სააკაშვილი

კახა კალაძე: ყველაფერი უნდა გავაკეთოთ, რომ არა ომით, არამედ მშვიდობიანი გზით აღვადგინოთ ქვეყნის ტერიტორიული მთლიანობა

ჩვენ, ჩვენი გადადგმული ნაბიჯებით, განხორციელებული პოლიტიკით ყველაფერი უნდა გავაკეთოთ იმისთვის, რომ არა ომით, არამედ მშვიდობიანი გზით, ძლიერი ეკონომიკით, გაძლიერებული ქვეყნით, აღმშენებლობით, მოვახდინოთ აფხაზებთან და ოსებთან თანაცხოვრება და ქვეყნის ტერიტორიული მთლიანობის აღდგენა, - განაცხადა თბილისის მერმა კახა კალაძემ ოკუპირებულ აფხაზეთთან დაკავშირებით ყოფილი პრეზიდენტის მიხეილ სააკაშვილის მიერ გაკეთებული განცხადების შეფასებისას.როგორც დედაქალაქის მერმა აღნიშნა, რამდენიმე კვირაა, მიმდინარეობს ანტიქართული კამპანია, რომელში ჩართული პირები კონკრეტულ დავალებას ასრულებენ.„ჩვენ ვიცით ამ ადამიანების დამოკიდებულება ქართულ სახელმწიფოსთან და ქართველ ხალხთან მიმართებით. ესენი არიან ჩვეულებრივი ქვეყნის მტრები. არაერთხელ დავრწმუნდით ამაში, არა მხოლოდ განცხადებებით, არამედ კონკრეტული ფაქტებით. ის, რაც 2008 წელს თავიანთი ბინძური პოლიტიკით გაუკეთეს ჩვენს სახელმწიფოს, ქართველ ხალს, ეს არის ძალიან მძიმე დანაშაული. გავიხსენოთ, თუნდაც ჯერ კიდევ საპარლამენტო არჩევნების დროს, როდესაც ჩვენი პარტიის დამფუძნებელმა გააკეთა განცხადება შერიგებასთან დაკავშირებით, როგორი რეაქცია ჰქონდათ, რა განცხადებებს აკეთებდნენ. ქვეყნის მტრები არიან. ახლაც რამდენიმე კვირაა მიმდინარეობს ანტიქართული კამპანია. პირდაპირ კონკრეტულ დავალებას ასრულებენ.გავიხსენოთ ბარამიძის განცხადება, რომელმაც ქართველ ჯარისკაცებს ამხელა შეურაცხყოფა მიაყენა და ძალიან მძიმე ბრალდება წაუყენა. იგივე გვარამიას განცხადება ტერიტორიულ მთლიანობასთან დაკავშირებით, პარალელების გავლება ყარაბაღთან და ასე შემდეგ. აფხაზეთს და ოკუპირებულ ტერიტორიებს ზოგადად ეს ადამიანები რაღაც ტრავმად მიიჩნევენ. რა თქმა უნდა, ეს ძალიან მძიმეა ჩვენი ქვეყნისთვის, ჩვენი ხალხისთვის. შეიძლება ითქვას, რომ ვისაც ჩვენი ქვეყანა და ქართველი ხალხი უყვარს, ნებისმიერი ადამიანისთვის მთავარი ღირებულება და პრიორიტეტი ქვეყნის ტერიტორიული მთლიანობაა. ჩვენ, ჩვენი გადადგმული ნაბიჯებით, განხორციელებული პოლიტიკით ყველაფერი უნდა გავაკეთოთ, რათა არა ომით, არამედ მშვიდობიანი გზით, ძლიერი ეკონომიკით, გაძლიერებული ქვეყნით, აღმშენებლობით, მოვახდინოთ აფხაზებთან და ოსებთან თანაცხოვრება და ქვეყნის ტერიტორიული მთლიანობის აღდგენა“, - განაცხადა კახა კალაძემ.

პოლიტიკა • 1788340858

მიმდინარეობს კოორდინირებული კამპანია იმისთვის, რომ საქართველომ საკუთარი ტერიტორიები რუსეთს ჩააბაროს და ტერიტორიულ მთლიანობაზე უარი თქვას - შალვა პაპუაშვილი

"ჩვენ ბოლო პერიოდში ვხედავთ კამპანიას, რომელიც მიმართულია ჩვენი ქვეყნის ტერიტორიული მთლიანობის წინააღმდეგ," - განაცხადა საქართველოს პარლამენტის თავმჯდომარემ, შალვა პაპუაშვილმა მედიასთან საუბრისას.მისივე თქმით, გიორგი ბარამიძის, მიხეილ სააკაშვილისა და ნიკა გვარამიას განცხადებები ნიშანია კოორდინირებული კამპანიისა, რომლის მიზანია რუსეთისთვის საქართველოს ტერიტორიების ჩაბარება."ეს ძალიან ნიშანდობლივია, ჩვენ ბოლო პერიოდში ვხედავთ კამპანიას, რომელიც მიმართული არის ჩვენი ქვეყნის ტერიტორიული მთლიანობის წინააღმდეგ, ამას მინდა ხაზი გავუსვა. ეს დაიწყო ჯერ დაიწყო ბარამიძის განცხადებით, რომელმაც ომის დანაშაულები დააბრალა საქართველოს და ქართველ ჯარისკაცებს, ოთხმოცდაათიან წლებში მიმდინარე დაპირისპირებისას, შემდეგ გვარამიამ, რომელმაც ისტორიული ტრავმა უწოდა, რომლისგანაც საჭიროა გათავისუფლება და, რატომღაც, პარალელები გაავლო სომხეთთან და თქვა, რომ მისი შეფასებით, როგორც სომხეთი ყარაბაღის ტრავმისგან გათავისუფლდა და პერსპექტივები გაეხსნა, ასე უნდა გავთავისუფლდეთ ჩვენ ამ ტრავმისგან. პირდაპირ გამოჩნდა, თუ რა ხედვა აქვთ მათ ქვეყნის მთლიანობასთან დაკავშირებით.ეს გაგრძელებაა იმ ხაზის, რომელიც ზოგადად, კოლექტიურ "ნაციონალურ მოძრაობას" ყოველთვის ჰქონდა, მათ შორის, ხელისუფლების ყოფნის დროს. გაგრძელება იმისა, როცა სააკაშვილი ამბობს, რომ აფხაზებს ვეზიზღებით და მას არაფერი ეშველება, ის რომ შერიგების პოლიტიკას აზრი არ აქვს, ბოკერიას განცხადება, რომ შერიგების პოლიტიკა არის ფუჭი, გვარამიას განცხადება, რომ ეს არის ტრავმა და ეს ტრავმა ბლოკავს ჩვენს განვითარებას და უნდა მოვიცილოთ და წინ გავიხედოთ, მისი გადმოსახედიდან. ეს ყველაფერი აჩვენებს, რომ ეს არის კოორდინირებული კამპანია იმისთვის, რომ საქართველომ ჩააბაროს საკუთარი ტერიტორიები რუსეთს და უარი თქვას საკუთარ ტერიტორიულ მთლიანობაზე და საკუთარი ქვეყნის გამთლიანებაზე," - აცხადებს შალვა პაპუაშვილი.

