კრიმინალი • 1700312409

10 წლის ბავშვს დედის მკვლელობა ედება ბრალად - (პეტერბურგი)

პეტერბურგში, 58 წლის ქალი სკამის თავში ჩარტყმით მოკლეს. რუსული მედიის ცნობით, ეს მისმა ათი წლის ქალიშვილმა გააკეთა.მეზობლების თქმით, გოგონა ბებიასთან ცხოვრობს, დედა მათ მხოლოდ პერიოდულად სტუმრობდა. სამართალდამცველები დეტალებს არკვევენ.ასევე ნახეთ:გარდაიცვალა 6 წლის ბიჭი, რომელიც მეზობელმა ბეისბოლის ჯოხით სცემა - კაცი უკვე დაკავებულია (უცხოეთი)ორსული შეყვარებული შარვლით გაგუდა და ცხედარი გზის პირას დატოვა - 33 წლის გოი ჩარლზის განაჩენი 29 ნოემბერს გამოცხადდება (აშშ)რის გაკეთებას გეგმავს მაგდა პაპიძე, თუ მას შეიწყალებენ - ფრაგმენტი ინტერვიუდან

კრიმინალი • 1700077897

რის გაკეთებას გეგმავს მაგდა პაპიძე, თუ მას შეიწყალებენ - ფრაგმენტი ინტერვიუდან

2015 წლის 19 დეკემბერს ქვეყანაში საზარელი ამბავი მეხივით გავარდა - ახალგაზრდა ქალმა, მაგდა პაპიძემ მეუღლე და 5 წლის შვილი სასტიკად მოკლა. მაგდა პაპიძე ერთადერთი უვადო პატიმარი ქალია, თუმცა, თავს უდანაშაულოდ მიიჩნევს.რამდენიმე წლის წინათ, „იმედის კვირამ“ მსჯავრდებულთან პირველი სატელევიზიო ინტერვიუ ჩაწერა, სადაც პაპიძემ მომხდარის საკუთარი ვერსია გაიხსენა. აქვე განმარტა, რას გააკეთებს მაშინ, თუ შეწყალების გზით, საპატიმროს დატოვების უფლება მიეცა.მაგდა პაპიძე: - რამდენჯერაც კანონმა ამის შანსი მომცა, შეწყალების თხოვნას პრეზიდენტის სახელზე სულ ვწერ. რამდენჯერაც ვწერ, იმდენჯერ მჯერა, რომ გარღვევა მოვა, მიუხედავად იმისა, რომ შეიძლება ეს სწრაფად არ მოხდეს.2-ჯერ უარი მომივიდა. არც იმ უარის გეშინია, სანამ ცოცხალი ხარ... ძალიან მჯერა გარღვევების, მჯერა, რომ შემიძლია თავი შევინარჩუნო. ვგრძნობ, რომ ჩემს სურვილებს აქ უსმენენ და სწორი განხილვა მიდის. მთავარია, თავი შეინარჩუნო.- რას გააკეთებ გარეთ რომ გახვალ?- ეს არის ძალიან საინტერესო შინაგანი მდგომარეობა. მე ჩემი თავი აუცილებლად, რეალიზებული წარმომიდგენია. ალბათ, მეორე დღესვე სამსახურს მოვითხოვ. სულ ვადევნებ თვალყურს, ბენეფიციარებისთვის რა პროგრამებია, ძალიან მიხარია, რომ შესაძლებლობები არის. ძალიან მენატრება მიწა, ბუნებასთან ურთიერთობა და ქალურობა.პირველი, რასაც გავაკეთებ, ეს იქნება რეალიზებისთვის. აქ მოვაგროვებ ძალიან ბევრ და კარგ ადამიანს, ვინც ხელს შემიწყობს ხელოვნებით განვითარებაში. ალბათ, ჩავერთვები ისეთ საქველმოქმედო თემატიკებში, რაც მეცოდინება, რომ აქ ქალებს სჭირდებათ.

