პოლიტიკა • 1779190276

თენგიზ შარმანაშვილი: ეს ზღვარს გადასული სიძულვილის ენა ბოლო-ბოლო მიდის ძალადობამდე. ამას უნდა მიხედვა

თავდაცვისა და უშიშროების საპარლამენტო კომიტეტის თავმჯდომარის პირველი მოადგილე თენგიზ შარმანაშვილი შსს-ში სპეციალური სამმართველოს შექმნის გადაწყვეტილებას გამოეხმაურა. დეპუტატმა აღნიშნა, რომ სიძულვილის ენა ძალადობას იწვევს.„კანონმდებლობაში ცვლილება არ შესულა, ანუ გადაცდომა იქნება თუ დანაშაული, რეგულაციები იგივე რჩება, რაც ამ წუთას არის. შინაგან საქმეთა სამინისტრომ გადაწყვიტა, რომ შიგნით მოხდეს რეორგანიზაცია რაღაც ნაწილში, რათა აღსრულება უფრო ეფექტიანი იყოს. ამოცანა არის ერთი - ეს ზღვარს გადასული სიძულვილის ენა ბოლო-ბოლო მიდის ძალადობამდე. ამას მარტო საქართველოში არ ვხვდებით. ნახეთ, რომ ამ სიძულვილის ენიდან გამომდინარე რამდენიმე გახმაურებული მკვლელობაც კი მოხდა ამერიკის შეერთებულ შტატებშიც, ევროპაშიც. ასე რომ, ამას იმთავითვე უნდა მიხედვა“, - მიიჩნევს შარმანაშვილი.საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ შსს-ში სპეციალური სამმართველოს შექმნის შესახებ 18 მაისს განაცხადა. დღეს კი პრემიერ-მინისტრმა ირაკლი კობახიძემ აღნიშნა, რომ სპეციალური სამმართველო, რომლის ფუნქციაც საჯარო სივრცეში სიძულვილის ენის, შეურაცხმყოფელი კამპანიების, აგრესიული კომუნიკაციის სისტემური მონიტორინგი და შესაბამისი რეაგირება იქნება, სისტემურად იმუშავებს იმისათვის, რათა რეაგირება სამართალდარღვევებზე იყოს მყისიერი და ეფექტიანი.

პოლიტიკა • 1779179542

სიტყვისა და გამოხატვის თავისუფლების შეზღუდვა არის სისუსტის ნიშანი - ლაშა ფარულავა

შინაგან საქმეთა სამინისტროში ახალი სპეციალური სამმართველო უახლოეს კვირებში შეიქმნება. საუბარია საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემურ მონიტორინგსა და შესაბამის სამართლებრივ რეაგირებაზე."ქართული ოცნება" ინიციატივის მიზნად სოციალურ გარემოში ზიზღისა და სიძულვილის გაღვივების პრევენციას ასახელებს.ინიციატივასთან დაკავშირებით, რომელიც გუშინ ვიცე-პრემიერმა მამუკა მდინარაძემ გააჟღერა, დღეს შეკითხვა ბრიფინგზე პრემიერ-მინისტრს დაუსვეს.პარტია "ერთიანობა - ნაციონალური მოძრაობის" პოლიტიკური საბჭოს წევრი ლაშა ფარულავა აცხადებს, რომ სიტყვისა და გამოხატვის თავისუფლების შეზღუდვა სისუსტის ნიშანია. "სიტყვისა და გამოხატვის თავისუფლების შეზღუდვა ამ მიმართულებით არის სისუსტის ნიშანი და, მათ შორის, დამოკიდებულება ჩვენი ქვეყნის მიმართ. ეს არ არის ნორმალური,"- აცხადებს ფარულავა. 

