რუსული

უკრაინული მედია: რუსეთი ჩასოვ იარზე შეტევას აძლიერებს

რუსი ოკუპანტები უკრაინის დონეცკის ოლქში მდებარე ქალაქ ჩასოვ იარზე შეტევას აძლიერებენ. ინფორმაციას უკრაინული მედია ავრცელებს.მათი ცნობით, რუსები სხვადასხვა საბრძოლო ტაქტიკას იყენებენ, რათა არხის სევერსკი დონეცის გადაკვეთა და ქალაქში შესვლა შეძლონ. ამ მიზნით რუსული ჯარი იერიშების რაოდენობას ზრდის.როგორც ოპერატიულ-ტაქტიკური დაჯგუფება „ლუგანსკის“ პრესმდივანმა ანასტასია ბობოვნიკოვამ ტელეარხ „კიევ 24“-თან ინტერვიუს დროს განაცხადა, „ცივი ამინდის მიუხედავად რუსები ხსენებულ მიმართულებაზე იერიშებს განაახლებენ“.მისი თქმით, მოწინააღმდეგე ჩასოვ იარის მიმართულებაზე საჯარისო შენაერთებისა და შეიარაღების გადასროლას ახორციელებს. „ჩვენ ვხედავთ, რომ მათ უკვე დააგროვეს დიდი საჯარისო შენაერთი, და ისინი, სამწუხაროდ, უკვე გადადიან შეტევაზე, შტურმების რაოდენობა იზრდება“, - აღნიშნა მან.

ომი უკრაინაში • 1732608262

უკრაინამ კუპიანსკი რუსული ჯარებისგან სრულად გაათავისუფლა - Deepstate

ანალიტიკური პროექტის, Deepstate-ის მონაცემებით, 26 ნოემბრის ღამეს, უკრაინის თავდაცვის ძალებმა ქალაქ კუპიანკსის რუსული ჯარებისგან გათავისუფლება დაასრულეს."უკრაინის ძალებმა კუპიანსკის გაწმენდა დაასრულეს" - წერია Deepstate-ის ანაგარიშში.თუმცა, ამასთან ერთად. ანალიტიკოსები წერენ, რომ რუსული ჯარები წინ მიიწევენ ნოვომლინსკთან, ხარკოვის ოლქში. გარდა ამისა, ოკუპანტების წინ მიიწევენ დონეცკის რეგიოში, რაზდოლნში, პეტროვკაში და კურახოვოში.კუპიანსკი ხარკოვის ოლქის ერთ-ერთი მსხვილი ქალაქია, რომელიც უკრაინელებმა 2022 წლის 10 ნოემბერს რუსული ოკუპაციისგან გაათავისუფლეს.14 ნოემბერს Deepstate-მა გაავრცელა ინფორმაცია, რომ რუსეთმა სოფელ ილინსკის ოკუპაცია მოახდინა და ქალაქ კუპიანსკში შეიჭრა."დღეს მტრის ტექნიკის 2 კოლონა ლიმანის რაიონიდან კუპიანსკის მიმართულებით დაიძრა. დაზუსტებით ცნობილია, რომ კოლონაში არის ტანკები და ჯავშანტრანსპორტიორები". – ეწერა Deepstate-ის ანაგარიშში.Deepstate-ის ინფორმაციის თანახმად რუსეთმა კოლონის ცოცხალი ძალით მომარაგება სცადა, მაგრამ უკრაინულმა ძალებმა დამხმარე რაზმებზე იერიში მიიტანა.ცოტა ხნით ადრე რუსულმა ქვედანაყოფები ოთხი მიმართულებით ცდილობდნენ კუპიანსკში შეჭრას, რუსი ჯარისკაცების ნაწილი უკრაინის შეიარაღებული ძალების ფორმებში იყვნენ გადაცმულები. გამოყენებული იყო სამხედრო ტექნიკის 15 ერთეული.

