ღორის გრიპი

„მოდაში შემოვიდა“ და სრულიად უადგილოდაც იღებენ... - მაია ბუწაშვილის საგანგებო მიმართვა

ინფექციონისტი მაია ბუწაშვილი ვრცელ პოსტს აქვეყნებს სოციალურ ქსელში: "როგორც მოგეხსენებათ, ამჟამად უამრავ ადამიანს აქვს სასუნთქი გზების ინფექცია, გამოხატული სხვადასხვა სიმპტომებით. ზოგს უბრალოდ სურდო აქვს, ზოგს კი მაღალი ტემპერატურა, ყელის ტკივილი, ხველა და არის გართულებული შემთხვევებიც.ამ პაციენტებს შორის ბევრს აქვს გრიპის ვირუსი (A ან B ტიპის), თუმცა სასუნთქი სისტემის ინფექციის სიმპტომების მქონე ადამიანებში სხვა ვირუსული და ბატერიული ინფექციებიც ხშირია.რატომღაც თუ A ტიპის ვირუსი დადასტურდა, ამბობენ, რომ „ღორის გრიპი“ (H1N1) აქვთ და ეს ძალიან აშინებთ. ჯერ ერთი, ტერმინი „ღორის გრიპი“ აღარ გამოიყენება, მეორეც, A ტიპის ვირუსის აღმოჩენა სულაც არ ნიშნავს, რომ აუცილებლად H1N1-ია, სხვა ტიპის A ჯგუფის ვირუსებიც ცირკულირებს. მესამეც, H1N1 სულაც არ არის უფრო „საშიში“, ვიდრე სხვა ტიპის გრიპის ვირუსები.თუ მაინცდამაინც იმის დადგენა გვინდა, მართლა ე.წ. „ღორის გრიპია“ თუ არა, ამას სწრაფი ტესტით ვერ გავიგებთ და PCR კვლევა უნდა ჩატარდეს.თუმცა ეს პოსტი უფრო სხვა საკითხს ეხება. წელს ძალიან ინტენსიურად და ხშირად ზედმეტად იღებენ ადამიანები ანტივირუსულ მკურნალობას (ძირითადად ტამიფლუს). კარგია, რომ როგორც იქნა ამ მედიკამენტმა ადგილი დაიმკვიდრა, რადგან წლების მანძილზე ვისაც მართლა სჭირდებოდა ეს მედიკამენტი, მათი დათანხმებაც არ იყო ხოლმე ადვილი. თუმცა, როგორც ჩვენთან ხშირად ხდება, ახლა ისეთ „მოდაში შემოვიდა“, სრულიად უადგილოდაც იღებენ.ტამიფლუს თავისი ჩვენებები აქვს და მისი გამოყენება არ არის საჭირო ჯანმრთელ, ახალგაზრდა პირებში. ასეთ ადამიანებში ტამიფლუს ეფექტი მხოლოდ ის არის, რომ 1 დღით ამცირებს სიმპტომების მიმდინარეობას, სულ ეგ არის.ტამიფლუ საჭიროა ქრონიკული დაავადებების მქონე პირებში, ხანდაზმულებში, ორსულებში, 2 წლამდე ასაკის ბავშვებში. ასევე იმ პაციენტებში, რომელთაც გრიპის მძიმე მიმდინარეობის გამო ჰოსპიტალიზაცია ჭირდებათ. ასევე, ნამდვილად უნდა იყოს დადგენილი, რომ A ან B გრიპის ვირუსია, რადგან სხვა რესპირაციულ ვირუსებზე ეს მედიკამენტი არ მოქმედებს.მედიკამენტი ეფექტურია სიმპტომების დაწყებიდან მხოლოდ 48 საათის განმავლობაში (აქ არ იგულისხმება ჰოსპიტალიზებული პაციენტები).საკმაოდ ხშირია გვერდითი მოვლენები (თავის ტკივილი, სისუსტე, გულისრევა და სხვ.). ამიტომ მედიკამენტის „ყოველი შემთხვევისთვის“ გამოყენება არ არის მიზანშეწონილი და მკაფიოდ უნდა დადგინდეს მისი საჭიროება.

