მსოფლიო • 1762673689

„კევინი დაბრუნდა - სახლში, მაგრამ არა მარტო“ - ახალი ვიდეორგოლი

 ოღონდ ამჯერად აღარც თავსატეხებია პრობლემა და აღარც ქურდები… მოხუცებზე ზრუნვის, მსოფლიოში წამყვან, პროვაიდერ Home Instead-ის ახალ სადღესასწაულო რეკლამაში Home But Not Alone მაკოლეი კალკინი ნაცნობ ტერიტორიაზე ბრუნდება, როგორც ზრდასრული პიროვნება, რომელიც მარტომცხოვრები დედის უსაფრთხოებაზე ზრუნავს. მოხუცი მარლის შვილიშვილიც მოულოდნელად ჩნდება და ერთად სახალისო, თუმცა დამაფიქრებელი საუბრის მომსწრეს გვხდიან.  „დღესასწაულებზე ფიქრისას პირველი ოჯახებთან ერთად დროის გატარება და კლასიკური ფილმების ყურება წარმოგვიდგენია, თუნდაც ეს „მარტო სახლში“ იყოს. ამ პერიოდმა, შესაძლოა, გამოავლინოს, თუ როდის სჭირდებათ საყვარელ ადამიანებს დამატებითი მხარდაჭერა სახლში დამოუკიდებელი ცხოვრების გასაგრძელებლად. მათ მოვლასთან დაკავშირებით საუბრების დაწყება კი შეიძლება რთული იყოს როგორც ასაკოვანი მშობლებისთვის, ისე ზრდასრული შვილებისთვის, მაგრამ ეს მნიშვნელოვანი პირველი ნაბიჯია, რათა კავშირი და ურთიერთპატივისცემა ვუზრუნველყოთ“, — განმარტავს კიმ ატკინსონი, Home Instead-ის მარკეტინგის ხელმძღვანელი.და სწორედ ამის სათქმელად დააბრუნეს კევინიც: 

სამართალი • 1762539518

სამართალდამცველებისთვის ცეცხლის გახსნის საპასუხოდ ლიკვიდირებული მირზა ალიევის საქმეზე, ახალი გარემოებები გასაჯაროვდა - რა ითქვა საგანგებო ბრიფინგზე

სამართალდამცველებისთვის ცეცხლის გახსნის საპასუხოდ ლიკვიდირებული მირზა ალიევის საქმეზე, ახალი გარემოებები გასაჯაროვდა. რა მიზნით მობილიზდა კაბალში მის სახლთან სპეცრაზმი - დეტალები დღეს გენერალურ პროკურატურაში, საგანგებო ბრიფინგზე განმარტეს.ფარული საგამოძიებო მოქმედებების შედეგად, სამართალდამცველებმა დაადგინეს, რომ მირზა ალიევი "ქურდული სამყაროს" მხარდამჭერი იყო და დანაშაულებრივ სქემაში მონაწილეობდა.გასაჯაროვდა კონკრეტული ფაქტი. გამოძიების ინფორმაციით, ალიევს ე.წ ქურდულ საერთოში თანხა უნდა მიეტანა, თუმცა რაოდენობის შემცირება სურდა და ქურდული სამყაროს წევრებს მიმართა. მოეწყო ქურდული გარჩევები. რამდენიმე დღის შემდეგ შეთანხმება შედგა, მირზა ალიევს თანხა შეუმცირდა, სანაცვლოდ კი მან "ქურდული სამყაროს" წევრებს 6 000 დოლარი გადასცა.საგამოძიებო მასალებით ირკვევა, რომ მირზა ალიევმა ამ შემთხვევამდეც პენიტენციურ დაწესებულებაში ერთ-ერთ პატიმარს თანხა ჩაურიცხა. "კურიერის" ინფორმაციით, ეს პირი კრიმინალური ავტორიტეტი, თეიმურაზ მამედოვია.პროკურატორის მიერ გასაჯაროებული დეტალები, იმ სისხლის სამართლის საქმის ეპიზოდებია, რომელშიც არაერთი მტკიცებულება უკვე დევს. ამოღებულია მობილურები, რითაც "ქურდულ სამყაროსთან" კავშირში მყოფი პირები ერთმანეთს ეკონტაქტებოდნენ, დიდი რაოდენობით თანხა და სატელეფონო ჩანაწერები, რომელშიც გამოძიებამ მოიპოვა. 14 წუთიანი მასალის შინაარსი, ე.წ კანონიერი ქურდების ჩართულობით, ფინანსური დავების მოგვარებას და მეექვსე პენიტენციურ დაწესებულებაში, დავით მიქაძის მიმართ, ე.წ შუმოკის მოწყობას უკავშირდება.ეს სატელეფონო საუბრები და გამოკითხვის ოქმები ბრალდებულების ადვოკატებისთვის მყარ მტკიცებულებებს არ წარმოადგენს. ინტერესებს დამცველები გამოძიების მიერ გაშიფრულ სქემაში დანაშაულის ნიშნებს ვერ ხედავენფინანსური დავების მოგვარება ე.წ ქურდული წესებით და საპატიმროში კრიმინალური მეთოდებით ბრალდებულების დასჯა - ეს ის დანაშაულებია, რომლის გამოც "ქურდული სამყაროს" წინააღმდეგ 2 დღის წინ მასშტაბური სპეცოპერაცია ჩატარდა. სამართალდამცველებმა 34 პირი დააკავეს. 6 პირს ბრალდება, ხოლო სამს პენიტენციურ დაწესებულებაში წარუდგინეს.დაუსწრებლად სისხლის სამართლის ხუთ საქმეზე, პასუხისგებაში მიცემულ პირებს დანაშაულის დამტკიცების შემთხვევაში, 15 წლამდე პატიმრობა ემუქრებათ.

