რუსული

20 მაისიდან დიდ ბრიტანეთში ისევ შესაძლებელია რუსული ნავთობისგან წარმოებული პროდუქტების - დიზელის და საავიაციო საწვავების იმპორტი

დიდი ბრიტანეთის მთავრობის გადაწყვეტილებით, 20 მაისიდან ქვეყანაში კვლავ დაშვებულია რუსული ნედლეულისგან დამზადებული დიზელისა და საავიაციო საწვავის იმპორტი. შეზღუდვის მოხსნა ეხება მხოლოდ იმ პროდუქციას, რომელიც მესამე ქვეყნებშია გადამუშავებული. ამ ნებართვას კონკრეტული ვადა არ გააჩნია, თუმცა ბრიტანული მხარე მას პერიოდულად გადახედავს.ამასთან ერთად, 2027 წლის 1-ელ იანვრამდე ნებადართული გახდა რუსული წარმოების გათხევადებული ბუნებრივი აირის (LNG) საზღვაო გზით ტრანსპორტირება. ცნობისთვის, უკრაინაში შეჭრის გამო მოსკოვისთვის 2022 წლიდან დაწესებული დანარჩენი შეზღუდვები კვლავ სრულად მოქმედებს.სანქციების ნაწილობრივი შემსუბუქების მიზეზად გლობალურ ბაზარზე შექმნილი კრიზისი სახელდება. ირანის წინააღმდეგ აშშ-ისა და ისრაელის სამხედრო მოქმედებებმა და სტრატეგიული მნიშვნელობის მქონე ჰორმუზის სრუტის ჩაკეტვამ მსოფლიოში მიწოდების შეფერხება და საწვავზე ფასების მკვეთრი ზრდა გამოიწვია. როგორც სააგენტო Reuters-ი იუწყება, ბრიტანეთის შიდა ბაზარზე ენერგორესურსების გაძვირებამ გაზარდა ზეწოლა მთავრობაზე, რამაც მათ ხელმისაწვდომობის პრობლემის გადასაჭრელად ამ ნაბიჯის გადადგმისკენ უბიძგა.პარალელურად, ანალოგიური მიზეზების - ახლო აღმოსავლეთში მიმდინარე მოვლენებისა და ჰორმუზის სრუტის ბლოკირების - გამო, შეერთებულმა შტატებმა 18 მაისს დამატებით 30 დღით გაახანგრძლივა რუსული ნავთობისა და ნავთობპროდუქტების საზღვაო იმპორტზე გაცემული ლიცენზია, რომელიც დროებით აჩერებს უკრაინის ომის გამო დაწესებულ სანქციას.სააგენტო Bloomberg-ის ინფორმაციით, შექმნილმა კონფლიქტმა და ნავთობზე ფასების ზრდამ რუსეთს საშუალება მისცა, უკრაინის ომის დაწყების შემდეგ ექსპორტით რეკორდული მოგება მიეღო. კერძოდ, 3 მაისამდე არსებული მონაცემებით, მოსკოვის ყოველკვირეული შემოსავალი ამ მიმართულებით საშუალოდ 2.42 მილიარდ აშშ დოლარს აღწევდა.

პოლიტიკა • 1779249413

პეკინში ვლადიმერ პუტინისა და სი ძინპინის შეხვედრა მიმდინარეობს

ჩინეთის დედაქალაქ პეკინში რუსეთისა და ჩინეთის პრეზიდენტების, ვლადიმერ პუტინისა და სი ძინპინის შეხვედრა დაიწყო, - ინფორმაციას რუსული მედია ავრცელებს.მათივე ინფორმაციით, ლიდერები ორმხრივი ურთიერთობების სრულ სპექტრს, ასევე აქტუალურ რეგიონულ და საერთაშორისო საკითხებს განიხილავენ.რუსეთის პრეზიდენტი ორდღიანი ოფიციალური ვიზიტით ჩინეთში გუშინ საღამოს ჩავიდა.რუსეთის მხრიდან დელეგაციის შემადგენლობაში არიან : საგარეო საქმეთა მინისტრი სერგეი ლავროვი, პრემიერ-მინისტრის პირველი მოადგილე დენის მანტუროვი, ვიცე-პრემიერები ტატიანა გოლიკოვა, ალექსანდრე ნოვაკი, იური ტრუტნევი, დიმიტრი ჩერნიშენკო, პრეზიდენტის ადმინისტრაციის უფროსის მოადგილე მაქსიმ ორეშკინი, პრეზიდენტის თანაშემწე იური უშაკოვი, ჩინეთში რუსეთის ელჩი იგორ მორგულოვი და სხვა პირები.

