პოლიტიკა • 1765371424

ირაკლი კირცხალია „სამთავრობო ქალაქის“ აშენების გეგმაზე: თუ გადაწყდა, ეს არცერთ შემთხვევაში არ უნდა დააწვეს ბიუჯეტს

სააკაშვილის გადაწყვეტილებაზე, ქუთაისში პარლამენტის გადატანის შესახებ, კომენტარისგან თავს შევიკავებ. რა დაჯდა და როგორ დაჯდა, ძალიან კარგად იცის საზოგადოებამ, - განაცხადა ფრაქცია „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კირცხალიამ.„თუ ეს გადაწყდა [სამთავრობო ქალაქი] ეს არცერთ შემთხვევაში არ უნდა დააწვეს ბიუჯეტს, მეორე, ნებისმიერი შენობა, რომელიც ჩანაცვლდება და გადაინაცვლებს სხვა ადგილზე დედაქალაქში, აუცილებლად იქნება გამოყენებული არა მხოლოდ ამ თემის ინვესტიციისთვის, არამედ საშუალო და გრძელვადიან პერიოდში ჩვენი ეკონომიკის სტიმულირებისთვის.„სამთავრობო ქალაქში“ ყველა ინსტიტუცია ერთად, ერთ უბანში მოქცეული სწორი და გამართლებული პრაქტიკაა. ეს ეფექტურობას ერთი ორად ზრდის და ეს გამოცდილია სხვადასხვა ქვეყანაში. იდეა არის ძალიან კარგი. სააკაშვილს რა იდეა ჰქონდა, რა განახორციელა და სად მიიყვანა ქვეყანა, ყველამ ვნახეთ“, - აღნიშნა კირცხალიამ.საქართველოს მთავრობა „სამთავრობო ქალაქის“ აშენებას გეგმავს.

პოლიტიკა • 1765301707

„ქართველმა ხალხმა რადგან ჯერ ვერ მოიცალა, რომ ჩემთვის ციხის კარი გაეღო, გადავწყვიტე, თვითონ გაგიღოთ კარები და შიგნით შემოგიპატიჟოთ...“ - მიხეილ სააკაშვილი