სამართალი • 1699645617

VIDEO: ყველაზე დაუჯერებელი ვერსია, რომელმაც გამოძიება თავდაყირა დააყენა - დეტალები მაგდა პაპიძის საქმეზე „პოლიციის ფაილებში“

2015 წლის 19 დეკემბერს თბილისში მომხდარმა საზარელმა მკვლელობამ მთელი საქართველო შეძრა. ცნობილი გახდა, რომ მაგდა პაპიძემ ქმარი და შვილი მოკლა, შემდეგ კი კვალის წაშლას შეეცადა, თუმცა, მისთვის საბედისწერო სისხლის ლაქა აღმოჩნდა, რომელიც გამომძიებლებმა სახლში იპოვეს.მსჯავრდებული მაგდა პაპიძე ერთადერთი უვადო პატიმარი ქალია საქართველოში, თუმცა, თავს დღემდე უდანაშაულოდ მიიჩნევს.ნახეთ ვიდეო

სამართალი • 1693080603

„ბავშვი დედისგან თავის დაღწევას ბოლო ამოსუნთქვამდე ცდილობდა...“ - მაგდა პაპიძის საქმის დაუჯერებელი დეტალები

2015 წლის 20 დეკემბრის ღამეს, თბილისში, ფერაძის ქუჩაზე მეზობლებს განწირული კივილი შემოესმათ. კორპუსში მცხოვრებლებმა მაშინვე დარეკეს სასწრაფოში. როგორც აღმოჩნდა, გარდაცვლილი პირები მამა-შვილი გახლდნენ. შველას ითხოვდა მაგდა პაპიძეც, რომელმაც გარდაცვლილი მეუღლე და შვილის გვამი პირველმა აღმოაჩინა.ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.ადგილზე მისულ პოლიციას საზარელი სანახაობა დახვდათ - სადარბაზოსთან მდგომი ავტომანქანის გვერდით მოკლული 27 წლის ომარ ქაფიაშვილის გვამი იწვა. მანქანაში, სავარძლებს შორის არსებულ სივრცეში კი ხუთი წლის ბავშვის უსიცოცხლო სხეული ნახეს. ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.გარდაცვლილ მამაკაცს თავის არეში აღენიშნებოდა სიცოცხლისთვის შეუთავსებელი დაზიანებები. სისხლმდენი ჭრილობის გამო, მას თავის ქალა ფაქტობრივად დეფორმირებული ჰქონდა. 5 წლის თორნიკეს კი მარცხენა ყურის უკან ჰქონდა მცირე ზომის დაზიანება.ექსპერტებმა აღმოაჩინეს მამაკაცის ზურგზე არსებული იარაც, რაც გვამის შემთხვევის ადგილიდან გადაადგილებაზე მეტყველებდა. მის სხეულზე არსებული დაზიანებები იძლეოდა იმის ფიქრის საფუძველს, რომ დანაშაულის ჩადენის ადგილას დიდი რაოდენობით სისხლი უნდა ყოფილიყო. გვამების დათვალიერების შედეგად ცხადი გახდა, რომ ომარ ქაფიაშვილის და მისი 5 წლის შვილის მკვლელობის ადგილი ფერაძის ქუჩის 6 ნომრის ეზო არ უნდა ყოფილიყო. საყურადღებო იყო ის გარემოება, რომ ზამთრის სუსხიან ამინდში იმ პერიოდისათვის ორივე გვამს ეცვა ამინდისთვის შეუფერებელი, თხელი ტანსაცმელი. მნიშვნელოვანია ისიც, რომ ომარ ქაფიაშვილს არ ეცვა ფეხსაცმელი.მაგდა პაპიძის გამოკითხვის შედეგად გაირკვა, რომ ქაფიაშვილმა 19 დეკემბერს საღამოს საათებში შვილი სასეირნოდ წაიყვანა, რის შემდეგაც ისინი ცოცხლები აღარ დაბრუნებულან. გამომძიებლები აღნიშნავდნენ, რომ ქალი გამოკითხვის დროს არ გამოხატავდა ემოციებს, რამაც პოლიცია გააკვირვა. ქალი მკვლელობის ერთ-ერთ ვერსიად ასახელებდა გარდაცვლილი მეუღლის ვალებსა და გარკვეულ პირებთან დაპირისპირებას.