სალომე ზურაბიშვილი

გუშინ ვაშინგტონში ვიხილეთ თანამედროვე სერგო ორჯონიკიძეები, რაც ძალიან სამწუხაროა, როდესაც ქართველი კარგავს სახეს და პირდაპირ უპირისპირდება საკუთარი სახელმწიფოს ეროვნულ ინტერესებს, ეს ტრაგიკული მოვლენაა - ირაკლი კობახიძე

გუშინ ვაშინგტონში ჩვენ ვიხილეთ თანამედროვე სერგო ორჯონიკიძეები, რაც, ბუნებრივია, ძალიან სამწუხაროა, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტის კითხვის საპასუხოდ განაცხადა, რომელიც ჰელსინკის კომისიაში გამართულ მოსმენას ეხებოდა, სადაც მომხსენებლები სალომე ზურაბიშვილი და თინა ხიდაშელი იყვნენ.მთავრობის მეთაურის შეფასებით, როდესაც ქართველი კარგავს სახეს, როდესაც ქართველი პირდაპირ უპირისპირდება საკუთარი სახელმწიფოს ეროვნულ ინტერესებს, ეს არის ტრაგიკული მოვლენა.პრემიერმა ასევე უპასუხა შეკითხვას, თუ რას ნიშნავს, როდესაც აღნიშნულ კონფერენციას მართავდა ჯო უილსონი, რომელიც კავშირშია ოპოზიციასთან.„ჯო უილსონი, პირველ რიგში, არის Deep State-ის აგენტი და მერე არის დაფინანსებული ლობისტი. ორივე ერთად არის, მაგრამ პირველ რიგში, ისიც არის Deep State-ის აგენტი, ისევე, როგორც სალომე ზურაბიშვილი, თინა ხიდაშელი. გუშინ ვაშინგტონში ჩვენ ვიხილეთ თანამედროვე სერგო ორჯონიკიძეები, რაც, ბუნებრივია, ძალიან სამწუხაროა. როდესაც ქართველი კარგავს სახეს, როდესაც ქართველი პირდაპირ უპირისპირდება საკუთარი სახელმწიფოს ეროვნულ ინტერესებს, ეს არის ტრაგიკული მოვლენა, თუმცა ეს არის მათი ტრაგედია. მეტ კომენტარს ამასთან დაკავშირებით ვერ გავაკეთებ“, - განაცხადა პრემიერ-მინისტრმა.

პოლიტიკა • 1757577534

დავით მათიკაშვილი: ქართველები საქართველოსადმი სიძულვილს საერთაშორისო არენაზე პროპაგანდირებდნენ - ჰელსინკის კომისია დღეს „დიფ სთეითის“ საცეცადაა გადაქცეული

ჰელსინკის კომისიაზე სალომე ზურაბიშვილის და თინა ხიდაშელის გამოსვლის ფაქტს პარლამენტის საპროცედურო საკითხთა და წესების კომიტეტის თავმჯდომარე დავით მათიკაშვილი გამოეხმაურა.„ქართველები საქართველოსადმი სიძულვილს ასე საერთაშორისო არენაზე პროპაგანდირებდნენ, ამბობდნენ სრულიად აბსურდულ, რაღაც მოვლენებსა და ფაქტებს, რომელსაც ადგილი რეალურად არ აქვს საზოგადოების ცხოვრებაში. ყველაზე მთავარი ის არის, რომ ეს აქცია, ეს შეთქმულება საქართველოს წინააღმდეგ არის ასე ყურადღებითა და გულდასმით მოსმენილი იმ ქვეყანაში, იმ ადამიანების მიერ და იმ სტრუქტურის მიერ, რომელიც ჩვენ ძალიან კარგად გვახსოვს, საბჭოურ პერიოდში, წლების განმავლობაში იყო დემოკრატიისა და თავისუფლების დამცველი - ჰელსინკის კომისია და დღეს არის „დიფ სთეითის“ რაღაც საცეცად გადაქცეული“, - განაცხადა მათიკაშვილმა.

