სამართალი • 1769085308

ბელგიაში სამ ქართველს საპარსებისა და კბილის ჯაგრისების მოპარვისთვის 3-წლიანი პატიმრობა მიუსაჯეს

ბელგიაში საქართველოს სამ მოქალაქეს საპარსებისა და კბილის ჯაგრისების მოპარვისთვის 3-წლიანი პატიმრობა მიუსაჯეს.ბელგიური მედიის ინფორმაციით, 49 წლის ზურაბ კ.-მ და 38 წლის კახა ა.-მ 16-დან 19 ივლისამდე ჯამში თერთმეტი ქურდობა ჩაიდინეს. ბრალდებულები და მათი თანამზრახველები Colruyt-ისა და OKay-ის მაღაზიებში, სისტემატურად იპარავდნენ საპარსებსა და კბილის ჯაგრისებს. მედიის ინფორმაციით, ერთ-ერთი ასეთი ქურდობის დროს ასევე მოიპარეს ორაგული, ვისკი და არდენის შემწვარი საქონლის ხორცი.ქართველებმა დანაშაული ზედელგემში, გისტელში, არდუიში, ბრიუგესა და მუსკრონშიც ჩაიდინეს. სასამართლო პროცესზე ბრალდების მხარე ამტკიცებდა, რომ ქართველები განმეორებით დამნაშავეები იყვნენ. ა. და ლ. უკვე გასამართლებული იყვნენ ბელგიაში, ბრალდების მხარე აპელირებდა, რომ საქართველოს სხვა მოქალაქეებმა იგივე დანაშაულები გერმანიაში, საფრანგეთსა და შვეიცარიაშიც ჩაიდინეს.„ისინი არ გაჩერდებიან, რადგან ეს ამ პროფესიონალი ქურდების ძირითადი საქმიანობაა“, - ამტკიცებდა ბრალდების მხარე.მოსამართლემ ბრალდების მხარის პოზიცია სრულად გაიზიარა და მათ პატიმრობა მიუსაჯა.მოსამართლის გადაწყვეტილებითვე, ქართველმა ბრალდებულებმა ჯარიმა 800 ევრო უნდა გადაიხადონ.

სამართალი • 1768211868

გავრცელებული ინფორმაცია აბსოლუტურად აცდენილია რეალურ ფაქტებს და მიზანმიმართულ ტყუილს წარმოადგენს - შსს გურიაში მომხდარ ფაქტს ეხმიანება

შინაგან საქმეთა სამინისტრო მედიაში გავრცელებულ ინფორმაციას, რომელიც გურიაში მომხდარ ფაქტს ეხება, მიზანმიმართულ ტყუილს უწოდებს.საუბარია ინფორმაციაზე, რომლის თანახმადაც, ოზურგეთში ე.წ. ქურდულ გარჩევას, პოლიციელი ხელმძღვანელობდა და ფაქტს ერთი ადამიანი ემსხვერპლა.„გავრცელებული ინფორმაცია აბსოლუტურად აცდენილია რეალურ ფაქტებს და მიზანმიმართულ ტყუილს წარმოადგენს.მიზანმიმართული ტყუილია თემაში "კანონიერი ქურდების" ფაქტორის შემოტანა. ტყუილია ინფორმაცია ჩხუბში პოლიციელის მონაწილეობის შესახებ, თუმცა ის მართლაც წარმოადგენს სხვა უწყების თანამშრომელს. ტყუილია ინფორმაცია მისი მხრიდან სამსახურებრივი იარაღის გამოყენებისა და გასროლის შესახებ.ამ ყველაფრის მიუხედავად, ინფორმაციის გამავრცელებელ საინფორმაციო საშუალებას ჩვენთვის ამ დრომდე კითხვით არ მოუმართავს.რა მოხდა სინამდვილეში, ამასთან დაკავშირებით, გამოძიების მასალებზე დაყრდნობით, განცხადებას მალევე გავავრცელებთ," - აღნიშნეს უწყებაში.

მსოფლიო • 1767345421

"მოიპარონ, მაგრამ არა ჩეხეთის რესპუბლიკიდან" - პარლამენტის სპიკერი უკრაინისთვის იარაღის მიწოდებას ეწინააღმდეგება

