ცოლი

შალვა პაპუაშვილი: ეუთო-ს საპარლამენტო ასამბლეის დელეგაციასთან გვქონდა საუბარი 2024 წელს დაკავებული პატიმრების გათავისუფლების საკითხზე და ავუხსენი, რომ ეს პარლამენტის კომპეტენცია არანაირად არ არის

მნიშვნელოვანია, ყველას, მათ შორის იმ ორგანიზაციას, რომლის წევრიც ვართ, ჰქონდეს ობიექტური ინფორმაცია, რა მდგომარეობაა სასჯელაღსრულების სისტემაში. ამ მხრივ ყველანაირი ინფორმაცია აქვთ, არაფერი იმალება, - განაცხადა პარლამენტის თავმჯდომარემ, შალვა პაპუაშვილმა საქართველოს პირველი არხის გადაცემაში „დღის თემა“.ეუთო-ს საპარლამენტო ასამბლეის დელეგაციის რეკომენდაციის შესახებ დასმულ კითხვასთან დაკავშირებით, რომ „საქართველოს ხელისუფლებამ განიხილოს 2024 წელს დაკავებული იმ პატიმრების გათავისუფლების საკითხი, რომლებსაც სასჯელის ნახევარზე მეტი მოხდილი აქვთ, პაპუაშვილმა თქვა, რომ ეუთო-ს საპარლამენტო ასამბლეასთან ამის თაობაზე საუბარი შედგა და მათ განემარტათ, რომ ეს საკითხი პარლამენტის კომპეტენცია არ არის.„ეუთო-ს საპარლამენტო ასამბლეის დელეგაციასთან გვქონდა საუბარი და მე მათ ავუხსენი, რომ ეს პარლამენტის კომპეტენცია არანაირად არ არის. პენიტენციურ სისტემაში ამის საკმაოდ აწყობილი სისტემა არის. არსებობს ზოგადი წესი, რომელიც ჰუმანურია საქართველოში. საჭიროა, ითანამშრომლონ, მიმართონ, ამაზე არაერთხელ განაცხადა პროკურატურამაც, რომ მზად არის ამ მხრივ. პენიტენციურ დაწესებულებაში დაახლოებით 10 ათასი ადამიანი იხდის სასჯელს. გარკვეულ რაოდენობას, სასჯელის 50 პროცენტზე მეტი მოხდილი აქვს, მათ რა დააშავეს? რამე განსაკუთრებული არის უჩა აბაშიძე, რომელიც საკუთარი ცოლის სექსუალური ექსპლუატაციის გამო არის ციხეში? ის არის სინდისის პატიმარი?ევროკომისიის სპიკერმა თქვა, რომ მოვითხოვთ ყველა პოლიტპატიმრის გათავისუფლებასო. რამდენჯერმე ვთქვით, რომ სია მოეცათ. ევროკავშირის ელჩმა, ბრიუსელმა ჩამოთვალონ. გვაინტერესებს, არიან თუ არა პოლიტპატიმრები მიხეილ სააკაშვილი, უჩა აბაშიძე, ის, ვინც პოლიციელზე წიხლებით შედგა, დანაშაულების გაქვითვის პრინციპი ევროპაში არ არსებობს, რომელიმე კონტინენტის სხვა ქვეყანაში შეიძლება, არსებობს, არ ვიცი.ჩვენ ვნახეთ რა ამ მთლიან პროცესში, რომ იყო მცდელობა ხელისუფლების დამხობის, პარლამენტის დაწვის, პოლიციელებზე თავდასხმის. ელენე ხოშტარია ტრაბახობდა, რომ მე ვყიდულობ ფოიერვერკებს, რომ ესროლონ ადამიანებსო. ამ ადამიანს დღეს გმირად აცხადებს ევროკავშირი. მარტო ეს ერთი მაგალითი მოწმობს, რომ დამთავრდა ევროკავშირი, როგორც ღირებულება, დამთავრდა ევროპარლამენტი, როგორც ღირებულება. ამ ადამიანზე, რომელიც ამბობს, რომ სხვისთვის ცეცხლის სროლას მე ვაფინანსებ და ვარიგებ, სურთ დებატები და რეზოლუციის მიღება. უნდა მივხვდეთ ერთ რამეს, რომ ჩვენ არავისგან არ გვჭირდება მორალური გაკვეთილები. განსაკუთრებით იმ ხალხის მხრიდან, რომელიც ძალადობას ეძახის ევროპას.ინტერესი თუ ის არის, რომ იცოდნენ, რა პირობებში ხდება სასჯელის მოხდა, არიან ადვოკატები, რომლებსაც ყოველდღიურ რეჟიმში აქვთ ინფორმაცია, სახალხო დამცველისგან აქვთ ინფორმაცია. სინამდვილეში, არსებობს ობიექტური ინფორმაცია. ეს თუ არის რაიმე რიტუალი, რომ მოინახულო ადამიანი, მე პირადად ამას არ მივესალმები. რიტუალური ღონისძიებები, რომ ვიღაც ჩამოდის და უნდა მოიხადოს ვალი, შევიდეს რომელიმე კონკრეტულ პატიმართან, ეს გარკვეულწილად აკნინებს იმ დანაშაულს, რომელიც ამა თუ იმ ადამიანმა, შეიძლება, ჩაიდინა. მნიშვნელოვანია, ყველას, მათ შორის იმ ორგანიზაციას, რომლის წევრიც ვართ, ჰქონდეს ობიექტური ინფორმაცია, რა მდგომარეობაა სასჯელაღსრულების სისტემაში. ამ მხრივ ყველანაირი ინფორმაცია აქვთ, არსად არაფერი იმალება“, - განაცხადა შალვა პაპუაშვილმა.