სამართალი • 1762503415

პროკურატურამ "კანონიერი ქურდობის", "ქურდული სამყაროს" წევრობის, "ქურდული სამყაროს" საქმიანობის მხარდაჭერის და "კანონიერი ქურდისთვის" მიმართვის ფაქტებზე 43 პირს ბრალდება წარუდგინა

საქართველოს პროკურატურამ "კანონიერი ქურდობის", "ქურდული სამყაროს" წევრობის, "ქურდული სამყაროს" საქმიანობის მხარდაჭერის და "კანონიერი ქურდისთვის" მიმართვის ფაქტებზე 43 პირს ბრალდება წარუდგინა.შინაგან საქმეთა სამინისტროში ჩატარებული გამოძიებით დადგინდა, რომ "ქურდული სამყაროს" წევრები, "ქურდული სამყაროს" საქმიანობის მხარდაჭერაში ბრალდებულ პირებთან ერთად, მოდავე მხარეების მიმართვის საფუძველზე, როგორც საზღვარგარეთ მყოფი ე.წ. "კანონიერი ქურდების" დავალებით, ისე დამოუკიდებლად, სისტემატურად აწყობდნენ "ქურდულ გარჩევებს" და მხარეებს შორის არსებულ ფინანსურ დავებს განიხილავდნენ. ასევე მოქალაქეებს სძალავდნენ თანხებს.გამოძიებით ასევე დადგინდა, რომ ე.წ. "კანონიერმა ქურდმა" "ქურდული სამყაროს" წევრებს დაავალა, რომ "ქურდული სამყაროს" წევრების და მხარდამჭერების მეშვეობით პენიტენციურ დაწესებულებაში მყოფი ერთ-ერთი ბრალდებულის მიმართ ე.წ. "ქურდული გადაწყვეტილება" აღესრულებინათ, რაც მის მიმართ სადამსჯელო მოქმედებებს ითვალისწინებდა.შინაგან საქმეთა სამინისტროში ჩატარებული გამოძიების შედეგად დადგენილია, რომ სპეცოპერაციის დროს სამართალდამცველებისთვის გახსნილი ცეცხლის საპასუხო ღონისძიების შედეგად ლიკვიდირებულმა "ქურდული სამყაროს" საქმიანობის მხარდამჭერმა მირზა ალიევმა "ქურდულ საერთოში" გადასახდელი თანხის შემცირების მიზნით "ქურდული სამყაროს" წევრებსა და კრიმინალურ ავტორიტეტებს მიმართა. საკითხის მოსაგვარებლად "ქურდული სამყაროს" წევრების მონაწილეობით გაიმართა მოლაპარაკებები და გარჩევები. აღნიშნულ პერიოდში მირზა ალიევმა პენიტენციურ დაწესებულებაში მოთავსებულ ერთ-ერთ კრიმინალურ ავტორიტეტს აღმოუჩინა ფინანსური დახმარება. ქურდული გარჩევის გზით საბოლოდ მიღწეული იქნა შეთანხმება, რის სანაცვლოდაც „ქურდული სამყაროს“ საქმიანობის მხარდამჭერმა მირზა ალიევმა "ქურდული სამყაროს" წევრებს გადასცა საერთო ჯამში 6000 აშშ დოლარი.ბრალდებულებისგან 34 პირი სამართალდამცავებმა ჩატარებული ღონისძიების შედეგად დააკავეს. ექვს პირს ბრალდება დაუსწრებლად, ხოლო სამ პირს ბრალდება პენიტენციურ დაწესებულებაში წარედგინათ.ბრალდებულებს ბრალდება ქურდული სამყაროს წევრობის, "კანონიერი ქურდობის", "ქურდული სამყაროს" საქმიანობის მხარდაჭერის, "კანონიერ ქურდისთვის/ქურდული სამყაროს" წევრისთვის მიმართვის და ცეცხლსასროლი იარაღის მართლსაწინააღმდეგოდ შეძენა, შენახვის ფაქტებზე წარედგინათ, რაც სასჯელის სახედ და ზომად 15 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე ბრალდებულების ნაწილს აღკვეთის ღონისძიების სახით პატიმრობა, ხოლო ერთ ბრალდებულს, რომელმაც გამოძიებასთან ითანამშრომლა, საპატიმრო გირაო 3000 ლარის ოდენობით შეეფარდა. ბრალდებულების ნაწილისთვის აღკვეთის ღონისძიების შეფარდების საკითხზე სასამართლო კანონით დადგენილ ვადაში იმსჯელებს.