,,მე მჯერა, რომ ჩვენი რესპუბლიკა ბრიუსელის მატარებლიდან გადმოხტება, რომელიც, აშშ-ის მთავრობის გაფრთხილებების მიუხედავად, მესამე მსოფლიო ომისკენ მიემართება", - ეს განცხადება ჩეხეთის პარლამენტის სპიკერმა, უკრაინისთვის ფულადი დახმარების შესახებ საუბრისას გააკეთა.ჩეხეთის პარლამენტის სპიკერის ტომიო ოკამურას განცხადებით, "უნდა შევწყვიტოთ ზელენსკის ხუნტაში ქურდებისთვის ფულის მიცემა":"ჩვენ არ შეგვიძლია ვიყიდოთ იარაღი ჩეხი პენსიონერების, შეზღუდული შესაძლებლობის მქონე მოქალაქეების და ბავშვიანი ოჯახების ფულით და გავაგზავნოთ ისინი სრულიად უაზრო ომში. ჩვენ არ შეგვიძლია ჩვენი მოქალაქეების ფული უცხოელებს მივცეთ მხოლოდ იმიტომ, რომ ამას პრო-საომარი პროპაგანდა ითხოვს.მე მჯერა, რომ ჩვენი რესპუბლიკა ბრიუსელის მატარებლიდან გადმოხტება, რომელიც, აშშ-ის მთავრობის გაფრთხილებების მიუხედავად, მესამე მსოფლიო ომისკენ მიემართება. ეს "მეომრები", რა თქმა უნდა, იმედოვნებენ, რომ ომის დროს იარაღის წარმოება მათ ეკონომიკას აღადგენს, რომელიც "გრინპისმა" გაანადგურა. ეს აბსურდული იარაღის წარმოება და გაყიდვა გრძელვადიან პერსპექტივაში საკვებს არ მოგვაწვდის, განსაკუთრებით იმის გათვალისწინებით, რომ დასავლეთ ევროპა გეგმავს მის წარმოებას დაგროვილი ვალის გამოყენებით.მესმის, რომ დასავლეთისთვის ნორმალურია, დასავლურ იარაღის მწარმოებლებს გადაუხადოს არაეფექტური იარაღისთვის, რომელსაც რუსები ფრონტის ხაზამდე მისვლამდე ანადგურებენ. ფული ყველა მიმართულებით მიედინება და ყველა ბიზნესში სარგებლობს. ეს მოიცავს დასავლურ კომპანიებს, მთავრობებს და ზელენსკის ხუნტის გარემოცვის უკრაინელ ქურდებს, რომლებიც ოქროს ტუალეტებს აშენებენ. მოიპარონ, მაგრამ არა ჩვენი ჯიბიდან და ევროკავშირში არ იყოს უკრაინის მსგავსი ქვეყანა", - განაცხადა ჩეხეთის პარლამენტის სპიკერმა.