საქართველოს მესამე პრეზიდენტი მიხეილ სააკაშვილი, სოციალურ ქსელში, რუსთავის პენიტენციურ დაწესებულებაში არსებულ პირობებზე წერს.„წერილი რუსთავის კალათბურთის ციხის ლიგიდან, მინდა, ცოტა გაგახალისოთ.რადგან ქართველმა ხალხმა ჯერ ვერ მოიცალა, რომ ჩემთვის ციხის კარი გაეღო, გადავწყვიტე, მე თვითონ გაგიღოთ ეს კარები და შიგნით შემოგიპატიჟოთ.მოკლედ, რუსთავის მე-12 პენიტენციური დაწესება – ქართული პოლიტელიტის და ინტელექტუალების ამჟამინდელი კლუბი – welcome!ყვარყვარეს ციხე ძალიან გადატენილია, მე შემიძლია, სამი წლის წინანდელ მდგომარეობას შევადარო. დერეფნებში მუდმივი ტრაფიკია. სახე-აჭარხლებული ბადრაგების რაციიდან მუდმივად ისმის ხმა – ამასთან ადვოკატი მოვიდა, ის სასეირნოდ ჩაიყვანეთ, სხვა დააყოვნეთ და ა.შ.რადგან ბადრაგს შევეხე, აქ ისინი იყოფიან ორ ძირითად კატეგორიად თვალების მიხედვით – შუშისთვალებიანებად და თანამგრძნობ-თვალიანებად. დაახლოებით შუაზე არიან გაყოფილები. ამ ორივე კატეგორიას და ციხის უფროსს შორის არის რეჟიმის 2 უფროსი – 1 ბოროტი და 1 უფრო ადამიანური. ბოროტმა თავი ჯერ კიდევ 3 წლის წინ გამაცნო, როცა ჩემს მოსანახულებლად მოსული ბუბა კიკაბიძე ჩემ თვალწინ ცუდად გახდა, ხოლო ამ ტიპმა ცოცხალი თავით ექიმი არ შემოუშვა. შედარებით ადამიანური სამ დღეში ერთხელ გვეცხადება და წვრილმან საკითხებს გვიგვარებს.როგორც უკვე აღვნიშნე, თითქმის ყველა ვართ აქ ის ხალხი, ვინც ივანიშვილის პარლამენტში არ შევიდა და აქაოდა არ გეგონოთ, არ შეხვედით და თავისუფლად ივლითო, ჭორვილელმა აქ მოუყარა თავი, აქ არის თავისუფლების მოედანზე პერფორმანსის მომწყობი, მსოფლიოში სახელგანთქმული მომღერალი, რომელზეც სულ მახსენდება „აბა ყვავების ვინ დაიჭერს კარგო, გალიაში ბულბულები ზიან“ ის ჩემს ქვემოთ იმყოფება და როგორც ჩანს არ ემღერება.სამაგიეროდ, ყოველ საღამოს ქვემოდან მოგვესმის კატის ჭყავილი, რომლის ხმასაც ჩემი კიეველი ფისოს (მიშას) კნავილს ვამსგავსებ. ჩემგან ერთი საკნის იქით არის კაცი, რომელსაც დეკლარირებულად არ სურს ჩემთან 1 ჰექტარზე ყოფნა, მაგრამ არ უჯერებენ და ჩემგან 7 ნაბიჯში (საკუთარი ფეხით გადავზომე) ამყოფებენ.ჩემ გვერდით საკანში ერთ დროს მაფიასთან შეუპოვრად მებრძოლი პროკურორია, რომელიც ჩემ მიმართ სოლიდარობას იმით გამოხატავს, რომ როცა მე კარებზე კაკუნით ბადრაგს ვიძახებ, და ბადრაგი არ მოდის, ისიც იწყებს კაკუნს, მადლობა მურთაზ, მე ყოველთვის მესმის და ვაფასებ.როგორც სტალინი იჭერდა ძველ რევოლუციონერებს, აქაც ჯურღმულში იმყოფება ძველი რევოლუციონერი ჩე გივირა (თარგამაძე) რომელიც თავის დროზე შიშის ზარს სცემდა შუა აზიის დიქტატორებს და ლუკაშენკოს. ახლა კი ჩემი არ იყოს ოპუსებს წერს ციხიდან.რაც შეეხება რუტინას, დღეში ერთხელ ადვოკატს ვხვდები და როცა ზოგჯერ ვერ მოდის, თავს იმ ბალღივით ვგრძნობ, საბავშვო ბაღში რომ არ მიაკითხეს. გარდა ამისა ყოველდღე ვმონაწილეობ კალათბურთის საერთაშორისო ტურნირში. ტურნირი ტარდება სეირნობისთვის გამოყოფილ ვოლიერში, დაახლოებით 30 კვადრატულ მეტრში, სადაც ზემოდან ჯერ გისოსებია და შემდეგ ცა.თავის დროზე „ნორჩ დინამოელში“ ვთამაშობდი, სადაც ლევან ინწკირველი მწვრთნიდა, შემდეგ კიევის უნივერსიტეტის გუნდში ბევრ აფრიკელ სტუდენტთან ერთად. ჰოდა ახლა დავუბრუნდი სიყრმეს და მე საქართველოს მესამე პრეზიდენტი, რეგულარულად ვეთამაშები და ვამარცხებ აი იმ უკრაინის მოქალაქეს, ზელენსკის რეფორმათა თავმჯდომარედ რომ მუშაობს, ყოველდღე ორ ნახევარ საათიან ტაიმს ვთამაშობთ. ერთი კია, რომ ადმინისტრაცია უარს მეუბნება მედლის გადმოცემაზე, იმ მოტივით რომ ბურთი სტანდარტებს არ შეესაბამება და ვოლიერში ფარი არ ჰკიდია, თანაც ამტკიცებენ რომ ზელენსკის წარმომადგენელს კი არა, საკუთარ თავს ვეთამაშები (ნუ შეიძლება არ ცდებოდნენ) ამიტომ ვაპირებ კალათბურთის ფედერაციის გვერდის ავლით, პირდაპირ FIBA-ში ჩივილს, რომ თუ ჩემს სხვა დამსახურებებს არ აღიარებთ, სპორტული მიღწევები მაინც დააფიქსირეთ თქვე უღმერთოებო თქვენა!ვოლიერში არის კიდევ ერთი ბედნიერება, მე-4 წლის მზის უნახავმა, როგორც იქნა დავინახე მზე. ნუ მთლად ასე ადვილად არა, მზე ვოლიერს ისე უდგება, რომ უნდა ძალიან გაიჭიმო ფეხისწვერებზე, რომ შუბლზე და თვალებზე მოგანათოს და კიდევ თუ იხტუნავებ, მთელს სახეზე იგრძნობ. მოკლედ მზეთუნახავიდან გარდავიქმენი – მზეზე მხტომარე არსებად.ტურნირიდან სართულზე ამოსვლისას უკვე გვარამიას საკნის მიმდებარე ტერიტორიაზე (დერეფნის დასაწყისში) დერეფნის ბოლოდან, სადაც ჩემი საკანია, ცხვირში მხვდება შემწვარი თევზისა და ხახვის მძაფრი სუნი, დაახლოებით ისეთი ნიუ-იორკში კოლუმბიის უნივერსიტეტში სწავლის დროს საერთო საცხოვრებელში რომ გამოდიოდა, ჩინელი სტუდენტების ოთახებიდან.საქმე იმაშია, რომ ციხის საკვებზე თავიდანვე უარი ვთქვი. ერთადერთხელ გამოვართვი პური, რომელსაც დმანისის სამარხებში ნაპოვნის გემო ჰქონდა და ვუკვეთავ საკვებს ციხის მაღაზიიდან. ოღონდ ეს მაღაზია თქვენ რამე რესტორანი არ გეგონოთ, თუმცა რესტორანზე ბევრად ძვირია. შეკვეთის მიღებას 3-4 დღე უნდა და თან არ გქონდეთ ილუზია, რომ რასაც შეუკვეთავ იმას მოგიტანენ.მე მაგალითად, წინა კვირას შევუკვეთე ქათამი და ამათ მომიტანეს სკუმბრია. მერე ხაჭაპური და ამათ მოიტანეს მყრალი გაყინული სტავრიდა. მერე ამ ყველაფერს ხო მომზადება ხომ უნდა – ხოდა შევიძინე თურქული ელექტრო ტაფა (რა თქმა უნდა, უხარისხო და ატკატით ნაყიდი – 150 ლარი ღირდა). უკვე მესამე ტაფა შევისყიდე, ვინაიდან ამ ტაფის ჩართვა უფრო საფრთხიანია, ვიდრე პარაშუტით გადმოხტომა. წინა ორი ტაფა ამიფეთქდა, ისე რომ შნურიდან ცეცხლი გამოვიდა, ხოლო სახურავი ორჯერ შემეყარა სახეში წვრილ ნამსხვრევებად.ხოდა ვარ ასეთ გაწამაწიაში, მთელი კედლები წინა ტაფების ნარჩენებში და შხეფებშია. მერე ამ ყველაფერს გარეხვა უნდა და მე ჩემი გამოუცდელობით, მთელი ორი კვირა ჭურჭელს ტუალეტის სარეცხი დომესტოსით ვრეცხავდი, ხოლო ტუალეტს ჭურჭლის სითხით. ტუალეტი რა თქმა უნდა თურქულია, ხოლო თუ მუხლებზე პრობლემა გაქვთ, მისით სარგებლობა ყოველ ჯერზე ოლიმპიურ ასპარეზობას ემსგავსება.ნუ ხომ კიდევ ბადრაგის ოთახში რამდენჯერმე ის კაცი მომხვდა თვალში, თვალებმოჭუტული, რომელიც სწორედ ისაა ვინც სამი წლის წინ ამ ციხეში საკვები შემომიტანა, რომლის გასინჯვის შემდეგ ერთი წელი სიკვდილთან ძალიან ახლოს ვიმყოფებოდი და დღემდე ვერ ვგრძნობ კიდურებს და უამრავი სხვა დატოვებული სიმპტომი მაქვს. ხოდა დაახლოებით შორიახლოს ჩასაფრებულ ნიანგს ჰგავს ეს სიტუაცია. სხვათა შორის ბადრაგების ოთახში მუდმივად აქვთ ჩართული ოპოზიციური არხები, ხოლო კვირის ბოლოს მთელი ხმით აღრიალებენ „ნოდარ მელაძის შაბათს“.იმ დღეს სოფო მოვიდა ყოველთვიურ ვიზიტზე (ფანჯრის აქეთ-იქიდან ვსაუბრობთ ტელეფონით, რომელიც სულ წივის) და ვინაიდან მრავალი წელია, არც ამღერებენ და არც ფილმებში იღებენ, თავი უცხებ ციხეებზე გადაღებულ უცხოურ ფილმში წარმოიდგინა, გრძელი დერეფნებით, რომლებიც გეგონება არ მთავრდება, გასაღებების და რკინის კარების ჩხაკუნით, ნახევრად ბნელი, მოქუფრული სივრცეებით, მოღუშული თანმხლები ბადრაგით. სოფოს ასევე უცებ გაახსენდა მრავალი წლის წინ „ვერის უბნის მელოდიებში“ თამაში, როცა მას, როგორც მრეცხავ ვარდოს , ციხეში სვამენ შეშის მოპარვისთვის.ეს ყველაფერი ნახევრად ხუმრობით და ისე ამ ღირსეული ადამიანების ყოველი შემდეგი დღე ციხეში დიდი დანაშაულია მათი გამომკეტავების. ეს ხალხი ახლა საოპერო სცენებს უნდა იპყრობდეს, ახალ იუსტიციის სახლებს იგონებდეს, ახალ მედიებს ქმნიდნენ, ნამდვილ პარლამენტში უნდა ისხდნენ – მოკლედ ქვეყანას, რომელთაც ესენი ძალიან სჭირდებათ, უნდა ემსახურებოდნენ, ხოლო დანარჩენ პატიმრებს ბევრად უფრო ადამიანური მოპყრობა სჭირდებათ.დიდება თავისუფლებას, თავისუფლებას დიდება!“, – წერს მიხეილ სააკაშვილი. 