ტაბლოიდი • 1773151320

ცოლის ხელით ტარების მსოფლიო ჩემპიონატი ფინურმა წყვილმა მოიგო

ცოლის ხელით ტარების მსოფლიო ჩემპიონატი ფინეთის წარმომადგენლებმა მოიგეს. დიდ ბრიტანეთში გამართულ ტრადიციულ კონკურსში ათობით წყვილმა მიიღო მონაწილეობა.ყველაზე სწრაფები თიმუ ტუვინენი და ჯატა ლინონენი გახდნენ, რომლებმაც დისტანცია წუთსა და 45 წამში დაფარეს. მათ ადგილობრივი ელით სავსე კასრი მოიგეს.ამ სახალისო სარბენ შეჯიბრებას საფუძვლად მე-19 საუკუნის ფინური ლეგენდა უდევს საფუძვლად მძარცველებზე, რომლებიც სოფლებს თავს ესხმოდნენ და ქალებს იტაცებდნენ.

პოლიტიკა • 1773048540

ვატო შაქარიშვილი: უკრაინის უზენაესმა სასამართლომ ერთნაირსქესიანი უკრაინელი წყვილი ოჯახად აღიარა. სწორედ ამის არ დაშვების გამო ცდილობენ დასაჯონ ჩვენი ქვეყანა და ამიტომ ისმის მუქარები ბრიუსელიდან ქართველი ხალხის მიმართ

