მიითვისა

არჩილ გორდულაძე სისხლის სამართლის კოდექსში შესატან ცვლილებებზე: შეგვიძლია თამამად დავადასტუროთ, რომ წარმოდგენილი ცვლილებები მათ შორის გიორგი ბაჩიაშვილზეც გავრცელდება

არ აქვს კონკრეტული ადამიანის სახელ-გვარს მნიშვნელობა, მთავარია ის, ჩაიდინა თუ არა ადამიანმა დანაშაული და სხვა ადამიანს მიაყენა თუ არა ზიანი, - განაცხადა იურიდიულ საკითხთა კომიტეტის თავმჯდომარემ არჩილ გორდულაძემ ახალ საკანონმდებლო ინიციატივაზე საუბრისას, რომლითაც მოპარული, ან მითვისებული ქონების უკან დაბრუნების მექანიზმი მკაცრდება.კითხვაზე - როგორ შეაფასებს ოპოზიციის წარმომადგენელთა განცხადებებს, რომლებიც გიორგი ბაჩიაშვილზე აკეთებენ აქცენტს და ამბობენ, რომ ამ საკანონმდებლო ცვლილებებს აქვს კონკრეტული პოლიტიკური მდგენელი - გორდულაძე აცხადებს, რომ ეს კანონი შეეხება ნებისმიერ დამზარალებელს. ამის მაგალითად მან მოიყვანა თბილისში დაუსრულებელი მშენებლობების საკითხი. ამასთან, მისივე თქმით, ცხადია, წარმოდგენილი ცვლილებები გიორგი ბაჩიაშვილზეც გავრცელდება.„განსაკუთრებით მტკივნეულად დგას თბილისში დაუმთავრებელი მშენებლობების საკითხი, როდესაც ადამიანებმა სხვადასხვა თაღლითური მექანიზმების გამოყენებით სხვა ადამიანებს ზიანი მიაყენეს და ახლა უკვე სახელმწიფოს უწევს რომ დაზარალებულ ადამიანებს ზიანი აუნაზღაუროს. ათიათასობით არის ამ ოჯახების რაოდენობა. ამავდროულად, ნებისმიერ პირზე, მათ შორის გიორგი ბაჩიაშვილზეც გავრცელდება წარმოდგენილი ცვლილებები. არ აქვს კონკრეტული ადამიანის სახელ-გვარს მნიშვნელობა, მთავარია ის, ჩაიდინა თუ არა ადამიანმა დანაშაული და სხვა ადამიანს მიაყენა თუ არა ზიანი. კონკრეტული სახელის და გვარის ქონა, რა თქმა უნდა, ადამიანს ვერ გაათავისუფლებს პასუხისმგებლობისგან, რომ დაზარალებულს ზიანი აუნაზღაუროს. ეს არის მარტივი ლოგიკა, მაგრამ, დიახ შეგვიძლია თამამად დავადასტუროთ, რომ წარმოდგენილი ცვლილებები მათ შორის გიორგი ბაჩიაშვილზეც გავრცელდება. ანუ იმ ადამიანზე, რომელმაც კონკრეტულ ადამიანს მიაყენა კოლოსალური ზიანი და ახლა აქვს სურვილი, რომ უბრალოდ ჩაჯდეს სასჯელაღსრულების დაწესებულებაში, შემდეგ გამოვიდეს და ეს მიყენებული ზიანის სახით თანხები, რომელიც მან მიითვისა, გამოიყენოს თავისი პირადი კეთილდღეობისთვის. როგორც მას, ასევე ნებისმიერ დამნაშავეს, ამ კანონის ამოქმედების შემდეგ ექნება ერთადერთი მოლოდინი, რომ ვერანაირად მოახერხებს გაექცეს პასუხისმგებლობას და იძულებული იქნება, რომ ყველა ფორმით ზიანი აანაზღაუროს“, - აცხადებს გორდულაძე.