პოლიტიკა • 1765219448

ხელწერა იგივეა, რაც მიხეილ სააკაშვილის შემთხვევაში ვნახეთ - ისევ მოწამვლაზე საუბრობენ... იგივე მოლაპარაკე თავები წამოაყენეს - შალვა პაპუაშვილი

ხელწერა, რომელიც ჩვენ ვნახეთ მიხეილ სააკაშვილის შემთხვევაში, როგორც დაბრალება, აქაც მოწამვლა, ზუსტად იგივე ხაზი, რაც იყო მიხეილ სააკაშვილის დროს, ზუსტად იგივე მოლაპარაკე თავები წამოაყენეს, - პარლამენტის თავმჯდომარე შალვა პაპუაშვილი ამის შესახებ "ღამის კურიერის" ეთერში აცხადებს.შალვა პაპუაშვილის განცხადებით, კოორდინირებული მოქმედებებისთვის გამოიყენეს იგივე სახეები."ხელწერა, რომელიც ჩვენ ვნახეთ მიხეილ სააკაშვილის შემთხვევაში, როგორც დაბრალება, აქაც მოწამვლა, ზუსტად იგივე ხაზი, რაც იყო მიხეილ სააკაშვილის დროს, ზუსტად იგივე მოლაპარაკე თავები წამოაყენეს და კარგი მანიშნებელი და ინდიკატორი იყო ბროუდერი, ნავალნის ადვოკატი იყო თუ რაღაც ასეთი ისტორია აქვს, ადამიანი, რომელმაც თავი დაგვამახსოვრა სააკაშვილთან დაკავშირებით, იქაც ტყუილებით, იქაც მოწამვლაზე საუბრობდა. სააკაშვილის ავანტიურის შემდეგ გაქრა და ახლაც ისევ მოწამვლის თემებზე, ეს დეზინფორმაციის მუმია კიდევ ერთხელ წამოაყენეს. თქვა ერთი წინადადება და ისევ დაიკარგა ეს ადამიანი. ეს ხომ აჩვენებს, რომ ეს იყო კოორდინირებული მოქმედება პროპაგანდისტული ცრუ ნარატივების კოორდინირებული გავრცელება", - აცხადებს შალვა პაპუაშვილი.