მსოფლიო • 1732607950

30 პრო-ლგბტ არასამთავრობო ორგანიზაციამ, რუმინეთის პარლამენტის პრო-ევროკავშირის პარტიებს მიმართა, რათა მათ ბოიკოტი გამოუცხადონ კალინ ჯორჯესკუსა და ნაციონალისტურ პარტიებს.მათი თქმით, კალინ ჯორჯესკუს ხელისუფლებაში მოსვლა, რუმინეთში “ლგბტქ მოძრაობისა და ღირებულებების სიკვდილს“ ნიშნავს.“რუმინეთში ფუნდამენტური უფლებები და თავისუფლებები საფრთხის ქვეშაა. დღეს უფრო მეტად, ვიდრე ოდესმე! ზრდას ხელს უწყობს ისეთი გამოწვევები, როგორიცაა რუსეთის ომი უკრაინის წინააღმდეგ, რუსული გავლენის ზრდა საზოგადოებრივ ცხოვრებაში, პოპულიზმისა და ექსტრემიზმის ზრდა პოლიტიკურ გარემოში, პოლიტიკური კლასისადმი ნდობის ნაკლებობა და ეკონომიკური პრობლემები, რომლებიც ზრდის პიროვნულ დაუცველობას. ქალები, მოზარდები და ახალგაზრდები, ლგბტქი ადამიანები, აივ ინფიცირებული ადამიანები და მათთან ერთად მთელი საზოგადოება გაურკვევლობას და დაუცველობას აწყდებიან“, - აღნიშნულია განცხადებაში.

პოლიტიკა • 1732600993

მომავალში ხელისუფლების შეცვლის შანსი ექნება, არა სიცრუეზე დამყარებულ, ქვეყნის მტრობაზე ორიენტირებულ, არამედ რეალურ, პატრიოტ და პატიოსან ოპოზიციას, რომლის გამოჩენასაც ასე მოელის ქართული საზოგადოება - ნანა კაკაბაძე

