მსოფლიო • 1765871194

დონალდ ტუსკი: რუსეთი უკრაინას თუ კვლავ დაესხმება თავს, აშშ სამხედრო გზით უპასუხებს, პირველი შემთხვევაა, როდესაც ამერიკელებისგან ეს მესმის

რუსეთი უკრაინას თუ კვლავ თავს დაესხმება, აშშ სამხედრო გზით უპასუხებს, –  ამის შესახებ პოლონეთის პრემიერ-მინისტრმა, დონალდ ტუსკმა განაცხადა.მისივე თქმით, მოლაპარაკებების დროს პირველად, სრულიად ნათელი გახდა, რომ ამერიკელები, ევროპელები და უკრაინა ერთ მხარეს არიან.„პირველი შემთხვევაა, როდესაც ეს ამერიკელი მომლაპარაკებლებისგან მესმის. სტივ უიტკოფმა ძალიან ნათლად განაცხადა, რომ ამერიკა ვალდებულია, უკრაინას უსაფრთხოების გარანტიები მიაწოდოს ისე, რუსებს ეჭვი არ შეეპაროთ, უკრაინაზე თავდასხმის შემთხვევაში ამერიკის სამხედრო პასუხზე. ასე რომ, გარკვეულწილად, ეს მე-5 მუხლს ჰგავს, მაგრამ მე პირდაპირ მე-5 მუხლს არ მივმართავდი, რადგან ეს მხოლოდ გაართულებდა შემდგომ მოლაპარაკებებს. თუმცა, დღეს მოსმენილი დეკლარაცია ნამდვილად შორსმიმავალი იყო“ ,- განაცხადა ტუსკმა.როგორც ტუსკმა აღნიშნა, რუსეთის დარწმუნების ერთადერთი რეალური შანსი ომის დასასრულებლად ან ცეცხლის შეწყვეტის შესახებ მოლაპარაკებების დასაწყებად, მთელი დასავლეთის გაერთიანებაა.„მნიშვნელოვანია, ამერიკელებთან და უკრაინელებთან ერთად, ისე ვიმოქმედოთ, როგორც მოკავშირეებმა, რათა რუსებმა და პუტინმა დაინახონ, რომ ამ სამ მხარეს შორის განხეთქილება შეუძლებელია“, – აღნიშნა ტუსკმა.მისივე თქმით, ამერიკელები დარწმუნებულები არიან, რომ ევროპელებთან ერთად შეუძლიათ უკრაინისთვის სერიოზული უსაფრთხოების გარანტიების შექმნა. ამასთან, პოლონეთის პრემიერ-მინისტრმა განაცხადა, რომ შეთანხმება, რომელიც გაყინული რუსული აქტივების უკრაინის რეკონსტრუქციისთვის გამოყენების საშუალებას მისცემს, ჯერ კიდევ ძალიან შორსაა.„ამჟამად ჩვენ გვაქვს გადაწყვეტილება, რომელიც რუსული აქტივების უვადოდ გაყინვის საშუალებას იძლევა. თუმცა, ამ თანხების უკრაინის რეკონსტრუქციისთვის პოტენციური გამოყენება, უკრაინის სამხედრო მხარდაჭერაზე რომ აღარაფერი ვთქვათ, ჯერ კიდევ ძალიან შორსაა“, – განაცხადა ტუსკმა.ჟურნალისტის კითხვაზე, ჰგავს თუ არა შეერთებული შტატების პოზიცია ამ საკითხთან დაკავშირებით ევროპის პოზიციას, ტუსკმა აღნიშნა, რომ „მოსაზრებებში განსხვავება ძალიან აშკარაა“.„ამერიკელები ამბობენ: „დაანებეთ თავი ამ რუსულ აქტივებს“, რადგან ძნელია პუტინთან დაჯდომა და თქმა: „მოდით, კომპრომისი ვიპოვოთ, მაგრამ თქვენს ფულს ავიღებთ“. ეს არის ამერიკელების არგუმენტი: იყავით ძალიან ფრთხილად და ნუ მიიყვანთ საქმეს კოლაფსამდე“, – განაცხადა პოლონეთის პრემიერ-მინისტრმა.ჟურნალისტის კითხვაზე, ხედავს თუ არა უკრაინასა და რუსეთს შორის შობამდე ცეცხლის შეწყვეტის პერსპექტივას, ტუსკმა უპასუხა, რომ რუსები, ალბათ, ამ ეტაპზე დიდად არ არიან დაინტერესებული სამშვიდობო მოლაპარაკებებით ან ცეცხლის შეწყვეტით.

