დედაქალაქი • 1788551553

წყალი 12 საათით შეწყდება - გადაამოწმეთ თქვენი მისამართი

„ჯორჯიან უოთერ ენდ ფაუერი“ წყლის მიწოდების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.მთაწმინდა, ჯავახიშვილის N15-თან წყალმომარაგების ქსელზე დაზიანების გამო 9/4/2026 18:30 დან 9/5/2026 07:00 საათამდე წყალმომარაგება შეუწყდება: მთაწმინდის რაიონი, საქანელას, აბჟანდაძეს, დიდი ხეივნის, 1-ლი, მე-2, მე-3 ხეივნის, ახალი ხეივნის, საბატონოს, ცოლიკაურის, წითლანაძის, გორგასლის ქ. 20, გულუას, გულიას, გორგასლის N87-N115 (კენტები), N30-N50 (ლუწები), კრწანისის ქუჩას თავისი შესახვევებით და ჩიხებით, იუსტიციის სახლს და ქართული ოცნების ოფისს (ერეკლე II მოედანი #3). ერეკლე II ქ. და მოედანი, ლესელიძე-კოტე აფხაზი N16-N44 (ლუწები), N27-N53 (კენტები), ვერცხლის, ნაკაშიძის, შარდენის, ბამბის და რკინის რიგის, ცინცაძის, ოქრომჭედლები, სიონის, იეთიმ გურჯის, ანტონ კატალიკოსის, ყავლაშვილი, ილია და ნინო ნაკაშიძეები, ნიშნიანიძე, ჩახრუხაძე, დიუმას ქუჩებს. მთაწმინდის რაიონი: სანაპიროს, რეზო ჩხეიძის, თაბუკაშვილის, ფხოვის, ჯამბულის, სობჩაკის, ჭანტურიას, სტამბის ჩიხის, ბროსეს, ზოოპარკის ტერიტორიას, რევაზ ლაღიძის და ვირსალაძის ქუჩებს.საბურთალო, სოფ. დიღომი, ხატაეთის ქ. N184-თან წყალმომარაგების ქსელზე დაზიანების გამო 9/4/2026 20:00 დან 9/5/2026 08:00 საათამდე წყალმომარაგება შეუწყდება: სოფელ დიღომში - რაინეგსის, მონპერის, მაქს ტილკეს, შმერლინგის, კრისტიან სტივენის, ბარონ დებაის, ჰუგო ჰუბერტის, შერმადინის, ბერტაფონ ზუტნერის, ჰენრი პრინერსკის, კლაპორთის, არქანჯერო ლამბერტის, ხატაეთის, ტიმოთი ბელოის, მარკო პოლოს და კრისტოფორე კასტელის, იან ჰომერის ქუჩებს.ისანი, მთისძირის ქ. N5-თან წყალმომარაგების ქსელზე დაზიანების გამო 9/4/2026 15:00 დან 9/5/2026 03:00 საათამდე წყალმომარაგება შეუწყდება: მთისძირის, ყვარელის N 126-დან - 160 (ლუწები),123 - დან 163(კენტები) უშაკოვის N29-დან - 39 -(კენტები) N 30-დან - 46- (ლუწებს)ქუჩებს.

პოლიტიკა • 1788517860

ლევან მაჭავარიანი: ოპოზიციაში მტრები არიან, უნდათ, შუღლი იყოს ხელოვნურად გაღვივებული, რათა საქართველოს ტერიტორიული მთლიანობის აღდგენის საშუალება არ ჰქონდეს

ჩვენი ნომერ პირველი ეროვნული ამოცანაა ქვეყნის გამთლიანება, აფხაზ და ოს დებთან და ძმებთან შერიგება, ჩვენ უნდა ვიცხოვროთ ერთიან საქართველოში და ეს გარდაუვალია, – ამის შესახებ „ქართული ოცნების“ წევრმა, ლევან მაჭავარიანმა განაცხადა.მისი თქმით, ოპოზიციაში როდესაც კონკრეტულ ნაბიჯებს ხედავენ, ბოლოს იყო ჰუმანიტარული დახმარების მიზნით ოკუპირებულ აფხაზეთში საწვავის შეტანა, ორმაგი ენერგიით აქტიურდებიან, ცდილობენ, ის შუღლი გააღვივონ, რაც ამდენი ათწლეულის განმავლობაში ხელოვნურად არსებობს.„სააკაშვილის განცხადება შემთხვევითი ნამდვილად არ არის. ამას წინ უძღოდა კარგად დაგეგმილი კამპანია, ბარამიძის მოღალატეობრივი განცხადება, ქართველებს ომის დანაშაულების ჩადენა რომ დააბრალა. შემდეგ გვარამიას განცხადება გვახსოვს, რომ თითქოს ეს რაღაცა ტრავმაა, რომელიც უნდა მოვიშოროთ, მას ქალბატონი სამადაშვილი აჰყვა, შემდეგ ბატონმა სააკაშვილმა შეკრა ეს ნარატივი. ესენი მტრები არიან, უნდათ, შუღლი იყოს ხელოვნურად გაღვივებული, რათა საქართველოს ტერიტორიული მთლიანობის აღდგენის საშუალება არ ჰქონდეს. ამაზე ყველაზე კარგად მეტყველებს მათი გადადგმული ნაბიჯები, როდესაც ოკუპანტს გადააბარეს ტერიტორიები. ეს 2008 წელს არ დაწყებულა, ეს დაიწყო 2006 წელს, როდესაც ე.წ. სამხრეთ ოსეთში ე.წ. პარალელური არჩევნები ჩაატარეს და „გაუპრავეს“ ის არალეგიტიმური არჩევნები სეპარატისტებს. შემდეგ ღალატის მუხლი ამოიღეს, აღუდგინეს ე.წ. საზღვრები, რომელიც ზვიად გამსახურდიას დროს გაუქმებული იყო. ეს ღალატის ქრონიკა კარგად დაორგანიზებული იყო, რომელიც ორი წლით ადრე დაიწყო, ვიდრე საქართველოს ასეთ შარში გახვევდნენ“, – განაცხადა ლევან მაჭავარიანმა.

