სააკაშვილი

შალვა პაპუაშვილი: სააკაშვილი-ბოკერია-ადეიშვილის კრიმინალურმა რეჟიმმა ადამიანის ღირსების წინააღმდეგ საშინელი დანაშაული ჩაიდინა, ბრიუსელის სხვადასხვა კორიდორებში კი მათ ფართოდ გაუღეს კარი

ვიცით, რომ პირადი ცხოვრების ამსახველი ფარული ჩანაწერებში, რომელიც სააკაშვილი-ბოკერია-ადეიშვილის კრიმინალურ რეჟიმს ჰქონდა დაგროვილი, მათ შორის მათივე გუნდის წევრებთან დაკავშირებული ჩანაწერებიც იყო. ასე რომ, დიდი ეჭვი მაქვს, რომ მსგავსი ჩანაწერები ბარამიძეზეც ჰქონდეთ და, რა თქმა უნდა, ასეთ სისულელეებს ალაპარაკებენ, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.პაპუაშვილს კითხვა დაუსვეს გია ბარამიძის მიერ „კასრების საქმეზე“ გაკეთებულ კომენტართან დაკავშირებით, „რომ კასრებში იარაღი ინახებოდა, რაც იყო თავდაცვითი ზღუდე, თუკი მტერი შემოვიდოდა გარკვეულ მანძილზე, ჩვენს პარტიზანულ ფორმირებებს ჰქონოდათ ადგილი, სადაც მონახავდნენ იარაღს და გამოიყენებდნენ მტრის წინააღმდეგ“.„სააკაშვილი-ბოკერია-ადეიშვილის კრიმინალურმა რეჟიმმა ადამიანის ღირსების წინააღმდეგ საშინელი დანაშაული ჩაიდინა. როცა ამის შემდეგ ვხედავთ, რომ ფართოდ გაუღეს გულის კარები ევროპარლამენტში და ბრიუსელის სხვადასხვა კორიდორებში სააკაშვილ-ბოკერია-ადეიშვილის კრიმინალური რეჟიმის წარმომადგენლებს. ეს კიდევ ერთხელ ადასტურებს, რა ღირებულებით უფსკრულშია ის ხალხი, ვინც მათ ხელს ართმევს და მათთან ერთად სხვადასხვა პარტიულ ღონისძიებას მართავს და მხარს უჭერს“,- განაცხადა პაპუაშვილმა.

პოლიტიკა • 1783941396

შალვა პაპუაშვილი: დიდი ეჭვი მაქვს, რომ პირადი ცხოვრების ამსახველი ფარული ჩანაწერები ბარამიძეზეც ჰქონდეთ და ასეთ სისულელეებს ალაპარაკებენ

ვიცით, რომ პირადი ცხოვრების ამსახველი ფარული ჩანაწერები, რომელიც სააკაშვილი-ბოკერია-ადეიშვილის კრიმინალურ რეჟიმს ჰქონდა დაგროვილი, მათ შორის მათივე გუნდის წევრებთან დაკავშირებული ჩანაწერები იყო. ასე რომ, დიდი ეჭვი მაქვს, რომ მსგავსი ჩანაწერები ბარამიძეზეც ჰქონდეთ და რა თქმა უნდა, ასეთ სისულელეებს ალაპარაკებენ, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.პაპუაშვილს კითხვა დაუსვეს გია ბარამიძის მიერ „კასრების საქმეზე“ გაკეთებულ კომენტართან დაკავშირებით, რომელმაც განაცხადა, რომ კასრებში იარაღი ინახებოდა.„სააკაშვილი-ბოკერია-ადეიშვილის კრიმინალურმა რეჟიმმა ადამიანის ღირსების წინააღმდეგ საშინელი დანაშაული ჩაიდინა. როცა ამის შემდეგ ვხედავთ, რომ ფართოდ გაუღეს გულის კარები ევროპარლამენტში და ბრიუსელის სხვადასხვა კორიდორებში სააკაშვილ-ბოკერია-ადეიშვილის კრიმინალური რეჟიმის წარმომადგენლებს, ეს კიდევ ერთხელ ადასტურებს, თუ რა ღირებულებით უფსკრულშია ის ხალხი, ვინც მათ ხელს ართმევს და მათთან ერთად სხვადასხვა პარტიულ ღონისძიებებს მართავს და მხარს უჭერს“,- განაცხადა პაპუაშვილმა.