პოლიტიკა • 1757577140

ირაკლი კობახიძე - ჩვენ ვიხილეთ თანამედროვე ორჯონიკიძეები გუშინ ვაშინგტონში, სამწუხაროა, როცა ქართველი კარგავს სახეს, პირდაპირ უპირისპირდება საკუთარი სახელმწიფოს ეროვნულ ინტერესებს

ჩვენ ვიხილეთ თანამედროვე სერგო ორჯონიკიძეები გუშინ ვაშინგტონში. სამწუხაროა, როდესაც ქართველი კარგავს სახეს, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.კობახიძის თქმით, ტრაგიკული მოვლენაა, როცა ქართველი პირდაპირ უპირისპირდება საკუთარი სახელმწიფოს ეროვნულ ინტერესებს.„ჯო ვილსონს რაც შეეხება, ის, პირველ რიგში, არის „დიფ სთეითის“ აგენტი და მერე არის დაფინანსებული ლობისტი. ორივე ერთად არის, მაგრამ პირველ რიგში, ისიც არის, რა თქმა უნდა, „დიფ სთეითის“ აგენტი, ისევე როგორც სალომე ზურაბიშვილი, თინა ხიდაშელი. ჩვენ ვიხილეთ თანამედროვე სერგო ორჯონიკიძეები გუშინ ვაშინგტონში. ბუნებრივია, ძალიან სამწუხაროა, როდესაც ქართველი კარგავს სახეს, როდესაც ქართველი პირდაპირ უპირისპირდება საკუთარი სახელმწიფოს ეროვნულ ინტერესებს. ეს არის ტრაგიკული მოვლენა, თუმცა ეს არის მათი ტრაგედია. მეტ კომენტარს ამასთან დაკავშირებით ვერ გავაკეთებ“, – განაცხადა ირაკლი კობახიძემ.

პოლიტიკა • 1757575070

"ახლა ბუნდოვანების დრო არ არის, საჭიროა ძალიან ცხადი პოლიტიკა საქართველოსთვის, რომელიც ცხადად გააჟღერებს ამერიკის ინტერესებს" - სალომე ზურაბიშვილი ჰელსინკის კომისიაში გამართულ მოსმენაზე

საქართველოს საკითხზე მოსმენა ჰელსინკის კომისიაში - "პარტნიორიდან პრობლემამდე: საქართველოს ანტიამერიკული გადახვევა“ - ამ სათაურით გამართულ შეხვედრას მოწმის სტატუსით საქართველოდან მიწვეული მხოლოდ ორი პირი - ყოფილი პრეზიდენტი, სალომე ზურაბიშვილი და თავდაცვის ყოფილი მინისტრი, თინა ხიდაშელი - ესწრებოდა. მოსმენას კონგრესმენი ჯო უილსონი ხელმძღვანელობდა.საუბრის ერთ-ერთი მთავარი თემა საქართველო ჩინეთს შორის არსებული სტრატეგიული ურთიერთობა იყო. ჩინეთთან ეკონომიკური თანამშრომლობის გამო, დამსწრეთა ნაწილმა თბილისის მისამართით კრიტიკული გზავნილები გაახმოვანა. გამოითქვა უკმაყოფილება საქართველოს ხელისუფლების მიერ მიღებულ სხვა გადაწყვეტილებებთან დაკავშირებითაც."უვიზო მიმოსვლა ჩინეთთან და ირანთან არის 360 გრადუსით შებრუნება ყოფილი საგარეო და შიდა პოლიტიკური კურსისგან, რაც ხელყოფს ქვეყნის დამოუკიდებლობას. ახლა ბუნდოვანების დრო არ არის, საჭიროა ძალიან ცხადი პოლიტიკა საქართველოსთვის, რომელიც ცხადად გააჟღერებს ამერიკის ინტერესებს", - აცხადებს საქართველოს ყოფილი პრეზიდენტი სალომე ზურაბიშვილი.არასამთავრობო ორგანიზაცია ”სამოქალაქო იდეის” თავმჯდომარემ თინა ხიდაშელმა განაცხადა, რომ საქართველოს გარეშე შუა დერეფანი არ იქნება."საქართველოს გარეშე შუა დერეფანი აღარ იქნება და თუ მას დავკარგავთ, გზა გაიხსნება ჩინეთისა და რუსეთისკენ. ასევე, მინდა, ხაზი გავუსვა ირანის ამბიციებსაც, საქართველოში "ქართულმა ოცნებამ" კავშირები გაამყარა ავტორიტარულ ძალებთან. მათ ჩინურ კომპანიებთან დაიწყეს თანამშრომლობა მაშინ, როდესაც ამერიკული კომპანიები დაბლოკეს შუა დერეფანში შესაძლებლობებისთვის", - აცხადებს არასამთავრობო ორგანიზაცია ”სამოქალაქო იდეის” თავმჯდომარე თინა ხიდაშელი.