საზოგადოება • 1741121325

„მისი გამოყენება არ არის საჭირო ჯანმრთელი, ახალგაზრდა ადამიანებისთვის“ - მაია ბუწაშვილი მოქალაქეებს აფრთხილებს

მედიკამენტ „ტამიფლუსთან“ დაკავშირებით, მაია ბუწაშვილი ინფორმაციას ავრცელებს:„როგორც მოგეხსენებათ, ამჟამად უამრავ ადამიანს აქვს სასუნთქი გზების ინფექცია, გამოხატული სხვადასხვა სიმპტომებით. ზოგს უბრალოდ სურდო აქვს, ზოგს კი მაღალი ტემპერატურა, ყელის ტკივილი, ხველა და არის გართულებული შემთხვევებიც.ამ პაციენტებს შორის ბევრს აქვს გრიპის ვირუსი (A ან B ტიპის), თუმცა სასუნთქი სისტემის ინფექციის სიმპტომების მქონე ადამიანებში სხვა ვირუსული და ბატერიული ინფექციებიც ხშირია.რატომღაც თუ A ტიპის ვირუსი დადასტურდა, ამბობენ, რომ „ღორის გრიპი“ (H1N1) აქვთ და ეს ძალიან აშინებთ. ჯერ ერთი, ტერმინი „ღორის გრიპი“ აღარ გამოიყენება, მეორეც, A ტიპის ვირუსის აღმოჩენა სულაც არ ნიშნავს, რომ აუცილებლად H1N1-ია, სხვა ტიპის A ჯგუფის ვირუსებიც ცირკულირებს. მესამეც, H1N1 სულაც არ არის უფრო „საშიში“, ვიდრე სხვა ტიპის გრიპის ვირუსები.თუ მაინცდამაინც იმის დადგენა გვინდა, მართლა ე.წ. „ღორის გრიპია“ თუ არა, ამას სწრაფი ტესტით ვერ გავიგებთ და PCR კვლევა უნდა ჩატარდეს.თუმცა ეს პოსტი უფრო სხვა საკითხს ეხება. წელს ძალიან ინტენსიურად და ხშირად ზედმეტად იღებენ ადამიანები ანტივირუსულ მკურნალობას (ძირითადად ტამიფლუს). კარგია, რომ როგორც იქნა ამ მედიკამენტმა ადგილი დაიმკვიდრა, რადგან წლების მანძილზე ვისაც მართლა სჭირდებოდა ეს მედიკამენტი, მათი დათანხმებაც არ იყო ხოლმე ადვილი. თუმცა, როგორც ჩვენთან ხშირად ხდება, ახლა ისეთ „მოდაში შემოვიდა“, სრულიად უადგილოდაც იღებენ.ტამიფლუს თავისი ჩვენებები აქვს და მისი გამოყენება არ არის საჭირო ჯანმრთელ, ახალგაზრდა პირებში. ასეთ ადამიანებში ტამიფლუს ეფექტი მხოლოდ ის არის, რომ 1 დღით ამცირებს სიმპტომების მიმდინარეობას, სულ ეგ არის.ტამიფლუ საჭიროა ქრონიკული დაავადებების მქონე პირებში, ხანდაზმულებში, ორსულებში, 2 წლამდე ასაკის ბავშვებში. ასევე იმ პაციენტებში, რომელთაც გრიპის მძიმე მიმდინარეობის გამო ჰოსპიტალიზაცია ჭირდებათ. ასევე, ნამდვილად უნდა იყოს დადგენილი, რომ A ან B გრიპის ვირუსია, რადგან სხვა რესპირაციულ ვირუსებზე ეს მედიკამენტი არ მოქმედებს.მედიკამენტი ეფექტურია სიმპტომების დაწყებიდან მხოლოდ 48 საათის განმავლობაში (აქ არ იგულისხმება ჰოსპიტალიზებული პაციენტები).საკმაოდ ხშირია გვერდითი მოვლენები (თავის ტკივილი, სისუსტე, გულისრევა და სხვ.). ამიტომ მედიკამენტის „ყოველი შემთხვევისთვის“ გამოყენება არ არის მიზანშეწონილი და მკაფიოდ უნდა დადგინდეს მისი საჭიროება“, - წერს ბუწაშვილი.

