მსოფლიო • 1775286357

Reuters: აშშ-მა რუსეთის ფინანსთა ყოფილ მინისტრს სანქციები მოუხსნა

აშშ-ის ხაზინის დეპარტამენტმა რუსეთის ფინანსთა ყოფილი მინისტრის, მიხეილ ზადორნოვის წინააღმდეგ შემოღებული სანქციები მოხსნა. ინფორმაციას Reuters-ი ავრცელებს.წყაროს ცნობით, ზადორნოვს, რომელიც 2022 წლიდან უკრაინაში რუსეთის სრულმასშტაბიანი შეჭრის შემდეგ იყო დასანქცირებული, ამერიკის ხელისუფლების გადაწყვეტილება გასაჩივრებული ჰქონდა.„როგორც გარკვეული პირების წინააღმდეგ სანქციების დაწესება, ისე მათი ამოღება სიიდან არის საჭირო ინსტრუმენტი აშშ-ის საგარეო პოლიტიკური მიზნების მისაღწევად“, - განუცხადა სააგენტოს აშშ-ის ხაზინის დეპარტამენტის ერთ-ერთმა მაღალჩინოსანმა.მისი თქმით, სანქციების დაწესების აზრი არა ადამიანის დასჯაში, არამედ აშშ-ის ეროვნულ ინტერესებზე პოზიტიურ გავლენაში მდგომარეობს.ზადორნოვს რუსეთის ფინანსთა მინისტრის თანამდებობა 1997-1999 წლებში ეკავა. საჯარო სამსახურიდან წამოსვლის შემდეგ ის კერძო სექტორში, VTB Bank-ში გადავიდა.

პოლიტიკა • 1775042533

საქართველოს პრემიერ-მინისტრი საერთაშორისო სავალუტო ფონდის მისიის ხელმძღვანელს შეხვდა

საქართველოს პრემიერ-მინისტრი ირაკლი კობახიძე საერთაშორისო სავალუტო ფონდის (IMF) მისიის ხელმძღვანელს ალეხანდრო ჰაიდენბერგს შეხვდა.შეხვედრაზე ყურადღება დაეთმო საქართველოს მთავრობასა და საერთაშორისო სავალუტო ფონდს შორის არსებულ მჭიდრო თანამშრომლობას და IMF-ის  მხარდაჭერას,  მათ შორის ფისკალური და სტრუქტურული რეფორმების მიმართულებით.საუბარი შეეხო საქართველოს ეკონომიკური ზრდის დინამიკას. აღინიშნა, რომ ბოლო 5 წლის განმავლობაში ქვეყნის საშუალო წლიური ეკონომიკური ზრდის მაჩვენებელი 9.3%-ია და ეს ტენდენცია მიმდინარე წელსაც გრძელდება.პრემიერ-მინისტრმა აღნიშნა, რომ მთავრობის ეკონომიკური პოლიტიკა ორიენტირებულია მაკროეკონომიკური სტაბილურობის შენარჩუნებაზე, სტრუქტურული რეფორმების გაგრძელებასა და სტრატეგიული ინფრასტრუქტურული პროექტების განხორციელებაზე, რომელთა შორისაა შავი ზღვის წყალქვეშა კაბელი და ანაკლიის ღრმაწყლოვანი პორტი.ყურადღება გამახვილდა სახელმწიფო საკუთრებაში არსებული საწარმოების კომპლექსურ რეფორმაზე, რომლის შედეგადაც დაზოგილი ათობით მილიონი ლარი სექტორის განვითარებაში იქნება ინვესტირებული.შეხვედრას  საერთაშორისო სავალუტო ფონდის მუდმივი წარმომადგენელი საქართველოში ენდრიუ ჯუელი, საქართველოს ფინანსთა მინისტრი ლაშა ხუციშვილი და მთავრობის ადმინისტრაციის უფროსი ლევან ჟორჟოლიანი დაესწრნენ.

