ტაბლოიდი • 1722008139

VIDEO: „მაგრები ხართ, გაიხარეთ!“ - პაატას, ნიკას, ქსოვრელების და მარიამის მუსიკალური ექსპერიმენტი ინტერნეტს იპყრობს

პაატა გულიაშვილისა და ნიკას შოუში მარიამ ელიეშვილი იმყოფებოდა სტუმრად.გადაცემის ბოლოს წამყვანებმა და მარიამმა მუსიკალური ექსპერიმენტი შესთავაზეს მაყურებელს.მათმა ნამღერმა მაყურებლის დიდი მოწონება დაიმსახურა.„მაგრები ხართ, გაიხარეთ!“ ; „მარიამ ანათებ მუდამ, გაიხარე მიყვარხარ“, – წერენ ვიდეოს კომენტარებში.

ტაბლოიდი • 1716971133

„ადამიანი, რომელსაც ჩემს ყველა სიმღერას ვუძღვნი, ჩემი მეუღლეა…“ - მარიამ ელიეშვილი

მომღერალი მარიამ ელიეშვილი ჟურნალ „თბილისელებს“ უზიარებს, როგორია ოჯახური ცხოვრება. ის ახლახან დაოჯახდა. მისი რჩეული აშშ-ში ცხოვრობს, სადაც მარიამი ტავადაც აპირებს მალე საცხოვრებლად გადასვლას.მარიამ ელიეშვილი: ჩემი ცხოვრება დაოჯახების შემდეგ კიდევ უფრო ლამაზი და საინტერესოა. კარიერული თვალსაზრისითაც, ჩემს მეუღლესთან ერთად, უფრო ბევრს ვაკეთებ და ვფიქრობ, რომ ოჯახურ ცხოვრებასაც და პროფესიულ საქმიანობასაც შეძლებისდაგვარად, ღირსეულად ვუძღვები. მგონი, გამომდის, რომ ყურადღება არცერთს არ მოვაკლო.მიუჩვეველი იყავი ოჯახს და პროფესიას შორის ყურადღების განაწილებას. როგორ აუღე ალღო?ჩემი აზრით, ძალიან დიდი მნიშვნელობა აქვს, როგორ ადამიანს დაუკავშირებ ცხოვრებას. გიორგი ჩემთვის ძალიან დიდი მოტივატორია. მისი უდიდესი დამსახურებაა, რომ ოჯახურმა საქმეებმა და საერთოდ, ჩვენმა ოჯახურმა ცხოვრებამ, ხელი კი არ შეუშალა ჩემს კარიერას, პირიქით, შეუწყო. ჩემი მეუღლე ჩემი ძალიან დიდი გულშემატკივარია. მუდმივად გვერდით მიდგას და მამხნევებს. მეც მაქსიმალურად ვცდილობ, ბალანსი დავიცვა და მინდა, მეუღლეს დიდი მადლობა გადავუხადო, ასეთი მხარდაჭერისთვის. გიორგი საუკეთესო მეუღლეა და მეც ვცდილობ, მისთვის ღირსეული მეორე ნახევარი ვიყო.როგორც ვიცი, მეუღლეს უძღვნი ყველა ახალ სიმღერას.ასეა. ადამიანი, რომელსაც ჩემს ყველა სიმღერას ვუძღვნი, ჩემი მეუღლეა. ჩემს ცხოვრებაში მისი გამოჩენის შემდეგ ყველა სიმღერა განსაკუთრებულად იმღერება. როგორც თვითონ ამბობს, მისთვის ეს ძალიან ემოციურია. ჩვენ ხშირად გვიწევს განშორება, მე საქართველოში ვარ ხოლმე, გიორგი – ამერიკაში და როცა ჩვენ შორის ამხელა მანძილია, მისთვის ეს განსაკუთრებით ემოციურია.