საზოგადოება • 1767258240

საუკეთესო საახალწლო ფილმები

რა შეიძლება იყოს იმაზე კარგი, როდესაც ოჯახთან ერთად უყურებ საახალწლო კომედიურ ფილმს იმ დროს როდესაც ყველა ახალ წელს ზეიმობს?შეიკრიბეთ ახლობელ ადამიანებთან ერთად, უყურეთ კარგ და კეთილი შინაარსის ფილმებს. ისინი აუცილებლად აგიმაღლებთ განწყობას და მოგცემთ იმედს იმისა რომ აგისრულდებათ ის სურვილები რომლებიც ახალ წელს ჩაიფიქრეთ.საუკეთესო საახალწლო ფილმები1. მარტო სახლშიდაუჯერებელი ამბავი რვა წლის ბიჭის კევინ მაკკალისტერის თავგადასავალზე დაიპყრო ყველა ასაკის მაყურებლის გული, ამიტომაც შემქმნელებს მოუხდათ გადაეღოთ ფილმის გაგრძელება. ბიჭუნა, რომელსაც მოუხდა დარჩენილიყო მარტო სახლში არ დაუკარგავს თავისი სიცელქე და სიმამაცე. როდესაც სახლში მოვლენ ნამდვილი ქურდები ის მის ბავშვურ სიცელქით და სიმამაცით უხდის სამაგიეროს მათ. მხიარული და შეუჩერებელი სიცილი თქვენ ნამდვილად გარანტირებული გაქვთ.2. საშობაო ამბავიკეთილი და სულისშემძვრელი ზღაპარი მხიარული დასასრულით. ამბავი, დაწერილი ჩარლზ დიკენსის მიერ, მოგვითხრობს ერთ გაუტანელ და ძუნწ კრუჯზე, რომელმაც მოახერხა დაევიწყებიდა შობა. მოხუცმა გადაწყვიტა რომ ქცეულიყო სხვა ადამიანად. ფილმი გვასწავლის სიკეთეს, სიმამაცეს და იმედს უკეთესისა.3. პოლარული ექსპრესიარანაკლებ საინტერესო და ჩამთრევი ფილმი. პატარა ბიჭს არ სჯერა სანტა-კლაუსის არსებობის და არ უყვარს შობა. შუაღამეს დღესასწაულის დადგომამდე მას მიეცემა არაჩვეულებრივი შანსი იმისა რომ მოხვდეს ჯადოსნურ მატარებელში და წავიდეს სტუმრად თავად სანტასთან. გზაში მას მოუხდება გადალახოს ძალიან საინტერესო თავგადასავალი. ყურება რეკომენდირებულია როგორც ბავშვებისთვის, ასევე მათი მშობლებისთვისაც.4. ჩარლი და შოკოლადის ქარხანაჩარლი დაიბადა და გაიზარდა მეგობრულად, მაგრამ, სამწუხაროდ, არც ისე მდიდარ ოჯახში. შობამდე მას გამოუჩნდა შანსი იმისა რომ მოხვედრილიყო შოკოლადის ქარხანაში და გაეცნო მისი არაჩვეულებრივი ბატონი ვილლი ვონკი. მის ერთად მიემგზავრება სხვა ბავშვებიც. ექსკურსიის დროს მათ მოუხდებათ გადაიტანონ სხვადასხვა სასჯელი.5. ოჯახი ქორითსასიამოვნო და გასაოცარი ფილმი მოგიტანთ ყურების შემდეგ ( ყურების დროსაც) უამრავ დამაკმაყოფილებელ ამოციას. კარგი და გამოსადეგი შეთანხმებისთვის ახალგაზრდა სემ პაული ყველაფრისთვის მზადაა. ის იღებს ქირით ოჯახს, საყვარელი გოგოთი დედასთან ერთად. ამ თამაშის დროს ის ვერ მიხვდება ისე შეეჩვევა " ცოლს და შვილს". კიდევ იმასაც ამჩნევს, რომ მრავალი წელი ვერ ხვდებოდა ყველაზე მნიშვნელოვანს ცხოვრებაში.6. როგორ მოიპარა შობა გრინჩმამწვანე თმიანი და უცნაური გარეგნობის გრინჩი მიდის ქალაქიდან საცხოვრებლად მარტოობისათვის. მისი არასასურველი დღესასწაული იყო შობა, როდესაც ადამიანები ერთმანეთს ულოცავენ კარგი სიტყვებით და საჩუქრებით. ერთხელაც მას თავში მოუვა არაჩვეულებრივი იდეა იმის შესახებ, რომ მოიპაროს შობა და წაართვას ხალხს შანსი იმისა აღნიშნოს ის მომავალშიც.7. ბრიჯიტ ჯონსის დღიური31 წლის მარტოსული ჟურნალისტი ბრიჯიტი ცხოვრობს გამოგონილ სამყაროში: სურს ნახოს ცხოვრების სიყვარული და მიიღოს ამისთვის მისი სიმპატიური უფროსი. შობის დღესასწაულზე ის წავა სტუმრად თავის დედასთან, რომელიც ცდილობს გააცნოს ადვოკატი მარკ დარსი. ის პირველად ამ ამბავს არ ხვდება კარგად მაგრამ, როდესაც გავა დრო ის დაინტერესდება მარკით. ამის შემდეგ კი თავისი უფროსიც აქცევს ყურადღებას.8. ინტუიციაამბავი იმის შესახებ, რომელშიც აღწერილია ორი ერთმანეთისათვის უცხო ადამიანის შემთხვევითი შეხვედრა. სარა და ჯონათანი გაიცნობენ ერთმანეთს სუპერმარკეტში სადღესასწაულო საჩუქრების შერჩევისას. სარა წერს თავის ნომერს გაბრიელ გარსია მარკესის წიგნში, ხოლო ჯონათანი აწერს თავის სახელს ხუთდოლარიან კუპიურაზე. შემდეგ მათი ცხოვრების გზა სხვადასხვა მხარეს წავა და ისინი საკუთარი ცხოვრებით გააგრძელებენ გზას. რა ელოდებათ ამის შემდეგ მთავარ გმირებს?.9. ნამდვილი სიყვარულისიყვარული... ის სულ ჩვენთანაა. შობა ეს არის კიდევ მიზეზი იმისა რომ საყვარელ ადამიანს უთხრა თბილი სიტყვები. ფილმში თქვენ ნახავთ რამდენიმე სიყვარულის ისტორიას: ქალებს, რომლებიც იჭერენ ქმრებს ღალატში, მოზარდ ყველაზე ლამაზ გოგოს სკოლაში, მარტოხელა მამას შვილთან ერთად და ას.შ. ჯადოსნური დღესასწაული შობა კი აერთიანებს მათ ბედს ერთად.10. მხოლოდ მეგობრებიკიდევ ერთი ულამაზესი საახალწლო ფილმი სიყვარულის შესახებ. უბრალო ბიჭი კრის ბრენდერი საიდუმლოდ შეყვარებულია ლამაზმან ჯეიმზე - მისი საუკეთესო მეგობრის შეყვარებულზე. გაემხილა მისი გრძნობების შესახებ მას ჯერ კიდევ უნდოდა გამოსაშვებ მეჯლისზე, მაგრამ ყველაფერი ცუდად დამთავრდა. 10 წლის შემდეგ შეცვლილი კრისი, რომლის ცხოვრებაც წარიმართა საკმაიდ კარგად, შობაზე ის დაბრუნდება მშობლიურ ქალაქში. შემთხვევით ის წააწყდება ჯეიმს; გრძნობა ისევ გაიღვიძებს და ბიჭი მთელი ძალით ცდილობს ისევ დაიპყროს მიუწვდომელი ლამაზმანის გული. 

