მსოფლიო • 1744982743

კრემლში აცხადებენ, რომ ენერგოობიექტებზე თავდასხმის მორატორიუმის ვადა ამოიწურა

უკრაინასა და რუსეთს შორის მიღწეული შეთანხმების ერთთვიანი ვადა ერთმანეთის ენერგოობიექტებზე თავდასხმაზე მორატორიუმის გამოცხადების შესახებ ამოიწურა, - განაცხადა რუსეთის პრეზიდენტის პრესმდივანმა, დიმიტრი პესკოვმა.„ერთი თვე, მართლაც, ამოიწურა, მაგრამ მოცემულ დროს უმაღლესი მთავარსარდლისგან, პრეზიდენტ პუტინისგან ახალი განკარგულებები არ არსებობს“, - თქვა პესკოვმა.ჯერჯერობით უცნობია, განაახლებენ თუ არა მხარეები ერთმანეთის ენერგოობიექტების დაბომბვას.ცნობისთვის, 18 მარტს აშშ-ის პრეზიდენტმა, დონალდ ტრამპმა უკრაინას და რუსეთს ერთი თვით ენერგოობიექტებზე თავდასხმებისგან თავის შეკავება შესთავაზა. პუტინი და ზელენსკი იდეას დათანხმდნენ.

პოლიტიკა • 1744976142

სერგეი ლავროვი - რუსეთი მიესალმება აშშ-ისა და ირანის ძალისხმევას, მიაღწიონ შეთანხმებას ირანის ბირთვულ პროგრამაზე და მზად არის, პროცესს ხელი შეუწყოს

 რუსეთი მიესალმება აშშ-ისა და ირანის ძალისხმევას, მიაღწიონ შეთანხმებას ირანის ბირთვულ პროგრამაზე და მზად არის, ხელი შეუწყოს პროცესს, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.რუსეთის საგარეო უწყების ხელმძღვანელის თქმით, მოლაპარაკებებში თეირანის ლეგიტიმური ინტერესები უნდა იყოს გათვალისწინებული.ლავროვის განცხადებით, მოსკოვი მიესალმება ობიექტურ, ორმხრივად მისაღებ შეთანხმებებს, მათ შორის, იმ შეთანხმებებს, რომლებიც განიხილებოდა და განიხილება ირანის ისლამურ რესპუბლიკასა და ამერიკის შეერთებულ შტატებს შორის. რუსეთის საგარეო საქმეთა მინისტრის განცხადებით, რუსეთის პრეზიდენტის, ვლადიმერ პუტინის და ირანის საგარეო საქმეთა მინისტრის, აბას არაღჩის შორის ხანგრძლივი და ინტენსიური საუბარი გაიმართა და რუსეთის პრეზიდენტი ძალიან კმაყოფილი დარჩა ამ საუბრით.

მსოფლიო • 1744965258

სტივ უიტკოფი - რუსეთმა შესაძლოა, მიიღოს უკრაინის ოკუპირებული ტერიტორიების ნაწილი

რუსეთმა შესაძლოა, მიიღოს უკრაინის ოკუპირებული ტერიტორიების ნაწილი, – ამის შესახებ აშშ-ის პრეზიდენტის სპეციალურმა წარმომადგენელმა, სტივ უიტკოფმა „უოლ სთრით ჯორნალთან“ ინტერვიუში განაცხადა.ამერიკელი დიპლომატის თქმით, ტერიტორიებთან დაკავშირებით მოსკოვში ესაუბრა რუსეთის პრეზიდენტს, ვლადიმერ პუტინს, რა დროსაც „პუტინი ჩაციკლული იყო უკრაინის მიწაზე“.აშშ-ის სპეციალურმა წარმომადგენელმა გამოთქვა მოსაზრება, რომ რუსეთმა შესაძლოა, მიიღოს ხუთი რეგიონიდან ზოგიერთი, რომელსაც ის თავის საკუთრებად მიიჩნევს, მაგრამ არა ყველა. უიტკოფმა ასევე აღნიშნა, რომ უკრაინა შეიძლება, ნაკლებად იყოს შეშფოთებული იმ რეგიონებით, რომელიც რუსულენოვანია.რუსეთის პრეზიდენტმა, ვლადიმერ პუტინმა ყირიმი, დონეცკი, ლუგანსკი, ზაპოროჟია და ხერსონი რუსეთის ნაწილად გამოაცხადა. უკრაინის პრეზიდენტი, ვოლოდიმირ ზელენსკი აცხადებს, რომ უკრაინა არასოდეს აღიარებს ამ ტერიტორიებს რუსეთის ნაწილად.

