საზოგადოება • 1792134390

ჯანდაცვის სამინისტრო: დასაქმების ხელშეწყობის სახელმწიფო სააგენტოს ორგანიზებით, გუდაურში ადგილობრივი ხელისუფლებისა და ბიზნესსექტორის წარმომადგენლებთან საინფორმაციო შეხვედრა გაიმართა

დასაქმების ხელშეწყობის სახელმწიფო სააგენტოს ორგანიზებით, გუდაურში ადგილობრივი ხელისუფლებისა და ბიზნესსექტორის წარმომადგენლებთან საინფორმაციო შეხვედრა გაიმართა. ინფორმაციას ჯანდაცვის სამინისტრო ავრცელებს.უწყების ცნობით, შეხვედრაზე დასაქმების ხელშეწყობის სახელმწიფო სააგენტოს დირექტორმა, ეკატერინე სურმავამ მონაწილეებს სააგენტოს მიზნები, სერვისები და პროგრამები გააცნო.„ყურადღება დაეთმო მაღალმთიან რეგიონებში დასაქმების ხელშეწყობის პროგრამას, ასევე სასტუმრო-სარესტორნო სფეროში კვალიფიციური კადრების მოძიებისა და პროფესიული გადამზადების მნიშვნელობას.სააგენტოს წარმომადგენლებმა ადგილობრივი პარტნიორებისგან დეტალური ინფორმაცია მიიღეს რეგიონში შრომის ბაზარზე არსებული გამოწვევების, დამსაქმებელთა საჭიროებებისა და დასაქმების მიმართულებით არსებული შესაძლებლობების შესახებ.შეხვედრას დასაქმების ხელშეწყობის სახელმწიფო სააგენტოს დირექტორის მოადგილე ხათუნა ცერცვაძე და გიორგი ბუნტური ესწრებოდნენ“, – ნათქვამია სამინისტროს ინფრომაციაში.

საზოგადოება • 1790250421

20 წლის ფეხბურთელის გარდაცვალების საქმეზე პროკურატურა ინფორმაციას ავრცელებს

საქართველოს გენერალური პროკურორი გიორგი გვარაკიძე კოვიდპანდემიის დროს ვახტანგ ჩარკვიანის გარდაცვალების საქმეზე, გაიოზ ჩარკვიანს შეხვდა. შეხვედრას ესწრებოდა სიცოცხლის ხელყოფის საქმეებზე დაზარალებულთა საჩივრების განმხილველი საბჭოს თავმჯდომარე თამარ ბეჟუაშვილი. შეხვედრაზე გაიოზ ჩარკვიანს კიდევ ერთხელ მიეწოდა ინფორმაცია სისხლის სამართლის საქმის დეტალების, გამოძიების მიმდინარეობის და ჩატარებული საგამოძიებო და საპროცესო ღონისძიებების შესახებ. ასევე გაიოზ ჩარკვიანმა მისთვის საინტერესო ყველა კითხვაზე მიიღო პასუხი.ასევე, შეხვედრაზე შეთანხმდნენ, რომ სიცოცხლის ხელყოფის საქმეებზე დაზარალებულთა საჩივრების განმხილველი საბჭო გააგრძელებს სისხლის სამართლის საქმის შესწავლას, რაშიც ჩართული იქნება გაიოზ ჩარკვიანი და შედეგების შესახებ ეცნობება საზოგადოებას.საზოგადოების კიდევ ერთხელ ინფორმირების მიზნით ვახტანგ ჩარკვიანის გარდაცვალების ფაქტზე მიმდინარე სისხლის სამართლის საქმესთან დაკავშირებით გვსურს განვაცხადოთ, რომ საქართველოს შინაგან საქმეთა სამინისტროს ვაკე- საბურთალოს მთავარ სამმართველოში ვახტანგ ჩარკვიანის გარდაცვალების ფაქტზე გამოძიება 2021 წლის 8 ოქტომბერს, ვახტანგ ჩარკვიანის მამის - გაიოზ ჩარკვიანის განცხადების საფუძველზე დაიწყო და მიმდინარე სისხლის სამართლის საქმის ფარგლებში საქართველოს პროკურატურამ სისხლისსამართლებრივი დევნა განახორციელა 3 პირის მიმართ.გამოძიების პროცესში, როგორც მისი უფლებამონაცვლე, უშუალოდ არის ჩართული გაიოზ ჩარკვიანი, რომელსაც სისტემატურად აქვს ინფორმაცია გამოძიების მსვლელობის შესახებ.საქმეზე ჩატარდა ასობით საგამოძიებო და საპროცესო მოქმედება, მათ შორის დაინიშნა და ჩატარდა სამედიცინო, საინფორმაციო-ტექნოლოგიური და სხვა სახის ექსპერტიზები, გამოიკითხა ათობით მოწმე, მათ შორის შესაბამისი დარგის სპეციალისტები და სხვა.ჩატარებული გამოძიებით დადგინდა, რომ 2021 წლის 11 აგვისტოს, ახალი კორონავირუსით (SARS-CoV-2) გამოწვეული ინფექციის (COVID-19) დიაგნოზით, ვახტანგ ჩარკვიანი მოთავსდა შპს „აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკაში“ (ე.წ. „რესპუბლიკური“), სადაც 2021 წლის 12 აგვისტოდან 17 აგვისტომდე პერიოდში, მკურნალობას გადიოდა თერაპიულ განყოფილებაში, ხოლო 17 აგვისტოს გადაყვანილი იქნა რეანიმაციულ განყოფილებაში.გამოძიებით ასევე დადგინდა, რომ შპს „ნიკოლოზ ყიფშიძის სახელობის საუნივერსიტეტო კლინიკის“ თერაპიული განყოფილების უფროსმა - ქეთევან ცერცვაძემ და ამავე განყოფილების ექიმმა - ქეთევან ლობჟანიძემ არაჯეროვნად შეასრულეს სამსახურებრივი მოვალეობა და დაარღვიეს ახალი კორონავირუსით გამოწვეული ინფექციის კლინიკური მართვის წესი, რამაც ვახტანგ ჩარკვიანის ჯანმრთელობის მდგომარეობის დამძიმება გამოიწვია. კერძოდ, 2021 წლის 14 აგვისტოს ისე დაიწყეს პაციენტის ანტიბიოტიკოთერაპია, ხოლო შემდგომ შეცვალეს, რომ არ განუხორციელებიათ ბაქტერიოლოგიური კვლევა, რაც სავალდებულო იყო შესაბამისი გაიდლაინის მიხედვით.

