ სააკაძეს.ამავე ჯგუფთანაა დაკავშირბეული კომპანია Pay and Go, რომელიც ალბანეთში 2015 წელს დარეგისტრირდა. ეს კომპანია ბრიტანეთში რეგისტრირებული Untag-ის საკუთრებაშია, რომელსაც დავით კეზერაშვილის ცოლის ძმა, დიმიტრი ჩიქოვანი ფლობს. აღსანიშნავია, რომ ალბანური მედიის ცნობით, Pay and Go-ს, KFC Albania-ს და კეზერაშვილის გარემოცვასთან დაკავშირებული კომპანიების სხვა ოფისები ქალაქ ტირანაში, ერთ მისამართზეა რეგისტრირებული.