ქართული ოცნების

„ქართული ოცნების“ ახალგაზრდული ორგანიზაციის ბორდის წევრი ანრი მეტრეველი: გვინდა, ნებისმიერი ქართველი ახალგაზრდის ხმა ისმოდეს მკაფიოდ. ამიტომ, გადავწყვიტეთ, ათივე რეგიონი შემოვიაროთ, შევაჯამოთ და აღმოვფხვრათ პრობლემები და დავეხმაროთ მათ

„ჩვენ გვინდა, ნებისმიერი ქართველი ახალგაზრდის ხმა ისმოდეს მკაფიოდ“ - ამის შესახებ „ქართული ოცნების“ ახალგაზრდული ორგანიზაციის ბორდის წევრმა, ანრი მეტრეველმა სასტუმრო „პარაგრაფში“, სამეგრელო-ზემო სვანეთის რეგიონის ახალგაზრდებთან შეხვედრის დასრულების შემდეგ განაცხადა.მისივე თქმით, ორგანიზაციის მიზანია ახალგაზრდების მოსმენა, მათი პრობლემების აღმოფხვრა და დახმარება. „ჩვენ გვინდა, ნებისმიერი ქართველი ახალგაზრდის ხმა ისმოდეს მკაფიოდ. რა საჭიროებები აქვთ მათ და რა სჭირდებათ დღევანდელ ცხოვრებაში, რომ მათთვის ცხოვრება უფრო ლაღი და ლამაზი იყოს. ამიტომ, ჩვენ გადავწყვიტეთ, რომ ათივე რეგიონი შემოვიაროთ, შევაჯამოთ პრობლემები. ამ პრობლემების შეჯამების პერიოდში, აღმოვფხვრათ ეს პრობლემები და დავეხმაროთ მათ“- განაცხადა ანრი მეტრეველმა. ცნობისთვის, შეკვეთილში „ქართული ოცნების“ ახალგაზრდული ორგანიზაციის რიგით მეორე კონფერენცია გაიმართა.

პოლიტიკა • 1775295293

თეკლა თიკანაშვილი: „ქართული ოცნების“ ახალგაზრდული ორგანიზაციის კონფერენციების მთავარი ღირებულება სწორედ ის არის, რომ ჩვენ არა მხოლოდ მოვუსმინოთ ახალგაზრდებს, არამედ მათი საჭიროებები გავითვალისწინოთ

„ქართული ოცნების“ ახალგაზრდული ორგანიზაციის შეხვედრები გრძელდება. მორიგი შეხვედრა ახალგაზრდებთან შეკვეთილში გაიმართა, რომელსაც ესწრებოდნენ სტუდენტები სამეგრელოდან და ზემო სვანეთიდან. ახალგაზრდული ორგანიზაციის ხელმძღვანელთან, ვარლამ ლიპარტელიანთან ერთად, შეხვედრას ასევე ესწრებოდნენ ბორდის წევრები, რომელთა შორის ერთ-ერთი თეკლა თიკანაშვილია.თეკლა თიკანაშვილის განცხადებით, ორგანიზაციის კონფერენციის მთავარი მიზანი და ღირებულება არის არა მხოლოდ ახალგაზრდების მოსმენა, არამედ, მათი საჭიროებების გათვალისწინებაა. „როგორც გამოიკვეთა, ახალგაზრდებს განსაკუთრებულად აინტერესებთ სხვადასხვა პროექტის დაგეგმვა, თუ როგორ შეუწყონ საკუთარ რეგიონში, ქალაქში, გასართობი სივრცეების გამრავალფეროვნებას ხელი. მინდა აღვნიშნო, რომ ჩვენი კონფერენციების მთავარი ღირებულება სწორედ ეს არის, რომ ჩვენ არა მხოლოდ მოვუსმინოთ ახალგაზრდებს, არამედ მათი საჭიროებები გავითვალისწინოთ,“-განაცხადა თეკლა თიკანაშვილმა.