პოლიტიკა • 1747300182

„უნივერმაღის“ შენობის გარდა [ახალიამ] წაგვართვა 21 ობიექტი. ვის მისცა, რა გააკეთა არ ვიცი. სულ ორი ობიექტია დარჩენილი დღეს, რომელიც არაა გასხვისებული, დანარჩენი ყველაფერი მიითვისა, „უნივერმაღი ენგური“ თავის შვილს გადასცა - თამაზ წულაია

პარლამენტში 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი დროებითი საგამოძიებო კომისიის მორიგი სხდომა მიმდინარეობს, სადაც ბიზნესის რეკეტზე, წამებაზე და არაადამიანურ მოპყრობაზე, უფლებების უხეში შელახვის სხვა ფაქტებთან დაკავშირებით „ნაციონალური მოძრაობის“ რეჟიმის დაზარალებული თამაზ წულაია საუბრობს.„ახალაიამ ყველაფერი იცოდა. ციხეში იმიტომ დამაყოვნა, რომ ეს საქმე გაკეთებულიყო. ახალაიამ იცოდა, დავით როგავამ როგორ მიითვისა ენგური, აქციის საფასურად მიითვისა ჩემი წილი და ყველაფერი. ახალაია იმის კაცი არ იყო 50 ათასი დოლარი აეღო?! რომ მიეცათ ნახევარი მილიონი დოლარი, აიღებდა. ეს შენობა ღირდა სამიდან ხუთ მილიონამდე. ახალიამ რომ წაართვა ამათ ეს და რომ გააქცია ეს ხალხი რომ შეაშინა, რადგან ფული არ მიიღო იმდენი, რამდენიც უნდოდა, იცოდა ამათი გაფუჭებული საქმე რა იყო, შეეშინდათ ამათ და გაიქცნენ. ორს გამოუტანეს ხუთ ნახევარი წელი დაუსწრებლად. უნივერმაღის შენობის გარდა [ახალიამ] წაგვართვა 21 ობიექტი. ყველაფერი წაგვართვა. ეს ყველაფერი ვის მისცა, რა გააკეთა არ ვიცი, სულ ორი ობიექტია დარჩენილი დღეს, რომელიც არ არის გასხვისებული, დანარჩენი ყველაფერი მიითვისა. „უნივერმაღი ენგური“ გადასცა თავის შვილს“, - განაცხადა თამაზ წულაიამ.

სამართალი • 1746091785

თბილისის საქალაქო სასამართლომ ბიძინა ივანიშვილის სარჩელი სრულად დააკმაყოფილა, გიორგი ბაჩიაშვილს 9000-მდე ბიტკოინის დაბრუნება დაევალა