პოლიტიკა • 1788512344

შუაგულ ევროპაში, გერმანია ყველაზე რეიტინგული ოპოზიციური პარტიის აკრძალვაზე საუბრობს... ზუსტად ესაა ორმაგი სტანდარტი - რაც მათთვის მისაღებია, რატომღაც, საქართველოში არის მიუღებელი - ირაკლი ჭეიშვილი

გერმანიაში მთავარი ოპოზიციური პარტია სახელისუფლებო ბლოკის მხრიდან უპრეცედენტო ზეწოლის სამიზნეა. რეგიონულ არჩევნებამდე რამდენიმე დღით ადრე, „ალტერნატივა გერმანიისთვის“ აკრძალვის საფრთხის წინაშეა, პარტიის წევრებზე კი ფიზიკური ძალადობა ხორციელდება.ქალაქ ბად-კროიცნახში, წინასაარჩევნო კამპანიის მიმდინარეობისას, პარტიის წარმომადგენლებს ქიმიური ნივთიერება შეასხეს. დაშავდა 9 ადამიანი. მათ მძიმე დამწვრობა მიიღეს. ძალადობრივი ინციდენტი 6 სექტემბერს საქსონია-ანჰალტის არჩევნებს ემთხვევა, სადაც გამოკითხვებით, ოპოზიციური პარტია 42%-მდე უპირატესობით ლიდერობს. მზარდი რეიტინგის ფონზე, ქვეყნის უმაღლესი თანამდებობის პირები, მათ შორის გერმანიის თავდაცვის მინისტრი, საკონსტიტუციო სასამართლოსგან პარტიის 4 რეგიონული ორგანიზაციის დაუყოვნებლივ აკრძალვას ითხოვენ. თავად ალტერნატივა გერმანიისთვის მიმდინარე მოვლენებს ხელისუფლების მიერ დაგეგმილ კამპანიად აფასებს.პარლამენტის ფრაქცია „ქართული ოცნების“ წევრის, ირაკლი ჭეიშვილის განცხადებით, გერმანიაში ოპოზიციური პარტიის აკრძალვაზე საუბარი პოლიტიკური კონკურენტების ჩამოშორებასა და ორმაგ სტანდარტზე მიუთითებს. მისი თქმით, მსგავსი პროცესების მიმართ ევროპული ქვეყნების დამოკიდებულება საქართველოსთან მიმართებით განსხვავებულია, რაც მისთვის მიუღებელია.„ეს არის პოლიტიკური კონკურენტების ჩამოშორება, ეს არის ორმაგი სტანდარტი. როდესაც ჩვენ ვქმნიდით კომისიას, გვახსოვს ქალბატონი თეა წულუკიანი როცა იყო, შემსწავლელი კომისია, ვსაუბრობდით ჩვენ პოლიტიკურ აკრძალვებზე, მაშინდელი გერმანიის ხელისუფლება და ზოგადად ევრობიუროკრატია როგორ კრიტიკულად აფასებდნენ ამ პროცესს და იძახდნენ, რომ ეს არის დემოკრატიის უკუსვლა. ახლა შუაგულ ევროპაში, გერმანია უარეს პროცესს მიმართავს, ყველაზე რეიტინგული ოპოზიციური პარტიის აკრძალვაზე საუბრობს და ზუსტად ეს არის ორმაგი სტანდარტი. ეს არის ჩვენთვის მიუღებელი. რაც მათთვის არის მისაღები, რატომღაც საქართველოში იგივე პროცესების განვითარება არის მიუღებელი“, - აცხადებს პარლამენტის ფრაქცია "ქართული ოცნების" წევრი ირაკლი ჭეიშვილი. 

პოლიტიკა • 1788511255

ირაკლი ჭეიშვილი ლაზარე ჯორბენაძის საქმეზე: ნებისმიერი განცხადება ამ საკითხთან დაკავშირებით, არ აქვს არსებითი მნიშვნელობა, ის იქნება ყოფილი პრემიერ-მინისტრი ირაკლი ღარიბაშვილი თუ სხვა ქვეყნის მტრები, არის სპეკულაცია

ლაზარე ჯორბენაძის თვითმკვლელობის საქმეზე საჯაროდ გაკეთებული განცხადებების საფუძველზე, ამ წუთებში, გამოკითხვები იწყება საქალაქო სასამართლოში. გამოძიების შეკითხვებს მაგისტრანტი მოსამართლის თანდასწრებით, თაზო დათუნაშვილი და ხატია დეკანოიძე უპასუხებენ.დიღმის მთავარ სამმართველოში უკვე გამოკითხეს ნიკა გვარამია, გია ხუხაშვილი და გიორგი გიგაური. ისინი აცხადებენ, რომ ჯორბენაძის საქმეს არ იცნობენ და მომხდარის შესახებ ღარიბაშვილის წერილიდან გაიგეს.რუსთავის პენიტენციურ დაწესებულებაში ასევე გამოიკითხა ირაკლი ღარიბაშვილიც, რომლის წერილსაც უმრავლესობაში "ნაციონალურ მოძრაობასთან" შეთანხმებულ კონსპირაციად და მმართველი გუნდის დისკრედიტაციის მცდელობად აფასებენ. მმართველ გუნდში აცხადებენ, რომ მსჯავრდებულმა სუიციდის დადასტურებულ შემთხვევაზე შეთქმულების თეორიები შექმნა, რასაც ოპოზიციამაც კოორდინირებულად დაუჭირა მხარი."ნებისმიერი განცხადება, ვთქვათ კომენტარი ამ საკითხთან დაკავშირებით, არ აქვს არსებითი მნიშვნელობა, ის იქნება ყოფილი პრემიერ-მინისტრი ირაკლი ღარიბაშვილი თუ სხვა ქვეყნის მტრები, რომლებიც ეს დღეები აკეთებენ განცხადებებს არის სპეკულაცია. იმიტომ, რომ პროკურატურის მიერ იქნა დადგენილი გამოკითხული მასთან შემხებლობაში მყოფი ყველა ახლობელი ადამიანი და იქნა ამის შემდეგ დადგენილი, რომ ამ ადამიანმა თვითმკვლელობით დაასრულა სიცოცხლე. სამწუხაროა, რა თქმა უნდა, ჩემი ქვეყნის პრემიერ-მინისტრის განცხადება და დღევანდელი, ასე ვთქვათ, რადიკალური ოპოზიციის განცხადებები თანხვედრაშია, რა თქმა უნდა, სამწუხაროა და ძალიან ცუდი ფაქტია", - განაცხადა პარლამენტის ფრაქცია "ქართული ოცნების" წევრმა ირაკლი ჭეიშვილმა.