საზოგადოება • 1739822047

მაღალი ტემპერატურა, ხველა და ყელის ტკივილი - სეზონური ვირუსების გამო, პედიატრიულ განყოფილებებში მცირეწლოვანი პაციენტების მიმართვიანობა გაორმაგებულია

მაღალი ტემპერატურა, ხველა და ყელის ტკივილი - ეს ის სიმპტომებია, რაც გრიპის ვირუსს ახასიათებს. ამ ჩივილებით მხოლოდ იაშვილის კლინიკაში 55-ზე მეტი ბავშვი მკურნალობს. ბოლო ორ თვის განმავლობაში, პედიატრიულ განყოფილებაში მცირეწლოვანი პაციენტების მიმართვიანობა გაორმაგებულია.ქვეყანაში A და B ტიპის ვირუსი ცირკულირებს. ლაბორატორიულად დადასტურებული შემთხვევების 70% სეზონური ვირუსია. მედიკოსები თებერვლის ბოლოს დინამიკის კლებას პროგნოზირებენ.მცირეწლოვანი პაციენტების მიმართვიანობა გაზრდილია სხვა სამედიცინო დაწესებულებებშიც. სტაციონარში მოთავსებული ბავშვების უმეტესობა ხუთ წლამდე ასაკისაა, 50%-ზე მეტს კი ვირუსის გართულებული ფორმა - ფილტვების ანთება უდასტურდება."ღორის გრიპისა" და სხვა სეზონური ვირუსების გავრცელების პრევენციის მიზნით, მედიკოსების მთავარი რეკომენდაცია ვაქცინაციაა; რისკ ჯგუფებს და ქრონიკული დაავადების მქონე პაციენტებს კი ხალხმრავალ ადგილებში პირბადის ტარებას და ჰიგიენური წესების დაცვას ურჩევენ.

საზოგადოება • 1739540100

“არ აქვს მნიშვნელობა „ღორის გრიპი“ გაქვთ თუ B ტიპის ვირუსი, ორივეს იდენტური ჯანმრთელობის რისკები აქვს” - ივანე ჩხაიძე

ჯერ არ შეგვიძლია ვთქვათ, რომ გრიპის პიკი გადასულია - B ტიპის ვირუსის გავრცელების მაჩვენებელი 49%-ს შეადგენს. არ აქვს მნიშვნელობა რომელი გაქვთ, „ღორის გრიპი“ თუ B ტიპის ვირუსი, ორივეს იდენტური ჯანმრთელობის რისკები აქვს, ორივე საყურადღებოა,- ამის შესახებ „იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა, ივანე ჩხაიძემ „ინტერპრესნიუსთან“ განაცხადა.როგორც ივანე ჩხაიძემ აღნიშნა, დეკემბრიდან თვიდან თებერვლის ჩათვლით სტაბილურად მაღალია პედიატრიულ კლინიკებში მომართვიანობა.იანვრის მეორე კვირიდან ქვეყანაში, უმრავლეს შემთხვევაში B ტიპის დადასტურებული შემთხვევები გვაქვს. B ტიპის ვირუსს განიხილავენ, როგორც „ღორის გრიპზე“ სუსტს. ეს არ არის სწორი! არ აქვს მნიშვნელობა B ტიპის ვირუსი გაქვთ თუ A, ორივე გრიპია და ჯანმრთელობის რისკები პრაქტიკულად იდენტურია. ახლა დომინანტურია B ტიპი. „ღორის გრიპის“ მაჩვენებელი 18% არის, B გრიპის - 49%. არ აქვს მნიშვნელობა რომელი გაქვს, „ღორის გრიპი“ თუ B ტიპის ვირუსი, ორივეს იდენტური ჯანმრთელობის რისკები აქვს, ორივე საყურადღებოა. მკურნალობა, რისკები, პრევენცია იდენტურია! ვინც ოთხკომპონენტიანი ვაქცინა გაიკეთა, მინდა იცოდეს, რომ მასში ზუსტად ეს ვარიანტები შედიოდნენ. აღნიშნული ვაქცინა გრიპის ორივე ვარიანტის მიმართ არის ეფექტური. ზუსტად ემთხვევა იმ ვირუსების გავრცელებას, რაც ახლა არის ქვეყანაში.პედიატრიულ კლინიკებს რაც შეეხება, მიმართვიანობა მაღალია. თბილისში და რეგიონის დიდ პედიატრიულ კლინიკებში მიმართვიანობის უკან დგას მწვავე რესპირაციული ვირუსული ინფექციები, გრიპით გამოწვეული მიმართვიანობა. დეკემბრიდან დაწყებული სტაბილურად მაღალია მომართვიანობა. ეს გაზრდილი მომართვიანობა არ აჭარბებს იმ სტატისტიკას, რაც გვქონდა გასულ წელს, ან 2023 წელს“, - აღნიშნა ჩხაიძემ.