მსოფლიო • 1774868024

„როიტერი“: მსოფლიოში ნავთობის ფასების ზრდის გამო სამხრეთ კორეა ქვეყნის მასშტაბით ავტომობილების მართვაზე შეზღუდვის დაწესებას განიხილავს

მსოფლიოში ნავთობის ფასების ზრდის გამო, სამხრეთ კორეა ქვეყნის მასშტაბით ავტომობილების მართვის შეზღუდვის დაწესებას განიხილავს.„როიტერის“ ინფორმაციით, აღნიშნულ შეზღუდვას ქვეყანაში იმ შემთხვევაში დააწესებენ, თუ ნავთობის გლობალური ფასები კიდევ უფრო გაიზრდება.ქვეყნის ფინანსთა მინისტრის, კუ იუნ-ჩეოლის განცხადებით, მთავრობას შეუძლია, გააფართოოს მსუბუქი ავტომობილების გამოყენების შეზღუდვები, თუ ნავთობის ფასი ბარელზე დაახლოებით 120-130 დოლარამდე გაიზრდება.როგორც გამოცემა წერს, აღნიშნული შეზღუდვა მთელ საზოგადოებაზე თუ გავრცელდება, ეს იქნება ქვეყნის მასშტაბით ავტომობილების მართვის შეზღუდვის პირველი შეზღუდვა 1991 წლის სპარსეთის ყურის ომის შემდეგ, როდესაც მთავრობამ ენერგიის დაზოგვის მიზნით ავტომობილების როტაციის ათდღიანი სისტემა დააწესა.ამასთან, გასულ კვირას მთავრობამ საჯარო სექტორისთვის დააწესა სატრანსპორტო საშუალებების სავალდებულო ხუთდღიანი როტაციის სისტემა, რაც სატრანსპორტო საშუალებების სანომრე ნიშნების მიხედვით გამოყენებას ზღუდავს.საბოლოო გადაწყვეტილების მიღებამდე სამხრეთ კორეის ხელისუფლება მოსახლეობას მოუწოდებს, საზოგადოებრივი ტრანსპორტი და ველოსიპედები გამოიყენონ, კერძო ავტომობილების მართვაზე კი უარი თქვან.ცნობისთვის, სამხრეთ კორეას ნედლი ნავთობის დაახლოებით 70% ახლო აღმოსავლეთიდან შეაქვს. ირანის წინააღმდეგ აშშ-ისა და ისრაელის იერიშების დაწყებიდან კი ქვეყანაში სპარსეთის ყურიდან ნავთობის შეტანა მნიშვნელოვნად შემცირდა.

პოლიტიკა • 1774593609

საქართველოს ეკონომიკური ზრდა განპირობებულია მკაცრი ფისკალური პოლიტიკითა და კონსოლიდაციით, ასევე ძლიერი სტრუქტურული რეფორმებით - ფინანსთა მინისტრი

„საქართველოს ეკონომიკური ზრდა განპირობებულია მკაცრი ფისკალური პოლიტიკითა და კონსოლიდაციით, ასევე ძლიერი სტრუქტურული რეფორმებით“, - განაცხადა ფინანსთა მინისტრმა, ლაშა ხუციშვილმა ბანკი „ქართუსა“ და ცენტრალური და აღმოსავლეთ ევროპის საბანკო ასოციაციის ორგანიზებით გამართულ 51-ე საერთაშორისო საბანკო კონფერენციაზე სიტყვით გამოსვლისას.ფინანსთა მინისტრმა თავის პრეზენტაციაში დეტალურად ისაუბრა ქვეყნის უახლესი მაკროეკონომიკური და ფისკალური პოლიტიკის შესახებ, სხვადასხვა საერთაშორისო რეიტინგში საქართველოს წამყვან პოზიციებზე, სარეიტინგო კომპანიების შეფასებებსა და ქვეყნის სუვერენული რეიტინგის გაუმჯობესების მიმართულებით მიღწეული პროგრესის თაობაზე.როგორც ლაშა ხუციშვილმა აღნიშნა, უკანასკნელ წლებში, საქართველომ შეძლო მდგრადობის შენარჩუნება სხვადასხვა შოკის მიმართ და გამოავლინა ფისკალური სტაბილურობა.„ბოლო ათწლეულის საშუალო ეკონომიკური ზრდა 5% იყო, ხოლო ბოლო 5 წლის განმავლობაში – 9.3%; საშუალოვადიანი პროგნოზი 5%-ის დონეზეა;* ერთ სულ მოსახლეზე მშპ მნიშვნელოვნად გაიზარდა და მსყიდველუნარიანობის პარიტეტით 31 000 დოლარს მიაღწია;* ეკონომიკის სტრუქტურა მეტად გახდა სერვისებზე ორიენტირებული  (საინფორმაციო და საკომუნიკაციო ტექნოლოგიები, ტურიზმი, განათლება), ტრადიციულ სექტორებთან ერთად”, - განაცხადა ფინანსთა მინისტრმა.მან ასევე, ყურადღება გაამახვილა მთავრობის რეფორმების დღის წესრიგზე, რომელთა შორისაა: კაპიტალის ბაზრის, სახელმწიფო საწარმოების რეფორმები, ეფექტიანი საგადასახადო ადმინისტრაცია, ენერგოუსაფრთხოება, დაკავშირებადობის გაძლიერება და ადამიანური კაპიტალის განვითარება.ფისკალურ სექტორში არსებულ ვითარებასა და ვალის მართვის მიმართულებით ფინანსთა სამინისტროს მიერ გადადგმულ ნაბიჯებზე საუბრისას, ლაშა ხუციშვილმა აღნიშნა, რომ ფისკალური დეფიციტი 2020 წლის 9.2%-დან 2022 წელს შემცირდა 3%-მდე, ხოლო 2025 წელს - 1.4%-მდე; ვალის მაჩვენებელმა მშპ-სთან მიმართებით შეადგინა 34%-მდე, რაც მნიშვნელოვნად დაბალია 60%-იან ზღვარზე. როგორც ფინანსთა მინისტრმა განაცხადა, საგარეო ვალის 93% წარმოადგენს შეღავათიან სესხებს საერთაშორისო და ორმხრივი ინსტიტუტებისგან. მისი თქმით, განსაკუთრებული ყურადღება ექცევა სახელმწიფო ფასიანი ქაღალდების ბაზრის განვითარებას, ფასიანი ქაღალდები გამოიცემა ყოველთვიურად, რაც ზრდის ბაზრის პროგნოზირებადობას.როგორც ლაშა ხუციშვილმა აღნიშნა, მიმდინარეობს ახალი ინსტრუმენტების შემუშავება არარეზიდენტი ინვესტორებისთვის ბაზარზე წვდომის გასამარტივებლად. მისი თქმით, ეკონომიკის ზრდასთან ერთად, საქართველო აქტიურად გამოიყენებს საერთაშორისო ბაზრებს ცნობადობის გაზრდისა და პოზიციონირების გასაუმჯობესებლად.გამოსვლის დასასრულს, ფინანსთა მინისტრმა, კიდევ ერთხელ, გაუსვა ხაზი ფისკალური დისციპლინის მნიშვნელობას გრძელვადიანი მდგრადობისთვის და ფინანსთა სამინისტროს მტკიცე ერთგულებას მკაცრი ფისკალური პოლიტიკის მიმართ, საქართველოს ეკონომიკური განვითარებისა და მოქალაქეთა კეთილდღეობის უზრუნველსაყოფად.