თბილისის საქალაქო სასამართლომ სრულად დააკმაყოფილა „ქართული ოცნების“ დამფუძნებლის, ბიძინა ივანიშვილის სამოქალაქო სარჩელი და „თანავინსტერების ფონდის“ ყოფილ ხელმძღვანელს, გიორგი ბაჩიაშვილს დაევალა 9000-მდე ბიტკოინის დაბრუნება.გადაწყვეტილება მოსამართლე ზაალ მარუაშვილმა გამოაცხადა.როგორც ბიძინა ივანიშვილის ადვოკატმა, თეიმურაზ წიქვაძემ განაცხადა, სასამართლომ „ქართული ოცნების“ დამფუძნებლის სარჩელი სრულად დააკმაყოფილა.„საქმე იხილებოდა გამარტივებული წესით. დღეს მიღებული გადაწყვეტილებით დაკმაყოფილდა ჩვენი მოთხოვნა და განისაზღვრა 7-დღიანი გასაჩივრების ვადა. დაკმაყოფილდა ასევე, ჩვენი მოთხოვნა დაუყოვნებლივ აღსრულებასთან დაკავშირებით, რაც იმას ნიშნავს, რომ სასამართლო გადაწყვეტილება მიემართება დაუყოვნებლივ აღსასრულებლად. ჩვენ მივმართავთ კანონით განსაზღვრულ ვადებში აღსრულების ეროვნულ ბიუროს. ჩვენი მხრიდან ძირითადი მოთხოვნა იყო ბიტკოინების დაბრუნება, ვინაიდან კანონიერ ძალაში შესული სისხლის სამართლის საქმეზე მიღებული გადაწყვეტილებით დადგენილია, რომ ბატონმა გიორგი ბაჩიაშვილმა ბიძინა ივანიშვილის 9000-მდე ბიტკოინი მიითვისა. ეს იყო ძირითადი მოთხოვნა, რაც დაკმაყოფილდა. იმ შემთხვევაში, თუ მას არ ექნება, არ აღმოაჩნდება ეს ბიტკოინები, ჩვენ ვიცით, რომ ის ახდენდა უკანონო შემოსავლის ლეგალიზაციას და სხვადასხვა ფორმას აძლევდა ამ მითვისებულ ბიტკოინებს, მაშინ იგი ვალდებული იქნება დაზარალებულ მხარეს დაუბრუნოს ამ ბიტკოინების ღირებულება გადაწყვეტილების აღსრულების მომენტისათვის არსებული რაოდენობით“, – განაცხადა ბიძინა ივანიშვილის ადვოკატმა თეიმურაზ წიქვაძემ.გიორგი ბაჩიაშვილის ადვოკატის, სოფო ქურდაულის თქმით, დაცვის მხარე სასამართლოს გადაწყვეტილებას არ ეთანხმება და მას გაასაჩივრებს.„ამ საქმეზე ჩვენი მთავარი არგუმენტი იყო, რომ პირველი ინსტანციის სასამართლოს განაჩენი არ არის საბოლოო, არ არის შესული კანონიერ ძალაში, სასამართლოს არ ჰქონდა უფლება ამ განაჩენის საფუძველზე განეხილა საქმე დაჩქარებული წესით, ვინაიდან აღნიშნული განაჩენის გასაჩივრების ვადა გიორგი ბაჩიაშვილს გასული არ აქვს. გიორგი ბაჩიაშვილის ქონებას ყადაღა შვიდი მარტიდან ადევს. დაყადაღებულია არა მხოლოდ გიორგი ბაჩიაშვილის კუთვნილი ქონება, არამედ სხვა პირების უძრავ-მოძრავი ქონება, რომელიც საქმეში არც მხარეს და არცერთი სტატუსით ჩართულები არ ყოფილან, დღეს სასამართლომ ამ გადაწყვეტილებით დაადგინა არა მხოლოდ ბაჩიაშვილის, არამედ სხვა პირების ქონების რეალიზაცია. ჩვენ ამ გადაწყვეტილებას არ ვეთანხმებით და გავასაჩივრებთ“, – განაცხადა სოფო ქურდაულმა.

პოლიტიკა • 1744709143

დავით ჩიხელიძე: სააკაშვილის ოჯახს, სახელმწიფოს ძარცვის საქმეში დამხმარედ, ქალი არტილერია, ნანუკა ჟორჟოლიანი მოევლინა, რომელიც ამ ბანდიტური ჯგუფის საინფორმაციო მხარდაჭერას ახორციელებდა, კერძოდ საზოგადოებრივი აზრის ფორმირების მიზნით, თხზავდა და იღებდა ცრუ სიუჟეტებს

საპარლამენტო საგამოძიებო კომისიაზე კიდევ ერთი ჭეშმარიტება ითქვა, სამწუხაროდ დღეს, ქუჩაში მდგარი ბრბო არა სპონტანურად ფორმირებული, არამედ ნაციონალური მოძრაობის დროს, კარგად დაგეგმილი და განხორციელებული თაღლითობის შედეგია - წერს ექსპერტი დავით ჩიხელიძე სოციალურ ქსელში. როგორც ჩიხელიძე აღნიშნავს, ალასანიამ და სააკაშვილის ოჯახმა, სააკაშვილის დახმარებით სახელმწიფო გაძარცვა, მათ ხელში სიმბოლურ ფასად, დიდძალი სახელმწიფო ქონება ჩაიგდეს, რომლის რეალური ღირებულება რამდენიმე ასეული მილიონი ლარი იყო. „საპარლამენტო საგამოძიებო კომისიაზე კიდევ ერთი ჭეშმარიტება ითქვა, სამწუხაროდ დღეს, ქუჩაში მდგარი ბრბო არა სპონტანურად ფორმირებული, არამედ ნაციონალური მოძრაობის დროს, კარგად დაგეგმილი და განხორციელებული თაღლითობის შედეგია. სააკაშვილმა, განათლების სისტემაში გიული ალასანიას ფაქტობრივად მონოპოლისტის როლი მისცა, რომელმაც რამდენიმე უმაღლესი სასწავლებელი მიითვისა, (სადაც დღეს ფრანკლინის კლუბი და სხვა მსგავსი ორგანიზაციები ფუნქციონირებენ) უმაღლესი სასწავლებლის შემდეგ გიული ალასანია სკოლებს მიადგა, ნაციონალური მოძრაობის დროს 1000 ზე მეტი საჯარო სკოლა დაიხურა. (ოცნების პირობებში ასობით ახალი სკოლა აშენდა) ალასანიამ და სააკაშვილის ოჯახმა, სააკაშვილის დახმარებით სახელმწიფო გაძარცვა, მათ ხელში სიმბოლურ ფასად, დიდძალი სახელმწიფო ქონება ჩაიგდეს, რომლის რეალური ღირებულება რამდენიმე ასეული მილიონი ლარი იყო. სააკაშვილის ოჯახს, სახელმწიფოს ძარცვის საქმეში დამხმარედ, ქალი არტილერია, ნანუკა ჟორჟოლიანი მოევლინა, რომელიც ამ ბანდიტური ჯგუფის საინფორმაციო მხარდაჭერას ახორციელებდა, კერძოდ საზოგადოებრივი აზრის ფორმირების მიზნით, თხზავდა და იღებდა ცრუ სიუჟეტებს, რომელიც შემდეგ რუსთავი2-ის ეთერში გადიოდა, რომელიც თავის მხრივ ნაციონალური მოძრაობის მმართველობის ქვეშ იყო.“ - წერს ჩიხელიძე.