პოლიტიკა • 1775294746

"ჩვენ გვჯერა, რომ ქვეყნის განვითარება იწყება იქ, სადაც ახალგაზრდები უფრო მეტად არიან ჩართულები სახელმწიფო მართვის პროცესში" - მარიამ გრიგოლიშვილი

"ქართული ოცნება-დემოკრატიული საქართველოს" ახალგაზრდული ორგანიზაციის გამგეობის წევრის, მარიამ გრიგოლიშვილის განცხადებით, "ქართული ოცნების" ახალგაზრდული ორგანიზაციის რეგიონული ტურნეების მიზანი ახალგაზრდებთან მეტი ღია კომუნიკაციაა."შეხვედრების მიზანი გახლავთ უფრო მეტი ღია კომუნიკაცია ახალგაზრდებთან. მათ შორის, მათი საჭიროებებისა და გამოწვევების გათვალისწინება, რადგანაც ჩვენ გვჯერა, რომ ქვეყნის განვითარება იწყება იქ, სადაც ახალგაზრდები უფრო მეტად არიან ჩართულები სახელმწიფო მართვის პროცესში, სადაც სახელმწიფო მეტად ითვალისწინებს მათ მოთხოვნებსა და საჭიროებებს და სადაც მათ აქვთ სწორი ინფორმაცია ქვეყანაში მიმდინარე მოვლენებთან დაკავშირებით," - აცხადებს მარიამ გრიგოლიშვილი.შეგახსენებთ, რომ "ქართული ოცნების" ახალგაზრდული ორგანიზაცია რეგიონულ ტურნეს განაგრძობს. ამ წუთებში, კონფერენცია შეკვეთილში მიმდინარეობს. განიხილება ქვეყანაში მიმდინარე პროცესები, დასაქმებისა და განათლების საკითხები, დაიგეგმება ახალგაზრდების საჭიროებებზე მორგებული პროექტები.შეხვედრები მომდევნო 2-3 თვის განმავლობაში ქვეყნის 10 რეგიონში გაიმართება, დასკვნით ღონისძიებას კი თბილისი უმასპინძლებს.

პოლიტიკა • 1775289826

შეკვეთილში „ქართული ოცნების“ ახალგაზრდული ორგანიზაციის რიგით მეორე კონფერენცია გაიმართა

შეკვეთილში „ქართული ოცნების“ ახალგაზრდული ორგანიზაციის ხელმძღვანელი ვარლამ ლიპარტელიანი და გამგეობის წევრები სამეგრელოსა და ზემო სვანეთის ახალგაზრდებს შეხვდნენ.შეხვედრა რეგიონული ტურნეს ფარგლებში გაიმართა, რომელიც „ქართული ოცნების“ ახალგაზრდულმა ორგანიზაციამ გასულ კვირას დაიწყო. შეხვედრაში მონაწილეობა ნებისმიერ მსურველს წინასწარი რეგისტრაციის გავლის შემდეგ შეუძლია. რეგიონული კონფერენცია კითხვა პასუხის რეჟიმში გაიმართა და მასში ახალგაზრდულ ორგანიზაციასთან ერთად სტუმრის სტატუსით საპარლამენტო უმრავლესობის წევრებიც დაესწრნენ.„შეხვედრების მიზანი გახლავთ უფრო მეტი ღია კომუნიკაცია ახალგაზრდებთან, მათ შორის მათი საჭიროებებისა და გამოწვევების გათვალისწინება, რადგანაც ჩვენ გვჯერა, რომ ქვეყნის განვითარება იწყება იქ, სადაც ახალგაზრდები უფრო მეტად არიან ჩართულების სახელმწიფოს მართვის პროცესში; სადაც სახელმწიფო მეტად ითვალისწინებს მათ მოთხოვნებსა და საჭიროებებს და სადაც მათ აქვთ სწორი ინფორმაცია ქვეყანაში მიმდინარე მოვლენებთან დაკავშირებით“, - განაცხადა ბორდის წევრმა, მარიამ გრიგოლიშვილმა.პირველი კონფერენცია ქალაქ ბათუმში 28 მარტს გაიმართა. „ქართული ოცნების“ ახალგაზრდული ორგანიზაციის კონფერენციები სამი თვის განმავლობაში გაგრძელდება და სულ 10 შეხვედრაა დაგეგმილი. შემაჯამებელი ღონისძიება კი თბილისში გაიმართება.