მსოფლიო • 1779211119

ვლადიმერ პუტინი ჩინეთში ჩავიდა

რუსეთის პრეზიდენტი ვლადიმერ პუტინი პეკინში ოფიციალური ვიზიტით ჩავიდა.რუსეთის პრეზიდენტს აეროპორტში ჩინეთის საგარეო საქმეთა მინისტრი ვანგ ი დახვდა.რუსეთის ლიდერის ჩინეთში ვიზიტი 19-20 მაისს შედგება. პუტინი ჩინეთში სი ძინპინის მიწვევით იმყოფება.ჩინეთის საგარეო საქმეთა სამინისტროს ცნობით, ორი პრეზიდენტი დისკუსიას გამართავს ორმხრივ ურთიერთობებზე, სხვადასხვა სფეროში თანამშრომლობაზე, ასევე, ორმხრივი ინტერესის საერთაშორისო და რეგიონულ საკითხებზე.ჩინეთის საგარეო საქმეთა სამინისტროს განცხადებით, ორივე მხარე შეეცდება, გამოიყენებს ეს შესაძლებლობა ურთიერთობების გასაძლიერებლად, რათა მსოფლიოში მეტი სტაბილურობა დამყარდეს. ამასთან, როგორც ცნობილია, ოფიციალური ვიზიტის ფარგლებში პუტინი ჩინეთის პრემიერ-მინისტრს, ლი ციანსაც შეხვდება და მასთან სავაჭრო-ეკონომიკურ საკითხებს განიხილავს.„როიტერის“ ინფორმაციით, ეს პუტინის რიგით 25-ე ვიზიტია ჩინეთში. მათივე ცნობით, წელს ჩინეთ-რუსეთის სტრატეგიული კოორდინაციის პარტნიორობის დამყარების 30 წლისთავი და ჩინეთ-რუსეთის კეთილმეზობლობისა და მეგობრული თანამშრომლობის შესახებ ხელშეკრულების ხელმოწერის 25 წლისთავი აღინიშნება.ამასთან, რუსული მედიის ცნობით, მხარეები ყოვლისმომცველი პარტნიორობისა და სტრატეგიული თანამშრომლობის შემდგომი გაძლიერების შესახებ დაახლოებით, 40 დოკუმენტს მოაწერენ ხელს.

მსოფლიო • 1779210233

Bloomberg: რუსული რუბლი მიმდინარე კვარტალში დოლართან მიმართებით მსოფლიოში ყველაზე ძლიერი ვალუტა გახდა

Bloomberg-ის ცნობით, რუსული რუბლი ამ კვარტალში დოლართან მიმართებაში მსოფლიოში ყველაზე ძლიერი ვალუტა გახდა.მისი ზრდა ახლო აღმოსავლეთში ომის დაწყების შემდეგ ნავთობის გაყიდვიდან უცხოური ვალუტის მკვეთრმა შემოდინებამ განაპირობა.აპრილის დასაწყისიდან რუბლი დაახლოებით 12%-ით გამყარდა და დოლარზე 72.6-ს მიაღწია - რაც 2023 წლის თებერვლის შემდეგ ყველაზე მაღალი მაჩვენებელია.დღეს კი რუბლი დოლარზე 70-მდე გამყარდა.შეგახსენებთ, რომ გუშინ აშშ-მა რუსული ნავთობისთვის სანქციების შემსუბუქება გააგრძელა.

მსოფლიო • 1779209340

ბრიტანეთის მთავრობამ გამოსცა გენერალური სავაჭრო ლიცენზია, რომელიც ნებას რთავს ქვეყანაში იმ აკრძალული საქონლის იმპორტს, რომელიც მესამე ქვეყნებში რუსული ნედლი ნავთობისგან არის დამუშავებული

დიდი ბრიტანეთის მთავრობამ გამოსცა გენერალური სავაჭრო ლიცენზია სანქცირებულ გადამუშავებულ ნავთობპროდუქტებზე. აღნიშნული ლიცენზია ნებას რთავს ქვეყანაში იმ აკრძალული საქონლის იმპორტს, რომელიც მესამე ქვეყნებში რუსული ნედლი ნავთობისგან არის დამუშავებული. ინფორმაციას ამის შესახებ ბრიტანეთის მთავრობა ავრცელებს.ლიცენზიის თანახმად, გაერთიანებულ სამეფოში დასაშვები ხდება შემდეგი პროდუქტების შეტანა: დიზელი და საავიაციო საწვავი.გარდა უშუალოდ პროდუქტების იმპორტისა, ლიცენზია ასევე აკანონებს ამ პროცესთან დაკავშირებული გარკვეული სერვისებისა და ქმედებების განხორციელებას.