მსოფლიო • 1744896219

კირილ დმიტრიევი: ბევრი ცდილობს რუსეთსა და აშშ-ს შორის დიალოგის ჩაშლას, ამიტომ ძალიან მნიშვნელოვანია რუსეთის პოზიციის პირდაპირ გადმოცემა

ბევრი ცდილობს რუსეთსა და აშშ-ს შორის დიალოგის ჩაშლას, – ამის შესახებ უცხო ქვეყნებთან საინვესტიციო-ეკონომიკური თანამშრომლობის საკითხებში რუსეთის პრეზიდენტის სპეციალურმა წარმომადგენელმა, კირილ დმიტრიევმა განაცხადა.დმიტრიევმა რუსეთის პრეზიდენტ, ვლადიმერ პუტინსა და აშშ-ის სპეციალურ წარმომადგენელს, სტივ უიტკოფს შორის გამართულ მოლაპარაკებებს „უკიდურესად პროდუქტიული“ უწოდა.„როგორც უკვე ვთქვი, ბევრი ადამიანი, სტრუქტურა და ქვეყანა ცდილობს, ჩაშალოს ჩვენი დიალოგი შეერთებულ შტატებთან. შეერთებულ შტატებში, სხვადასხვა მასმედიაში არის აქტიური პროპაგანდა რუსეთის წინააღმდეგ, ამიტომ ძალიან მნიშვნელოვანია რუსეთის პოზიციის პირდაპირ გადმოცემა და ეს, რა თქმა უნდა, გაკეთდა და ძალიან სასარგებლო დიალოგი მიმდინარეობს. რა თქმა უნდა, ეს მიმდინარეობს ძალიან რთულ პირობებში, მუდმივი თავდასხმებისა და დეზინფორმაციის პირობებში, მაგრამ მნიშვნელოვანია ის ფაქტი, რომ არის პირდაპირი დიალოგი“, – განაცხადა კირილ დმიტრიევმა.

მსოფლიო • 1744894088

კრემლში აცხადებენ, რომ დონალდ ტრამპისა და ვლადიმერ პუტინის მორიგ სატელეფონო საუბარზე მუშაობენ, თუმცა ჯერ შეთანხმება მიღწეული არ არის

რუსეთის პრეზიდენტის, ვლადიმერ პუტინის თანაშემწე იური უშაკოვი აცხადებს, რომ რუსული და ამერიკული მხარეები დონალდ ტრამპისა და ვლადიმერ პუტინის მორიგ სატელეფონო საუბარზე ჯერ არ შეთანხმებულან, თუმცა ამ თემაზე მუშაობა მიმდინარეობს.„ამაზე საუბარი მიდის, ვგულისხმობ ახალ სატელეფონო საუბარს. ჯერჯერობით შეთანხმება მიღწეული არ არის“, – განაცხადა იური უშაკოვმაგამოცემა „პოლიტიკო“ ჯერ კიდევ აპრილის დასაწყისში წერდა, რომ შეერთებული შტატებისა და რუსეთის ლიდერებს შესაძლოა, სატელეფონო საუბარი 11 აპრილს შემდგარიყო, თუმცა ასე არ მოხდა.