პოლიტიკა • 1788335824

გიორგი შარაშიძე: „ოცნება“ „ნაციონალურ მოძრაობასა“ და სააკაშვილზე დგას, სააკაშვილს ჭკუა თუ აქვს, ხანდახან უნდა გაჩერდეს ან ისეთი რაღაც არ ილაპარაკოს, რაც ისევ „ოცნებას“ აძლიერებს

„ოცნება“ დღეს „ნაციონალურ მოძრაობასა“ და სააკაშვილზე დგას, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.მისი თქმით, ეს კიდევ ერთი დასტურია, მიხეილ სააკაშვილი როგორ აძლევს საბაბს „ოცნებას“, მისი წერილები საკუთარი პროპაგანდის გასაძლიერებლად გამოიყენოს.„სამწუხარო რეალობაა, რაშიც ვართ. რა თქმა უნდა, ნდობის აღდგენა მნიშვნელოვანია და თუ სააკაშვილი ამას კითხვის ნიშნის ქვეშ აყენებს, ის ამით ხელისუფლების პროპაგანდას აძლიერებს. ეს პირველი შემთხვევა არ არის და სამწუხარო რეალობაა. რა თქმა უნდა, სააკაშვილს არ ვეთანხმები. გარდა იმისა, რომ ჩვენი ტერიტორიული მთლიანობის აღდგენის საკითხი გადის საქართველოს დემოკრატიულ განვითარებასა და ევროპულ მომავალზე, ასევე ნდობის აღდგენაზე გადის. ის, რომ ბევრი ჭრილობა და ტკივილია, ეს ვიცით. მორიგ ჯერზე ამ ტკივილის გახსენება საჭირო არ არის. სჯობს, ვისაუბროთ იმაზე, როგორ შევძლოთ საქართველოს ტერიტორიული მთლიანობის აღდგენა მშვიდობიანი გზებით. „ოცნება“ ქართველ ხალხს ფსევდო პატროტულ ნარატივს სთავაზობს და ხალხს ცდილობს დაანახოს, როგორი ცუდია „ნაცმოძრაობა“ და კარგია თავად. სააკაშვილს თუ ჭკუა აქვს, უნდა გაჩერდეს, ხანდახან ან ისეთი რაღაც არ ილაპარაკოს, რაც შემდეგ ისევ „ოცნებას“ აძლიერებს“, – განაცხადა გიორგი შარაშიძემ.

პოლიტიკა • 1788331911

თენგიზ შარმანაშვილმა მიხეილ სააკაშვილის განცხადებაზე: მთავარი ამოცანაა, რომ მიგვავიწყონ ოკუპირებული ტერიტორიები სხვადასხვა ფორმით

მთავარი ამოცანაა, რომ მიგვავიწყონ ოკუპირებული ტერიტორიები სხვადასხვა ფორმით, - განაცხადა თავდაცვის კომიტეტის თავმჯდომარის მოადგილემ თენგიზ შარმანაშვილმა მიხეილ სააკაშვილის განცხადებაზე საუბრისას.მისივე თქმით, რა ფორმით იტყვის ქართველი ერი ამ ყველაფერზე უარს, მათთვის მნიშვნელობა არ აქვს.„ძალადობრივი მეთოდის გამოყენების შემდეგ იძულებული გავხდებით, რომ უარი ვთქვათ ამაზე, თუ სხვა ფორმით ვიტყვით ამაზე უარს, ამას მათთვის მნიშვნელობა არ აქვს. მთავარია ეს საკითხი გადაჭრან ისე, როგორც მათ უნდათ.ნუ შევხედავთ ასე რომ ეს ერთი მხარის დავალებაა - რუსეთსაც აწყობს, რომ საქართველომ უარი თქვას ამ ტერიტორიებზე და სულ ამას ამბობს საგარეო საქმეთა სამინისტრო რუსეთის, ხან ზახაროვა, ხან სხვა ვინმე, რომ ახალ რეალობას უნდა შევეგუოთ.რა გამოდის, რომ ზახაროვას და რუსეთის საგარეო საქმეთა სამინისტროს მოწოდება უნდა შევასრულოთ? სხვადასხვა ფორმით იმეორებენ ახლა ამას გვარამია, სააკაშვილი და სხვა ვიღაცები“, - აღნიშნა თენგიზ შარმანაშვილმა.