უკრაინა, მილიონიანი მსხვერპლის და ოთხწლიანი დამანგრეველი ომის პარალელურად ამაყობს, რომ კიევში იმართება მასშტაბური ლგბტ აღლუმი და ფაქტობრივად ერთნაირსქესიანთა ქორწინების დაკანონებაც მოხდა სასამართლოს მიერ. ეს არის რეალური შეფასების კრიტერიუმი, რასაც ყველა რეზოლუციაში თუ გადაწყვეტილებაში ხაზს უსვამს ევრობიუროკრატია, - წერს „ერთიანი ნეიტრალური საქართველო“-ს აღმასრულებელი მდივანი ვატო შაქარიშვილი სოციალურ ქსელში.ის უკრაინის უზენაესი სასამართლოს გადაწყვეტილებას ეხმიანება, რომელმაც ერთნაირსქესიანი წყვილი ოჯახად ქვეყნის ისტორიაში პირველად აღიარა.„უკრაინა ნამდვილად „წინ“ არის შიგევროპული ინტეგრაციის გზაზე - უკრაინის უზენაესმა სასამართლომ ერთნაირსქესიანი უკრაინელი წყვილი ოჯახად აღიარა. სწორედ ამის არ დაშვების გამო ცდილობენ დასაჯონ ჩვენი ქვეყანა და ამიტომ ისმის მუქარები ბრიუსელიდან ქართველი ხალხის მიმართ.„ერთიანი ნეიტრალური საქართველო“ დიდი ხანია აფრთხილებს საზოგადოებას თუ რეალურად რა ფასის გადახდაა საჭირო ევროკავშირის გზაზე, თუნდაც მოჩვენებითი დაწინაურებისთვის.უკრაინა, მილიონიანი მსხვერპლის და ოთხწლიანი დამანგრეველი ომის პარალელურად ამაყობს, რომ კიევში იმართება მასშტაბური ლგბტ აღლუმი და ფაქტობრივად ერთნაირსქესიანთა ქორწინების დაკანონებაც მოხდა სასამართლოს მიერ. ეს არის რეალური შეფასების კრიტერიუმი, რასაც ყველა რეზოლუციაში თუ გადაწყვეტილებაში ხაზს უსვამს ევრობიუროკრატია.ლგბტ სიგიჟე ყოველდღიურად უფრო და უფრო ღრმავდება ევროკავშირის შიგნით, სახეზეა - ლგბტ სტრატეგია 2026-2030, რომლის მიხედვითაც ყველაფერი უნდა გაკეთდეს იმისათვის, რომ ბავშვებში სქესის შეცვლა იყოს ხელმისაწვდომი; ასევე, ევროკავშირის სასამართლოს გადაწყვეტილება, რომელიც წევრ ქვეყნებს ავალდებულებს აღიარონ სხვა ქვეყანაში რეგისტრირებული ერთნაირსქესიანთა ქორწინება, იმ შემთხვევაშიც კი, თუ ამ კონკრეტულ ქვეყანაში ეს კანონმდებლობით დაშვებული არ არის. აღნიშნული გადაწყვეტილების იმპლემენტაციისთვის პოლონეთმა უკვე მიიღო საკანონმდებლო ცვლილებები და ქორწინების რეგისტრაციის დოკუმენტიდან ამოიღო ტერმინები - ქმარი და ცოლი, ნაცვლად ამისა გაჩნდა ჩანაწერი - „მეუღლე N1” და “მეუღლე N2”…უნდა გვესმოდეს, რომ ევროკავშირის პოლიტიკური, ეკონომიკური და ღირებულებითი დეგრადაცია დროებითი მოვლენა არ არის, არამედ ამას აქვს შეუქცევადი ხასიათი და კონსტიტუციის 78-ე მუხლი გვავალდებულებს ამ ყველაფრის ნაწილად ვაქციოთ ჩვენი ქვეყანა.ამიტომ, სასწრაფოდ არის დასაწყები GEOEXIT-ის პროცესი და აუცილებელია ევროილუზიიდან საბოლოო გამოღვიძება“, - წერს შაქარიშვილი.

რჩევები • 1772917702

წითელი მეუღლისთვის, ვარდისფერი ... - ეტიკეტის ექსპერტის მოსაზრება, ვისთვის როგორ აირჩიოთ და აჩუქოთ ყვავილები 8 მარტს