პოლიტიკა • 1765208520

როგორ მოხდა, რომ ძირითადად ჯენზის მოწამვლის გასაპროტესტებლად, ჯენზი თითქმის არ მივიდა - მიხეილ სააკაშვილი

ისე როგორ მოხდა, რომ ძირითადად ჯენზის მოწამვლის გასაპროტესტებლად ჯენზი თითქმის არ მივიდა, – ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.„არ დამიწყოთ ახლა, პოლიტიკოსებმა გაუცრუეს იმედებიო. ნეპალში ჯენზის არც ერთმა პოლიტიკოსმა არ დაუჭირა მხარი (ჩემმა ჯენზი შვილმა ნიკუშამ, რომელიც მაშინ ნეპალში იმყოფებოდა, მომიყვა) და ასევე უკრაინაში ანტიკორუფციული ორგანოების დასაცავად ამ ცოტა ხნის წინ მხოლოდ ჯენზი გამოვიდა, პოლიტიკოსების გარეშე.პოლიტიკოსებმა ძირითადად თავდადება გამოავლინეს, არ შეუშინდნენ რა ყვარყვარეს ციხეს. თავდადება აჩვენეს ჯენზი ახალგაზრდებმაც, ხოლო ახლანდელ სიტუაციაზე ყველას გვმართებს დაფიქრება“, – წერს მიხეილ სააკაშვილი. 

პოლიტიკა • 1765127729

მიხეილ ყაველაშვილი BBC-ის ფილმზე: ჩვენ უარი ვთქვით დავალებების შესრულებაზე და ეს არის "დიფსთეითის" საპასუხო ნაბიჯები მათ მიერ კონტროლირებადი საშუალებებით

ისეთ ფონს ქმნიან, რომ დამოკიდებულება ჩვენი ქვეყნის მიმართ კიდე უფრო მეტად გაამძაფრონ და ეს ერთადერთი იქიდან გამომდინარეობს, რომ ჩვენ უარი ვთქვით მათი დავალებების შესრულებაზე. ეს არის დაკვეთა - ჩვენ უარი ვთქვით და ეს არის „დიფსთეითის“ საპასუხო ნაბიჯები, მათ მიერ კონტროლირებადი სხვადასხვა საშუალებებით, - ამის შესახებ საქართველოს პრეზიდენტმა მიხეილ ყაველაშვილმა, გადაცემაში „იმედის კვირა“ BBC-ის სიუჟეტზე საუბრისას განაცხადა, სადაც ნათქვამია, რომ 2024 წლის ბოლოს, რუსთაველზე მიმდინარე აქციების დასაშლელად სპეცრაზმმა, შესაძლოა, პირველი მსოფლიო ომის დროინდელი ქიმიური იარაღი გამოიყენა.პრეზიდენტმა მიხეილ სააკაშვილთან დაკავშირებული აჟიოტაჟი გაიხსენა, თითქოსდა სახელმწიფო მას აწამებდა და აღნიშნა, რომ „ბიბისის“ სიუჟეტი და სააკაშვილის ე.წ წამების საქმე ერთი და იგივეა, რადგან ორივე მიზანმიმართულ დეზინფორმაციას ემსახურება. „მძიმე წონის მიზანმიმართულ დეზინფორმაციას ეწევიან. რა თქმა უნდა მძიმე წონად ითვლება „ბიბისის“ ტელევიზიით გაშუქებული ეს დეზინფორმაცია, მაგრამ ჩვენ ვნახეთ მიხეილ სააკაშვილთან დაკავშირებული დეზინფორმაცია, როგორი სახე ჰქონდა ამ ყველაფერს, ხომ გახსოვთ როგორი ზეწოლა იყო? თითქმის ყველა საელჩომ, ელჩებმა დემონსტრაციულად პროტესტი გამოუცხადეს საქართველოს ხელისუფლებას, ყველა მედია საშუალებით გაშუქდა, რომ მიხეილ სააკაშვილი არის მძიმე მდგომარეობაში, ქართული სახელმწიფო მას აწამებს, ის არის სიკვდილის პირას და მთელმა მსოფლიო საზოგადოებამ უნდა მოვთხოვოთ, რომ გათავისუფლდეს და გაგზავნილი იყოს სხვა ქვეყანაში, რომ უმკურნალონ და გადაარჩინონ მიხეილ სააკაშვილი.როგორი შეტევა იყო მაშინ, ყველა მედია საშუალებით შუქდებოდა ეს და როგორი მოთხოვნა იყო და ამათო მოთქმა, რადიკალური ფრთის პირდაპირ ეთერში ტირილი, რომ მიხეილ სააკაშვილი კვდება და ხვალ შეიძლება ვეღარ გადარჩეს და რამე უნდა ვიღონოთ. ეს ერთი და იგივე თემაა", - განაცხადა მიხეილ ყაველაშვილმა.