მსოფლიო • 1762029331

ლუვრის გაძარცვის საქმე დამნაშავეების შეცდომების წყალობით გახსნეს - დეტალები

ფრანგულმა პოლიციამ ლუვრიდან ძვირფასეულობის ქურდები მათი შეცდომების წყალობით იპოვა — ამის შესახებ Wall Street Journal (WSJ) იუწყება.ლუვრის მძარცველები გეგმავდნენ, ბენზინის გამოყენებით დაეწვათ ამწე და სხვა ტექნიკა, რათა გაენადგურებინათ ყველა მტკიცებულება. თუმცა იძულებულები გახდნენ აღჭურვილობა ადგილზე დაეტოვებინათ და სკუტერებით გაქცეულიყვნენ. ეს შეცდომა საბედისწერო აღმოჩნდა. შემთხვევის ადგილზე გამომძიებლებმა 150-ზე მეტი მტკიცებულება შეაგროვეს, მათ შორის დნმ-ის ნიმუშები და თითის ანაბეჭდები, რომლებმაც შესაძლებელი გახადა სამი სავარაუდო დამნაშავის გამოვლენა.დატოვებული კვალი აჩვენებდა, რომ დამნაშავეები მოქმედებდნენ კარგად დაგეგმილი სქემით, თუმცა ვერ გათვალეს ფრანგული სამართალდამცავი ორგანოების ოპერატიულობა, რომლებმაც სწრაფად დაბლოკეს მათი შესაძლო გაქცევის გზები. ექსპერტების თქმით, აღჭურვილობის დაწვის მცდელობა მიუთითებს ჯგუფის კარგ მომზადებაზე, მაგრამ ნაჩქარევმა გაქცევამ და მტკიცებულებებით სავსე სატვირთოს დატოვებამ სრულიად გაანულა თავდაპირველი გეგმის უპირატესობები.