მსოფლიო • 1779199337

დრონებთან დაკავშირებული „უნებლიე ინციდენტებისთვის“ უკრაინამ ესტონეთს ბოდიში მოუხადა

დრონებთან დაკავშირებული „უნებლიე ინციდენტებისთვის“ უკრაინამ ესტონეთს ბოდიში მოუხადა. უკრაინის საგარეო საქმეთა სამინისტროს პრესმდივანი გეორგი ტიხი აცხადებს, რომ რუსეთი ტექნოლოგიების გამოყენებით უკრაინული დრონების ბალტიისპირეთის ქვეყნებისკენ გადამისამართებას განზრახ აგრძელებს.„რუსეთი აგრძელებს უკრაინული დრონების ბალტიისპირეთში გადამისამართებას ელექტრონული ბრძოლის საშუალებების გამოყენებით. მოსკოვი ამას განზრახ აკეთებს გაძლიერებულ პროპაგანდასთან ერთად. ჩვენ ბოდიშს ვუხდით ესტონეთს და ჩვენს ყველა ბალტიისპირელ მეგობარს ასეთი უნებლიე ინციდენტებისთვის“, – განაცხადა მან.მან ასევე ხაზგასმით აღნიშნა, რომ უკრაინა აღმოსავლეთ ევროპის ქვეყნების საჰაერო სივრცეს რუსეთზე თავდასხმისთვის არ იყენებს.„ჩვენ კიდევ ერთხელ ვიმეორებთ, რომ, რუსული პროპაგანდის მტკიცების საწინააღმდეგოდ, არც ესტონეთმა, არც ლატვიამ, ლიეტუვამ ან ფინეთმა არასდროს არ დაუშვეს თავიანთი საჰაერო სივრცის გამოყენება რუსეთის წინააღმდეგ თავდასხმებისთვის. გარდა ამისა, უკრაინას არასდროს მოუთხოვია ასეთი რამ“, – განაცხადა მან.ცნობისთვის, დღეს, 19 მაისს რუმინულმა გამანადგურებელმა ესტონეთში უკრაინული დრონი ჩამოაგდო, რამაც ქვეყნის ნაწილში საჰაერო თავდასხმის განგაში გამოიწვია. მედიის ცნობით, ეს არის პირველი შემთხვევა, როდესაც ასეთი აპარატი ქვეყნის ტერიტორიაზე ჩამოაგდეს.

მსოფლიო • 1779135015

გემი, რომელზედაც ჰანტავირუსის სასიკვდილო აფეთქება დაფიქსირდა, ნიდერლანდების ქალაქ როტერდამის პორტში ჩავიდა - ბორტზე ორი სამედიცინო მუშაკი და ეკიპაჟის 25 წევრი იმყოფებოდა