პოლიტიკა • 1765029022

გამოძიების შედეგად დადასტურდა, რომ შსს-ს შეძენილი აქვს ნივთიერება, რომელიც გამოიყენება სხვადასხვა ქვეყანაში და ეს ნივთიერება მოწოდებული იყო ისრაელის მხრიდან - გამოდის, რომ "ბიბისი" ისრაელს ბრალს სდებს აკრძალული ნივთიერების საქართველოსთვის მიყიდვაში - არჩილ გორდულაძე

როდესაც უცხოეთის სპეცსამსახურების მიერ პირდაპირ დავალებით და მართვით, "ბიბისი" ავრცელებს დეზინფორმაციას, რომლის მიზანია, ჩვენი ქვეყნის რეპუტაცია იყოს დაზიანებული, რა თქმა უნდა, ქართულ სპეცსამსახურებს უნდა ჩაეტარებინათ გამოძიება და შედეგიც ვნახეთ. შედეგი არის ის, რაც ცნობილი იყო ისედაც საზოგადოებისთვის და საზოგადოების აბსოლუტურ უმრავლესობას არც კი დაუჯერებია, რომ 1930 წლის შემდეგ აკრძალული ნივთიერება საქართველოში მოხვდებოდა, - ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.მისი თქმით, სუს-ში მიმდინარე გამოძიებამ გამოავლინა, რომ შსს-ს ისეთი ნივთიერება აქვს შეძენილი, რომელიც სხვა ქვეყნებშიც გამოიყენება საჭიროების დროს და ეს ნივთიერება საქართველოს ისრაელმა მოაწოდა. გორდულაძის განცხადებით, გამოდის, რომ "ბიბისი" ისრაელს სდებს ბრალს აკრძალული ნივთიერების მიყიდვაში, რაც აბსოლუტური ნონსენსია. "მნიშვნელოვანი ფაქტია, ისევ და ისევ ამ გამოძიების შედეგად დადასტურდა, რომ შსს-ს შეძენილი აქვს ნივთიერება, რომელიც გამოიყენება სხვადასხვა ქვეყანაში, როდესაც არსებობს სპეციალური საჭიროება, ძალადობრივი აქციების და მასების მართვის შემთხვევაში და ეს ნივთიერება მოწოდებული იყო ისრაელის მხრიდან. ახლა გამოდის, რომ ბიბისი თურმე ისრაელს ბრალს სდებს აკრძალული ნივთიერების საქართველოსთვის მიყიდვაში, რაც არის აბსოლუტური ნონსენსი, აბსოლუტური ტყუილი. კიდევ ერთხელ დასტურდება, რომ სპეცსამსახურებს და უცხოურ ძალებს ჰქონდათ სურვილი, რომ ჩვენს ქვეყანაში გამოეწვიათ არეულობა, ხალხის ლეგიტიმური აღშფოთება, რომელიც საბოლოო ჯამში გადაიზრდებოდა არეულობაში და აგენტურა მოვიდოდა ხელისუფლებაში. კიდევ ერთი მაგალითია იმისა, თუ როგორ შეიძლება ქვეყნის ინტერესების საწინააღმდეგოდ, გარედან დაფინანსებული პირები იბრძოდნენ ჩვენი ქვეყნის ინტერესების საწინააღმდეგოდ - ზუსტად იგივე, რაც იყო რამდენიმე წლის წინ მიხეილ სააკაშვილის ე.წ. მოწამვლასთან დაკავშირებით, რაზეც სტრასბურგის სასამართლოს უკვე ნამსჯელი აქვს, მიღებული აქვს გადაწყვეტილება, რომ მიხეილ სააკაშვილს უნდა ეჭამა, ჭამა და კარგად გახდა, შესაბამისად, ის არის პენიტენციურ დაწესებულებაში." - განაცხადა არჩილ გორდულაძემ. 

პოლიტიკა • 1765018858

სამი "საოცრება" ჩვენს ქვეყანაში: სააკაშვილი დემენციისგან სრულად განიკურნა. საარჩევნო უბნებზე ქალბატონებმა დაჟინებული მზერით 400.000 ხმა გააყალბეს. "კამიტით მოწამლული”აკაცუკი 1 წლის თავზე მოვლენებს პირდაპირ ეთერში იხსენებს - ირაკლი კირცხალია

საპარლამენტო უმრავლესობის ლიდერი ირაკლი კირცხალია სოციალურ ქსელში ქვეყანაში ბოლო წლების განმავლობაში მომხდარ მოვლენებთან დაკავშირებით პოსტს აქვეყნებს. კირცხალია იმ „საოცრებების“ ჩამონათვალს აკეთებს, რაც ბოლო დროს ქვეყანაში მოხდა.„სამი "საოცრება" ჩვენს ქვეყანაში ბოლო წლების განმავლობაში მიმდინარე საოცრებების სერიიდან: 1. სააკაშვილი დემენციისგან სრულად განიკურნა. 2. საარჩევნო უბნებზე ძვირფას ქურქში გამოწყობილმა ქალბატონებმა დაჟინებული მზერით 400.000 ხმა გააყალბეს. 3. ქიმიური თავდასხმის დროს "კამიტით მოწამლული”აკაცუკი 1 წლის თავზე მოვლენებს პირდაპირ ეთერში იხსენებს. დაზარალებული მხოლოდ თუთიყუში დარჩა, რომელსაც ბუმბული დაცვივდა“- წერს ირაკლი კირცხალია.  