მსოფლიო • 1757573147

„ქართულმა ოცნებამ“, [ჩინეთთან თანამშრომლობით], ამერიკული ბიზნესები სტრატეგიული სავაჭრო მარშრუტებისგან დაბლოკა - ჯო უილსონი

საქართველოს საკითხზე მოსმენა ჰელსინკის კომისიაში - "პარტნიორიდან პრობლემამდე: საქართველოს ანტიამერიკული გადახვევა" - ამ სათაურით გამართულ შეხვედრას, მოწმის სტატუსით, საქართველოდან მიწვეული მხოლოდ ორი პირი - ყოფილი პრეზიდენტი, სალომე ზურაბიშვილი და თავდაცვის ყოფილი მინისტრი, თინა ხიდაშელი ესწრებოდა.მოსმენას კონგრესმენი ჯო უილსონი ხელმძღვანელობდა.საუბრის ერთ-ერთი მთავარი თემა საქართველო ჩინეთს შორის არსებული სტრატეგიული ურთიერთობა იყო. ჩინეთთან ეკონომიკური თანამშრომლობის გამო, დამსწრეთა ნაწილმა თბილისის მისამართით კრიტიკული გზავნილები გაახმოვანა. გამოითქვა უკმაყოფილება საქართველოს ხელისუფლების მიერ მიღებულ სხვა გადაწყვეტილებებთან დაკავშირებითაც."ქართულმა ოცნებამ" ჩინეთის კომუნისტურ პარტიასთან თანამშრომლობა გადაწყვიტა. კარი გაუღო ჩინეთის გავლენას საქართველოს ეკონომიკასა და ინფრასტრუქტურაში და საკუთარი შავი ზღვის პორტი ჩინეთის კომუნისტურ პარტიას გადასცა, რითაც ამერიკული ბიზნესები სტრატეგიული სავაჭრო მარშრუტებისგან დაბლოკა", - აცხადებს აშშ-ს კონგრესმენი, ევროპაში უსაფრთხოებისა და თანამშრომლობის კომისიის (ჰელსინკის კომისია) თანათავმჯდომარე ჯო უილსონი.

პოლიტიკა • 1757512264

ჰელსინკის კომისიაში საქართველოს საკითხზე მოსმენაზე ინგლისურად კარგად მოლაპარაკე ორი ადამიანი შეარჩიეს, რომლებსაც შუბლზე ძარღვი არ აქვთ და რასაც ეტყვი, იმას ილაპარაკებენ - გია ვოლსკი