თაიგულის ჩუქების წესები არსებობს. ეტიკეტის ექსპერტები რჩევები გამოგადგებათ, როცა ქალებს 8 მარტს მიულოცავთ.პირველ რიგში, თაიგულს უნდა მოაცილოთ ყველა „ტექნიკური“ შეფუთვა (ქაღალდი, ჩანთები), გადაყაროთ იგი და წარმოადგინოთ თაიგული საბოლოო, ლამაზი, ესთეტიკური სახით. თაიგული უნდა გეჭიროთ მარჯვენა ხელში. ნიუანსი, რომელიც გასათვალისწინებელია არის, როცა კოლეგას ან ჩვენზე მაღალი სტატუსის მქონე ადამიანს ვაჩუქებთ თაიგულს - თაიგული არ ჩაიხუტოთ, ხელის ჩამორთმევა საკმარისი იქნება, თუ ატმოსფერო იძლევა საშუალებას. თუ თაიგულს ვაჩუქებთ საყვარელ ადამიანს - მეგობარს, დედას, მეუღლეს - მაშინ, თაიგულის მიცემისას შეგვიძლია ჩავეხუტოთ და ვაკოცოთ ადრესატს.ექსპერტის აზრით, ყურადღება უნდა მიაქციოთ ფერთა პალიტრასაც. ასე რომ, წითელი ყვავილები შესაფერისია ძალიან ახლო ადამიანისთვის - ცოლისთვის, შეყვარებულისთვის. ყვითელი არის ფერი, რომელიც თავიდან უნდა აიცილოთ საქმიან თაიგულებში. ღირს უპირატესობა მიანიჭოთ ნეიტრალურ ფერებს - მუქ, პასტელურ ტონებს, ნაზ ვარდისფერს. რაც უფრო ახალგაზრდაა გოგონა, რომელსაც აჩუქებთ თაიგულს, მით უფრო დელიკატური უნდა იყოს ფერები.8 მარტს ბევრი მამაკაცი მიულოცავს დედებს, ცოლებს, დებს, ქალიშვილებს, შეყვარებულებს და კოლეგებს ქალთა საერთაშორისო დღეს. ამ დღესასწაულის მთავარი ატრიბუტი, რა თქმა უნდა, ყვავილებია.

პოლიტიკა • 1772866106

ჯაბა ხუბუა ევროკომისიის რეკომენდაციაზე, საზღვრის კვეთისას საქართველოს მოქალაქეები გაძლიერებულად შეამოწმონ: უმჯობესი იქნება, ევროკავშირის წევრი ქვეყნების საზღვრის კვეთისას თან ვიქონიოთ ფიშერისა და ლომჯარიას ერთობლივი ფოტო წარწერით: ,,მხოლოდ ჩემები"

საინტერესოა, ,,გაძლიერებული შემოწმება" რას ნიშნავს? ალბათ, მოგვთხოვენ საზეპიროებს ევროპარლამენტის რეზოლუციებიდან, - ასე ეხმიანება ჟურნალისტი ჯაბა ხუბუა, ევროკომისიის რეკომენდაციას, ევროკავშირის წევრი ქვეყნების საზღვრების კვეთისას საქართველოს მოქალაქეები გაძლიერებულად შეამოწმონ.მისი თქმით, ალბათ, საქართველოს მოქალაქეებს საგანგებოდ შეუმოწმებენ ე.წ. გულის ჯიბეს, არის თუ არა იქ ურსულა ფონ დერ ლაიენისა და კაია კალასის ერთობლივი ფოტო.“ევროკომისია ევროკავშირის წევრ ქვეყნებს რეკომენდაციას აძლევს, მათი საზღვრების კვეთისას საქართველოს მოქალაქეები გაძლიერებულად შეამოწმონ. საინტერესოა, ,,გაძლიერებული შემოწმება" რას ნიშნავს? ალბათ, მოგვთხოვენ საზეპიროებს ევროპარლამენტის რეზოლუციებიდან; საგანგებოდ შეგვიმოწმებენ ე.წ. გულის ჯიბეს, გვიდევს თუ არა იქ ურსულა ფონ დერ ლაიენისა და კაია კალასის ერთობლივი ფოტო, უკანა მხარეს რამე თბილი წარწერით ან ორი, ერთმანეთზე გადაბმული წითელი გულის ემოჯით; შეგვაერთებენ სიცრუის დეტექტორზე და დაგვისვამენ ორ საკვანძო კითხვას - გვჯერა თუ არა, რომ მაკრონის ცოლი კაცი არ არის? გვჯერა თუ არა, რომ მერცი პინოქიო არ არის? პასუხების მიხედვით, მესაზღვრე გადაწყვეტს, ვართ თუ არა ევროკავშირის წევრ ქვეყანაში შეშვების ღირსი. P.S. თავის დაზღვევის მიზნით, უმჯობესი იქნება, ევროკავშირის წევრი ქვეყნების, განსაკუთრებით კი გერმანიის, საზღვრის კვეთისას თან ვიქონიოთ პეტერ ფიშერისა და ნინო ლომჯარიას ერთობლივი ფოტო წარწერით: ,,მხოლოდ ჩემები".” - წერს ხუბუა X -ზე.

