პოლიტიკა • 1749123143

ძალიან აირია სიტუაცია ბევრი საკითხის მიმართ, საჭიროა ვიცოდეთ, საითკენ მივდივართ - სალომე ზურაბიშვილი

ძალიან აირია სიტუაცია ბევრი საკითხის მიმართ, რომელიც დღეს ჩემგან სიცხადეს მოითხოვს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, საჭიროა ვიცოდეთ, რას ვამბობთ და საითკენ მივდივართ, რადგან მსჯელობა დაწყებულია, საჭიროა, მეც ვთქვა ჩემი სათქმელი, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.ზურაბიშვილის თქმით, ადგილობრივ არჩევნებში მონაწილეობაზე საუბარი მისთვის გასაკვირი და გაუგებარია.„ამ შემთხვევაში არ ვლაპარაკობ პლატფორმის სახელით, ჩემი სახელით ვლაპარაკობ. ადგილობრივი არჩევნების დანიშვნა და მასში მონაწილეობა, როცა ქვეყანაში გვყავს 60 თუ 60-ზე მეტი პოლიტპატიმარი, ჩემთვის ცოტა გასაკვირი და გაუგებარიც კი არის. როგორ შეიძლება, შეხვიდე არჩევნებში, როდესაც ციხეში არა მხოლოდ აქტივისტები არიან, არამედ პოლიტიკური ლიდერები. პოლიტიკური ლიდერები თუ ციხეში არიან, რანაირად შეგვიძლია, ვილაპარაკოთ თავისუფალ არჩევნებზე. ამიტომ არის, რომ პლატფორმის ფორმატში შევიმუშავეთ დოკუმენტი, რომელიც შეთანხმებულია და აღრიცხავს ყველა იმ პირობას, ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. ასე რომ, პოლიტიკური პარტიების პოლიტიკური პასუხისმგებლობა თუ რამეა, არის, რომ დაყენდნენ და მიხვდნენ იმას, რომ ერთიანობა აუცილებელია და აუცილებელია სიტუაციის კარგად გაგება. რაც დროს გადის უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა და თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, თავიანთი ალტერნატივა მომავლისთვის. არავის არასდროს არ უნდა, რომ შეიცვალოს რამე, რათა ვაკუუმი შედგეს ქვეყანაში. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1749122954

დღეს არ არის დრო, როდესაც უნდა ვისაუბროთ არჩევნების ბოიკოტზე, დღეს არის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე - სალომე სამადაშვილი

დღეს არ არის დრო, როდესაც უნდა ვისაუბროთ არჩევნების ბოიკოტზე, დღეს არის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე, – ამის შესახებ პარტია „ლელოს“ წევრმა, სალომე სადამაშვილმა განაცხადა.როგორც სამადაშვილმა აღნიშნა, იზიარებს სალომე ზურაბიშვილის პოზიციას პოლიტპატიმრების გათავისუფლებასა და საარჩევნო გარემოს ცვლილებასთან დაკავშირებით.„ჩვენ აბსოლუტურად ვიზიარებთ ხედვას, რომ ძალიან მნიშვნელოვანია ერთიანობის დაცვა და ერთიანი ფრონტით დაპირისპირება ამ რეჟიმთან. ჩვენ ასევე ვიზიარებთ სალომე ზურაბიშვილის პოზიციას, რომ მნიშვნელოვანია იმ მოთხოვნების გაჟღერება და შესრულება, რაც უკავშირდება როგორც პოლიტპატიმრების გათავისუფლებას, ასევე არჩევნებთან დაკავშირებით გარემოს ცვლილებებს. ამავე დროს, ჩვენ მიგვაჩნია, რომ დასაკარგი დრო აღარ გვაქვს, უნდა შევიდეთ აქტიურ პოლიტიკურ პროცესში, რაც ნიშნავს, არჩევნებისთვის მზადებას. დიახ, ასევე ვიზიარებთ მის ხედვას და მოლოდინს, რომ ჩვენ არა მხოლოდ ადგილობრივი, არამედ ვადამდელი საპარლამენტო არჩევნები გვექნება უახლოეს მომავალში. შესაბამისად, საჭიროა, სწორი სტრატეგია და სწორი ტაქტიკა ამისთვის მოსამზადებლად. სწორედ ამიტომ ჩვენ ვთქვით, რომ, დღეს არ არის ის დრო, როდესაც უნდა ვისაუბროთ არჩევნების ბოიკოტზე, დღეს არის ის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე“, – განაცხადა სამადაშვილმა.

პოლიტიკა • 1749121839

პარტიების პოლიტიკური პასუხისმგებლობა თუ რამეა, არის ის, რომ დაყენდნენ და მიხვდნენ ერთიანობის აუცილებლობას - სალომე ზურაბიშვილი

ძალიან აირია სიტუაცია ბევრი საკითხების მიმართ, რომელიც დღეს მოითხოვს ჩემგან სიცხადეს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, ამ რეჟიმის პირობებში საპარლამენტო არჩევნებიც შეუძლებელია, ერთიანობის გარეშე დავიხუროთ ქუდები და წავიდეთ ცალ-ცალკე, ამ ნახევრად ჩამოშლილ რეჟიმს, მივცეთ ის გამარჯვება, რაც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.მისი თქმით, „პარტიების პოლიტიკური პასუხისმგებლობაა, რომ დაყენდნენ და მიხვდნენ, ერთიანობა აუცილებელია“.„საპარლამენტო არჩევნებიც შეუძლებელია დღევანდელ პირობებში, ამიტომ პლატფორმის პირობებში შევიმუშავეთ დოკუმენტი, რომელიც აღნიშნავს ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. უნდა გაგრძელდეს ზეწოლა რეჟიმზე, გარედან სანქციებით და პარტნიორების ზეწოლით, შიგნიდან პროტესტით, რომელიც არის ყველაზე ძლიერი. ასევე, უნდა იყოს ზეწოლა პარტიებიდან, პოლიტიკური სპექტრიდან, რომელიც იქნება ეფექტური მხოლოდ მაშინ, თუ არის ერთიანი. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. პოლიტიკური პარტიების პოლიტიკური პასუხისმგებლობაა, დაყენდნენ და მიხვდნენ, რომ ერთიანობა აუცილებელია და სიტუაცია კარგად გაიგონ. რაც დროს გადის, უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა, თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, ალტერნატივა მომავლისთვის. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1749037574