პოლიტიკა • 1775228474

ეკა სეფაშვილი: აშშ-ში გამართულ შეხვედრებზე დავინახეთ სრული მზაობა, რომ საქართველოსთან პარტნიორობა დაიწყოს ახალი ფურცლიდან და მიზნად ისახავდეს კონკრეტული შედეგების მიღწევას და არა მხოლოდ ფურცელზე დეკლარირებულ მიზნებს

აშშ-ში გამართულ შეხვედრებსა და საქართველო-ამერიკის ურთიერთობებზე ისაუბრა პარტია „ხალხის ძალის“ საერთაშორისო ურთიერთობათა მდივანმა ეკა სეფაშვილმა.მისი განცხადებით, ვიზიტის ფარგლებში გამოკვეთილი იყო დადებითი განწყობა და პარტნიორობის ახალი ეტაპის დაწყების მზადყოფნა.„მე, როგორც ვხედავ და როგორც ამერიკაში ვიზიტის დროს შეხვედრებიდან დავრწმუნდი, განწყობა არის აბსოლუტურად დადებითი. ყველა შეხვედრაზე დავინახეთ სრული მზაობა, რომ საქართველოსთან პარტნიორობა დაიწყოს ახალი ფურცლიდან და მიზნად ისახავდეს კონკრეტული შედეგების მიღწევას და არა მხოლოდ ფურცელზე დეკლარირებულ მიზნებს.ამის მზაობა ჩვენ ვნახეთ და, სხვათა შორის, მარკო რუბიოს ზარიც უკვე ნიშნავს იმ პოზიტიურ სიგნალს, რაც ჩვენს ორ ქვეყანას შორის არსებობს.შემიძლია, ჩვენი შეხვედრებიდან გამომდინარე, ვარაუდი გამოვთქვა, რას შეიძლება გულისხმობდეს ორ ქვეყანას შორის პარტნიორობა. ჩვენ შეხვედრებზე ვსაუბრობდით საქართველოს ირგვლივ გლობალურ ეკონომიკურ პროექტებზე, სადაც საქართველო ერთ-ერთი მნიშვნელოვანი დამაკავშირებელი ქვეყანაა, როგორც ინდუსტრიული, ასევე ციფრული და ენერგეტიკული უსაფრთხოების განვითარების თვალსაზრისით. ვფიქრობ, ამ მიმართულებით დიდი ინტერესია საქართველოს მიმართ.ასევე პოზიტიურად იყო შეფასებული, რომ საქართველო რეგიონში ძალიან მნიშვნელოვან როლს ასრულებს მშვიდობისა და სტაბილურობის განმტკიცების საკითხში და ხაზგასმული იყო მხარეებს შორის ღირებულებითი ერთობა. ეს ერთობა არის მნიშვნელოვანი ფუნდამენტი, რომელზეც შეიძლება წარმატებით აიგოს მომავალი ეკონომიკური თანამშრომლობა.როგორც პარლამენტის თავმჯდომარემ აღნიშნა, აპრილში უკვე იგეგმება კონკრეტული ნაბიჯები და ჩვენ, „ხალხის ძალა“, ამას მივესალმებით, რადგან ვართ მომხრე, რომ საქართველოს საგარეო პოლიტიკა იყოს ჩვენი ქვეყნის ეკონომიკური და პოლიტიკური კავშირების დივერსიფიკაციისკენ მიმართული. ამ მიმართულებით ვეთანხმებით „ქართული ოცნების“ პრაგმატულ პოლიტიკას, რომელიც გულისხმობს პარტნიორებთან კეთილმეზობლურ და თანაბარუფლებიან დამოკიდებულებას.მმართველი პარტიიდან ჩვენი გასვლის მიზეზიც სწორედ ეს იყო - ვითხოვდით, რომ პარტნიორებთან თანაბარუფლებიანი დამოკიდებულება გვქონოდა“, - განაცხადა ეკა სეფაშვილმა.