კულტურა • 1789839960

აჭარის ხელოვნების მუზეუმში „საერთაშორისო არტ-პლენერი“ გაიმართა

აჭარის ხელოვნების მუზეუმში, 17 სექტემბერს,  ააიპ „შავი ზღვის ქვეყნების მხატვართა საერთაშორისო ორგანიზაციის - პლენერი 20“-ის პროექტი - „საერთაშორისო არტ-პლენერი“-ის შემაჯამებელი გამოფენა გაიმართა, რომლის სახელწოდებაა „თანამედროვე ქართული ხელოვნება, როგორც ევროპული თანამოსაუბრე“. არტ-პლენერის არსებობის მანძილზე განხორციელდა 6 საერთაშორისო პროექტი ქალაქ ფოთსა და ბათუმში. ეს ღონისძიებები აერთიანებს სხვადასხვა ქვეყნის ხელოვანებს, რომლებიც ფერწერულ ნამუშევრებს ღია ცის ქვეშ ქმნიან. პლენერში მონაწილეობას ღებულობდა  12 უცხო ქვეყნის /თურქეთი, ესპანეთი, პორტუგალია, ირლანდია, ირანი, ბულგარეთი, პოლონეთი, ყაზახეთი, უკრაინა/ და 13 ქართველი მხატვარი.მხატვარებმა შემაჯამებელ გამოფენაზე წარმოადგინეს სამოცდაათი საინტერესო ნამუშევარი.მონაწილე მხატვრები: თურქეთი - აზიზ კარაკოჩი, ფერმან აიდინი, ესპანეთი - გონსალო როდრიგეს გომესი, პორტუგალია - კუასე კაჩი, ირლანდია - რეგინა ბაჩინსკა, ირანი - მოტაჰარე მოგადასი, ბულგარეთი - ტემენუჟკა ნიკოლოვა დიმოვა, ხრისტო ხრისტოვი, სვეტლოზარ ნედევი, პოლონეთი - ზბიგნევ მიერუნსკი, ყაზახეთი - მერუიერტ (მირა) ჟუმანოვა, უკრაინა - ნატალია დაბიჟა, საქართველო - ჯემალ ბასარია, არჩილ ბლუაშვილი, ვლადიმერ დურული, ავთანდილ თოფურია, ბადრი ფაჩულია, თეკლა მელაძე, ზურაბ ჭედია, ნინო ჭედია, აჭარა -  ბექა ბოლქვაძე, არჩილ მალაყმაძე, გელა მესხი, გურამ ფუტკარაძე, ეკა ცინცაძე.გამოფენის ოფიციალურ გახსნას ესწრებოდნენ აჭარის ა/რ კულტურის მინისტრი - ელისო ბოლქვაძე, აფხაზეთის ა/რ იძულებით გადაადგილებულ პირთა მინისტრი - დავით ფაცაცია, საქართველოს მხატვართა კავშირის თავმჯდომარე - გურამ ცერცვაძე, აფხაზეთის მხატვართა კავშირის თავმჯდომარე - ჯემალ ბასარია,  აჭარის ა/რ მხატვართა კავშირის თავმჯდომარე - გურამ ფუტკარაძე, პროექტის ხელმძღვანელი, შავი ზღვის ქვეყნების საერთაშორისო ორგანიზაცია „პლენერი-20“-ის თავმჯდომარე - ზურაბ ჭედია, პროექტის კურატორი - ქეთევან ახობაძე- ხელოვნებათმცოდნე, სოციალურ მეცნიერებათა დოქტორი.,მხატვრები, ხელოვანები და ქალაქის სტუმრები.პროექტის ხელშემწყობი, პარტნიორები და დამფინანსებლები არიან: აჭარის ა/რ კულტურის სამინისტრო და აფხაზეთის ა/რ იძულებით გადაადგილებულ პირთა სამინისტრო, საქართველოს და აფხაზეთის მხატვართა კავშირები,სსიპ აჭარის მუზეუმი.