ჰელსინკის კომისიაში მოსმენაზე ინგლისურად კარგად მოლაპარაკე ორი ადამიანი შეარჩიეს, რომლებსაც შუბლზე ძარღვი არ აქვთ და რასაც ეტყვი, იმას ილაპარაკებენ, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკი ჰელსინკის კომისიაში საქართველოს საკითხზე მოსმენასთან დაკავშირებით დაუსვეს კითხვა.„მსოფლიოში სახიფათო პროცესი მიმდინარეობს და ისეთი ცრუ დამსმენლები, როგორიც ზურაბიშვილი და ხიდაშელია, სწორედ იმისთვის არიან ჩასული, რომ ამ დაპირისპირების პროცესს მეტი საწვავი მიაწოდონ. ამას „მეგობარი აქტი“ არ ჰქვია. თურმე საქართველოში ამერიკული კომპანიები მოდიან და ჩვენ ინვესტიციაზე ვეუბნებით უარს. თურმე იმდენი ჩინური ინვესტიციაა შემოსული, რომ ეს პოლიტიკურად დაიპყრობს საქართველოს. ასეთი რეალობა არ არსებობს. თურმე საქართველოში საგარეო კურსი შეიცვალა მაშინ, როცა 2012 წლიდან ვერცერთ მაგალითს დამისახელებთ, სადაც საქართველომ რუსეთის ინტერესებით იმოქმედა და რაიმე ღალატი ჩაიდინა თავისი მოკავშირეების მიმართ. ასეთი არ არსებობს. ინგლისურად კარგად მოლაპარაკე ორი ადამიანი შეარჩიეს, რომლებსაც შუბლზე ძარღვი არ აქვთ და რასაც ეტყვი, იმას ილაპარაკებენ. რაც შეეხება ჯო უილსონის საქართველოს და მისი ხელისუფლებისადმი დაპირისპირებას, ეს ცნობილი ფაქტია. არ არის გამორიცხული, ის პოლიტიკური ინტერესების ჯგუფს ლობირებდეს“, – განაცხადა გია ვოლსკიმ.ცნობისთვის, ჰელსინკის კომისიაში 10 სექტემბერს საქართველოს საკითხზე მოსმენა გაიმართება, მოწმეებად მიწვეული არიან სალომე ზურაბიშვილი, თინათინ ხიდაშელი და ლუკ კოფი.

პოლიტიკა • 1757321838

კახა კალაძე ჰელსინკის კომისიის სხდომასა და „მეგობარ აქტზე“: ჩვენ არაფერს არ ველოდებით - კიდევ ერთხელ გამოვხატავთ მზაობას, რომ აშშ-თან ურთიერთობები ახალი ფურცლიდან დაიწყოს

ჰელსინკის კომისიის 10 სექტემბერს ჩანიშნულ სხდომასთან დაკავშირებით, სადაც ერთ-ერთი მოწმის სახით, საქართველოდან სალომე ზურაბიშვილია მიწვეული, საქართველოს ხელისუფლება არაფერს ელოდება. დღეს ამერიკის შეერთებულ შტატებს ჰყავს ახალი პრეზიდენტი, ახალი ადმინისტრაცია და საქართველოს ხელისუფლება მზად არის გადაიდგას კონკრეტული ნაბიჯები, - განაცხადა დედაქალაქის მერმა კახა კალაძემ ჟურნალისტის შეკითხვის პასუხად.მისი თქმით, საქართველოს ხელისუფლებამ ბევრჯერ გააჟღერა თავისი პოზიცია და ურთიერთობების ახალი ფურცლიდან დაწყების მზაობა.„არაფერს ველოდებით. ჩვენი დამოკიდებულება ძალიან ბევრჯერ გავაჟღერეთ, ბოლოს პრეზიდენტმა ღია წერილით მიმართა აშშ-ის პრეზიდენტს და კიდევ ერთხელ გამოვხატავთ მზაობას, რომ ურთიერთობები დაიწყოს ახალი ფურცლიდან.კატეგორიულად მიუღებელია წინა ადმინისტრაციის პირობებში არსებული დამოკიდებულება, რომელიც დაფუძნებული იყო ტყუილზე, სიცრუეზე, ბევრი მუქარა მოვისმინეთ, რომელიც გაჯერებული იყო ცილისმწამებლური ინფორმაციით.თუმცა, ამ ყველაფრის მიუხედავად, ამერიკის შეერთებულ შტატებს დღეს ჰყავს ახალი პრეზიდენტი, ახალი ადმინისტრაცია და საქართველოს ხელისუფლება მზად არის გადაიდგას კონკრეტული ნაბიჯები ჩვენი მხრიდან, მათი მხრიდან, რომ ურთიერთობები ახალი ფურცლიდან დაიწყოს“, - აღნიშნა კახა კალაძემ.