პოლიტიკა • 1765810118

Agence France-Presse: კიევმა უარყო აშშ-ის მოთხოვნა, გაიყვანოს ჯარები დონეცკისა და ლუგანსკის ოლქებიდან

ბერლინში გამართულ მოლაპარაკებებზე აშშ-მა უკრაინას დონბასის ტერიტორიებზე უარის თქმა შესთავაზა. ამის შესახებ ინფორმაციას სააგენტო Agence France-Presse (AFP) მოლაპარაკებების პროცესთან დაახლოებულ წყაროზე დაყრდნობით ავრცელებს.წყაროს თქმით, ვაშინგტონის პოზიცია ეფუძნება მოსაზრებას, რომ რუსეთის პრეზიდენტს, ვლადიმირ პუტინს „ეს ტერიტორია უნდა“.თუმცა, კიევმა უარყო აშშ-ის მოთხოვნა, გაიყვანოს ჯარები დონეცკისა და ლუგანსკის ოლქებიდან.„ცოტა უცნაურია, რომ ამერიკელები ამ საკითხში რუსეთის პოზიციას იკავებენ“, - განუცხადა AFP-ს წყარომ.ამერიკული ომის შემსწავლელი ინსტიტუტის (ISW) მონაცემებით, ამჟამად რუსეთი აკონტროლებს ლუგანსკის ოლქის თითქმის მთელ ტერიტორიას და დონეცკის ოლქის დაახლოებით 80%-ს.რუსეთის პრეზიდენტის თანაშემწე, იური უშაკოვი, ადრე აცხადებდა, რომ მთლიანად დონბასი „ადრე თუ გვიან“ რუსეთის კონტროლის ქვეშ იქნება - „თუ არა მოლაპარაკებების გზით, მაშინ სამხედრო გზით“.თავის მხრივ, უკრაინის ლიდერმა, ვოლოდიმირ ზელენსკიმ არაერთხელ განაცხადა, რომ რუსეთისთვის ტერიტორიების დათმობის საკითხი რეფერენდუმზე უნდა გადაწყდეს.ორშაბათს, ბერლინში აშშ-სა და უკრაინას შორის მოლაპარაკებები გაიმართა.

პოლიტიკა • 1765807800

ნინო წილოსანი: „ნაცმოძრაობა“ მილიონებს ხარჯავს უცხოეთში ლობირებისთვის. ამ პირობებში რთულია, რომ უცბად დაძლიო რეპუტაციული ზიანი, რომელიც ქვეყანას ადგება. პოლიტიკა ძალიან ცვალებადია, წამის მეასედში შეიძლება შეიცვალოს მოცემულობა