ფინანსები • 1774518324

ფინანსთა მინისტრი საინვესტიციო ბანკ Barclays-ის მმართველ დირექტორს იგორ აკულოვს შეხვდა

ფინანსთა მინისტრი ლაშა ხუციშვილი საინვესტიციო ბანკ "Barclays-ის" მმართველ დირექტორს, იგორ აკულოვს შეხვდა. შეხვედრაზე განხილულ იქნა საერთაშორისო კაპიტალის ბაზრებზე არსებული ტენდენციები. განსაკუთრებული ყურადღება დაეთმო ადგილობრივი კაპიტალის ბაზრის განვითარების მიმართულებით მიღწეულ პროგრესსა და დაგეგმილ ღონისძიებებს. ფინანსთა მინისტრმა ხაზი გაუსვა ევრობონდების რეფინანსირების პროცესში საერთაშორისო ინვესტორების მხრიდან ქართული ფასიანი ქაღალდების მიმართ დაფიქსირებულ მაღალ ინტერესს. ასევე აღინიშნა, რომ საქართველო გეგმავს აქტიურად გააგრძელოს მუშაობა, როგორც ადგილობრივ, ისე საერთაშორისო კაპიტალის ბაზრებზე, დაფინანსების წყაროების დივერსიფიკაციისა და ინვესტორთა ბაზის გაფართოების მიზნით. შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე და სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