პოლიტიკა • 1764936771

მსჯავრდებული მიხეილ სააკაშვილი „ქუჩის ბირჟების“ თემაზე ფოტოკონკურსს აცხადებს და გამარჯვებულებს მისი ხელმოწერით წიგნს ჰპირდება

სჯავრდებული მიხეილ სააკაშვილი ფოტოკონკურსს აცხადებს და გამარჯვებულებს მისი ხელმოწერით წიგნს ჰპირდება.„ვაცხადებ კონკურს ფოტოებზე, რომლებზეც ასახული იქნება 90-იანი წლების და დღევანდელი ქუჩის ბირჟები საქართველოში.საუკეთესო სამი გზავნილის ავტორი დაჯილდოვდება (გავუგზავნით) ჩემი წიგნით, პირადი მიძღვნის ხელმოწერით.გამარჯვებულებს გამოვავლენთ ერთ კვირაში", - წერს სააკაშვილი.

პოლიტიკა • 1764929141

ზურაბ ქადაგიძე BBC-ის სტატიაზე: ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები ვერ მიხვდნენ? მიხვდა მიშამადიდებელ ექიმთა კასტა, რომლებმაც პირდაპირი დარტყმა მიაყენეს საკუთარ კოლეგებს

"ექიმი ხელმძღვანელობს არა მხოლოდ კანონით, არამედ მორალით და რა გამოდის - ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები, ზოგადად ქართული სამედიცინო სივრცის მუშაკები ვერ მიხვდნენ??? მიხვდა მხოლოდ კონკრეტული მიშამადიდებელ ექიმთა კასტა, რომლებმაც პირდაპირი დარტყმა მიაყენეს საკუთარ კოლეგებს!" - ამის შესახებ "ხალხის ძალის" დეპუტატი, ზურაბ ქადაგიძე BBC-ის მიერ გამოქვეყნებული ინფორმაციის შესახებ წერს.როგორც ქადაგიძე აღნიშნავს, ბრიტანული მედია სრულად პოლიტიზირებულ მოსაზრებებს დაეყრდნო."დავესეხები პატიოსან და ჭეშმარიტად მაღალი მორალის მქონე ექიმების განცხადებას: პროფესიონალურ კვლევას სამი კომპონენტი განაპირობებს - ობიექტურობა, ნეიტრალურობა და კომპეტენტურობა. თვითონ "ფეიკ-კვლევის ავტორებმა აღიარეს, რომ არცერთი ეს კომპონენტი არ გაუთვალისწინებიათ. შესაბამისად, სრულად პოლიტიზირებულ ნაჯღაბნ მოსაზრებებს დაეყრდნო "ბიბისი", თუმცა ეს მათი პრობლემაა. ჩვენ საზოგადოებაში კი სხვა, უფრო დიდმა პრობლემამ იჩინა თავი - ექიმი ხელმძღვანელობს არა მხოლოდ კანონით, არამედ მორალით, გაცილებით მაღალ ხარისხში და რა გამოდის - ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები, ზოგადად ქართული სამედიცინო სივრცის მუშაკები ვერ მიხვდნენ??? მიხვდა მხოლოდ კონკრეტული მიშამადიდებელ ექიმთა კასტა, რომლებმაც მხოლოდ უცხო ძალების პოლიტიკა კი არ აკეთეს, პირდაპირი დარტყმა მიაყენეს საკუთარ კოლეგებს! ასეთ პოლიტიზირებულ და ბოროტ მიზნებს მორგებული საქციელით ხომ სრულიად ქართული სამედიცინო სფერო წაბილწეს?! დიახ, ეს იყო სააკაშვილის ნატვრა, შეექმნა "მიშას თაობა" - "ახალი ადამიანი", რომელიც აბსოლუტურად დაცლილია ყველანაირი მორალური მდგენელისგან, პროფესიული რეპუტაციისგან და ღირსებისგან. ნუ, ინგლისური ენა ვაღიაროთ, ნამდვილად მაღალ დონეზე იციან..." - წერს ქადაგიძე Facebook-ზე.

პოლიტიკა • 1764852083

ირაკლი ქადაგიშვილი: დაუნდობელი ბრძოლა მიდის და ჩვენ ამ დაუნდობელ ბრძოლაში თავი უნდა გადავირჩინოთ, ესაა საქართველოს ნომერ პირველი ამოცანა

ჩვენ თუ ჰელსინკის კომისიის განცხადებებს თავიდან ბოლომდე გავყვებით, ყოველთვის ტყუილზე იყო დამყარებული. სააკაშვილი ხომ ლამის დამარხეს – ჯვარი სწერია, ღმერთმა დიდხანს აცოცხლოს – მაგრამ ბოდიში მოიხადეს? ამაზე ხომ არ მოუხდიათ ბოდიში? – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.ქადაგიშვილის თქმით, დაუნდობელი ბრძოლა მიმდინარეობს, ამიტომ ქვეყანას გადარჩენა სჭირდება.„საქართველოს ამის გამო ხომ ასანქცირებდნენ. ახლა ხომ ათასობით ქართველის მოწამვლას ხელი მოაწერეს ისე, რომ არც კი უკითხავთ, სიმართლეა თუ ტყუილი. გამიძიებასაც და სანქციებსაც ითხოვენ. მაგათი მიზანი, ხომ ვიცით, რა არის? უილსონს ფული რაში აქვს აღებული, ხომ ვიცით? როდემდე უნდა ვიყოთ ამათი შანტაჟის შემყურენი და ასე ვუყუროთ, როგორ დაგვაშანტაჟებენ, ათასი უბედურებისკენ როგორ გვიბიძგებენ? ჩვენ, ბოლოს და ბოლოს, სახელმწიფო ვართ, ერი ვართ, თავმოყვარეობა არ გაგვაჩნია?! შეიძლება ყოველი „ფეიკის“ გარშემო ქვეყანაში დაძაბულობა იყოს და ახალი შხამი შემოდიოდეს? ამ რეალობას თვალი უნდა გავუსწოროთ და მივხვდეთ, რომ ეს სამყარო ვარდისფერი ფერებით დახატული არ არის. დაუნდობელი ბრძოლა მიდის და ჩვენ ამ დაუნდობელ ბრძოლაში თავი უნდა გადავირჩინოთ. ესაა საქართველოს ნომერ პირველი ამოცანა“, – განაცხადა ქადაგიშვილმა.ჰელსინკის კომისიის წარმომადგენლებმა, აშშ-ის ჰელსინკის კომისიის თავმჯდომარემ, სენატორმა როჯერ უიკერმა, თანათავმჯდომარემ, კონგრესმენმა ჯო უილსონმა, სენატორმა შელდონ უაითჰაუსმა და კონგრესმენმა სტივ კოენმა გაავრცელეს განცხადება, სადაც აღნიშნულია: „ცნობები, რომ „ქართულმა ოცნებამ“ მომიტინგეების წინააღმდეგ ქიმიური იარაღი გამოიყენა, შემაშფოთებელია, მოვუწოდებთ აშშ-ის მთავრობას, მოკავშირეებს, გადაამოწმონ ეს ცნობები და სანქციები დააწესონ“.