პოლიტიკა • 1783932368

ირაკლი კობახიძე: სუვერენიტეტის მტკიცედ დაცვის გარდა, საქართველოს სხვა ალტერნატივა არ აქვს, ფაქტია, რომ ვერც უსამართლო რეზოლუციებით, ვერც აბსურდული განცხადებებით და ვერც რევოლუციის მცდელობებით „დიპ სტეიტი“ საქართველოში სასურველი შედეგის მიღწევას ვერ ახერხებს

ფსევდოლიბერალური იდეოლოგიის გავრცელება, ლგბტ-პროპაგანდა, მიგრანტების იძულებითი მიღება, სახელმწიფო სუვერენიტეტზე და ეროვნულ იდენტობაზე უარის თქმა, ეკონომიკის სტაგნაცია და ა.შ. - სწორედ ასეთია „დიპ სტეიტის“ მიერ შეთავაზებული კომფორტის ფასი, ფასი, რომელმაც ევროკავშირი და ევროკავშირის კონკრეტული ქვეყნები უმძიმეს შედეგებამდე მიიყვანა, - განაცხადა საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე.მისივე თქმით, სუვერენიტეტის მტკიცედ დაცვის გარდა, საქართველოს სხვა ალტერნატივა არ აქვს.„მოშლილ ეროვნულ, რელიგიურ და პიროვნულ იდენტობასთან ერთად, ხაზგასასმელია უმძიმესი ეკონომიკური ტენდენციები: ხშირად გვითქვამს, რომ თუ 2008 წელს ევროკავშირის წილი მსოფლიო ეკონომიკაში 30%-ს შეადგენდა, დღეს ეს მაჩვენებელი 18 %-ზე ნაკლებია.შესაბამისად, თუ ვინმე ფიქრობს, რომ საქართველოს ხელისუფლებას არჩევანი აქვს და ამდენ აბსურდულ რეზოლუციასთან და რევოლუციის მცდელობებთან გამკლავებას „დიპ სტეიტის“ თამაშის წესებზე დაყოლა ჯობს, როგორც ამას თავის დროზე „ნაციონალური მოძრაობის“ რეჟიმი და უშუალოდ მიხეილ სააკაშვილი აკეთებდა, ყველას კარგად უნდა ესმოდეს, რომ ეს არჩევანი საქართველოს არა მხოლოდ ეკონომიკის და ტრადიციული ღირებულებითი სისტემის განადგურებად, არამედ სუვერენიტეტის სრულად დაკარგვად შეიძლება დაუჯდეს, რადგან საქართველოს შემთხვევაში, ხელისუფლების მიერ ეროვნულის გარდა ნებისმიერი სხვა ტიპის პოლიტიკის გატარება, ქვეყნისთვის ეგზისტენციური საფრთხის შემცველია. არასუვერენული პოლიტიკის გატარების შემთხვევაში, საქართველოს, როგორც სახელმწიფოს ყოფნა-არყოფნის საკითხი დადგება დღის წესრიგში, რასაც საქართველოს მიმართ მეორე ფრონტის გახსნის მრავალგზის მოთხოვნაც მოწმობს.ამგვარად, სუვერენიტეტის მტკიცედ დაცვის გარდა, საქართველოს სხვა ალტერნატივა არ აქვს. ფაქტია, რომ ვერც უსამართლო რეზოლუციებით, ვერც აბსურდული განცხადებებით და ვერც რევოლუციის მცდელობებით „დიპ სტეიტი“ საქართველოში სასურველი შედეგის მიღწევას ვერ ახერხებს, მით უმეტეს, რომ 2024 და 2025 წლებში, ქართველმა ხალხმა სწორედ ამ ყველაფრის ფონზე დაუჭირა მხარი „ქართულ ოცნებას“,- აღნიშნა პრემიერმა.

პოლიტიკა • 1783752480

კახა კალაძე: „ნაციონალური მოძრაობის“ რებრენდინგი არის ბლეფი – როგორ შეიძლება შეიცვალოს, მაგალითად, მიხეილ სააკაშვილი