საზოგადოება • 1737663732

მაღალი ტემპერატურა, ხველა, ყელის ტკივილი და სუნთქვის გართულება - გრიპის ვირუსით დაავადებულთა საგანგაშო სტატისტიკა და ექიმების რეკომენდაცია

მაღალი ტემპერატურით, ხველებით, ყელის ტკივილით და სუნთქვის გართულებით - წლინახევრის დათა დარბაიძე იაშვილის ბავშვთა ცენტრალურ საავადმყოფოში 6 დღის წინ მიიყვანეს. მას A ტიპის ვირუსი - ე.წ ღორის გრიპი დაუდგინა. როგორც დათას დედა „კურიერთან“ ჰყვება, თავდაპირველად, ბავშვს მხოლოდ მაღალი ტემპერატურა ჰქონდა, თუმცა იმავე საღამოს სიცხემ კიდევ უფრო აიწია და თავი სხვა სიმპტომებმაც იჩინა. რესპირაციული მედიცინის განყოფილებაში, ექიმების მეთვალყურეობის ქვეშ წლინახევრის დათას ყველა საჭირო პროცედურა უტარდება, ახლა მისი ჯანმრთელობის მდგომარეობა სტაბილურია და პალატას ხვალ დატოვებს.იაშვილის ბავშვთა ცენტრალურ საავადმყოფოში დათას გარდა, კიდევ 51 მოზარდი მკურნალობს. გრიპის შემთხვევების გაზრდილი სტატისტიკის გამო, საჭირო გახდა საწოლფონდის გაზრდაც. იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის თქმით, ჰოსპიტალიზაცია ძირითადად რისკ ჯგუფში მყოფ ადამიანებს- 5 წლამდე ბავშვებს, ორსულებს, ქრონიკული დაავადების მქონე, ან 60 წელს გადაცილებულ ადამიანებს ესაჭიროებათ. იაშვილის კლინიკის სამედიცინო დირექტორის განცხადებით, არ ფიქსირდება გრიპით გარდაცვალების შემთხვევები.საქართველოში ამ დროისთვის A და B ტიპის ვირუსები ცირკულირებს. ექიმების განცხადებით, პაციენტებში გართულებები ძირითადად ქვედა სასუნთქი გზების დაზიანებით, ანუ ფილტვების ანთებით გამოიხატება. მედიკოსები მოქალაქეებს მოუწოდებენ - ხველების და ჰაერის უკმარისობის შემთხვევაში, დაუყოვნებლივ მიმართონ სამედიცინო დაწესებულებას.გრიპის ვირუსით ინფიცირების გაზრდილი მაჩვენებლის ფონზე, ექიმების მთავარ რეკომენდაციად კვლავ ვაქცინაცია და ხალხმრავალ ადგილებში პირბადით გადაადგილება რჩება.

საზოგადოება • 1737351716

ხველა, მაღალი ტემპერატურა, ყელისა და თავის ტკივილი, პნევმონია ბავშვებში - სეზონურ ვირუსებთან ერთად H1N1 გააქტიურდა