ფინანსები • 1774438236

ფინანსთა მინისტრი ლაშა ხუციშვილი საერთაშორისო სავალუტო ფონდის მისიას შეხვდა

დღეს საქართველოში მუშაობა დაიწყო საერთაშორისო სავალუტო ფონდის მისიამ, რომელიც ხორციელდება სსფ-ის წესდების IV მუხლის დებულებით („მეოთხე მუხლის კონსულტაციები“) გათვალისწინებული კონსულტაციების ფარგლებში.მისიამ, რომელსაც ალეხანდრო ჰაიდენბერგი ხელმძღვანელობს, შეხვედრა გამართა ფინანსთა მინისტრთან, ლაშა ხუციშვილთან.მიმდინარე მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.შეხვედრაზე მხარეებმა მიმოიხილეს საქართველოსა და საერთაშორისო სავალუტო ფონდს შორის თანამშრომლობის საკითხები.ლაშა ხუციშვილმა მისიის წევრებს გააცნო მიმდინარე მაკროეკონომიკური მაჩვენებლები და საშუალოვადიანი პერიოდის პროგნოზები. ასევე, ხაზი გაესვა გასული წლის ეკონომიკური ზრდის ტენდენციებს, საუბარი შეეხო 2026 წელს ევრობონდების წარმატებულ რეფინანსირებას და ამ პროცესში საერთაშორისო ინვესტორების ჩართულობას.შეხვედრას ქართული მხრიდან დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, ცოტნე ყავლაშვილი, სახელმწიფო ვალის მართვის დეპარტამენტის ხელმძღვანელი ირაკლი კაჭარავა და ფისკალური რისკების მართვის დეპარტამენტის უფროსის მ.შ სიმონ ედიშერაშვილი.

ფინანსები • 1774436729

ნათია თურნავა და ლაშა ხუციშვილი ამერიკელ და ბრიტანელ ინვესტორთა დელეგაციას შეხვდნენ

ეროვნული ბანკის პრეზიდენტი ნათია თურნავა და საქართველოს ფინანსთა მინისტრი ლაშა ხუციშვილი საქართველოში ვიზიტად მყოფი ამერიკელი და ბრიტანელი ინვესტორების დელეგაციას შეხვდნენ. ინფორმაციას ეროვნული ბანკი ავრცელებს.საერთაშორისო ინვესტორები საქართველოში ეროვნული ბანკის მოწვევით იმყოფებიან. დელეგაცია აერთიანებს ისეთ ცნობილ მსხვილ საერთაშორისო საინვესტიციო და ფინანსურ კომპანიებს, როგორებიცაა JPMorgan, Morgan Stanley Investment Management, Aberdeen, MetLife და სხვა.ნათია თურნავამ და ლაშა ხუციშვილმა საერთაშორისო ინვესტორებს საქართველოს მაკროეკონომიკური პარამეტრები, მონეტარული და ფისკალური პოლიტიკა და ქვეყნის საინვესტიციო გარემო გააცნეს. ასევე მიაწოდეს ინფორმაცია საქართველოს საბანკო და საფინანსო სექტორის მდგრადობაზე. შეხვედრისას აღინიშნა, რომ საქართველოს საბანკო სექტორი კარგად კაპიტალიზებულია და ინარჩუნებს ლიკვიდობის ჯანსაღ მაჩვენებლებს. ასევე ისაუბრეს ქვეყანაში კორპორატიული ფასიანი ქაღალდების ზრდისა და ამ მიმართულებით არსებულ შესაძლებლობებზე.სებ-ის პრეზიდენტის ნათია თურნავას განცხადებით, გლობალურად შექმნილი არაპროგნოზირებადი ვითარების მიუხედავად, საქართველო საერთაშორისო ინვესტორებისთვის საინტერესოა საინვესტიციო თვალსაზრისით.„ეროვნული ბანკის მოწვევით, საქართველოს საერთაშორისო ინვესტორების დელეგაცია სტუმრობს, რომელიც მსხვილი გლობალური საინვესტიციო ფონდების წარმომადგენლებისგან შედგება. ისინი დაინტერესებული არიან საქართველოში ინვესტირებით ჩვენი კაპიტალის ბაზრის მეშვეობით. შეხვედრის ფარგლებში გავაცანით საქართველოს მაკროეკონომიკური ვითარება და მიუხედავად გლობალურად შექმნილი არაპროგნოზირებადი ვითარებისა, ხედავენ, რომ ქვეყანა ვითარდება, გვაქვს მართვადი ინფლაცია, მდგრადი მაჩვენებლები, რაც საინვესტიციო თვალსაზრისით, მათთვის მნიშვნელოვანი და საინტერესოა“, - აღნიშნა ნათია თურნავამ.შეხვედრას ასევე ესწრებოდნენ საქართველოს ეროვნული ბანკის ვიცე-პრეზიდენტი ნინო ჯელაძე, ფინანსთა მინისტრის მოადგილეები გიორგი კაკაურიძე და ეკატერინე გუნცაძე, ასევე საქართველოს ეროვნული ბანკისა და ფინანსთა სამინისტროს სხვადასხვა დეპარტამენტების ხელმძღვანელი პირები.