პოლიტიკა • 1744289619

კარლო კოპალიანი: ხშირად ამბობენ, [გიული ალასანიამ] მიზერულ ფასში მიითვისა ეს ქონებაო. მე ვიტყვი, რომ ყოველგვარი თანხის გარეშე წაიღო ეს მრავალმილიონიანი ქონება. 2006 წლის შეფასებებით, ჩვენი უხეში დათვლებით, ეს იყო დაახლოებით 30 მილიონის ქონება- ამ ქონების წაღებამ წარმოუდგენელი ზარალი მიაყენა ტექნიკურ უნივერსიტეტს

საქართველოს ტექნიკური უნივერსიტეტის კანცლერი კარლო კოპალიანი პარლამენტის დროებითი საგამოძიებო კომისიის სხდომაზე, სადაც ტექნიკური უნივერსიტეტის ქონებრივი უფლებების ხელყოფის საქმე განიხილება, აცხადებს, რომ „ყველანაირი პირობა პრივატიზაციის დარღვეულია. დარღვეულია აუქციონზე პირობების დადგენის პირობები; კანონდარღვევაა ქონების შეფასებისას; კანონდარღვევაა ინფორმაციის გამოქვეყნებისას და პრივატიზებული ვალდებულებების შესრულების ჩათვლისა და საკუთრების მოწმობის გაცემისას“. „კანონი გვეუბნება, რომ ერთი თვის ვადაში უნდა მოხდეს შეძენილი ქონების ღირებულების დაფარვა, რომლის შემდეგ გაიცემა დამადასტურებელი მოწმობები. ჩვენ გვაქვს დადგენილება, რომლის მიხედვითაც საპრივატიზაციო თანხის გადახდა აუქციონის ჩატარებიდან 1 წლის განმავლობაში შემდეგი გრაფიკით დაევალა, ანუ შეღავათი გაეწია საქართველოს უნივერსიტეტს: 2008 წლის 30 სექტემბრამდე თანხის 25%, 2008 წლის 30 დეკემბრამდე კიდევ 25%, 2009 წლის 30 მარტამდე 25%, ხოლო დარჩენილი თანხა 2009 წლის 30 ივნისამდე უნდა დაფარულიყო. შემდეგ არსებობს იმის დოკუმენტი, რომ ეს თანხები დაფარულია. ჩვენ ვერ მოვიძიეთ დამადასტურებელი დოკუმენტი, რომ ეს თანხა ჩაირიცხა საქართველოს ბიუჯეტში, რის შემდეგაც გაიცა საკუთრების მოწმობა, თუმცა, არსებობს ცნობები, როცა მთავრობა, ეკონომიკის სამინისტრო წერს იუსტიციის სამინისტროს შესაბამის დანაყოფს, რომ ეს თანხა ჩარიცხულია და გთხოვთ გასცეთ მოწმობა.აი, აქ არის ძალიან საინტერესო საკითხი, ნამდვილად იყო ჩარიცხული თუ არ იყო ჩარიცხული და როგორც ხშირად ამბობენ ხოლმე, რომ მიზერულ ფასში აიღო, მიითვისა ეს ქონებაო. მე ვიტყვი უფრო სხვანაირად, საერთოდ ყოველგვარი თანხის გარეშე წაიღო ეს მრავალმილიონიანი ქონება. ჯერ კიდევ მაშინ, 2006 წლის შეფასებებით, ჩვენი უხეში დათვლებით, ეს იყო დაახლოებით 30 მილიონის ქონება. ამ ქონების წაღებამ წარმოუდგენელი ზარალი მიაყენა საქართველოს ტექნიკურ უნივერსიტეტს, რომელიც ფაქტობრივად წელში გამართული იყო, ფეხზე იდგა და რა მოხდა? 32 ათასი სტუდენტი განახევრდა ერთ თვეში. როგორც კი ავტორიზაცია შეუჩერეს 32 ათასი სტუდენტი გახდა 15 ათასი სტუდენტი. ჩვენ ძალიან დიდი ძალისხმევა დაგვჭირდა, მის შემდგომ იქ მოსულ თაობებს და განსაკუთრებით, ბოლოს მისულ რექტორატს, რომ უნივერსიტეტი დაჰბრუნებოდა მართლაც იმ სახელოვან წარსულს, როგორც იყო ადრე“.-განაცხადა კარლო კოპალიანმა.