მსოფლიო • 1761587525

ლუვრის მძარცველები დააკავეს - ძვირფასეულობის ქურდები ფრანგული პოლიციისთვის კარგად ნაცნობი კრიმინალები აღმოჩნდნენ

პარიზში, შარლ დე გოლის აეროპორტში, სასაზღვრო პოლიციამ 30-დან 45 წლამდე ასაკის მამაკაცი მაშინ შეაჩერა, როდესაც ის ბორტზე ასვლას აპირებდა. სამართალდამცველებმა ლუვრის ძარცვაში ეჭვმიტანილს ხელბორკილები დაადეს. დაკავებამდე აეროპორტში საგამოძიებო უწყებიდან შეტყობინება შევიდა, რომ საქმის სავარაუდო ფიგურანტი პარიზის დატოვებას და ალჟირში გაფრენას ცდილობდა.შარლ დე გოლის აეროპორტში მიმდინარე სპეცოპერაციის პარალელურად, სპეცრაზმი პარიზის გარეუბანში - ობერვილიეში, ერთ-ერთ სახლში შევიდა, სადაც სამართალდამცველებმა ლუვრის ძარცვის საქმეზე კიდევ ერთი ეჭვმიტანილი დააკავეს. მამაკაცი საკუთარ საცხოვრებელში იმალებოდა.სამართალდამცველებმა 35-დან 40 წლამდე ასაკის ორივე ეჭვმიტანილი ორგანიზებული ძარცვისა და კრიმინალური შეთქმულების ბრალდებით აიყვანეს. ისინი საფრანგეთის ჩრდილოეთ ნაწილში მდებარე რეგიონის, ილ-დე-ფრანსის, სენა-სენ-დენის დეპარტამენტის მაცხოვრებლები არიან. აღმოჩნდა, რომ მათ პოლიცია უკვე კარგად იცნობს, ორივე ეჭვმიტანილი წარსულში ქურდობის ბრალდებითაა ნასამართლევი. ახლა მათ ბანდიტიზმთან ბრძოლის სამმართველოში კითხავენ.პროკურატურის ინფორმაციით, მძარცველების დაკავება, დანაშაულის ადგილზე დატოვებული მტკიცებულებების საშუალებით გახდა შესაძლებელი. ძარცვის მომენტში, ქურდებმა პირადი ნივთები, ჩაფხუტი, ხელთათმანი, ყვითელი ჟილეტი და ბურღი დაკარგეს. სიაშია, ბრილიანტით მორთული გვირგვინიც. ექსპერტებმა ნივთებიდან და მუზეუმის ჩამსხვრეული მინიდან 150 ნიმუში აიღეს, მათ შორის არის დე ენ ემის ფრაგმენტები და თითის ანაბეჭდები. კიდევ ერთი ალიბი ის სატვირთო მანქანაა, რომელზე დამონტაჟებული ამწეთიც ჯგუფი მუზეუმის შიდა სივრცეში შეიჭრა.უკვე ცნობილია, ისიც, რომ მძარცველებს დანაშაულის ჩადენისთვის საჭირო მონაცემები მუზეუმის დაცვის თანამშრომელმა მიაწოდა. ინფორმაცია საერთაშორისო მედიამ გაავრცელა. ჟურნალისტებმა გაარკვიეს, რომ ჯგუფმა მუზეუმის უსაფრთხოების სისტემის შესახებ შიდა კონფიდენციალური ინფორმაცია წინასწარ მიიღო. მედია, წერს, რომ პოლიციას ამის დამადასტურებელი ელექტრონული მტკიცებულებები, მათ შორის ეჭვმიტანილებს შორის წარმოებული პირადი მიმოწერა აქვს.ლუვრის ძარცვიდან უკვე ერთი კვირაა გასული, უცნობია რა ბედი ეწია, მუზეუმიდან გატაცებულ 8 ექსპონატს, რომელთა შორისაა, მონარქების და ნაპოლეონის კოლექციის 8 რელიკვია. მათ შორის 212 მარგალიტით, 1998 ბრილიანტით და 992 ვარდისფერი ბრილიანტით მორთული დიადემა, 2634 ბრილიანტით შემკული დეკორატიული ბაფთა, 24 ცეილონის საფირონით და 1083 ბრილიანტით მორთული დიადემა და ნაპოლეონის ზურმუხტისფერი საქორწინო საჩუქრების ნაკრების ნაწილები, ყელსაბამი 32 ზურმუხტით და რომბის ფორმის 1138 ბრილიანტით. საქმეზე ასზე მეტი გამომძიებელი ამ დრომდე მუშაობს, უკვე ჩატარებულია 150-ზე მეტი საგამოძიებო მოქმედება.