ხელისუფლების მოწინააღმდეგეები ვერ იჯერებენ, რომ “ქართულმა ოცნებამ”ასეთი უპირატესობით დაამარცხა ოპოზიცია და გაკვირვებული კითხულობენ: „როგორ შეიძლება იმის დაჯერება, რომ საქართველოში ყოველი მეორე (და უფრო მეტიც) ქოცია?!“.ჩვენ სხვანაირად დავსვამდით კითხვას: როგორ შეიძლებოდა, დღევანდელ საქართველოში, 9 წლიანი სისხლიანი მმართველობის ისტორიის მქონე ნაცებს, ისევ 780 000-ზე მეტი ხმა აეღოთ?! - წერს “ერთიანი ნეიტრალური საქართველოს” ერთ-ერთი დამფუძნებელი, ნანა კაკაბაძე სოციალურ ქსელში.მისი განცხადებით, ორივე ზემოთ ხსენებულ კითხვაზე არსებობს ლოგიკური პასუხები, კერძოდ, ცვლილებებისაკენ მიდრეკილი საზოგადოების ბუნებრივი სურვილი და მოლოდინია, რომ უკეთესი პოლიტიკური ძალით შეიცვალოს ერთი და იგივე მმართველობა.როგორც კაკაბაძე განმარტავს, რეალური, კონსტრუქციული და პატრიოტი ოპოზიციური ძალის არარსებობაა იმის მიზეზი, რომ “პოლიტიკას მიტმასნილი თაღლითები, უცხო ქვეყნის მონა-მარიონეტები დღემდე იღებენ ხმების საკმაოდ დიდ რაოდენობას.“ვინ და როგორ შეცვლის ქართული ოცნების ხელისუფლებასხელისუფლების მოწინააღმდეგეები ვერ იჯერებენ, რომ “ქართულმა ოცნებამ”ასეთი უპირატესობით დაამარცხა ოპოზიცია და გაკვირვებული კითხულობენ: „როგორ შეიძლება იმის დაჯერება, რომ საქართველოში ყოველი მეორე (და უფრო მეტიც) ქოცია?!“.ჩვენ სხვანაირად დავსვამდით კითხვას: როგორ შეიძლებოდა, დღევანდელ საქართველოში, 9 წლიანი სისხლიანი მმართველობის ისტორიის მქონე ნაცებს, ისევ 780 000-ზე მეტი ხმა აეღოთ?!ორივე ამ კითხვაზე არსებობს ლოგიკური პასუხები, თუ გავითვალისწინებთ, რომ ეს 780 000-ზე მეტი ხმა იყოფა ბარიერგადალახულ ოთხ ოპოზიციურ პარტიაზე, საიდანაც ახალმა და ძველმა ნაცებმა ჯამურად აიღეს დაახლოებით 440 000 ხმა (229 000 ხმა, ანუ 11%+211 000 ხმა, ანუ 10%), ხოლო „ლელომ“და გახარიას პარტიამ ერთად დაახლოებით 344 000 ხმა (183 000 ხმა, ანუ 8,8%+161 000 ხმა, ანუ 7,7%) გამოდის, რომ არჩევნებში მონაწილეთა დაახლოებით 21% დღესაც უჭერს მხარს ნაცებს, ხოლო დაახლოებით 17%-მდეა ისეთი, ვინც დღევანდელი ხელისუფლების მოწინააღმდეგეა, მაგრამ არ უნდა ნაცების მობრუნება და ირჩევენ მესამე ძალას.ეს არის მშრალი ციფრები, მაგრამ თუ გავითვალისწინებთ იმას, რომ გარკვეული მცდელობების მიუხედავად, ლელომ და გახარიამ ვერ შეძლეს ნაცებისგან გამიჯვნის ილუზიის შექმნა და მესამე ძალად წარმოჩინება, უმეტესობა მათ მაინც ნაცების ანასხლეტებად მოიაზრებდა. აქედან გამომდინარე შეიძლება ითქვას, რომ საქართველოში პოლიტიკური ოპოზიციური ველის დიდი ნაწილი სრულიად მოცარიელებულია და ამომრჩეველი ელოდება იმ ძალას, რომელიც იქნება ეროვნული, კონსტრუქციული, სახელმწიფოებრივად მოაზროვნე და მკაფიოდ გამიჯნული არა მარტო სახელისუფლებო პარტიისგან, არამედ ნაცებისგანაც.დღევანდელ პოლიტიკურ სივრცეში, ოპოზიციად წოდებული, უცხო ქვეყნების აგენტების კონგლომერატის ჩამოცილება შესაძლებელია ერთადერთი ბუნებრივი გზით, რომელსაც ჰქვია ხალხის ინტერესებზე ორიენტირებული, ჯანსაღი ოპოზიციის დაბადება. სხვაგვარად არ უწერია რეალიზება, ცვლილებებისაკენ მიდრეკილი საზოგადოების ბუნებრივ სურვილს და მოლოდინს, რომ უკეთესი პოლიტიკური ძალით შეიცვალოს ამდენ წლიანი ერთი და იგივე მმართველობა.