„ნაცმოძრაობა“ მილიონობით დოლარს ხარჯავს უცხოეთში ლობირებისთვის. ამ პირობებში ძალიან რთულია, რომ უცბად დაძლიო რეპუტაციული ზიანი, რომელიც ქვეყანას ადგება. პოლიტიკა ძალიან ცვალებადია, წამის მეასედში შეიძლება შეიცვალოს მოცემულობა, - განაცხადა „დღის ქრონიკასთან“ პარლამენტის ვიცე-სპიკერმა ნინო წილოსანმა.მისი თქმით, მიუხედავად იმისა, რომ გარედან მართული სააკაშვილი და მისი პარტია ცდილობს დააზარალოს საქართველო, შესაძლოა ყველაფერი ძალიან სწრაფად შეიცვალოს.ნინო წილოსანის განცხადებით, მთავარი არის ის, რომ ქვეყანა სწორი გზით მიდის და ვითარდება.„არ უნდა დაგვავიწყდეს, რომ სააკაშვილი და „ნაციონალური მოძრაობა“ არის გარედან მართული ჯგუფი. მათ შეუძლიათ ერთ შემთხვევაში აგინონ პუტინს და მეორე შემთხვევაში გულმხურვალედ მიიღონ ის. არ დაგვავიწყდეს, რომ 2003 წელსაც იგორ ივანოვის დახმარებით მოვიდა ეს ჯგუფი ხელისუფლებაში. ასე შემოგვაჩეჩეს და ის გარე აქტორები, რომლებიც მას მართავდა სხვადასხვა დავალებებს აძლევდნენ. ლევან მაჭავარიანის პატარა ვიდეო-კოლაჟში ვნახეთ, როგორ დაეწყვნენ ერთი მეორის ჩაყოლებით და როგორ ამართლებდნენ და გვაჩვენებდნენ, რომ თურმე როგორი კარგია რუსი ტურისტების მიღება, რუსეთში სიმღერა, რუსული ინვესტიციები, რომ „ფულს სუნი არ აქვს“... ეს არის ამ პოლიტიკური ჯგუფის ამორალური სახე.„ნაციონალური მოძრაობა“ ვფიქრობ, რომ ჩავლილი დღის წესრიგია. თუმცა ჩავლილი დღის წესრიგია ქვეყნის შიგნით. ისინი არ ჩერდებიან და მუდმივ მუშაობას ახორციელებენ, მათ შორის მილიონობით დოლარს ხარჯავენ უცხოეთში ლობირებისთვის. მე მქონდა ამაზე დღეს პოსტიც გამოქვეყნებული, სადაც ის გახმაურებული პოლიტიკური სტატიები უცხოური მედიასაშუალებების, ეს იქნება: „პოლიტიკო“, „როიტერსი“ თუ სხვადასხვა, რომელთა ინსპირაცია სწორედ „ნაციონალური მოძრაობის“ მიერ ლობიზმში გადახდილი მილიონობით დოლარია. ამ პირობებში, რა თქმა უნდა, ძალიან რთულია, რომ უცბად მოერიო და დაძლიო რეპუტაციული ზიანი, რომელიც ამ ქვეყანას ადგება. თუმცა მე მაინც პოზიტიურად ვუყურებ ამ ყველაფერს, რადგან წამის მეასედში შეიძლება შეიცვალოს მოცემულობა. თუ დავუკვირდებით, რომ ერთი დღის წინ სირიის პრეზიდენტი იყო ტერორისტად გამოცხადებული აშშ-ს მხრიდან და მეორე დღეს ის დიდი პატივით იქნა მიღებული ტრამპის ადმინისტრაციაში, რა თქმა უნდა, ეს პოლიტიკა არის ძალიან ცვალებადი და არც კი ღირს პარალელის გავლება. თუნდაც უკრაინის ომთან დაკავშირებით, ჩვენ ვხედავდით წინა ადმინისტრაცია, როგორი რიტორიკით გამოირჩეოდა უკრაინაში ომის წახალისების კუთხით, ხოლო ახალი ადმინისტრაცია ყველაფერს აკეთებს, რომ ეს ომი დასრულდეს. ამიტომ ყველაფერი ძალიან ცვალებადია და ერთადერთი ნიშნული, რამაც შეიძლება ჩვენ დაგვამშვიდოს არის ის, რომ ჩვენ სწორი გზით მივდივართ“, - განაცხადა ნინო წილოსანმა.

პოლიტიკა • 1765807620

ნინო წილოსანი: სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის

სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის, - განაცხადა საქართველოს პარლამენტის თავმჯდომარის მოადგილემ ნინო წილოსანმა „დღის ქრონიკაში“.მისი თქმით, ქართველი ხალხი აღარ მოტყუვდება.„არ შეიძლება, რომ რომელიღაც არაფორმალური გავლენების ქვეშ მყოფმა ევროპარლამენტარმა, ან ევრობიუროკრატმა გადაწყვიტოს და დაანგრიოს ევროკავშირის ფუნქციონირების სისტემა. მათ აირჩიეს მხარე, რომელიც ახალისებს ომს, არეულობას, ემხრობა, რომ ქვეყნებში ხელისუფალი შეცვალოს მათი სურვილის მიხედვით და არა ხალხის არჩევანით. ეს ჯგუფი მუდმივად დარჩება და ეცდება თავისი გაიტანოს. ისინი მზაკვრულ გეგმებს ვერ განახორციელებდნენ, ქვეყნის შიგნით დასაყრდენი თუ არ ექნებოდათ.ქართველი ხალხი აღარ მოტყუვდება. 2003 წელს სატყუარა შემოგვტენეს და გარედან დაგვისვეს სააკაშვილი - მარიონეტი და მისი მარიონეტი ხელისუფლება, რომელიც ყველა გარედან მოსულ დაკვეთას ასრულებდა. სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის“, - აღნიშნა წილოსანმა.