სამართალი • 1789557409

ბრალდების მხარეს მიაჩნია, რომ ის მტკიცებულებები, რომელიც გამოვიკვლიეთ, ადასტურებს გრიგოლ ლილუაშვილის მიერ ბრალად წარდგენილი ქმედებების ჩადენას, ოთხივე ეპიზოდში" - პროკურორი

თბილისის საქალაქო სასამართლოში სახელმწიფო უსაფრთხოების სამსახურის ყოფილი უფროსის, გრიგოლ ლილუაშვილის საქმეზე განაჩენი დღეს გამოცხადდება. სხდომაზე მხარეები რეპლიკების უფლებით ისარგებლებენ, რის შემდეგაც შესაძლოა ბრალდებულმა საბოლოო სიტყვაც წარმოთქვას.დაცვის მხარე პროცესზე გამამართლებელი განაჩენის გამოტანას ელოდება. გრიგოლ ლილუაშვილის ადვოკატის, ლანა ცერცვაძის განცხადებით, ბრალდებულმა დასკვნითი სიტყვით უკვე ისარგებლა, თუმცა უცნობია, გამოიყენებს თუ არა ის საბოლოო სიტყვის უფლებას."ბუნებრივია, გვაქვს მოლოდინი, რომ იქნება გამამართლებელი განაჩენი. ბატონ გრიგოლ ლილუაშვილს უკვე გუშინდელ პროცესზე დასკვნითი სიტყვით სარგებლობის უფლება მიეცა და მან ისარგებლა ამ უფლებით. საბოლოო სიტყვით ისარგებლებს თუ არა, ეს მისი უფლებაა და ზუსტად ვერ გეტყვით, წინასწარად გამოიყენებს თუ არა იგი ამ უფლებას," - აცხადებს ლანა ცერცვაძე.პროკურატურა კი მიიჩნევს, რომ საქმეში არსებული მტკიცებულებები და დაკითხულ პირთა ჩვენებები ყოფილი მაღალჩინოსნის ბრალეულობას სრულად ადასტურებს. საქმის პროკურორის, მარიამ ბერძენიშვილის თქმით, გამოძიების მიერ მოპოვებული მასალები ოთხივე ეპიზოდს, მათ შორის საბავშვო ბაღებისა და ე.წ. "ქოლ ცენტრების" საქმეებს, უტყუარად ამტკიცებს."ბრალდების მხარეს მიაჩნია, რომ ის მტკიცებულებები, რაც ჩვენ გამოვიკვლიეთ ამ პერიოდის განმავლობაში, არის ის მტკიცებულებები, რაც ადასტურებს გრიგოლ ლილუაშვილის მიერ ბრალად წარდგენილი ქმედებების ჩადენას, ოთხივე ეპიზოდს ვგულისხმობ, ბუნებრივია. ჩვენ ბრალად გვაქვს წარდგენილი ე.წ. ბაღების ეპიზოდი, რომელიც გულისხმობს ბაგა-ბაღების მართვის სააგენტოს ხელმძღვანელთან და მათ თანამშრომლებთან ერთად ქრთამის აღების ფაქტს. იცით, რომ გვანცელაძე არის მიმალვაში და მისი წარმოდგენა სასამართლოს წინაშე ვერ მოხერხდა და როგორც ბრალდებულს, ძებნილის სტატუსი აქვს, თუმცა ბაგა-ბაღების სხვა თანამშრომლები დავკითხეთ, რომლებმაც დაადასტურეს გრიგოლ ლილუაშვილის მიერ ქრთამის აღების ფაქტი.ასევე, ე.წ. "ქოლ ცენტრების" მფარველობის ეპიზოდზე დავკითხეთ ის ადამიანები, რომლებიც უშუალოდ მართავდნენ და ხელმძღვანელობდნენ იმ "ქოლ ცენტრებს", რომელსაც ანდრია და გრიგოლ ლილუაშვილები მფარველობდნენ. სახელმწიფო უსაფრთხოების სამსახურის ყოფილი თანამშრომლები, რომლებმაც დაადასტურეს ის ფაქტი, რომ გრიგოლ ლილუაშვილის მეშვეობით ხდებოდა "ქოლ ცენტრების" მფარველობა. რაც შეეხება ბიზნესმენებისაგან ქრთამის აღებას, რომეო მიქაუტაძე არის დაკითხული ამ საქმეზე. იცით, რომ მან პირდაპირ დაადასტურა, რომ გადასცა კონკრეტული ქრთამი გრიგოლ ლილუაშვილს სახელმწიფო უსაფრთხოების სამსახურში," - აცხადებს მარიამ ბერძენიშვილი.ცნობისთვის: გრიგოლ ლილუაშვილს ბრალად ედება წინასწარი შეთანხმებით ჯგუფის მიერ განსაკუთრებით დიდი ოდენობით ქრთამის აღება, რაც 11-დან 15 წლამდე თავისუფლების აღკვეთას ითვალისწინებს. სასამართლო პროცესი დღეს, 14:00 საათზე დაიწყო.