ბოლო ორი კვირის განმავლობაში, საქართველოში ლეტალობით დასრულდა" ღორის გრიპის" რამდენიმე შემთხვევა. პაციენტების გარდაცვალება H1N1-ის გართულებებთან ერთად თანმხლებმა დაავადებებმა გამოიწვია, არცერთი მათგანი არ იყო აცრილი სეზონურ ვირუსებზე.ქვეყანაში A ტიპის ვირუსების შემთხვევები ყოველდღიურად მატულობს, შესაბამისად, გაზრდილია მიმართვიანობა კლინიკებში.პაციენტები სტაციონარს ძირითადად ცხელებით მიმართავენ, მაშინ, როდესაც მაღალი ტემპერატურა არ ექვემდებარება მედიკამენტს.მედიკოსები ამბობენ, რომ "ღორის გრიპის" ანტივირუსული პრეპარატით მკურნალობა ეფექტურია დაავადების პირველ 72 საათში, ამიტომ მოუწოდებენ პაციენტებს დროულად მიმართონ ექიმს.პაციენტები ხშირად ვირუსის გამოვლენის პირველ სიმპტომებისას თვითმკურნალობას მიმართავენ.განსაკუთრებით გახშირდა გრიპის ვირუსის გართულებების შემთხვევები ბავშვებში. რისკ-ჯგუფში შედიან 2 წლამდე ასაკის და ქრონიკული დაავადებების მქონე პატარები. პედიატრიულ განყოფილებებში მყოფი პაციენტების 52 პროცენტს, სწორედ ღორის გრიპის დადასტურებული შემთხვევები წარმოადგენს.ვირუსის ფონზე კლინიკაში მოთავსებული არასრულწლოვანების და მცირეწლოვანების უმრავლესობას განუვითარდა პნევმონია, თუმცა არის სხვა გართულებების ფართო სპექტრი."ღორის გრიპისა" და სხვა სეზონური ვირუსების გართულებების პრევენციისთვის, ექიმები საუკეთესო საშუალებად კვლავ ვაქცინაციას ასახელებენ. მიუხედავად იმისა, რომ ქვეყანა უკვე დაავადების გავრცელების პიკს უახლოვდება, აცრა დაგვიანებული არ არის.გრიპის ვირუსის გავრცელების პარალელურად ქვეყანაში კვლავ აქტუალური გახდა კოვიდ პანდემიის მთავარი ატრიბუტი. ექიმები მოგვიწოდებენ ხალხმრავალ ადგილებში გამოვიყენოთ პირბადე, მაქსიმალურად დავიცვათ ჰიგიენა რადგან გრიპი გადამდებია ზედაპირებთან შეხებითაც, ასევე, სიმპტომების გამოვლენისას თავი შევიკავოთ სხვა ადამიანებთან კონტაქტისგან.ექიმები ვირუსების გავრცელების პიკს იანვრის ბოლოსთვის ელოდებიან.

საზოგადოება • 1737312489

ხველა, მაღალი ტემპერატურა, ყელისა და თავის ტკივილი - რა გართულებებს იწვევს საქართველოში გავრცელებული ვირუსები

საზოგადოება • 1736369737

„როგორ გავარჩიოთ გრიპი ჩვეულებრივი გაციებისგან და რა საგანგაშო სიმპტომების გამოვლენისას უნდა მივმართოთ ექიმს“ - პედიატრის რჩევები

„საქართველოში გავრცელებული ვირუსების უმრავლესობა H1N1, ანუ ეგრეთ წოდებული ღორის გრიპია. როგორ გავარჩიოთ გრიპი ჩვეულებრივი გაციებისგან და რა საგანგაშო სიმპტომების გამოვლენისას უნდა მივმართოთ ექიმს?!“ - ამის შესახებ სოციალურ ქსელში მედიცინის მეცნიერებათა დოქტორი, პროფესორი ინგა მამუჩიშვილი წერს და საზოგადოებას მნიშვნელოვან ინფორმაციას უზიარებს.„როდესაც პაციენტს ცხვირიდან გამონადენი, წამოხველება, ან სხვა რესპირაციული სიმპტომები უვლინდება, მოსახლეობაში შეცდომით გრიპად აღიქმება!!! გრიპი შედარებით ვერაგი ვირუსია, რომელიც ბოლო ორი კვირაა ინტენსიურად ვრცელდება, რასაც უკავშირდება მომართვიანობის მკვეთრი გაზრდა, ტელეფონის უწყვეტი ზარები, პანიკა მოსახლეობაში, რომელიც ჯერჯერობით აბსოლუტურად მოკლებულია საფუძველს.უეცარი დაწყება, შემცივნება და მის ფონზე განვითარებული ჰექტიური ცხელება, თავის ტკივილი, ღებინება, ოსსალგიები და ართრალგიები, მიალგიები, უმადობა, მკვეთრი ზოგადი სისუსტე, ძილიანობა, თავის ტკივილი, ღებინება, ასევე ცემინება, ხველა, ცხვირიდან ლორწოვანი გამონადენი ან ცხვირით სუნთქვის გაძნელება გრიპის ყველაზე ხშირი გართულება ვირუსული პნევმონიაა. ამიტომ თუ ტემპერატურული პიკები არ მცირდება მესამე დღიდან, ბავშვს აღენიშნება გახშირებული სუნთქვა, ხველის გაძლიერება, ძილიანობა ნუ დააყოვნებთ და მიმართეთ ექიმს.ეს ის ძირითადი ნიშნებია, რომელიც სეზონურ გრიპს ახასიათებს, გრიპის ვირუსის განვითარების ციკლი 5-7 დღეა, max-10, რის შემდეგაც ხდება მისი ელიმინაცია ორგანიზმიდან. ამჟამად პრევალირებს A ტიპის ვირუსი, განსაკუთრებით უტევს ბავშვებს, რომელთა იმუნოლოგიური მეხსიერება ჯერ ჩამოსაყალიბებელია.გრიპის ვირუსს ახასიათებს ანტიგენური სტრუქტურის ხშირი ცვალებადობა, ამიტომ იმუნურ სისტემას ყოველ წელს შეიძლება უცხო აგენტად მოევლინოს და სწორედ ამიტომ გვაქვს ყოველწლიურად გრიპის ეპიდემია. არანაირი პანიკა, უბრალოდ დროულად მიმართეთ ექიმს… ჯანმრთელობას გისურვებთ ყველას“, - წერს პედიატრი ინგა მამუჩიშვილი.