პოლიტიკა • 1788326379

თენგიზ შარმანაშვილი მიხეილ სააკაშვილის განცხადებაზე: ანუ რას ამბობს, ან უნდა შევიჭრათ აფხაზეთში და სისხლის ტბები დავაყენოთ, ან გავყვეთ გვარამიას მიერ გაჟღერებულ მათ პატრონთა ახალ დავალებას და ეს მტკივნეული იარა საბოლოოდ დავივიწყოთ?!

თავდაცვის კომიტეტის თავმჯდომარის მოადგილე თენგიზ შარმანაშვილი მიხეილ სააკაშვილის განცხადებას, რომ აფხაზეთზე კონტროლის აღდგენის გზა, აფხაზების შემორიგებაზე არ გადის, სოციალურ ქსელში ეხმაურება.„ანუ რას ამბობს, თუ არაფერი ეშველება? ან უნდა შევიჭრათ აფხაზეთში და სისხლის ტბები დავაყენოთ, ან გავყვეთ გვარამიას მიერ გაჟღერებულ მათ პატრონთა ახალ დავალებას და ეს მტკივნეული იარა საბოლოოდ დავივიწყოთ?! რომელს გვთავაზობს თუ არაფერი ეშველება მისი აზრით ამ საქმეს? ერთ შემთხვევაში, რუსულ საქმეს გააკეთებენ და საბოლოოდ მოსპობენ ინტეგრაციის პერსპექტივას, მეორე შემთხვევაში, შეასრულებენ ულტრალიბერალური ინტერნაციონალის დავალებას და ხელს აგვაღებინებენ აფხაზეთზე და ცხინვალზე. შედეგი ერთნაირია რეალურად. აღარც მალავენ თავის ზრახვებს“, - წერს შარმანაშვილი.

პოლიტიკა • 1788272091

მიხეილ სააკაშვილი: აფხაზებს ჩვენ ვეზიზღებით

აფხაზებს ჩვენ ვეზიზღებით და ამას არაფერი ეშველება, - წერს მიხეილ სააკაშვილი სოციალურ ქსელში.როგორც მსჯავრდადებული ექსპრეზიდენტი აცხადებს, აფხაზეთზე კონტროლის აღდგენის გზა, აფხაზების შემორიგებაზე არ გადის.,,ვისაც ჰგონია, რომ აფხაზეთზე კონტროლის აღდგენის გზა, მაქსიმუმ 50000 აფხაზის შემორიგებაზე გადის მხოლოდ, იმას თავში აზრების ნაცვლად ტყლაპი აქვს. აფხაზებს ჩვენ ვეზიზღებით და ამას არაფერი ეშველება.აფხაზეთი, ეს არის დიდი გეოპოლიტიკური საკითხი, რომლის გადაწყვეტა გადის რუსეთის იმპერიის დასუსტებაზე და სავარაუდო დაშლაზე. საკითხი, რომელიც დამოკიდებულია უკრაინის წარმატებებზე და დასავლეთის სიძლიერეზე და რა თქმა უნდა თვითონ საქართველოს ფორმაში ყოფნაზე.ასე რომ მოეშვით მჩხიბაობას და დაინახეთ ფართო სურათი და აქვე მინდა გამოვთქვა ჩემი სამძიმარი გარდაცვლილი აფხაზი ბლოგერის, დაურ ბუავას ოჯახის მიმართ,” - წერს სააკაშვილი.

პოლიტიკა • 1788248442

ლიზა გეგეჭკორი: ნათელაშვილი არის ერთ-ერთი ყველაზე გაქნილი და ფლიდი ადამიანი ქართული პოლიტიკის ისტორიაში - მაგ არამზადას რატომღაც არავინ სცემს სერიოზულ პასუხს და მგონი სულ ტყუილად, სიცილში ისეთ ნაძირლობებს კადრულობს "ნაცსაც" რომ გაუკვირდება

შალვა ნათელაშვილი არის ერთ-ერთი ყველაზე გაქნილი და ფლიდი ადამიანი ქართული პოლიტიკის ისტორიაში. რატომ? იმიტომ, რომ ვითომ სიდებილით და იუმორით ნიღბავს საკუთარ გაყიდულობას და ვითომ ძაან საყვარლობით ცდილობს ხალხს მოაჩვენოს, თითქოს და სულ იბრძვის, - წერს ტელეწამყვანი, ლიზა გეგეჭკორი, სოციალურ ქსელში.მისი განცხადებით, ნათელაშვილი უტიფრად უარყოფს სააკაშვილისთვის საკრებულოს თავმჯდომარის ადგილის მიყიდვას, თითქოს ან ფაქტების გადამოწმებაა რთული, ან მეხსიერება წაეშალა ხალხს."ვინმეს ჰგონია, ისეთი სულელია, „დაუნ ვი დიქტეიტე“ რომ იძახა თეთრი სახლის წინ, არ იცოდა როგორ უნდა გამოეთქვა? გადასარევად იცოდა, უბრალოდ ამითაც იმჟამინდელი რეჟიმის თამაში ითამაშა - ერთის მხრივ ამერიკელებისთვის იმის საჩვენებლად, როგორი „დემოკრატი“ იყო სააკაშვილი, რომ ოპოზიციონერს შეეძლო ქვეყნიდან თავისუფლად წასულიყო და რეჟიმის საწინააღმდეგო ქმედებები განეხორციელებინა და მეორეს მხრივ იმის, რამდენად „დებილი“ ოპოზიცია იყო საქართველოში, რომ ამხელა გზაზე ჩასულ კაცს არ შეეძლო, სამი სიტყვა გამართულად ეთქვა ინგლისურ ენაზე. აღარაფერს ვამბობ იმაზე, თავის დროზე სააკაშვილს რომ მიჰყიდა საკრებულოს თავმჯდომარის პოსტი, საიდანაც ის 9 წლიანი უბედურება დაიწყო და ახლა გამოდის და უტიფრად უარყოფს, თითქოს ან ფაქტების გადამოწმებაა რთული, ან მეხსიერება წაეშალა ხალხს. მაგ არამზადას რატომღაც არავინ სცემს სერიოზულ პასუხს და მე მგონი სულ ტყუილად, სიცილით სიცილში ისეთ ნაძირლობებს კადრულობს, ნაცსაც რომ გაუკვირდება," - წერს გეგეჭკორი.