მსოფლიო • 1767123319

ისტორიაში ბანკის ერთ-ერთი ყველაზე მასშტაბური ძარცვა გერმანიაში წინასაახალწლოდ მოხდა

უცნობმა პირებმა გერმანიაში გელზენკირხენში მდებარე Sparkasse Bank-ის სეიფიდან დაახლოებით 30 მილიონი ევრო მოიპარეს. DPA-ს საინფორმაციო სააგენტოს ცნობით, პოლიციის წყაროებზე დაყრდნობით, ეს შესაძლოა ქვეყნის ისტორიაში ერთ-ერთი ყველაზე მასშტაბური ბანკის ძარცვა იყოს.წინასწარი ინფორმაციით, ქურდები შენობაში ღამით ახლომდებარე ავტოსადგომიდან შევიდნენ, საბურღი ხელსაწყოს გამოყენებით სეიფის კედელში უზარმაზარი ხვრელი გაჭრეს და 3200 სეიფი გახსნეს. ძარცვა მხოლოდ დილით აღმოაჩინეს. მსხვერპლი ბანკის 2500-ზე მეტი მომხმარებელი გახდა, რომლებიც რამდენიმე დღის განმავლობაში ფილიალის გარეთ იკრიბებოდნენ იმ იმედით, რომ თავიანთი ძვირფასი ნივთების შესახებ ინფორმაციას მიიღებდნენ.

მსოფლიო • 1766824556

ლიზ ტრასი: ბრიტანეთში 400-ზე მეტი სააგენტო მუშაობს, რომლებიც სახელმწიფო მმართველობის მთავარ ასპექტებს აკონტროლებენ, საცხოვრებელი პოლიტიკით დაწყებული, კლიმატისა და მიგრაციის პოლიტიკით დასრულებული

დიდი ბრიტანეთის ყოფილი პრემიერ-მინისტრის ლიზ ტრასის განცხადებით, ქვეყანაში 400-ზე მეტი სააგენტო მუშაობს, რომლებიც ანგარიშს არავის აბარებენ, თუმცა სახელმწიფო მმართველობის მთავარ ასპექტებს აკონტროლებენ, საცხოვრებელი პოლიტიკით დაწყებული, კლიმატისა და მიგრაციის პოლიტიკით დასრულებული.„არსებობს 400-ზე მეტი სააგენტო, რომლებიც ანგარიშს არავის აბარებენ. ისინი სახელმწიფო მმართველობის სხვადასხვა ასპექტებს აკონტროლებენ, საცხოვრებელი პოლიტიკით დაწყებული, კლიმატისა და მიგრაციის პოლიტიკით დასრულებული“, - განაცხადა ტრასმა თავისი პოდკასტის მეოთხე ეპიზოდში.მისი თქმით, ერთ-ერთი ასეთი უწყება ინგლისის ბანკია, რომელიც ბრიტანელების ფულს აკონტროლებს. ტრასის განცხადებით, ინგლისის ბანკი დიდი ხანია ჩამოყალიბდა, როგორც ქურდების სისტემა.ტრასის განცხადებით, ფინანსთა სამინისტრო ჩინეთის, ევროკავშირისა და დავოსის ელიტების მხარესაა. საგარეო საქმეთა სამინისტრო ინსტიტუციურად ისრაელის წინააღმდეგაა მიმართული, ხოლო შინაგან საქმეთა სამინისტრო ისლამისტების ზეგავლენის ქვეშაა მოქცეული.

სამართალი • 1765955022

პროკურატურამ „კანონიერი ქურდობის", „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის და „კანონიერი ქურდისთვის" მიმართვის ფაქტებზე 63 პირს ბრალდება წარუდგინა

საქართველოს პროკურატურამ „კანონიერი ქურდობის", „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის და „კანონიერი ქურდისთვის" მიმართვის ფაქტებზე 63 პირს ბრალდება წარუდგინა.შინაგან საქმეთა სამინისტროში ჩატარებული გამოძიებით დადგინდა, რომ „ქურდული სამყაროს“ წევრები, „ქურდული სამყაროს“ საქმიანობის მხარდაჭერაში ბრალდებულ პირებთან ერთად, როგორც საზღვარგარეთ მყოფი ე.წ. „კანონიერი ქურდების“ დავალებით, ასევე დამოუკიდებლად, მოდავე მხარეების მიმართვის საფუძველზე „ქურდულ გარჩევებს“ სისტემატიურად აწყობდნენ და მხარეებს შორის არსებულ სხვადასხვა სახის დავებს განიხილავდნენ.სამართალდამცველებმა 49 პირი დააკავა, ხოლო 14-ს ბრალდება დაუსწრებლად წარედგინა. ბრალდებულებს ბრალდება საქართველოს სისხლის სამართლის კოდექსის 223 პრიმა მუხლის პირველი ნაწილით (ქურდული სამყაროს წევრობა), 223 პრიმა მუხლის მეორე ნაწილით („კანონიერი ქურდობა“), 223 ტერცია მუხლის მეორე ნაწილით („ქურდული სამყაროს“ საქმიანობის მხარდაჭერა), 223 კვარტა მუხლის პირველი ნაწილით („კანონიერ ქურდისთვის/ქურდული სამყაროს“ წევრისთვის მიმართვა) წარედგინათ, რაც სასჯელის სახედ და ზომად 15 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე ბრალდებულების ნაწილს აღკვეთის ღონისძიების სახით პატიმრობა უკვე შეეფარდა, ხოლო ნაწილის მიმართ აღკვეთის ღონისძიების შეფარდების შუამდგომლობით პროკურატურა სასამართლოს კანონით დადგენილ ვადაში მიმართავს.ინფორმაციას პროკურატურა ავრცელებს.