კრიმინალი • 1760557228

ფოტოზე არიან ლაშა ბარათელი მეტსახელად „ჭია“ და ირაკლი ყალიჩავა იგივე „ხუტუ“ - ბოლო ცნობები მათ შესახებ

ექსკლუზიურ ფოტოზე, რომელიც რუსულ მედიაში ვრცელდება ორი „ქართველი კანონიერი“ ქურდი ლაშა ბარათელი მეტსახელად „ჭია“ და ირაკლი ყალიჩავა იგივე „ხუტუ“ არიან გამოსახულნი. „კანონიერი ქურდი“ ლაშა ბარათელი მეტსახელად „ჭია“ 1989 წლის 11 ივლისს სოხუმში დაიბადა.ბარათელი ჯანგველაძე-ონიანის გავლენიანი კლანის წარმომადგენელია.მისი „კორონაცია“ 2014 წელს მოხდა.ლაშა ბარათელის სახელი ქართულ მედიაშია არა ერთხელ გაჟღერებულა. ბოლოს მისი სახელი ახალგაზრდა ქალის ანასტასია შატალოვას მკვლელობის საქმეში ფიგურირებდა, რაც მალევე უარყო „ქართველმა კრიმინალურმა ავტორიტეტმა“.რაც შეეხება, ირაკლი ყალიჩავას მეტსახელად „ხუტუს“ ის 2018 წელს უკრაინიდან გააძევეს. მაშინ უკრაინის უსაფრთხოების სამსახური წერდა, რომ ყალიჩავა მოქმედი გავლენიანი ე.წ. „კანონიერი ქურდების“ სიაშია. ის ოდესაში დააკავეს. ყალიჩავას სხვა პირის უკრაინული დოკუმენტები ჰქონდა.

ტაბლოიდი • 1760424438

დორტმუნდის ბოტანიკური ბაღიდან მსოფლიოში ყველაზე ცუდი სუნის მქონე ყვავილი მოიპარეს

დორტმუნდის ბოტანიკური ბაღიდან, „რომბერგპარკიდან“ მსოფლიოში ყველაზე ცუდი სუნის მქონე ყვავილი მოიპარეს. ბაღში იზრდებოდა ტიტანური ამორფოფალუსი, რომელსაც „დავითი“ ერქვა. თუმცა, ცოტა ხნის წინ, მებაღეებმა შენიშნეს, რომ მცენარის ბოლქვი, რომელსაც „დავითის“ „ძილის“ დროს მიწაში ფლავენ, გაუჩინარდა. ქურდობას შეიძლება „დიდი“ ვუწოდოთ, რადგან ბოლქვის სიმაღლე 1.6 მეტრია, ხოლო წონა დაახლოებით 30 კილოგრამი.ბოტანიკური ბაღის თანამშრომლებმა სამართალდამცავებს მიმართეს.მცენარე რამდენიმე წელიწადში ერთხელ ყვავის. ეს პროცესი მხოლოდ 72 საათის განმავლობაში გრძელდება. ყვავილობის დროს ამორფოფალუსი გაფუჭებული კვერცხის, ლეშისა და დამპალი თევზის სუნს აფრქვევს.დორტმუნდის ხელისუფლების მონაცემებით, 2018 და 2021 წლებში ბაღს ათასობით ადამიანი ეწვია, რათა „დავითის“ ყვავილობა ენახათ და მისი არომატი ეგრძნოთ.„დავითის ქურდობამ ძალიან დაგვაზარალა. დორტმუნდის ბევრი მცხოვრები მის მომდევნო ყვავილობას ელოდა. ვიმედოვნებთ, ქურდები ინანებენ თავიანთ გადაწყვეტილებას და დააბრუნებენ დავითს“, - ნათქვამია ბოტანიკური ბაღის განცხადებაში. მასში ასევე აღნიშნულია, რომ ყვავილის მატერიალური ღირებულების შეფასება რთულია, მაგრამ დაწესებულებისთვის და ქალაქისთვის ეს უზარმაზარი დანაკარგია.