პოლიტიკა • 1744885839

ლევან მახაშვილი: ყველა უყურებს თავის ინტერესებს და თუ ეს ინტერესი საჭიროებას მოითხოვს, კრემლთანაც ჩააბარებენ სამხედრო სალამს პუტინს, ირანშიც დიდი სიამოვნებით ჩავლენ და ჩინეთშიც დიდი სიამოვნებით ჩავლენ

ყველა უყურებს თავის ინტერესებს და თუ ეს ინტერესი საჭიროებას მოითხოვს, კრემლთანაც ჩააბარებენ სამხედრო სალამს პუტინს, ირანშიც დიდი სიამოვნებით ჩავლენ და ჩინეთშიც დიდი სიამოვნებით ჩავლენ, - განაცხადა ჟურნალისტებთან საუბრისას საქართველოს პარლამენტის ევროპასთან ინტეგრაციის კომიტეტის თავმჯდომარე ლევან მახაშვილმა.მისი თქმით, საქართველოს ხელისუფლება არ უნდა აკრიტიკონ იმის გამო, თუკი რუსეთთან ომის თავიდან არიდებას ცდილობს.„პირველი ნაბიჯი იყო ის, რომ 2008 წლის ომიდან 8 თვის თავზე რუსეთმა და ამერიკის შეერთებულმა შტატებმა გადატვირთეს ურთიერთობა ისე, რომ ერთი ღერი სანქციაც კი არ დაწესებულა რუსეთის მიმართ. სანქციაზე არ არის საუბარი, რაიმე ან ფორმატის გაუარესება, ან რაღაც. 8 თვის თავზე სრულად აღდგა ურთიერთობები ორ ქვეყანას შორის. ის, რაც შემდგომ 9 მაისს განვითარდა, ეს იყო ამ პროცესის კიდევ ერთი განვითარება და საუკეთესო მაგალითი ჩვენთვის, საუკეთესო გაკვეთილი, ასე ვთქვათ, ყველასთვის, რომ ყველა უყურებს თავის ინტერესებს. ყველა უყურებს რა ინტერესი აქვს და თუ ეს ინტერესი საჭიროებას მოითხოვს, კრემლთანაც ჩააბარებენ სამხედრო სალამს პუტინს, ირანშიც დიდი სიამოვნებით ჩავლენ და ჩინეთშიც დიდი სიამოვნებით ჩავლენ. დღეს რომ აკრიტიკებენ, ამიტომ ვახსენე ეს სამი ქვეყანა, რომ დღეს ძირითადად ამ სამ ქვეყანას აკრიტიკებენ. ამიტომ, ჩვენთვის აქ მოულოდნელი არაფერი არ არის“, - აღნიშნა მან.ლევან მახაშვილის თქმითვე, თუკი ვინმეს უნდა საქართველოს გაკრიტიკება, თვითონ მოგვცეს ყველამ საუკეთესო მაგალითი, რა შეიძლება გააკეთოს საქართველომ.„როდესაც კრემლის წინ სამხედრო სალამს აბარებ პუტინს, გვესმის, რომ მაშინ ჰქონდათ ურთიერთობის აღდგენის სურვილი, ეს გასაგებია, მაგრამ ჩვენ არ უნდა გვაკრიტიკონ იმის გამო, თუ ჩვენ ვცდილობთ რუსეთთან ომის თავიდან არიდებას და ამისთვის, ისეთი ნაბიჯების გადადგმას, რომ მაინცდამაინც სამხედრო დაპირისპირებაში არ შევიდეთ იმის პარალელურად, რომ ჩვენ ყოველთვის სანქციების თავიდან არიდების თემა იყო თუ ნებისმიერი სხვა საკითხი, მაქსიმალურად გვერდში ვუდგავართ უკრაინასაც, ევროკავშირსაც და თავის დროზე ამერიკის შეერთებულ შტატებსაც“, - აღნიშნა ლევან მახაშვილმა.მმართველი გუნდი ბრიუსელის ორმაგ სტანდარტზე მიუთითებს. პარლამენტის თავმჯდომარე 2008 წლის აგვისტოს ომის შემდეგ მოსკოვში გამართულ აღლუმზე წერს, სადაც დასავლური ქვეყნების, მათ შორის უკრაინის შეიარაღებული ძალები მონაწილეობდნენ.