პოლიტიკა • 1756968583

Responsible Statecraft: საქართველოს ევროკავშირში გაწევრიანების გზა კვლავ შეჩერებულია, მიუხედავად იმისა, რომ მთავრობა კვლავ გამოხატავს მზადყოფნას მათი პირობების გათვალისწინებით ეს კურსი გააგრძელოს

„საქართველოს აშკარად მიისწრაფვის, რომ საკუთარი გზა გაკვალოს, რაც მოიცავს პირველ რიგში საკუთარი ეროვნული ინტერესების დაყენებას და შემდეგ იმ საკითხების გადაჭრას, რაც ამჟამინდელ მთავრობას დასავლეთის ქვეყნების მიერ რეჟიმის შეცვლის მცდელობებად მიაჩნია.“,- ვკითხულობთ გავლენიანი ონლაინგამოცემა Responsible Statecraft-ის მიერ გამოქვეყნებულ სტატიაში.სტატიის ავტორი საქართველოს პრეზიდენტის მიერ, დონალდ ტრამპის მისამართით გამოქვეყნებულ ღია წერილზე წერს, სადაც მიხეილ ყაველაშვილი „დიფ სთეითის“ აქტიურობაზე ამახვილებს ყურადღებას.„პრეზიდენტი ყაველაშვილი თავის წერილში ტრამპს არწმუნებს, რომ აშშ-ის „დიფ სთეითი“ კვლავ ისეთივე აქტიურია, როგორც უწინ, მიუხედავად პრეზიდენტ ტრამპის გადაწყვეტილებისა, შეემცირებინა უცხოური დახმარება, რამაც მნიშვნელოვანი გავლენა იქონია არასამთავრობო ორგანიზაციებთან დაკავშირებული მედიასაშუალებების მხარდაჭერაზე“,- ვკითხულობთ სტატიაში.იან პრაუდის სტატიაში საქართველოს ევროკავშირში გაწევრიანების გზასთან დაკავშირებითაც გამახვილებულია ყურადღება. ავტორი აღნიშნავს, რომ გაწევრიანების გზა კვლავ შეჩერებულია, მიუხედავად იმისა, რომ მთავრობა კვლავ გამოხატავს მზადყოფნას მათი პირობების გათვალისწინებით ეს კურსი გააგრძელოს.„ევროპული ელიტების მხრიდან საქართველო კვლავ გარიყულია, ნაწილობრივ იმ გაუგებარი მიზეზით გაღიზიანებისა და დეკემბრის ჩავარდნილი მცდელობის გამო, როდესაც ისინი შეეცადნენ ყოფილი ფრანგი დიპლომატი, სალომე ზურაბიშვილი პრეზიდენტად შეენარჩუნებინათ. საქართველოს ევროკავშირში გაწევრიანების გზა კვლავ შეჩერებულია, მიუხედავად იმისა, რომ მთავრობა კვლავ გამოხატავს მზადყოფნას მათი პირობების გათვალისწინებით ეს კურსი გააგრძელოს.“,- აღნიშნულია Responsible Statecraft-ის სტატიაში.