პოლიტიკა • 1788176844

ჩვენ ვართ არსობრივად ევოლუციის მომხრე და არა რევოლუციების, ჩვენ ყოველთვის ვემსახურებოდით სახელმწიფოს და სახელმწიფო ინტერესებს - გიგა ფარულავა

გიორგი გახარიას გუნდი ყოველთვის ვემსახურებოდით სახელმწიფოს და სახელმწიფო ინტერესებს, - ასე პასუხობს ფრაქცია "საქართველოსთვის" თავმჯდომარის მოადგილეს ლევან მაჭავარიანის წერილის შესახებ დასმულ კითხვას.გიგა ფარულავას განცხადებით, მათი გუნდი, რევოლუციური სცენარების ნაცვლად, ევოლუციური განვითარების მომხრეა."ჩვენ ვართ არსობრივად ევოლუციის მომხრე და არა რევოლუციების. შესაბამისად, როდესაც ისინი საუბრობენ რაღაც რევოლუციურ სცენარებზე, კიდევ ერთხელ ვამბობ, რომ გიორგი გახარია და ჩვენი პოლიტიკური გუნდი, ჩვენ ყოველთვის ვემსახურებოდით სახელმწიფოს და სახელმწიფო ინტერესებს", - აცხადებს პარლამენტის ფრაქცია "საქართველოსთვის" თავმჯდომარის მოადგილე გიგა ფარულავა.რევოლუციების და დესტაბილიზაციის მცდელობები, გარე ძალების გეგმა და ქვეყნის ომში ჩართვის სურვილი - ოპოზიციის, ენჯეოების და ფსევდოლიბერალი აქტივისტების ქმედებებზე კიდევ ერთ წერილს ავრცელებს ფრაქცია "ქართული ოცნების" თავმჯდომარის მოადგილე. ლევან მაჭავარიანი დეტალურად მიმოიხილავს ბოლო წლების ქრონოლოგიას და წერს, რომ მოვლენები რუსეთ-უკრაინის ომამდე ერთი წლით ადრე გამწვავდა. მაჭავარიანის თქმით, გარე ძალებს უკვე ჰქონდათ ინფორმაცია მოსალოდნელი ომის შესახებ, სურდათ მეორე ფრონტის გახსნა, ამისთვის კი ხელისუფლების შეცვლა. დეპუტატის განცხადებით, 2020 წლის არჩევნების შემდეგ, პროცესები ხმის პარალელური დათვლის შედეგების გაყალბებით, ხელოვნური კრიზისითა და რადიკალიზაციით გაგრძელდა, რასაც გიორგი გახარიას გადადგომა და მიხეილ სააკაშვილის ქვეყანაში შემოპარვა მოჰყვა.

პოლიტიკა • 1788172371

ლაშა ფარულავა: ბოდიში თუ ვინმეს აქვს მოსახდელი, ესენი არიან „ქართული ოცნების“ წევრები, რომლებმაც ჩვენი ქვეყნის დემოკრატია და სახელმწიფოებრიობა ეგზისტენციალური საფრთხის წინაშე დააყენეს