მსოფლიო • 1744884076

კატარის ემირი ოფიციალური ვიზიტით მოსკოვში ჩავიდა, სადაც ვლადიმერ პუტინს შეხვდება

კატარის ემირი, შეიხ თამიმ ბინ ჰამად ალ-თანი ოფიციალური ვიზიტით მოსკოვში ჩავიდა, სადაც რუსეთის პრეზიდენტს, ვლადიმერ პუტინს შეხვდება.გავრცელებული ინფორმაციით, საუბრის თემებს შორის იქნება უკრაინისა და ახლო აღმოსავლეთის საკითხები. კრემლში აცხადებენ, რომ ლიდერები ასევე ყურადღებას გაამახვილებენ რეგიონულ საკითხებზე.როგორც ცნობილია, კატარმა არაერთხელ სცადა, ორ ქვეყანას შორის მედიატორის როლი ეთამაშა.

მსოფლიო • 1744870370

სტივ უიტკოფი და მარკო რუბიო უკრაინაში ომის საკითხზე დღეს პარიზში ევროპელ კოლეგებთან მოლაპარაკებებს გამართავენ

დღეს პარიზში დონალდ ტრამპის სპეციალური წარმომადგენელი სტივ უიტკოფი და სახელმწიფო მდივანი მარკო რუბიო ევროპელ კოლეგებთან მოლაპარაკებებს გამართავენ უკრაინაში ომის დასრულების მცდელობების განსახილველად. ამის შესახებ „ბიბისი“ წერს.უიტკოფი და რუბიო შეხვდებიან საფრანგეთის პრეზიდენტ ემანუელ მაკრონს და მის გუნდს. შემდეგ აშშ-ის სახელმწიფო მდივანი გამართავს მოლაპარაკებებს ფრანგ, გერმანელ და ბრიტანელ კოლეგებთან. შეხვედრაში მონაწილეობას მიიღებენ ევროპის ეროვნული უსაფრთხოების მრჩევლებიც.აშშ-ის სახელმწიფო დეპარტამენტმა განაცხადა, რომ შეხვედრებზე ყურადღება გამახვილდება იმაზე, თუ როგორ უნდა დასრულდეს ომი უკრაინაში და ამასთან, უიტკოფი წარადგენს ანგარიშს რუსეთის პრეზიდენტ ვლადიმერ პუტინთან გამართული შეხვედრის შესახებ.

ომი უკრაინაში • 1744833900

Bild: ტრამპი უარს ამბობს უკრაინისთვის იარაღის მიწოდებაზე, თუნდაც ფულის სანაცვლოდ

ტრამპი უარს ამბობს უკრაინისთვის იარაღის მიწოდებაზე, თუნდაც ფულის სანაცვლოდ, - წერს გერმანული გამოცემა Bild.როგორც გერმანული გამოცემა აღნიშნავს, დონალდ ტრამპი ვლადიმირ პუტინთან მოლაპარაკებებით უფრო მეტად არის დაინტერესებული, ვიდრე იარაღის მიწოდებით ფულის გამომუშავებით.9 აპრილს, ვოლოდიმირ ზელენსკიმ განაცხადა, რომ დონალდ ტრამპს Patriot-ის 10 კომპლექსის შეძენის მზადყოფნის შესახებ განუცხადა.„ვუთხარი მას, მოგვეცით Patriot-ის თუნდაც 10 კომპლექსი. ბევრი სხვადასხვა ფორმატი და ინსტრუმენტია, რისთვისაც მზად ვართ. ჩვენ მზად ვიყავით შესაბამისი პაკეტისთვის 30 მილიარდი დოლარი და 50 მილიარდი დოლარიც კი გვეპოვა“, - აღნიშნა უკრაინის პრეზიდენტმა.თუმცა, ტრამპმა, რომელიც წუხდა იმის გამო, რომ ამერიკა ძალიან ბევრს ხარჯავდა უკრაინის დახმარებაზე, არანაირი ენთუზიაზმი არ გამოავლინა იარაღის გაყიდვით ფულის გამომუშავების შესაძლებლობის მიმართ.