პოლიტიკა • 1789533992

გრიგოლ ლილუაშვილის საქმეზე განაჩენი დღეს გამოცხადდება

კორუფციულ დანაშაულში ბრალდებული, სუს-ის ყოფილი უფროსის, გრიგოლ ლილუაშვილის საქმეზე განაჩენი დღეს გამოცხადდება.სხდომა თბილისის საქალაქო სასამართლოში 14:00 საათზეა ჩანიშნული. დაცვის მხარემ დასკვნითი სიტყვა უკვე წარმოთქვა."კიდევ ერთხელ დავრწმუნდი, რომ ნამდვილად გამამართლებელ განაჩენს უნდა ველოდებოდე სასამართლოდან, მთავარია, სასამართლომ შეინარჩუნოს ობიექტურობა. თუ ხვალ, ზეგ დადგა ის მდგომარეობა, რომ თუნდაც პირველი ინსტანციის სასამართლომ უსამართლო გადაწყვეტილება გამოიტანა, ჩვენ გვაქვს მეორე ინსტანციაშიც, ბუნებრივია, ისევ სამართლებრივი რეჟიმის ფუნქციონარი, რომლის მიხედვითაც, ალბათ, გააგრძელებს დაცვის მხარე უარეს შემთხვევაში თავის მიდგომებს," - განაცხადა ადვოკატმა, ლანა ცერცვაძემ.დღევანდელ სხდომაზე კი, მხარეები რეპლიკების უფლებით ისარგებლებენ. დაცვის მხარე გამამართლებელი განაჩენის მოლოდინშია, ბრალდების მხარე კი პირიქით."მტკიცებულებები ოთხივე ეპიზოდთან მიმართებით, რაც ჩვენს მიერ იქნა გამოკვლეული, დანაშაულებრივი ხასიათის სპეციფიკიდან გამომდინარე, ამ მოცემულობის გათვალისწინებით, ნამდვილად ადასტურებს გონივრულ ეჭვს მიღმა სტანდარტით, რომ ბრალდებულმა ბრალად წარდგენილი ქმედება ჩაიდინა. ჩვენ შევაფასეთ დაცვის მხარის მიერ გამოკვლეული მტკიცებულებებიც, მათ შორის ერთ-ერთი მნიშვნელოვანი მოწმე, ვისაც დათვის მხარე ეყრდნობა, არის ელისო კილაძე, რომლის მიერ მოწოდებული ინფორმაციაც ჩვენ მიერ, ბუნებრივია, შეფასდა და ვფიქრობ, რომ სასამართლომ უნდა გაიზიაროს ჩვენი მტკიცებულებებიც და ჩვენი არგუმენტებიც," - აღნიშნა მარიამ ბერძენიშვილმა.

სამართალი • 1789214040

სასამართლომ ახმეტის სამედიცინო კლინიკის ნევროლოგს, მაია კოხტაშვილს 50 000-ლარიანი გირაო შეუფარდა