პოლიტიკა • 1744289481

კარლო კოპალიანი: ხშირად საუბრობს ქალბატონი გიული რომ ბაბუა-ბებიამ დაუტოვა მილიონები, მაგრამ სინამდვილეში თავის კოლეგებს და ახალგაზრდობას წაართვა და მიითვისა თავისი შვილის, პრეზიდენტ სააკაშვილის ხელით

ხშირად საუბრობს ქალბატონი გიული რომ ბაბუა-ბებიამ დაუტოვა ეს მილიონები, მაგრამ სინამდვილეში თავის კოლეგებს და ახალგაზრდობას წაართვა და მიითვისა თავისი შვილის ხელით, პრეზიდენტ სააკაშვილის ხელით, - ამის შესახებ საქართველოს პარლამენტის დროებითი საგამოძიებო კომისიის სხდომაზე, სადაც ერთ-ერთ თემად საქართველოს ტექნიკური უნივერსიტეტის ქონებრივი უფლებების ხელყოფის საქმე განიხილება, საქართველოს ტექნიკური უნივერსიტეტის კანცლერმა კარლო კოპალიანმა განაცხადა. დასმულ შეკითხვას ქონების საფასურთან დაკავშირებით, კოპალიანმა უპასუხა, რომ დღევანდელი შეფასებით 100 მილიონზე მეტის იყო. „ქონების საწყისი ფასი, მაგრამ აქ ყველა ქონება არ არის, ეს ერთი მოვიპოვეთ ჩვენ, 5059 კვ. და კიდევ 4000 კვადრატი - ორი მილიონი ლარია და ბიჯით, აუქციონის მიხედვით იყო ერთი ბიჯი გაკეთებული 50 ათასი. აი ეს გადასახადი გადაუვადეს სხვასთან ერთად შემდგომ. მაგრამ ჩვენ დავთვალეთ ესე უხეშად 30 მილიონის ქონება იყო, დღევანდელი შეიძლება 100 მილიონზე მეტიც, დღევანდელი შეფასებით“.

პოლიტიკა • 1744190370

ზაალ ანჯაფარიძე: ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა, ეს კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის

რა უფლება აქვს ერთს რომ მეორეს აუკრძალოს 9 აპრილის მემორიალზე ყვავილების დადება და დაღუპულებისთვის პატივის მიგება? ეს დღე ეკუთვნის ყველას. თუმცა, აღმოჩნდა რომ ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა, - წერს ექსპერტი ზაალ ანჯაფარიძე.მისივე თქმით, საპროტესტო აქციის მონაწილეების დღევანდელი ქმედება, კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის, რომლის შედეგსაც მალე მოიმკიან."რა უფლება აქვს ერთს რომ მეორეს აუკრძალოს 9 აპრილის მემორიალზე ყვავილების დადება და დაღუპულებისთვის პატივის მიგება? ეს დღე ეკუთვნის ყველასთუმცა, აღმოჩნდა რომ ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა. ის რაც დღეს მათ იკადრეს, არავითარ ჩარჩოებში არ ჯდებარაც მთავარია, ეს კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის, რომლის შედეგსაც მალე მოიმკიან", - წერს ზაალ ანჯაფარიძე.

