პუტინ

ვოლოდიმირ ზელენსკი - ჩვენ არ ვართ ბავშვები პუტინთან ერთად საბავშვო პარკში, ის მკვლელია, რომელიც პარკში ბავშვების მოსაკლავად მოვიდა

ჩვენ არ ვართ ბავშვები პუტინთან ერთად საბავშვო მოედნის პარკში, ის მკვლელია, რომელიც პარკში ბავშვების მოსაკლავად მოვიდა, – ამის შესახებ უკრაინის პრეზიდენტმა, ვოლოდიმირ ზელენსკიმ „ეიბისი ნიუსთან“ ინტერვიუში განაცხადა.ზელენსკიმ აღნიშნა, რომ ადამიანებს, რომლებიც ათასობით მილის დაშორებით არიან, არ შეუძლიათ უკრაინელების ტკივილის შეგრძნება და გაგება.„საქმე პრეზიდენტ ტრამპში არ არის, არამედ ნებისმიერ ადამიანში, რომელიც ათასობით მილის დაშორებით, ამ ქვეყანაში არ იმყოფება. მათ ამ ტკივილის სრულად განცდა და გაგება არ შეუძლიათ“, – განაცხადა უკრაინის პრეზიდენტმა.ვოლოდიმირ ზელენსკის თქმით, ომის დაწყების შემდეგ უკრაინაში 631 ბავშვი დაიღუპა.ცნობისთვის, აშშ-ის პრეზიდენტმა, დონალდ ტრამპმა რუსეთი და უკრაინა პარკში მოჩხუბარ ბავშვებს შეადარა: „ზოგჯერ ხედავთ ორ პატარა ბავშვს, რომლებიც გიჟებივით ჩხუბობენ. ზოგჯერ მათ არ უნდათ გაშველება, ზოგჯერ უკეთესია, გაჩერდე და მისცე უფლება, ცოტა ხანს იჩხუბონ, შემდეგ კი გააშველო“.

ომი უკრაინაში • 1749287994

"მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს" - ზელენსკი ხარკოვზე განხორციელებული შეტევის შესახებ

რუსეთ-უკრაინის ომის მსხვერპლი ყოველდღიურად იზრდება. რუსმა ოკუპანტებმა, ამჯერად, ხარკოვს დაარტყეს. შეტევა ე.წ. კამიკაძე დრონების, მართვადი ბომბებისა და რაკეტების გამოყენებით განახორციელეს.თავდასხმის შედეგად სამი ადამიანი დაიღუპა, ხოლო 21 დაშავდა, მათ შორის, ორი ბავშვია. კიევის რაიონში რუსებმა სამოქალაქო საწარმოსაც დაარტყეს."80-ზე მეტი ადამიანი დაშავდა, ყველას გაუწიეს დახმარება. სამწუხაროდ, არიან დაღუპულებიც. მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს. უსაფრთხოების გარანტიები უზრუნველყოფილი უნდა იყოს და მშვიდობა უნდა დამყარდეს, ამისთვის საჭიროა საწყისი ნაბიჯები, მათ შორის მთავარი, ცეცხლის შეწყვეტაა," - განაცხადა უკრაინის პრეზიდენტმა ვოლოდიმირ ზელენსკიმ.

მსოფლიო • 1749143520

ტრამპი უკრაინაში მიმდინარე ომზე: ორი ბავშვი, რომელიც პარკში გააფთრებით ჩხუბობს, თქვენ კი მათ გაშველებას ცდილობთ - ზოგჯერ არ უნდათ, რომ გააშველონ, სჯობს, ცოტა ხნით აცადოთ ჩხუბი და მერე გააშველოთ

ორი ბავშვი, რომელიც პარკში გააფთრებით ჩხუბობს, - ასე დაახასიათა აშშ-ის პრეზიდენტმა, დონალდ ტრამპმა უკრაინაში მიმდინარე ომი.„ორი ბავშვი, რომელიც გააფთრებით ჩხუბობს. ერთმანეთი სძულთ და პარკში ჩხუბობენ. თქვენ კი მათ გაშველებას ცდილობთ. ზოგჯერ არ უნდათ, რომ გააშველონ. სჯობს, ცოტა ხნით აცადოთ ჩხუბი და მერე გააშველოთ. და ეს ანალოგია გუშინ პუტინს ვუთხარი. ვუთხარი, პრეზიდენტო, ალბათ, მოგიწევთ ბრძოლის გაგრძელება და ბევრი ტანჯვა, რადგან ორივე მხარე იტანჯება, სანამ მათ გააშველებთ, სანამ შესაძლებელი იქნება მათი გაშველება“, - აღნიშნა აშშ-ის პრეზიდენტმა.