საბედისწერო დღე მამა-შვილისთვის ჩვეულებრივად მიმდინარეობდა. სამსახურიდან დაბრუნებული ომარი ტელევიზორთან წამოწვა და ტელევიზორს უყურებდა. 20:30 საათისთვის მაგდა იმავე კორპუსში მცხოვრებ დედამთილთან - დარეჯან მინდიკაურთან სარეცხის გასარეცხად შევიდა. ქალმა შვილისა და შვილიშვილის მოკითხვის შემდეგ გაიგო, რომ ისინი სასეირნოდ იყვნენ გასულები, რითაც მაგდამ ისარგებლა და სახლის დალაგება გადაწყვიტა. მინდიკაური აღნიშნავდა, რომ ომარი საკმაოდ დაღლილი იყო და დაძინებას აპირებდა. რამდენიმე საათის განმავლობაში მაგრამ რამდენიმეჯერ შევიდა დედამთილის სახლში. ხან ცხელი წყლით სავსე ჩაიდანს ეზიდებოდა, ხან სარეცხი შეჰქონდა, ხან კი იატაკის ტილოს რეცხავდა. ამ პერიოდში მინდიკაურმა არაერთხელ სცადა შვილთან დარეკვა, თუმცა, აღმოჩნდა, რომ ქაფიაშვილს ტელეფონი გამორთული ჰქონდა. მაგდამ დედამთილს 02:30 საათზე აცნობა, რომ ომარმა მას დაურეკა და მანქანით გამოვლა სთხოვა. შეტყობინების მიღებიდან რამდენიმე წუთში ქალს რძლის ყვირილი მოესმა. ბინიდან გამოსულ მინდიკაურს შვილი და შვილიშვილი გარდაცვლილი დახვდა. ქალის ჩვენებიდან ირკვევა, რომ ომარ ქაფიაშვილის გვამი უკვე ძალიან იყო გაციებული, შესაბამისად, ჩნდება საფუძვლიანი ეჭვი, რომ ის მინიმუმ რამდენიმე საათის მოკლული უნდა ყოფილიყო.მომხდარ ფაქტთან დაკავშირებით ტარდებოდა გადაუდებელი საგამოძიებო მოქმედებები და გრძელდებოდა შემთხვევის ადგილის დათვალიერება. სისხლის კვალი სადარბაზოდან იწყებოდა. ექსპერტებმა დაადგინეს, რომ ასეთი კვალი ადამიანის გათრევის შედეგად უნდა ყოფილიყო დატოვებული. ნაკვალევმა ექსპერტები ქაფიაშვილების საცხოვრებელი ბინის კარამდე მიიყვანა. უცნაურია, რომ ზღურბლს იქით ბინაში სრული წესრიგი იყო. მოგვიანებით, დეტალური დათვალიერებისას, ბინაში მცირე რაოდენობით სისხლი იქნა აღმოჩენილი. გაჩნდა გონივრული ეჭვი, რომ შესაძლოა, ადგილი ჰქონოდა დანაშაულის დაფარვის მცდელობას. ექსპერტებმა გამოიყენეს სპეციალური ქიმიური საშუალება, რომელიც სისხლის შემავალ ჰემოგლობინთან რეაქციაში შედის და სპეციალურ ნათებას იძლევა. შედეგმა მოლოდინს გადააჭარბა - ხსნარის დამუშავების შემდეგ თითქმის მთელი ოთახი განათდა. შეგახსენებთ, რომ ხილული კვალი ბინის ზღურბლთან წყდებოდა, ხსნარის გამოყენების შემდეგ კი გაცოცხლდა ის რეალური სურათი, რომლის დასაფარავად დამნაშავემ ყველაფერი გააკეთა. პაპიძის მონათხრობს სრულიად აბათილებდა საგამოძიებო მოქმედებების შედეგად აღმოჩენილი მტკიცებულებები, ვინაიდან აშკარა იყო, რომ მკვლელობის ადგილი სწორედ ქაფიაშვილების საცხოვრებელი ბინა გახლდათ.