პოლიტიკა • 1775226490

ლევან მაჭავარიანი და თორნიკე ბერეკაშვილი მოლდოვას რესპუბლიკის პარლამენტის საქართველოს პარლამენტთან მეგობრობის ჯგუფის წევრებს შეხვდნენ

ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი და ფრაქციის თავმჯდომარის მოადგილე თორნიკე ბერეკაშვილი საქართველოში ვიზიტად მყოფ მოლდოვას რესპუბლიკის პარლამენტის საქართველოს პარლამენტთან მეგობრობის ჯგუფის წევრებს შეხვდნენ.მხარეებმა ისაუბრეს საქართველოსა და მოლდოვას შორის არსებულ ურთიერთობებსა და მათი გაღრმავების პერსპექტივებზე.შეხვედრაზე განიხილეს ორ ქვეყანაში არსებული პოლიტიკური პროცესები.ხაზი გაესვა საქართველოსა და მოლდოვას შორის ურთიერთმხარდაჭერის მნიშვნელობას.შეხვედრაზე ყურადღება გამახვილდა სხვადასხვა სფეროში თანამშრომლობის გაძლიერების შესაძლებლობებზე.ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს.

პოლიტიკა • 1775225876

სეფაშვილი აშშ-სთან ურთიერთობაზე: როგორც ვხედავ და როგორც ამერიკაში შეხვედრებისას დავრწმუნდი, განწყობა არის აბსოლუტურად დადებითი. ყველა შეხვედრაზე დავინახეთ სრული მზაობა, რომ საქართველოსთან პარტნიორობა დაიწყოს ახალი ფურცლიდან