ახმეტის სამედიცინო კლინიკის ნევროლოგს, მაია კოხტაშვილს, მოსამართლე მარინე ცერცვაძემ აღკვეთის ღონისძიების სახით 50 000-ლარიანი საპატიმრო გირაო შეუფარდა. კოხტაშვილი გირაოს გადახდის შემდეგ გათავისუფლდება. ექიმს სასამართლომ დაავალა, ორ კვირაში ერთხელ შესაბამის ორგანოში გამოცხადდეს და საქართველოს საზღვრის გადაკვეთა აუკრძალა.სხდომაზე პროკურორმა, მანანა თანდაშვილმა კოხტაშვილისთვის პატიმრობა მოითხოვა. დაცვის მხარე პატიმრობის მოთხოვნას არ დაეთანხმა. ადვოკატ ილია ოთარაშვილის განცხადებით, ბრალდებაში პროკურორის მიერ სხდომაზე დასახელებული ყველა გარემოება, ბრალდებაში ასახული არ არის. მისი თქმით, კოხტაშვილი დანაშაულს აღიარებს, თუმცა არ არსებობს მიმალვის, მტკიცებულებების განადგურებისა და მოწმეებზე ზემოქმედების საფრთხე. ადვოკატმა 50 000-ლარიანი გირაო და პროფესიული საქმიანობის შეჩერება მოითხოვა. სასამართლოზე სიტყვის თქმის უფლებით ისარგებლა მაია კოხტაშვილმა და განაცხადა, რომ მედიკამენტების გამოწერისას პაციენტის დახმარების სურვილით და ექიმის ეთიკით ხელმძღვანელობდა.მისივე თქმით, ზოგჯერ პაციენტებს მედიკამენტებს ტელეფონით უწერდა, რათა მათ დამატებითი ხარჯის გაწევა არ დასჭირვებოდათ. „წამალი ღირს 6 ლარი და რომ არ ჩამოვიდნენ და დამატებითი ხარჯი რომ არ გადაიხადონ, ვუწერ წამალს“, - თქვა ექიმმა. კოხტაშვილის თქმით, მის სამედიცინო პრაქტიკაში სხვა შეცდომა არ დაუშვია. მაია კოხტაშვილი ფინანსთა სამინოსტროს საგამოძიებო სამსახურმა გუშინ დააკავა. გამოძიება ნევროლოგს ყალბი რეცეპტების დამზადებას ედავება, რაც 6 წლამდე თავისუფლების აღკვეთას ითვალისწინებს. წინასასამართლო სხდომა 3 ნოემბერს, 15:00 საათზე გაიმართება.მაია კოხტაშვილის დაკავებას დილიდან კახეთში მომუშავე მისი კოლეგები ეხმაურებოდნენ და სოლიდარობას უცხადებდნენ. ექიმი ლალი ნონიაშვილი წერდა: „მაია, ჩემო მეგობარო, დღეს სასამართლია. განსაკუთრებით მინდა იცოდე, მარტო არ ხარ. შენ გვერდით დგას უამრავი ადამიანი, ვისაც შენი სიკეთე, პროფესიონალიზმი და ადამიანობა ახსოვს. ექიმობა მხოლოდ სპეციალობა არ არის, ეს არის ღვთისგან ბოძებული უნარი, სხვის ტკივილს შეეხო და იმედი დაუბრუნო. შენ ეს სიკეთე წლების განმავლობაში თესე და დღეს ის სიყვარულად და მხარდაჭერად გიბრუნდება! სიმართლეს თავისი ძალა აქვს!” მედიკოსს მხარდაჭერას უცხადებდა ექიმი, ვასილ კობიაშვილიც. “- სოლიდარობას ვუცხადებ ჩემს ღირსეულ კოლეგას, მეგობარს და მჯერა, რომ ეს თითიდან გამოწოვილი ბრალდება მალე გაბათილდება და ახმეტას დაუბრუნდება ნამდვილი ნევროლოგი და საუკეთესო პროფესიონალი მისი სახით“, - ამბობს კობიაშვილი. „ჩემი მხარდაჭერა მაიას“, - წერდა ექიმი ლალი კევლიშვილი.

სამართალი • 1787744879

ყველა კომპონენტთან დაკავშირებით წარმოდგენილი გვყავდა პირდაპირი ხასიათის მოწმე,რაც იძლევა იმის შესაძლებლობას, რომ საქმეზე დადგეს გამამტყუნებელი განაჩენი - ლილუაშვილის საქმის პროკურორი