მსოფლიო • 1772640911

კაცმა მდიდარ ქალებზე 14-ჯერ იქორწინა და ცოლებს ქონება გამოსძალა - ინდოელი კაცის თაღლითური თავგადასავალი

ინდოეთში ოდიშას შტატში მამაკაცმა 43 წელიწადში თაღლითურად 14-ჯერ იქორწინა და ამ წლების განმავლობაში თაღლითური ქორწინების მსხვერპლების ხარჯზე ცხოვრობდა. თაღლითის ისტორიას Daily Mail აქვეყნებს.რამეშ ჩანდრა სვეინი პირველად 1979 წელს დაქორწინდა და ამ ქორწინებების განმავლობაში ხუთი შვილი შეეძინა. 2010 წლიდან მან განქორწინებულ მდიდარ ქალებზე ნადირობა დაიწყო და მათ სხვადასხვა სახელით ეცნობოდა.ყველა ცოლი სხვადასხვა შტატში ცხოვრობდა და არ იცოდნენ ერთმანეთის არსებობის შესახებ.გამოძიების ინფორმაციით, მამაკაცი ქორწინების შემდეგ ახალი ცოლისგან ფულს და ქონების მის სახელზე გადაფორმებას ითხოვდა. მიზნის მიღწევის შემდეგ კი ქრებოდა.სიცრუე მისი ერთ-ერთი მსხვერპლის წყალობით გამოვლინდა. მასწავლებელმა, რომელზეც სვეინი დაქორწინდა, ტელეფონში სხვა ქალების შეტყობინებები იპოვა, მათ დაუკავშირდა და გაირკვა, რომ მისი ქმარი მათზეც იყო დაქორწინებული. ამის შემდეგ შოკირებული ინდოელი ქალი პოლიციას დაუკავშირდა.

ასტროლოგია • 1772610123

ასტროლოგი ასახელებს მიზეზს, რა ანგრევს პარტნიორების ჰარმონიულ ურთიერთობას

ასტროლოგი ანა მზიანი სოციალურ ქსელში ვრცელ პოსტს აქვეყნებს თემაზე - როგორ გვანგრევს ჩვენი პარტნიორი.ძალიან ხშირად ვწერ მთვარეზე და ამას თავისი ახსნა აქვს. მთვარე არის ჩვენი შანაგანი სამყარო, ჩვენი არაცნობიერი, ჩვევა, კვება, უსაფრთხოება, დასვენება, დედა და ... პარტნიორთან ჩვენი დამოკიდებულება.თუ ჩვენს მთვარეს ცუდად უპირისპირდება პარტნიორის მარსი ან სატურნი, დარხეული გვაქვს.თუ სინასტრიაში პარტნიორების მთვარეებს შორის ჰარმონიული ურთიერთობებაა (ტრინი, სექსტილი, შეერთება) ერთმანეთთან სულიერი სიახლოვე გაქვთ, ზრუნავთ ერთმანეთზე და გამოხატავთ გულწრფელ გრძნობებს. მოგწონთ ერთად ყოფნა, ერთად რაღაცის კეთება. თუნდაც ერთად დასვენება ან ჭამა.მთვარის არაჰარმონიულ ასპექტებს შეუძლიათ გაანადგუროს უდიდესი სიყვარული და რომანტიკული ურთიერთობებიც.თუ თქვენს მთვარეს ცუდად უპირისპირდება პარტნიორის მარსი (კვადრატი, შეერთება, ოპოზიცია), თქვენი მთვარე დაჭრილია და ტირის, ის აზიანებს თქვენს ემოციებს, მოგვიანებით ფსიქიკური ტანჯვა შეიძლება გამოვლინდეს ავადმყოფობის სახით.თუ თქვენი მარსით დაზიანებული მთვარე არის: ვერძში, შაკიკი; კუროში - ყელის ქრონიკული დაავადებები, ჭარბი კვება და სიმსუქნე; ტყუპში - ფილტვებისა და ბრონქების დაავადებები; კიჩხიბში - კუჭის დაავადებები; ლომში - სისხლძარღვების და გულის დაავადებები; ქალწულში - კუჭ-ნაწლავის ტრაქტის პრობლემები; სასწორში - ნერვული დარღვევები; მორიელში - შარდსასქესო სისტემის დაავადებები; მშვილდოსანში - ღვიძლის დაავადება; თხის რქაში - სახსრებისა და ხერხემლის ანთება, კანის დაავადებები; მერწყულში - ვენების ვარიკოზული დაავადება, თევზებში - სხვადასხვა ინფექციური, ალერგიული დაავადებები, ალკოჰოლიზმი.თუ თქვენს მთვარეს პარტნიორის სატურნი აზიანებს (შეერთება, კვადრატი, ოპოზიცია) ძველ ასტროლოგიაში ასეთ ასპექტს "უბედურების ბეჭედს" უწოდებდნენ.სატურნის გავლენით მთვარე გრძნობს დეპრესიას, უბედურებას. ქმრის სატურნმა შეიძლება დათრგუნოს ცოლის სოციალური აქტივობა, რის შედეგადაც იგი დიასახლისად იქცევა და, საბოლოოდ, უინტერესო გახდება ქმრისთვის."უბედურების ბეჭდის" ქორწინება ყველაზე ხშირად იშლება და ყველაზე ხშირად სატურნის მატარებელი ტოვებს პარტნიორს. მჩაგვრელი კარგავს ინტერესს ჩაგრულის მიმართ, იწყებს მის უგულებელყოფას, არ სცემს პატივს და, ბოლოს და ბოლოს, ტოვებს ოჯახს.პარტნიორთან ჰარმონიული ურთიერთობისთვის ჩაიხედეთ თქვენს და მის პირად რუკებში ან მომმართეთ ასტროლოგიური კონსულტაციისთვის. სიყვარულით, თქვენი პირადი ასტროლოგი ანა მზიანი“,- წერს ასტროლოგი.