ფინანსები • 1774435382

ნათია თურნავა და ლაშა ხუციშვილი ამერიკელ და ბრიტანელ ინვესტორთა დელეგაციას შეხვდნენ

 ეროვნული ბანკის პრეზიდენტი ნათია თურნავა და საქართველოს ფინანსთა მინისტრი ლაშა ხუციშვილი საქართველოში ვიზიტად მყოფი ამერიკელი და ბრიტანელი ინვესტორების დელეგაციას შეხვდნენ.საერთაშორისო ინვესტორები საქართველოში ეროვნული ბანკის მოწვევით იმყოფებიან. დელეგაცია აერთიანებს ისეთ ცნობილ მსხვილ საერთაშორისო საინვესტიციო და ფინანსურ კომპანიებს, როგორებიცაა JPMorgan, Morgan Stanley Investment Management, Aberdeen, MetLife და სხვა.ნათია თურნავამ და ლაშა ხუციშვილმა საერთაშორისო ინვესტორებს საქართველოს მაკროეკონომიკური პარამეტრები, მონეტარული და ფისკალური პოლიტიკა და ქვეყნის საინვესტიციო გარემო გააცნეს. ასევე მიაწოდეს ინფორმაცია საქართველოს საბანკო და საფინანსო სექტორის მდგრადობაზე. შეხვედრისას აღინიშნა, რომ საქართველოს საბანკო სექტორი კარგად კაპიტალიზებულია და ინარჩუნებს ლიკვიდობის ჯანსაღ მაჩვენებლებს. ასევე ისაუბრეს ქვეყანაში კორპორატიული ფასიანი ქაღალდების ზრდისა და ამ მიმართულებით არსებულ შესაძლებლობებზე.სებ-ის პრეზიდენტის ნათია თურნავას განცხადებით, გლობალურად შექმნილი არაპროგნოზირებადი ვითარების მიუხედავად, საქართველო საერთაშორისო ინვესტორებისთვის საინტერესოა საინვესტიციო თვალსაზრისით.„ეროვნული ბანკის მოწვევით, საქართველოს საერთაშორისო ინვესტორების დელეგაცია სტუმრობს, რომელიც მსხვილი გლობალური საინვესტიციო ფონდების წარმომადგენლებისგან შედგება. ისინი დაინტერესებული არიან საქართველოში ინვესტირებით ჩვენი კაპიტალის ბაზრის მეშვეობით. შეხვედრის ფარგლებში გავაცანით საქართველოს მაკროეკონომიკური ვითარება და მიუხედავად გლობალურად შექმნილი არაპროგნოზირებადი ვითარებისა, ხედავენ, რომ ქვეყანა ვითარდება, გვაქვს მართვადი ინფლაცია, მდგრადი მაჩვენებლები, რაც საინვესტიციო თვალსაზრისით, მათთვის მნიშვნელოვანი და საინტერესოა“, - აღნიშნა ნათია თურნავამ.შეხვედრას ასევე ესწრებოდნენ საქართველოს ეროვნული ბანკის ვიცე-პრეზიდენტი ნინო ჯელაძე, ფინანსთა მინისტრის მოადგილეები გიორგი კაკაურიძე და ეკატერინე გუნცაძე, ასევე საქართველოს ეროვნული ბანკისა და ფინანსთა სამინისტროს სხვადასხვა დეპარტამენტების ხელმძღვანელი პირები.

ფინანსები • 1774350507

ლაშა ხუციშვილმა მონაწილეობა მიიღო „კაპიტალის ბაზრების მეორე საერთაშორისო კონფერენციის ფარგლებში“ გამართულ პანელურ დისკუსიაში