მსოფლიო • 1765790783

ბრიტანეთის საიდუმლო სადაზვერვო სამსახურის ხელმძღვანელი ბლეიზ მეტრეველი - პუტინს ეჭვი არ უნდა ეპარებოდეს, ზეწოლა, რომელსაც უკრაინის სახელით ვახორციელებთ, შენარჩუნდება

ბრიტანეთის საიდუმლო სადაზვერვო სამსახურის, MI 6-ის ხელმძღვანელის, ბლეიზ მეტრეველის განცხადებით, რუსეთი წარმოადგენს „აგრესიულ, ექსპანსიონისტურ და რევიზიონისტულ“ საფრთხეს. ამის შესახებ მან თანამდებობის დაკავებიდან პირველი სიტყვით გამოსვლისას განაცხადა.„პუტინს ეჭვი არ უნდა ეპარებოდეს, ჩვენი მხარდაჭერა უცვლელია, ზეწოლა, რომელსაც ჩვენ უკრაინის სახელით ვახორციელებთ, შენარჩუნდება. ქაოსის ექსპორტი საერთაშორისო ურთიერთობებისადმი რუსეთის მიდგომის მახასიათებელია და არა – შეცდომა და ჩვენ მზად უნდა ვიყოთ, რომ ეს გაგრძელდება, ვიდრე პუტინი იძულებული არ იქნება, შეცვალოს თავისი გათვლები“,  – აღნიშნულია მის გამოსვლაში, რომლის ნაწილი წინასწარ გამოქვეყნდა.სადაზვერვო სამსახურის ხელმძღვანელის სიტყვაში ასევე საუბარია ტექნოლოგიების გამოყენების გააქტიურების საჭიროებაზე გაერთიანებული სამეფოს უსაფრთხოების წინაშე არსებულ საფრთხეებთან გასამკლავებლად, მათ შორის ტერორიზმსა და საინფორმაციო ომთან.ბლეიზ მეტრეველი MI 6-ის პირველი ქალი ხელმძღვანელი გახდა. მან აღნიშნულ თანამდებობაზე რიჩარდ მური ოქტომბერში შეცვალა.

მსოფლიო • 1765630051

ერდოღანი რუსეთ-უკრაინის ომზე: მშვიდობა არც თუ ისე შორს არის

თურქეთის პრეზიდენტმა რეჯეფ თაიფ ერდოღანმა რუსეთის ლიდერთან ვლადიმერ პუტინთან გუშინ აშხაბადში გამართული მოლაპარაკებების შემდეგ ჟურნალისტებს განუცხადა, რომ რუსეთ-უკრაინის კონფლიქტში მშვიდობა არც თუ ისე შორს არის. ინფორმაციას Reuters-ი ავრცელებს.ერდოღანმა აგრეთვე იმედი გამოთქვა, რომ უახლოეს მომავალში ის აშშ-ის პრეზიდენტთან დონალდ ტრამპთან მოლაპარაკებებს გამართავს, რა დროსაც აგრეთვე რუსეთ-უკრაინის კონფლიქტს განიხილავს.„პუტინთან შეხვედრის შემდეგ იმედი გვაქვს, რომ ჩვენ სამშვიდობო გეგმის განხილვის საშუალება აშშ-ის პრეზიდენტთან ტრამპთან მოგვეცემა. მშვიდობა არც თუ ისე შორს არის, ჩვენ მას ვხედავთ“, - განაცხადა ერდოღანმა.როგორც სააგენტო იუწყება, პარასკევს გამართული შეხვედრის დროს ერდოღანმა პუტინს უთხრა, რომ დროებითი ზავი, რომელიც ენერგეტიკული ინფრასტრუქტურისა და პორტების დაბომბვას შეაჩერებდა, ხელსაყრელი იქნებოდა ორივე მხარისთვის.„შავი ზღვა ბრძოლის ველად არ უნდა იქცეს. ასეთი რამ რუსეთსა და უკრაინას მხოლოდ დააზიანებს. ყველას სურს უსაფრთხო ნაოსნობა შავ ზღვაში. ეს უზრუნველყოფილი უნდა იყოს“, - დასძინა თურქეთის ლიდერმა.