საქართველოს შესახებ ანგარიში მხარს უჭერს ახალ სამართლიან არჩევნებს, რეჟიმის წინააღმდეგ სანქციებს, ითხოვს პოლიტიკური პატიმრების გათავისუფლებას და ევროკავშირის მხარდაჭერის გადახედვას - რასა იუკნევიჩიენე

ევროპარლამენტის საგარეო ურთიერთობათა კომიტეტმა საქართველოს შესახებ ანგარიშის პროექტი დაამტკიცა. დოკუმენტის საბოლოო ვარიანტი ევროპარლამენტის ვებ-გვერდზე ჯერჯერობით არ გამოქვეყნებულა, თუმცა, ცნობილია პროექტის თავდაპირველი ვერსია, რომელიც ევროპარლამენტარმა რასა იუკნევიჩიანემ წარადგინა.დოკუმენტში ისმის კრიტიკა საქართველოს მთავრობის მიმართ, "ლეგიტიმურ პრეზიდენტად" სალომე ზურაბიშვილია მოხსენიებული, "ნაციონალურ მოძრაობასთან" დაკავშირებით კი წერია, რომ პარტიას ჰქონდა "გადამწყვეტი როლი საქართველოს ევროპული ინტეგრაციის პროცესის დაწყებასა და წინსვლაში." ტექსტში ასევე წერია, რომ კომიტეტი "კატეგორიულად იმეორებს" მოთხოვნას, "ჰუმანიტარულ საფუძველზე" გათავისუფლდეს მიხეილ სააკაშვილი.როგორც რასა იუკნევიჩიენემ განაცხადა, სამწუხაროა, რომ ევროპარლამენტმა უნდა შეაფასოს არა საქართველოს პროგრესი, არამედ უზარმაზარი უკუსვლა დემოკრატიული სახელმწიფოდან."სამწუხაროა, რომ ამ ყოველწლიურ ანგარიშში ევროპარლამენტი იძულებულია, შეაფასოს არა საქართველოს, როგორც კანდიდატი ქვეყნის პროგრესი, არამედ ქვეყნის უზარმაზარი უკუსვლა. გაყალბებული არჩევნები, მმართველი პარტიის გადაწყვეტილება, დაბლოკოს ევროკავშირი, ჟურნალისტების და ოპოზიციონერი პოლიტიკოსების დაკავება, თავდასხმა ევროკავშირზე და მის წარმომადგენლებზე - ეს არის მხოლოდ ზოგიერთი იმ ფაქტებიდან, რომლებიც ნახსენებია ანგარიშში. ანგარიში მხარს უჭერს ახალ სამართლიან არჩევნებს, რეჟიმის წინააღმდეგ სანქციებს, ითხოვს პოლიტიკური პატიმრების გათავისუფლებას და ევროკავშირის მხარდაჭერის გადახედვას," - აღნიშნა რასა იუკნევიჩიენემ.ბრიუსელში იმყოფებიან ქართული სამოქალაქო ორგანიზაციების წარმომადგენლები. ქეთი ხუციშვილმა, ეკა გიგაურმა და ნინო ევგენიძემ რასა იუკნევიჩიენესთან ერთად ევროპარლამენტში პრესკონფერენცია გამართეს.

პოლიტიკა • 1748959800

ნინო წილოსანი ოპოზიციაზე: უსასტიკესი ხალხია - ხომ ვხედავთ ერთმანეთთან, როგორ დაპირისპირებაში მოდიან და შეუძლიათ ისე გადაუარონ ერთმანეთს თვალი არ დაახამხამონ

ეს არის უბადრუკი მოცემულობა, როდესაც ერთი მხრივ რადიკალები ცდილობენ, რომ გადაირჩინონ თავი წაგებულ ბრძოლაში და მეორე მხრივ, სხვები უფრო მეტად განულებულები და წაგებულები ესხმიან თავს და ჭამენ ერთმანეთს, - განაცხადა „დღის ქრონიკასთან“ საუბრისას პარლამენტის თავმჯდომარის მოადგილე ნინო წილოსანმა წამყვანის კითხვაზე - თუ რა პროცესები ვითარდება ახლა ოპოზიციაში, რომელიც თვითმმართველობის არჩევნებში მონაწილეობის საკითხთან დაკავშირებით დაპირისპირებას უკავშირდება.ნინო წილოსანის თქმით, ოპოზიციაში არიან ადამიანები, რომლებსაც დაუნდობლად შეუძლიათ ერთმანეთს „გადაუარონ“.„უსასტიკესი ხალხია. ხომ ვხედავთ ერთმანეთთან, როგორ დაპირისპირებაში მოდიან და შეუძლიათ ისე გადაუარონ ერთმანეთს თვალი არ დაახამხამონ.„ლელოსა“ და გახარიას პარტიის მიმართ, მიუხედავად იმისა, რომ ერთი ორგანიზმის ნაწილი არიან, თუმცა ამ ორმა პარტიამ გადაწყვიტა, რომ განსხვავებული პოლიტიკა აწარმოოს არჩევნებთან მიმართებით იმიტომ, რომ სრულად წაგებული აქვთ ყველა ბრძოლა. რევოლუციური სცენარი ჩავარდა. სალომე ზურაბიშვილის გალიდერება არ გამოუვიდათ. „რუსული ბანი“ წაგებიანი პროცესი არის და მან ერთხელ უკვე არჩევნებში სცადა ბედი და ჩამოეშალა ხუხულასავით ის პარტია, რომელიც ზურა გირჩი ჯაფარიძემ დაუშალა ის კოალიცია და ა.შ. ამ „დაფეილირბული“ ადამიანების შემადგენლობით ვერ გავლენ ფონს. ამიტომ ერთადერთ გამოსავლად რჩებათ, რომ დარჩნენ ნორმალურ, პოლიტიკურ ჩარჩოებში და ეს გულისხმობს, რომ მიიღონ არჩევნებში მონაწილეობა. წინააღმდეგ შემთხვევაში მუდმივად უნდა დარჩნენ სექტასავით, რომელიც ქუჩაში დაიარება და რაღაცას გიჟივით გაყვირის. ამ პოზაში არ აქვს სურვილი ბევრს, რომ დარჩეს და მცდელობა არის, რომ ლამაზად დაუბრუნდეს დემოკრატიულ ჩარჩოებს.გასათვალისწინებელია, რომ არავის დაავიწყდეს, რომ „ლელო“ და გახარია ყოველთვის თამაშობდა „ნაციონალურ მოძრაობის“ თამაშს. საკუთარი სახელმწიფოს წინააღმდეგ აწერდა ყველა დოკუმენტს ხელს. მათ შორის ვიზალიბერალიზაციის გაუქმებაზე, მათ შორის ხელისუფლების წარმომადგენლების დასანქცირებაზე. ესენი არიან ადამიანები და პოლიტიკური პარტიები, რომლებმაც უარი თქვეს და სანაგვეზე გადაისროლეს საკუთარი ამომრჩევლის ხმები, როდესაც 2024 წლის საპარლამენტო არჩევნებზე საკმაოდ სოლიდური ხმები დააგროვეს“, - განაცხადა ნინო წილოსანმა.ცნობისთვის, თვითმმართველობის არჩევნებამდე რამდენიმე თვით ადრე ოპოზიციაში კრიზისი ღრმავდება. ადგილობრივ არჩევნებში მონაწილეობის მსურველთა რაოდენობა იზრდება. გახარიას პარტიისა და „ლელოს“ შემდეგ, არჩევნებში მონაწილეობაზე მინიშნებები „თავისუფლების მოედანმაც“ გააკეთა. ამ გადაწყვეტილებას ღალატად მიიჩნევენ „ნაციონალურ მოძრაობასა“ და პარტია „ახალში“.