თბილისის საქალაქო სასამართლოში, სახელმწიფო უსაფრთხოების სამსახურის ყოფილი ხელმძღვანელის, გრიგოლ ლილუაშვილის პროცესი მიმდინარეობს.დღეს სხდომაზე დაცვის მხარის მტკიცებულებებს გამოიკვლევენ. დაიკითხება ლილუაშვილის დაცვის წევრი.სუს-ის ყოფილი უფროსი 23 დეკემბერს დააკავეს. მას ბრალად ედება წინასწარი შეთანხმებით, ჯგუფის მიერ განსაკუთრებით დიდი ოდენობით ქრთამის აღება, რაც 11-დან 15-წლამდე პატიმრობას ითვალისწინებს.ყოფილი მაღალჩინოსნის ადვოკატის, ლანა ცერცვაძის განცხადებით, ბრალდების მხარის მტკიცებულებებს, დაცვის მხარე შეჯიბრებითობის პრინციპით გაუწევს ოპონირებას, რათა დაადასტურონ, რომ ლილუაშვილისთვის "წარდგენილი ბრალი აბსურდულია"."ჩვენი ძირითადი მიმართულება არის, ბრალდების მხარის მიერ წარმოდგენილი, თუნდაც ეჭვის დონეზე გაჟღერებული ინფორმაციის საპირწონედ, ოპონირებაში დავდგეთ და მაქსიმალურად შეჯიბრებითობის პრინციპის დაცვით, მოვახდინოთ მტკიცებულებათა დემონსტრირება, იქნება ეს მოწმეთა ჩვენებები თუ სხვა წერილობითი მტკიცებულებები, რითაც, საბოლოო ჯამში, დავადასტურებთ, რომ აბსურდული და ცრუ ბრალი აქვს ბრალდების მხარეს წარდგენილი ჩემი დაცვის ქვეშ მყოფისათვის", - განაცხადა ლანა ცერცვაძემ.საქმის პროკურორის, მარიამ ბერძენიშვილის განცხადებით, საქმის ყველა კომპონენტთან დაკავშირებით პროცესზე წარმოდგენილი იყვნენ პირდაპირი ხასიათის მოწმეები, რაც იძლევა შესაძლებლობას, რომ საქმეზე გამამტყუნებელი განაჩენი დადგეს."თითოეულ ეპიზოდთან მიმართებით, ეპიზოდის სპეციფიკისა და იმ სქემის გათვალისწინებით, თუ როგორ მოქმედებდნენ ამ საქმეში ბრალდებული და საქმესთან დაკავშირებული პირები, ბრალდების მხარემ გამოიკვლია მტკიცებულებები, დაკითხა მოწმეები, მოწმეებმა თითოეულ ეპიზოდთან მიმართებით ისაუბრეს დეტალურად.აბსოლუტურად ყველა კომპონენტთან დაკავშირებით წარმოდგენილი გვყავდა პირდაპირი ხასიათის მოწმე. ვფიქრობ, ეს ყველაფერი იძლევა იმის შესაძლებლობას, რომ საქმეზე დადგეს გამამტყუნებელი განაჩენი.კიდევ ერთხელ ხაზს გავუსვამ, რომ ამ შემთხვევაში მხოლოდ მოწმეებზე არ არის საუბარი. მაგალითად, ქოლცენტრების ეპიზოდთან მიმართებით, გამოკვლეული გვაქვს აუდიო საუბრები ჩაწერილი, სადაც აქტიურად მონაწილეობს ბრალდებულთან ახლო კავშირში მყოფი ანდრია ლილუაშვილი, იქ საუბარი არის, მათ შორის, ბრალდებულზე", - განაცხადა მარიამ ბერძენიშვილმა.

სამართალი • 1786981863

გრიგოლ ლილუაშვილის სასამართლო პროცესზე მოწმის სახით რომეო მიქაუტაძე კიდევ ერთხელ დაიკითხა

სუს-ის ყოფილი უფროსის, გრიგოლ ლილუაშვილის სასამართლო პროცესზე მოწმის სახით კიდევ ერთხელ დაიკითხა ეკონომიკის მინისტრის ყოფილი მოადგილე, მსჯავრდებული რომეო მიქაუტაძე. მან კვლავ დაადასტურა, რომ კონკრეტული ბიზნესმენებისგან ქრთამის სახით მიღებული თანხა პირადად გრიგოლ ლილუაშვილთან მიჰქონდა.პროკურატურის ინფორმაციით, მოწმის ჩვენების გარდა, დანაშაულს სხვა მტკიცებულებებიც ადასტურებს, მათ შორის სატელეკომუნიკაციო ქსელებიდან გამოთხოვილი დოკუმენტაცია. გამოძიებით დგინდება, რომ გრიგოლ ლილუაშვილი ქრთამს უშუალოდ სახელმწიფო უსაფრთხოების სამსახურის შენობაში იღებდა."მოწმემ კვლავ დაადასტურა უშუალოდ მოთხოვნის მიღების, ქრთამის გადაცემის ფაქტები, ასევე ლოკაცია, რომელიც უცვლელი იყო.ორივე ეპიზოდთან მიმართებით, ორივე ბიზნესმენი სხვადასხვა საქმიანობასა და სხვადასხვა სფეროში იყო, თუმცა დადგა მათი საქმიანობის კუთხით საჭიროება, რომ კომუნიკაცია ჰქონოდათ რომეო მიქაუტაძესთან. რომეო მიქაუტაძის მხრიდან ეს საკითხი ცნობილი იყო გრიგოლ ლილუაშვილისათვის და გრიგოლ ლილუაშვილმა მოითხოვა კონკრეტული თანხა," - აცხადებს პროკურორი მარიამ ბერძენიშვილი.გრიგოლ ლილუაშვილის ადვოკატის, ლანა ცერცვაძის განცხადებით, სასამართლოზე დაკითხული მოწმე ლილუაშვილისთვის თანხის გადაცემაზე საუბრობს, თუმცა აღნიშნული მტკიცების დასადასტურებლად საქმეში ობიექტური მტკიცებულებები არ არსებობს. მისი თქმით, მოწმის ჩვენება მხოლოდ მის სიტყვებს ეფუძნება:"მოწმე, რომელიც დღევანდელ პროცესზე იყო დაკითხული, რომელიც ამბობს, რომ მან აიღო ფულადი თანხები, ის თავისი კეთილდღეობისთვის უბრალოდ ამბობს, რომ ეს ფულადი თანხები მიუტანა თითქოს გრიგოლ ლილუაშვილს. მაგრამ, ამის სამტკიცებლად და მადასტურებლად არ არსებობს არანაირი სახის ობიექტური მტკიცებულება," - აცხადებს გრიგოლ ლილუაშვილის ადვოკატი ლანა ცერცვაძე