პოლიტიკა • 1779166387

შსს-ში სპეციალური სამმართველოს შექმნის მთავარი შედეგი უნდა იყოს სოციალურ გარემოში ზიზღის, სიძულვილის, შუღლის გამაღვივებელი ენის მაქსიმალური პრევენცია - ირაკლი ქადაგიშვილი

 შინაგან საქმეთა სამინისტროში ახალი სპეციალური სამმართველოს შექმნის შესახებ განმარტებებს კიდევ ერთხელ აკეთებენ მმართველ გუნდში. საუბარია საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემურ მონიტორინგსა და შესაბამის სამართლებრივ რეაგირებაზე."ქართული ოცნება" ინიციატივის მიზნად სოციალურ გარემოში ზიზღისა და სიძულვილის გაღვივების პრევენციას ასახელებს.,,სიძულვილის ენის გამოყენება, დაპირისპირების გაღვივება საზოგადოებაში, საბოლოო ჯამში, იწვევს, რა თქმა უნდა, პოლარიზაციას. ამ შემთხვევაში, ხდება, ამ ვითარების უფრო მეტად მართვისა და პრევენციის მიზნით, სპეციალური დანაყოფის შექმნა შინაგან საქმეთა სამინისტროში, რომელიც პროაქტიული იქნება და ამის მთავარი შედეგი უნდა იყოს ის, რომ ზიზღის, სიძულვილის, შუღლის გამაღვივებელი ენა სოციალურ გარემოში მაქსიმალურად იქნას პრევენცირებული", - აცხადებს პარლამენტის რეგიონული პოლიტიკის კომიტეტის თავმჯდომარე ირაკლი ქადაგიშვილი.სიახლის შესახებ განცხადება სახელმწიფო მინისტრმა, მამუკა მდინარაძემ გუშინ გააკეთა.

პოლიტიკა • 1779165807

ერთგვარ მახინჯ ნორმად იქცა შეურაცხყოფის მიყენება და ღირსების შემლახავი რიტორიკის გამოყენება, სპეციალური სამმართველოს შექმნა ურთიერთპატივისცემის ნიადაგზე დიალოგის წახალისებას შეუწყობს ხელს - ლევან მახაშვილი

 შინაგან საქმეთა სამინისტროში ახალი სპეციალური სამმართველოს შექმნის შესახებ განმარტებებს კიდევ ერთხელ აკეთებენ მმართველ გუნდში. საუბარია საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემურ მონიტორინგსა და შესაბამის სამართლებრივ რეაგირებაზე. "ქართული ოცნება" ინიციატივის მიზნად სოციალურ გარემოში ზიზღისა და სიძულვილის გაღვივების პრევენციას ასახელებს. მმართველი გუნდის წარმომადგენლების განცხადებით, მიღებული გადაწყვეტილების მიზანი ურთიერთპატივისცემაზე დაფუძნებული დიალოგის ხელშეწყობაა და არა დაპირისპირების გაღრმავება."სამწუხაროდ, ბოლო პერიოდში ერთგვარ მახინჯ ნორმად იქცა შეურაცხყოფის მიყენება, ღირსების შემლახავი რიტორიკის გამოყენება, აგრესიული კამპანიები ადამიანების მიმართ. ეს გადაწყვეტილება სწორედ იმას უწყობს ხელს, რომ არა რაღაც სხვა რიტორიკის გამოყენებით, არამედ ურთიერთპატივისცემის ნიადაგზე დიალოგის წახალისებას შევუწყოთ ხელი", - აცხადებს პარლამენტის ევროპასთან ინტეგრაციის კომიტეტის თავმჯდომარე ლევან მახაშვილი.სიახლის შესახებ განცხადება სახელმწიფო მინისტრმა, მამუკა მდინარაძემ გუშინ გააკეთა.

პოლიტიკა • 1779112860

ლევან მახაშვილი: როდესაც ვხედავთ, რომ საჯარო სივრცეში ნორმად იქცა შეურაცხყოფა, ღირსების შემლახავი რიტორიკის გამოყენება, რა თქმა უნდა, აქ მკაფიო ზღვარი უნდა გავავლოთ, ერთი მხრივ, კონსტრუქციულ კრიტიკასა და დესტრუქციულ ენას შორის