პოლიტიკა • 1744188086

ზაალ ანჯაფარიძე: ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა - ეს კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის

რა უფლება აქვს ერთს რომ მეორეს აუკრძალოს 9 აპრილის მემორიალზე ყვავილების დადება და დაღუპულებისთვის პატივის მიგება? ეს დღე ეკუთვნის ყველას. თუმცა, აღმოჩნდა რომ ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა, - წერს ექსპერტი ზაალ ანჯაფარიძე. მისივე თქმით, საპროტესტო აქციის მონაწილეების დღევანდელი ქმედება, კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის, რომლის შედეგსაც მალე მოიმკიან. "რა უფლება აქვს ერთს რომ მეორეს აუკრძალოს 9 აპრილის მემორიალზე ყვავილების დადება და დაღუპულებისთვის პატივის მიგება? ეს დღე ეკუთვნის ყველას თუმცა, აღმოჩნდა რომ ჩვენს გვერდით აღმოცენდა საზოგადოების უმცირესი, მაგრამ მყვირალა ნაწილი, რომელმაც მიითვისა უფლება სხვებს აუკრძალონ მემორიალზე მისვლა. ის რაც დღეს მათ იკადრეს, არავითარ ჩარჩოებში არ ჯდება. რაც მთავარია, ეს კიდევ ერთი კარგი მაჩვენებელია ამ შემადგენლობის სრული მორალური დეგრადაციის და მარგინალიზაციის, რომლის შედეგსაც მალე მოიმკიან", - წერს ზაალ ანჯაფარიძე.

სამართალი • 1743709516

Exclusive: „ქალი ოჯახს, ბავშვების სანაცვლოდ, ფულს სთხოვდა...“ - დააკავეს სუროგაციის შუამავალი, რომელმაც 300 000 ლარზე მეტი მიითვისა

„პრაიმტაიმისთვის“ ექსკლუზიურად ცნობილი ხდება, რომ დააკავეს სუროგაციის შუამავალი ქალი, რომელმაც 300 000 ლარზე მეტი მიითვისა.ემიგრანტმა ცოლ-ქმარმა საქართველოში, სუროგაციის შუამავალს, ანჟელა კვარაცხელიას 300 000 ლარზე მეტი გადაუხადა, თუმცა ბავშვები არ დაბადებულან. 9 წლის განმავლობაში 5 წარუმატებელი სუროგაცია შედგა და ორსულობა სხვადასხვა მიზეზით შეწყდა. ,,პრაიმტაიმისთვის“ ცნობილი ხდება ისიც, რომ ანჟელა კვარაცხელია ოჯახს ეუბნებოდა, თითქოს, სუროგაცია 18 თვიანი იყო და ამ გზით ბავშვების დაბადებას გაცილებით დიდი დრო სჭირდებოდა.ბოლო შემთხვევაში ქალი ირწმუნებოდა, რომ ბავშვები დაიბადნენ, თუმცა კლინიკაში ამ ინფორმაციას არ ფლობენ. ჩვენი ინფორმაციით, ანჟელა კვარაცხელია პოლიციამ ცოტა ხნის წინ დააკავა.გამოძიება მას სსკ-ის 180-ე მუხლის მესამე ნაწილით გათვალისწინებულ დანაშაულს ედავება. ბრალის დამტკიცების შემთხვევაში, ანჟელა კვარაცხელიას 6-დან 9 წლამდე პატიმრობა ემუქრება.