საზოგადოება • 1781159667

კულტურის მინისტრმა თინათინ რუხაძემ ონში მდებარე რაჭის მუზეუმის ახალი შენობა დაათვალიერა

კულტურის მინისტრმა, თინათინ რუხაძემ ონში მდებარე რაჭის ახალი მუზეუმის შენობაში მიმდინარე სამუშაოები დაათვალიერა.მინისტრი მუზეუმის მიმდინარე საჭიროებებს გაეცნო. მუზეუმის გახსნისთვის აუცილებელი სამუშაოების საკითხები მან კულტურის მინისტრის მოადგილე გრიგოლ ცერცვაძესთან, რაჭა-ლეჩხუმისა და ქვემო სვანეთის სახელმწიფო რწმუნებულ პაპუნა მარგველიძესთან, საქართველოს ეროვნული მუზეუმის გენერალურ დირექტორ დავით ლორთქიფანიძესთან, რაჭის მუზეუმის ხელმძღვანელობასთან, ადგილობრივი ხელისუფლების წარმომადგენლებთან და ნიკორწმინდის ეპისკოპოს ვახტანგთან ერთად განიხილა."მიხარია, რომ ონში მალე ახალ მუზეუმს გავხსნით. მადლობას გადავუხდი რაჭას და ონელებს იმ უმნიშვნელოვანესი საგანძურის შენარჩუნებისთვის, რომელიც სულ მალე ამ მუზეუმში იქნება გამოფენილი. აქ თავმოყრილია ჩვენი ქვეყნის ისტორიისა და კულტურული მემკვიდრეობის არაერთი გამორჩეული ნიმუში.რაჭის ახალი მუზეუმის გახსნის მოსამზადებელი სამუშაოები დასკვნით ეტაპზეა. შენობა გადაეცა ეროვნულ მუზეუმს და ამ ეტაპზე კოლექციების გადატანა, ექსპონატების განთავსება და ახალი საგამოფენო სივრცის მოწყობა მიმდინარეობს. ამ მუზეუმის გახსნა მნიშვნელოვანი მოვლენაა როგორც რეგიონისთვის, ისე მთელი ქვეყნისთვის. მალე საზოგადოებას შესაძლებლობა ექნება იხილოს უნიკალური ექსპონატები, რომლებიც კიდევ ერთხელ წარმოაჩენს საქართველოს მდიდარ ისტორიასა და კულტურულ პოტენციალს", - განაცხადა თინათინ რუხაძემ.საქართველოს მთავრობის მხარდაჭერით აშენებული რაჭის მუზეუმის ახალი შენობა 2026 წელს საქართველოს ეროვნული მუზეუმის სისტემაში გაერთიანდა. ამჟამად ფონდების სისტემატიზაციისა და ონის მხარეთმცოდნეობის მუზეუმის კოლექციების ახალ სივრცეში გადატანის პროცესი მიმდინარეობს.საქართველოს ეროვნული მუზეუმის სპეციალისტთა ჩართულობით, ადგილობრივი კოლექციის მნიშვნელოვან ნაწილს უტარდება აუცილებელი საკონსერვაციო სამუშაოები. მუდმივმოქმედი ექსპოზიციის სამეცნიერო კონცეფცია ონის მუზეუმისა და ეროვნული მუზეუმის მეცნიერ-თანამშრომლებმა ერთობლივად შეიმუშავეს. პროექტის სამეცნიერო ხელმძღვანელი დავით ლორთქიფანიძეა.

რეგიონი • 1780991760

ახალციხის მუნიციპალიტეტის მერი ვარლამ წიკლაური, ახალციხეში, სამცხე-ჯავახეთის მხატვართა ნამუშევრების გამოფენას და ალბომის პრეზენტაციას დაესწრო