პოლიტიკა • 1765627737

შალვა რამიშვილი ჟორჟოლიანს: ნანული, შენი მთავარი პრობლემა, უკიდეგანო ქაჯობასთან ერთად, ისაა რომ ბოროტი არსება ხარ! გაიხსენე ნაწამები სვანი ბიჭები! უსპენსკაიას სიყვარული იმიტომ შეგახსენეს, რომ რუსოფობს თამაშობ უნიჭოდ

Postv-ის გენერალური პროდიუსერი შალვა რამიშვილი ნანუკა ჟორჟოლიანს ფეისბუქ პოსტზე პასუხობს. ჟორჟოლიანი თავის პოსტში წერს, რომ „რუსული სიმღერის მოწონება გოიმობის ამბავია და პრემიერად წოდებული კაცი რომ პუტინს ხვდება, ღალატია“.რამიშვილი ჟორჟოლიანის პოსტზე ამბობს, რომ ეს „დამნაშავის ცნობილი ფანდია, რომ მის მიერ ჩადენილი ბოროტება მიჩქმალოს“ ის ჟორჟოლიანს ნაწამებ სვან ბიჭებს ახსენებს და მიმართავს, რომ „ბოროტი არსებაა“.„ეს დამნაშავის ცნობილი ფანდია. მცირე გადაცდომაში დაიდანაშაულოს თავი, რომ მის მიერ ჩადენილი დიდი ბოროტება მიჩქმალოს. არა ნანული, გოიმობა არაა შენი ნაკლი, მეტსაც გეტყვი: რუსული პოპის სიყვარული სულაც არაა გოიმობა. შენი მთავარი პრობლემა უკიდეგანო ქაჯობასთან ერთად (უსპენსკაიას სიყვარული არაა ქაჯობა) ისაა რომ ბოროტი არსება ხარ! გაიხსენე ნაწამები სვანი ბიჭები! უსპენსკაიას სიყვარული კი იმიტომ შეგახსენეს, რომ რუსოფობს თამაშობ უნიჭოდ“- წერს რამიშვილი. 

მსოფლიო • 1765613376

უკრაინაში ომის დასრულება ევროპაში მშვიდობას ვერ უზრუნველყოფს - ვოლფგანგ​ იშინგერი