რეალური, კონსტრუქციული, პატრიოტი, ძლიერი ოპოზიციის არარსებობაა იმის მიზეზი, რომ პოლიტიკას მიტმასნილი თაღლითები, უცხო ქვეყნის მონა-მარიონეტები დღემდე იღებენ ხმების ასეთ რაოდენობას. ალოგიკურია, რომ 800 ათასამდე საქართველოს მოქალაქეს სურვილი აქვს საკუთარი ხელით მოახდინოს ისეთი ხელისუფლების რეანიმაცია, რომელიც დააბრუნებს ციხეებში გაუპატიურების, ქუჩებში უდანაშაულო ახალგაზრდების ხოცვის, საზოგადოების დაშინების, ბიზნესის დარეკეტების პრაქტიკის განმეორებას, რისი შიშითაც ბევრი მოქალაქე შუაღამისას იღვიძებდა და გარბოდა ნოტარიუსთან საკუთარი ქონების გადასაფორმებლად.ხალხს უნდა ცვლილებები, ანუ უნდა ოცნების მმართველობის კიდევ უფრო უკეთესი მმართველობით შეცვლა და სამწუხაროდ, უკეთესის არ არსებობის გამო უარესს ირჩევენ, რადგან სხვა ოპოზიციურ ძალას ვერ ხედავენ. რაც დრო გადის, შეცვლის მსურველი ამომრჩეველი იმატებს და არა პირიქით. ამიტომ საჭიროა ხელისუფლებას ჰყავდეს ნამდვილი ოპოზიცია, რომელსაც ხალხი აირჩევს.ასეთ პირობებში, სულაც არ არის გასაკვირი, რომ ნაცების რეაბილიტაციისა და რეანიმაციის შიშით მილიონზე მეტმა ადამიანმა ხმა სწორედ ხელისუფლებას მისცა. ამას ხელი შეუწყო ოცნების ძალზე მკაფიოდ გამოკვეთილმა და ყველასათვის მარტივად გასაგებმა პოლიტიკამ, რაც გამოიხატა მშვიდობის შენარჩუნების მიზნით უკრაინისადმი ზომიერად გამოხატულ, პოლიტიკურ-ჰუმანიტარულ მხარდაჭერაში და რუსეთთან მკვეთრი დაპირისპირების არიდებაში, ოჯახური ღირებულებების დაცვაში და არატრადიციული სექსუალური ურთიერთობების პროპაგანდის აკრძალვაში, არასამთავრობო ორგანიზაციების მიერ მიღებული მრავალმილიონიანი გრანტების გამჭვირვალობის მოთხოვნაში, ევროინტეგრაციის გზაზე გადადგმული კონკრეტული ნაბიჯების რეალურობაში (რაც დასრულდა უვიზო რეჟიმისა და ევროკავშირის წევრობის სტატუსის მიღებით), ასევე ხელშესახებ ეკონომიკურ წინსვლაში და ა. შ. რაც მთავარია, მოქალაქეთა უმრავლესობაზე არ იმუშავა ოპოზიციის ყოველდღიურმა აღვირახსნილმა, სიცრუით გაჟღენთილმა პროპაგანდამ, რომ ხელისუფლება ქვეყანას რუსეთის ჭაობისკენ მიაქანებს. ამის მიზეზი ის არის, რომ რაც არ უნდა ინტენსიურად უჩიჩინონ ეკრანებიდან რამდენიმე ათეულმა თუ ასეულმა მარგინალმა პოლიტიკოსმა თუ აქტივისტმა, რაც არ უნდა „რუსული... რუსული... რუსული...“ იძახონ ხელისუფლების ყველა ქმედებაზე, საზოგადოების აბსოლუტური უმრავლესობა კარგად ხედავს და საკუთარ ტყავზე გრძნობს, რომ ხელისუფლების მმართველობის ფორმები და მეთოდები, ადამიანის უფლებების დაცვისა და დემოკრატიის ხარისხი, რუსულისგან და იმ „სისხლიანი 9 წლისგან“ ისე განსხვავდება, როგორც ცა და დედამიწა.ამიტომ მომავალში საქართველოს ხელისუფლების შეცვლის შანსი ექნება, არა დემაგოგიაზე და სიცრუეზე დამყარებულ, ქვეყნის მტრობაზე ორიენტირებულ, არამედ საქმეზე ორიენტირებულ, რეალურ, სუფთა, პატრიოტ და პატიოსან ოპოზიციას, რომლის გამოჩენასაც ასე მოელის ქართული საზოგადოება." - წერს ნანა კაკაბაძე.