პოლიტიკა • 1788507620

ზაზა შათირიშვილი: დროა, აგენტურულმა ოპოზიციამ გაათვითცნობიეროს, რომ ბიძინა ივანიშვილს ხელები არაფერში აქვს გასვრილი და მისი წარსული პრობლემებს კი არ უქმნის, არამედ ზურგს უმაგრებს

ანგაჟირებულ ქართველ ე.წ. ექსპერტებს თუ ე.წ. დარგის სპეციალისტებს, როგორც წესი, ჩვევად აქვთ ფსევდოანალიტიკური, თან მიკერძოებული ნააზრევის სოციალურ ქსელში გამოფენა, რითაც, ერთი მხრივ, საკუთარი ეგოს დაკმაყოფილებას, მეორე მხრივ კი, მცირერიცხოვანი „ბაბლის“ წარმოდგენებით მანიპულირებას ცდილობენ, – ამის შესახებ ფილოსოფოსი ზაზა შათირიშვილი სოციალურ ქსლეში წერს.მისი თქმით, ამ საქმეში კი ერთ-ერთი გამორჩეული რომან გოცირიძეა, რომელიც ამჯერად გიორგი ბაჩიაშვილის მიერ ამერიკის შეერთებულ შტატებში ვილის 51,5 მილიონ დოლარად გაყიდვას გამოეხმაურა და, რა თქმა უნდა, აღნიშნული ფაქტი ბიძინა ივანიშვილს დაუკავშირა.„ინტელექტუალური თვალსაზრისით სრულიად არაღირებული ტექსტის ანალიზით, ბუნებრივია, თავს არ შეგაწყენთ, თუმცა ყურადღებას ერთ დეტალზე გავამახვილებ. – გოცირიძის განცხადებით, ბაჩიაშვილის მიერ კუთვნილი ქონების გაყიდვა და ფინანსების საკუთარ ანგარიშებზე განთავსება ნიშნავს, რომ ბიძინა ივანიშვილისგან საფრთხეს არ მოელის, თუმცა, ამის გარანტიას რა აძლევს, უცნობია. მეორე მხრივ, ასევე უცნობია, რა აძლევს ბიძინა ივანიშვილს გარანტიას, რომ ბაჩიაშვილი უცხოეთში არ ალაპარაკდება და მისი „დანაშაულების“ შესახებ არ ისაუბრებს.აღნიშნული პროპაგანდისტული გზავნილის მტკიცებით გოცირიძე ცდილობს, მისი მცირეოდენი მკითხველებისთვის ფაქტად წარმოაჩინოს, თითქოს, ბიძინა ივანიშვილი ბაჩიაშვილის წინააღმდეგ უკანონოდ იქცეოდა, ასევე ცდილობს გააჩინოს ეჭვი, რატომ შეიძლება ამ ორ ადამიანს ერთმანეთისგან გარკვეული გარანტიები გააჩნდეთ, თუმცა, ამავდროულად, მისივე გამოგონილი გარანტიების სიმყარეზე თავადვე სვამს კითხვებს. კიდევ უფრო ნიშანდობლივია, რომ ამ განცხადებაში გამოსჭვივის უიმედობაში გადაზრდილი მოლოდინი, რომ ერთ დღეს ვინმე, ვისაც ბიძინა ივანიშვილთან სხვადასხვა დროს ბიზნესსა თუ პოლიტიკაში ახლო საქმიანი ურთიერთობა გააჩნდა, ოდესღაც ალაპარაკდება და მის „შავბნელ“ საქმეებზე მოგვიყვება. ასეთი მიდგომა არამხოლოდ გოცირიძისთვის, არამედ მთელი რადიკალური ოპოზიციისთვის არის დამახასიათებელი, რადგან მსგავსი შინაარსის განცხადებები არაერთ ისეთ პერსონასთან დაკავშირებით მოგვისმენია, რომელიც ბიძინა ივანიშვილთან თანამშრომლობდა, დღეს კი მასთან ან დაპირისპირებაში იმყოფება, ან კავშირი აღარ აქვს.ბაჩიაშვილის მხრიდან „ალაპარაკების“ სურვილი და მოლოდინი რომ ფუჭია, ისიც ამტკიცებს, რომ ის თავის დროზე ღიად აკეთებდა ბიძინა ივანიშვილის წინააღმდეგ განცხადებებს, შემდეგ საკუთარი დანაშაულის გადასაფარად პოლიტიკური ნიშნით დევნის სარჩულის შექმნას შეეცადა, ღიად ჩაერთო პროტესტში და გვიმტკიცებდა, რომ უკრაინის მხარდაჭერისა და ოპოზიციური ფლანგზე აქტიურობისთვის ისჯებოდა, შემდეგ კი ქვეყნიდანაც გაიქცა. მას საკმარისი დრო ჰქონდა, რომ თუკი რაიმე ინფორმაციას ფლობდა, ან ფაქტი გააჩნდა ბიძინა ივანიშვილის წინააღმდეგ ღიად და არგუმენტირებულად ესაუბრა, თუმცა, მყვირალა, უშინაარსო და მოკლევადიან პროპაგანდაზე გათვლილი განცხადებების გარდა მისგან არაფერი მოგვისმენია.