პოლიტიკა • 1748958407

ყველა თავისუფალია, ვისაც უნდათ, დაეხმარონ, ვითხოვთ, ეს პროცესი იყოს გამჭვირვალე, ჩვენი პასუხისმგებლობაა, საქართველოში შემოსული თანხა აურზაურის მოწყობაში არ იხარჯებოდეს - ლევან მახაშვილი

ყველა თავისუფალია, ვისაც უნდათ, დაეხმარონ. ჩვენ ვითხოვთ, ეს პროცესი იყოს გამჭვირვალე. ჩვენი პასუხისმგებლობაა, საქართველოში უცხოეთიდან შემოსული თანხა აურზაურის, შფოთვის მოწყობაში არ იხარჯებოდეს, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა განაცხადა.მახაშვილს კითხვა დაუსვეს საქართველოს ყოფილი პრეზიდენტის, სალომე ზურაბიშვილის განცხადებაზე, სადაც ამბობს, რომ შვედეთის პრემიერისგან წერილი მიიღო.„ეს წერილი არ მინახავს, მაგრამ ყველა თავისუფალია, ვისაც უნდათ, დაეხმარონ. ჩვენ ვითხოვთ, მათი გადაწყვეტილებები შეესაბამებოდეს ცივილურ და დემოკრატიულ ჩარჩოებს. რაც მთავარია, ეს პროცესი გამჭვირვალე იყოს, რათა მათმა მოქალაქეებმაც ნახონ, ფული სად იხარჯება. სხვა მხრივ, მათ თანხებს სად დახარჯავენ და რა პრიორიტეტების მიხედვით გადაწყვეტენ საკუთარი თანხების დახარჯვას, ეს მათი გადასაწყვეტი და პასუხისმგებლობაა. ჩვენი პასუხისმგებლობაა, საქართველოში უცხოეთიდან შემოსული თანხა აურზაურის, შფოთვის მოწყობაში არ იხარჯებოდეს“, – განაცხადა ლევან მახაშვილმა.საქართველოს ყოფილი პრეზიდენტის, სალომე ზურაბიშვილის განცხადებით, შვედეთის პრემიერისგან მიიღო წერილი, რომელშიც გამოთქმულია წუხილი დემოკრატიისა და ადამიანის უფლებების კუთხით საქართველოში არსებული მდგომარეობის შესახებ.„პასუხად, შვედეთის მთავრობამ მიიღო გადაწყვეტილება, შეეწყვიტა შვედეთის სააგენტოს, „სიდას“ყველანაირი დახმარება საქართველოს ე.წ. მთავრობისთვის, თუმცა შვედეთი გამოხატავს მზადყოფნას, დარჩეს მხარდამჭერი საქართველოს დემოკრატიული განვითარებისა და მისი ევროპული გზის, დარჩეს როგორც დონორი, ოღონდ სამოქალაქო საზოგადოებისთვის. ამ კუთხით ჩვენ ვაკვირდებით დღევანდელ კანონმდებლობასო, რომ გავიგოთ, რა ფორმით უნდა გავაგრძელოთ საქართველოს სამოქალაქო საზოგადოების მხარდაჭერა“, – განაცხადა სალომე ზურაბიშვილმა.

პოლიტიკა • 1748952865

სალომე ზურაბიშვილი ევროპული ბიუროკრატიის აგენტურად დასვეს, მაგრამ თავის მოვალეობას ვერ ასრულებს - ირაკლი ზარქუა