 საქართველოს ფინანსთა მინისტრმა, ლაშა ხუციშვილმა მონაწილეობა მიიღო „კაპიტალის ბაზრების მეორე საერთაშორისო კონფერენციის ფარგლებში“ გამართულ პანელურ დისკუსიაში.სესია დაეთმო საქართველოს მთავრობისა და „სილქ როუდ ჯგუფის“ ევროობლიგაციების წარმატებულ გამოშვებას საერთაშორისო ბაზრებზე.ფინანსთა მინისტრმა ისაუბრა საქართველოს მთავრობის მხრიდან გადადგმულ იმ ღონისძიებებზე, რომელიც წინ უსწრებდა ევროობლიგაციების წარმატებულ გამოშვებას. მან, კიდევ ერთხელ, ხაზი გაუსვა საერთაშორისო ინვესტორების დაინტერესებას და მაღალ მოთხოვნას ევროობლიგაციების მიმართ.როგორც ლაშა ხუციშვილმა აღნიშნა, ამ ფაქტმა დაადასტურა ნდობა საქართველოს მთავრობის ეკონომიკური პოლიტიკის მიმართ, რომლის საშუალებითაც რთული გეოპოლიტიკური ვითარების მიუხედავად, ქვეყანამ შეძლო სტაბილური მაკროეკონომიკური და ფისკალური პარამეტრების შენარჩუნება.„ჩვენ ირგვლივ არსებული და სწრაფად ცვალებადი გეოპოლიტიკური სიტუაცია, სამწუხაროდ, საქართველოსთვის კარგად ნაცნობია. მოვლენების ასეთ განვითარებას თავისი გავლენა აქვს მცირე და ღია ეკონომიკებზე. მრავალი განსხვავებული შოკის მიმართ ქართულმა ეკონომიკამ მედეგობა აჩვენა. ჩვენ ბოლო წლებში ვიხილეთ მრავალი წყაროდან მომდინარე გეოპოლიტიკური, პანდემიასთან თუ ნავთობის ფასებთან დაკავშირებული კრიზისი. თუმცა, საქართველომ ძლიერი რეფორმების დღის წესრიგის წყალობით, საკმაოდ კარგად შეძლო გამოწვევების მართვა, რაც მცირე და ღია ეკონომიკის მქონე ქვეყნისთვის დიდი მიღწევაა. სწორედ ამის შეთავაზება შეგვიძლია მსოფლიოსთვის და ინვესტორებისთვის - ძალიან გამართული პოლიტიკით, მაკროეკონომიკური სტაბილურობითა და ძალიან ძლიერი ფისკალური მაჩვენებლებით. ჩვენ მიერ წარმოებული პოლიტიკა არის გარანტია იმისა, რომ ქვეყანა შეძლებს ნებისმიერი სახის ეკონომიკური შოკის დაძლევას“, - აღნიშნა ფინანსთა მინისტრმა, ლაშა ხუციშვილმა.გამოსვლისას, იგი ასევე, შეეხო ლარში დენომინირებული ფასიანი ქაღალდების ემისიის პერსპექტივას და ამ მიმართულებით, როგორც ადგილობრივი, ისე საერთაშორისო ინვესტორების დაინტერესებას.„ფასიანი ქაღალდების ემისიის კონტექსტში სავალუტო დეკომპოზიცია ჩვენი ერთ-ერთი პრიორიტეტია. ამდენად, ჩვენ უფრო აქტიურები ვიქნებით, როგორც საერთაშორისო, ისე ადგილობრივ ბაზრებზე ლარსა და სხვა ვალუტაში“, - განაცხადა ფინანსთა მინისტრმა, ლაშა ხუციშვილმა.სესიას მოდერატორობას უწევდა J.P. Morgan-ის CEEMEA რეგიონის სავალო კაპიტალის ბაზრების (DCM) დეპარტამენტის ხელმძღვანელი, მმართველი დირექტორი სტეფან ვაილერი.ფინანსთა მინისტრთან ერთად, დისკუსიაში მონაწილეობა მიიღეს „თიბისი ჯგუფის“ გენერალურმა დირექტორმა, ვახტანგ ბუცხრიკიძემ და „სილქ როუდ ჯგუფის“ დამფუძნებელმა და სამეთვალყურეო საბჭოს თავმჯდომარემ, გიორგი რამიშვილმა.კაპიტალის ბაზრების მეორე საერთაშორისო კონფერენციას დაესწრნენ ფინანსთა მინისტრის მოადგილე ეკატერინე გუნცაძე და სახელმწიფო ვალის მართვის დეპარტამენტის ხელმძღვანელი ირაკლი კაჭარავა.ინფორმაციას ფინანსთა სამინისტო ავრცელებს.

პოლიტიკა • 1774349062

ცხოვრების დონის ხანგრძლივი პროგრესით საქართველო მსოფლიოში მესამე ადგილზე გავიდა, საუკეთესო ხუთეულში, რაც მნიშვნელოვანი მიღწევაა. საქართველო აგრძელებს პროგრესს, აგრძელებს განვითარებას და ცხოვრების დონის გაუმჯობესებას - მიხეილ დუნდუა