თბილისის მერი კახა კალაძე მიიჩნევს, რომ „ნაციონალური მოძრაობის“ რებრენდინგი არის წარმოუდგენელი, პარტიის წარსული ქმედებებიდან გამომდინარე, და რებრენდინგი მხოლოდ პიარზე გათვლილი ნაბიჯია.როგორც კალაძემ მედიასთან საუბრისას აღნიშნა, დღეს „ნაციონალური მოძრაობა“ აჩვენებს იმას, თუ როგორი არ უნდა იყოს პოლიტიკური პარტია ოპოზიციაში.„ვინ უნდა გააკეთოს რებრენდინგი? როგორ წარმოგიდგენიათ ამ კონკრეტული დაჯგუფების რებრენდინგი, რომელიც დაკავშირებულია იმასთან, რაც ცხრა წლის განმავლობაში, 2012 წლამდე ხდებოდა საქართველოში. ყველას კარგად გვახსოვს, როგორ უსწორდებოდნენ და რა დამოკიდებულება ჰქონდათ ქართველ ხალხთან.ნახეთ, ვინ არიან ეს ადამიანები, როგორია მათი წარსული. როგორ შეიძლება შეიცვალოს, მაგალითად, მიხეილ სააკაშვილი, ეს წარმოუდგენელია. ეს არის ჩვეულებრივი ბლეფი და პიარულად შეფუთული ქმედებები, თუმცა რეალობაში ყველამ ძალიან კარგად ვიცით, რას წარმოადგენს „ნაციონალური მოძრაობა“ და რით იყო დაკავებული წლების განმავლობაში, ხელისუფლებაში ყოფნისას.როდესაც გაქვს იმის პრეტენზია, რომ იყო პოლიტიკაში, წარმოუდგენელია, გქონდეს ის დამოკიდებულება ხალხთან, რა დამოკიდებულებაც მათ ჰქონდათ. დღეს ისინი აჩვენებენ იმას, თუ როგორი არ უნდა იყოს პოლიტიკური პარტია, როდესაც ოპოზიციაში იმყოფება. აი, ეს არის „ნაციონალური მოძრაობა“, - განაცხადა კახა კალაძემ.

პოლიტიკა • 1783670910

სინამდვილეში, „ნაციონალური მოძრაობა“ არასოდეს ყოფილა პოლიტიკური პარტია, ის ყოველთვის იყო აგენტების კანტორა - რატი იონათამიშვილი

დაუსრულებელი დაპირისპირება "ნაციონალურ მოძრაობაში" - თინა ბოკუჩავა, ამჯერად, პარტიაში სააკაშვილის მიერ მართვის ახალი მოდელის დანერგვას და თავმჯდომარის პოსტის შესაძლო გაუქმებას აპროტესტებს.განხეთქილების მიზეზი ე.წ. რეფორმატორთა საბჭოა, რომლის აღმასრულებელი მდივანიც სააკაშვილის ფავორიტი ნანუკა ჟორჟოლიანი ხდება. თავად ჟორჟოლიანი კი ამბობს, რომ პირველი, ვისაც პატიმარმა პრეზიდენტმა საბჭოში ადგილი შესთავაზა, ბოკუჩავა იყო. დროებითი მმართველები ყრილობაზე უნდა დაინიშნონ, რომელიც ივლისის ბოლოს იგეგმება.მმართველ გუნდში მიიჩნევენ, რომ პატიმარი სააკაშვილი სტრუქტურული ცვლილებებით პოლიტიკური კრიზისიდან გამოსვლას უშედეგოდ ცდილობს. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის თქმით, სინამდვილეში, "ნაციონალური მოძრაობა" არასოდეს ყოფილა პოლიტიკური პარტია და "ყოველთვის აგენტების კანტორა იყო"."იმდენად კარიკატურები არიან და იმდენად სასაცილო განცხადებებით გამოდიან, რომ მართლა ძალიან უხერხულია და არასერიოზულია ამ ადამიანებზე რაიმე კომენტარის გაკეთება. რაც უფრო მეტს ილაპარაკებენ, მეტი ე.წ. ინიციატივით გამოვლენ, მით უფრო მეტად გააგებინებენ საკუთარ უუნარობას. სინამდვილეში, "ნაციონალური მოძრაობა" არასოდეს ყოფილა პოლიტიკური პარტია, ეს იყო აგენტების კანტორა, ეს იყო მაშინ, როდესაც იყვნენ ხელისუფლებაში და, რა თქმა უნდა, ეს ფუნქცია მათ დღემდე არ შეუცვლიათ. ყოველთვის ასე მძიმედ და უბადრუკად ამთავრებს საკუთარ საქმიანობას ლუსტრირებული და გამოვლენილი აგენტურული კანტორა.რაც შეეხება სააკაშვილს, რა თქმა უნდა, ის ამ კანტორის ხელმძღვანელი იყო ყოველთვის, ვინაიდან აგენტების სიაში ყოველთვის იყო დაწინაურებული და ერთგვარი ნაძვის ხის ფუნქცია ყოველთვის ჰქონდა "ნაციონალურ მოძრაობაში" და ამ ფუნქციის დაკარგვა მომავალშიც არ უნდა. არ აქვს მნიშვნელობა, როდესაც აგენტი ხარ, ნაძვის ხე იქნები თუ ნაძვის ხის სათამაშო, შედეგი მაინც ერთია - აგენტებს და უცხო ქვეყნის, უცხო ძალების სამსახურში მყოფ ადამიანებს არანაირი პერსპექტივა საქართველოში არ გააჩნიათ", - განაცხადა რატი იონათამიშვილმა.