როდესაც ვხედავთ, რომ საჯარო სივრცეში ნორმად იქცა შეურაცხყოფები თანამოსაუბრის მიმართ, ღირსების შემლახავი რიტორიკის გამოყენება, რა თქმა უნდა აქ მკაფიო ზღვარი უნდა გავავლოთ, ერთი მხრივ, ობიექტურ კონსტრუქციულ კრიტიკასა და დესტრუქციულ ენას შორის, - განაცხადა „დღის ქრონიკასთან“ პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა შსს-ში სპეციალური სამმართველოს შექმნასთან დაკავშირებით.მისი თქმით, სამწუხაროა თუმცა ფაქტია, რომ რადიკალური ძალების მიერ ერთგვარ ნორმად იქცა საჯარო სივრცეში აგრესიული რიტორიკა, ღირსები შემლახავი რიტორიკა, შეურაცხყოფა.ლევან მახაშვილის განცხადებით, რეგულაციები ამ მიმართულებით კანონმდებლობაში გაწერილია, ახალი ინიციატივა კი მისი აღსრულების ეფექტურობას გაზრდის.როგორც დეპუტატმა აღნიშნა, სიახლე, რომელიც რეგულაციების აღსრულებას ეხება დამკვიდრებული პრაქტიკაა, როგორც ევროპაში, ასევე, დიდ ბრიტანეთში.„ინდივიდუალურ სახელმწიფოებს, რომ თავი დავანებოთ, სტრასბურგის ადამიანის უფლებათა ევროპულ კონვენციაში, რაზეც მიერთებულია საქართველო და ჩვენ განუხრელად ვიცავთ, პირდაპირ არის აღნიშნული, რომ მნიშვნელოვანია გამოხატვის თავისუფლება, მაგრამ ამავე დროს იქ აღნიშნულია, რომ ეს არ არის აბსოლუტური უფლება. სხვადასხვა ფაქტორების გათვალისწინებით, შესაძლებელია გამოხატვის თავისუფლების შეზღუდვა.როდესაც ვხედავთ, რომ საჯარო სივრცეში ნორმად იქცა შეურაცხყოფები თანამოსაუბრის მიმართ, ღირსების შემლახავი რიტორიკის გამოყენება, რა თქმა უნდა აქ მკაფიო ზღვარი უნდა გავავლოთ, ერთი მხრივ, ობიექტურ კონსტრუქციულ კრიტიკასა და დესტრუქციულ ენას შორის. როდესაც დემოკრატიაზე ვსაუბრობთ, აქ არის ძალიან მნიშვნელოვანი ასპექტი, რაც გვავიწყდება ხოლმე, რომ დემოკრატიული საზოგადოებისთვის ერთი არის ინდივიდუალური უფლებების დაცვა, მაგრამ მეორე და ძალიან მნიშვნელოვანი ნაწილი არის სამართლებრივი ბალანსი. ანუ სხვა სიტყვებით, რომ ვთქვა, ხშირად გაგვიგია ხომ, რომ ჩვენი უფლება სრულდება იქ, როდესაც სხვისი უფლებები იწყება. არ შეიძლება, რომ ჩემი უფლებების დაცვის გამო, სხვის ღირსებას შეურაცხყოფა მივაყენო. ამაზეა აქ საუბარი“, - განაცხადა ლევან მახაშვილმა.საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღეს ბრიფინგი გამართა. როგორც მან აღნიშნა, შსს-ში შეიქმნება სპეციალური სამმართველო, რომლის ძირითადი ფუნქციაც საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი და სამართლებრივი რეაგირება იქნება.

პოლიტიკა • 1779105026

აუცილებელია ხალხის ინტერესებზე ორიენტირებული პოლიტიკური ხასიათის ცვლილებები განხორციელდეს - გიორგი კაპანაძე

საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი და სამართლებრივი რეაგირება - შინაგან საქმეთა სამინისტროში სპეციალური სამმართველო იქმნება.საკითხზე შეფასებები გაკეთდა ოპოზიციაში. როგორც პარტია ”ერთიანობა - ნაციონალური მოძრაობის” პოლიტიკური საბჭოს წევრი გიორგი კაპანაძე აცხადებს, აუცილებელია, ქვეყანაში ხალხის ინტერესებზე ორიენტირებული პოლიტიკური ხასიათის ცვლილებები განხორციელდეს:"რა შეიძლება იყოს შემდეგი ნაბიჯი, საქართველოს კონსტიტუციის მე-17 მუხლის ამოღება? სწორედ ამიტომ და აქედან გამომდინარე, ეს არის იმის კიდევ ერთი მაგალითი, რომ აუცილებელია ჩვენს ქვეყანაში ხალხის ინტერესებზე ორიენტირებული პოლიტიკური ხასიათის ცვლილებები იმისათვის, რომ დაცული იყოს ადამიანის ფუნდამენტური უფლებები," - აცხადებს გიორგი კაპანაძე.ახალი გადაწყვეტილების შესახებ, მთავრობის ადმინისტრაციაში გამართულ ბრიფინგზე ვიცე-პრემიერმა, სამართალდამცავი სტრუქტურების კოორდინაციის საკითხებში სახელმწიფო მინისტრმა მამუკა მდინარაძემ ისაუბრა.