გოცირიძის უიმედო სურვილი და ბაჩიაშვილის შემთხვევა ზუსტად აღწერს უცხო ძალების მორჩილი ოპოზიციონერების მდგომარეობას, რომლებიც უკვე 10 წელია იმ ადამიანების ალაპარაკებას ელიან, რომლებმაც ბიძინა ივანიშვილთან საქმიანი ურთიერთობა შეწყვიტეს. თავდაპირველად, „ქართული ოცნების“ კოალიციის დაშლის შემდეგ, ხან „თავისუფალი დემოკრატებისგან“ და ალასანიასგან, ხან „რესპუბლიკელებისა“ და უსუფაშვილისგან თუ ბერძენიშვილებისგან მოელოდნენ საუბარს, გვესმოდა ხუხაშვილის გვარიც, ახლახან ოპოზიციური პარტია შექმნა ვიქტორ ყიფიანმაც, რომელიც წლების მანძილზე ბიძინა ივანიშვილის ადვოკატი იყო და მისი საქმიანობის შესახებაც კარგად არის ინფორმირებული. მთელი ამ დროის განმავლობაში შეიცვალა 5 პრემიერი და რადიკალების მოლოდინებიც მძაფრდებოდა, თუმცა, ვერც კვირიკაშვილმა და ბახტაძემ, ვერც ქვეყნიდან გაქცეულმა გახარიამ და ვერც ამჟამად ციხეში მყოფმა ღარიბაშვილმა, რომელიც ბიძინა ივანიშვილთან დაახლოებით 20 წლის განმავლობაში თანამშრომლობდა და ახლო პირადი ურთიერთობაც ჰქონდა, არათუ ერთი ფაქტი, არამედ არგუმენტი და ლოგიკური ეჭვიც კი ვერ წარმოადგინეს, რომელიც მისი დანაშაულებრივი საქმიანობის შესახებ რაიმე შეკითხვებს გააჩენდა.ამას კი ერთადერთი მიზეზი აქვს და რომან გოცირიძის კითხვაზე, თუ რა გარანტიები არსებობს, რომ ბაჩიაშვილი არ ალაპარაკდება, ეს არის პასუხი. ბიძინა ივანიშვილი წლებია უმწიკვლოდ მუშაობს, შესაბამისად, მისთვის მთავარი გარანტიაც სწორედ სუფთა წარსულია. ბატონმა რომანმა და მთელმა აგენტურულმა ოპოზიციამ კი უნდა გაათვითცნობიერონ, რომ ბიზნესსა თუ პოლიტიკაში ბიძინა ივანიშვილის ყოფილი თანაგუნდელები იმის გარდა ვერაფერს იტყვიან, რომ ყველას სთხოვს პასუხს, ვინც საკუთარ ქვეყანას და ხალხს გულწრფელად არ ემსახურება. ერთადერთი, რაზეც მათ შეიძლება ისაუბრონ ის არის, რომ ბატონი ბიძინა ყველასგან მაქსიმუმს ითხოვს, ხოლო კორუფციაში ჩართულობას, ტყუილს და პირადი გამორჩენის მიზნით სხვისი ინტერესების მსახურებას ან საკუთარი სამშობლოს წინააღმდეგ წასვლას არავის პატიობს.კიდევ ერთი თავისებურება, რომელიც ჩვენს რადიკალ ოპოზიციონერებს ახასიათებთ, ყოფილი თანაგუნდელების მხრიდან ბიძინა ივანიშვილის არარსებულ დანაშაულებზე საუბრის არაჯანსაღ სურვილთან ერთად, კონკრეტული გავლენიანი უცხო ძალების იმედზე ყოფნაა. ისინი გამუდმებით მოელიან და საკუთარ მხარდამჭერებსაც არწმუნებენ, რომ ერთხელაც ბიძინა ივანიშვილის წინააღმდეგ საერთაშორისო აქტორები სანქციებს აამოქმედებენ, მეორე დღეს კი მათსავე გონებაში წარმოქმნილ სასურველ რეალობაში გაიღვიძებენ – „ქართული ოცნება“ ჩამოიშლება, პარტიის საპატიო თავმჯდომარე და გუნდის ლიდერები ქვეყნიდან გაიქცევიან, თავად კი კვლავ შეძლებენ ხელში ჩაიგდონ ძალაუფლება და ჩვენი ქვეყნის სადავეები კვლავაც იმ ძალებს დაუქვემდებარონ, რომლებსაც უცხოეთში იმედით შეჰყურებენ. თუმცა, ეს ადამიანები ამ შემთხვევაშიც მცდარ ლოგიკურ ჯაჭვს აყალიბებენ, რადგან ბიძინა ივანიშვილმა არაერთხელ განაცხადა და მთელმა საქართველომ იცის, რომ მის წინააღმდეგ უპრეცედენტოდ უსამართლო სანქციები ისედაც მოქმედებს და ქონებაზე, რომელიც უცხოეთში აქვს, დღესდღეობით ხელი არ მიუწვდება. ერთი შემთხვევაში, ამერიკის შეერთებულ შტატებს ამ დრომდე დაყადაღებული აქვს ის თანხა, რომელიც მრავალწლიანი დავის შემდეგ, საერთაშორისო სასამართლოების გადაწყვეტილებით, მას ეკუთვნის. ხოლო, მეორე შემთხვევაში კიდევ უფრო დიდ აბსურდს ვაწყდებით, როდესაც აღმოვაჩენთ, რომ „ჰეჯ – ფონდები“, რომლებსაც ბიძინა ივანიშვილმა საკუთარი ფული ინვესტიციების განსახორციელებლად მიანდო, უკვე სამი წელიწადია საკუთარ ფინანსებთან წვდომას სრულიად უარგუმენტოდ უზღუდავენ.სწორედ ამიტომ, დროა, აგენტურულმა ოპოზიციამ მათ მიერვე გამოგონილი მიკროსამყაროდან გამოაღწიოს, გაათვითცნობიეროს, რომ ბიძინა ივანიშვილს ხელები არაფერში აქვს გასვრილი და მისი წარსული, პრობლემებს კი არ უქმნის, არამედ ზურგს უმაგრებს. მეორე მხრივ, უნდა შეეშვან ღია კარის მტვრევას, თავი უნდა დააღწიონ გარე ძალების იმედად ყოფნას და გაიაზრონ, რომ სანქციები, რომელსაც მოელიან, უკვე მოქმედებს, ამის მიღმა კი რესურსი მათ პატრონებსაც აღარ გააჩნიათ. წინააღმდეგ შემთხვევაში, კვლავ ერთ წრეზე სიარულის გაგრძელება მოუწევთ, რაც უსაფუძვლო წარმოდგენების, შემდეგ მოლოდინის შექმნასა და სასურველის რეალობად გასაღებას, ბოლოს კი იმედგაცრუებას გულისხმობს“, – წერს ზაზა შათირიშვილი.