მსოფლიო • 1749121925

კრემლში აცხადებენ, რომ პუტინი და ტრამპი პირისპირ შეხვედრაზე ჯერ არ შეთანხმებულან

რუსეთისა და აშშ-ის პრეზიდენტები 4 ივნისს გამართულ სატელეფონო საუბრისას პირისპირ შეხვედრაზე არ შეთანხმებულან, - აღნიშნულის შესახებ რუსეთის ფედერაციის პრეზიდენტის პრესმდივანი დიმიტრი პესკოვი აცხადებს.„საუბრის დროს შეთანხმება არ ყოფილა, რადგან სახელმწიფოს მეთაურებს შორის არსებობს საერთო მოსაზრება, რომ შეხვედრა აუცილებელია. შეხვედრა კი სათანადოდ უნდა იყოს მომზადებული“, - განაცხადა კრემლის წარმომადგენელმა.პესკოვის თქმით, პრეზიდენტებს შორის საუბარი კონსტრუქციული იყო.„პრეზიდენტებმა მართლაც ბევრი არსებითი და მნიშვნელოვანი საკითხი განიხილეს“, - დასძინა პესკოვმა.პუტინმა და ტრამპმა ამერიკელი ლიდერის თანამდებობის დაკავების შემდეგ მეოთხე სატელეფონო საუბარი გამართეს, რომელიც 1 საათსა და 10 წუთს გაგრძელდა.პუტინმა და ტრამპმა უკრაინის გარშემო არსებული ვითარება განიხილეს.

მსოფლიო • 1749119811

„აქსიოსი“ - დონალდ ტრამპმა უკრაინის ოპერაციას, „ობობას ქსელს“, „ძლიერი“ და „მაგარი“ უწოდა, თუმცა შეშფოთება გამოხატა, რომ ეს კიდევ უფრო გაართულებს ცეცხლის შეწყვეტის შეთანხმების პროცესს

აშშ-ის პრეზიდენტმა, დონალდ ტრამპმა უკრაინის ოპერაცია „ობობას ქსელს“, რომლის დროსაც რუსული სტრატეგიული თვითმფრინავები დაიბომბა, „ძლიერი“ და „მაგარი“ უწოდა. ამის შესახებ „აქსიოსი“ ერთ-ერთ წყაროზე დაყრდნობით წერს.ამავდროულად, წყაროს თქმით, ამერიკის პრეზიდენტი შეშფოთებულია, რომ ეს კიდევ უფრო გაართულებს მის მისიას ცეცხლის შეწყვეტის თაობაზე.„აქციოსი“ ცნობით, ტრამპის ერთ-ერთმა მრჩეველმა განაცხადა: „საერთაშორისო პერსპექტივიდან, თქვენ გყავთ ჩიხუახუა, რომელიც რეალურ ზიანს აყენებს გაცილებით დიდ ძაღლს“.როგორც მედია წერს, ტრამპმა აღნიშნა, რომ დრონებით თავდასხმა, სავარაუდოდ, ვლადიმერ პუტინს, ძალიან სერიოზული საპასუხო ზომების აიძულებს.წყაროს ცნობით, ტრამპი შეშფოთებულია, რომ ეს სცენარი მის დიპლომატიურ ინიციატივას შეაფერხებს.