სამართალი • 1692441190

"მახსოვს მისი აგრესია... თოკოზე იყინებოდა...ემოცია 0!..." - სკანდალური ჩანაწერები საუკუნის სასამართლო პროცესიდან

2015 წლის 19 დეკემბერს თბილისში მომხდარმა მკვლელობამ მთელი საქართველო შეძრა. მეუღლისა და 5 წლის შვილის მკვლელობის საქმეზე ახალგაზრდა ქალი – მაგდა პაპიძე დააკავეს. ის ერთადერთი უვადო პატიმარი ქალია საქართველოში. გამოძიებამ დაადგინა, რომ პაპიძემ ქმარს უროთი სასიკვდილო დაზიანებები მიაყენა, ხოლო მცირეწლოვანი გაგუდა.მაგდა თავს უდანაშაულოდ მიიჩნევს. მიუხედავად ამისა, ის ერთადერთი უვადო ქალი პატიმარია საქართველოში.ამ ამბავთან დაკავშირებით იურისტმა – მარიამ ჩხეიძემ პირადი მოსაზრება დააფიქსირა და სოციალურ ქსელში პოსტი გამოაქვეყნა.„მაგდა პაპიძის საქმეზე მინდა დავწერო… საიდან დავიწყო ახლა მაგაზე ვფიქრობ. ნაწილმა იცის ჩემი პოზიცია ამ საქმესთან დაკავშირებით.ქალთა მიმართ ჩემი სოლიდარობა ყველამ იცით. ეს ყოველთვის ასე იყო. 2015 წლის დეკემბერში ამ საზარელი შემთხვევის შესახებ რომ გავიგე, იყო შოკი. შემდეგ კითხვები! კითხვები! კითხვები!მისი სასამართლო პროცესი 2016 წელს დაიწყო და იქვე გადავწყვიტე, რომ ყველა პროცესს უნდა დავსწრებოდი… მსგავსი არაფერი მინახავს… ჩემთვის რაღაც ამოუცნობია. პროცესებზე ყოველთვის მკვეთრ მაკიაჟზე არ გავაკეთებ აქცენტს, თუმცა ამან გარკვეულწილად მოახდინა გავლენა ნაფიც მსაჯულებზე.პროცესზე მისგან ისტერიკას და პანიკას არავინ ითხოვდა, რა თქმა უნდა.ლოგიკურია, რომ ადამიანს თუ შეუძლია ემოციის გამოხატვა არ დაბადებულ შვილზე, მას შეუძლია ემოციის გამოხატვა დაბადებულ, მისივე გაზრდილ 5 წლის გარდაცვლილ შვილზე. ასეა ხო? მე ასე მიმაჩნია… აქ პირიქით იყო.მაგდა ტიროდა არდაბადებულ შვილს (როგორც იცით მუცელი მოეშალა. მის მიმართ განხორციელებული ძალადობის ფაქტი არ დადასტურდა) თოკოსთან (გარდაცვლილ შვილთან) კი სხვანაირად იყო. ემოცია 0! განცდა 0! სახე გაყინული, ემოცია გაყინული (ახლოს ვიჯექი და მის ყველა რეაქციას ვაკვირდებოდი).სხვა ემოცია იყო არდაბადებულ ბავშვზე. ეგრევე ტირილს იწყებდა, სახეზე ემოცია, განცდა… თოკოზე იყინებოდა. საერთოდ არ საუბრობდა თოკოზე, მაშინ როდესაც საუბრობდა შვილზე, რომელიც არ დაიბადა (სამწუხაროა, რომ არ დაბადა, რა თქმა უნდა).მახსოვს თოკოს ტანსაცმელი რომ შემოიტანეს, რომელიც ბავშვს გარდაცვალებისას ეცვა. მახსოვს მისი ემოცია, რაზედაც არ დავკონკრეტდები, არაა საჭირო, მაგრამ ის სახე, ის ემოცია, დღესაც არ იშლება ჩემი გონებიდან. მახსოვს როგორ უყურებდა (რა თქვა ეგეც მახსოვს და სხვა ქალებისთვის იქნება ეს ცუდი და არ ვაკონკრეტებ). მახსოვს მისი აგრესია ყველას და ყველაფრის მიმართ… ამბობდა, რომ თავად არ მოუკლავს არც ქმარი, არც შვილი. 