მსოფლიო • 1732599259

ლონდონმა რუსეთის „ჩრდილოვანი ფლოტის“ 30 ნავთობტანკერს სანქციები დაუწესა

ლონდონმა რუსეთის „ჩრდილოვანი ფლოტის“ 30 ნავთობტანკერს, რომლებიც მხოლოდ გასული წლის განმავლობაში მილიარდობით ფუნტის ღირებულების ნავთობისა და ნავთობპროდუქტების ტრანსპორტირებაზე იყო პასუხისმგებელი, სანქციები დაუწესა.ინფორმაციას დიდი ბრიტანეთის მთავრობა ავრცელებს.დიდი ბრიტანეთის საგარეო საქმეთა მინისტრის, დევიდ ლემის განცხადებით, დიდმა ბრიტანეთმა აღნიშნული ტიპის „ყველაზე დიდი სანქციების პაკეტი“ გამოაცხადა. გაერთიანებული სამეფოს მთავრობის ცნობით, სანქცირებული რუსული ნავთობტანკერების საერთო რაოდენობა, უკვე 73 გახდა.

მსოფლიო • 1732566818

ზელენსკი რუსეთის წინააღმდეგ დიდი ბრიტანეთის მიერ დაწესებულ სანქციებს მნიშვნელოვან ნაბიჯს უწოდებს და ევროპას მოუწოდებს, მიიღონ მსგავსი ზომები

უკრაინის პრეზიდენტი ვოლოდიმირ ზელენსკი რუსეთის წინააღმდეგ დიდი ბრიტანეთის მიერ დაწესებულ სანქციებს მნიშვნელოვან ნაბიჯს უწოდებს და ევროპას მოუწოდებს, მიიღონ მსგავსი ზომები.ზელენსკის განცხადებით, აუცილებელია, დაუყოვნებლივი და მკაცრი პასუხი რუსეთის სამხედრო მოქმედებებზე.„რუსეთს აუცილებლად ვუპასუხებთ ყველაფერზე, რაც მან გააკეთა. მნიშვნელოვანია, რომ ასეთი დარტყმები არ დარჩეთ შესაბამისი პასუხის გარეშე. რუსული ტერორის ნორმალიზების მცირედი ეჭვიც არ უნდა არსებობდეს“, – განაცხადა ზელენსკიმ და დასძინა, რომ ეკონომიკური სანქციები პირდაპირ გავლენას ახდენს რუსეთის სამხედრო შესაძლებლობებზე.ცნობისთვის, ბრიტანეთმა დააწესა სანქციები რუსეთის ჩრდილოვანი ფლოტის წინააღმდეგ, რომელიც 30 ხომალდს მოიცავს.

პოლიტიკა • 1732524579

მოკლედ, უკვე მართლაც რომ დიდი ხანია „სირცხვილია“ და „დროა" გაგაქროთ პოლიტიკური ველიდან, რადგანაც „კმარა“ - დავით ქართველიშვილი ოპოზიციას

წარსულს ჩაბარდა „არალეგიტიმური" ცესკო, „გაყალბებული" არჩევნები და „რუსული" ხელისუფლება, - წერს სოციალურ ქსელში „ხალხის ძალის“ წევრი დავით ქართველიშვილი და ოპოზიციის მიერ გამართულ აქციას ეხმიანება. როგორც ექსპერტი წერს, ღამით არსებული ვითარება რუსთაველზე, ძალიან ჰგავდა ერთ იუმორისტულ ჩანახატს, როცა სოციალური ქსელის გათიშვის შემდეგ, ხალხი ქუჩაში სურათების ე.წ. „დალაიქებას“ ითხოვს.დავით ქართველიშვილს სწორედ ამ ვითარებას აგონებდა ცალკეული ოპოზიციონერის ქმედება ქუჩაში. ის წერს, რომ დროა ყველაფერსბოლო მოეღოს.„ის იუმორისტული ჩანახატი ხომ გახსოვთ, ფეისბუკი ერთი დღით რომ გაითიშება და გადარეული ხალხი ქუჩაში რომ გამოვარდება ფოტოსურათებით ხელში და ერთმანეთს ტვინს რომ წაუღებს: „მომიწონე რა, მომიწონე!!!".ასე გამოვარდა გუშინ ქუჩაში სიხარულისგან გადარეული გეგელია და თითოეულ პოლიციელს აცნობდა თავს: „მე დეპუტატი ვარ, მომიწონეთ რა. დეპუტატი!!!". ოსტაპ ბენდერის ციტატისა არ იყოს: „აღსრულდა იდიოტის ოცნება".წარსულს ჩაბარდა „არალეგიტიმური" ცესკო, „გაყალბებული" არჩევნები და „რუსული" ხელისუფლება. სწორედ ამ ხელისუფლების ერთ-ერთ ნაწილაკობით უზომოდ ბედნიერი გეგელია გუშინ წინმსწრებად ზეიმობდა ტელეფონზე საახალწლოდ შემოსულ საბანკო SMS ნანატრი სახელფასო ჩარიცხვის თაობაზე.ამ დღეს გეგელია ჯერ კიდევ „რუსეთის მასონთა დიადი ლოჟის" წევრობის დროიდან ელოდებოდა და არ გაუბედოთ, უგუნურებო, დღეს ამ მაზალო კაცუნას პირადი ბედნიერების გაფარჩაკებას. დღეს თბილისის ქუჩებში პოლიტიკური „ბიპოლარული აშლილობით" დასნეულებული ერთი რიგითი ბედნიერი ადამიანი დარბოდა: თან იფურთხებოდა სახელმწიფოსა და საკუთარი ამომრჩევლის მიმართ, თან უზომოდ უხაროდა თავისი დეპუტატობისა.სპეციალიზებულ კლინიკებში ამ დაავადების მატარებლებს ხშირად ცივი წყლის აბაზანებით აწყნარებენ.ასე რომ, პოლიციელების მიერ მისი მიმართულებით გაშვებული წყლის ჭავლი ჰუმანურობის აქტი იყო, სხვა არაფერი. ამასობაში კი, „მე ამდენ სიხარულს ვერ გავუძლებ" - გაიფიქრა კიდევ ერთმა დეპუტატმა გვარამიამ და გამთენიისას ქვეყანა დატოვა. რა თქმა უნდა, გააქტიურებული როუმინგით - საბანკო SMS -ის მისაღებად.მოკლედ, უკვე მართლაც რომ დიდი ხანია „სირცხვილია" და „დროა" გაგაქროთ პოლიტიკური ველიდან, რადგანაც „კმარა", - წერს დავით ქართველიშვილი.