მსოფლიო • 1749101784

მორიგი სატელეფონო საუბარი აშშ-ისა და რუსეთის პრეზიდენტებს შორის საათზე მეტხანს გაგრძელდა - პუტინმა მასშტაბური იერიში ტერორისტულ აქტებად მოიხსენია და ცეცხლის 30 დღით შეწყვეტასა და ზელენსკისთან შეხვედრის შესაძლებლობაზე უარი თქვა

საათზე მეტხანს გაგრძელდა მორიგი სატელეფონო საუბარი ამერიკისა და რუსეთის პრეზიდენტებს შორის. როგორც თავად დონალდ ტრამპი წერს სოციალურ ქსელში, ვლადიმერ პუტინთან მან განიხილა უკრაინული სამხედრო ოპერაცია "ობობის ქსელი", რის შედეგად რუსული სტრატეგიული ავიაციის 34% განადგურდა და დაზიანდა. მისივე თქმით, პუტინი საპასუხო დარტყმებისთვის ემზადება. მთლიანობაში, საუბარს ტრამპმა კარგი უწოდა, თუმცა "არა ისეთი, რომელმაც დაუყოვნებლივ მშვიდობა უნდა მოიტანოს".მოლაპარაკებებსა და რუსეთში უკრაინულ ოპერაციაზე პირველად გააკეთა კომენტარი თავად პუტინმაც. რუსეთის პრეზიდენტმა მასშტაბური იერიში ტერორისტულ აქტებად მოიხსენია და, ამ საბაბით, ცეცხლის 30 დღით შეწყვეტასა და ზელენსკისთან შეხვედრის შესაძლებლობაზე კატეგორიული უარი განაცხადა.თავის მხრივ, პუტინი-ტრამპის სატელეფონო საუბარს ეხმიანება ზელენსკი. უკრაინის პრეზიდენტის განმარტებით, რუსეთს ომის დასრულება არ სურს და მსოფლიოს ოკუპანტზე ზეწოლის გაძლიერებისკენ მოუწოდებს.

მსოფლიო • 1749067103

ვლადიმერ პუტინი ტელეფონით რომის პაპს ესაუბრა - კრემლი

რუსეთის პრეზიდენტი ვლადიმერ პუტინი რომის პაპ ლეო XIV-ს ტელეფონით ესაუბრა.კრემლის მიერ გავრცელებულ განცხადებაში აღნიშნულია, რომ პუტინმა კიდევ ერთხელ მიულოცა პაპს არჩევა და წარმატებები უსურვა.პაპთან საუბრისას პუტინმა ასევე განიხილა უკრაინაში მიმდინარე ომი.„უკრაინის საკითხზე საუბრისას ვლადიმერ პუტინმა დაადასტურა ინტერესი მშვიდობის მიღწევაში პოლიტიკურ-დიპლომატიურ გზით, ხაზი გაუსვა, რომ კრიზისის საბოლოო, სამართლიანი და ყოვლისმომცველი მოგვარებისთვის აუცილებელია მისი ძირითადი მიზეზების აღმოფხვრა“, – აღნიშნულია კრემლის მიერ გავრცელებულ ინფორმაციაში.რაც შეეხება სტამბოლში გამართულ მოლაპარაკებებს რუსეთ-უკრაინის დელეგაციებს შორის, პუტინმა პონტიფიკოსსს მიღწეული კონკრეტული შეთანხმებების შესახებ განუცხადა, ტყვეებისა და დაღუპულთა ცხედრების გაცვლის თაობაზე.რუსეთის პრეზიდენტმა ასევე მადლიერება გამოხატა პონტიფიკოსის მიმართ უკრაინის მოგვარებაში ხელშეწყობის გაწევის მზაობისთვის. კერძოდ ვატიკანის მონაწილეობისთვის მწვავე ჰუმანიტარული საკითხების გადაწყვეტაში.„ვლადიმერ პუტინმა განსაკუთრებული ყურადღება გაამახვილა იმაზე, რომ კიევის რეჟიმი ახდენს დივერსიებს რუსეთის ტერიტორიაზე სამოქალაქო ინფრასტრუქტურის ობიექტების მიმართ. ხაზი გაესვა, რომ უკრაინის მიერ დღეს განხორციელებული განზრახვითი და მიზნობრივი დარტყმა მშვიდობიანი მოსახლეობის წინააღმდეგ ერთმნიშვნელოვნად კვალიფიცირდება საერთაშორისო სამართლით, როგორც ტერორიზმი“, – აღნიშნულია განცხადებაში.