მსოფლიო • 1772555382

დააკავეს ცოლ-ქმარი, რომელიც სამ შვილზე სექსუალურად ძალადობდა და პორნოგრაფიული შინაარსის ვიდეოებს იღებდა - 15 წლის ქალიშვილმა ისინი სამართალდამცავ ორგანოებს გადასცა

სანქტ-პეტერბურგში დაქორწინებული წყვილი საკუთარი შვილების წინააღმდეგ ჩადენილი სერიოზული დანაშაულის გამო დააკავეს. მსხვერპლი ორი და და მათი შვიდი წლის ძმა იყო.36 წლის მამაკაცი და მისი 35 წლის ცოლი წინასწარი პატიმრობაში იმყოფებიან. მათ ბრალი ედებათ არასრულწლოვნების გარყვნასა და მათი მონაწილეობით პორნოგრაფიული მასალის წარმოებაში. უფროსმა შვილმა, 15 წლის გოგონამ, განგაში ატეხა. მან სასწრაფო დახმარების სამსახურში დარეკა და მშობლების მიერ სისტემატური ძალადობის შესახებ შეატყობინა. თუმცა, სამართალდამცველებს მისვლისას, სკოლის მოსწავლე ადგილზე არ დახვდათ - მამამისმა ის წაიყვანა და გაიქცა.ეჭვმიტანილის მანქანა მოგვიანებით იპოვეს და ის დააკავეს. მისი ცოლიც მას წინასწარი დაკავების იზოლატორში უკან მიჰყვა. გამომძიებლები ვარაუდობენ, რომ წყვილმა სამივე ბავშვს: 15 და 12 წლის გოგონებს, ასევე მათ შვიდი წლის ძმას, სექსუალური კავშირი აიძულა. - წერს რუსული მედია.