სალომე ევროპული ბიუროკრატიის აგენტურად დასვეს, მაგრამ თავის მოვალეობას ვერ ასრულებს და ქალი იმ დონეზე დაეცა, რომ „ლუზერებთან ერთად არის და მათთან ერთად გაერთიანდა, ქე მაინც, ჩვენ საზოგადოებას ვთხოვეთ და პრეზიდენტად ავარჩევინეთ“, – ამის შესახებ „ქართული ოცნების“ წევრმა, ირაკლი ზარქუამ განაცხადა.ზარქუას თქმით, გარკვეულ ადამიანებს სურთ, საქართველოში „მაიდანი“ განახორციელონ.„გახსოვთ, ჩვენი ლიდერების ფოტოები იყო წარმოდგენილი, რომ სალომე აერჩიათ. მას სახე შევუნარჩუნეთ, მაგრამ ვერ შეირგო და ლუზერების წუმპეში დაბრუნდა, სადაც მისი ადგილიცაა. შვედეთი საქართველოს მთავრობას კი არა, სხვა ჯგუფებს ეხმარება, ეს არახალია. უნდათ, რომ აქ „მაიდანი“ განახორციელონ. ევროპულ სახელმწიფოებშიც არის ჩაბუდებული აგენტურა, რომელიც „დიფ სთეითს“ ემსახურება და მათ უნდათ, რომ აქ ხელმოცარულები, ლუზერები დააფინანსონ. რატომ? იმიტომ, რომ შეუტიონ. მათი არაერთი მცდელობა ვნახეთ, მაგრამ არაფერი გამოუვიდათ და ზუსტად ასე დაასრულებენ. არაერთი სახელმწიფო პროგრამა გაგვიუქმეს. გერმანიის ელჩი გვემუქრებოდა, არასამთავრობო ორგანიზაციები უნდა დავაფინანსოთო. ტრამპის ადმინისტრაციამ გაშიფრა, თურმე რას აფინანსებდნენ – ქართული სახელმწიფოს წინააღმდეგ ყველა უმსგავსობას. ეს არის უმსგავსო განცხადება და იმის ლუსტრაცია, თუ როგორი არ უნდა იყოს ევროპული სახელმწიფოს ლიდერი“, – განაცხადა ზარქუამ.

პოლიტიკა • 1748948820

სალომე ზურაბიშვილი: კრიზისიდან გამოსვლა არის ახალი საპარლამენტო არჩევნები, არცერთ სხვა ფორმას, არცერთ სხვა არჩევნებს არ აქვს უნარი, ქვეყანაში დაასრულოს ანტიამერიკული და ანტიევროპული რეჟიმ

საქართველოს ყოფილი პრეზიდენტის, სალომე ზურაბიშვილის განცხადებით, შვედეთის პრემიერისგან მიიღო წერილი, რომელშიც გამოთქმულია წუხილი დემოკრატიისა  და ადამიანის უფლებების კუთხით საქართველოში არსებული მდგომარეობის შესახებ.როგორც ზურაბიშვილმა დღევანდელ ბრიფინგზე აღნიშნა, შვედეთის მთავრობამ გადაწყვიტა, შეეწყვიტა „შვედეთის საერთაშორისო განვითარების თანამშრომლობის სააგენტოს“ (SIDA) ყველანაირი დახმარება საქართველოს მთავრობისთვის და შვედეთი გამოხატავს მზადყოფნას, დარჩეს დონორი სამოქალაქო საზოგადოებისთვის.ამასთან, სალომე ზურაბიშვილი აღნიშნავს, რომ კრიზისიდან გამოსავალი არის ახალი საპარლამენტო არჩევნები.„მინდა, გაგაცნოთ შვედეთის პრემიერის წერილი, რომელიც მივიღე პერსონალურად, რომელიც გამოთქვამს ძალიან დიდ წუხილს იმის შესახებ, რა მდგომარეობაა დღეს საქართველოში დემოკრატიის და ადამიანის უფლებების კუთხით, რომ რეალურად, სამოქალაქო სივრცე არის ძალიან შეზღუდული და კიდევ უფრო იზღუდება და ეს რომ არ შეეფარდება არც ევროკავშირის ღირებულებებს და არც საქართველოს გზას ევროპისკენ. პასუხად, შვედეთის მთავრობამ მიიღო გადაწყვეტილება, რომ შეეწყვიტა შვედეთის სააგენტოს, „სიდას“, რომელიც ერთ-ერთი მთავარი დონორი იყო ამ ქვეყანაში, ყველანაირი დახმარება საქართველოს ე.წ. მთავრობისთვის, თუმცა შვედეთი გამოხატავს მზადყოფნას, დარჩეს მხარდამჭერი საქართველოს დემოკრატიული განვითარების და მისი ევროპული გზის, რომ დარჩეს როგორც დონორი, ოღონდ სამოქალაქო საზოგადოებისთვის და ამ კუთხით, ჩვენ ვაკვირდებით დღევანდელ კანონმდებლობას, რომ გავიგოთ, რა ფორმით უნდა გავაგრძელოთ მხარდაჭერა საქართველოს სამოქალაქო საზოგადოებისა. ჩვენ, როგორც ევროპის სხვა ქვეყნები, გავაგრძელებთ ძალიან მკაფიო დაკვირვებას საქართველოს მდგომარეობისო, ვრჩებით როგორც დიდი მხარდამჭერი საქართველოს მოსახლეობის და მისი ევროპული გზის, მისი დემოკრატიული განვითარების და ველოდებით, რომ საქართველოს მთავრობამ მიიღოს აუცილებელი ნაბიჯები, რათა დასრულდეს კრიზისი და დაბრუნდეს ნდობა დემოკრატიული ინსტიტუტების. ჩვენ კარგად ვიცით, რომ კრიზისიდან გამოსვლა არის მხოლოდ ერთი – ეს არის ახალი საპარლამენტო არჩევნები. არცერთ სხვა ფორმას, არცერთ სხვა არჩევნების ჩატარებას არ აქვს უნარი, რომ ქვეყანაში დაასრულოს არა ანტიდემოკრატიული რეჟიმი, ანტიამერიკული, როგორც ამერიკელებმაც თქვეს და ანტიევროპული, როგორც ამბობენ ევროპელები. ერთადერთი მშვიდობიანი გზა არის ახალი საპარლამენტო არჩევნები“, – განაცხადა სალომე ზურაბიშვილმა.