ნიდერლანდებში ჰანტავირუსის აფეთქების შემდეგ ევაკუაციისთვის გემი ჩავიდა. როიტერის ცნობით, MV Hondius, გემი, რომელზედაც ჰანტავირუსის სასიკვდილო აფეთქება დაფიქსირდა, ნიდერლანდების ქალაქ როტერდამის პორტში ჩავიდა. ნიდერლანდების ხელისუფლებამ ეკიპაჟის 25 წევრისა და ორი სამედიცინო მუშაკისთვის საკარანტინო ზომები მოამზადა.2 მაისს, როდესაც აფეთქების შესახებ ინფორმაცია გავრცელდა, MV Hondius-ზე თავდაპირველად 23 ქვეყნიდან დაახლოებით 150 მგზავრი და ეკიპაჟის წევრი იმყოფებოდა. სამი ადამიანი გარდაიცვალა: ჰოლანდიელი წყვილი და გერმანიის მოქალაქე.გემმა კაბო-ვერდესთან, მის საბოლოო დანიშნულების ადგილას, ღუზა ჩაუშვა, მაგრამ აფრიკის დასავლეთ სანაპიროსთან მდებარე ქვეყანამ ვირუსის აფეთქების გამო მგზავრების ნაპირიდან გადმოსვლაზე უარი თქვა. ჯანდაცვის მსოფლიო ორგანიზაციამ (WHO) და ევროკავშირმა ესპანეთს კანარის კუნძულებიდან ევაკუაციის ორგანიზება სთხოვეს. მიუხედავად იმისა, რომ ესპანეთის ხელისუფლებამ გემის ნავსადგურში შეყვანის ნებართვა მისცა, სკანდალი ატყდა: კანარის კუნძულების პრეზიდენტმა შეშფოთება გამოთქვა გემის ტენერიფეში შეყვანის გამო. 10 მაისს გემი საბოლოოდ შევიდა ნავმისადგომთან და მსოფლიოს სხვადასხვა კუთხიდან ჩამოსული ათობით მგზავრი და ეკიპაჟის წევრი ევაკუირებული იქნა საკრუიზო გემიდან. სხვა ქვეყნებიდან ჩამოსული ზოგიერთი მგზავრისა და ეკიპაჟის წევრისთვის ცალკე ფრენები დაიგეგმა. შემდეგ გემი როტერდამისკენ გაემართა მცირე ეკიპაჟით და ორი დამატებითი სამედიცინო პერსონალით.ჩამოსული მგზავრები გაივლიან სამედიცინო შემოწმებას, შემდეგ კი კარანტინში მოხვდებიან. თავად გემს დეზინფექციას ჩაუტარდება.როგორ ვრცელდება ჰანტავირუსიჰანტავირუსი ძირითადად მღრღნელების მიერ ვრცელდება, მაგრამ იშვიათ შემთხვევებში შეიძლება ადამიანიდან ადამიანზე გადავიდეს ხანგრძლივი მჭიდრო კონტაქტის შემდეგ. ინკუბაციის პერიოდი შეიძლება დაახლოებით ექვსი კვირა გაგრძელდეს. ეკიპაჟის წევრები, უკვე გადმოსული მგზავრები და მათთან კონტაქტში მყოფი პირები რამდენიმე ქვეყანაში კარანტინში იმყოფებიან.ამჟამინდელი აფეთქება დაკავშირებულია ე.წ. ანდების ვირუსთან, რომელიც არგენტინასა და ჩილეში რამდენიმე ათწლეულის განმავლობაში ცირკულირებს. დაავადებათა პრევენციისა და კონტროლის ევროპული ცენტრის მონაცემებით, გემებიდან აღებული ნიმუშები ვირუსის დონის მნიშვნელოვან ცვლილებებს არ აჩვენებს.ანტარქტიდის კრუიზი, რომელსაც 23 ქვეყნიდან თითქმის 150 ტურისტი გადაჰყავდა, 1 აპრილს გავიდა. ათი დღის შემდეგ, როდესაც გემი სამხრეთ ატლანტიკაში მოძრაობდა, გემზე ნიდერლანდების მოქალაქე გარდაიცვალა. გარდაცვლილის ცხედარი, რომელსაც მისი მეუღლე ახლდა, სამხრეთ აფრიკაში გადაიყვანეს; ქალი მოგვიანებით იოჰანესბურგის საავადმყოფოში გარდაიცვალა. კიდევ ერთი ადამიანი, გერმანიის მოქალაქე, გემზე 2 მაისს გარდაიცვალა. ჯანდაცვის მსოფლიო ორგანიზაციამ (WHO) დაადასტურა, რომ სამივე გარდაცვალების მიზეზი ჰანტავირუსული ინფექცია იყო.

მსოფლიო • 1779133666

აშშ-მა რუსული ნავთობის წინააღმდეგ დაწესებული სანქციები 30 დღით შეამსუბუქა - სკოტ ბესენტი