პოლიტიკა • 1783657673

საბჭოშიც ვერ ვხედავ ჩემს თავს, რადგან თუ ეს პარტიის გვერდზე მდგომი პლატფორმა იქნება, უფრო სწორი იქნება, დაკომპლექტდეს არაპარტიული ადამიანებისგან - თინათინ ბოკუჩავა

დაპირისპირების მორიგი მიზეზი "ნაციონალურ მოძრაობაში" - თინა ბოკუჩავა სააკაშვილის მიერ მართვის ახალი მოდელის დანერგვას და თავმჯდომარის პოსტის შესაძლო გაუქმებას აპროტესტებს. განხეთქილების მიზეზი ე.წ. "რეფორმატორთა საბჭოა", რომლის აღმასრულებელი მდივანიც ნანუკა ჟორჟოლიანი ხდება."თუ თავმჯდომარის პოსტი უქმდება, ბუნებრივია, ვერავინ დააყენებს კანდიდატურას, მაგრამ სამართლებრივად ეს პრობლემური საკითხია, ამიტომ ჩვენ მოგვიწევს ამაზე დამატებით მსჯელობა პარტიაში. სავარაუდოდ, ჩემს კანდიდატურას არ დავაყენებ, რადგან თუ რაღაც ფორმაციის ცვლილება სურს პრეზიდენტ სააკაშვილს, რომელიც ამ პარტიის ლიდერია, მე რიგით წევრად გავაგრძელებ ჩემი ქვეყნის უკეთესი მომავლისთვის ბრძოლას. საბჭოშიც, სავარაუდოდ, ვერ ვხედავ ჩემს თავს, რადგან თუ ეს პარტიის გვერდზე მდგომი პლატფორმა და ორგანო იქნება, ალბათ, უფრო სწორი იქნება, ის დაკომპლექტდეს არაპარტიული ადამიანებისგან," - განაცხადა "ნაციონალური მოძრაობის" მოქმედმა თავმჯდომარემ, თინათინ ბოკუჩავამ.

პოლიტიკა • 1783622378

ნანა ჟორჟოლიანი: მიხეილ სააკაშვილი ფიქრობს, რომ ამ პროცესში მონაწილეობის მსურველები არიან ისეთი ადამიანები, რომლებსაც არ უნდათ იყვნენ პარტიულები, არ უნდათ პარტიასთან აფილირება და პარტიაში შესვლა და ამიტომ, ქმნის საბჭოს - დამოუკიდებელ სტრუქტურას და ეუბნება ადამიანებს, მოდით, მიიღეთ შეცვლაში მონაწილეობა