მსოფლიო • 1732518215

რუსული „აზიმუტის“ თვითმფრინავს ანტალიის აეროპორტში ცეცხლი გაუჩნდა

თურქეთის ქალაქ ანტალიის აეროპორტში დაშვების შემდეგ ხანძარი გაუჩნდა რუსული ავიაკომპანია „აზიმუტის“ სამგზავრო თვითმფრინავს.ბორტზე იმყოფებოდა 89 მგზავრი და ეკიპაჟის 6 წევრი. ავიაკომპანიის ინფორმაციით, მათი ევაკუაცია სათადარიგო ტრაპებით განხორციელდა და არავინ დაშავებულა.ანტალიის აეროპორტის ადმინისტრაციის ცნობით, ხანძარი მალე ჩააქრეს. ადმინისტრაციაც ადასტურებს, რომ მგზავრები და ეკიპაჟის წევრები არ დაშავებულან.Sukhoi Superjet 100-ის ტიპის თვითმფრინავი სოჭი-ანტალიის რეისს ასრულებდა. ავიაკომპანია „აზიმუტის“ წინასწარი მონაცემებით, ძრავს ცეცხლი გაუჩნდა ე.წ. ხისტი დაშვების გამო, რაც თავის მხრივ ძლიერმა ქარმა გამოიწვია.25 ნოემბერს, შუაღამის შემდეგ მომხდარი ინციდენტის გამო ანტალიის აეროპორტი დროებით დაკეტილი იყო.

პოლიტიკა • 1732517102

ასლან ბჟანია აფხაზეთის ე.წ. საპრეზიდენტო არჩევნებში მონაწილეობას აპირებს

ოკუპირებული აფხაზეთის გადამდგარი ე.წ. პრეზიდენტი ასლან ბჟანია კვლავ აპირებს ე.წ. საპრეზიდენტო არჩევნებში მონაწილეობის მიღებას. ინფორმაციას რუსული მედია ავრცელებს.„მე აუცილებლად მივიღებ მონაწილეობას აფხაზეთის პოლიტიკურ ცხოვრებაში. ვიცი, რომ ჩვენ არჩევნებში მონაწილეობას მივიღებთ. ჩემი გუნდი არჩევნებში მიიღებს მონაწილეობას. მე დავაყენებ ჩემს კანდიდატურას“, - განაცხადა ბჟანიამ რუსულ მედიასთან ინტერვიუში.სავარაუდოდ, აფხაზეთში ე.წ. საპრეზიდენტო არჩევნები 2025 წლის თებერვალში ჩატარდება. ზუსტი თარიღი მოგვიანებით გახდება ცნობილი.აფხაზეთში ვითარება 15 ნოემბერს დაიძაბა. აფხაზეთის ე.წ. პარლამენტს რუსეთთან დადებული ხელშეკრულების რატიფიცირება უნდა მოეხდინა. შეთანხმება რუსულ იურიდიულ პირებს აფხაზეთში ინვესტიციების განხორციელების უფლებას აძლევდა.ამ დღესვე აფხაზეთის ე.წ. პარლამენტის შენობასთან დილიდან დაიწყეს ოპოზიციის წარმომადგენლებმა და მათმა მხარდამჭერებმა შეკრება. სხდომა დღის წესრიგის არდამტკიცების გამო ვერ შედგა. საღამოს ცნობილი გახდა, რომ დე ფაქტო პრეზიდენტის ადმინისტრაციამ აღნიშნული ხელშეკრულების უკან გაწვევის მომზადება დაიწყო.მოგვიანებით კი მომიტინგეები სოხუმში პარლამენტის შემდეგ ე.წ. პრეზიდენტის ადმინისტრაციის შენობაში შეიჭრნენ და ბჟანიას გადადგომა მოითხოვეს. ოპოზიციასა და ბჟანიას შორის მოლაპარაკებები რამდენიმე დღე გრძელდებოდა.