მსოფლიო • 1772466679

აიათოლა ალი ხამენეის ცოლი დაბომბვის დროს მიღებული დაზიანებების შედეგად გარდაიცვალა

აიათოლა ალი ხამენეის ცოლი, მანსურე ხოჯასტებაღერზადე დაბომბვის დროს მიღებული დაზიანებების შედეგად გარდაიცვალა. მედიის ცნობით, ხოჯასტე ბაღერზადე კომაში იყო.79 მანსურე ხოჯასტე ბაღერზადე მეუღლესთან ერთად იმყოფებოდა, როდესაც აშშ-სა და ისრაელის კოორდინაციით მათ ადგილსამყოფელზე იერიში მიიტანეს.მანამდე, პირველ მარტს ირანის სახელმწიფო მედიამ გაავრცელა ინფორმაცია, რომ აშშ-ის და ისრაელის მიერ ირანზე თავდასხმების შედეგად აიათოლა ალი ხამენეის რამდენიმე ნათესავიც დაიღუპა. მედიის ინფორმაციით, გარდაცვლილი არიან უზენაესი ლიდერის ქალიშვილი, შვილიშვილი, რძალი და სიძე.შეგახსენებთ, ირანის სახელმწიფო მედიამ პირველ მარტს დაადასტურა, რომ ქვეყნის სულიერი ლიდერი აიათოლა ალი ხამენეი დაიღუპა.

ტაბლოიდი • 1772199780

„ვტკბები ყოველი წამით“ - ილია თოფურია კადრებს გვიზიარებს

UFC-ის ქართველი ჩემპიონი ილია თოფურია ყოფილ ცოლთან ჯორჯიასთან ხმაურიანი განშორების შემდეგ სოციალურ ქსელში ოჯახურ კადრებს აქვეყნებს.კადრებში კი შვილებთან და მამასთან ერთად არის, რომელმაც დიდი მოწონება და თბილი კომენტარები დაიმსახურა.„ვტკბები ყოველი წამით, რასაც ცხოვრება მაძლევს“, - წერს ილია თოფურია.ცნობისთვის, ილია თოფურია UFC ცოტა ხნით ჩამოშორდა, ამის მიზეზი კი ყოფილ მეუღლესთან სასამართლო დავა იყო. ილიას 2 შვილი ჰყავს, უფროსი ვაჟი ჰუგო და გოგონა, რომელიც ჯორჯინა უზკატეგუისგან ეყოლა, ხოლო ჰუგო პირველი ცოლისგან.

მსოფლიო • 1772038548

ცოლი ქმარს იმიტომ დაშორდა, რომ მის SMS-ს უპასუხოდ ტოვებდა (უცხოეთი)

ტაივანის ქალაქ სინჩუში სასამართლომ ქალის გადაწყვეტილება ქალის სასარგებლოდ მიიღო, რომელსაც მეუღლესთან განქორწინება სურდა. BBC-ის ცნობით ქმარი, პროგრამა Line-ში, ცოლის გზავნილებს შეგნებულად არ აქცევდა ყურადღებას, რაც დაშორების მიზეზიც გახდა.კაცი, 6 თვის განმავლობაში ცოლის sms-ებს კითხულობდა, თუმცა არ პასუხობდა. უპასუხოდ დარჩა ასევე წერილი, სადაც ქალი იტყობინებოდა, რომ ავარიაში მოჰყვა. მხოლოდ რამდენიმე კვირის შემდეგ, კაცმა მოიწერა, რომ ძაღლი თავს კარგად გრძნობდა და რომ მისგან ელექტრონული წერილი მიიღო.„წერილები Line-ში - ეს ძალიან მნიშვნელოვანი მტკიცებულებაა. ის ქორწინების მდგომარეობას ასახავს, სადაც კომუნიკაციის ნაკლებობაა", - განაცხადა მოსამართლემ.

მსოფლიო • 1772038387

ტაივანში კაცი დაშორდა ცოლს, რომელიც წელიწადში მხოლოდ ერთხელ ბანაობდა

ტაივანელი კაცი ცოლს ჰიგიენური ნორმების დაუცველობის გამო დაშორდა. კაცის თქმით, მისი ცოლი, ლინი წელიწადში მხოლოდ ერთხელ ბანაობდა და იხეხავდა კბილებს.სასამართლოზე კაცმა თქვა, რომ ის დიდი ფსიქოლოგიური წნეხის ქვეშ იყო, რადგან წყვილს სექსი წელიწადში მხოლოდ ერთხელ, მისი ყოფილი ცოლის ბანაობის შემდეგ ჰქონდა.გასაკვირი არაა, რომ ცოლ-ქმარს, დაახლოებით 10-წლიანი თანაცხოვრების განმავლობაში, შვილიც არ ჰყოლია.