„ნაციონალურ მოძრაობაში“ დაგეგმილი ცვლილებებისა და მიხეილ სააკაშვილის მიერ დაანონსებული რეფორმატორთა საბჭოს შექმნის შესახებ, ნანა ჟორჟოლიანმა „ტვ პირველი“ ეთერში ისაუბრა და განმარტა, თუ რატომ იქნება საბჭო, რომლის აღმასრულებელ მდივნადაც თავად მოიაზრება, პარტიისგან დამოუკიდებელი.ჟორჟოლიანის თქმით, სააკაშვილს ესმის, რომ „ნაციონალური მოძრაობის“ გარდაქმნის პროცესში მონაწილეობა სურთ ისეთ ადამიანებს, რომლებსაც არ უნდათ პარტიაში შესვლა და „ნაცმოძრაობასთან“ აფილირება, შესაბამისად, მან მიიღო დამოუკიდებელი ორგანოს შექმნის გადაწყვეტილება.„ეს არის საქმიანი კოალიციის შექმნის მცდელობა. ჩემი აზრით, შეიძლება ამაში ბევრი არ მეთანხმება, ისევე როგორც მიშას აზრით, ყველაზე ძლიერი და მნიშვნელოვანი ინსტრუმენტი [„ქართული ოცნების“ წინააღმდეგ] ახლა არის „ნაციონალური მოძრაობა“, რომელიც კიდევ უფრო საჭირო გახდება უახლოეს მომავალში, იმიტომ, რომ ვფიქრობ გაძლიერდება და გაცილებით უფრო სწორ ნიშას იპოვის. შესაბამისად, მიხეილ სააკაშვილი ფიქრობს, რომ ამ პროცესში მონაწილეობის მსურველები არიან ისეთი ადამიანები, რომლებსაც არ უნდათ იყვნენ პარტიულები, არ უნდათ პარტიასთან აფილირება, პარტიაში შესვლა, რასაც თავისთავად ზღუდავდა ის პირველი გეგმა და ამიტომ, ქმნის საბჭოს - დამოუკიდებელ სტრუქტურას და ეუბნება ადამიანებს, რომ მოდით, მიიღეთ შეცვლაში მონაწილეობა, მე თქვენ გაძლევთ ჩემს ინსტრუმენტს, რომელიც არის ჩემი შექმნილი პარტია, რომელიც ჩემთვის არის ძალიან ძვირფასი, მე თქვენ გენდობით. მე მაგალითად, არ დავასახელებ სახელებს და გვარებს, სამი შეხვედრა ვისთანაც მქონდა, ყველა არაპარტიული ადამიანია, თავიანთ სფეროებში პროფესიონალი, მცოდნე“, - აღნიშნა ჟორჟოლიანმა.კითხვაზე, ხომ გახდებიან ეს ადამიანები მერე პარტიულები, ჟორჟოლიანი პასუხობს, რომ არ გახდებიან, ვინაიდან, „შეიძლება ის ადამიანი, რომელმაც რეფორმებში მონაწილეობა მიიღოს, აღარ შევიდეს პარტიაში ექვსი თვის შემდეგ“.

პოლიტიკა • 1783619003

ლიზა გეგეჭკორი: "ნაცებმა" შეცვალეს ტაქტიკა, გაიშალნენ სხვადასხვა პლატფორმაზე, მოირგეს ვითომ ჰუმანური სახეები და ჰგონიათ, რომ ამით ქართველ ხალხს მეხსიერებას წაუშლიან - ტყუილად ირჯებით! ვერანაირი ახალი შეფუთვა ვერ ჩამორეცხავს იმ დანაშაულებს, რაც თქვენ ამ ქვეყნის წინაშე გაქვთ ჩადენილი, საზოგადოებას არც ამნეზია სჭირს და არც რეალობის აღქმა დაუკარგავს