სამართალი • 1765909931

სპეცოპერაცია „ქურდული სამყაროს“ წინააღმდეგ - რა ფარული ჩანაწერები და მტკიცებულებები დევს საქმეში

ე.წ. ქურდული შეკრების კადრები „კურიერის“ ინფორმაციით, ბათუმშია გადაღებული. კადრებში 6 მამაკაცი ჩანს. ისინი ფინანსური დავის მოგვარებას ე.წ. ქურდული წესებით გეგმავდნენ, მოდავე მხარეებისგან კი სანაცვლოდ მატერიალურ სარგებელს ელოდებოდნენ. გეგმამ არ გაამართლა, სარგებელი ვერ მიიღეს, პოლიციამ ექვსივეს ხელბორკილები დაადო.ეს დანაშაულის ერთ-ერთი ეპიზოდია. ირკვევა, რომ ე.წ. ქურდული შეკრება სხვადასხვა დროსა და ადგილას ეწყობოდა. სამართალდამცველებმა ე.წ. ქურდული წესებით მატერიალური სარგებლის მიღების სქემა მალე გაშიფრეს.გვიან ღამით სპეცრაზმი ერთდროულად რამდენიმე მისამართზე მობილიზდა. შინაგან საქმეთა სამინისტრომ ქურდული სამყაროს წინააღმდეგ, თბილისში და რეგიონებში მასშტაბური სპეცოპერაცია ჩაატარა. 49 პირი ადგილზე დააკავეს, 14 კი დაუსწრებლად მიეცა პასუხისგებაში.დაკავებების პარალელურად, მთელი ღამის განმავლობაში სახლებში და ავტომობილებში ჩხრეკა ტარდებოდა. ამოღებულია კომპიუტერული ტექნიკა, მობილურები და ცეცხლსასროლი იარაღები.სპეცოპერაციამდე შინაგან საქმეთა სამინისტროს თანამშრომლები რამდენიმე თვის განმავლობაში ფარულ საგამოძიებო მოქმედებებს ატარებდნენ. მოპოვებულია კონკრეტული მტკიცებულებებიც, მათ შორის დანაშაულში მონაწილე პირების სატელეფონო საუბრები.ტაფით იმ პირს გაუსწორდნენ, რომელმაც დათქმულ დროს მოთხოვნილი თანხა ე.წ. ობშიაკში არ მიიტანა.ფიზიკური ანგარიშსწორება, სიტყვიერი შეურაცხყოფა და შანტაჟი - ე.წ. ქურდულ სამყაროსთან კავშირში მყოფი პირები ამ ფორმით ემუქრებოდნენ ყველას, ვინც მათ გაანაწყენებდა. გამოძიების მიერ გავრცელებული ფარული ჩანაწერებით ირკვევა ისიც, რომ ხშირად სიცოცხლის მოსპობის მუქარა მსხვერპლის ოჯახის წევრებზეც ვრცელდებოდა.ფინანსური დავების მოგვარების სანაცვლოდ მოთხოვნილი თანხა სოლიდური იყო.ამავე ჩანაწერებით ირკვევა ისიც, რომ მოდავე მხარეებისგან აღებულ თანხას ბრალდებულები რამდენიმე პირზე ყოფდნენ. ნაწილი ე.წ. მომგვარებლებს რჩებოდა, ნაწილს კი საზღვარგარეთ მყოფ ე.წ. კანონიერ ქურდებს ურიცხავდნენ. ამ ფაქტს ე.წ. კანონიერი ქურდის, შალვა ხუჭუას, მეტსახელად როკოს და მისი მხარდამჭერის საუბარიც ადასტურებს.შალვა ხუჭუა, მეტსახელად როკო, გიორგი ღოღელიანი, ზაალ მახარობლიძე, იგივე გლეხოვიჩი, გოჩა ჯინჭარაძე, მეტსახელად ყურშა - ეს ის ე.წ. კანონიერი ქურდები არიან, რომელთა საუბარი ფარულ სატელეფონო ჩანაწერებში ისმის. ისინი ძირითადად თანხის დროულად მიტანით ინტერესდებოდნენ და თანამოაზრეებს მოქმედებისთვის მითითებებს აძლევდნენ.პასუხისგებაში მიცემული 63 პირიდან 5 ე.წ. კანონიერი ქურდია, მათ დაუსწრებლად წარედგინათ ბრალი.გამოძიებით ირკვევა, რომ ე.წ. ქურდული შეკრებები საზღვარგარეთაც ტარდებოდა. შეხვედრებში ე.წ. კანონიერი ქურდებიც მონაწილეობდნენ. იქ მიღებული მითითებებით კი საქართველოში დაბრუნებული კრიმინალური ავტორიტეტები მოდავე მხარეებს ფინანსური დავების მოგვარებას ჰპირდებოდნენ.გამოძიება 4 მუხლით - ქურდული სამყაროს წევრობის, ქურდულ შეკრებაში მონაწილეობის, მათი საქმიანობის მხარდაჭერის, კანონიერი ქურდობისა და ქურდული სამყაროს წევრისთვის მიმართვის ფაქტებზე გრძელდება. დანაშაული 15 წლამდე პატიმრობას ითვალისწინებს. პასუხისგებაში მიცემული 63 პირიდან უმეტესობა მძიმე დანაშაულისთვის ნასამართლევია.