მიუნხენის უსაფრთხოების საერთაშორისო კონფერენციის ყოფილმა თავმჯდომარემ, ვოლფგანგ იშინგერმა მაღალი შეფასება მისცა უკრაინის როლს ევროპის უსაფრთხოების უზრუნველყოფაში, რუსეთის აგრესიული მისწრაფებების ფონზე. იშინგერი დარწმუნებულია, რომ სანამ უკრაინის შეიარაღებული ძალები რუსეთის აგრესიას იგერიებენ, ევროპას შეუძლია თავი უსაფრთხოდ იგრძნოს.მან Deutsche Welle-სთვის მიცემულ ექსკლუზიურ ინტერვიუში განაცხადა, რომ „ვიდრე ჩვენი უკრაინელი მეგობრები გაბედულად აწარმოებენ ამ ომს, ევროპა უსაფრთხოდ არის“. „ევროპა უსაფრთხოდ არის, რადგან უკრაინელები მრავალი წლის განმავლობაში წარმატებით აკავებენ ძლევამოსილ რუსულ არმიას და იცავენ თავიანთ ქვეყანას. როდესაც ეს ომი დასრულდება და იარაღი დადუმდება დონბასში და უკრაინის სხვა რეგიონებში, რუსეთი კვლავ მიიღებს სამშვიდობო დროს. რუსეთი არის ქვეყანა, რომელიც გადაჭიმულია ათ ან თერთმეტ სასაათო სარტყელზე, და მას საკმარისი დრო ექნება გადაჯგუფებისთვის“, - აღნიშნა იშინგერმა.იშინგერი დაეთანხმა ნატოს გენერალური მდივნის, მარკ რიუტეს აზრს იმის შესახებ, რომ პუტინის შემდეგი სამიზნე ჩრდილოატლანტიკური ალიანსი იქნება. მანვე ინტერვიუში აღნიშნა, რომ „ჩვენი ძალისხმევა, რომელიც მიმართულია იქითკენ, რომ ევროპის დაცვა შეგვეძლოს, ამით არ დასრულდება. პირიქით, ეს მხოლოდ ახლა იწყება. აქამდე ტვირთი უკრაინელებზე იყო. ომის დასრულების შემდეგ, მოგვიწევს, რომ ამ ტვირთის გაცილებით დიდი ნაწილი ჩვენ ვიტვირთოთ“. ამასთან, იშინგერმა უკრაინისთვის სამშვიდობო შეთანხმების შესაძლებლობის შესახებ ფრთხილი ოპტიმიზმი გამოთქვა. მას არ მიაჩნია, რომ აშშ საფრთხეს უქმნის ევროპას აშშ-ის ახალი ეროვნული უსაფრთხოების სტრატეგიის მიღების გათვალისწინებით.      

მსოფლიო • 1765558763

თურქული მედია: ერდოღანმა და პუტინმა თურქმენეთში გამართულ შეხვედრაზე უკრაინაში მიმდინარე ომის შესახებ მოლაპარაკებები გამართეს

თურქეთის პრეზიდენტმა, რეჯეფ თაიფ ერდოღანმა და რუსეთის პრეზიდენტმა, ვლადიმირ პუტინმა პარასკევს თურქმენეთში გამართულ შეხვედრაზე უკრაინაში მიმდინარე ომის შესახებ ვრცელი მოლაპარაკებები გამართეს. ინფორმაციას ამის შესახებ თურქული მედია ავრცელებს.ერდოღანმა და პუტინმა დახურული შეხვედრა გამართეს აშხაბადში გამართული „საერთაშორისო მშვიდობისა და ნდობის ფორუმის“ ფარგლებში.ერდოღანმა და პუტინმა მიანიშნეს მოსკოვსა და ანკარას შორის სტაბილურ ურთიერთობებზე, შეთანხმდნენ, რომ მათი თანამშრომლობა „ძალიან კარგად ვითარდება ყველა სფეროში“, მიუხედავად გარკვეული გადაუჭრელი საკითხებისა.კრემლის სპიკერის, დმიტრი პესკოვის თქმით, ორივე ლიდერმა ხაზი გაუსვა, რომ რუსეთ-თურქეთის კავშირების „მრავალმხრივი და დივერსიფიცირებული“ სტრუქტურა, განსაკუთრებით სავაჭრო და ეკონომიკურ თანამშრომლობაში, ეხმარება ორივე ქვეყანას გაუძლოს იმას, რასაც პესკოვმა „მესამე მხარეების“ ზეწოლა უწოდა.

პოლიტიკა • 1765534437

გია ვოლსკი: აშხაბადის შეხვედრა საგანგებო მნიშვნელობისაა, ყველამ იცის, ვინ არის ოკუპანტი, თავის მართლება საჭირო არ არის