აშშ-მა რუსული ნავთობის წინააღმდეგ დაწესებული სანქციები 30 დღით შეამსუბუქა, – ამის შესახებ აშშ-ის სახაზინო მდივანმა, სკოტ ბესენტმა განაცხადა.აშშ-ის სახაზინო დეპარტამენტის ცნობით, ყველაზე მოწყვლადი ქვეყნებისთვის გაიცემა დროებითი, 30-დღიანი გენერალური ლიცენზია, რომლითაც ქვეყნები ზღვებში მყოფ გემებზე დატვირთული რუსული ნავთობისა და ნავთობპროდუქტების შეძენას შეძლებენ.„ლიცენზია ხელს შეუწყობს ნედლი ნავთობის ბაზრის სტაბილიზაციას და უზრუნველყოფს იმას, რომ ნავთობმა ენერგეტიკულად მოწყვლად ქვეყნებამდე მიაღწიოს. ეს ასევე ხელს შეუწყობს არსებული მარაგების იმ ქვეყნებში გადამისამართებას, რომლებსაც ნავთობი ყველაზე მეტად სჭირდებათ, რათა შემცირდეს ჩინეთის შესაძლებლობა, ფასდაკლებული რუსული ნავთობის მარაგი დააგროვოს“, – წერს ბესენტი.აღნიშნულ გადაწყვეტილებას გამოეხმაურა რუსეთის პრეზიდენტის, ვლადიმერ პუტინის სპეციალური წარმომადგენელი კირილ დიტრიევი. მისი თქმით, აშშ-ის მიერ რუსულ ნავთობზე დაწესებული სანქციების შემსუბუქება პოზიტიური სიგნალია.როგორც დიმიტრიევმა აღნიშნა, ეს დასტურია იმისა, რომ გლობალური ენერგეტიკული უსაფრთხოება რუსეთის ენერგორესურსების გარეშე შეუძლებელია.

მსოფლიო • 1779132143

რუსული ნავთობკომპანიები იძულებულნი არიან, ჭაბურღილები გააჩერონ, პუტინს რუსეთი გაკოტრებისკენ მიჰყავს - ზელენსკი

რუსული ნავთობკომპანიები იძულებულნი არიან, ჭაბურღილები გააჩერონ, რეგიონების მნიშვნელოვანი ნაწილი გაკოტრების ზღვარზეა, პუტინს რუსეთი გაკოტრებისკენ მიჰყავს, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.როგორც უკრაინის პრეზიდენტმა ყოველდღიური მიმართვისას აღნიშნა, უკრაინის შორ მანძილზე განხორციელებულმა დარტყმებმა რუსეთის ნავთობგადამმუშავებელი ქარხნების სიმძლავრე ათი პროცენტით შეამცირა.ამასთან, ზელენსკის თქმით, უკრაინულმა დაზვერვამ რუსეთის ეკონომიკური დანაკარგების შესახებ ანგარიში წარუდგინა.„მხოლოდ ამ თვეებში რუსეთის ნავთობგადამმუშავებელი ქარხნების სიმძლავრე ათი პროცენტით შემცირდა. მნიშვნელოვანია ისიც, რომ რუსული ნავთობკომპანიები იძულებულები არიან, ჭაბურღილები გააჩერონ. ეს მათთვის კიდევ უფრო მტკივნეულია. რუსეთის ნავთობის მოპოვების ბუნება ისეთია, რომ სწორედ ეს არის მათთვის ყველაზე არასასიამოვნო“, – განაცხადა ზელენსკიმ.ზელენსკის თქმით, რუსეთის პრეზიდენტმა, ვლადიმერ პუტინმა ომისთვის გარკვეული ფინანსური რესურსები გადადო, თუმცა არა იმდენი, რომ ომი უსასრულოდ გააგრძელოს.„ყოველი ჩვენი საპასუხო დარტყმა, ყოველი ჩვენი და პარტნიორების ერთობლივი ნაბიჯი, ზეწოლის თითოეული მექანიზმი რუსეთს ომის დასრულებისკენ უბიძგებს“, – განაცხადა ზელენსკიმ.უკრაინის პრეზიდენტის თქმით, რუსეთში უკვე ბევრი რეგიონი ფინანსური კრიზისის ზღვარზეა.„ახლა რეგიონების მნიშვნელოვანი ნაწილი გაკოტრების ზღვარზეა, პუტინს რუსეთი გაკოტრებისკენ მიჰყავს. სხვადასხვა სქემა, რომლებსაც ისინი ფულის საშოვნელად იგონებენ, ვერ დაეხმარებათ. ჩვენ ამ რუსულ სქემებს ვხედავთ, ვაფიქსირებთ და მათ დავანგრევთ“, – აღნიშნა უკრაინის პრეზიდენტმა.