პოლიტიკა • 1779101618

ალუდა ღუდუშაური შსს-ში სპეციალური სამმართველოს შექმნაზე: ინიციატივა არის დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი

ინიციატივა არის დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი, - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა შსს-ში სპეციალური სამმართველოს შექმნასთან დაკავშირებით.მისი თქმით, ის, რაც დღეს ხდება, არ არის გამოხატვის თავისუფლება, ეს არის ტერორი.„ინიციატივა არის მეტად მნიშვნელოვანი, დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი. შესაბამისად, განსხვავებული აზრი, კრიტიკა ან შეხედულება ეს არის რა თქმა უნდა ყველას უფლება, მაგრამ არ შეიძლება, რომ სხვის უფლებებში შეიჭრას სხვა და დავინახოთ ან მოვისმინოთ ისეთი უმსგავსობები, რომელსაც წარმოუდგენელია, რომ ცივილურ სახელმწიფოში ჰქონდეს ადგილი. მეტსაც გეტყვით, სხვა ქვეყანაში თუ ეს არის მისაღები და ეს რეგულირებული არის, ეს ჩვენს ქვეყანაშიც რეგულირებული არის. უბრალოდ, არ არის აღსრულების ეფექტურ მექანიზმზე საუბარი“, - განაცხადა ალუდა ღუდუშაურმა.საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღეს გამართულ ბრიფინგზე. როგორც მან აღნიშნა, შსს-ში შეიქმნება სპეციალური სამმართველო, რომლის ძირითადი ფუნქციაც საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი და სამართლებრივი რეაგირება იქნება

პოლიტიკა • 1779099226

მამუკა მდინარაძე შსს-ში სპეციალური სამმართველოს შექმნაზე: იმისთვის, რომ არ დარჩეს სივრცე სპეკულაციებისთვის, ხაზგასმით აღვნიშნავ, რომ ამ გადაწყვეტილების მიზანი არ არის აზრისა და გამოხატვის თავისუფლების რაიმე ფორმით შეზღუდვა