ჯანდაცვა • 1736187540

"მაღალი ტემპერატურა, კუნთებისა და სახსრების ძლიერი ტკივილი..." - როდის იქნება "ღორის გრიპის" პიკური პერიოდი და ვინ არის რისკჯგუფში

საქართველოში ლაბორატორიულად დადასტურებული გრიპის ვირუსის შემთხვევები კვირიდან კვირამდე მატულობს. ამის შესახებ განცხადება იაშვილის საავადმყოფოს დირექტორმა, ივანე ჩხაიძემ გააკეთა.გაზრდილია კლინიკებში მიმართვიანობა. ექიმი ამბობს, რომ ქვეყანაში დღეს დომინანტი H1 ტიპის ვირუსია.მისივე პროგნოზით, პიკური პერიოდი იანვრის მეორე ნახევრიდან დაიწყება.ივანე ჩხეიძე გრიპის საწინააღმდეგო ვაქცინაციის მნიშვნელობაზეც საუბრობს და ამბობს, რომ, ამ შემთხვევაში, რისკჯგუფში ბავშვები არიან."დეკემბრის მეორე ნახევრიდან გრიპი არის, დადასტურებულ შემთხვევებში, პირველ ადგილზე, სიხშირის მიხედვით. ამ საერთო მაჩვენებელში უპირატესი ე.წ. H1 ტიპის ვირუსია - პანდემიური ვირუსი, "ღორის გრიპის" სახელით ცნობილი. საქართველოში, გვაქვს გრიპის შემთხვევების ყოველკვირეული მატება, მოლოდინია, რომ ეს მატება გაგრძელდება, შემდეგი კვირების განმავლობაში და, ალბათ, იანვარში მიაღწევს თავის პიკს.გრიპისთვის დამახასიათებელია მაღალი ტემპერატურა - 38 და მეტი, გრიპს ახასიათებს ძლიერი თავის ტკივილი, კუნთებისა და სახსრების ტკივილი, ხველა, საერთო სისუსტე, უმადობა, ყველაფერი ეს, ჯამში, ხდება მდგომარეობის სიმძიმის მიმანიშნებელი.დღეს საქართველოში, ვირუსი, რომელსაც შეუძლია ანალოგიური სიმპტომატიკის გამოწვევა, არ არსებობს.ყველა ის ვირუსი, რომელიც ფიქსირდება გრიპის ვირუსთან ერთად, ამ ვირუსების რიცხვი საკმაოდ მაღალია, მათი მიმდინარეობა არ არის ასე მძიმე. განსაკუთრებით, ეს მნიშვნელოვანია 2 წლამდე ბავშვებისთვის - ეს არსი ყველაზე მაღალი რისკის ჯგუფი. უმჯობესია, პირველივე დღიდანვე იყოს პედიატრი, ან ოჯახის ექიმი ჩართული ბავშვის მართვაში.ნოემბრის პირველი ნახევრიდან დაწყებული, ვაქცინაციის ჩატარება არის ერთ-ერთი ყველაზე ეფექტური პრევენციული საშუალება. როდესაც ვაქცინაციის საკითხის დგას, პირველ რიგში, რისკ ჯგუფში არის ექვსი თვიდან ხუთ წლამდე ბავშვები.ვისთანაც არ ჩატარებულა ვაქცინაცია, რეკომენდაცია რჩება სტანდარტული, ეს არის ნიღბების ტარება, დისტანცირება, ხელების ხშირი დაბანა, ოთხების ხშირი განიავება და რაც მთავარია, კონტაქტების თავიდან აცილება", - განაცხადა ივანე ჩხაიძემ.