მსოფლიო • 1749058895

პუტინმა სატელეფონო საუბრისას მტკიცედ განაცხადა, რომ აეროდრომებზე განხორციელებულ ბოლოდროინდელ თავდასხმაზე რეაგირება მოუწევს - ტრამპი

აშშ-ის პრეზიდენტი დონალდ ტრამპი აცხადებს, რომ რუსეთის პრეზიდენტ ვლადიმერ პუტინს ტელფონით ესაუბრა და უკრაინის საკითხი განიხილა.მისი შეფასებით, ეს იყო კარგი საუბარი, თუმცა არა ისეთი, რომელიც „დაუყოვნებლივ მშვიდობამდე მიგვიყვანს“.როგორც აშშ-ის პრეზიდენტმა აღნიშნა, პუტინმა მას განუცხადა, რომ რუსეთს მოუწევს პასუხის გაცემა უკრაინის მიერ რუსული აეროდრომების დაბომბვაზე.„ახლახან დავასრულე რუსეთის პრეზიდენტ ვლადიმერ პუტინთან ტელეფონით საუბარი. სატელეფონო საუბარი დაახლოებით ერთ საათსა და 15 წუთს გაგრძელდა. ჩვენ განვიხილეთ უკრაინის მიერ რუსეთის ბაზირებულ თვითმფრინავებზე თავდასხმა და ასევე ორივე მხარის მიერ განხორციელებული სხვადასხვა თავდასხმა. ეს იყო კარგი საუბარი, მაგრამ არა ისეთი საუბარი, რომელიც დაუყოვნებლივ მშვიდობამდე მიგვიყვანდა. პრეზიდენტმა პუტინმა ძალიან მტკიცედ განაცხადა, რომ მას მოუწევს აეროდრომებზე განხორციელებულ ბოლოდროინდელ თავდასხმაზე რეაგირება“, – წერს ტრამპი თავის სოციალურ ქსელ Truth Social-ზე.აშშ-ის პრეზიდენტის თქმით, ვლადიმერ პუტინმა ასევე ირანის საკითხზე ისაუბრა.„ჩვენ ასევე განვიხილეთ ირანი და ის ფაქტი, რომ ირანის მიერ ბირთვულ იარაღთან დაკავშირებით გადაწყვეტილების მიღების დრო იწურება, რაც სწრაფად უნდა იქნას მიღებული. მე განვუცხადე პრეზიდენტ პუტინს, რომ ირანს არ შეიძლება, ჰქონდეს ბირთვული იარაღი. მჯერა, რომ ამ საკითხზე ჩვენ შევთანხმდით. პრეზიდენტმა პუტინმა შემომთავაზა, რომ მონაწილეობას მიიღებდა ირანთან მოლაპარაკებებში და შესაძლოა, ის შეძლებდა დახმარებას ამ საკითხის სწრაფად დასრულებაში. ჩემი აზრით, ირანი ამ ძალიან მნიშვნელოვან საკითხზე გადაწყვეტილების მიღებას აჭიანურებს და ჩვენ ძალიან მოკლე დროში დაგვჭირდება საბოლოო პასუხი“, – წერს ტრამპი.

მსოფლიო • 1749057960

ტრამპი პუტინთან სატელეფონო საუბარზე: ეს იყო კარგი საუბარი, მაგრამ არა ისეთი, რომელიც დაუყოვნებლივ მშვიდობას მოიტანს