დააკვირდით, ბოლო პერიოდში როგორ მიზანმიმართულად და იაფფასიანად ცდილობენ ნაცები საკუთარი სისხლიანი და ბნელი წარსულის გათეთრებას? აშკარაა, რომ შეცვალეს ტაქტიკა, გაიშალნენ სხვადასხვა პლატფორმაზე, მოირგეს ვითომ ჰუმანური, ახალი სახეები და ჰგონიათ, რომ ამით ქართველ ხალხს მეხსიერებას წაუშლიან, - წერს ტელეწამყვანი, ლიზა გეგეჭკორი, სოციალურ ქსელში.მისი განცხადებით, სოციალური ქსელის "ლაივებში" ნათქვამი დაზეპირებული ტექსტები ვერ გადაფარავს იმას, რაც საზოგადოებას საკუთარი თვალით აქვს ნანახი, ვინაიდან, "ნაციონალური მოძრაობის" მმართველობის დროს მომხდარი მოვლენები გამოგონილი ისტორიები კი არა, უალესი წარსულია, რომელიც ქართველებმა საკუთარ ტყავზე გამოცადეს.გეგეჭკორი ასევე აღნიშნავს, რომ ვერანაირი ახალი შეფუთვა და ვერ ჩამორეცხავს იმ დანაშაულებს, რაც "ნაცმოძრაობას" ამ ქვეყნის წინაშე აქვს ჩადენილი. "ამასწინათ შაშკინი, რომელიც მასწავლებლებს მათი სისხლის დალევით ემუქრებოდა, იაგოს გადაცემაში იჯდა და თავის თავით დაწყებული სააკაშვილით დამთავრებული ყველა წმინდანად გამოჰყავდა, ახლა ღვინიაშვილი ზის და ბავშვის მკვლელობა ნაცებს როგორ დაგვაბრალეს, წარმოუდგენელი იყოვო, მამა აბრამის ბატკანის სახით ლაპარაკობს ვისი მოტყუება გინდათ, თქვე მართლა უტიფრებო და მორალისგან დაცლილებო?!თქვენ მართლა გგონიათ, რომ სოციალურ ქსელებში, კომფორტული ოთახებიდან ჩართული „ლაივები“, დაზეპირებული ტექსტები და ფარისევლური ღიმილი იმ კადრებს გადაფარავს, რაც ჩვენი საკუთარი თვალით გვაქვს ნანახი? ეს არ არის სადღაც წაკითხული ან სხვისგან გაგონილი ისტორიები, ეს არის ჩვენი ქვეყნის უახლესი წარსული, რომელიც საკუთარ ტყავზე გამოვცადეთ. თითოეულ ჩვენგანს ჰყავს ოჯახის წევრი, ახლობელი, მეგობარი თუ მეზობელი, რომელიც თქვენმა რეჟიმმა პირდაპირი მნიშვნელობით გააუბედურა, გაანადგურა, ჯანმრთელობა შეურყია და ღირსება შეულახა. მთელი ცხრა წლის განმავლობაში, ყოველდღიურ რეჟიმში, პირდაპირ ეთერებში ვუყურებდით სააკაშვილის მანიაკურ, სადისტურ გამოვლინებებს. ვუყურებდით, როგორ იქცა ძალადობა, ჩაგვრა და განსხვავებული აზრის სასტიკი ჩახშობა ოფიციალურ პოლიტიკად.და ახლა, ამ ყველაფრის შემოქმედები გამოდიხართ და ეთიკაზე გვიკითხავთ მორალს? ცდილობთ, რომ ძალადობაზე, რომელსაც სისტემური ხასიათი ჰქონდა, დღეს ისე ისაუბროთ, თითქოს არაფერი მომხდარა? ტყუილად ირჯებით! ვერანაირი ახალი შეფუთვა და ვერანაირი სთრიმებზე გამოჯდომები ვერ ჩამორეცხავს იმ დანაშაულებს, რაც თქვენ ამ ქვეყნის წინაშე გაქვთ ჩადენილი. საზოგადოებას არც ამნეზია სჭირს და არც რეალობის აღქმა დაუკარგავს. თქვენი წარსულის გათეთრება ფიზიკურად შეუძლებელია!" - წერს ლიზა გეგეჭკორი.

პოლიტიკა • 1783597254

6 თვის შემდეგ პარტიაში ჩატარდება როგორც შიდა პრაიმერისები, ასევე შიდა არჩევნები, ეს არის 6 თვიანი ციკლი ამ პროცესის მოსამზადებლად და კი, ამ დემოკრატიულ ტესტს ჩავაბარებთ - ლაშა ფარულავა

დაპირისპირების და შიდა პარტიული კრიზისის ფონზე, გეგმავს თუ არა მიხეილ სააკაშვილი "ნაციონალურ მოძრაობაში" თავმჯდომარის პოსტის გაუქმებას, თინა ბოკუჩავა ვარაუდობს, რომ მსჯავრდადებული ექს-პრეზიდენტი სწორედ ამ გადაწყვეტილებისკენ იხრება, რაც მისი შეფასებით, კანონის დარღვევაა.გუშინ სააკაშვილმა დროებითი მმართველობის და რეფორმატორთა საბჭოს შექმნა დააანონსა, რომელსაც თავად უხელმძღვანელებს, აღმასრულებელი მდივანი კი, ნანუკა ჟორჟოლიანი იქნება.მმართველობის ეს მოდელი გაუგებარია პარტიის წევრების ნაწილისთვის, მათ კითხვები აქვთ საბჭოს წევრებთან დაკავშირებითაც, რომლებიც სააკაშვილის გადაწყვეტილებით მათ შორის ახალი სახეები უნდა იყვნენ. "ნაცმოძრაობის" ყრილობა ივლისის ბოლოს გაიმართება.„6 თვის შემდეგ ამ პარტიაში ჩატარდება როგორც შიდა პრაიმერისები, ასევე შიდა არჩევნები და ეს არის 6 თვიანი ციკლი ამ პროცესის მოსამზადებლად. და კი, ჩვენ ამ დემოკრატიულ ტესტს კეთილსინდისიერად ჩავაბარებთ. რა თქმა უნდა, ეს შეიძლება ვიღაცებისთვის არის მიუღებელი, მაგრამ ჩემთვის პირადად მიუღებელია პარტიის შიგნით თანამდებობისთვის ბრძოლა. მიუხედავად იმისა, კარი ღიაა, შეიძლება ეს კონკურენცია ვიღაცისთვის იყოს რაღაც ტიპის პრობლემა. აქ არ არის საუბარი ვის სწყინს, ვინ არ არის წინააღმდეგი", - აცხადებს პარტია "ერთიანობა - ნაციონალური მოძრაობის" პოლიტიკური საბჭოს წევრი ლაშა ფარულავა.