რჩევები • 1732483255

რა შეიძლება გამოიწვიოს ზამთარში ქუდის გარეშე სიარულმა

ქუდის გარეშე სიარულმა შემოდგომა-ზამთრის სუსხიან ამინდებში,შეიძლება გამოიწვიოს თავის, სახის და კისრის ზედაპირის დაზიანება. კერძოდ, შესაძლებელია ცხვირის, ყურებისა და ლოყების მსუბუქი მოყინვა, რაც იწვევს სახის კანის ადრეულ დაბერებას.სახის მიდამოში არის განთავსებული დანამატი ღრუები, რომლებშიც თბება ჩვენ მიერ შესუნთქული ჰაერი.თუ სიცივის შედეგად, აღინიშნა დანამატი ღრუების გადაციება, მაშინ ლორწოვან გარსებში შესული ცივი ჰაერი ხელს შეუწყობს ადგილობრივი იმუნიტეტის დაქვეითებას და ვირუსული და ბაქტერიული ფლორის გააქტიურებას.სისხლძარღვთა სპაზმისა და სისხლის ცუდი მიმოქცევის გამო, თმის ფოლიკულებიც შეიძლება დაზიანდეს.გარდა ამისა, ჰიპოთერმიის გამო, ხშირია თავის ტვინის სისხლძარღვებთან დაკავშირებული პრობლემები:თავის ტკივილი,არტერიული წნევის მომატება.რაც უფრო დაბალია ტემპერატურა, მით უფრო სავარაუდოა, რომ განვითარდეს სისხლძარღვთა სპაზმი, რაც იწვევს თავის ძლიერ ტკივილს და ანთებას კრანიალური ნერვებისა, როგორიცაა სამწვერა და სახის ნერვები.ქუდთან ერთად შარფიც არის საჭირო, ვინაიდან კისერ-საყელოს ზონაც იზოლირებას საჭიროებს - აქ გადის თავის ტვინის მკვებავი ცენტრალური არტერიები და სისხლძარღვები. კისრის მიდამოში სითბოს შენარჩუნებით, ვიცავთ მთელ სხეულს, მათ შორის კიდურებს, ჰიპოთერმიისგან.ადგილობრივი გადაციება იწვევს იმუნიტეტის დაქვეითებას და სისხლის მიწოდების დარღვევას, რაც ხელს უშლის ჟანგბადის ნორმალურ მიწოდებას, ქსოვილების კვებას და იწვევს ნაადრევ დაბერებას. სიცივის უარყოფითი გავლენა ორგანიზმზესიცივე იწვევს ქრონიკული დაავადებების გამწვავებას, ადამიანს თავს ახსენებს ყველა ის ქრონიკული პრობლემა, რომელთან ერთადაც იგი უკვე წლებია ცხოვრობს, სწორედ ამიტომ საჭიროა ზამთრის დადგომამდე ქრონიკული დაავადებებისთვის საჭირო პროფილაქტიკური კვლევების და სხვა ტიპის ღონისძიებათა დროული გატარება.კანის საფარველი ალერგია სიცივეზეგასაკვირი იქნებოდა სიცივეზე თავისებური რეაქციები ჩვენი სხეულის მთავარ საფარველს - კანს რომ არ გამოეხატა. მასზე შესაძლოა ყოველივე საკმაოდ ნეგატიურად აისახოს, დაბალი ტემპერატურისას მოსალოდნელია კანის გაწითლება, აქერცვლა, მრავლობითი ნახეთქები.დაბალი ტემპერატურისას ზოგიერთ ადამიანს უვითარდება ალერგია სიცივეზე, რომელიც იწყება სხეულის ძლიერი ქავილით, შეშუპებითა და გამონაყარით... ვრცლად