სამართალი • 1765884295

შსს-მ ე.წ. ქურდულ სამყაროსთან კავშირში მყოფი 49 პირი დააკავა, 14 კი დაუსწრებლად მისცა პასუხისგებაში, მათ შორის ხუთი ე.წ. კანონიერი ქურდი

შინაგან საქმეთა სამინისტროს თანამშრომლებმა, მთელი ქვეყნის მასშტაბით, ინტენსიურ რეჟიმში ჩატარებული საპოლიციო ღონისძიებების შედეგად, ე.წ. ქურდულ სამყაროსთან კავშირში მყოფი 63 პირი პასუხისგებაში მისცეს, დაკავებულია 49 პირი, ხოლო 14 პირი დაუსწრებლად იქნა პასუხისგებაში მიცემული, მათ შორის ხუთი ე.წ. ანონიერი ქურდია, – ამის შესახებ შინაგან საქმეთა მინისტრის მოადგილემ, ალექსანდრე დარახველიძემ ბრიფინგზე განაცხადა.მისივე თქმით, პასუხისგებაში მიცემულებს  ბრალად ედებათ ე.წ. ქურდული სამყაროს წევრობა, „ქურდულ შეკრებაში მონაწილეობა“, „ქურდული სამყაროს საქმიანობის მხარდაჭერა“, „კანონიერი ქურდობა“ და „ქურდული სამყაროს წევრისთვის მიმართვა“.როგორც უწყებაში განაცხადეს, დაკავებულთა უმრავლესობა წარსულში სხვადასხვა მძიმე და განსაკუთრებით მძიმე დანაშაულისთვისაა ნასამართლევი.„შინაგან საქმეთა სამინისტროს თანამშრომლებმა აღნიშნული საპოლიციო ღონისძიება, მოსამართლის განჩინების საფუძველზე, ჩაატარეს.სამართალდამცველების მიერ, მოსამართლის განჩინების საფუძველზე ბოლო რამდენიმე თვის განმავლობაში განხორციელებული ფარული საგამოძიებო მოქმედებების შედეგად მოპოვებული მტკიცებულებებით დადგინდა, რომ ბრალდებულები კავშირზე იყვნენ საზღვარგარეთ მყოფ ე.წ კანონიერ ქურდებთან, ასრულებდნენ მათ დავალებებს და აქტიურად მონაწილეობდნენ „ქურდული სამყაროს” საქმიანობაში.ასევე, დგინდება, რომ ბრალდებულებისა და მოდავე მხარეების მონაწილეობით, სხვადასხვა დროს საქართველოში და საზღვარგარეთ ე.წ. ქურდული გარჩევები ეწყობოდა, რომლებშიც საზღვარგარეთ მყოფი „კანონიერი ქურდებიც“ მონაწილეობდნენ. ბრალდებულები შეკრებებზე ე.წ. ქურდული ტრადიციების შესაბამისად, გადაწყვეტილებებს იღებდნენ, ერთ-ერთ მოდავე მხარეს მეორის, ასევე, თავიანთ სასარგებლოდ განსაზღვრულ დროში გარკვეული თანხის გადახდას აკისრებდნენ. იმ შემთხვევაში, თუ ისინი არ დაემორჩილებოდნენ მათ მითითებებს, სიტყვიერ და ფიზიკურ შეურაცხყოფას აყენებდნენ. ასევე, ემუქრებოდნენ ოჯახის წევრების სიცოცხლის მოსპობით.პოლიციამ, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღო კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ „კანონიერ ქურდებს“ უკავშირდებოდნენ. გარდა ამისა, ჩხრეკის შედეგად, ამოღებულია ცეცხლსასროლი იარაღი.გამოძიება სისხლის სამართლის კოდექსის 223-ე პრიმა, 223-ე სეკუნდა, 223-ე ტერცია და 223-ე კვარტა მუხლებით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.საქართველოს შინაგან საქმეთა სამინისტროსთვის ერთ-ერთ უმთავრეს პრიორიტეტს წარმოადგენს ორგანიზებულ დანაშაულთან, მათ შორის ე.წ. „ქურდულ სამყაროსთან“ დაკავშირებული დანაშაულებრივი საქმიანობის წინააღმდეგ სისტემური და შეურიგებელი ბრძოლა. კიდევ ერთხელ, ხაზგასმით ვაცხადებთ, რომ ნებისმიერი პირი, რომელიც ჩაიდენს დანაშაულებრივ ქმედებას, კანონის სრული სიმკაცრით დაისჯება. ჩვენი მთავარი მიზანია მაქსიმალურად უზრუნველვყოთ საზოგადოების უსაფრთხოება და დავიცვათ საქართველოს თითოეული მოქალაქე“, – განაცხადა დარახველიძემ.