იმისთვის, რომ არ დარჩეს სივრცე სპეკულაციებისთვის, ხაზგასმით აღვნიშნავ, რომ ამ გადაწყვეტილების მიზანი არ არის აზრისა და გამოხატვის თავისუფლების რაიმე ფორმით შეზღუდვა, - განაცხადა საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ, რომელმაც საზოგადოებას მიაწოდა ინფორმაცია შსს-ში სპეციალური სამმართველოს შექმნის შესახებ, რომლის ძირითადი ფუნქციაც საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი და შესაბამისი სამართლებრივი რეაგირება იქნება.მდინარაძის განცხადებით, დემოკრატიული სახელმწიფოს საფუძველი თავისუფალი დისკუსია და აზრთა მრავალფეროვნებაა, თუმცა, ეს არ უნდა გახდეს საზოგადოების შიგნით დაპირისპირების წამახალისებელი კომუნიკაციის გამართლების საფუძველი. "დემოკრატიული სახელმწიფოს საფუძველი სწორედ თავისუფალი დისკუსია და აზრთა მრავალფეროვნებაა, თუმცა ამავდროულად, ეს, თავის მხრივ, არ უნდა გახდეს ძალადობრივი, შეურაცხმყოფელი და საზოგადოებრივი დაპირისპირების წამახალისებელი კომუნიკაციის გამართლების საფუძველი. დემოკრატიული სახელმწიფოსთვის აუცილებელია აზრთა სხვადასხვაობა და კრიტიკული დისკუსია, პარალელურად არსებობს მინიმალური სტანდარტები, რომლებზეც საზოგადოება უნდა თანხმდებოდეს, მათ შორის, ერთმანეთის მიმართ პატივისცემა და იმ ტიპის კომუნიკაციის მიუღებლობა, რომელიც მტრობას, შუღლს, საზოგადოებრივ დაძაბულობას და უკიდურეს პოლარიზაციას აღვივებს," - განაცხადა მამუკა მდინარაძემ.მისივე თქმით, ახალი სამმართველო უზრუნველყოფს მუდმივ მონიტორინგს და კანონით გათვალისწინებული მექანიზმების ეფექტიან გამოყენებას, ვინაიდან, სახელმწიფო ვალდებულია, დაიცვას საზოგადოებრივი სივრცე ხელოვნურად გაღვივებული პოლარიზაციისგან. "მოგეხსენებათ, რომ ამ მიმართულებით უკვე გვაქვს პარლამენტის მიერ მიღებული შესაბამისი საკანონმდებლო ბაზა, თუმცა, მხოლოდ კანონმდებლობა საკმარისი არ არის და მის ეფექტურ და თანმიმდევრულ აღსრულებას ფუნდამენტური მნიშვნელობა აქვს. სწორედ ამიტომ, მიმდინარე გამოწვევების კვალდაკვალ, ვაძლიერებთ შინაგან საქმეთა სამინისტროს ინსტიტუციურ შესაძლებლობებს - ახალი სამმართველო უზრუნველყოფს მუდმივ მონიტორინგს და კანონით გათვალისწინებული მექანიზმების ეფექტიან გამოყენებას.სახელმწიფო ვალდებულია, დაიცვას საზოგადოებრივი სივრცე დესტრუქციული და ხელოვნურად გაღრმავებული პოლარიზაციისგან. შესაბამისად, საქართველოს სამართალდამცავი სისტემა უზრუნველყოფს ისეთი სტანდარტებისა და წესების დამკვიდრებას, რომლებიც გააძლიერებს საზოგადოებრივ სტაბილურობას, ურთიერთპატივისცემას და პასუხისმგებლიან საჯარო კომუნიკაციას,“ - აღნიშნა მამუკა მდინარაძემ.

პოლიტიკა • 1779094898

მამუკა მდინარაძე: ვიდრე ერთი მხრიდან საუბარი იქნება სინდისის პატიმარზე და მეორე მხრიდან დამნაშავეზე, ერთობა ვერ შედგება, მომხრე ვიქნები ჰუმანური გადაწყვეტილების იმ შემთხვევაში, თუ იქნება მონანიე

ვიდრე ერთი მხრიდან იქნება საუბარი სინდისის პატიმარზე და მეორე მხრიდან დამნაშავეზე, აქ შეთანხმება, საზოგადოებრივი თანხმობა და ერთობა ვერ შედგება, – ამის შესახებ საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ დღეს გამართულ ბრიფინგზე განაცხადა.„ვიდრე ერთი მხრიდან იქნება საუბარი სინდისის პატიმარზე და მეორე მხრიდან დამნაშავეზე, აქ შეთანხმება, საზოგადოებრივი თანხმობა და ერთობა ვერ შედგება. თქვენ როდესაც ამბობთ, რომ სასულიერო პირებმა და სინოდის წევრებმა თქვეს, რომ სინდისის პატიმრების შეწყალება იქნება კარგი, მათ სინდისის პატიმრები არ უხსენებიათ. მათ თქვეს, რომ ვინც ინანიებს, ვინც გამოხატავს სინანულს, მისი შეწყალება არის კარგი და მე ამას ვეთანხმები. თუკი ადამიანი აღიარებს ჩადენილ დანაშაულს, ინანიებს ამ ქმედებას, სახელმწიფო ასეთი პირის მიმართ ყოველთვის უფრო ლმობიერია, მათ შორის საპროცესო შეთანხმებასთან და შეწყალებასთან მიმართებiT. მაგრამ, როდესაც თქვენ მათ უწოდებთ სინდისის პატიმრებს, ეს არის განზრახ შექმნილი ბარიერი, რომ ისინი არ შეიწყალონ და დაპირისპირება იყოს კვლავ აქტუალური“, – განაცხადა მამუკა მდინარაძემ.მისი თქმით, 5-6 წლის წინ სინდისის პატიმრად იწოდებოდა ისეთი ადამიანი, რომლის მიმართაც სახელმწიფომ გამოიყენა უსამართლო გადაწყვეტილება, თუმცა ეს სიტყვა გააუფასურეს.„5-6 წლის წინ სინდისის პატიმრად იწოდებოდა ისეთი ადამიანი, რომლის მიმართაც სახელმწიფომ გამოიყენა უსამართლო გადაწყვეტილება, რომელიც იყო უპრეცედენტო, უსამართლობის ხარისხის თვალსაზრისით და ეს იყო საყოველთაოდ იმდენად გავრცელებული, რომ მთელი მსოფლიო ამაზე საუბრობდა. იმდენად გააუბრალოეს ეს სიტყვა, რომ გაცვდა და არასერიოზულად გამოიყურება. მე რომ ვყოფილიყავი მათი რომელიმეს ადვოკატი, მე თვითონვე ვიქნებოდი სასტიკი წინააღმდეგი რომ სინდისის პატიმარი ვინმეს ეწოდებინა, იმიტომ, რომ ეს იმდენად არასერიოზულია, რომ შემდეგ სხვა არგუმენტს სერიოზულად არავინ ისმენს. მე, როგორც ერთი მოქალაქე, მომხრე ვიქნები ნებისმიერი ჰუმანური გადაწყვეტილების, იმ შემთხვევაში, თუ იქნება მონანიება. ადამიანი თუ ითხოვს შეწყალებას, გააცნობიერებს რა მის მიერ ჩადენილი ქმედების სიმძიმეს, ამ შემთხვევაში რა თქმა უნდა, არ ვიქნები წინააღმდეგი“, – განაცხადა მამუკა მდინარაძემ.