მსოფლიო • 1744797179

Politico: სტივ უიტკოფი და მარკო რუბიო პარიზში უკრაინის, ირანისა და სავაჭრო საკითხების განსახილველად ჩავლენ

აშშ-ის სახელმწიფო მდივანი, მარკო რუბიო და დონალდ ტრამპის სპეციალური წარმომადგენელი ახლო აღმოსავლეთში, სტივ უიტკოფი პარიზში უკრაინის, ირანისა და სავაჭრო საკითხების განსახილველად ჩავლენ. ინფორმაციას Politico ავრცელებს.რუბიოს და უიტკოფის ვიზიტი მიმდინარე კვირას შედგება. ტრამპის სპეცწარმომადგენელი საფრანგეთის პრეზიდენტს, ემანუელ მაკრონს, ხოლო რუბიო მის ფრანგ კოლეგას, ჟან-ნოელ ბაროს შეხვდება.როგორც გამოცემას ორმა ამერიკელმა ოფიციალურმა პირმა განუცხადა, რუბიო პარიზში შეხვედრებს აფრიკაში ვიზიტამდე გამართავს.Politico-ს ინფორმაციით, უიტკოფი მაკრონთან შეხვედრას რუსეთის პრეზიდენტთან, ვლადიმერ პუტინთან რამდენიმე დღის წინ გამართული მოლაპარაკებების შემდეგ გამართავს. ის საფრანგეთის პრეზიდენტთან უკრაინაში ცეცხლის შეწყვეტის დეტალებს განიხილავს.საფრანგეთის პრეზიდენტი, თავის მხრივ, ევროკავშირის მიერ კიევისთვის უსაფრთხოების გარანტიების შესახებ მოლაპარაკებებში ლიდერის როლს ასრულებს. გამოცემის ცნობით, ეს იქნება ამერიკელი მაღალჩინოსნების პირველი ვიზიტი ევროპაში მას შემდეგ, რაც თებერვალში აშშ-ის ვიცე-პრეზიდენტი, ჯეი დი ვენსი პარიზში გამართული ხელოვნური ინტელექტის სამიტს დაესწრო.

მსოფლიო • 1744747719

რუსეთისთვის არსებობს სტიმული, დაასრულოს ომი, შესაძლოა, ეს იყოს აშშ-თან ეკონომიკური პარტნიორობა - თეთრი სახლის პრესსპიკერი

აშშ-ი მიიჩნევს, რომ რუსეთთან პოტენციური ეკონომიკური პარტნიორობის განვითარება შეიძლება უკრაინაში ომის დასრულებისთვის სტიმული იყოს, – ამის შესახებ თეთრი სახლის პრესსპიკერმა, კეროლაინ ლევიტმა განაცხადა.ლევიტმა კომენტარი გააკეთა აშშ-ის პრეზიდენტის წარმომადგენლის, სტივ უიტკოფის  რუსეთის პრეზიდენრტ ვლადიმირ პუტინთან ბოლო შეხვედრასა და „სამშვიდობო ხელშეკრულების“ პერსპექტივებზე.თეთრი სახლის პრესსპიკერმა განაცხადა, რომ მხარეებს შორის შედგა „ნაყოფიერი საუბარი“ და უიტკოფი და ტრამპი „მიიჩნევენ, რომ რუსეთს სურს ამ ომის დასრულება“.„რუსეთისთვის არსებობს სტიმული, დაასრულოს ეს ომი და შესაძლოა, ეს იყოს შეერთებულ შტატებთან ეკონომიკური პარტნიორობა, თუმცა ჯერ უნდა ვნახოთ ცეცხლის შეწყვეტა. პრეზიდენტმა და მისმა წარმომადგენელმა, უიტკოფმა ეს ძალიან ნათლად განუმარტეს რუსებს“, – აღნიშნა ლევიტმა.