როგორც ვხედავ და როგორც ამერიკაში ვიზიტის დროს შეხვედრებისას დავრწმუნდი, განწყობა არის აბსოლუტურად დადებითი. ჩვენ ყველა შეხვედრაზე დავინახეთ სრული მზაობა იმისათვის, რომ საქართველოსთან პარტნიორობა დაიწყოს ახალი ფურცლიდან, ეს პარტნიორობა მიზნად ისახავდეს კონკრეტული შედეგების მოტანას და არა მხოლოდ ცარიელ ფურცელზე გაცხადებულ დეკლარირებულ მიზნებს, - განაცხადა გადაცემაში „დღის ქრონიკა“ პოლიტიკური ჯგუფის „ხალხის ძალა“ თავმჯდომარის მოადგილემ ეკა სეფაშვილმა შეერთებულ შტატებთან ურთიერთობაზე საუბრისას.მან ასევე აღნიშნა, რომ საქართველოს პრემიერ-მინისტრთან აშშ-ის სახელმწიფო მდივნის სატელეფონო ზარი ასევე დადებითი სიგნალია.„ზარიც და სატელეფონო საუბარიც უკვე ნიშნავს პოზიტიურ ძვრას და პოზიტიურ სიგნალს, რაც ჩვენს ორ ქვეყანას შორის ურთიერთობებში არის.მე შემიძლია, ვარაუდი გამოვთქვა, ჩვენი შეხვედრებიდან გამომდინარე, რას შეიძლება გულისხმობდეს ორ ქვეყანას შორის დაახლოება და სტრატეგიული პარტნიორობა. ჩვენ შეხვედრებზე ვსაუბრობდით საქართველოს გეოპოლიტიკურ როლზე, გლობალურ ეკონომიკურ პროექტებზე, სადაც საქართველო არის აღმოსავლეთ და დასავლეთ ეკონომიკურ ზონებს შორის ერთ-ერთი დამაკავშირებელი მნიშვნელოვანი ქვეყანა, როგორც ინდუსტრიული, ასევე ციფრული და უსაფრთხოების განვითარების თვალსაზრისით. ამ საკითხებზე იყო საკმაოდ დიდი დაინტერესება.ასევე პოზიტიური იყო შეფასებული ის თემა, რომ საქართველო რეგიონში ძალიან მნიშვნელოვან როლს ასრულებს მშვიდობისა და სტაბილურობის განმტკიცების საქმეში. ხაზგასმული იყო ის ღირებულებითი ერთობა, რასაც ჩვენი მასპინძელი მხარისგანაც მოჰყვა ძალიან დადებითი შეფასება და მათი მხრიდანაც იყო ხაზგასმული, რომ ეს ღირებულებითი ერთობა არის ძალიან მნიშვნელოვანი ფუნდამენტი, რომელზეც შეიძლება ძალიან წარმატებით აიგოს მომავალი პოლიტიკური და ეკონომიკური თანამშრომლობა“, - განაცხადა ეკა სეფაშვილმა.მან ასევე აღნიშნა, რომ „ხალხი ძალა“ მიესალმება ორ ქვეყანას შორის ურთიერთობაში დაგეგმილ პოზიტიურ ნაბიჯებს.„როგორც პარლამენტის თავმჯდომარემ განაცხადა, აპრილში უკვე იგეგმება კონკრეტული ნაბიჯები და ჩვენ - „ხალხის ძალა“ მხოლოდ და მხოლოდ მივესალმებით ამ ნაბიჯებს იმიტომ, რომ ჩვენც, რა თქმა უნდა, ვართ იმის მომხრე, რომ საქართველოს საგარეო პოლიტიკა იყოს ჩვენი ქვეყნის ეკონომიკური და პოლიტიკური კავშირების დივერსიფიკაციისკენ მიმართული.ამ მიმართულებით ჩვენ ვეთანხმებით „ქართული ოცნების“ პრაგმატულ პოლიტიკას, რომელიც გულისხმობს სწორედ პარტნიორებთან კეთილმეზობლურ და თანაბარუფლებიან დამოკიდებულებას. მმართველი პარტიიდან ჩვენი გასვლის ძირითადი მიზეზი იყო სწორედ ის, რომ სწორედ ამას ვითხოვდით - თანაბარუფლებიანი დამოკიდებულება გვქონოდა პარტნიორებთან“, - აღნიშნა ეკა სეფაშვილმა.

პოლიტიკა • 1775199283

ირაკლი კირცხალია: როდესაც უძლიერესი გაერთიანებები, სამხედრო თუ ეკონომიკური, დგანან უდიდესი კითხვის ნიშნის ქვეშ, ერთი არასწორი ნაბიჯი უდრის ჩვენი ქვეყნის განადგურებას. დღესაც ვდგავართ ეგზისტენციალური საფრთხის წინაშე

„გამოწვევა ჩვენ ქვეყანას აქვს იგივე, რაც მთელს მსოფლიოს დღეს, რომ როგორმე შეინარჩუნოს მშვიდობა, როგორმე შეინარჩუნოს ეკონომიკური სტაბილურობა და როგორმე განვითარდეს ამ ურთულეს გეოპოლიტიკურ სიტუაციაში და ვითარებაში", - განაცხადა გადაცემაში "იმედი LIVE" საპარლამენტო უმრავლესობის ლიდერმა, ფრაქცია "ქართული ოცნების" თავმჯდომარემ ირაკლი კირცხალიამ.მისი თქმით, საქართველოს ხელისუფლება იმოქმედებს ქვეყნის საუკეთესო ინტერესებიდან გამომდინარე."მსოფლიო პოლიტიკური არქიტექტურა იცვლება, ყველანაირი ალიანსი და გაერთიანება დადგა ძალიან დიდი გამოწვევების წინაშე, ყოფნა-არ ყოფნის წინაშე. როდესაც ვსაუბრობთ, რა არის ჩვენი ქვეყნის გამოწვევა, რა თქმა უნდა, ჩვენ დღესაც ვდგავართ ეგზისტენციალური საფრთხის წინაშე. ერთი არასწორი ნაბიჯი ჩვენი მხრიდან ასეთ დროს, როდესაც უძლიერესი გაერთიანებები - სამხედრო თუ ეკონომიკური - დგანან უდიდესი კითხვის ნიშნის ქვეშ, როდესაც ცეცხლია მთელ აქეთ ნახევარსფეროზე მსოფლიოში, რა თქმა უნდა, ერთი არასწორი ნაბიჯი უდრის ჩვენი ქვეყნის განადგურებას“, - განაცხადა ირაკლი კირცხალიამ.