პოლიტიკა • 1783596806

აქ არის ერთადერთი მიზანი და ამოცანა, რომ მოხდეს რევოლუცია და ძალისმიერი გზით შეიცვალოს ხელისუფლება, დამთავრდა, ამის იქით არანაირი გეგმა არ არსებობს" - გიორგი ვოლსკი "ნაცმოძრაობაზე"

დაპირისპირების და შიდა პარტიული კრიზისის ფონზე, გეგმავს თუ არა მიხეილ სააკაშვილი "ნაციონალურ მოძრაობაში" თავმჯდომარის პოსტის გაუქმებას, თინა ბოკუჩავა ვარაუდობს, რომ მსჯავრდადებული ექს-პრეზიდენტი სწორედ ამ გადაწყვეტილებისკენ იხრება, რაც მისი შეფასებით, კანონის დარღვევაა.გუშინ სააკაშვილმა დროებითი მმართველობის და რეფორმატორთა საბჭოს შექმნა დააანონსა, რომელსაც თავად უხელმძღვანელებს, აღმასრულებელი მდივანი კი, ნანუკა ჟორჟოლიანი იქნება.პარლამენტის თავმჯდომარის პირველი მოადგილის, გიორგი ვოლსკის განცხადებით, "ნაციონალური მოძრაობის" გეგმები ხელისუფლების რევოლუციური გზით შეცვლას ემსახურება და არა რეალურ პოლიტიკურ საქმიანობას. მისივე თქმით, პარტიის მოქმედებები გარე ძალების ინტერესებს შეესაბამება და ქვეყნისთვის გრძელვადიან განვითარებაზე არ არის ორიენტირებული."პოლიტიკური პარტია არ ვიქნებით, ვიქნებით რაღაც რეფორმების საბჭო, ისეთივე, როგორც უკრაინაში იყოო - რეფორმების საბჭო, რომელსაც სააკაშვილი ჩაუდგა სათავეში და პრობლემების მეტი უკრაინისთვის არაფერი მოუტანია. რასაკვირველია, არც თავის ქვეყანას დააკლო არასდროს ნეგატიური გავლენები, თუმცა ამ შემთხვევაშიც, აქ არის ერთადერთი მიზანი და ამოცანა, რომ მოხდეს რევოლუცია და ძალისმიერი გზით შეიცვალოს ხელისუფლება - დამთავრდა, ამის იქით არანაირი გეგმა არ არსებობს. ეს გეგმა სწორედაც პასუხობს იმ იმედებს, რაც აქვთ გარე ძალებს, რომ ადრე თუ გვიან, საქართველოში მარიონეტული ხელისუფლება მოვა და შემდგომ შორს მიმავალი გეგმები აქვთ," - განაცხადა გიორგი ვოლსკიმ.

პოლიტიკა • 1783589227

კახა კალაძე: ბიძინა ივანიშვილი, თავისი გადადგმული ნაბიჯებით, საქართველოს უახლეს ისტორიაში მართლაც ოქროს ასოებით ჩაიწერება