პოლიტიკა • 1788427025

ლაშა ფარულავა: ცინიკურია პაპუაშვილის განცხადება, პოლიტიკური პატიმრების გათავისუფლების პროცესს ვინმე თუ ხელს უშლის, ეს არის ქურდული ოცნება, რომელსაც სურს, ტერორით შეინარჩუნოს ძალაუფლება

პოლიტიკური პატიმრების გათავისუფლების პროცესს ვინმე თუ ხელს უშლის, ეს არის ქურდული ოცნება, კრიმინალური, კორუფციული რეჟიმი, რომელსაც სურს, რეპრესიით და ტერორით შეინარჩუნოს ძალაუფლება ამ ქვეყანაში, – ამის შესახებ „ერთიანი ნაციონალური მოძრაობის“ წევრმა, ლაშა ფარულავამ განაცხადა.ლაშა ფარულავას თქმით, შალვა პაპუაშვილის დღევანდელი განცხადება ცინიკურია.„ცინიკურია „ქართული ოცნების“, ქურდული ოცნების და მისი წარმომადგენლის, პაპუაშვილის განცხადება, როდესაც ჯარს პარავ ფულს, საბავშვო ბაღში პატარებს პარავ ​ულუფას, ანგრევ სკოლებს, არ აშენებ და მიტოვებულია სარეაბილიტაციოდ გამზადებული შენობა-ნაგებობები, ხალხს მხოლოდ უძვირებ ცხოვრებას და ჰპირდები, რომ გაგიიაფებ ცხოვრებასო. ამ ყველაფრის შემდეგ კი, უფრო და უფრო ძვირდება. „ქართულ ოცნებას“ არათუ მორალური, არამედ პოლიტიკური უფლება აღარ აქვს, ვინმეზე ან რამეზე ისაუბროს. მათი ერთადერთი ინსტრუმენტია რეპრესია და ტერორი. მათი სურვილია, ამ ფორმით შეინარჩუნონ ძალაუფლება. არანაირი ლეგიტიმაცია არ აქვთ. ვინმეს თუ აქვს ლეგიტიმაცია, ეს არის საქართველოს პატრიარქი შიო მესამე, რომელსაც ჰქონდა სურვილი, პოლიტიკურ პატიმრებს დაეტოვებინათ საპატიმროები, თუმცა „ქართული ოცნება“, ქურდული ოცნება უშლის ხელს ამ პროცესს. სწორედ ამიტომაა, რომ რამდენიმე ადამიანმა დატოვა მხოლოდ საპყრობილე და არა ყველა პოლიტიკურმა პატიმარმა. შიო მესამის აღსაყდრებისას იყო პოლიტიკური განცხადებები, მათ შორის ჩვენი მხრიდან, რომ საჭირო იყო ამ პოლიტიკური კრიზისის დასრულება, პოლიტიკური პატიმრების გათავისუფლება, რასაც არა მხოლოდ დაეთანხმნენ საპატრიარქოს წარმომადგენლები და პატრიარქი შიო მესამე, არამედ მათ დაიწყეს მუშაობა. ამ პროცესს ვინმე თუ უშლის ხელს, არის მხოლოდ ქურდული ოცნება, კრიმინალური, კორუფციული რეჟიმი, რომელსაც სურს, რეპრესიით და ტერორით შეინარჩუნოს ძალაუფლება ამ ქვეყანაში“, – განაცხადა ლაშა ფარულავამ.ცნობისთვის, საქართველოს პარლამენტის თავმჯდომარე შალვა პაპუაშვილმა სოციალურ ქსელში დაწერა, რომ „პატიმრობაში მყოფი 72 პირი მხოლოდ საკუთარი დანაშაულის გამო კი არ იხდის სასჯელს, ისინი იმ ადამიანების უსინდისობის ტყვეებადაც რჩებიან, რომლებმაც ჯერ კანონდარღვევისკენ უბიძგეს, შემდეგ მიატოვეს და ახლა გათავისუფლებასაც მორალურ დანაშაულად უცხადებენ. ამიტომ მათ ყველაზე ზუსტად ერთი სახელი შეეფერებათ: „უსინდისობის პატიმრები“.

პოლიტიკა • 1788366420

ლევან მაჭავარიანი ისლანდიაში ჩატარებულ რეფერენდუმზე: დასტურდება ის, რაზედაც „ქართული ოცნება“ დიდი ხანია ვსაუბრობთ, რომ ბრიუსელში სერიოზული პრობლემებია

დასტურდება ის, რაზედაც „ქართული ოცნება“ დიდი ხანია ვსაუბრობთ, რომ ბრიუსელში სერიოზული პრობლემებია. პირველ რიგში კი მათ მმართველ კლასში და იმ პოლიტიკაში, რასაც ისინი აყალიბებენ არა ევროპელი ხალხის დაკვეთით, არამედ გარე ძალების დაკვეთით, - განაცხადა პარლამენტის პლენარულ სხდომაზე ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.დეპუტატმა კომენტარი გააკეთა ისლანდიაში ჩატარებულ რეფერენდუმთან დაკავშირებით, სადაც მოსახლეობამ ევროკავშირთან მოლაპარაკებების განახლებას მხარი არ დაუჭირა.„[ისლანდიის] გაწევრებაზეც არ ყოფილა საუბარი, თუმცა მოლაპარაკებების განახლებაშიც კი სერიოზულ საფრთხეს ხედავენ ამ უგუნური პოლიტიკიდან გამომდინარე რასაც დღევანდელი ევრობიუროკრატები ატარებენ. მათ უნდა გადახედონ იმას, რომ ეს ულტრამემარცხენე ფსევდოლიბერალიზმის გავრცელება, იაფ რესურსებზე უარის თქმა, უკონტროლო მიგრაცია ევროპელი ხალხის დაკვეთა არ არის“, - აღნიშნა მაჭავარიანმა.ისლანდიამ ევროკავშირში გაწევრებაზე უარი თქვა. ისლანდიაში ევროკავშირში გაწევრების შესახებ რეფერენდუმი 29 აგვისტოს ჩატარდა. მოსახლეობის 52,8%-მა ევროკავშირთან გაწევრების შესახებ მოლაპარაკებების განახლებას მხარი არ დაუჭირა.

პოლიტიკა • 1788353340

ვლადიმერ ბოჟაძე ირაკლი ღარიბაშვილს: იქნებ კიდევ ერთი წერილით მიმართოთ საზოგადოებას, სადაც ამომწურავად აგვიხსნით, საიდან მოიპოვეთ ამდენი ფული და ძვირფასეულობა, რომელსაც სახლში მალავდით