პოლიტიკა • 1756968168

Responsible Statecraft:„ქართული ოცნების“ მთავრობა მრავალვექტორულ საგარეო პოლიტიკას ატარებს, რაც ჩინეთთან კავშირების გაღრმავებასაც მოიცავს

პოლიტიკა • 1756903380

კახა კალაძე: საქართველო ყველაფერს გააკეთებს, რომ ჩინეთთან ურთიერთობა მეტად გაღრმავდეს, კონკრეტული კონგრესმენების განცხადებები ტყუილზეა დაფუძნებული და ცილისწამებას შეიცავს

საქართველო ყველაფერს გააკეთებს, რომ ჩინეთთან ურთიერთობა მეტად გაღრმავდეს. კონკრეტული კონგრესმენების განცხადებები ტყუილზეა დაფუძნებული და ცილისწამებას შეიცავს, – ამის შესახებ თბილისის მერმა, კახა კალაძემ განაცხადა.კალაძეს კითხვა დაუსვეს ჰელსინკის კომისიაში საქართველოს საკითხზე დაგეგმილ მოსმენასთან დაკავშირებით, სადაც მოწმეებად მიწვეული არიან სალომე ზურაბიშვილი, თინათინ ხიდაშელი და ლუკ კოფი, ასევე ჰელსინკის კომისიის განცხადების იმ ნაწილზე, სადაც ნათქვამია: „საქართველო ერთ დროს აშშ-ის ძირითადი პარტნიორი და კავკასიაში თავისუფლების შუქურა იყო. დღეს მმართველი პარტია „ქართული ოცნება“ ქვეყანას რუსეთის ორბიტაზე აბრუნებს და ჩინეთთან და აშშ-ის სხვა მოწინააღმდეგეებთან ურთიერთობას აღრმავებს“.„მთელმა საქართველომ იცის, ვინ არის აგენტურა, რას წარმოადგენენ, ვის ებრძვიან. ჩინეთთან ურთიერთობას რაც შეეხება, ამ ქვეყანასთან სტრატეგიული ურთიერთობა ძალიან მნიშვნელოვანია. მსოფლიოს სხვა ქვეყნები მიისწრაფვიან, რომ ჩინეთთან მეგობრული ურთიერთობა ჰქონდეთ. მნიშვნელოვანია იმ შესაძლებლობების გამოყენება, რაც ჩინეთს აქვს. საქართველო ყველაფერს გააკეთებს, რომ ჩვენი ურთიერთობა მეტად გაღრმავდეს, უფრო დაახლოვდეს ჩვენი ეკონომიკა. კონკრეტული კონგრესმენების განცხადებები ტყუილზეა დაფუძნებული, შეიცავს ცილისწამებას. რამდენიმე დღის წინ პრეზიდენტმაც გამოაქვეყნა წერილი, სადაც ჩანს, რა არის ჩვენი სულისკვეთება და მთავარი მიზანი – ურთიერთობები ახალი ფურცლიდან დაიწყოს“, – განაცხადა კახა კალაძემ.

პოლიტიკა • 1756894020

ლევან მახაშვილი: ჯო უილსონის კომისიის მიერ დადგმული ცირკი საინტერესო არ არის, მიწვეული არიან ადამიანები, რომლებიც საქართველოში პირდაპირ ხელს უწყობდნენ რევოლუციურ სცენარებს