სპეკულაციებზე პასუხის გაცემას ნამდვილად არ ვაპირებ, – ასე უპასუხა დედაქალაქის მერმა კახა კალაძემ ჟურნალისტის შეკითხვას, რომლის მიხედვით, „ტელეკომპანია „იმედის” 26 მაისის „ქარდის“ მომწონებლებს შორის 1 500-ზე მეტი ტროლბოტი გამოვლინდა, „ქარდზე“, სადაც მერაბ კოსტავასა და ზვიად გამსახურდიასთან ერთად, ბიძინა ივანიშვილი იყო გამოსახული“.მისი თქმით, პარტია „ქართული ოცნება – დემოკრატიული საქართველოს“ საპატიო თავმჯდომარის ბიძინა ივანიშვილის სახელი უახლესი საქართველოს ისტორიაში ოქროს ასოებით ჩაიწერება, რადგან მან გაათავისუფლა ქვეყანა „ნაციონალური მოძრაობის“ რეჟიმისგან.„სპეკულაციებზე პასუხის გაცემას ნამდვილად არ ვაპირებ. ბიძინა ივანიშვილი თავისი გადადგმული ნაბიჯებით, საქართველოს უახლეს ისტორიაში მართლაც ოქროს ასოებით ჩაიწერება. ყველას კარგად გვახსოვს, რა ხდებოდა 2012 წლამდე ქვეყანაში. ეს მხოლოდ მიხეილ სააკაშვილის რეჟიმი არ იყო. ჩვენ კარგად ვხედავთ, თუ რა ძალასთან გვქონდა საქმე – ამ შიდა მტრების, უსამშობლო ადამიანებისა და აგენტურის უკან რა ძალა იდგა. ეს ერთი ადამიანი გამოვიდა, სრულიად საქართველო დაირაზმა მის ირგვლივ და 2012 წელს ქვეყანა გათავისუფლდა იმ სისხლიანი რეჟიმისგან, რომელსაც მიხეილ სააკაშვილი და „ნაციონალური მოძრაობა“ წარმოადგენდნენ.ბუნებრივია, ეს ფაქტი არ სიამოვნებთ, როგორც ქვეყნის შიგნით, ასევე ქვეყნის გარეთ მყოფ ძალებს, რომლებიც ვერ ისვენებენ. მათ სურვილი აქვთ, როგორმე ხელისუფლება შეცვალონ და თავიანთი აგენტურული ქსელის წარმომადგენლები მოიყვანონ, რომ შემდეგ მარტივად მიიღონ გადაწყვეტილებები და ჩვენი ქვეყანა გამოიყენონ თავიანთი ინტერესების გასატარებლად. მაგრამ ერთი რამ არ უნდა დაგვავიწყდეს, რომ დღეს ქართველი ხალხი იღებს გადაწყვეტილებას, ვინ იქნება ხელისუფლებაში და ვის ანდობს ქვეყნის ბედს“, – აღნიშნა კახა კალაძემ.ინფორმაციას თბილისის მერია ავრცელებს.

პოლიტიკა • 1783586470

ტატა ხვედელიანი: „ოცნების“ დამსახურებაა, პატიმარი სააკაშვილი პარტიას ციხიდან სრულფასოვნად რომ მართავს და მთელ საქართველოს მოძღვრავს, ამით „ოცნება“ სარგებელს იღებს, „ნაცმოძრაობაზე“ დგას

პატიმარი სააკაშვილი წინასაარჩევნო აგიტაციას რომ ეწევა, საკუთარ პარტიას ციხიდან სრულფასოვნად მართავს და პირდაპირ ეთერში მთელ საქართველოს მოძღვრავს – „ოცნების“ დამსახურება, – ამის შესახებ პარტიის „გახარია საქართველოსთვის“ წევრმა, ტატა ხვედელიანმა განაცხადა.მისი თქმით, „ოცნება“ დღეს „ნაციონალურ მოძრაობაზე“ დგას, დამნაშავეებს აძლევს საშუალებებეს და არათანაბარ პირობებში აქცევს პატიმრებს.„მაშინ, როდესაც ჩვენ გვყვავს „სინდისის პატიმრები“, რომელთა ნახვაც ჩვენთვის სანატრელია, მაშინ, როდესაც გიორგი გახარია, ქვეყნის ყოფილი პრემიერ-მინისტრი, შეთითხნილი ბრალდებების გამო სისხლისსამართლებრივ დევნაშია და სრულფასოვანი პოლიტიკური საქმიანობის შესაძლებლობა არ ეძლევა. ამ დროს, ვხედავთ პატიმარ მიხეილ სააკაშვილს, როგორ ახერხებს პირდაპირ ეთერში აგიტაციას, საკუთარი პარტიის წევრებთან საუბარს. მიხეილ სააკაშვილი გახლავთ დამნაშავე და არავითარი წესების დადგენის უფლებაზე საუბარი არაა. ის თუ წესებს ადგენს, „ოცნების“ დამსახურებაა, რადგან „ოცნება“ ამით სარგებელს იღებს და „ნაციონალურ მოძრაობაზე“ დგას“, – განაცხადა ტატა ხვედელიანმა.