პოლიტიკა • 1775191137

ვხედავთ მცდელობას ჩაერიონ ქართული ეკლესიის შიდა საქმეებში და გავლენა მოახდინონ გადაწყვეტილებებზე. დარწმუნებულები ვართ, ამას ვერ მოახერხებენ - თორნიკე ფაღავა

ეკლესიის დისკრედიტაციის მცდელობა არ არის ახალი - ასე აფასებენ მმართველ გუნდში ქართული ეკლესიისა და წმინდა სინოდის მისამართით გავრცელებულ დეზინფორმაციას.მათი განმარტებით, ოპოზიციური ფლანგი წინა წლებშიც აქტიურად ცდილობდა ზიანი მიეყენებინა კათოლიკოს-პატრიარქისთვის, ახლა კი იმავეს საპატრიარქო ტახტის მოსაყდრის, სენაკისა და ჩხოროწყუს მიტროპოლიტის შიოს (მუჯირი) წინააღმდეგ განაგრძობს."საზოგადოებას ძალიან კარგად ახსოვს როგორ ცდილობდნენ ისინი ილია მეორის დისკრედიტაციას, საქართველოს ეკლესიის მაღალი იერარქების დისკრედიტაციას. ვხედავთ საქართველოს საპატრიარქოს მორიგ დისკრედიტაციას და მცდელობას, რომ ჩაერიონ ქართული ეკლესიის შიდა საქმეებში და გავლენა მოახდინონ მათ გადაწყვეტილებებზე, თუმცა დარწმუნებულები ვართ, რომ ისინი ამას ვერ მოახერხებენ," - განაცხადა პარლამენტის ფრაქცია "ქართული ოცნების" წევრმა თორნიკე ფაღავამ.სინოდის სხდომა დღეს, 12 საათზე დახურულ ფორმატში გაიმართება, სადაც ეკლესიის მართვა-გამგეობის დებულებით გათვალისწინებული მოსამზადებელი სამუშაოები და საორგანიზაციო საკითხები განიხილება.

პოლიტიკა • 1775160420

ირაკლი კირცხალია: როდესაც უძლიერესი გაერთიანებები - სამხედრო თუ ეკონომიკური - დგანან უდიდესი კითხვის ნიშნის ქვეშ, ერთი არასწორი ნაბიჯი უდრის ჩვენი ქვეყნის განადგურებას. ჩვენ დღესაც ვდგავართ ეგზისტენციალური საფრთხის წინაშე

გამოწვევა ჩვენ ქვეყანას აქვს იგივე, რაც მთელს მსოფლიოს დღეს, რომ როგორმე შეინარჩუნოს მშვიდობა, როგორმე შეინარჩუნოს ეკონომიკური სტაბილურობა და როგორმე განვითარდეს ამ ურთულეს გეოპოლიტიკურ სიტუაციაში და ვითარებაში, - განაცხადა გადაცემაში „იმედი LIVE“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ ირაკლი კირცხალიამ.მისი თქმით, საქართველოს ხელისუფლება იმოქმედებს ქვეყნის საუკეთესო ინტერესებიდან გამომდინარე.„მსოფლიო პოლიტიკური არქიტექტურა იცვლება, ყველანაირი ალიანსი და გაერთიანება დადგა ძალიან დიდი გამოწვევების წინაშე, ყოფნა - არ ყოფნის წინაშე. როდესაც ვსაუბრობთ, რა არის ჩვენი ქვეყნის გამოწვევა, რა თქმა უნდა ჩვენ დღესაც ვდგავართ ეგზისტენციალური საფრთხის წინაშე. ერთი არასწორი ნაბიჯი ჩვენი მხრიდან ასეთ დროს, როდესაც უძლიერესი გაერთიანებები - სამხედრო თუ ეკონომიკური - დგანან უდიდესი კითხვის ნიშნის ქვეშ, როდესაც ცეცხლია მთელ აქეთ ნახევარსფეროზე მსოფლიოში, რა თქმა უნდა ერთი არასწორი ნაბიჯი უდრის ჩვენი ქვეყნის განადგურებას“, - განაცხადა ირაკლი კირცხალიამ.