ცხოვრების დონის ხანგრძლივი პროგრესით საქართველო მსოფლიოში მესამე ადგილზე გავიდა, საუკეთესო ხუთეულში, რაც მნიშვნელოვანი მიღწევაა, - განუცხადა „ქრონიკას“ საქართველოს ფინანსთა მინისტრის მოადგილე მიხეილ დუნდუამ.მისი თქმით, საქართველო აგრძელებს პროგრესს, აგრძელებს განვითარებას და ცხოვრების დონის გაუმჯობესებას.„ცხოვრების დონის ხანგრძლივი პროგრესით საქართველო მსოფლიოში მესამე ადგილზე გავიდა, საუკეთესო ხუთეულში, რაც მნიშვნელოვანი მიღწევაა. მნიშვნელოვანია, რომ ისეთ კატეგორიებში, როგორიც არის კორუფციის აღქმა და ცხოვრებისეული არჩევანის თავისუფლება, საქართველო ევროპის საუკეთესო ოცეულებში მოხვდა, ნატო-სა და ევროკავშირის წევრ 19-20 სახელმწიფოზე წინ არის ამ პარამეტრით. საქართველო აგრძელებს პროგრესს, აგრძელებს განვითარებას და ცხოვრების დონის გაუმჯობესებას“, - აღნიშნა მიხეილ დუნდუამ.

საზოგადოება • 1773851554

პატრიარქის დაკრძალვასთან დაკავშირებით კომისია შეიქმნა, რომელსაც ირაკლი კობახიძე უხელმძღვანელებს

სრულიად საქართველოს კათოლიკოს-პატრიარქის ილია II-ის დაკრძალვასთან დაკავშირებით სახელმწიფო კომისია შეიქმნა, რომელსაც საქართველოს პრემიერ-მინისტრი ირაკლი კობახიძე უხელმძღვანელებს.კომისიის შემადგენლობაში იქნებიან:საქართველოს თავდაცვის მინისტრი, ვიცე-პრემიერი - ირაკლი ჩიქოვანი;საქართველოს საგარეო საქმეთა მინისტრი - მაკა ბოჭორიშვილი;საქართველოს შინაგან საქმეთა მინისტრი – გელა გელაძე;საქართველოს კულტურის მინისტრი – თინათინ რუხაძე;საქართველოს ეკონომიკისა და მდგრადი განვითარების მინისტრი – მარიამ ქვრივიშვილი;  საქართველოს რეგიონული განვითარების მინისტრი - კახაბერ გულედანი;  საქართველოს ფინანსთა მინისტრი – ლაშა ხუციშვილი;საქართველოს სახელმწიფო უსაფრთხოების სამსახურის უფროსი – მამუკა მდინარაძე;  საქართველოს მთავრობის ადმინისტრაციის უფროსი – ლევან ჟორჟოლიანი და სახელმწიფო დაცვის სპეციალური სამსახურის უფროსი – ანზორ ჩუბინიძე.ასევე, სახელმწიფო კომისიის მუშაობაში მონაწილეობა ეთხოვათ: საქართველოს პრეზიდენტს – მიხეილ ყაველაშვილს; საქართველოს პარლამენტის თავმჯდომარეს – შალვა პაპუაშვილს; ქალაქ თბილისის მუნიციპალიტეტის მერს - კახა კალაძეს და საქართველოს საპატრიარქოს სამ წარმომადგენელს.სამების საკათედრო ტაძარში საქართველოს კათოლიკოს-პატრიარქის, ილია მეორის სულის მოსახსენებელი პანაშვიდი მიმდინარეობს.ილია მეორე საპატრიარქო რეზიდენციიდან სამების ტაძარში სამგლოვიარო მსვლელობით გადაასვენეს.სრულიად საქართველოს კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა.პატრიარქის გარდაცვალების გამო საქართველოში გლოვა გამოცხადდა.ილია მეორეს 22 მარტს სიონის ტაძარში დაკრძალავენ.