პოლიტიკა • 1764844299

კახა კალაძე: სრული პასუხისმგებლობით ვამბობ, რომ არანაირი აკრძალული ნივთიერება არ ყოფილა გამოყენებული

თბილისის მერის, კახა კალაძის განცხადებით, გასული წლის საპროტესტო აქციების დასაშლელად ხელისუფლებას არავითარი აკრძალული ნივთიერება არ გამოუყენებია.კალაძის თქმით, ეს ყველაფერი არის საქართველოს წინააღმდეგ აგორებული კამპანია.„ეს არის ძალიან დიდი სიცრუე და ცრუ კამპანია, რაც პირველი შემთხვევა არ არის. ჩვენ ძალიან ბევრი ასეთი ფაქტი და სპეკულაცია გვახსოვს. აღნიშნული მიმართულებით გამოძიება დაწყებულია. ერთი რამ შეიძლება ითქვას, რომ არანაირი ნივთიერება არ ყოფილა გამოყენებული, რომელიც აკრძალულია, ამას სრული პასუხისმგებლობით ვამბობ. დანარჩენი – დაველოდოთ გამოძიებას, რომელშიც ყველაფერი იქნება დადასტურებული კონკრეტული ფაქტებით და კვლევებით“, – განაცხადა კახა კალაძემ.ამასთან, მერის თქმით, ეს არის მიზანმიმართული პროვოკაცია, რაც პირველი შემთხვევა არ არის.„როდესაც ვრცელდება მიზანმიმართული სიცრუე, დაფუძნებული ტყუილზე, მოგონილზე, არანაირი ფაქტი, არანაირი მტკიცებულება – ეს არის მცდელობა ქვეყნის წინაღმდეგ. იგივე კეთდებოდა, როდესაც გვიმტკიცებდნენ, თითქოს სააკაშვილი იყო მოწამლული და მთელი თვეების განმავლობაში მიმდინარეობდა ცრუ კამპანია ქვეყნის წინააღმდეგ, თუმცა არანაირი დამადასტურებელი ფაქტი არ არსებობდა. ეს იყო რეალურად პიარკამპანია, რომელშიც თანხები იყო გადახდილი, რაც მოგვიანებით გაირკვა. ამ ტიპის სპეკულაციებთან გვაქვს საქმე ამჯერად „ბიბისის“ მხრიდან“, – აღნიშნა მერმა.მისივე თქმით, აქციების დაშლა ხდება მსოფლიოს სხვადასხვა ქვეყანაშიც და საქართველოს ხელისუფლება იყენებს იმ მეთოდებს, რომელიც მიღებულია.„მხოლოდ საქართველოში ხომ არ ხდება აქციების დაშლა. ჩვენ ვხედავთ, როგორ ხდება ეს მსოფლიოს სხვადასხვა ქვეყანაში. კიდევ ერთხელ ვიმეორებ: არაფერი ყოფილა გამოყენებული, რაც არის აკრძალული. რაც დაშვებულია და მისაღებია, ის იყო გამოყენებული. ჩვენ ხომ „ბიბისი“ არ ვართ, რომ ტყუილზე დაფუძნებული ინფორმაცია მივაწოდოთ საზოგადოებას. არანაირი მტკიცებულება არ გამოუქვეყნებიათ. ჯერ გვიმტკიცებდნენ, რომ ასე იყო, შემდეგ კი სავარაუდოდო, უკვე უკან დაიხიეს, რადგან ეს არის ტყუილი. ამიტომ არის გამოძიება დაწყებული, რომ  ყველა კითხვას გაეცეს ამომწურავი პასუხი, რომ საზოგადოებაში არ დარჩეს არავითარი პასუხგაუცემელი კითხვა“, – აღნიშნა თბილისის მერმა.მისივე თქმით, კონკრეტულად რა ნივთიერება იყო გამოყენებული აქციების დასაშლელად, ეს გამოძიების დასრულების შემდეგ გახდება ცნობილი.„შინაგან საქმეთა მინისტრმა აღნიშნულთან დაკავშირებით გააკეთა განმარტება. მე იმაზე მეტს ვერაფერს ვიტყვი. მე ვამბობ იმას, რაც თქვა შს მინისტრმა, რომ არაფერი ყოფილა გამოყენებული ისეთი, რაც არის აკრძალული. რა იყო გამოყენებული, ამას გვეტყვის გამოძიება კონკრეტული კვლევით, კონკრეტული დასკვნით“, – აღნიშნა თბილისის მერმა.