პოლიტიკა • 1779094677

მამუკა მდინარაძე: საქართველო იმოქმედებს კონსტიტუციური პრინციპებიდან გამომდინარე, არ დაუშვებს, რომ აზრის გამოხატვა და შეურაცხყოფა თანაბარ მოვლენებად იყოს მიჩნეული

მთელ მსოფლიოში აპრობირებული პრაქტიკის შესაბამისად, საქართველო იმოქმედებს კონსტიტუციური პრინციპებიდან გამომდინარე და არ დაუშვებს, რომ აზრის გამოხატვა და შეურაცხყოფა იყოს ერთ თანაბარ წონად, თანაბარ მოვლენად მიჩნეული, – ამის შესახებ საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ ჟურნალისტებს განუცხადა.მისივე თქმით, ამავდროულად, ადამიანებმა უნდა შეძლონ საკუთარი კრიტიკული მოსაზრებების თავისუფლად გამოხატვა, რაც სახელმწიფოს პოზიტიური ვალდებულებაა.„ერთი მხრივ, შსს, სამართალდამცავი სისტემა უზრუნველყოფს, რომ პოლარიზაციის ერთ-ერთი მთავარი იარაღი იყოს უგულებელყოფილი და მეორე მხრივ, ადამიანებმა შეძლონ საკუთარი კრიტიკული მოსაზრებების თავისუფლად გამოხატვა, ეს არის სახელმწიფოს პოზიტიური ვალდებულება,“- აღნიშნა მამუკა მდინარაძემ.

პოლიტიკა • 1779092193

მამუკა მდინარაძე 26 მაისის აქციაზე: შემიძლია პასუხისმგებლობით გითხრათ, ვერაფერს იზამენ, 4 ოქტომბერს გაცილებით სერიოზულად გვქონდა საქმე და სახელმწიფო ინსტიტუტებმა მოახერხეს, რომ დიდი უბედურება აგვეცილებინა თავიდან, მსგავსი 26 მაისს ვერ დაიგეგმება