სამართალი • 1760126048

„ცუცუნა“, „მახო“, „ნუკრი“, „აჩიკო - ამ ოთხივე ახალგაზრდის სიცოცხლე ტრაგიკულად დასრულდა | ექსკლუზიური ფოტო ორთაჭალის ციხიდან

ეს ექსკლუზიური ფოტო 1996 წელს ორთაჭალის ციხეშია გადაღებული.ფოტოზე კი გამოსახულნი არიან ქართველი „კანონიერი ქურდები“ -  ნიკოლაი აბესაძე (ნუკრი), მალხაზ მამულაშვილი (მახო), ედუარდ გაბელაია (ცუცუნა) და არჩილ გიგინეიშვილი (აჩიკო).ოთხივე ახალგაზრდის ბედი ტრაგიკულად დასრულდა.ნუკრი აბესაძე - „ კანონიერი ქურდი“ 19 წლის ასაკში გახდა. 22 წლის იძულებული გახდა სტატუსზე უარი ეთქვა. ბოლოს დაინახეს, როგორ ჩასვეს რუსთაველის გამზირზე ავტომობილში. 1966 წლის შემოდგომიდან მისი კვალი ქრება.მალხაზ მამულაშვილი - „ქურდად“ 1990 წელს 21 წლის ასაკში აკურთხეს. 1998 წლის შემოდგომაზე ციხეში ღვიძლის ციროზით გარდაიცვალა.ედუარდ გაბელაია (ცუცუნა) - ერთ-ერთი ყველაზე ამბიციური „ქურდი“ იყო. იგი ხელმძღვანელობდა ახალგაზრდულ ბანდას, რომელიც გამოძალვებითა და გატაცებებით იყო დაკავებული. 1992 წელს თბილისში პოლიციას ესროლა და ხელყუმბარაც კი გამოიყენა, შემდეგ კი რუსეთში გადავიდა. 1999 წლის 21 მარტს ირკუტსკში უცნობმა პირებმა გაიტაცეს. ვარაუდობენ, რომ ეს შეკვეთილი ოპერაცია სამართალდამცველების მხრიდან იყო დაგეგმილი.არჩილ გიგინეიშვილი - 90-იანების დასაწყისში „ქურდად“ ვაჟა ბიგანიშვილმა „აკურთხა“. 1996 წლის ბოლოს, პოლიციამ სასიკვდილოდ დაჭრა. მის გადარჩენას რამდენიმე დღის განმავლობაში ცდილობდნენ, თუმცა უშედეგოდ. „აჩიკო“ 22 წლის ასაკში გარდაიცვალა.

კრიმინალი • 1759436224

ფოტოზე ნუგზარ ჯანელიძე მეტსახელად ,,ხოსე“ და მისი შვილი ,,ხოსოვიჩი“ - რა არის მათ შესახებ ცნობილი

ფოტოზე, რომელიც აქამდე საზოგადოებისთვის უცნობი იყო, გამოსახულნი არიან ქართველი „კანონიერ ქურდები“ - ნუგზარ ჯანელიძე-უფროსი, მეტსახელად „ხოსე“, და მისი შვილი, ნუგზარ ჯანელიძე, მეტსახელად „ხოსოვიჩი“.მამა-შვილს ,,კრიმინალურ სამყაროში“ ხმაურიანი ისტორია აქვთ.ქუთაისელი ნუგზარ ჯანელიძე (ხოსოვიჩი) ცნობილი „ქართველი ქურდი“, კრიმინალური ფიგურის, ნუგზარ ჯანელიძე-უფროსის (ხოსე) შვილი იყო. ,,ხოსე“ ,,ქურდული სამყაროს“ კონფლიქტებში ხშირად მონაწილეობდა. 1993 წელს "ხოსოვიჩი" ქუთაისში დააკავა პოლიციამ, თუმცა გარკვეული თანხის სანაცვლოდ გაათავისუფლეს. მალე მას უკან დაბრუნება მოუწია იმ კაფეში, სადაც მისგან ფულის გამოძალვას ცდილობდნენ და ქუჩიდან პირდაპირ კაფეს ვიტრინას ესროლა.მომხდარის გამო მას სასამართლომ 8 წლის პატიმრობა მიუსაჯა.„ხოსოვიჩი“ 2005 წელს მოსკოვში გარდაიცვალა. 