პოლიტიკა • 1748698637

მიხეილ ყაველაშვილი: ბოლო არჩევნები მოქალაქეთა ინფორმირებულობის თვალსაზრისით ერთ-ერთი საუკეთესო იყო, რაც კი ოდესმე გვქონია. ოპოზიციურ ფლანგზე ქაოსი სუფევდა

ბოლო არჩევნები მოქალაქეთა ინფორმირებულობის თვალსაზრისით ერთ-ერთი საუკეთესო იყო, რაც კი ოდესმე გვქონია, - განაცხადა საქართველოს პრეზიდენტმა, მიხეილ ყაველაშვილმა ესპანურ გამოცემა El Mundo-სთან ინტერვიუში.პრეზიდენტის თქმით, ოპოზიციურ ფლანგზე ქაოსი სუფევდა.„ისინი კითხვის ნიშნის ქვეშ აყენებდნენ, მიიღებდნენ თუ არა მონაწილეობას არჩევნებში ერთად. მათ ამომრჩევლებისგან იმაზე მეტი მხარდაჭერა მიიღეს, ვიდრე მოსალოდნელი იყო: არჩევნებში მონაწილეობა მიიღო 2,2 მილიონმა ადამიანმა, საიდანაც 1,2 მილიონმა ხმა მისცა „ქართულ ოცნებას“, ხოლო 800 000-მა ხმა მისცა ოპოზიციურ პარტიებს, რომლებიც გაერთიანდნენ. როგორც კი არჩევნები დასრულდა, პირველი, ვინც განცხადება გააკეთა, ჩემი წინამორბედი [სალომე ზურაბიშვილი] იყო. ცენტრალურ საარჩევნო კომისიას ჯერ კიდევ არ ჰქონდა საბოლოო შედეგები გამოცხადებული და ის უკვე საუბრობდა! შემდეგ, ეს დეზინფორმაციული კამპანია, რომელიც რუსული ეფესბე-ს ოპერაციაზე საუბრობს. მან წარმოადგინა აბსოლუტურად დამაბნეველი მტკიცებულებები იმის შესახებ, რომ ერთმა პირმა 17 სხვადასხვა საარჩევნო ოლქში მისცა ხმა. ეს გარდაუვალი მარცხი იყო მათთვის, რადგან არჩევნებამდე არსებობდა საზოგადოებრივი აზრის გამოკითხვები, რომლებიც [ოპოზიციის] მარცხს პროგნოზირებდნენ“, - აღნიშნა მიხეილ ყაველაშვილმა.

პოლიტიკა • 1748696000

სახელმწიფოს ღირებულებები, ინტერესები და ურთიერთობა დასავლეთთან - გამოცემა El Mundo-ს ინტერვიუ საქართველოს პრეზიდენტ მიხეილ ყაველაშვილთან