ეს იყო კარგი საუბარი, მაგრამ არა ისეთი, რომელიც დაუყოვნებლივ მშვიდობას მოიტანს, - განაცხადა აშშ-ის პრეზიდენტმა, დონალდ ტრამპმა რუს კოლეგასთან გამართული სატელეფონო საუბრის შემდეგ.„ახლახან დავასრულე სატელეფონო საუბარი ვლადიმერ პუტინთან. სატელეფონო საუბარი დაახლოებით 1 საათი და 15 წუთი გაგრძელდა. ჩვენ განვიხილეთ უკრაინის მიერ რუსეთის აეროდრომებზე თავდასხმა, ასევე სხვადასხვა თავდასხმა, რომელიც ორივე მხრიდან ხდებოდა. ეს იყო კარგი საუბარი, მაგრამ არა ისეთი, რომელიც დაუყოვნებლივ მშვიდობას მოიტანს. პრეზიდენტმა პუტინმა ძალიან მკაცრად განაცხადა, რომ მას მოუწევს აეროდრომებზე ბოლოდროინდელ თავდასხმაზე რეაგირება“, - აღნიშნა აშშ-ის პრეზიდენტმა.„ჩვენ ასევე განვიხილეთ ირანი და ის ფაქტი, რომ ირანის გადაწყვეტილებისთვის ბირთვულ იარაღთან დაკავშირებით დრო იწურება, რომელიც სწრაფად უნდა იყოს მიღებული! პრეზიდენტ პუტინს განვუცხადე, რომ ირანს არ შეიძლება ჰქონდეს ბირთვული იარაღი და ამაზე, ვფიქრობ, შევთანხმდით. პრეზიდენტმა პუტინმა განაცხადა, რომ ის მიიღებს მონაწილეობას ირანთან დისკუსიებში და შესაძლოა, დახმარება გასწიოს ამ საკითხის სწრაფად დასრულებაში. ჩემი აზრით, ირანი აჭიანურებს გადაწყვეტილებას ამ მეტად მნიშვნელოვან საკითხზე და ჩვენ ძალიან მალე დაგვჭირდება საბოლოო პასუხი!“ - დასძინა მან.

ომი უკრაინაში • 1749055380

ტრამპი პუტინთან სატელეფონო საუბარზე: პრეზიდენტმა პუტინმა ძალიან მკაცრად განაცხადა, რომ მას მოუწევს აეროდრომებზე ბოლოდროინდელ თავდასხმაზე რეაგირება

აშშ-ის პრეზიდენტმა, დონალდ ტრამპმა განაცხადა, რომ თავის რუს კოლეგასთან სატელეფონო საუბარი გამართა.„ახლახან დავასრულე სატელეფონო საუბარი ვლადიმერ პუტინთან. სატელეფონო საუბარი დაახლოებით 1 საათი და 15 წუთი გაგრძელდა. ჩვენ განვიხილეთ უკრაინის მიერ რუსეთის აეროდრომებზე თავდასხმა, ასევე სხვადასხვა თავდასხმა, რომელიც ორივე მხრიდან ხდებოდა. ეს იყო კარგი საუბარი, მაგრამ არა ისეთი, რომელიც დაუყოვნებლივ მშვიდობას მოიტანს. პრეზიდენტმა პუტინმა ძალიან მკაცრად განაცხადა, რომ მას მოუწევს აეროდრომებზე ბოლოდროინდელ თავდასხმაზე რეაგირება“, - აღნიშნა აშშ-ის პრეზიდენტმა.„ჩვენ ასევე განვიხილეთ ირანი და ის ფაქტი, რომ ირანის გადაწყვეტილებისთვის ბირთვულ იარაღთან დაკავშირებით დრო იწურება, რომელიც სწრაფად უნდა იყოს მიღებული! პრეზიდენტ პუტინს განვუცხადე, რომ ირანს არ შეიძლება ჰქონდეს ბირთვული იარაღი და ამაზე, ვფიქრობ, შევთანხმდით. პრეზიდენტმა პუტინმა განაცხადა, რომ ის მიიღებს მონაწილეობას ირანთან დისკუსიებში და შესაძლოა, დახმარება გასწიოს ამ საკითხის სწრაფად დასრულებაში. ჩემი აზრით, ირანი აჭიანურებს გადაწყვეტილებას ამ მეტად მნიშვნელოვან საკითხზე და ჩვენ ძალიან მალე დაგვჭირდება საბოლოო პასუხი!“ - დასძინა მან.