მთავარი კითხვა, რომელსაც ვერანაირი სკანდალური განცხადებებით ვერ გაექცევით, იმაში მდგომარეობს, თუ საიდან დააგროვეთ ის სიმდიდრე, რომელსაც დეკლარაციაში არ ასახავდით, - ასე ეხმაურება ირაკლი ღარიბაშვილის მორიგ წერილს „ევროპელი სოციალისტების“ დეპუტატი ვლადიმერ ბოჟაძე.„ბატონო ირაკლი, ისევე, როგორც არაერთი ადამიანისთვის, პირადად ჩემთვისაც ძალიან სამწუხაროა, რომ თავის დროზე ჩვენი გუნდის წევრი და ქვეყნის პრემიერ - მინისტრი იმ დონემდე დახვედით, რომ დაუჯერებელ კონსპირაციებს ქმნით და რადიკალი აგენტების თუ მათი პარტიული ტელევიზიების იმედად ცდილობთ საზოგადოებას თავს ტყუილები მოახვიოთ. თუმცა, თქვენი მცდელობების, ციხიდან ბრტყელ-ბრტყელი წინადადებებით გაჯერებული წერილების გამოქვეყნების, გვერდით ინაშვილის და მისი მსგავსი ყველაფერზე წამსვლელი აგენტების დაყენების თუ აბსურდული შეთქმულების თეორიების განვითარების მიუხედავად, საკუთარ მიზნებს ვერ მიაღწევთ.გასაგებია, რომ თქვენი პოლიტიკური პარტიის ნდობა პირადი კეთილდღეობისთვის ბოროტად გამოიყენეთ და გუნდი მნიშვნელოვნად დააზიანეთ. ისიც გასაგებია, რომ გონიერება არ გყოფნით და იმ ხარისხის დეგრადაცია განიცადეთ, რასაც ახლა საზოგადოება ადევნებს თვალს, თავი კი ამ ქვეყნის მტრების საქილიკოდ გაიხადეთ, თუმცა, მთავარი საკითხიდან ყურადღების გადატანა არ გამოგივათ. კარგად უნდა გესმოდეთ, რომ რამდენსაც უნდა ეცადოთ, აგენტებთან და ყველაფრის მკადრებელ დაქირავებულ პროპაგანდისტებთან ერთად როგორი დაუჯერებელი ისტორიებიც არ უნდა შეთხზათ, მთავარ შეკითხვას მაინც ვერსად გაექცევით.გამოქვეყნებულ წერილებში თქვენ ამტკიცებთ, თითქოს, ვინმემ ბინძური პროვოკაცია მოგიწყოთ და თქვენგან იმ კორუფციული ბრალის აღიარება მოითხოვა, რომელიც არ ჩაგიდენიათ. ამ ფონზე, მთელმა საქართველომ გაიგო, რომ თქვენ 12 მილიონი დოლარის ღირებულების ისეთ ქონებას ფლობთ, რომლის წარმომავლობის შესახებაც არავინ არაფერი იცოდა. იმას ხომ მაინც ვერ უარყოფთ, რომ თქვენვე აღიარეთ უკანონო შემოსავლის ლეგალიზების შესახებ და ამისთვის ციხეშიც წახვედით. ისიც ადვილი მისახვედრია, რომ “ქართული ოცნების” გუნდმა შეღავათი გაგიწიათ, ბოლომდე არ გაგწირათ და საზოგადოებას თვალებში ნაცარი შეაყარა, თუმცა, ამ ქვეყანაში ყველამ კარგად იცის, საიდან და როგორი ნაძარცვი შემოსავლით შეძელით სიმდიდრის მოხვეჭა. ამ ფონზე, თქვენი მორალური დეგრადაცია კიდევ უფრო სამწუხაროა, თუმცა, მთავარ საკითხს მაინც ვერ გაექცევით.თქვენი პოზიციით, დანაშაული მხოლოდ იმაში მიგიძღვით, რომ შემოსავლები დეკლარაციაში არ ასახეთ და ამის გამო კანონის წინაშე პასუხისმგებლობაც აიღეთ, თუმცა, ეს საკითხის მხოლოდ ერთი ნაწილია. თქვენივე აღიარებული ბრალის მიხედვით, აუცილებელია განმარტოთ, საიდან მიიღეთ მილიონობით დოლარის უკანონო შემოსავალი, რომლის ლეგალიზაციასაც მალულად ცდილობდით?!ლოგიკურია, რომ ნებისმიერი ადამიანი, რომელიც ბინძურ პროვოკაციებზე, ქრთამის აღების დაბრალებასა და არარსებული კორუფციული შემთხვევის აღიარების იძულებაზე საუბრობს, საკუთარი სიმართლის დასამტკიცებლად, დეტალურად განმარტავდა, საიდან დააგროვა 12 მილიონი დოლარის ქონება, რატომ ინახავდა სახლში და როგორ მოიხვეჭა ოქროს ზოდები, სამკაულები და მილიონების ღირებულების ძვირფასი საათები?! ამიტომ, მთავარი კითხვა, რომელსაც ვერანაირი სკანდალური განცხადებებით ვერ გაექცევით, იმაში მდგომარეობს, თუ საიდან დააგროვეთ ის სიმდიდრე, რომელსაც დეკლარაციაში არ ასახავდით?! ბატონო ირაკლი, უკვე გამოქვეყნებული უშინაარსო, აბსურდული და სკანდალური ბრალდებებით გაჯერებული არაერთი წერილის შემდეგ, რომლებშიც ერთი კონკრეტული ფაქტიც კი არ წარგიდგენიათ, იქნებ კიდევ ერთი წერილით მიმართოთ საზოგადოებას, სადაც ამომწურავად აგვიხსნით, საიდან მოიპოვეთ ამდენი ფული და ძვირფასეულობა, რომელსაც - კიდევ ერთხელ აღვნიშნავ - სახლში მალავდით? გაეცით პასუხი თქვენს ყოფილ მომხრეებს, იმ ადამიანებს, ვინც წლების განმავლობაში ხმას გაძლევდათ და გენდობოდათ. გაეცით პასუხი ქართველ ხალხს“, - აღნიშნავს ბოჟაძე.პატიმრობაში მყოფმა, ყოფილმა პრემიერ-მინისტრმა, ირაკლი ღარიბაშვილმა მორიგი წერილი გამოაქვეყნა. იგი აცხადებს, რომ პასუხი უნდა გაეცეს შემდეგ კითხვას - რა გახდა უფლებადამცველი ლაზარე ჯორბენაძის გარდაცვალების რეალური მიზეზი.

პოლიტიკა • 1788345480

ლევან მაჭავარიანი: რომ არ გვცოდნოდა, რომ ღარიბაშვილის წერილი იყო, ვიფიქრებდით, რომ ან სააკაშვილმა, ან ელისო კილაძემ დაწერა, ისეთი დაბალი დონის საქციელია

რომ არ გვცოდნოდა, რომ ღარიბაშვილის წერილი იყო, ვიფიქრებდით, რომ ან სააკაშვილმა, ან ელისო კილაძემ დაწერა, ისეთი დაბალი დონის საქციელია, - ასე გამოეხმაურა ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი ირაკლი ღარიბაშვილის მორიგ წერილს.მისი თქმით, მილიონი ამოიღეს ღარიბაშვილის სახლიდან, ოქროს ზოდები და აღიარებული აქვს ყველაფერი. შემდეგ გაუგებარ წერილებში ამბობს, რომ თურმე არაფერში ყოფილა დამნაშავე.„ძალიან სამწუხაროა ყოფილი პრემიერისგან სამართლებრივი საკითხის პოლიტიზება. პირდაპირ ეთერში ხედავდით კადრებს, მილიონი ამოიღეს მისი სახლიდან, ოქროს ზოდები და აღიარებული აქვს ყველაფერი. შემდეგ გაუგებარ წერილებში ამბობს, რომ თურმე არაფერში ყოფილა დამნაშავე, გუშინაც სამწუხაროდ მორიგი ბოდვა ვიხილეთ. ამ ზღაპრების არავის სჯერა. რომ არ გვცოდნოდა, რომ ღარიბაშვილის წერილი იყო, ვიფიქრებდით, რომ ან სააკაშვილმა, ან ელისო კილაძემ დაწერა, ისეთი დაბალი დონის საქციელია“, - აღნიშნა მაჭავარიანმა.