ესპანურმა გამოცემამ El Mundo საქართველოს პრეზიდენტთან, მიხეილ ყაველაშვილთან ვრცელი ინტერვიუ ჩაწერა. ურთიერთობა დასავლეთთან, ქვეყნის ღირებულებები, ინტერესები, პოლიტიკური პროცესები, უცხოური დაფინანსება და გამჭვირვალეობა - ეს ის საკითხებია, რომლებზეც პრეზიდენტმა El Mundo-სან ისაუბრა.კითხვა: თქვენ ცოტა ხნის წინ განაცხადეთ, რომ ევროკავშირში გაწევრიანებას აზრი არ აქვს, თუ საქართველომ საკუთარი ღირებულებები უნდა მიატოვოს. მაინტერესებს, კონკრეტულად რა ღირებულებებზეა საუბარი და როგორ ემუქრება მათ ევროკავშირი?პრეზიდენტი მიხეილ ყაველაშვილი: ისტორიული პერსპექტივიდან გამომდინარე, ჩვენ საკუთარ თავს ევროპელებად ვთვლით. ყოველთვის ვიყავით პატარა ერი და ჩვენს გარემოცვაში გადარჩენისთვის ბრძოლა ჩვენთვის ფუნდამენტური იყო. ევროპის ნაწილად ყოფნის ძლიერი, ბუნებრივი სურვილი გვაქვს. 2012 წლის შემდეგ ევროკავშირთან დაახლოების პროცესი მნიშვნელოვნად დაჩქარდა. დღეს შეგვიძლია სიამაყით ვთქვათ, რომ ძლიერ პრეტენდენტებს შორის ლიდერები ვართ, ქვეყანა, რომელიც ევროკავშირის წევრობისთვის ყველა მოთხოვნას ასრულებს. თუმცა, ჩვენი არსებობისთვის მუდმივი ბრძოლის გამო, თუ რომელიმე გაერთიანება შეეცდება ჩვენი იდენტობის წართმევას, რა თქმა უნდა, ამას არ დავთანხმდებით. მინდა, რომ ჩვენი ევროპული ინტეგრაცია სამართლიანად წარიმართოს.კითხვა: თქვენ ახლახან განაცხადეთ, რომ საქართველო საუკეთესოდ ასრულებს ევროკავშირში გაწევრიანების მოთხოვნებს. თუმცა, რეალობა ისაა, რომ პროცესი გაწყვეტილია, დაბლოკილია როგორც ბრიუსელის, ასევე თბილისის მხრიდან. რა არის სიტუაციის მოსაგვარებლად შესაძლო გამოსავალი?პრეზიდენტი: პირველ რიგში, ბრიუსელი იკვლევს, რომელი ქვეყანა აკმაყოფილებს მოთხოვნებს და რომელი არა. მეორე, არსებობს ეგრეთ წოდებული შიდა საკითხები, რომლებიც თითოეული კანდიდატი ქვეყნის საქმეა. საქართველო ერთ-ერთი ფავორიტია, მაგრამ უსამართლო მოპყრობას იღებს. ეს მიდგომა არ ეხება ჩვენს გაწევრიანებას, არამედ სხვა, ჩვენს საკუთარ საკითხებს. და რადგან საქართველო კანდიდატია, ეს ფაქტი გამოიყენება მასზე ზეწოლისთვის. როდესაც ომი [უკრაინაში] დაიწყო, ეს იყო ერთ-ერთი ფაქტორი, რამაც განაპირობა ჩვენ წინააღმდეგ ზეწოლა ევროპული და ამერიკული სტრუქტურების გარკვეული წარმომადგენლების მხრიდან. მოითხოვეს, რომ საქართველოც ჩართულიყო ომში. მოთხოვნა თავდაპირველად კულისებში გაკეთდა. ჩვენ უარი ვთქვით და აქ პროცესების პროვოცირება დაიწყეს.კითხვა: თქვენ გულისხმობთ მოთხოვნებს საქართველოში მეორე ფრონტის გახსნის შესახებ?პრეზიდენტი: ეს მოთხოვნები გაკეთდა პირდაპირ ეთერში უკრაინის ხელისუფლების წარმომადგენლების მიერ. ისინი მოგვიწოდებდნენ: „რუსეთი დამარცხების პირასაა, თქვენ გაქვთ შესაძლებლობა დაიბრუნოთ დაკარგული ტერიტორიები“. მათ თქვეს: „თუ არ გსურთ სრულფასოვანი მონაწილეობა ომში, რატომ არ აგზავნით იარაღს, მოხალისეებს... არ აწესებთ სანქციებს?“ და ნახეთ, ჩვენ შევუერთდით ზოგად სანქციებს. მაგრამ ის სანქციები, რასაც ჩვენგან ითხოვდნენ, საქართველოსთვის ძალიან საზიანო იქნებოდა. ამიტომაც უარი ვთქვით. იარაღის გაგზავნას შეეძლო რუსეთის გაღიზიანება, რასაც ის ჩვენს მონაწილეობად ჩათვლიდა ომში და სამხედრო პასუხს გასცემდა. ამ შემთხვევაში, ვინ იქნებოდა პასუხისმგებელი, ვინ დაგვეხმარებოდა? ჩვენ არ ვართ ნატოს და არც ევროკავშირის წევრები. მაშ, ვინ დაგვეხმარებოდა რუსეთის თავდასხმის შემთხვევაში? იცით, რა იყო მათი პასუხი? „ჩვენ გამოგიგზავნით იარაღს“. დიახ, იარაღს რუსეთთან საბრძოლველად. ჩვენ უკვე გვქონდა სამი ომი რუსეთთან. საქართველო ძალიან რთულ მდგომარეობაში აღმოჩნდებოდა... და დასავლეთის ზეწოლა მას შემდეგ დაიწყო, რაც ამ მოთხოვნის შესრულებაზე უარი ვთქვით. ამის შემდეგ დაიწყო ზეწოლა საქართველოზე. და მათ [კანდიდატის] სტატუსი მიანიჭეს ამ ორ ქვეყანას [უკრაინას და მოლდოვას] და არა საქართველოს, სიტუაციის მანიპულირებისთვის, პრობლემების შესაქმნელად, იმის საჩვენებლად, რომ ხელისუფლების გამო, ქართველები შორდებიან ევროპას.კითხვა: მაგრამ არის კიდევ ერთი ფაქტორი. პროტესტების დაწყების შემდეგ, მიღებული იყო კანონები არასამთავრობო ორგანიზაციების, მანიფესტაციებისა და ლგბტ თემის შესახებ, რომლებიც გააკრიტიკეს ევროკავშირმა და არასამთავრობო ორგანიზაციებმა, მათ შორის „უცხოელი აგენტების შესახებ კანონი“. დამოუკიდებელმა ორგანიზაცია Amnesty International-მაც კი გააკრიტიკა ეს.პრეზიდენტი: საქართველოს გარკვეული მოთხოვნები წაუყენეს. ქვეყნებმა, რომლებიც ადრე მხარს უჭერდნენ ჩვენს ტერიტორიულ მთლიანობას, დაიწყეს ორმაგი სტანდარტების გამოყენება, რაც ჩვენი ქვეყნის მთლიანობას ემუქრებოდა... და მათ აქ ჰყავდათ თავიანთი მოკავშირეები. ვგულისხმობ არასამთავრობო ორგანიზაციებს, რომლებიც, მაგალითად, USAID-ის მიერ ფინანსდებოდნენ, მათ ჰქონდათ დიდი ფინანსური რესურსები და დაკავშირებული იყვნენ პოლიტიკურ ძალებთან. მათი მეშვეობით დაიწყო ზეწოლა. საქართველოში გვქონდა ინფორმაცია, რომ უზარმაზარი რაოდენობის ფული შემოდიოდა. და ეს ორგანიზაციები, არასამთავრობო ორგანიზაციები და პოლიტიკური პარტიები ასე ფინანსდებოდნენ. ეს უშუალოდ საქართველოს უსაფრთხოებას უკავშირდება. და ჩვენ გადავწყვიტეთ, მიგვეღო გამჭვირვალობის კანონი. უნდა განვმარტო ის მოთხოვნები, რაც დაწესებულია