საზოგადოება • 1712773339

„ეს ქვეყანა ჩემი მეორე სამშობლო გახდება…“ - მარიამ ელიეშვილი პირადზე საუბრობს

მომღერალი – მარიამ ელიეშვილი საცხოვრებლად აშშ-ში გადასვლას აპირებს. ეს გადაწყვეტილება მის პირად ცხოვრებაში სიახლეს უკავშირდება… როგორ ესახება მომავალი მომღერალს და მოახდენს თუ არა ზეგავლენას დაოჯახება მის კარიერაზე, ამ და სხვა დეტალების შესახებ მარიამი ჟურნალ „გზას“ ესაუბრება.ოდესმე სხვა ქვეყანაში საცხოვრებლად გადასვლაზე თუ გიფიქრიათ?არასდროს, მით უმეტეს – პროფესიის გამო, სხვადასხვა ქვეყანაში სტუმრობა ხშირად მიწევდა. საზღვარგარეთ ყოფნისას, გარკვეული პერიოდის შემდეგ, ალბათ, როგორც ყველა ქართველს, ჩემი ქვეყანა მეც მენატრება და დაბრუნების სურვილი მიჩნდება, თუმცა ხომ გაგიგონიათ – არასოდეს თქვა “არასოდესო”? ეს ზუსტად ჩემი ცხოვრების შესახებაა. საქართველოს გარდა, სხვა ქვეყანაში ცხოვრება ნამდვილად წარმოუდგენელი მეგონა, მაგრამ შემიყვარდა ადამიანი, რომელიც შორს იყო, თუმცა ამ მანძილმა ჩვენზე უარყოფითი გავლენა არ მოახდინა. რა თქმა უნდა, სადაც ჩემი მეუღლე იქნება, მეც იქ ვიქნები. ცხოვრების ამ ეტაპსაც აუცილებლად დადებითი ემოციებით შევხვდები. ჩემთვის ეს სიახლე დიდი გამოცდილება იქნება.წინათ, ამერიკასთან რამე გაკავშირებდათ?არასოდეს არაფერი მაკავშირებდა, რადგან იქ არ მყავს ნათესავები, მეგობრები… შესაბამისად, ჩემი ცხოვრების იქ გაგრძელება არასოდეს წარმომედგინა. ახლა კი ამერიკაში ჩემთვის უმნიშვნელოვანესი ადამიანი მყავს და ეს ქვეყანა ჩემი მეორე სამშობლო გახდება.იქ ცხოვრება როგორ წარმოგიდგენიათ?რა თქმა უნდა, ძალიან ლამაზად წარმომიდგენია, რადგან საყვარელ ადამიანთან ერთად ვიცხოვრებ. ცხადია, ახალ გარემოს თავისი გამოწვევები ახლავს, სანამ სიტუაციას შევეჩვევი. ამისთვის მზად ვარ… ჩემი საქმიანობა ისევე გაგრძელდება, როგორც საქართველოში – გაჩერებას არ ვაპირებ. ერთადერთი, ის განსხვავება იქნება, რომ ჩემს კარიერას ულამაზესი პირადი ცხოვრება შეემატება, რაც ალბათ, ყველა იმ სირთულის გადალახვაში დამეხმარება, რაც შეიძლება, სხვა ქვეყანაში ცხოვრების საწყის ეტაპზე შემხვდეს.

საზოგადოება • 1706860861

“ულამაზესი წყვილი” - რა კადრებს აქვეყნებს მარიამ ელიეშვილი

დომინიკის რესპუბლიკაში, პუნტა კანაზე დასვენება გრძელდება – მომღერალი მარიამ ელიეშვილი და მისი რჩეული, ამერიკაში მოღვაწე ქართველი ბიზნესმენი გიორგი მჭედლიშვილი სოციალურ ქსელში კადრებს გვიზიარებენ, რომლებიც დიდი მოწონებით სარგებლობს.„ლამაზი წყვილი ხართ. სულ ასეთი ბედნიერები იყავით“, „ბედნიერებას გისურვებთ“, „ძალიან კარგები ხართ, ულევ სიხარულს გისურვებთ “, „ გენაცვალეთ, ღმერთმა დაგლოცოთ“, – წერენ სოციალურ ქსელში.

ტაბლოიდი • 1706511180

მარიამ ელიეშვილი რჩეულთან ერთად მოგზაურობს - ნახეთ, კადრები

მომღერალი, მარიამ ელიეშვილი და მისი რჩეული, ამერიკაში მოღვაწე ქართველი ბიზნესმენი, გიორგი მჭედლიშვილი დომენიკის რესპუბლიკის კურორტ პუნტა-კანაზე ისვენებენ.მომღერალი, სოციალურ ქსელში დასვენების ულამაზეს კადრებს აზიარებს.ნახეთ, კადრები:

ტაბლოიდი • 1700197858

ნახეთ, ვინ არის მარიამ ელიეშვილის რჩეული

მომღერალი მარიამ ელიეშვილი შეყვარებულია. მომღერალი ჟურნალ „თბილისელებთან“საუბრობს.მისი საქმრო გიორგი ბიზნესმენია და მარიამი თავადაც აშშ-ში აპირებს კარიერის გაგრძელებას:„ერთმანეთი საერთო სამეგობროს საშუალებით გავიცანით. თავიდან მეგობრული ურთიერთობა გვქონდა, თუმცა ნელ-ნელა სიყვარულში გადაიზარდა. ნიშნობა ახლახან გვქონდა. ძალიან ლამაზი ცერემონია გამოვიდა.ბევრმა ადამიანმა არ იცოდა ჩვენი ურთიერთობის შესახებ. ეს ჩემი გულშემატკივრებისთვის ძალიან დიდი სიურპრიზი და მოულოდნელობა იყო. მიხარია, რომ უამრავმა ადამიანმა გაიზიარა ჩვენი სიხარული…რას საქმიანობს?ჩემს სფეროში არ არის. ბიზნესმენია. ამ ეტაპზე საქართველოს ფარგლებს გარეთ, ამერიკაში ცხოვრობს და ალბათ, სამომავლოდ, ჩემი კარიერაც იქ გაგრძელდება. ჯერ კონკრეტულად არაფერი დაგვიგეგმავს, მაგრამ საჭიროება როგორც მოითხოვს, ყველაფერს ისე გავაკეთებთ.რით მოახერხა შენი გულის მოგება?უამრავი სიტყვით შემიძლია შევამკო. ჩემთვის ის ყველასგან განსხვავებულია. ძალიან ღირსეული და ბევრი კარგი თვისებით დაჯილდოებული ადამიანია…“ასევე ნახეთ:„24 საათში, Youtube-ზე, „ტრენდებში“ პირველ ადგილზე“ – ლელა წურწუმიას ახალ კლიპს 100 ათასზე მეტი ნახვა„აკა რომ გავიცანი, მე 28, ის 21 წლის იყო... ერთად ცხოვრება რომ დავიწყეთ, სულ ვჩხუბობდით, მაგრამ ერთი წესი გვაქვს...“ - თამო ვაშალომიძე მეუღლეზე საუბრობს

ტაბლოიდი • 1700157203

მარიამ ელიეშვილი დაინიშნა - ცნობილია, მომღერლის რჩეულის ვინაობა

მარიამ ელიეშვილი დაინიშნა. უმშვენიერესი მომღერლის რჩეული ამერიკაში მცხოვრები წარმატებული ბიზნესმენი, გიორგი მჭედლიშვილია.„ზოგისთვის მოულოდნელი იქნებოდა, ზოგს გაუხარდებოდა... ცოტა მოულოდნელი იყო, მეც არასდროს წარმომედგინა, ასე შორს თუ გადავწყვეტდი და ოჯახს შევქმნიდი. თუმცა, წინასწარ არასდროს იცი არაფერი. ჩემი მეუღლე გიორგი მჭედლიშვილია, წლებია ამერიკაში ცხოვრობს. გიორგი ცხოვრობს ფილადელფიაში და არის ძალიან წარმატებული ადამიანი, წლებია მისი საქმიანობა ამერიკაში ხორციელდება. ერთმანეთი საერთო სამეგობრო წრეში გავიცანით, საქართველოში. შემდეგ სოციალური ქსელის მეშვეობით გავაგრძელეთ ურთიერთობა. გიორგი ჩემს გასტროლებზე ჩამოდიოდა ხოლმე.ვინც მას იცნობს, იცის, რომ მისი გრაფიკი ძალიან დატვირთულია და წარმატებულია ყველა სფეროში. ბიზნესმენია, დიდ პატივს სცემს ქართულ კულტურას და ქართული ღონისძიებები რაც ტარდება, აქტიურადაა ჩართული,“ - ამბობს მარიამ ელიეშვილი „პოსტ ალიონში“.

საზოგადოება • 1684182958

VIDEO: „ყველაზე მნიშვნელოვანია, რომ...“ - როგორი ბიჭები მოსწონს მარიამ ელიეშვილს

მომღერალი, მარიამ ელიეშვილი „დღის პოსტს“ ესტუმრა, მან ისაუბრა თუ როგორი ბიჭები მოსწონს. „ძალიან უინტერესო პირადი ცხოვრება მაქვს. ყველაზე მნიშვნელოვანია, რომ სიმღერა უყვარდეს და აფასებდეს ჩემს პროფესიას. მგონია, რომ აზრთა თანხვედრა და პატივისცემა არის მთავარი.ნახეთ ვიდეო:

რეგიონი • 1673592950

ცაგერში საახალწლო კონცერტი გაიმართა

ცაგერის მუნიციპალიტეტის სოფელ ორბელის ცენტრში საახალწლო კონცერტი გაიმართა, რომელსაც რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე, ქრისტინა კობახიძე და რწმუნებულის მოადგილე, ლევან ზალკალიანი ადგილობრივი ხელისუფლების წარმომადგენლებთან ერთად ესწრებოდნენ.საახალწლო კონცერტში მონაწილეობდნენ მუნიციპალიტეტის კულტურის ცენტრის მუსიკალური კოლექტივები და ინდივიდუალური შემსრულებლები, აგრეთვე მაყურებლის წინაშე წარსდგა ცნობილი საესტრადო მომღერალი მარიამ ელიეშვილი.ღონისძიებაზე დამსწრე ბავშვებს ცაგერის მუნიციპალიტეტისაგან, სიმბოლური საჩუქრები დაურიგდათ.ღონისძიების მხარდამჭერები იყვნენ რაჭა-ლეჩხუმ-ქვემო-სვანეთის სამხარეო ადმინისტრაცია, ცაგერის მუნიციპალიტეტის მერია, საკრებულო და ახალგაზრდობის ცენტრი.