მსოფლიო • 1779119523

Reuters: აშშ-ის ხაზინის დეპარტამენტი რუსულ საზღვაო ნავთობზე სანქციების გამონაკლისის რეჟიმს გაახანგრძლივებს

აშშ-ის ხაზინის დეპარტამენტმა მიიღო გადაწყვეტილება, გაახანგრძლივოს სანქციებისგან გამონაკლისის მოქმედების ვადა რუსულ საზღვაო ნავთობზე, რომელსაც ვადა გასულ შაბათს ამოეწურა, - წერს საინფორმაციო სააგენტო Reuters.აღნიშნული გადაწყვეტილება მას შემდეგ იყო მიღებული, რაც რამდენიმე ქვეყანამ რუსული ნავთობის შესასყიდად დამატებითი დრო ითხოვა - ამის შესახებ ორშაბათს გეგმაში ჩახედულმა ინფორმირებულმა წყარომ განაცხადა.წყაროს ცნობით, სანქციების დროებითი გაუქმების რეჟიმი კიდევ 30 დღის განმავლობაში იმოქმედებს.აღსანიშნავია, რომ შეერთებულმა შტატებმა ეს გამონაკლისი თავდაპირველად ნავთობის მიწოდების დეფიციტისა და მაღალი ფასების შესამსუბუქებლად დააწესა.ბაზარზე კრიზისი მას შემდეგ შეიქმნა, რაც ირანმა ჰორმუზის სრუტე ჩაკეტა. მიუხედავად ვაშინგტონის ამ ნაბიჯისა, აღნიშნულმა გადაწყვეტილებამ აშშ-ში ბენზინის მაღალი ფასების დასტაბილურებაზე ჯერჯერობით მცირე გავლენა იქონია

საზოგადოება • 1779117047

სიმართლეს არ შეესაბამება ინფორმაცია, თითქოს ბათუმის პორტში რუსული საკრუიზო გემი Astoria Grande ბრუნდება, მსგავსი განცხადებები სპეკულაციების შესაქმნელად ვრცელდება - საზღვაო ტრანსპორტის სააგენტო

გავრცელებული ინფორმაცია, თითქოს ბათუმის პორტში რუსული საკრუიზო გემი Astoria Grande ბრუნდება, არ შეესაბამება სიმართლეს და საზოგადოების შეცდომაში შეყვანის მცდელობას წარმოადგენს, – ამის შესახებ ნათქვამია საზღვაო ტრანსპორტის სააგენტოს ინფორმაციაში.როგორც სააგენტოში აცხადებენ, მოუწოდებენ ყველა დაინტერესებულ პირს, თავი შეიკავონ გადაუმოწმებელი ინფორმაციის გავრცელებისგან.„ხაზგასმით ვაცხადებთ, რომ ბათუმის ნავსადგურში აღნიშნული გემის შემოსვლასთან დაკავშირებით არ არსებობს არც დადასტურებული განაცხადი და არც რაიმე შემოსვლის განაცხადი მუშავდება.მსგავსი ტიპის დაუზუსტებელი და ემოციურად მანიპულაციური განცხადებები მიზანმიმართულად ვრცელდება საზოგადოებაში დაძაბულობისა და სპეკულაციების შესაქმნელად.საქართველოს საზღვაო სფეროში მოქმედი ყველა პროცედურა ხორციელდება მოქმედი კანონმდებლობის, საერთაშორისო ვალდებულებების, უსაფრთხოების, სასაზღვრო და სანქციებთან შესაბამისობის მოთხოვნების სრული დაცვით.მოვუწოდებთ ყველა დაინტერესებულ პირს, თავი შეიკავონ გადაუმოწმებელი ინფორმაციის გავრცელებისგან და დაეყრდნონ მხოლოდ ოფიციალურ წყაროებს“, – ნათქვამია საზღვაო ტრანსპორტის სააგენტოს ინფორმაციაში.