მსოფლიო • 1749051600

ევროკომისიის პრეზიდენტი: ევროკავშირი მზად არის, აშშ-თან ერთად დააწესოს ერთდროული სანქციები რუსეთის წინააღმდეგ

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირი მზად არის, აშშ-თან ერთად დააწესოს ერთდროული სანქციები რუსეთის წინააღმდეგ.„ჩვენ განვიხილეთ, როგორ შეგვიძლია ერთდროულად განვახორციელოთ ევროპული და ამერიკული სანქციები, თუ პუტინი მოლაპარაკებების მაგიდასთან არ დაჯდება“, - აღნიშნა ევროკომისიის პრეზიდენტმა.ევროკავშირი ამჟამად რუსეთის წინააღმდეგ სანქციების მე-18 პაკეტს გეგმავს და ფონ დერ ლაიენმა განაცხადა, რომ „ჩვენ, უპირველეს ყოვლისა, რუსული ენერგეტიკის დასანქცირებასა და რუსეთის ფინანსური წყაროების ამოწურვაზე ვართ ორიენტირებულნი“.

მსოფლიო • 1749049972

დღევანდელი კიევის რეჟიმს საერთოდ არ სჭირდება მშვიდობა, მისთვის მშვიდობა სავარაუდოდ ძალაუფლების დაკარგვას ნიშნავს - ვლადიმერ პუტინი

დღევანდელი კიევის რეჟიმს საერთოდ არ სჭირდება მშვიდობა, მისთვის მშვიდობა სავარაუდოდ ძალაუფლების დაკარგვას ნიშნავს, – ამის შესახებ რუსეთის პრეზიდენტმა, ვლადიმერ პუტინმა ქვეყნის მთავრობის წევრებთან შეხვედრის დროს განაცხადა.რუსეთის პრეზიდენტის თქმით, კიევის ხელისუფლებას არ აქვს ელემენტარული პოლიტიკური კულტურა და საკუთარ თავს უფლებას აძლევს, პირდაპირ შეურაცხყოფა მიაყენოს მათ, ვისთანაც მოლაპარაკებას ცდილობს.პუტინის თქმით, რუსეთსა და უკრაინას შორის მოლაპარაკებების მეორე რაუნდის წინა დღეს მშვიდობიანი მოსახლეობის წინააღმდეგ ჩადენილი ყველა დანაშაული მოლაპარაკების პროცესის ჩაშლისკენ იყო მიმართული.პუტინის მტკიცებით, დარტყმა მშვიდობიანი მოსახლეობის წინააღმდეგ განზრახ განხორციელდა.რუსეთის პრეზიდენტის განცხადებით, უკრაინას ცეცხლის შეწყვეტა შეიარაღების მისაღებად სურს.„რატომ უნდა წავახალისოთ ისინი სამხედრო მოქმედებებისგან შესვენების მიცემით, რაც რეჟიმის დასავლური იარაღით გასაძლიერებლად იქნება გამოყენებული, ძალადობრივი მობილიზაციისა და სხვა ტერორისტული აქტების მომზადების გაგრძელებისთვის, იმის მსგავსის, რომლებიც ბრიანსკისა და კურსკის რეგიონებში ჩატარდა“, – განაცხადა ვლადიმერ პუტინმა.რუსული მედიის ინფორმაციით, პირველი ივნისის ღამეს, ბრიანსკის ოლქის ვიგონიჩკის რაიონში საავტომობილო ხიდი ჩამოინგრა. მისი ნამსხვრევები კლიმოვი-მოსკოვის მარშრუტზე მის ქვეშ მოძრავ სამგზავრო მატარებელს დაეცა. ლოკომოტივი და ვაგონები ლიანდაგებიდან გადავიდა. შვიდი ადამიანი დაიღუპა და 100-ზე მეტი დაშავდა. ბრიანსკის ოლქის გუბერნატორმა ალექსანდრე ბოგომაზმა განაცხადა, რომ ხიდი მატარებლის მოძრაობის დროს ააფეთქეს. რუსეთის საგამოძიებო კომიტეტის ცნობით, ბრიანსკისა და კურსკის ოლქებში რკინიგზის ინფრასტრუქტურის აფეთქებები გამომძიებლებმა ტერორისტულ თავდასხმებად შეაფასეს.