შემიძლია მთელი პასუხისმგებლობით გითხრათ, რომ მიმიწვდება მაქვს ეს მონაცემები, რომ ისინი ვერაფერს იზამენ. 4 ოქტომბერს გაცილებით სერიოზულად გვქონდა ჩვენ საქმე და მაშინ სახელმწიფო ინსტიტუტებმა მოახერხეს, რომ დიდი უბედურება აგვეცილებინა თავიდან, - ამის შესახებ საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღეს გამართულ ბრიფინგზე განაცხადა.მამუკა მდინარაძის თქმით, ხელისუფლებამ შეძლო, იმავე დღეს მარტივად დაემთავრებინა ყველაფერი და გადატრიალების ორგანიზატორები დაეკავებინა.„26 მაისს მსგავსს ვერ განახორციელებენ. შემიძლია მთელი პასუხისმგებლობით გითხრათ, მაქვს ეს მონაცემები, რომ ისინი ვერაფერს იზამენ.4 ოქტომბერს გაცილებით სერიოზულად გვქონდა ჩვენ საქმე და მაშინ სახელმწიფო ინსტიტუტებმა მოახერხეს, რომ დიდი უბედურება აგვეცილებინა თავიდან. ჩვენ მაშინ შევძელით ის, რომ იმავე დღეს მარტივად დაგვემთავრებინა ყველაფერი იმისთვის, რომ დაკავებულები ყოფილიყვნენ გადატრიალების მოთავეები და ასევე ვინც ქმედითად იღებდა მონაწილეობას ან შესაძლოა, მიეღო, იყო განეიტრალებული წინასწარ. ეს იყო უწყებების მიერ ერთობლივად ჩატარებული დიდი ღონისძიება და ამან პოზიტიური შედეგი გამოიღო. მსგავსი 26 მაისს ვერ დაიგეგმება", - განაცხადა მამუკა მდინარაძემ.

პოლიტიკა • 1779092068

მამუკა მდინარაძე: როცა სააკაშვილის ბრალს ოდნავ მაინც იცნობ და მაინც ამბობ, რომ უკანონოდ არის დაკავებული, ესე იგი შენი ინტერესებიდან გამომდინარე იცავ შენს წარმომადგენელს საქართველოში

როცა სააკაშვილის ბრალს ოდნავ მაინც იცნობ და მაინც ამბობ, რომ ის უკანონოდ არის დაკავებული, ესე იგი არ გაინტერესებს არაფერი, ფაქტობრივი მოცემულობა შენთვის მეასეხარისხოვანია და უბრალოდ შენს წარმომადგენელს საქართველოში, შენი ინტერესებიდან გამომდინარე იცავ, – ამის შესახებ ვიცე-პრემიერმა, მამუკა მდინარაძემ ჟურნალისტის კითხვის პასუხად განაცხადა, რომელიც პოლონელი ევროპარლამენტარის მოთხოვნას შეეხებოდა მიხეილ სააკაშვილის გათავისუფლებაზე.როგორც მამუკა მდინარაძემ აღნიშნა, საქართველოს არასდროს წარმოადგენდა სააკაშვილი, ის წარმოადგენდა გარე-ძალებს და შესაბამისად, ისინი დღეს მას არგუმენტების გარეშე იცავენ.„არ გაგვიკვირდეს, ეს ბუნებრივი ამბავია, ჩემთვის პირადად, ამაში რაიმე გასაოცარი და გასაკვირი არ არის, იმიტომ რომ ადამიანები ამოქმედებდნენ კონკრეტულ ადამიანს, თავისი ინტერესების შესაბამისად და დღეს ისინი იცავენ მას არგუმენტების გარეშე. როცა სააკაშვილის ბრალს ოდნავ მაინც იცნობ და მაინც ამბობ, რომ ის უკანონოდ არის დაკავებული, ესე იგი არ გაინტერესებს არაფერი, ფაქტობრივი მოცემულობა შენთვის მეასეხარისხოვანია და უბრალოდ შენს წარმომადგენელს საქართველოში, შენი ინტერესებიდან გამომდინარე იცავ. ეს ჩვეულებრივი მოვლენაა, ისევე როგორც ნებისმიერი ქვეყანა დაიცავს თავის წარმომადგენელს სხვა ქვეყანაში. საქართველოს არასდროს წარმოადგენდა სააკაშვილი, ის წარმოადგენდა გარე-ძალებს. ერთ-ერთი აქტიური განმახორციელებელი იმისა, რაც წეღან მოგახსენეთ, რაზეც ვისაუბრე, რომ საკუთარი ხალხის ხელით დაიპყრონ, ან ზეგავლენა მოახდინონ რომელიმე ქვეყანაზე, ამისი აქტიურად აღმასრულებელი და განმახორციელებელი იყო ეს კაცი და იცავენ ბუნებრივია, ამას მე საერთოდ არ მივიჩნევ გასაკვირ ამბავს,“- აღნიშნა ვიცე-პრემიერმა.