აშხაბადის შეხვედრა საგანგებო მნიშვნელობისაა, ყველამ იცის, ვინ არის ოკუპანტი, საქართველო ერთადერთი ქვეყანაა, რომელსაც რუსეთთან დიპლომატიური ურთიერთობა არ აქვს, თავის მართლება საჭირო არ არის, ზუსტად ამიტომ არის პრემიერ-მინისტრი წასული, სადაც საქართველოს ხვალინდელი დღე წყდება და იგეგმება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, ფორუმში ვლადიმერ პუტინი თუ მონაწილეობს, ეს იმას არ ნიშნავს, რომ პრემიერ-მინისტრი არ უნდა შეხვდეს აზერბაიჯანის პრემიერ-მინისტრს.„პრეტენზიები თუ გვაქვს თურქმენეთთან ან მართვის სტილთან, ეს იმას არ ნიშნავს, რომ ჩვენი ინტერესებით არ უნდა ვიხელმძღვანელოთ, როდესაც ამის მაგალითებს ვხედავთ. ჩვენ თუ  ჩინეთთან ვთანამშრომლობთ, ეს იმას არ ნიშნავს, რომ ევროპის კრიტიკას ავყვეთ, როდესაც თავად ჩადიან ჩინეთში და უშველებელ ხელშეკრულებებს დებენ. სამწუხაროა, ჩვენი ტერიტორიები ოკუპირებულია და ოკუპანტი ვინც არის, ყველამ კარგად იცის. ყველა რეზოლუცია, მათ შორის ბოლო რეზოლუცია, რომელიც გაერო-ში გავიდა, ჩვენი ხელმოწერით გავიდა. მართალია, უკრაინასთან დაკავშირებით იყო, მაგრამ ჩვენ არ შეგვიცვლია პოზიციები. თქვენ თუ გინდათ, მაინც და მაინც შეხვედრაზე, სადაც არის უშველებელ გლობალურ საკითხებთან დაკავშირებით საუბარი, პრემიერ-მინისტრი გამოვიდეს და იგივე იძახოს რასაც ზოგიერთი აკაცუკი ქუჩაში იძახის, ასეთი რამეები არ ხდება. ამ დონის შეხვედრებზე ასეთი რამეები არ ხდება. თქვენ თუ გგონიათ შეხვედრების, ფორუმების გარეშე საქართველოს შეიძლება, რაღაც პერსპექტივა ჰქონდეს მომავალში, არათუ ძალიან ცდებით, არამედ ვფიქრობ, მაინც პროპაგანდისტული ინტერესები გაგაჩნიათ და მეტი არაფერი“, – განაცხადა გია ვოლსკიმ.

პოლიტიკა • 1765532100

ანჯაფარიძე: წიკვინია ატეხილი ქვეყნის პრემიერის ჯგუფურ ფოტოზე უამრავი ქვეყნის ლიდერებთან, სადაც ერთ-ერთი პუტინია. მათი ლოგიკით საქართველოს წარმომადგენელი არ უნდა დასწრებოდა ფორუმს, იმიტომ რომ იქ რუსეთის წარმომადგენელიც იყო?!

გახსოვთ წინა წლის ოპოზიციური ისტერიული წიკვინი - ჩვენი ერთ-ერთი მინისტრი როგორ იჯდა ერთ მაგიდაზე ლავროვთანო სადაც უამრავი სხვა ქვეყნის მინისტრები ისხდენ. ზუსტად იგივე წიკვინია ატეხილი ქვეყნის პრემიერის ჯგუფურ ფოტოზე უამრავი ქვეყნის ლიდერებთან, სადაც ერთ-ერთი პუტინია. და რა ამით? მათი ინფანტილური ლოგიკით საქართველოს წარმომადგენელი არ უნდა დასწრებოდა ფორუმს, მხოლოდ იმიტომ რომ იქ რუსეთის წარმომადგენელიც იყო?!, - წერს ანალიტიკოსი ზაალ ანჯაფარიძე სოციალურ ქსელში.ანჯაფარიძის შეფასებით, თურქმენეთის მხარესთან უმნიშვნელოვანეს თემებზე შედგა საუბარი და მნიშვნელოვანი შეთავაზებები გაკეთდა.„გახსოვთ წინა წლის ოპოზიციური ისტერიული წიკვინი - ჩვენი ერთერთი მინისტრი როგორ იჯდა ერთ მაგიდაზე ლავროვთანო სადაც უამრავი სხვა ქვეყნის მინისტრები ისხდენ. ზუსტად იგივე წიკვინია ატეხილი ქვეყნის პრემიერის ჯგუფურ ფოტოზე უამრავი ქვეყნის ლიდერებთან, სადაც ერთ-ერთი პუტინია. და რა ამით? მათი ინფანტილური ლოგიკით საქართველოს წარმომადგენელი არ უნდა დასწრებოდა ფორუმს, მხოლოდ იმიტომ რომ იქ რუსეთის წარმომადგენელიც იყო?!ის რომ თურქმენეთის მხარესთან უმნიშვნელოვანეს თემებზე შედგა საუბარი და მნიშვნელოვანი შეთავაზებები გაკეთდა, ჯოგს რა თქმა უნდა არ აინტერესებს. ანდე ეხლა ასეთებს ქვეყნის მართვა!თუმცა, ჯოგის გარდა კამპანიაში "რადიო თავისუფლებაც" ჩაერთო მისი Эхо Кавказа და სხვა საცეცებით“, - წერს ანჯაფარიძე.