ამ ქვეყანაში თუ ვინმეს აქვს ბოდიში მოსახდელი, ეს არის „ქართული ოცნება“ და მისი ბანდიტური დანაყოფი. ახლა ვხედავთ მაჭავარიანის გააქტიურებას, ვინაიდან დაკარგა თავისი პოლიტიკური მამა და პროტექციონისტი – მამუკა მდინარაძე აღარ არის პოლიტიკაში. მას გაუჭირდება „ქართულ ოცნებაში“ ფეხის მოკიდება და, შესაბამისად, ახლა ბრტყელ-ბრტყელი განცხადებებით გამოირჩევა, – ამის შესახებ „ერთიანი ნაციონალური მოძრაობის“ წევრმა, ლაშა ფარულავამ ლევან მაჭავარიანის პოსტთან დაკავშირებით განაცხადა.ფარულავას თქმით, კოლექტიური „ქოცები“ თავს ესხმიან ოპოზიციას, რომელიც რეპრესიისა და ტერორის ქვეშაა.„მაჭავარიანები, ეს კოლექტიური „ქოცები“ თავს ესხმიან ოპოზიციას, რომელიც არის რეპრესიისა და ტერორის ქვეშ და, რა თქმა უნდა, აგრძელებს ბრძოლას. ბრძოლა არა მხოლოდ ბოლომდე გაგრძელდება, არამედ დასრულდება გამარჯვებით და ამას იხილავს ქართველი ხალხი. ვინმეს თუ ბოდიში აქვს მოსახდელი, ეს არის „ქართული ოცნება“, რომელმაც ქართველ ხალხს რეპრესია და ტერორი მოუწყო. მოქალაქეთა პოლიტიკური გაერთიანებების აკრძალვას აპირებს საკონსტიტუციო სასამართლოში; სასამართლოში, რომელიც ბუნებაში არ არსებობს და უკვე ეს ავთენტური მტკიცებულება შექმნა ღარიბაშვილმა. ამ ქვეყანაში თუ ვინმეს აქვს ბოდიში მოსახდელი, ეს არის ბიძინა ივანიშვილი და „ქართული ოცნების“ წევრები, რომლებმაც ჩვენი ქვეყანა, ჩვენი ქვეყნის დემოკრატია, სახელმწიფოებრიობა ეგზისტენციალური საფრთხის წინაშე დააყენეს, ამ საფრთხის არიდებას ცდილობს ქართული საზოგადოება და დემოკრატიული ოპოზიცია“, – განაცხადა ლაშა ფარულავამ.ლაშა ფარულავა ამბობს, რომ საქართველოში დემოკრატიის უკუსვლაზე საუბრობს მთელი საერთაშორისო საზოგადოება.„არ დაგავიწყდეთ, რომ ბიძინა ივანიშვილი რუსული ინტერესების გატარების გამო დღესაც არის აშშ-ის მხრიდან სანქცირებული. დიდი ბრიტანეთის, ევროკავშირის სანქციები აქვთ „ქართული ოცნების“ მთავრობის წევრებს, ისინი არ არიან საქართველოს მთავრობის წევრები, ისინი არიან „ოცნების“ და ივანიშვილის მთავრობის წევრები. ჩვენ ამ ქვეყანაში ჩვენი ქვეყნის დამოუკიდებლობისთვის, თავისუფლებისთვის, დემოკრატიისთვის, სახელმწიფოებრიობისთვის ვიბრძვით. ამ ბრძოლის ფასს, მათ შორის, პატიმრობით იხდის პრეზიდენტი სააკაშვილი, ჩვენი პოლიტიკური საბჭოს თავმჯდომარე ლევან ხაბეიშვილი, ჩვენი ორგანიზაციის თბილისის ლიდერი ირაკლი ნადირაძე. ჩვენ ამ ბრძოლაში ვართ, ვიქნებით არა მხოლოდ ბოლომდე, არამედ გამარჯვებამდე. რაც არ უნდა რეპრესია, ტერორი მოგვიწყოს რუსულმა ოცნებამ, ჩვენ ამ ბრძოლაში ვიქნებით ბოლომდე, გამარჯვებამდე, ვინაიდან ეს არის ჩვენი ქვეყანა და ამ ქვეყანას არავის დავუთმობთ, საქართველო არ და ვერ გარუსდება“, – აღნიშნა ლაშა ფარულავამ.„ქართული ოცნების“ წევრმა, ლევან მაჭავარიანმა სოციალურ ქსელში დაწერა: „აგენტურულო ოპოზიციურო პარტიებო, მდიდარო NGO-ებო და ულტრამემარცხენე, ფსევდოლიბერალო აქტივისტებო, თქვენ ხართ საქართველოს მტრები. უკვე იმდენად ღია და დაუფარავია ქვეყნის არევასთან დაკავშირებული თქვენი ქმედებები, რომ თქვენივე მხარდამჭერების დიდი ნაწილიც კი აცნობიერებს, საქართველოში მშვიდობისა და სტაბილურობის ერთადერთი გარანტი „ქართული ოცნებაა“, ბიძინა ივანიშვილის ხელმძღვანელობით. ჩვენ კი, ქართველ ხალხთან ერთად, ყოველდღე შეგახსენებთ, რომ ამდენი მავნებლობისა და სიბინძურის გამო, ბოდიში გაქვთ მოსახდელი ჩვენი საზოგადოების აბსოლუტური უმრავლესობისთვის“.

პოლიტიკა • 1788172084

მიხეილ სააკაშვილი: სკოლის მთელი პერიოდი მეზიზღებოდა ჩემი ფორმა, მიუხედავად იმისა, რომ საუკეთესო მოსწავლე ვიყავი, როგორც კი მოვიშორებთ ამათ, ფორმებიც გაუქმდება

ჩვენი ბავშვები მიდიან სკოლაში, სკოლას კი გაუჩნდა ძალიან ბევრი პრობლემა და მათი რიცხვი იზრდება. თავის დროზე ჩვენ მიერ მანდატურების ინსტიტუტის შემოღებამ სკოლაში დაასრულა კრიმინალების ათწლეულებიანი თარეში და მისცა ბავშვებს საშუალება, ესწავლათ უსაფრთხო გარემოში, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.„ქოცებმა მანდატურების უფლებები მკვეთრად შეზღუდეს, „დააჩმორეს“ ის და სკოლაში ისევ დაბრუნდა გარჩევები, ფულის წართმევა და კრიმინალი. არანაკლებ საგანგაშოა სკოლაში კორუფციის დაბრუნება. საქმე იმაშია, რომ ჩემს საბჭოთა ბავშვობაში და მითუმეტეს, შევარდნაძის 90-იანებში, სკოლებში იყო მუდმივი ფულის შეკრება და ზოგადი კორუფცია, შემდეგ ჩვენ კორუფცია მთლიანად ამოვძირკვეთ. ახლა ისევ დაიწყო ყველაფერზე ფულის აკრეფა – მასწავლებლების დაბადების დღეზე, 8 მარტზე, ფარდების ყიდვაზე, ნუ რეპეტიტორობაზე თავისთავად. ბავშვებს აჩვევენ, რომ აღებ-მიცემობა ჩვეულებრივი ამბავია, რაც მენტალურ კატასტროფას მოასწავებს“, – წერს სააკაშვილი.ამასთან, მიხეილ სააკაშვილი აღნიშნავს, რომ ფორმის ამოცანაა ინდივიდუალიზმის და თავისუფლების შეზღუდვა.„ძველი ჩვევების დაბრუნებას, თან დაერთო ივანიშვილის ნოსტალგიით განპირობებული სკოლის ფორმების შემოღება (ტიპს „საბჭოთა ვოლგა“ მოსწონს და ფორმა რატო არ მოეწონება). შესაბამისად, ამ ფორმების ტენდერებზეც, რა თქმა უნდა, სრულად არის წარმოდგენილი ქოცური კორუფცია. ფორმის ამოცანაა ინდივიდუალიზმის და თავისუფლების შეზღუდვა, ყველას ჩარჩოებში ჩასმა. მე პირადად, სკოლის მთელი პერიოდი მეზიზღებოდა ჩემი ფორმა, მიუხედავად იმისა, რომ ყოველთვის საუკეთესო მოსწავლე ვიყავი. როგორც კი მოვიშორებთ ამათ, ფორმებიც გაუქმდება. დარწმუნებული ვარ, ეს მოხდება ძალიან მალე“, – წერს მიხეილ სააკაშვილი.