საზოგადოება • 1736157138

ივანე ჩხაიძის საგანგებო გაფრთხილება მოსახლეობას

გრიპის შემთხვევების რაოდენობა ყოველდღიურად მატულობს, თუმცა ეს მატება სტაბილურია, მოლოდინია, რომ ზრდა შემდეგი კვირების განმავლობაშიც გაგრძელდება, – ამის შესახებ „იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა, ივანე ჩხაიძემ განაცხადა.მისივე თქმით, დეკემბერ-იანვარი არის გრიპის შემთხვევების მატების მაქსიმალური პერიოდი.„ყოველდღიურად გრიპის დადასტურებული შემთხვევის რაოდენობა მატულობს. დეკემბრის მეორე კვირას, ანუ კალენდარული წლის 50-ე კვირას, გრიპის მაჩვენებელი იყო 25%, 51-ე კვირას გახდა 32% და გრიპის ვირუსი გახდა დომინანტური ვირუსი. 52-ე კვირას კი მატების ეს დინამიკა შენარჩუნდა და საერთო მაჩვენებელი არის 40%. ეს ნიშნავს, რომ დეკემბრის მეორე ნახევრიდან გრიპი არის დადასტურებულ შემთხვევებში სიხშირის მიხედვით პირველ ადგილზე და უპირატესია სწორედ H1 ტიპის ვირუსი, იგივე ღორის გრიპი. მოლოდინი გვაქვს, რომ ეს მატება გაგრძელდება შემდეგი კვირების განმავლობაში და ალბათ იანვარში მიაღწევს პიკს. სწორედ დეკემბერ-იანვარი გახლავთ გრიპის შემთხვევების მატების მაქსიმალური პერიოდი.ასევე მნიშვნელოვანია, რა ხდება სხვა ვირუსებთან მიმართებით. გრიპი და გრიპისმაგვარი შემთხვევების რაოდენობა 2024-2025 წლის სეზონზე ჯამში თითქმის იგივეა, რაც იყო შარშან. ანუ ახლა დაახლოებით 100 000 მოსახლეზე 160 შემთხვევა ფიქსირდება, ორი წლის წინ კი, 320-330 შემთხვევა ფიქსირდებოდა“, – აღნიშნა ჩხაიძემ.ამასთან, მისივე თქმით, დეკემბერში იაშვილის კლინიკაში ვირუსული პნევმონიით 36 პაციენტი მკურნალობდა. ჩხაიძის განცხადებით, მათგან არცერთი არ ყოფილა ვაქცინირებული.„ჩვენთვის ყველაზე მნიშვნელოვანია გრიპის შემთხვევის მატება და ეს მატებაც სტაბილურია. სწორედ გრიპის ვირუსს ახასიათებს გართულებები, როგორიც არის ფილტვების ანთება. მხოლოდ დეკემბერში იაშვილის კლინიკაში ვირუსული პნევმონიის 36 დადასტურებული შემთხვევა გვქონდა, რაც დიდი რიცხვია და ნათლად მიუთითებს, რომ ბავშვებში სწორედ გრიპია ის, რამაც უფრო მეტად შეიძლება, გამოიწვიოს ჰოსპიტალიზაცია და ზოგადი მდგომარეობის დამძიმება. აღსანიშნავია, რომ არცერთი ამ პაციენტიდან არ იყო ვაქცინირებული. გრიპის ვაქცინაციის შესახებ ჩვენ მუდმივად ვსაუბრობთ, თუმცა ეს არ გახდა ჩვენი ქვეყნისთვის ტრადიცია, არ გახდა დაავადების პრევენციის ნაწილი. როცა ხედავთ, რომ ფილტვების ანთების ყველა შემთხვევა ემართება არავაქცინირებულ პაციენტს, ნათელია, რომ გრიპის ვაქცინას მართლაც ძალიან დიდი მნიშვნელობა აქვს, განსაკუთრებით ხუთ წლამდე ბავშვებში.რაც შეეხება ადგილების რაოდენობას. ამისთვის ჩვენი კლინიკა წინასწარ ემზადება და იაშვილის საავადმყოფო ერთადერთია ქვეყანაში, რომელსაც აქვს რესპირატორული მედიცინის დეპარტამენტი. ეს არის განყოფილება, რომელიც იღებს მხოლოდ იმ პაციენტებს, რომლებსაც სასუნთქი სისტემის მწვავე და ქრონიკული დაავადებები აქვს. რა თქმა უნდა, ის 25 საწოლი, რომელიც ამ დეპარტამენტისთვის არის გამოყოფილი, საკმარისი არ არის. ამიტომ, გამოვათავისუფლეთ მეორე დეპარტამენტიც. ახლა იაშვილში ორი დეპარტამენტი ემსახურება პაციენტებს, რომლებსაც აქვთ სასუნთქი სისტემის მწვავე დაავადებები. შესაბამისად არ იქნება ადგილების დეფიციტი. მატება თუ კიდევ გაგრძელდება და იქნება საჭიროება, მზად ვართ, დამატებით ერთი დეპარტამენტი გამოვათავისუფლოთ“, – განაცხადა ივანე ჩხაიძემ.

საზოგადოება • 1736151737

საქართველოში H1 გრიპის ვირუსის შემთხვევები მატულობს - ვინ არის რისკჯგუფში და როდისაა მოსალოდნელი პიკური პერიოდი

საზოგადოება • 1734784051

კლინიკებში მიმართვიანობა გაიზარდა - რომელი ვირუსები ცირკულირებს საქართველოში

H1N1 და კოკსაკი - საქართველოში ახლა აქტიურად ეს ორი ვირუსი ცირკულირებს. ბოლო ერთ კვირაში შემთხვევები გაორმაგდა. ე.წ. ღორის გრიპისა და ენტეროვირუსის გართულებებით მიმართვიანობა გაზრდილია ბავშვთა კლინიკებში.გრიპის ვირუსის სიმპტომებით ბავშვთა კლინიკებს თვითდინებით პაციენტები მაღალი ცხელებით მიმართავენ. მშობლები ჰყვებიან, რომ ტემპერატურის დაწევას სახლის პირობებში მედიკამენტებით ვერ ახერხებენ.ექიმების თქმით, ბოლო ერთ კვირაში კლინიკებში მიმართვიანობა გაორმაგდა. სხვა სეზონურ ვირუსებთან ერთად ახლა საქართველოში ყველაზე აქტიურად H1N1, ანუ ე.წ. ღორის გრიპი ცირკულირებს. მაღალი ტემპერატურით, სასუნთქი გზების პრობლემებით, ბრონქიტით და გართულების შემთხვევაში პნევმონიით.ციციშვილის კლინიკაში ამბობენ, რომ გარდა A ტიპის ვირუსისა, გავრცელებულია B ტიპის ვირუსებიც. ბავშვებში გახშირდა სხვა ინფექციური დაავადებებიც. განსაკუთრებით ამახვილებენ ყურადღებას კოკსაკის ვირუსზე, რომელიც სწრაფი გავრცელებით ხასიათდება.ვირუსების შემთხვევები მნიშვნელოვნად მზარდია ზრდასრულებშიც. გართულებებით კლინიკებს მეტწილად ქრონიკული დაავადებების მქონე პაციენტები და ორსულები მიმართავენ.სეზონური ვირუსების გავრცელების დინამიკის გათვალისწინებით, ექიმები პიკს იანვრის შუა რიცხვებში ელოდებიან. პრევენციის მიზნით კი მოქალაქეებს ვაქცინაციისკენ მოუწოდებენ.