პოლიტიკა • 1775159385

ირაკლი კირცხალია: ჩვენ არ დავუშვებთ ექსტრემიზმს. თუ დაავიწყდათ შეუძლიათ კადრები ნახონ თუ როგორ იქნა აღმოფხვრილი თითოეული რევოლუციური და გადატრიალების მცდელობა, რომელსაც ეს უსამშობლოთა გაერთიანება ცდილობდა

ჩვენ მუდმივ რეჟიმში ვიგერიებთ თავდასხმას. პირდაპირ თავს გესხმიან პოლიტიკური განცხადებებით, თავს გვესხმიან იმ შეურაცხმყოფელი ნაბიჯებით, რასაც დასანქცირება ჰქვია, - განაცხადა გადაცემაში „იმედი LIVE“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ ირაკლი კირცხალიამმისი თქმით, რადიკალები და მათი გარე პატრონები მუდმივად ცდილობენ ქვეყანა დააზიანონ.„როდესაც ვამბობთ - რა მოლოდინები გვაქვს, მოლოდინები გვაქვს ერთის, ვიცით, რომ სანამ ეს მძლავრი მანქანა ე.წ. „დიფ სთეითი “ ასე მძვინვარებს ბრიუსელში, ჯერ კიდევ არ აღმოფხვრილა სამწუხაროდ აშშ-ში ბევრი ქმედითი ნაბიჯის მიუხედავად, რაც ტრამპის ადმინისტრაციამ აწარმოვა ამ წლების განმავლობაში, ისინი არ შეანელებენ ამ ყველაფერს.პრევენცია არის ერთი, რომ ჩვენ არ დავუშვებთ ექსტრემიზმს. თუ დაავიწყდათ შეუძლიათ კადრები ნახონ თუ როგორ იქნა აღმოფხვრილი თითოეული რევოლუციური და გადატრიალების მცდელობა, რომელსაც ეს უსამშობლოთა გაერთიანება ცდილობდა, რომ მოეხდინა ჩვენს ქვეყანაში“, - განაცხადა ირაკლი კირცხალიამ.

პოლიტიკა • 1775158920

ირაკლი კირცხალია: შევარდნენ ერთ-ერთ თავშესაფარში, სადაც დაავადებული ძაღლები ჰყავდათ. მხოლოდ და მხოლოდ პროვოკაცია - ეს არის მათი სახე

შევარდნენ ერთ-ერთ თავშესაფარში, სადაც დაავადებული ძაღლები ჰყავდათ. მხოლოდ და მხოლოდ პროვოკაცია - ეს არის მათი სახე, - განაცხადა გადაცემაში „იმედი LIVE“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ ირაკლი კირცხალიამ ოპოზიციის მისამართით.კირცხალია გამოეხმაურა ბოლო დღეებში მიუსაფარ ძაღლებთან დაკავშირებულ მოვლენებს.„მივიდნენ კრემატორიუმთან, რომელიც წლებია მუშაობს. ძალიან მოკლე ფეხები აქვს ამ ყველაფერს, მაგრამ როგორი მომართულები არიან, მოტივირებულები. ერთი კადრი აიღეს და გადაუღეს კრემატორიუმს, შემდეგ მძინარე ძაღლს, შევარდნენ ერთ-ერთ თავშესაფარში, სადაც დაავადებული ძაღლები ჰყავდათ. მხოლოდ და მხოლოდ პროვოკაცია - ეს არის მათი სახე“, - აღნიშნა კირცხალიამ.