მსოფლიო • 1762673689

„კევინი დაბრუნდა - სახლში, მაგრამ არა მარტო“ - ახალი ვიდეორგოლი

 ოღონდ ამჯერად აღარც თავსატეხებია პრობლემა და აღარც ქურდები… მოხუცებზე ზრუნვის, მსოფლიოში წამყვან, პროვაიდერ Home Instead-ის ახალ სადღესასწაულო რეკლამაში Home But Not Alone მაკოლეი კალკინი ნაცნობ ტერიტორიაზე ბრუნდება, როგორც ზრდასრული პიროვნება, რომელიც მარტომცხოვრები დედის უსაფრთხოებაზე ზრუნავს. მოხუცი მარლის შვილიშვილიც მოულოდნელად ჩნდება და ერთად სახალისო, თუმცა დამაფიქრებელი საუბრის მომსწრეს გვხდიან.  „დღესასწაულებზე ფიქრისას პირველი ოჯახებთან ერთად დროის გატარება და კლასიკური ფილმების ყურება წარმოგვიდგენია, თუნდაც ეს „მარტო სახლში“ იყოს. ამ პერიოდმა, შესაძლოა, გამოავლინოს, თუ როდის სჭირდებათ საყვარელ ადამიანებს დამატებითი მხარდაჭერა სახლში დამოუკიდებელი ცხოვრების გასაგრძელებლად. მათ მოვლასთან დაკავშირებით საუბრების დაწყება კი შეიძლება რთული იყოს როგორც ასაკოვანი მშობლებისთვის, ისე ზრდასრული შვილებისთვის, მაგრამ ეს მნიშვნელოვანი პირველი ნაბიჯია, რათა კავშირი და ურთიერთპატივისცემა ვუზრუნველყოთ“, — განმარტავს კიმ ატკინსონი, Home Instead-ის მარკეტინგის ხელმძღვანელი.და სწორედ ამის სათქმელად დააბრუნეს კევინიც: 

სამართალი • 1762539518

სამართალდამცველებისთვის ცეცხლის გახსნის საპასუხოდ ლიკვიდირებული მირზა ალიევის საქმეზე, ახალი გარემოებები გასაჯაროვდა - რა ითქვა საგანგებო ბრიფინგზე

სამართალდამცველებისთვის ცეცხლის გახსნის საპასუხოდ ლიკვიდირებული მირზა ალიევის საქმეზე, ახალი გარემოებები გასაჯაროვდა. რა მიზნით მობილიზდა კაბალში მის სახლთან სპეცრაზმი - დეტალები დღეს გენერალურ პროკურატურაში, საგანგებო ბრიფინგზე განმარტეს.ფარული საგამოძიებო მოქმედებების შედეგად, სამართალდამცველებმა დაადგინეს, რომ მირზა ალიევი "ქურდული სამყაროს" მხარდამჭერი იყო და დანაშაულებრივ სქემაში მონაწილეობდა.გასაჯაროვდა კონკრეტული ფაქტი. გამოძიების ინფორმაციით, ალიევს ე.წ ქურდულ საერთოში თანხა უნდა მიეტანა, თუმცა რაოდენობის შემცირება სურდა და ქურდული სამყაროს წევრებს მიმართა. მოეწყო ქურდული გარჩევები. რამდენიმე დღის შემდეგ შეთანხმება შედგა, მირზა ალიევს თანხა შეუმცირდა, სანაცვლოდ კი მან "ქურდული სამყაროს" წევრებს 6 000 დოლარი გადასცა.საგამოძიებო მასალებით ირკვევა, რომ მირზა ალიევმა ამ შემთხვევამდეც პენიტენციურ დაწესებულებაში ერთ-ერთ პატიმარს თანხა ჩაურიცხა. "კურიერის" ინფორმაციით, ეს პირი კრიმინალური ავტორიტეტი, თეიმურაზ მამედოვია.პროკურატორის მიერ გასაჯაროებული დეტალები, იმ სისხლის სამართლის საქმის ეპიზოდებია, რომელშიც არაერთი მტკიცებულება უკვე დევს. ამოღებულია მობილურები, რითაც "ქურდულ სამყაროსთან" კავშირში მყოფი პირები ერთმანეთს ეკონტაქტებოდნენ, დიდი რაოდენობით თანხა და სატელეფონო ჩანაწერები, რომელშიც გამოძიებამ მოიპოვა. 14 წუთიანი მასალის შინაარსი, ე.წ კანონიერი ქურდების ჩართულობით, ფინანსური დავების მოგვარებას და მეექვსე პენიტენციურ დაწესებულებაში, დავით მიქაძის მიმართ, ე.წ შუმოკის მოწყობას უკავშირდება.ეს სატელეფონო საუბრები და გამოკითხვის ოქმები ბრალდებულების ადვოკატებისთვის მყარ მტკიცებულებებს არ წარმოადგენს. ინტერესებს დამცველები გამოძიების მიერ გაშიფრულ სქემაში დანაშაულის ნიშნებს ვერ ხედავენფინანსური დავების მოგვარება ე.წ ქურდული წესებით და საპატიმროში კრიმინალური მეთოდებით ბრალდებულების დასჯა - ეს ის დანაშაულებია, რომლის გამოც "ქურდული სამყაროს" წინააღმდეგ 2 დღის წინ მასშტაბური სპეცოპერაცია ჩატარდა. სამართალდამცველებმა 34 პირი დააკავეს. 6 პირს ბრალდება, ხოლო სამს პენიტენციურ დაწესებულებაში წარუდგინეს.დაუსწრებლად სისხლის სამართლის ხუთ საქმეზე, პასუხისგებაში მიცემულ პირებს დანაშაულის დამტკიცების შემთხვევაში, 15 წლამდე პატიმრობა ემუქრებათ.