საზოგადოება • 1732361702

„ოპოზიცია რუსულ საქმეს აკეთებს, თუ უნდათ პირდაპირ გვარებით ვეტყვი ვინ მუშაობს რუსეთზე... ოკუპაცია რუსმა იქით გამიკეთა და თბილისში მიკეთებ?!“ - მეუფე იაკობი

მეუფე იაკობი პოლიტიკურ განცხადებას აკეთებს. ბოდბელმა მიტროპოლიტმა წმინდა გიორგის დღესასწაულზე, ბოდბის წმინდა ნინოს მონასტერში იქადაგა. ისაუბრა მიმდინარე პოლიტიკურ პროცესებზეც. მთავარეპისკოპოსმა შეაფასა ევროპის დამოკიდებულება საქართველოს მიმართ და ოპოზიციის აქციებზეც ისაუბრა."სტუდენტებს რომ გამოიყვან და გარე-გარე დარბიან, კარვები რომ გაქვს გაშლილი, სკამებს რომ გამოიტან და დამიწვავ, რუსზე უარესი ხარ. ოკუპაცია რუსმა იქით გამიკეთა და თბილისში მიკეთებ ოკუპაციას? აბა ვნახოთ ვინ რას გააკეთებს. პირდაპირ გეუბნებით, ამერიკასთან ძალიან ჩქარა დალაგდება ურთიერთობები ირბენენ, ირბენენ და ჯობია ჭკვიანად იყვნენ, საქართველო თუ უყვართ, ამ არეულობებს თავი გაანებონ. უნდა ვიცოდეთ, რომ ახლა რასაც აკეთებენ, ოპოზიცია იმასაც არ უყურებს, რომ თუ ასე ვჭამეთ ერთმანეთი, აფხაზები და ოსები რატომ მოისურვებენ ჩვენთან ერთად ყოფნას. ეს რუსული ნარატივია, ოპოზიცია რუსულ საქმეს აკეთებს. სხვებს ეძახიან რუსებს თუ თვითონ არიან. პირდაპირ, თუ უნდათ გვარებით ვეტყვი ვინ მუშაობს რუსეთზე,"- აცხადებს ბოდბელი მთავარეპისკოპოსი მეუფე იაკობი (იაკობიშვილი).

მსოფლიო • 1732281685

ორბანი აცხადებს, რომ „ორეშნიკის“ რაკეტის გამოყენების შესახებ ვლადიმირ პუტინის განცხადება დასავლეთში სერიოზულად უნდა მიიღონ

უნგრეთის პრემიერ-მინისტრი ვიქტორ ორბანი აცხადებს, რომ ვლადიმირ პუტინის გუშინდელი განცხადება „ორეშნიკის“ საშუალო რადიუსის რაკეტის გამოყენების შესახებ დასავლეთში სერიოზულად უნდა მიიღონ.ორბანის თქმით, ეს იყო პასუხი აშშ-ს მიერ უკრაინისთვის რუსეთის ტერიტორიაზე დარტყმების უფლების მიცემის საპასუხოდ.„არსებობს ვარაუდი, რომ ამ რაკეტების გამოყენება ვერ მოხდებოდა ამერიკელი ექსპერტების დახმარების გარეშე, რის გამოც რუსებმა მოულოდნელი და მძაფრი რეაგირება მოახდინეს“, – აღნიშნავს უნგრეთის პრემიერ-მინისტრი.ორბანის თქმით, პუტინი როდესაც რაღაცას ამბობს, „ცარიელი სიტყვები არ არის, ამ სიტყვებს აქვთ წონა და მოჰყვება შედეგები“.ამასთან, როგორც ორბანი აღნიშნავს, პუტინის კომენტარები იმის თაობაზე, რომ ქვეყნები, რომლებიც უკრაინას შორ მანძილზე მოქმედების იარაღს აწვდიან, შესაძლოა, რუსული თავდასხმის სამიზნე გახდნენ, ასევე არ არის „საკომუნიკაციო ხრიკი“.