შემთხვევა • 1743356532

„დედების ცრემლი ზღვას ერთვის... იმიერში გადასახლდა დედისერთა ვაჟთა ტრიო...“ - ლექსი, რომელიც ქუთაისში დაღუპულ ახალგაზრდების ხსოვნას მიეძღვნა

ქუთაისში, ტრაგიკულად დაღუპულ სამ ახალგაზრდას გლოვობენ. „ქუთაისის“ გვერდზე ელგუჯა ჭელიძის ლექსი გამოქვეყნდა, რომელიც მათ სულებს ეძღვნება.„თვალბრიალა ჭაბუკებითვალტანადი, მალხაზები,ჩვენი ქალაქის მკვიდრებიქუთათური ვაჟკაცები.თენგო, ლუკა და გიორგი,ვით სამი ძმა ტყუპისცალი,ერთმანეთის გვერდით მდგომნიქარში, წვიმასა თუ დარში.ერგვლივ სიკეთეს აფრქვევდნენდედისერთა ძმაკაცები,მოყვასს ზრუნვას არ აკლებდნენქუთაისელი კაცები.ბნელ ღამეში წყალწითელამ,სამი ბიჭი ქუთათური,წაგვართვა და მიითვისა,ამოგლიჯა უბანს გული.სამი სანაშენე ბიჭი დაიღუპა, სევდას ვებრძვითდაზაფრულია უბანი,დედების ცრემლი ზღვას ერთვის.იმიერში გადასახლდა დედისერთა ვაჟთა ტრიო,ღმერთო ნათელში ამყოფელუკა, თენგიზი და გიო.“ცნობისთვის, ახალგაზრდები ქუთაისში, წყალწითელას ხიდთან, ავტოსაგზაო შემთხვევას ემსხვერპლნენ.

პოლიტიკა • 1743085200

სოზარ სუბარი ზაზა გოგავას: თქვენ და კეზერაშვილი ერთად აშენებდით ქართულ ჯარს, თუ იმას აშენება ჰქვია, რასაც კეზერაშვილი აკეთებდა. კეზერაშვილზე არსებობს განაჩენი, რომ სწავლებაზე გამოყოფილი ფული მიითვისა

პარლამენტის ვიცე-სპიკერმა, პარტია „ხალხის ძალის“ თავმჯდომარემ სოზარ სუბარმა 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისიის მეექვსე სხდომაზე, 2004-2008 წლებში საქართველოს ოკუპირებულ ტერიტორიებზე შექმნილი ვითარებისა და 2008 წლის აგვისტოს ომის განხილვისას საქართველოს შეიარაღებული ძალების გაერთიანებული შტაბის ყოფილ უფროს, ზაზა გოგავას კითხვა დაუსვა.დეპუტატმა აღნიშნა, რომ მაშინ, როდესაც ზაზა გოგავა გაერთიანებული შტაბის უფროსად დაინიშნა, თავდაცვის მინისტრი დავით კეზერაშვილი ბრძანდებოდა, რომელმაც 2006-2007 წლებში, საქართველოს შეიარაღებული ძალების წვრთნებისთვის გამოყოფილი თანხები მიითვისა. სოზარ სუბარმა განმარტა, რომ ამ საქმესთან დაკავშირებით არსებობს სასამართლოს განაჩენი.პარლამენტის ვიცე-სპიკერმა 2008 წლის აგვისტოს ომის თარიღებზეც ისაუბრა. მისი თქმით, მიხეილ სააკაშვილმა ომის დაწყების შესახებ ბრძანება 9 აგვისტოს გამოსცა, შემდეგ კი 10 აგვისტოს პრეზიდენტის მიერ გამოიცა მეორე ბრძანებაც, სადაც წერია, რომ ომი დასრულდა და საქართველო აღარ იბრძვის. სოზარ სუბარმა აღნიშნა, რომ ამ ფაქტების მიხედვით ომი 2 დღე და 2 საათი გაგრძელდა, მაგრამ შეერქვა აგვისტოს 5 დღიანი ომი, რადგან მანამდე პოზიციებს რუსები იკავებდნენ.„ბევრი ისაუბრეთ იმაზე, რომ არ იყო ჯარი მზად, ბევრი შეცდომები იყო თქვენამდე დაშვებული. 5-დღიანი ომი უწოდეთ და სინამდვილეში თუ ჩავთვლით, რომ 9 აგვისტოს სააკაშვილმა გამოსცა ბრძანება [ომის დაწყების შესახებ], ხოლო 10-ში დილას გამოსცა მეორე ბრძანება, რომ დასრულდა ომი, ჩვენ აღარ ვიბრძვით, ომი გამოდის 2-დღიანი და 2-საათიანი. 5-დღიანი შეერქვა ამ ომს, სანამ რუსებმა პოზიციები დაიკავეს, მაგრამ საქართველომ 2 დღეში დაასრულა ხომ? ჯარის მომზადებაზე თქვით, რომ ბევრი შეცდომა იყო დაშვებული და ბევრი რაღაცისთვის არ იყო ჯარი მზად. მაინტერესებს, კეზერაშვილი იყო თავდაცვის მინისტრი, ერთად აშენებდით ქართულ ჯარს, თუ იმას აშენება ჰქვია, რასაც კეზერაშვილი აკეთებდა. კეზერაშვილზე არსებობს კანონიერ ძალაში შესული განაჩენი, სადაც დადგენილია უტყუარი დრო - 2006-2007 წლების რამდენიმე სწავლებაზე გამოყოფილი ფული უბრალოდ მიითვისა თუ გააქრო. ის სწავლებები არ ჩატარდა. ეს სასამართლოს მიერ არის დადგენილი და კეზერაშვილი ამას სტრასბურგში გაასაჩივრებდა, ეს რომ ასე არ იყოს. სამკერდე ნიშანი გიკეთიათ იმ სწავლების, რომელიც არ ჩატარდა? ფაქტი ის არის, რაც სასამართლოს გადაწყვეტილებაში წერია და რისი გასაჩივრებაც კეზერაშვილმა სტრასბურგში ვერ გაბედა, რადგან იცოდა, რომ გამტყუნდებოდა,“ - განაცხადა სოზარ სუბარმა.