კანონში უცხოელი აგენტების გავლენის შესახებ. მაგალითად, თუ დაფინანსების 20% ან მეტი მიიღება, უნდა წარმოდგენილი იყოს სპეციალური განაცხადი. არცერთი საქმიანობა არ აიკრძალა, ეს მხოლოდ იმაზეა, რომ საზოგადოებას ვაჩვენოთ, ვინ აფინანსებს, რომელი ქვეყნიდან მოდის დაფინანსება და რაზე იხარჯება. რეიტინგებში საქართველოს მთავრობა ყოველთვის იყო ერთ-ერთი ლიდერი გამჭვირვალობით ევროპაში. USAID-ი აქ იყო, ადრე თანამშრომლობდა ჩვენთან, მაგრამ შემდეგ ვკითხეთ გამჭვირვალობის შესახებ, როგორ გავხადოთ გამჭვირვალე ის ფული, რასაც იღებდნენ. და მათ უარი თქვეს. და ახლა, არავინ მალავს, რომ ეს ორგანიზაციები - როგორც მარკო რუბიომ, ტრამპმა, ჯ. დ. ვენსმა თქვეს - მუშაობდნენ მთავრობების დასამხობად, რევოლუციების მოსაწყობად. და ამიტომაც დახურეს ისინი. ისინი აკონტროლებენ მედიას სხვადასხვა ქვეყანაში და სურდათ ეჩვენებინათ, რომ ჩვენ ვართ რუსული ხელისუფლება, რომ ჩვენ ვეწინააღმდეგებით ევროპას.კითხვა: ლგბტ ჯგუფების საქმიანობის კონტროლი- რამდენად მნიშვნელოვანია ეს საქართველოს უსაფრთხოებისთვის?პრეზიდენტი: რა თქმა უნდა, ეს მნიშვნელოვანია უსაფრთხოებისთვის. ჩვენ გვაქვს მოქმედი კონსტიტუცია, ანტიდისკრიმინაციული კანონი ყველა გარანტირებული უფლებით. ასევე გვაქვს ოჯახის სიწმინდის კანონი, კანონი, რომელიც იცავს მცირეწლოვან ბავშვებს ამ ტიპის ღირებულებებისგან. რეალურად, ჩვენ ეს თემა დიდად არ წამოგვიწევია, მაგრამ სწორედ აშშ-ის ამჟამინდელმა ხელისუფლებამ დაიწყო ამაზე საუბარი. ჩვენ მიგვაჩნია, რომ ოჯახი ქალისა და მამაკაცის თანაცხოვრებაა. ვთვლით, რომ არასრულწლოვანს არ უნდა ვკითხოთ, ბიჭია თუ გოგო. და ამ კანონებმა დაგვიცვა ამ თემისგან. ასევე გვაქვს დემოგრაფიული პრობლემა. რაც შეეხება გამჭვირვალობისა და უცხოელი აგენტების კანონს, იცით, რუსეთის გარდა რამდენი ქვეყანაა, რომელმაც მიიღო ეს კანონი? რატომ არის, რომ ამ კანონთან დაკავშირებით მხოლოდ რუსეთია ნახსენები? პარალელურად, ჩვენ მივიღეთ ამერიკული კანონი FARA.კითხვა: გასული წლის სადავო არჩევნების საკითხი საზოგადოების ნაწილს კვლავ ყოფს. უკმაყოფილოები ყოველდღიურ საპროტესტო აქციებს მართავენ რუსთაველის გამზირზე. რა წინადადებები გაქვთ ამ სიტუაციის მოსაგვარებლად?პრეზიდენტი: ბოლო არჩევნები მოქალაქეთა ინფორმირებულობის თვალსაზრისით ერთ-ერთი საუკეთესო იყო, რაც კი ოდესმე გვქონია. ოპოზიციურ ფლანგზე ქაოსი სუფევდა. ისინი კითხვის ნიშნის ქვეშ აყენებდნენ, მიიღებდნენ თუ არა მონაწილეობას არჩევნებში ერთად. მათ ამომრჩევლებისგან იმაზე მეტი მხარდაჭერა მიიღეს, ვიდრე მოსალოდნელი იყო: არჩევნებში მონაწილეობა მიიღო 2,2 მილიონმა ადამიანმა, საიდანაც 1,2 მილიონმა ხმა მისცა „ქართულ ოცნებას“, ხოლო 800 000-მა ხმა მისცა ოპოზიციურ პარტიებს, რომლებიც გაერთიანდნენ. როგორც კი არჩევნები დასრულდა, პირველი, ვინც განცხადება გააკეთა, ჩემი წინამორბედი [სალომე ზურაბიშვილი] იყო. ცენტრალურ საარჩევნო კომისიას ჯერ კიდევ არ ჰქონდა საბოლოო შედეგები გამოცხადებული და ის უკვე საუბრობდა! შემდეგ, ეს დეზინფორმაციული კამპანია, რომელიც რუსული ეფესბე-ს ოპერაციაზე საუბრობს. მან წარმოადგინა აბსოლუტურად დამაბნეველი მტკიცებულებები იმის შესახებ, რომ ერთმა პირმა 17 სხვადასხვა საარჩევნო ოლქში მისცა ხმა. ეს გარდაუვალი მარცხი იყო მათთვის, რადგან არჩევნებამდე არსებობდა საზოგადოებრივი აზრის გამოკითხვები, რომლებიც [ოპოზიციის] მარცხს პროგნოზირებდნენ.კითხვა: გასულ თვეში რუსეთის საგარეო საქმეთა მინისტრის მოადგილემ, მიხეილ გალუზინმა განაცხადა, რომ მოსკოვი მზადაა, თბილისთან დიპლომატიური ურთიერთობები აღადგინოს.პრეზიდენტი: ეს [ოკუპირებული] ტერიტორიები მხოლოდ მშვიდობიანი პროცესის გზით უნდა რეინტეგრირდეს. იქ მცხოვრები ხალხი საუკუნეების მანძილზე ჩვენთან ერთად იყო. ჩვენ ვიპოვით ძალას, რომ დავიწყოთ მათთან ურთიერთობის აღდგენა, რადგან ბევრი რამ გვაქვს საერთო. ჩვენ არ გადავხედავთ ჩვენს პოზიციას ამ ტერიტორიებთან დაკავშირებით, რადგან ისინი საქართველოს უძველესი ისტორიული ტერიტორიებია. უნდა აღინიშნოს, რომ ამის გამო ჩვენ არ გვაქვს დიპლომატიური ურთიერთობები რუსეთთან, და ეს პრინციპული საკითხია. რა თქმა უნდა, ჩვენ გავაუმჯობესებთ ჩვენს დამოკიდებულებას მოსკოვის მიმართ, თუ ისინი განსხვავებულ ზომებს მიიღებენ. დასამალი არაფერია. ყოველივე დანარჩენი სპეკულაციაა, მაგალითად, რუსეთის ხელისუფლებასთან ჩვენი დაკავშირების მცდელობა. რა მიდგომა იქნება რუსეთისთვის სასარგებლო ამ შემთხვევაში? ისინი [დასავლეთი] ძლიერად ცდილობენ, აქ ხელისუფლება შეცვალონ და ამ ქვეყანაში დესტაბილიზაცია გამოიწვიონ. მათ, ვისაც საქართველოს დესტაბილიზაცია სურს, უნდა ესმოდეთ, რომ ამ დესტაბილიზაციას სწორედ რუსეთი გამოიყენებს. რუსული არმია ჩვენგან 40 კილომეტრშია. [...] ჩვენ ვხედავთ რუსულ იმპერიალისტურ მისწრაფებას. მაგრამ როგორ აღვუდგეთ რუსეთს? სად ვიპოვოთ გამოსავალი? როდესაც პოლიტიკურ ასპარეზზე ჰეგემონი ქვეყნის ლიდერმა, დონალდ ტრამპმა, თქვა: „ომი შეცდომა იყო. მე რომ პრეზიდენტი ვყოფილიყავი, ომი არ იქნებოდა“.კითხვა: მსხვერპლი უკრაინაა. მაგრამ ვინ არის აგრესორი?პრეზიდენტი: რუსეთი! ეს ფაქტია. მაგრამ გვაქვს თუ არა ჩვენ, ან თქვენ, სიტუაციის შეცვლის ძალა? და აგრესიამდე, განა არ ვიცოდით უკვე, რომ რუსეთი ასეთი ძლიერი იყო?