მსოფლიო • 1744741422

უკრაინისა და აშშ-ის გუნდებს შორის სასარგებლო წიაღისეულის შესახებ მოლაპარაკებები გასულ კვირას დადებითად წარიმართა - ზელენსკი

უკრაინისა და აშშ-ის გუნდებს შორის სასარგებლო წიაღისეულის შეთანხმების შესახებ მოლაპარაკებები გასულ კვირას დადებითად წარიმართა, – ამის შესახებ უკრაინის პრეზიდენტმა, ვოლოდიმირ ზელენსკიმ ოდესაში, NATO-ს გენერალურ მდივანთან, მარკ რუტესთან ერთობლივი პრესკონფერენციის დროს განაცხადა.„ჯერჯერობით ორივე მხარემ შეხვედრა პოზიტიურად დაასრულა“, – აღნიშნა ზელენსკიმ.უკრაინის პრეზიდენტის თქმით, მოლაპარაკებები, როგორც ონლაინ, ასევე პირისპირ, ამ კვირის ბოლომდე გაგრძელდება, შემდეგ კი, გუნდები წარმოადგენენ, „რა შედეგებსაც მიაღწიეს“.ამასთან, ზელენსკიმ კვლავ გაიმეორა მოწოდება უკრაინისთვის Patriot-ის ტიპის ანტისარაკეტო თავდაცვის სისტემის გადაცემის შესახებ და აღნიშნა, რომ ეს მოკავშირეების პოლიტიკურ ნებაზეა დამოკიდებული.„Patriot – ეს ძალიან მნიშვნელოვანია, თავდაცვითი იარაღია. ჩვენ უბრალოდ არ ვითხოვთ Patriot-ს, ჩვენ დღეს ვესაუბრეთ გენერალურ მდივანს, ჩვენ მზად ვართ, გავერთიანდეთ, რათა მოვიძიოთ თანხები და შევიძინოთ ეს სისტემები“, – განაცხადა ზელენსკიმ.ზელენსკის თქმით, უკრაინა მზადაა, „ნებისმიერი ნაბიჯისთვის“, რათა გააძლიეროს საჰაერო თავდაცვა.„ეს დღეს პოლიტიკური საკითხია. სისტემები არსებობს მსოფლიოში, ასევე  რაკეტებიც არის და მხოლოდ ლიდერების გადაწყვეტილებებზეა დამოკიდებული, გვექნება თუ არა საკმარისი დაცვა“, – განაცხადა უკრაინის პრეზიდენტმა.ზელენსკი ასევე გამოეხმაურა ტრამპის წარმომადგენლის განცხადებას ე.წ. ხუთი ტერიტორიის შესახებ.  უკრაინის პრეზიდენტის თქმით, უკრაინა სუვერენული სახელმწიფოა და მის ტერიტორიაზე მხოლოდ უკრაინელ ხალხს შეუძლია საუბარი.„ყველა ტერიტორია ეკუთვნის უკრაინას. კიდევ ერთხელ ვიმეორებ, ჩვენი სახელმწიფოს ტერიტორიაზე მხოლოდ უკრაინის ხალხს შეუძლია საუბარი და თქვენ იცით, რომ ჩვენთვის ეს წითელი ხაზებია – ვაღიაროთ დროებით ოკუპირებული ტერიტორიები როგორც არა უკრაინელი, არამედ რუსული. შესაბამისი წარმომადგენლები განიხილავენ საკითხებს, რომლებიც მათი კომპეტენციის ფარგლებს სცდება“, – აღნიშნა ზელენსკიმ.შეგახსენებთ, აშშ-ის პრეზიდენტის სპეციალურმა წარმომადგენელმა, სტივ უიტკოფმა „ფოქს ნიუსთან“ ინტერვიუში ვლადიმერ პუტინთან შეხვედრას „დამაჯერებელი“ უწოდა და განაცხადა, რომ შეთანხმების გასაღები ე.წ. ხუთ ტერიტორიას უკავშირდება.