სამართალი • 1741605271

გიორგი ბაჩიაშვილს კრიპტოვალუტის მითვისების საქმეზე 11 წლით თავისუფლების აღკვეთა მიესაჯა

„თანავინსტერების ფონდის“ ყოფილ ხელმძღვანელს, გიორგი ბაჩიაშვილს „ქართული ოცნების“ დამფუძნებლის, ბიძინა ივანიშვილის კრიპტოვალუტის მითვისების საქმეზე 11 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლემ, გიორგი გელაშვილმა რამდენიმე წუთის წინ გამოაცხადა.თანხის მითვისების ნაწილში, ბაჩიაშვილს 10 წლით თავისუფლების აღკვეთა განესაზღვრა, ხოლო უკანონო შემოსავლის ლეგალიზაციაში 11 წლით თავისუფლების აღკვეთა. ამ უკანასკნელმა 10-წლიანი სასჯელი შთანთქა და მას საბოლოოდ თავისუფლების აღკვეთა 11 წლით განესაზღვრა.როგორც მოსამართლემ აღნიშნა, ბაჩიაშვილი აღკვეთის ღონისძიების ქვეშ იმყოფებოდა, თუმცა ის საქართველოში არ იმყოფება და მართლმსაჯულებას თავი აარიდა, რაც აღკვეთის შეცვლის საფუძველი გახდა. მოსამართლის განმარტებით, სასამართლოს მიაჩნია, რომ ბაჩიაშვილის ნებისმიერი ფორმით სხდომაზე მონაწილეობის მიღება აღკვეთის ღონისძიების მიზნებს დაარღვევს.დაცვის მხარის შუამდგომლობას არ დაეთანხმა ბრალდების მხარე. პროკურორის თქმით, ბაჩიაშვილი თავს არიდებს მართლმსაჯულების განხორციელებას.ცნობისთვის, გიორგი ბაჩიაშვილს აღნიშნულ საქმეზე შეფარდებული აღკვეთის ღონისძიება გირაო პატიმრობით მას შემდეგ შეეცვალა, რაც მან ქვეყანა დატოვა. გიორგი ბაშიაჩვილისთვის წარდგენილი ბრალდება 2017 წელს განხორციელებულ ქმედებას ეხება. კერძოდ, პროკურატურის ინფორმაციით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8 986 ოდენობის ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 43 მილიონამდე აშშ დოლარს შეადგენდა. გიორგი ბაჩიაშვილი წარდგენილ ბრალდებაში თავს დამნაშავედ არ მიიჩნევს. აღნიშნული ქმედება 9-დან 12-წლამდე თავისუფლების აღკვეთას ითვალისწინებს.