მსოფლიო • 1779105330

რუსეთთან მოლაპარაკებების პროცესში ევროკავშირის წარმომადგენლად ბრიუსელში ანგელა მერკელის, მარიო დრაგისა და ალექსანდრ სტუბის კანდიდატურები განიხილება - POLITICO

ბრიუსელში რუსეთისა და უკრაინის ომთან დაკავშირებულ მოლაპარაკებების პროცესში ევროკავშირის წარმომადგენლად გერმანიის ყოფილი კანცლერის, ანგელა მერკელის, იტალიის ყოფილი პრემიერ-მინისტრის, მარიო დრაგისა და ფინეთის პრეზიდენტის, ალექსანდრ სტუბის კანდიდატურებს განიხილავენ. ინფორმაციას „პოლიტიკო“ ავრცელებს.გარდა ამისა, გამოცემა ამ პოზიციაზე ევროკავშირის საგარეო პოლიტიკური უწყების ხელმძღვანელს, კაია კალასსაც მოიხსენიებს.კალასი დიდი ხნის განმავლობაში ეწინააღმდეგებოდა რუსეთთან პირდაპირ მოლაპარაკებებს, თუმცა მოგვიანებით სპეციალური წარმომადგენლის დანიშვნის შესაძლებლობა არ გამორიცხა და განაცხადა, რომ ევროკავშირის საგარეო საქმეთა მინისტრები ამ საკითხს თვის ბოლოს განიხილავენ.„პოლიტიკოს“ ცნობით, გასულ კვირას კალასმა, ფაქტობრივად, საკუთარი კანდიდატურა თავად წამოაყენა და ჟურნალისტებს განუცხადა, რომ „შეუძლია, ამოიცნოს ის ხაფანგები, რომლებსაც რუსეთი აწყობს“.როგორც „პოლიტიკოს“ სტატიაშია აღნიშნული, ევროკავშირის სამი დიპლომატი აცხადებს, რომ კალასის მკაცრად ანტირუსული პოზიცია ვლადიმერ პუტინისთვის მის კანდიდატურას, პრაქტიკულად, გამორიცხავს.მერკელის კანდიდატურასთან დაკავშირებით გამოცემა აღნიშნავს, რომ მას ამ პოზიციის დაკავება შეუძლია და უშუალოდ ჰქონია ურთიერთობა როგორც ვოლოდიმირ ზელენსკისთან, ისე ვლადიმერ პუტინთან. ამავდროულად, ბევრი ევროპელი მიიჩნევს, რომ მისი წარსული წარუმატებელი შუამავლობის მცდელობები საკმარისია მისი კანდიდატურის გამოსარიცხად.სტატიის მიხედვით, სტუბის კანდიდატურასთან დაკავშირებით აღნიშნავენ გამოცდილებას შუამავლობაში საკუთარ ქვეყანაში და იმ ფაქტს, რომ ადრე თავად გამოხატა დაინტერესება. სტატიის თანახმად, მას ევროკავშირის ფართო მხარდაჭერა დასჭირდება, ხოლო ფინეთის ნატო-ში წევრობამ შესაძლოა, შანსები შეამციროს.რაც შეეხება მარიო დრაგის, როგორც გამოცემა წერს, ის ევროპაში ფართო პატივისცემით სარგებლობს და არც ზედმეტად ხისტ, არც კრემლისადმი სიმპათიების მქონედ არ მიიჩნევა. „პოლიტიკოს“ ცნობით, ამ ეტაპზე არ არსებობს საჯარო სიგნალები, რომ ეკონომიკაზე ორიენტირებულ დრაგის სურს ამ როლის შესრულება.„პოლიტიკოს“ ცნობით, ის ადამიანები, რომლებიც იცნობენ კიევის პოზიციას, აცხადებენ, რომ ევროკავშირის სპეციალურ წარმომადგენელს უნდა ჰქონდეს ბრიუსელის ძლიერი მხარდაჭერა, მაგრამ ამასთანავე, არ უნდა იყოს ევროკავშირის ინსტიტუტების წარმომადგენელი.სტატიის მიხედვით, ეს შეიძლება მიანიშნებდეს ისეთ ფიგურებზე, როგორიცაა ნორვეგიის საგარეო საქმეთა მინისტრი ესპენ ბარტ ეიდე, ან თუნდაც ინდოეთის საგარეო საქმეთა მინისტრი ჯაიშანკარი, რომელიც ორივე მხარესთან ინარჩუნებს ურთიერთობებს.გამოცემის შეფასებით, „რუსეთთან მომლაპარაკებლის შერჩევაში ყველაზე დიდი დაბრკოლება არ არის პუტინი ან ზელენსკი, არამედ ევროპელების უუნარობა, შეთანხმდნენ“.ამავდროულად, მედია იუწყება, რომ გერმანიაში ამ პოზიციაზე მოქმედი პრეზიდენტის, ფრანკ-ვალტერ შტაინმაიერის კანდიდატურის განხილვას გეგმავენ.