პოლიტიკა • 1759131602

თამარ ჩერგოლეიშვილი: წარმოდგენა არ გვაქვს, პაატა ბურჭულაძე რას ბოდავს, ჩვენ მასთან სანიტარული კორდონი გვაქვს აგებული

წარმოდგენა არ გვაქვს, პაატა ბურჭულაძე რას ბოდავს. ჩვენ მასთან სანიტარული კორდონი გვაქვს აგებული, – ამის შესახებ პარტია „ფედერალისტების“ ერთ-ერთმა დამფუძნებელმა, თამარ ჩერგოლეიშვილმა განაცხადა.ჩერგოლეიშვილს 4 ოქტომბერთან დაკავშირებით მოძრაობა „რუსთაველის გამზირის“ ლიდერის, პაატა ბურჭულაძის განცხადებებზე დაუსვეს კითხვა.„ძალიან გვაშფოთებს მისი დამოკიდებულება ორგანიზებულ დანაშაულთან და კანონიერ ქურდებთან. ჩვენ ვიბრძვით იმისთვის, რომ ორგანიზებული დანაშაული დავამარცხოთ, კანონიერი ქურდები ამოვძირკვოთ და ამ ქვეყანაში შესაძლებლობა მივცეთ ხალხს, რომ პოლიტიკის ნაწილი გახდნენ. იმიტომ კი არ მოვდივარ ხელისუფლებაში, რომ ძალაუფლება ჩავიგდო ხელში, არამედ იმიტომ, რომ ქართველი ხალხის ცხოვრება გავაუმჯობესო. ზუსტად ვიცით, კანონიერ ქურდებთან ძმაკაცობით ეს რომ ვერ მოხდება. ამიტომ, მასთან დიდი ჩინური კედელი გვაქვს. 4, 3 და 2 ოქტომბერსაც ქუჩაში ვიქნებით. ჩვენი აზრია, რომ ქუჩა არის ერთადერთი გადაწყვეტა, მაგრამ არანაირ დედლაინებს საკუთარ თავებს არ ვუწესებთ, ჩვენი დედლაინი არის გამარჯვება. როცა გავიმარჯვებთ, მაშინ გავიმარჯვებთ და ყველა დაინახავთ“, – განაცხადა თამარ ჩერგოლეიშვილმა.

კრიმინალი • 1758568351

„ცუცუნა“, „მახო“, „ნუკრი“, „აჩიკო - ექსკლუზიური ფოტო ორთაჭალის ციხიდან - ოთხივე ახალგაზრდის სიცოცხლე ტრაგიკულად დასრულდა

ეს ექსკლუზიური ფოტო 1996 წელს ორთაჭალის ციხეშია გადაღებული. ფოტოზე კი გამოსახულნი არიან ქართველი „კანონიერი ქურდები“ -  ნიკოლაი აბესაძე (ნუკრი), მალხაზ მამულაშვილი (მახო), ედუარდ გაბელაია (ცუცუნა) და არჩილ გიგინეიშვილი (აჩიკო).ოთხივე ახალგაზრდის ბედი ტრაგიკულად დასრულდა.ნუკრი აბესაძე - „ კანონიერი ქურდი“ 19 წლის ასაკში გახდა. 22 წლის იძულებული გახდა სტატუსზე უარი ეთქვა. ბოლოს დაინახეს, როგორ ჩასვეს რუსთაველის გამზირზე ავტომობილში. 1966 წლის შემოდგომიდან მისი კვალი ქრება. მალხაზ მამულაშვილი - „ქურდად“ 1990 წელს 21 წლის ასაკში აკურთხეს. 1998 წლის შემოდგომაზე ციხეში ღვიძლის ციროზით გარდაიცვალა.ედუარდ გაბელაია (ცუცუნა) - ერთ-ერთი ყველაზე ამბიციური „ქურდი“ იყო. იგი ხელმძღვანელობდა ახალგაზრდულ ბანდას, რომელიც გამოძალვებითა და გატაცებებით იყო დაკავებული. 1992 წელს თბილისში პოლიციას ესროლა და ხელყუმბარაც კი გამოიყენა, შემდეგ კი რუსეთში გადავიდა. 1999 წლის 21 მარტს ირკუტსკში უცნობმა პირებმა გაიტაცეს. ვარაუდობენ, რომ ეს შეკვეთილი ოპერაცია სამართალდამცველების მხრიდან იყო დაგეგმილი.არჩილ გიგინეიშვილი - 90-იანების დასაწყისში „ქურდად“ ვაჟა ბიგანიშვილმა „აკურთხა“. 1996 წლის ბოლოს, პოლიციამ სასიკვდილოდ დაჭრა. მის გადარჩენას რამდენიმე დღის განმავლობაში ცდილობდნენ, თუმცა უშედეგოდ. „აჩიკო“ 22 წლის ასაკში გარდაიცვალა.