პოლიტიკა • 1788345378

ვოლსკი: შეიძლება, ღარიბაშვილს ვიღაც ჰპირდება, თავის ბრძოლას ამ მიმართულებით თუ გააგრძელებს, ქვეყანაში რევოლუციური პროცესის განვითარებას დაეხმარება და აქედან რაღაც დივიდენდს მიიღებს

პარლამენტის ვიცე-სპიკერის გია ვოლსკის შეფასებით, ირაკლი ღარიბაშვილის განცხადებების მიზანია თავის დაცვა და „ქართული ოცნების“ ხელისუფლების დაზიანება.„ალბათ, ამას ორი მიზეზი აქვს – ერთი, რომ თავი დაიცვას და პოლიტიკური ქოლგის ქვეშ აღმოჩნდეს. მეორე – რაც შეიძლება მეტი ზარალი მიაყენო იმ ხელისუფლებას, რომლის ლიდერი ერთი პერიოდი თავად იყავი, მაგრამ დღეს, სააშკარაოზე გამოგიყვანა, როგორც დამნაშავე. ადამიანმა თავი მოიკლა, დადასტურებულია, სამწუხაროა, მაგრამ არ შეიძლება, ამ ვითარებასთან კავშირი ჰქონდეს. აქედან გამომდინარე, ამ თემების გამოყენება, წამოწევა დიდ სინანულს უკავშირდება, მაგრამ ამავე დროს, არ აქვს არანაირი ფასი, არც პროპაგანდისტული თვალსაზრისით და არც სამართლებრივად არანაირ კონტექსტში არ ჯდება“, – აღნიშნა ვოლსკიმ.ვოლსკის თქმით, არ არის გამორიცხული, ირაკლი ღარიბაშვილი შეცდომაში იყოს შეყვანილი.„შეიძლება, ვიღაც ჰპირდება, რომ თავის ბრძოლას ამ მიმართულებით თუ გააგრძელებს, ეს ქვეყანაში რევოლუციური პროცესის განვითარებას დაეხმარება და აქედან რაღაც დივიდენდს მიიღებს – თავისუფლებას ჰპოვებს და იმ დანაშაულს დაივიწყებენ, რომელიც რეალურად, ჩადენილი აქვს. ვუშვებ, რომ ვიღაცამ დაარწმუნა, ეს გზა შეიძლება, მისთვის სტრატეგიულად იყოს გამართლებული. შეიძლება, „ჭკვიანმა ადამიანმა“, თუნდაც თავისმა ადვოკატმა, მრჩეველმა მისცა ასეთი მოსაზრება, რომ „დაუპირისპირდი, ჩაერთე რევოლუციურ პროცესში ამ განცხადებებით, შექმენი კონსპირაციის შავი სურათი, რომ ვიღაცამ თავი ჩამოიხრჩო, დანაშაულები ხდება“, თითქოს, თვითონ არაფერი ჩაუდენია. ალბათ, ვიღაცამ უთხრა, ნაცვლად იმისა, რომ ახსნა, სიმდიდრე საიდან, რატომ, რა გზით მოიპოვე, შეტევაზე გადადიო. შეიძლება, ეს სტრატეგია მის თავში ჩამოყალიბდა. ნათელია, რომ ადამიანი იმ მეთოდით იბრძვის, რომელიც კოლექტიურ „ნაცმოძრაობას“ აქვს. ბიძინა ივანიშვილისთვის ღარიბაშვილი უცხო არ იყო, მეც მისგან გავიცანი, 2011 წელს. ვფიქრობ, ეს ყველაფერი ემოციურად ყველაზე რთულად გადასატანი მაინც ბიძინა ივანიშვილისთვისაა, ვიდრე ნებისმიერი ჩვენგანისთვის. ვფიქრობ, გარკვეულ ტრენდში უნდა ჩაჯდეს, რომელიც ოპოზიციას რევოლუციისკენ მიაქანებს და უნდა, ამაში თავისი წვლილი შეიტანოს, რათა რევოლუციის შემდეგ, იქნებ, რაღაც დივიდენდი მიიღოს“, – განაცხადა გია ვოლსკიმ.გია ვოლსკის განმარტებით, ირაკლი ღარიბაშვილს საკმაოდ სერიოზული ფინანსური რესურსი ჰქონდა დაგროვილი უკანონო გზით.„გადაღებულია ქონება, რომელიც შენახული იყო – ოქროს ზოდებიდან დაწყებული, საათებით დასრულებული, საკმაოდ სერიოზული ფინანსური რესურსი ჰქონდა დაგროვილი უკანონო გზით. ეს თავად აღიარა, სამწუხაროა, ემპათია არსებობს. მისმა გუნდმა ამით რეპუტაციული ზიანი განიცადა, მაგრამ ყველანი მორალურად მართლები უნდა ვიყოთ. სამწუხაროა, მაგრამ ფაქტია, რაც აღიარა, დიდი დანაშაულია. აბსურდი და პროპაგანდისტული ხაზის უნიათო მცდელობაა, თითქოს ეს ყველაფერი გამოწვეულია იმით, რომ ინაშვილს და ჩუბინიძეს ისეთი პოლიტიკა მიჰყავთ. რასაკვირველია, ფაქტი მძიმეა, განვიცდი მეც და მთელი გუნდიც, მაგრამ ის, რომ ეს ყველაფერი ხდება იმის გამო, როგორმე ირაკლი ღარიბაშვილი პოლიტიკაში არ დაბრუნდეს, აბსურდია“, – განაცხადა გია ვოლსკიმ ირაკლი ღარიბაშვილის მორიგ წერილთან დაკავშირებით.