პოლიტიკა • 1765531943

გია აბაშიძე პრემიერის თურქმენეთში ვიზიტზე: ოფიციალური თბილისის სწორი და მოზომილი ამ პოლიტიკის ქვაკუთხედია - პარტნიორობა ყველასთან გარდა რუსეთისა, რომელთანაც დიალოგი აუცილებელია ე.წ. წითელი ხაზების შენარჩუნებით, მშვიდობიანი დეოკუპაციისთვის

საქართველოს პრემიერ-მინისტრი თურქმენეთში მშვიდობისა და ნდობის წლისადმი მიძღვნილ საერთაშორისო ფორუმში მონაწილეობს. მაღალი დონის შეკრება ფოკუსირებულია მშვიდობის, მდგრადი განვითარებისა და საერთაშორისო თანამშრომლობის გლობალურ დიალოგზე - წერს ანალიტიკოსი გია აბაშიძე სოციალურ ქსელში.მისივე შეფასებით, როდესაც პრეტენზიულ ვითომ მცოდნეს მშობლიურის არაფერი ესმის, ის ვერასდროს გაერკვევა ვერც მიმდინარე გეოპოლიტიკურ ტექტონიკურ ცვლილებებში და ვერც საქართველოს მულტივექტორულ საგარეო პოლიტიკაში."მკვეხარა, უსამშობლო "ნაცქოთნები" ყალბ კონვულსიებში არიან, თითქოს აშხაბადში, კობახიძისა და პუტინის ჯგუფური ფოტო რუსული ოკუპაციის აღიარებაა; იქნებ ტრამპზეც აეტეხათ ეს ყიყინი, როცა მის ვიზუალს "ეთაყვანებიან".საქართველოს პრემიერ-მინისტრი თურქმენეთში მშვიდობისა და ნდობის წლისადმი მიძღვნილ საერთაშორისო ფორუმში მონაწილეობს. მას ესწრებიან: მასპინძელი თურქმენეთის, ასევე თურქეთის, რუსეთის, ირანის, სომხეთის, უზბეკეთის, ყაზახეთის, ტაჯიკეთის, ყირგიზეთის პრეზიდენტები; აზერბაიჯანის, პაკისტანის პრემიერები; სი ძინპინის სპეციალური წარმომადგენელი; სხვადასხვა ქვეყნებისა და საერთაშორისო ორგანიზაციების ოფიციალური პირები.მაღალი დონის შეკრება ფოკუსირებულია მშვიდობის, მდგრადი განვითარებისა და საერთაშორისო თანამშრომლობის გლობალურ დიალოგზე.როდესაც პრეტენზიულ ვითომ მცოდნეს მშობლიურის არაფერი ესმის, ის ვერადროს გაერკვევა ვერც მიმდინარე გეოპოლიტიკურ ტექტონიკურ ცვლილებებში და ვერც საქართველოს მულტივექტორულ საგარეო პოლიტიკაში. ოფიციალური თბილისის სწორი და მოზომილი ამ პოლიტიკის ქვაკუთხედია - პარტნიორობა ყველასთან გარდა რუსეთისა, რომელთანაც დიალოგი აუცილებელია ე.წ. წითელი ხაზების შენარჩუნებით, მშვიდობიანი დეოკუპაციისთვის.” - წერს აბაშიძე.