ჯო უილსონის კომისიის მიერ დადგმული ცირკი საინტერესო არ არის, მიწვეული არიან ადამიანები, რომლებიც საქართველოში პირდაპირ ხელს უწყობდნენ რევოლუციურ სცენარებს, – ამის შესახებ ევროპასთან ინტეგრაციის კომიტეტის თავმჯდომარემ, ლევან მახაშვილმა განაცხადა.მახაშვილს ჰელსინკის კომისიაში საქართველოს საკითხზე დაგეგმილ მოსმენასთან დაკავშირებით დაუსვეს კითხვა.„ჩვენთვის ნაკლებად საინტერესოა ჯო უილსონის კომისიის მიერ დადგმული ცირკი, რაც მანამდეც გვინახავს. სავარაუდოდ ახლაც ერთგვარი შაპიტო იქნება, სადაც მიწვეული არიან ის ადამიანები, რომლებიც საქართველოში პირდაპირ უწყობდნენ ხელს რევოლუციურ სცენარებს, საზოგადოებრივი შუღლისა და შფოთის გაღრმავებას. ამიტომ, ჩვენთვის ეს ნაკლებად საინტერესოა. ისინი არ არიან ის ადამიანები, რომლებსაც გულწრფელად აღელვებთ საქართველოს ბედი, რომლებსაც საქართველოს მომავალზე რაიმე სიტყვა ეთქმით. ამიტომ, ჩვენთვის ჯო უილსონის ცირკი საინტერესო არ არის“, – განაცხადა ლევან მახაშვილმა.ჰელსინკის კომისიაში 10 სექტემბერს საქართველოს საკითხზე მოსმენა გაიმართება, მოწმეებად მიწვეული არიან სალომე ზურაბიშვილი, თინათინ ხიდაშელი და ლუკ კოფი.

პოლიტიკა • 1756878622

ჰელსინკის კომისია აცხადებს, რომ “ქართულმა ოცნებამ“ ძირი გამოუთხარა საქართველოს სუვერენიტეტს ჩინური ინვესტიციების მოზიდვით, მოსმენაზე კი მოწმეებად სალომე ზურაბიშვილს და თინა ხიდაშელს იბარებს

ჰელსინკის კომისია, რომლის მოსმენაზე მოწმეებად სალომე ზურაბიშვილი და თინა ხიდაშელი არიან დაბარებული, განცხადებას ავრცელებს, სადაც ნათქვამია, რომ „ქართულმა ოცნებამ” საქართველოს სუვერენიტეტს ძირი გამოუთხარა ჩინური ინვესტიციების მოზიდვით.განცხადების თანახმად, რეგიონში აშშ-ის ინტერესებს, მმართველი გუნდის ქმედებებით საფრთხე ექმნება.„საქართველო ერთ დროს აშშ-ის მთავარი პარტნიორი და კავკასიაში თავისუფლების შუქურა იყო. დღეს მმართველი პარტია „ქართული ოცნება“ ქვეყანას რუსეთის ორბიტაზე აბრუნებს და ჩინეთთან და აშშ-ის სხვა მეტოქეებთან ურთიერთობებს აღრმავებს. ბოლო რამდენიმე წლის განმავლობაში, „ქართულმა ოცნებამ“ საქართველოს ინსტიტუტები დაასუსტა და ძირი გამოუთხარა საქართველოს სუვერენიტეტს ჩინური ინვესტიციების მოზიდვით, ამავდროულად კი, აშშ-ის კომპანიებისთვის შუა დერეფნის ვაჭრობასა და ცენტრალური აზიის იშვიათ მინერალებზე წვდომის დაბლოკვით. მათ დაიჭირეს ოპოზიციის წარმომადგენლები, გამოიყენეს ძალადობა მშვიდობიანი დემონსტრანტების წინააღმდეგ და უარი თქვეს ძალაუფლების დათმობაზე არჩევნების შემდეგ, რომელიც არალეგიტიმურად ფართოდ იქნა აღიარებული. ეს რეგიონში აშშ-ის ინტერესებს დაუყოვნებელ და სერიოზულ საფრთხეს უქმნის“, - ნათქვამია განცხადებაში.ჰელსინკის კომისია მოსმენას, სახელწოდებით - „პარტნიორიდან პრობლემამდე: საქართველოს ანტიამერიკული გადახვევა“ 10 სექტემბერს გამართავს.კომისია, ყოფილი პრეზიდენტის, სალომე ზურაბიშვილისა და თავდაცვის ყოფილი მინისტრის, თინა ხიდაშელის გარდა, ჰადსონის უნივერსიტეტის მკვლევარს, ლუკ კოფისაც მოუსმენს.