პოლიტიკა • 1788343166

ზვიად შალამბერიძე: ჩვენი გუნდის ყოფილი ლიდერი როცა აკეთებს განცხადებას, რომელიც ფაქტებით არ არის გამყარებული, ორმაგი პასუხისმგებლობა ეკისრება, რომ ოპოზიციის წისქვილზე წყლის დასხმის საბაბი არ გახდეს

განცხადება არ იყო ფაქტებით და არგუმენტებით გამყარებული, ოპოზიციის სხვადასხვა ლიდერმა აიტაცა და ჩვენი გუნდის საწინააღმდეგოდ გამოიყენა. ასეთ განცხადებას როცა აკეთებს ადამიანი, რომელიც ჩვენი გუნდის ლიდერი იყო, რა თქმა უნდა, ორმაგი პასუხისმგებლობა ეკისრება, რომ მსგავსი განცხადებები ოპოზიციის წისქვილზე წყლის დასხმის საბაბი არ გახდეს, – ამის შესახებ „ქართული ოცნების“ წევრმა, ზვიად შალამბერიძემ ირაკლი ღარიბაშვილის მორიგ წერილთან დაკავშირებით განაცხადა.ზვიად შალამბერიძის თქმით, იმედი აქვს, მომავალში ადგილი აღარ ექნება მსგავს ინფორმაციას, რომელსაც ოპოზიცია აიტაცებს და „ქართული ოცნების“ წინააღმდეგ ყოველგვარი ფაქტისა და არგუმენტის გარეშე გამოიყენებს.„ის ფაქტი, რომ გაზეთში რაღაც სტატია იყო მოყვანილი, ნამდვილად არ არის სერიოზული. ჩვენთვის მყარი არგუმენტი ვერ იქნება, რომ ამაზე რეალურად, საქმე აღიძრას ან რაღაც მსგავსი ნაბიჯი გადაიდგას. ნებისმიერი ასეთი წერილი, რომელიც ჩვენი გუნდის ყოფილი ლიდერის მხრიდან გამოქვეყნდება, აუცილებლად უნდა იყოს გამყარებული ფაქტებით და არგუმენტებით. სხვა შემთხვევაში იქნება არასერიოზული. ამას საზოგადოება, ჩვენი გუნდი სერიოზულად ვერ აღიქვამს. როგორც „ქართული ოცნების“ წევრი, ვიმედოვნებ, მომავალში აღარ იქნება მსგავსი განცხადებები, რომელიც ჩვენს გუნდს დააზიანებს“, – განაცხადა ზვიად შალამბერიძემ.

პოლიტიკა • 1788338919

თენგიზ შარმანაშვილი: ყველაფერი ორკესტრირებულია, ნახეთ, ირაკლი ღარიბაშვილის წერილს ვინ და რასთან მიმართებით დაუჭირა მხარი, ადვილად აღმოაჩენთ, ყველაფერი ერთი დიდი სცენარის ნაწილებია

ეს ყველაფერი ორკესტრირებულია. ნახეთ, ირაკლი ღარიბაშვილის წერილს ვინ და რასთან მიმართებაში დაუჭირა მხარი. ადვილად აღმოაჩენთ, რომ ეს ყველაფერი ერთი დიდი სცენარის ნაწილებია, – ამის შესახებ „ქართული ოცნების“ წევრმა, თენგიზ შარმანაშვილმა საქართველოს პირველ არხს განუცხადა.მისი თქმით, ე.წ. ბრალდებაში სიტყვებიც კი არ შეუცვლიათ.„სამწუხარო და გულდასაწყვეტია, რომ ჩვენი პარტიის თავმჯდომარე ლომჯარია-გვარამიასთან ერთად ერთ გუნდში აღმოჩნდა, რომელიც წარმოუდგენელ სისულელეს ამტკიცებს. ირაკლი ღარიბაშვილის ერთ-ერთი მოტივაციაა, საკუთარი კორუფციული საკითხები გადაფაროს. ვინ დაიჯერებს, რომ ის ნათელი წერტილი იყო და ვიღაცა მის გაშავებას ცდილობს? ჩხრეკა ხომ ნამდვილად ჩატარდა მის სახლში? მილიონები ხომ ნამდვილად იპოვეს? ის დრო აღარ არის, ვიღაცამ ამტკიცოს, იარაღი ან ნარკოტიკი „ჩაუდეს“. ამდენი მილიონის „ჩადება“ არ ხდება და ამას არავინ დაიჯერებს. ძვირფასი ნივთები რაც იპოვეს? ეს იმაზე მეტყველებს, რომ ეს ყველაფერი რაღაცით იყო გადასაფარი. როგორც ჩანს, ე.წ. ოპოზიციისა და მისი რაღაც ინტერესები ერთმანეთს დაემთხვა. უკვე შემიძლია, ეჭვი აღარ შემეპაროს, რომ ამ წრეებთან დაკავშირებული ირაკლი ღარიბაშვილიც იქნებოდა, წინააღმდეგ შემთხვევაში, ასე ორკესტრირებულად და ორგანიზებულსდ მხარს არავინ დაუჭერდა“, – განაცხადა თენგიზ შარმანაშვილმა.კითხვაზე, ეჭვი გაქვთ, რომ ირაკლი ღარიბაშვილი გარე ინტერესებს ატარებს, თენგიზ შარმაანშვილი პასუხობს, რომ წინააღმდეგ შემთხვევაში, საეჭვოა, ერთი და იმავე ფრაზეოლოგიით საუბრობდე დროის ერთსა და იმავე მონაკვეთში ლომჯარია-გვარამიასთან ერთად.„ეს შემთხვევით რომ არ მოხდებოდა, ფაქტია. ამას ვუყურებთ. თან, ამ ადამიანების კონსოლიდაცია განსხვავებულ საკითხებზე კი არ ხდება, ერთსა და იმავე საკითხებზე ერთი და იმავე ფრაზეოლოგიით საუბრობენ. გასაგებია, რომ „ჩაშლა“ ერთი ცენტრიდან მოუვიდათ და ახლა ხმაურობენ. ამას ისიც ემატება, რომ ღარიბაშვილს ამ საკითხების გადაფარვის პირადი ინტერესებიც აქვს. ეს ყველაფერი თავმოყრილი „გამოაგდეს“, ვითომ, ჩვენს სამსჯელოდ, მაგრამ ამომრჩეველი კარგად მიხვდება, რასთან გვაქვს საქმე“, – აღნიშნა თენგიზ შარამანაშვილმა.რაც შეეხება კითხვას, შეიძლება, ირაკლი ღარიბაშვილი გარე ძალების მიერ იყოს მართული, „ქართული ოცნების“ წევრი პასუხობს: „შეიძლება. თავისი ქმედებით ამის ფიქრის საშუალებას გვაძლევს, აბა, რანაირად შეიძლება, აღმოჩნდე ლომჯარიასთან და გვარამიასთან ერთად ერთ ნავში, ერთი და იმავე ფრაზეოლოგიით?“.