ახალციხის მუნიციპალიტეტის მერი ვარლამ წიკლაური, ახალციხეში, სამცხე-ჯავახეთის მხატვართა ნამუშევრების გამოფენას და ალბომის პრეზენტაციას დაესწრო.გამოფენაზე 70-მდე თანამედროვე, ადგილობრივი ხელოვანის ნახატები იყო წარმოდგენილი, მათ შორის, როგორც პროფესიონალი, ისე თვითნასწავლი მხატვრების.გამოფენა საქართველოს მხატვართა კავშირის თავმჯდომარემ გურამ ცერცვაძემ, ახალციხის მუნიციპალიტეტის საკრებულოს თავმჯდომარის პირველმა მოადგილემ დავით ტაბატაძემ, ბორჯომის მუნიციპალიტეტის მერის მოადგილემ გელა მაღრაძემ, სამხარეო ადმინისტრაციის, ადგილობრივი თვითმმართველობისა და ქალაქის საზოგადოების წარმომადგენლებმა დაათვალიერეს.ღონისძიების ფარგლებში გაიმართა სამცხე-ჯავახეთის მხატვართა ნამუშევრების ალბომის პრეზენტაცია, რომელიც საქართველოს მხატვართა კავშირის, ახალციხის და ბორჯომის მუნიციპალიტეტების მხარდაჭერით გამოიცა.ვარლამ წიკლაურმა გამოფენაში მონაწილე მხატვრებს შემოქმედებით საქმიანობაში წარმატებები უსურვა და მომავალშიც, მსგავსი პროექტების განხორციელებაში მხარდაჭერას დაპირდა.ღონისძიება ახალციხის მუნიციპალიტეტის მერიის განათლების, კულტურისა და სპორტის სამსახურის ორგანიზებით მოეწყო.

საზოგადოება • 1780429317

„ასეთი სასიამოვნო და მტკივნეული წერილი მივიღე...“ - შოშიების მამა პოსტს აქვეყნებს

გიგა ცხელიშვილი, ტუპების მამა სოციალურ ქსელში ემოციურ პოსტს აქვეყნებს. „ასეთი სასიამოვნო და მტკივნეული წერილი მივიღე და ძალიან გამიხარდამადლობა იმ ადამიანს ამ ბედნიერი წამების გახსენებისთვის.ეს ფოტო შემთხვევით აღმოვაჩინე ჩვენი ფოტოს უკანა ფონზე, გოგნზეა გადაღებული"მადლობა ნინო ცერცვაძეს“, - წერს გიგა ცხელიშვილი.

სამართალი • 1779202508

საქალაქო სასამართლოში გრიგოლ ლილუაშვილის მორიგი პროცესი გაიმართა

თბილისის საქალაქო სასამართლოში სახელმწიფო უსაფრთხოების სამსახურის ყოფილი ხელმძღვანელის, გრიგოლ ლილუაშვილის საქმეზე მორიგი პროცესი გაიმართა. სხდომა, რომელიც დახურულ რეჟიმში მიმდინარეობდა, ბრალდების მხარის მტკიცებულებების გამოკვლევას დაეთმო.დაცვის მხარე პროკურატურის მიერ წარდგენილ მტკიცებულებებს არ იზიარებს. გრიგოლ ლილუაშვილის ადვოკატის, ლანა ცერცვაძის განცხადებით, ბრალდების მოწმეების ჩვენებები ყოფილი მაღალჩინოსნის ბრალეულობას არ ადასტურებს.„დასახელებული მოწმეების სია, რაც წარმოდგენილი ჰყავს ბრალდების მხარეს, არ იძლევა იმ მოცემულობას, რომ პირდაპირი სახით ადასტურებდნენ გრიგოლ ლილუაშვილის რაიმე სახის შემხებლობას რომელიმე ბრალის ეპიზოდთან მიმართებით," - აცხადებს ლანა ცერცვაძე.ადვოკატის პოზიციისგან განსხვავებულია ბრალდების მხარის შეფასება. პროკურორ ნათია თათიაშვილის განმარტებით, დღევანდელ სხდომაზე ე.წ. ბაგა-ბაღების ეპიზოდზე მოწმეები დაიკითხნენ, რომლებმაც კორუფციული სქემისა და თანხების გადანაწილების შესახებ დეტალურად ისაუბრეს.„დაიკითხა 6 მოწმე უშუალოდ ბაგა-ბაღების ეპიზოდთან მიმართებით. მოგეხსენებათ, რომ გრიგოლ ლილუაშვილს ბრალდება წარდგენილი აქვს, მათ შორის, ბაგა-ბაღების სააგენტოდან ქრთამის აღების ფაქტზე. შესაბამისად, აღნიშნულ ბრალთან მიმართებით უშუალოდ კავშირში მყოფი მოწმეები დაიკითხნენ, რომლებმაც გარკვეული ინფორმაცია მიაწოდეს არსებულ სქემასთან დაკავშირებით - თუ რას გულისხმობდა კორუფციული სქემა, ვის შორის ნაწილდებოდა ფულადი თანხები და როგორ ხდებოდა თანხის გადანაწილება. ბაღებთან მიმართებით არ დასრულებულა მოწმეთა გამოკითხვა - ისევ გაგრძელდება და ამის შემდგომ უკვე დაიწყება სხვა ეპიზოდების განხილვა," - განაცხადა ნათია თათიაშვილმა.ცნობისთვის, სუსის ყოფილ უფროსს, გრიგოლ ლილუაშვილს ბრალად ედება წინასწარი შეთანხმებით, ჯგუფის მიერ განსაკუთრებით დიდი ოდენობით ქრთამის აღება. აღნიშნული დანაშაული 11-დან 15 წლამდე ვადით თავისუფლების აღკვეთას ითვალისწინებს.