სამართალი • 1762503415

პროკურატურამ "კანონიერი ქურდობის", "ქურდული სამყაროს" წევრობის, "ქურდული სამყაროს" საქმიანობის მხარდაჭერის და "კანონიერი ქურდისთვის" მიმართვის ფაქტებზე 43 პირს ბრალდება წარუდგინა

საქართველოს პროკურატურამ "კანონიერი ქურდობის", "ქურდული სამყაროს" წევრობის, "ქურდული სამყაროს" საქმიანობის მხარდაჭერის და "კანონიერი ქურდისთვის" მიმართვის ფაქტებზე 43 პირს ბრალდება წარუდგინა.შინაგან საქმეთა სამინისტროში ჩატარებული გამოძიებით დადგინდა, რომ "ქურდული სამყაროს" წევრები, "ქურდული სამყაროს" საქმიანობის მხარდაჭერაში ბრალდებულ პირებთან ერთად, მოდავე მხარეების მიმართვის საფუძველზე, როგორც საზღვარგარეთ მყოფი ე.წ. "კანონიერი ქურდების" დავალებით, ისე დამოუკიდებლად, სისტემატურად აწყობდნენ "ქურდულ გარჩევებს" და მხარეებს შორის არსებულ ფინანსურ დავებს განიხილავდნენ. ასევე მოქალაქეებს სძალავდნენ თანხებს.გამოძიებით ასევე დადგინდა, რომ ე.წ. "კანონიერმა ქურდმა" "ქურდული სამყაროს" წევრებს დაავალა, რომ "ქურდული სამყაროს" წევრების და მხარდამჭერების მეშვეობით პენიტენციურ დაწესებულებაში მყოფი ერთ-ერთი ბრალდებულის მიმართ ე.წ. "ქურდული გადაწყვეტილება" აღესრულებინათ, რაც მის მიმართ სადამსჯელო მოქმედებებს ითვალისწინებდა.შინაგან საქმეთა სამინისტროში ჩატარებული გამოძიების შედეგად დადგენილია, რომ სპეცოპერაციის დროს სამართალდამცველებისთვის გახსნილი ცეცხლის საპასუხო ღონისძიების შედეგად ლიკვიდირებულმა "ქურდული სამყაროს" საქმიანობის მხარდამჭერმა მირზა ალიევმა "ქურდულ საერთოში" გადასახდელი თანხის შემცირების მიზნით "ქურდული სამყაროს" წევრებსა და კრიმინალურ ავტორიტეტებს მიმართა. საკითხის მოსაგვარებლად "ქურდული სამყაროს" წევრების მონაწილეობით გაიმართა მოლაპარაკებები და გარჩევები. აღნიშნულ პერიოდში მირზა ალიევმა პენიტენციურ დაწესებულებაში მოთავსებულ ერთ-ერთ კრიმინალურ ავტორიტეტს აღმოუჩინა ფინანსური დახმარება. ქურდული გარჩევის გზით საბოლოდ მიღწეული იქნა შეთანხმება, რის სანაცვლოდაც „ქურდული სამყაროს“ საქმიანობის მხარდამჭერმა მირზა ალიევმა "ქურდული სამყაროს" წევრებს გადასცა საერთო ჯამში 6000 აშშ დოლარი.ბრალდებულებისგან 34 პირი სამართალდამცავებმა ჩატარებული ღონისძიების შედეგად დააკავეს. ექვს პირს ბრალდება დაუსწრებლად, ხოლო სამ პირს ბრალდება პენიტენციურ დაწესებულებაში წარედგინათ.ბრალდებულებს ბრალდება ქურდული სამყაროს წევრობის, "კანონიერი ქურდობის", "ქურდული სამყაროს" საქმიანობის მხარდაჭერის, "კანონიერ ქურდისთვის/ქურდული სამყაროს" წევრისთვის მიმართვის და ცეცხლსასროლი იარაღის მართლსაწინააღმდეგოდ შეძენა, შენახვის ფაქტებზე წარედგინათ, რაც სასჯელის სახედ და ზომად 15 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე ბრალდებულების ნაწილს აღკვეთის ღონისძიების სახით პატიმრობა, ხოლო ერთ ბრალდებულს, რომელმაც გამოძიებასთან ითანამშრომლა, საპატიმრო გირაო 3000 ლარის ოდენობით შეეფარდა. ბრალდებულების ნაწილისთვის აღკვეთის ღონისძიების შეფარდების საკითხზე სასამართლო კანონით დადგენილ ვადაში იმსჯელებს.