პოლიტიკა • 1788163285

ლევან მაჭავარიანი: აგენტურულო ოპოზიციურო პარტიებო, მდიდარო NGO-ებო, თქვენ ხართ საქართველოს მტრები, თქვენივე მხარდამჭერების დიდი ნაწილიც კი აცნობიერებს, რომ მშვიდობის ერთადერთი გარანტი „ქართული ოცნებაა“

ჩემს წინა პოსტებში საზოგადოებას ფაქტებითა და არგუმენტებით დეტალურად გავახსენე აგენტურული ოპოზიციის, მდიდარი NGO-ების და მათი ულტრამემარცხენე, ფსევდოლიბერალი აქტივისტების მიერ ჩვენი ქვეყნისა და საზოგადოების წინაშე ჩადენილი მავნებლობები. დღეს კი ქრონოლოგიურად გაგახსენებთ ამ აქტორების მხრიდან რევოლუციების მოწყობის მცდელობებსა და ქვეყნის ხელოვნური დესტაბილიზაციის ფაქტებს, – ამის შესახებ „ქართული ოცნების“ წევრი ლევან მაჭავარიანი სოციალურ ქსელში წერს.მაჭავარიანის თქმით, ამ მოვლენების განსაკუთრებული სიმძაფრით განვითარება და ამ პროცესებში მათი უცხოელი პატრონების აქტიური ჩართულობა 2020 წლის მიწურულს, რუსეთ-უკრაინის ომამდე ერთ წელზე ოდნავ ადრე იწყება.„რა თქმა უნდა, ამ დროისთვის რადიკალების უცხოურმა ხელმძღვანელობამ უკვე იცოდა ომის დაწყების შესახებ და ჩქარობდა აგენტურის მოყვანას ხელისუფლებაში, იმისთვის, რომ ომის დაწყებისთანავე მომხდარიყო საქართველოს პროქსი ქვეყნად გამოყენება.მას შემდეგ, რაც 2020 წლის საპარლამენტო არჩევნებში ქართველმა ხალხმა მორიგ ჯერზე დაამარცხა აგენტურა, არაფორმალურ ოლიგარქიულ მმართველებს USAID შემოჰყავთ თამაშში, რომელიც, თავის მხრივ, ავალებს მის მიერ დაფინანსებულ ISFED-ს, რომ გააყალბოს ხმის პარალელური დათვლის შედეგები. ამ გაყალბებას პროცესების ხელოვნური რადიკალიზაცია უნდა მოჰყოლოდა. მავნებლები გამოდიან ქუჩაში, ცდილობენ ცესკო-ში შეჭრას. აგენტურული პარტიები აცხადებენ ბოიკოტს და რიგგარეშე არჩევნებს ითხოვენ. შეიქმნა ხელოვნური კრიზისი.რეალურად, აქედან იწყება სრულიად განსხვავებული მასშტაბით, აგენტურის უცხოელი პატრონების უკვე ღია და თავხედური ჩართულობით, ჩვენი ქვეყნის დესტაბილიზაციის მცდელობის უწყვეტი პროცესი.ხელოვნური კრიზისის დასამძიმებლად, აგენტურის გარე პატრონების რამდენიმე ადგილობრივი „სუპერვაიზერის“ დავალებით, გახარია გადადგება თანამდებობიდან. ელჩების ეს ინსტრუქცია გახარიამ რამდენიმე მიზეზით შეასრულა: პროგრამა მაქსიმუმი – ხელისუფლების ჩამოშლა, ხოლო მინიმუმი რამდენიმე თვეში გახარიას პოლიტიკაში შემობრუნებით „ქართული ოცნებისთვის“ ამომრჩევლის წართმევა იყო. გახარიას გადადგომიდან 10 დღეში საქართველოში ჩამოდის შარლ მიშელი და მედიაციის შედეგად შედგენილ ხელშეკრულებაში ჩნდება ჩანაწერი 43%-თან დაკავშირებით – გაუგებარი ბარიერი, რომლის თვითმმართველობის არჩევნებზე „ქართული ოცნების“ მხრიდან ვერგადალახვის შემთხვევაში ინიშნებოდა რიგგარეშე არჩევნები. სწორედ ამ არჩევნებისთვის იყო საჭირო გახარია. რამდენიმე თვით ადრე მას აბრუნებენ პოლიტიკაში და იწყებს ჭორის გავრცელებას, რომ ბიძინა ივანიშვილის პოლიტიკური პროექტია. მიზანი „ქართული ოცნებისთვის“ ხმების წართმევა და ბარიერის გადალახვაში ხელის შეშლა იყო. ხოლო იმისთვის, რომ ერთ წელზე გაწერილი ეს რევოლუციური გეგმა ბოლომდე ყოფილიყო გადაზღვეული, არჩევნებამდე ორი დღით ადრე უკრაინულმა სპეცსამსახურებმა საქართველოში არაჟნის კონტეინერით სააკაშვილი შემოაპარეს. გახსოვთ, რომ 2020-2021 წლების რევოლუციის გეგმა პროცესში მრავალ სხვადასხვა აქციასაც და ერთ-ერთ ასეთ აქციაზე აგენტურის ჟურნალისტების სცენაზე ასვლასაც ითვალისწინებდა.საბედნიეროდ, ვერც ჟურნალისტებმა მოახდინეს რევოლუცია, ვერც სააკაშვილი მივიდა არჩევნების დღეს რუსთაველზე და ვერც გახარიამ მოატყუა საკმარისი რაოდენობის ხალხი.ამასობაში, რუსეთ-უკრაინის ომიც დაიწყო.მას შემდეგ, რაც დახურულ შეხვედრებზე უარი განვაცხადეთ ომში ჩართვაზე, რაც ბატონ ბიძინა ივანიშვილს დე ფაქტო სანქციები დაუწესეს და წვდომა შეუჩერეს თავისი აქტივების დიდ ნაწილზე, რაც, უკრაინის ელჩის გაწვევის შედეგად გარედან დაორგანიზებული აქციების, უზარმაზარი წნეხისა და ზეწოლის მიუხედავად, არ დავთანხმდით რუსეთისთვის სანქციების დაწესებას, უკრაინაში მებრძოლი მოხალისეების მთავრობის ოფიციალური ნებართვით გაგზავნას და ჩვენი შეიარაღების უკრაინისთვის გადაცემას, ანუ ომში ჩართვას, დღის წესრიგში კვლავ რევოლუცია დადგა.NGO-ების რევოლუციის გეგმა შემდეგში მდგომარეობდა: უცხოელი პატრონები კანდიდატ წევრობაზე განაცხადს უკრაინას და მოლდოვას შეატანინებდნენ. საქართველო მათ თუ არ შეუერთდებოდა, აქციების ახალი ტალღა დაიწყებოდა იმ ნარატივზე დაყრდნობით, რომ ხელისუფლებას არ სურდა ევროკავშირში გაწევრება, ხოლო თუ ჩვენც შევიტანდით განაცხადს, სტატუსს უკრაინას და მოლდოვას მისცემდნენ, ჩვენ უარს გვეტყოდნენ და ამით გამოიწვევდნენ სიტუაციის ხელოვნურად იმ დონემდე დაძაბვას, რასაც რევოლუცია უნდა მოჰყოლოდა.2022 წლის მარტის დასაწყისში საქართველომ შეიტანა განაცხადი. აპრილიდან იწყება აგენტურული პარტიების, მდიდარი NGO-ების და მათი ულტრამემარცხენე, ფსევდოლიბერალი აქტივისტების დატრენინგება ივნისის მოვლენებისთვის. გვახსოვს ერთ-ერთი ასეთი ტრენინგი, რომელსაც ბაკურიანში ბატონი აკერმანი ატარებდა და რომელსაც ქალბატონი კელი დეგნანიც ესწრებოდა. მიუხედავად იმისა, რომ ევროკომისიის მიერ გამოქვეყნებული ყველა კრიტერიუმით ვუსწრებდით უკრაინასა და მოლდოვას, სტატუსის გარეშე მხოლოდ საქართველო დატოვეს. გვახსოვს 2022 წლის ივნისის მოვლენები. ჟურნალისტების შემდეგ, ამ შემთხვევაში უკვე NGO ორგანიზაციები ადიან სცენაზე, ითხოვენ მთავრობის გადადგომას და ტექნიკური მთავრობის მათი შეხედულებისამებრ დაკომპლექტებას. საბედნიეროდ, ქართველი ხალხის გვერდში დგომით, რევოლუციის ეს მცდელობაც ჩავარდა.ამის შემდეგ, 2023 და 2024 წლებში, გამჭვირვალობის ქართული კანონის მიღებისას საქართველო ორჯერ გადაურჩა რევოლუციას. აღსანიშნავია, რომ ამ ორი რევოლუციის მცდელობას შორის, გარე პატრონების დავალებით, USAID-ს აგენტურის დასატრენინგებლად ამჯერად უკვე ორგანიზაცია „კანვასი“ ჩამოჰყავს. 2024 წლის აქციებზე მეტი სიმწვავისთვის უკვე ევროპული ქვეყნების მინისტრებს და ევროპარლამენტარებსაც ვხედავდით. ეს აქტორები არც „მაიდანიზაციის“ ღია მოწოდებებს ერიდებოდნენ.„აფერისტულ“ კამპანიაზე, სახელწოდებით „რუსული კანონი“, ამ თაღლითობის დროს გამართულ ძალადობრივ აქციებსა და ამ აქციებში საზოგადოების ნაწილის ფაშისტური მეთოდებით იძულებით ჩართულობაზე მე ძალიან ვრცლად და დეტალურად ორი კვირის წინ გამოქვეყნებულ პოსტში ვისაუბრე.2024 წლის დეკემბერში აგენტურა აპირებდა 2022 წელს კანდიდატის სტატუსის არმოცემით განვითარებული მოვლენების უფრო მომზადებული, გაცილებით დიდი ენერგიითა და აგრესიით გამეორებას. სრული კოორდინაციის პირობებში, ბრიუსელი არ გაგვიხსნიდა მოლაპარაკებებს და 2022 წლის ივნისის მოვლენები მეტი სიმწვავით 2024 წლის დეკემბერში უნდა განვითარებულიყო. ნოემბერში დავასწარით და უარი ვთქვით მოლაპარაკებების გახსნის საკითხის ჩვენი მხრიდან 2028 წლამდე დაყენებაზე. დაიწყო ე.წ. თვითორგანიზებული აქციები, სადაც ძალადობის აქამდე არნახული მასშტაბი ვიხილეთ. ეს ე.წ. თვითორგანიზებული აქციები, რა თქმა უნდა, კარგად ორგანიზებული აღმოჩნდა. მას შემდეგ, რაც სასამართლოს განჩინების საფუძველზე ჩხრეკები ჩატარდა, აგენტურული ოპოზიციისა და მდიდარი NGO-ების ოფისებიდან ამოღებული იქნა ის პიროტექნიკა, „მოლოტოვის კოქტეილები“ და აალებადი ნივთიერებები, რასაც ძალადობრივ აქციებში მონაწილე რადიკალური ჯგუფები იყენებდნენ. ვერც ეს რევოლუცია შედგა.დიდი ხნით ადრე დაიწყო აგენტურამ, თავიანთ პატრონებთან ერთად, 2025 წლის 4 ოქტომბრის რევოლუციისთვის მომზადება. რამდენიმე დღით ადრე ევროკომისიამ ოფიციალურად სოლიდარობაც კი აღუთქვა ხელისუფლების დამხობის გეგმას. პირდაპირ ეთერში ვუყურებდით პრეზიდენტის სასახლის შტურმით აღების მცდელობას. სამართალდამცველი უწყებების იუველირული სიზუსტით ჩატარებული ღონისძიებების შედეგად რევოლუციის ეს მცდელობაც აღიკვეთა.აგენტურის მიერ ქვეყნის მუდმივი საბოტაჟისა და რყევის მიუხედავად, სახელმწიფო, თავისი ინსტიტუტებით, დგას მოწოდების სიმაღლეზე. ქართველი ხალხის გვერდში დგომით დღეს ჩვენი ქვეყანა არის ისეთი დამოუკიდებელი და სუვერენული, როგორიც არ ყოფილა დამოუკიდებლობის მოპოვებიდან.ხელისუფლება, პირველ რიგში, ვიცავთ ჩვენი ქვეყნის ინტერესებს და ამ ურთულეს დროში ვინარჩუნებთ მშვიდობასა და სტაბილურობას. ვიცავთ ეროვნულ იდენტობას, ვუფრთხილდებით ტრადიციებსა და კულტურას. საქართველოს ვუბრუნებთ ისტორიულ ფუნქციას დაკავშირებადობის კუთხით და ვავითარებთ ამ ფუნქციის შესასრულებლად საჭირო ინფრასტრუქტურას.საქართველოს შესახებ ყველა გადაწყვეტილებას ვიღებთ საქართველოშივე!აგენტურულო ოპოზიციურო პარტიებო, მდიდარო NGO-ებო და ულტრამემარცხენე, ფსევდოლიბერალო აქტივისტებო, თქვენ ხართ საქართველოს მტრები! უკვე იმდენად ღია და დაუფარავია ქვეყნის არევასთან დაკავშირებული თქვენი ქმედებები, რომ თქვენივე მხარდამჭერების დიდი ნაწილიც კი აცნობიერებს, რომ საქართველოში მშვიდობისა და სტაბილურობის ერთადერთი გარანტი „ქართული ოცნებაა“, ბიძინა ივანიშვილის ხელმძღვანელობით. ჩვენ კი, ქართველ ხალხთან ერთად, ყოველდღე შეგახსენებთ, რომ ამდენი მავნებლობისა და სიბინძურის გამო ბოდიში გაქვთ მოსახდელი ჩვენი საზოგადოების აბსოლუტური უმრავლესობისთვის!“ – წერს მაჭავარიანი.