პოლიტიკა • 1757678899

ედიშერ გვენეტაძე: საზოგადოებას სრული უფლება აქვს გააჩნდეს საფუძვლიანი ეჭვი უკრაინის ხელისუფლების მორიგ მცდელობის შესახებ - უკრაინული „ჰექსოგენით“ საქართველოში „მშვიდობიანი გადატრიალების“ მოწყობის მცდელობის თაობაზე

ქართველმა სპეცსამსახურებმა გუშინ მორიგი გმირობა ჩაიდინეს და საქართველოს მორიგი უბედურება ააცილეს თავს. გამოძიების პროცესში დადგინდა, რომ ასაფეთქებელი ნივთიერება ავტომანქანის მძღოლს გადასცა უკრაინის სპეცსამსახურების თანამშრომელმა, რომელმაც მძღოლს უნდა მიეტანა იგი ავლაბარში ერთ-ერთ საცხოვრებელ კორპუსში, დანიშნულების ადგილას - ასე ეხმიანება სოციალურ ქსელში ექსპერტი ედიშერ გვენეტაძე, ასაფეთქებელი ნივთიერება „ჰექსოგენის“ უკრაინიდან საქართველოში შემოტანის საქმეს.მისივე თქმით, საზოგადოებას სრული უფლება აქვს გააჩნდეს საფუძვლიანი ეჭვი უკრაინის ხელისუფლების მორიგ მცდელობის შესახებ - უკრაინული „ჰექსოგენით“ საქართველოში „მშვიდობიანი გადატრიალების“ მოწყობის მცდელობის თაობაზე“ქართველმა სპეცსამსახურებმა გუშინ მორიგი გმირობა ჩაიდინეს და საქართველოს მორიგი უბედურება ააცილეს თავს.გამოძიების პროცესში დადგინდა, რომ ასაფეთქებელი ნივთიერება ავტომანქანის მძღოლს გადასცა უკრაინის სპეცსამსახურების თანამშრომელმა, რომელმაც მძღოლს უნდა მიეტანა იგი ავლაბარში ერთ-ერთ საცხოვრებელ კორპუსში, დანიშნულების ადგილას.როგორც ქართველი სამართალდამცავები ფართო საზოგადოებას აცნობენ, გამოძიების პროცესში შესაძლოა გამოიკვეთოს კავშირი გუშინ ამოღებულ ასაფეთქებელ ნივთიერებასა და რევოლუციონერ ხაბე - პატიკოს მიერ ფართოდ აფიშირებულ ხელისუფლების „მშვიდობიან“ დამხობას შორის.ყველამ კარგად იცის, რომ უკრაინიდან წარმოებული ასეთი დონის ოპერაცია და ამ რაოდენობის ასაფეთქებელი ნივთიერების შემოტანა, მით უმეტეს, როდესაც ამ ქვეყნის სახელისუფლებლო ხროვა უაღრესად მტრულად არის განწყობილი საქართველოსა და ქართველი ხალხის მიმართ, შემთხვევით არ ხდება. მას კონკრეტული ადრესატი და მიზანი გააჩნია.ამიტომაც ვფიქრობ, საზოგადოებას სრული უფლება აქვს გააჩნდეს საფუძვლიანი ეჭვი უკრაინის ხელისუფლების მორიგ მცდელობის შესახებ - უკრაინული „ჰექსოგენით“ საქართველოში „მშვიდობიანი გადატრიალების“ მოწყობის მცდელობის თაობაზე.ხაბე, პატიკო, თინიკო, გუბაზას ბურვაკო „ი პროჩე, ი პროჩე“ ვითომდაც სიტყვით „მშვიდობიანო“ მეამბოხეებო, როგორ ვთქვა, მაგრამ ისე არ მოგივიდეთ, როგორც ქართულ ანდაზაშია ნათქვამი: „ღვინის ქურდები ლამდევზე წაასწრესო“.-წერს გვენეტაძე.