პოლიტიკა • 1748634360

მიხეილ ყაველაშვილი: პრეზიდენტი ვარ, მაგრამ ვიყავი პარლამენტის წევრი, მყავს მეგობრები და მაქვს მათთან ურთიერთობა, გარე აქტორები როგორ გეგმავენ აქ პროცესებს. ვიცოდი, როგორ კეთდებოდა სალომე ზურაბიშვილზე აქცენტის გადატანა

პრეზიდენტი ვარ, მაგრამ ვიყავი პარლამენტის წევრი. ვიძახდი, მყავს მეგობრები და მაქვს მათთან ურთიერთობა, რომ მათი გარე აქტორები როგორ გეგმავენ აქ პროცესებს. მათი დაგეგმილი შეიძლება, ბევრმა არც იცოდა, მაგრამ მე ვიცოდი, როგორ კეთდებოდა სალომე ზურაბიშვილზე აქცენტის გადატანა, - განაცხადა საქართველოს პრეზიდენტმა, მიხეილ ყაველაშვილმა საქართველოს პირველი არხის გადაცემაში „აქტუალური თემა - მაკა ცინცაძესთან ერთად“.მიხეილ ყაველაშვილის თქმით, ახალგაზრდებს მონობაზე მოაწერინეს ხელი და ქსელიდან ვეღარ გამოდიან. მისივე განცხადებით, საკუთარი თავი თუ ვერ გადალახეს, სამწუხაროდ, კიდევ უფრო მეტი სასოწარკვეთა ელოდებათ წინ.„არქივი არსებობს, ამაზე ვსაუბრობდი, რომ მასზე გაკეთდებოდა აქცენტი, ალტერნატიული მთავრობის. ეს ძველი დაკვეთაა. ის ამას ვერ აუვლის გვერდს, ვიცოდით ამის შესახებ. ეს ყველაფერი მიბმულია პირდაპირ ამ თემაზე. მიკვდება გული. არ ვიცი, ვინ როგორ აიძულეს და რატომ დგამს ამ ნაბიჯს, მათ პასუხისმგებლობაზეა, სალომე ზურაბიშვილით დაწყებული, პოლიტიკოსებით დამთავრებული. ეს ახალგაზრდები თითქოს რომ ევროპაო და თავისუფლების სახელით გამოდიან, პირიქით აქვთ საფიქრალი - მონობაზე მოაწერინეს ხელი და ამ ქსელიდან ვეღარ გამოდიან. დაფიქრდნენ, ეს იქნება მათი პირველი ნაბიჯი, რომ საკუთარი თავი გადალახეს. ეს თუ ვერ გააკეთეს, სამწუხაროდ, კიდევ უფრო მეტი სასოწარკვეთა ელოდებათ წინ. რეალობა უნდა შეაფასონ. როგორ ატყუებენ, რომ ეს არ არის ტრამპის ნამდვილი წერილი, ასე შეასაღეს საზოგადოებას. ამის სჯერათ და გამოდიან, თავისუფლებაზე გელაპარაკებიან“, - განაცხადა მიხეილ ყაველაშვილმა.

პოლიტიკა • 1748622871

ლევან ნიკოლეიშვილი აქტივისტებისთვის 12-დღიანი პატიმრობის შეფარდებაზე: რას ნიშნავს ხალხის მიერ არჩეულ დეპუტატზე მივარდნა-შეურაცხყოფა და როგორ მოქმედებს კანონი სამართლებრივ სახელმწიფოში, ყველამ უნდა გაიგოს - სანატრელ დასავლეთში, ევროპასა და აშშ-ში ასე არ არის?

დღეს საკანში 12 დღით გაამწესეს ოპოზიციის ერთ-ერთი აქტივისტი, თავისი რადიკალიზმით გამორჩეული ვინმე თათია აფრიამაშვილი. ცნობისათვის ეს ის პირი გახლავთ, რომელიც დეპუტატ მარიამ ლაშხს კაფეში შეუვარდა, როდესაც ქალბატონი მარიამი იქ მცირეწლოვან შვილებთან იმყოფებოდა, - წერს “ერთიანი ნეიტრალური საქართველოს” წევრი, ლევან ნიკოლეიშვილი, სოციალურ ქსელში.მისი განცხადებით, დეპუტატზე მივარდნის და შეურაცხყოფის შემთხვევაში, როგორ მოქმედებს კანონი სამართლებრივ სახელმწიფოში, ყველამ უნდა გაიგოს. ნიკოლეიშვილის თქმით, ასე ხდება ოპოზიციის “სანატრელ დასავლეთში”.“დღეს საკანში 12 დღით გააწესეს ოპოზიციის ერთ-ერთი აქტივისტი, თავისი რადიკალიზმით გამორჩეული ვინმე თათია აფრიამაშვილი. ცნობისათვის ეს ის პირი გახლავთ, რომელიც დეპუტატ მარიამ ლაშხს კაფეში შეუვარდა, როდესაც ქალბატონი მარიამი იქ მცირეწლოვან შვილებთან იმყოფებოდა. დანაშაულის ჩამდენზე ე.წ. ოპოზიციურმა ტელევიზიებმა გამოგვიცხადეს, რომ თურმე ქალია (კიდევ კარგი მანდილოსნად არ შერაცხეს), სტუდენტია, მალე ალბათ ეროვნული გმირის სტატუსსაც მიანიჭებენ ( სად არა არის სალომე ზურაბიშვილი, თორემ რაიმე ორდენით თუ არა მედლით მაინც დააჯილდოებდა!), მაგრამ პასუხისმგებლობის აღება ასეთების ქცევა არავის არ უნდა, რევოლუციისა და რადიკალური ქმედებებისთვის სწორედ ოპოზიციას ჰყავს თავის დროზე მოქოქილი. რას ნიშნავს ხალხის მიერ არჩეულ დეპუტატზე მივარდნა-შეურაცხყოფა და როგორ მოქმედებს ამ შემთხვევაში კანონი სამართლებრივ სახელმწიფოში ყველამ უნდა გაიგოს და შეიგნოს. უკაცრავად, ქებულ და სანატრელ დასავლეთში, ევროპასა და აშშ-ში ასე არ არის?” - წერს ლევან ნიკოლეიშვილი.