100%-ით ვარ დარწმუნებული, რომ ორივე მან მოკლა მისი ქმედებებიდან და რეაქციებიდან, ასევე რაც მთავარია, ჩვენებიდან გამომდინარე.გარდაცვლილი ქმრის და შვილის ფოტოები გამოსაკვლევად რომ მოიტანეს პროცესზე, თავად ამბობდა, რომ არ იცოდა რა დაზიანება ჰქონდათ და აინტერესებდა ეს. შემდეგ როდესაც იწყებოდა გამოკვლევა დატოვა დარბაზი ისე, რომ არც შეუხედავს (აქ გავუგე მგონი… რაღაც ემოციის მაგვარს მივაწერე, თითქოს, რაც ქმრის და შვილის მიმართ გამოხატა პირველად!) ექსპერტიზამ მომკლა მაშინ, პატარა თოკოს ფრჩხილებში ექსპერტიზისას აღმოაჩინეს მაგდას ზედის ბოჭკო…იმ ზედის, რომელიც მაგდას მკვლელობის დღეს ეცვა.. პატარა თავს იცავდა, პატარა ხელებით ეწინააღმდეგებოდა… დაზიანებები ჰქონდა პატარას გვამს სახეზეც და ყურთანაც (გაგუდვისას დაზიანდა). მაგდამ შეიძულა ქმარი და ქმართან ერთად შვილი, რადგან შვილი იყო საერთო ამ ქმართან…ფოტოების გამოკვლევა რომ დასრულდა, დაბრუნდა დარბაზში..სახე არც ნაფიცებს ჰქონდათ, არც ჟურნალისტებს და არც დამსწრეებს, ვინც იქ ვისხედით. არც უკითხავს არაფერი, რა სახის დაზიანება იყო, სად ჰქონდა (თ) დაზიანება თუ სხვა.პროცესიდან გამოვდივარ, ისაა უნდა დავტოვო. მასთან ახლომდებარე სკამზე ვიჯექი. მესმის რაღაც ჩურჩულის მსგავსი დასთან კომუნიკაციას ცდილობდა (გამოვიდა ისე რომ მათ შორის მე ვიდექი მე უფრო კარგად მესმოდა ვიდრე დას). თავიდან სიტყვა “პური” მეგონა… ჩავთვალე მოშივდა რაც ჩვეულებრივი მოვლენაა თან დიდხანს გრძელდება პროცესი. დამ აშკარად ვერ გაიგო. ისაა მე ვაპირებ რომ ვუთხრა პურს ახსენებს-თქო (სხვა ვერ წარმოვიდგინე). “მაგდუ პური? მოგშივდა?” გავუღიმე დას მეთქი სწორია და იმის თქმასაც ვაპირებ, რომ გარეთ გავდივარ და ჩემს ადგილზე თუ დადგება უკეთ დაამყარებს მაგდასთან კომუნიკაციას “პური კი არა პუდრი. 9 ნომერი პუდრი. გუშინ გამითავდა და შემომიტანეთ”. იქვე გავიყინე… დასაც სახე დაეკარგა, აშკარად..მაპატიეთ ამაზე რომ გავაკეთე აქცენტი, მაგრამ უნდა მეთქვა ეს…საქმის დეტალებს მივუბრუნდები. მოწმეები იხსენებდნენ. ოჯახს საყვარელი ძაღლი ჰყავდა ეზოში… ეს ძაღლი მაგდას აღიზიანებდა. რატომღაც ერთ დღეს თავად გადაწყვიტა მისთვის მიეტანა საკვები. ახსნით თითქოსდა შემოჩვევა უნდოდა… ძეხვი მიუტანა ძაღლს ნემსებით სავსე.. ძაღლმა ჭამა და რა თქმა უნდა მოკვდა… ბევრი რამ მაქვს სათქმელი, მაგრამ ვცდილობ თითქოს თავი შევიკავო…როგორ დასდევდა მთელი ოჯახი ერთ-ერთ პროკურორს ქალს ორსულს. წყევლა, ლანძღვა გინება… სამივეს დასდევდნენ მაგრამ იმ ერთზე განსაკუთრებით ჰქონდათ აგრესია..”