პოლიტიკა • 1787943120

თაკო ჩარკვიანი ჩერგოლეიშვილზე: ეს ფეიკ “ოპო”-ბოკერიას ცოლი, თავად გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ბედავს და ახალგაზრდებს ამუნათებს- მთელი ცხოვრება გაჰკივიან დასავლეთი გვინდაო და მუდამ რუსულ საქმეს აკეთებენ

ჩერგოლეიშვილი, ახალგაზრდებს ამუნათებს- შეწყალებაზე რომ დათანხმდენენ ეს ოცნებას გაუხარდებაო, ანუ თავად “ეს “გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ეს “საბოტაჟნიკი” ცოლ-ქმარი- წერს ოპოზიციონერი პოლიტიკოსი თაკო ჩარკვიანი სოციალურ ქსელში.ჩარკვიანი ჩერგოლეიშილი-ბოკერიაზე ამბობს, რომ სინამდვილეში ისინი მუდამ რუსულ საქმეს აკეთებენ.„ტფუჰ ეს ამაზრზენი ლექსიკით დედაკაცი , ჩერგოლეიშვილი, ახალგაზრდებს ამუნათებს- შეწყალებაზე რომ დათანხმდენენ ,ეს ოცნებას გაუხარდებაო, ანუ თავად “ეს “,გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ეს “საბოტაჟნიკი” ცოლ-ქმარი, 2026 წელია გარეთ და მისი ( პრეზიდენტ სააკაშვილის დროს), მაღალთანამდებობაზე მყოფი ,უშიშროების მდივანი ქმარი დაკითხულიც არ არის, არც წულუკიანის კომისიაზე რომ არ მიუწვევიათ ბოკერია და ახლა ეს ფეიკ “ოპო”-ბოკერიას ცოლი, უბინძურესიპოლიტბეგრაუნდით ბედავს და ახალგაზრდა პოლიტპატიმრებს ამუნათებს ,”ქართულ ოცნებას გაუხარდა თქვენი შეწყალებაო”. დიახ, ყველა პოლიტპატიმარი სასწრაფოდ გარეთ უნდა იყოს, არა თქვენმა მზემახალგაზრდები ციხეში და შენ და ბოკერია “გაზპრომის” ანუ პუტინის “მაყუთით”გარეთ უნდა გრიალებდეთ და ანადგურებდეთ ნებისმიერ ოპოზიციურ გაერთიანებას!მთელი ცხოვრება გაკივიან დასავლეთი გვინდაო და მუდამ რუსულ საქმეს აკეთებენ, გადახედეთ, პირდაპირ ფაქტები მეტყველებენ !!!!!“- წერს ჩარკვიანი.