ფინანსები • 1773226794

ნათია თურნავამ Bybit Georgia-ს ოფიციალური გახსნის ღონისძიებაში მიიღო მონაწილეობა

საქართველოს ეროვნული ბანკის პრეზიდენტმა ნათია თურნავამ ციფრული აქტივების ბაზარზე მსოფლიოს ერთ-ერთი ლიდერი კომპანიის-Bybit Georgia-ს ოფიციალური გახსნის ღონისძიებაში მიიღო მონაწილეობა.Bybit მსოფლიოს 240-ზე მეტ ქვეყანაშია წარმოდგენილი და რეგულატორულ ავტორიზაციებს სხვადასხვა რეგიონში ფლობს, მათ შორის, ევროკავშირის MiCAR-ის ჩარჩოში. Bybit საქართველოში ოპერირებას ეროვნული ბანკის მიერ გაცემული ვირტუალური აქტივების სერვისისა (VASP) და საგადახდო სერვისის პროვაიდერების (PSP) ლიცენზიების საფუძველზე იწყებს.ღონისძიების გახსნისას საქართველოს ეროვნული ბანკის პრეზიდენტმა მონაწილეებს Bybit-ის ქართულ ბაზარზე საქმიანობის ოფიციალურად დაწყება მიულოცა და აღნიშნა, რომ მოწინავე გლობალური კომპანიის ქვეყანაში შემოსვლა საქართველოს საფინანსო სექტორის დინამიურ განვითარებას ადასტურებს.„მისასალმებელია, რომ ციფრული აქტივების მიმართულებით ერთ-ერთი მოწინავე საერთაშორისო კომპანია Bybit ქართულ ბაზარზე შემოვიდა და ინოვაციური ფინანსური პროდუქტებისა და მომსახურებების დანერგვა დაიწყო. მსგავსი გლობალური კომპანიის ინტერესი კიდევ ერთხელ ადასტურებს, რომ საქართველოში საფინანსო სექტორი დინამიურად ვითარდება და სულ უფრო მიმზიდველი ხდება საერთაშორისო კომპანიებისა და ინვესტორებისთვის“, - განაცხადა ნათია თურნავამ.სებ-ის პრეზიდენტმა აღნიშნა, რომ ეროვნული ბანკისთვის ახალი მოთამაშეების შემოსვლა და კონკურენციის ზრდა პრიორიტეტულია, რაც ფინანსური ტექნოლოგიების განვითარებასა და სერვისების ხელმისაწვდომობას განაპირობებს.ამასთან, მან საქართველოს ეროვნული ბანკის მიერ ბოლო წლებში განხორციელებულ რეფორმებზეც გაამახვილა ყურადღება. ეროვნულ ბანკს ვირტუალური აქტივების მომსახურების პროვაიდერებზე სრული ზედამხედველობის უფლებამოსილება გააჩნია. აღნიშნული ჩარჩო სექტორის სათანადო რეგულირებას უზრუნველყოფს, რაც ბაზრის გამჭვირვალობისა და მომხმარებელთა უფლებების დაცვისთვის ძალზე მნიშვნელოვანია.ეროვნული ბანკის პრეზიდენტმა ფინანსურ ტექნოლოგიებში რეგიონულ თანამშრომლობაზეც გაამახვილა ყურადღება და განაცხადა, რომ საქართველო რეგიონის ფინტექ ჰაბად ჩამოყალიბდა, რომელიც ევროპასა და აზიას შორის ეკონომიკურ კავშირს გააძლიერებს.სიტყვით გამოსვლისას Bybit-ის CEO-მ და თანადამფუძნებელმა ბენ ჟოუმ კომპანიის საქართველოთი დაინტერესების შესახებ ისაუბრა.„სასიხარულოა, რომ საქართველო კრიპტოადაპტაციისგანვითარების მხრივ მაღალ დონეზეა,სტეიბლკოინების ადაპტაციისა და რეგულატორული ჩარჩოების მიმართულებით ერთ-ერთი ლიდერია. ყველაზე დიდი გამოწვევა, რომელსაც სხვა რეგიონებში ვაწყდებით, საბანკო წესები და რეგულაციური შეზღუდვებია. საქართველოს ეროვნული ბანკი პროაქტიურია და ეს  ძალიან კარგია ინდუსტრიის განვითარებისთვის. აუცილებელია იმის დანახვა, რომ ეროვნული ბანკი ამ ინოვაციურ პროცესს ხელმძღვანელობს, სწორედ ამიტომ გადავწყვიტეთ საქართველოში ინვესტირება“, - განაცხადა ბენ ჟოუმ.ღონისძიების ფარგლებში გაიმართა პანელური დისკუსია - „საქართველოს ციფრული ფინანსური ეკოსისტემის მომავალი“, რომელშიც მონაწილეობდნენ Bybit-ის CEO და თანადამფუძნებელი ბენ ჟოუ, Bybit Georgia-ის დირექტორი შოთა ლომთაძე, Mastercard-ის ვიცე-პრეზიდენტი საქართველოსა და სომხეთში დავით ზღუდაძე, Pave Bank-ის თანადამფუძნებელი და CEO სალიმ დჰანანი და Tether-ის გლობალური გაფართოების და სტრატეგიული პარტნიორობების ვიცე-პრეზიდენტი მარკო დალ ლაგო.გახსნის ღონისძიებას ესწრებოდნენ საქართველოს ეკონომიკის და მდგრადი განვითარების მინისტრი მარიამ ქვრივიშვილი. იუსტიციის მინისტრი პაატა სალია, ფინანსთა მინისტრის მოადგილე ეკატერინე გუნცაძე, საერთაშორისო პარტნიორები და ბიზნეს სექტორისა წარმომადგენლები.