პოლიტიკა • 1764824146

მაია ნიკოლეიშვილი: როცა საუბრობ იმაზე, რაც არ იცი, მაგრამ იცი, რომ ამას შენი ქვეყნისთვის მოყვება ცუდი შედეგი, ეს არის უკვე მავნებლური უპასუხისმგებლობა და თუ ამის უკან კონკრეტული მიზანია, ეს არის სისხლის სამართლის დანაშაული მათ ხომ იციან, რომ ტოქსიკოლოგები არ არიან და ჰაერზე ლაპარაკობენ

შენ საუბრობ იმაზე, რაც არ იცი, მაგრამ აუცილებლად იცი, რომ ამას საქართველოსთვის, შენი ქვეყნისთვის, მოყვება შედეგი, ეს არის უკვე მავნებლური უპასუხისმგებლობა და თუ ამის უკან კონკრეტული მიზანია, როცა ამდენი ადამიანი ამას ამბობს, თუ ეს კონკრეტული მიზანია, ეს არის სისხლის სამართლის დანაშაული, - ამის შესახებ ექსპერტმა, მაია ნიკოლეიშვილმა, გადაცემაში „ვახო ხუზმიაშვილის თავისუფალი სივრცე“ განაცხადა.მაია ნიკოლეიშვილი იმ ადამიანების ქმედებას, რომლებიც არ არიან ტოქსიკოლოგები, მაგრამ მაინც საუბრობენ მომწამვლელი ნივთიერებების არსებობაზე, მათი მხრიდან „მავნებლურ უპასუხისმგებლობას“ უწოდებს. „კიდევ კარგი, გამოძიება რომ დაიწყო, იმიტომ რომ ჩვენ გვახსოვს მსგავსი შემთხვევა ექსპრეზიდენტ სააკაშვილის მიმართ - რადიაქტიული ნივთიერებები, მოწამვლა, მან ითავხედა და მე ეს ხალხი მწამლავდა და კიდევ მომწამლავენო. მაშინ ეს მავნებლური უპასუხისმგებლობა დარჩა დაუსჯელი. ჩვენ უპასუხისმგებლობას როგორც მორალურ კატეგორიას ისე ვუყურებთ, მაგრამ არა - ვიყოთ ობიექტურები, არსებობს უპასუხისმგებლობა, როდესაც არავის არანაირ ვნებას არ აყენებ და რაღაც უპასუხისმგებლობით რაღაც მცირედი გადაცდომა მოხდა. მაგრამ არის უპასუხისმგებლობა, ანუ შენ საუბრობ იმაზე, რაც არ იცი, მაგრამ აუცილებლად იცი, რომ ამას საქართველოსთვის, შენი ქვეყნისთვის მოყვება შედეგი - ეს არის უკვე მავნებლური უპასუხისმგებლობა და თუ ამის უკან კონკრეტული მიზანია, როცა ამდენი ადამიანი ამას ამბობს, თუ ეს კონკრეტული მიზანია, ეს არის სისხლის სამართლის დანაშაული. აქ რეგულირებას  [რეგულირების სააგენტოს], მე არც შევაწუხებდი ამ საკითხზე, რადგან თუ მათ მიზანმიმართულად გააკეთეს ეს და ჩვენ ბევრი ვნახეთ, მიზანმიმართულად საკუთარი ქვეყნის წინააღმდეგ მოქმედება - ჩემი აზრით, ეს არის სახეზე. მათ ხომ იციან, რომ ტოქსიკოლოგები არ არიან, მათ ხომ იციან, რომ ჰაერზე ლაპარაკობენ. ეს ხომ იციან, თუ ერთმანეთში ჭორაობენ სამზარეულოში, ან ოფისში ჯანდაბას, მაგრამ ისინი BBC-ის აძლევენ მასალას, ეს ქვეყნის გარეთ გასვლაა. ჩემი აზრით, ეს არის მავნებლური უპასუხისმგებლობა და თან საქართველოს საზიანოდ, თორემ მათი შემოსავალი ჩვენ არ გვაინტერესებს; უხდიან, არ უხდიან - არ მაინტერესებს, საქართველოს ვნებ, ამიტომ, ჩემი აზრით, ეს უნდა იყოს დასჯადი. როდესაც სააკაშვილის მიმართ ის დემენცია, რომელიც გამოჩნდა, რომ დაუსაბუთებელი იყო, რადიაქტიული ნივთიერებები, როდესაც ასეთ იდიოტობებზე რეაგირება არ ხდება და ჩვენ გვეცინებოდა ამაზე, იქ ძაღლებიც ყეფდნენ ამაზე მგონი ორკესტრირებულად, როცა ჩვენ ამას ვთვლიდით სიგიჟედ და გვეცინებოდა. თურმე არ ყოფილა გასაცინი, თურმე იქვე პასუხისმგებლობა უნდა მოყოლოდა ამ ნათქვამს. აი ამ დაწერილს, რომელსაც ხელი მოაწერა ადამიანმა, რომ რადიაქტიული ნივთიერებებით იყო მოწამლულიო, იქვე პასუხისმგებლობა, რომ არ მოყვა, იმიტომ მოხდა ეს.“- განაცხადა მაია ნიკოლეიშვილმა.