ხელი კარი ერთი, ჩააგორეთ ამ კიბეებიდან! “რა დამავიწყებს ამას! ომარის (მაგდას მეუღლის) დედა გაუბედურებული ქალი, რომელმაც შვილი და შვილიშვილი დაკარგა და მე თავად მოვისმინე როგორ თქვა “ვლოცულობდი, მაგდა არ ყოფილიყო და სხვა ყოფილიყო. რა დღეში ვარ ხვდებით, რაზე ვლოცულობდი?!”მთავარი… როგორც თავად ამბობდა, შვილი და ქმარი უგონო მდგომარეობაში იპოვა კართან. რომ გამოვიდა ზემოდან დაადგა ქმარს ფეხი. არც დაიყვირა არაფერი. არც შეკივლება. უთხელესი კედლები იყო სახლში. რამე მსგავსი რომ ყოფილიყო ხმას გაიგებდა ყველა. შებრუნდა სახლში (ქმარი და შვილი ჯერ ისევ კართან არიან მისივე ჩვენებით) გამოიტანა ურო ნაყიდი დანაშაულის იარაღი რითაც მოკლა ქმარი და გადააგდო. სასამართლოში ჰკითხეს ქმარი და შვილი უგონო მდგომარეობაში რომ ნახე კართან, რატომ შებრუნდი სახლში, გამოიტანე ურო და გადააგდეო (ჩვენებაში ასე ამბობდა).ქმარს ცუდი სიმთვრალე ჰქონდა, მეგონა ომარი მთვრალი იყო და რომ გამოფხიზლდება, რამე არ დამიშავოს ამ უროთიო. თან პირველი რეაქცია არა ყვირილი, არამედ ეგ იყო.რეალურად რა მოხდა? მოკლა ქმარიც და შვილიც. გაყვანა უნდოდა ორივესი მანქანამდე..შემდეგ სადმე დაუსახლებელ ადგილზე დაწვავდა გვამებს და ვერავინ გაიგებდა… ბავშვის ცხედარი ადვილად ჩადო მანქანაში, რა თქმა უნდა. მეუღლის გვამს ვეღარ მოერია, რომელიც სპეცრაზმელი იყო. გამოიწვია ხმაური რაზედაც გამოვიდნენ მეზობლები. ამ გადაადგილებისას და გარკვეული პროცესებისას მოხდა ორსულობის შეწყვეტა. არც ძალადობა დადასტურებულა მის მიმართ. არც მეუღლის მხრიდან არც სამართალდამცავ ორგანოში.სპეციალურად თავი შევიკავე, მაგრამ ვატყობ რომ მაკრატლის ეპიზოდი საჭიროა. მაგდას დედამთილის და სხვა მოწმეთა ჩვენებით დადასტურდა რომ თოკო ქაფიაშვილს სიცოცხლის ბოლომდე ფეხზე იარა ჰქონდა. რატომ? ბავშვმა იცელქა და დედამ ფეხში მაკრატელი ჩაარტყა. ეს იყო ერთადერთი ეპიზოდი სადაც მეზობლები იხსენებდნენ, რომ მათი სახლიდან ხმამაღალი კამათის ხმა გავიდა. ფაქტს მაგდას მეუღლე ომარ ქაფიაშვილი შეესწრო, რაზედაც ჰქონდა რეაქცია.სასამართლოს შესვენებაზე მაგდას დედამ და დამ მაგდას ქმრის ომარ ქაფიაშვილის დედა ლილი გაუბედურებული ადამიანი დაიმარტოხელეს საპირფარეშოსთან და სცემეს..სახე აღარ ჰქონდა ქალს! თქვენ არ გინახავთ ძალიან ბევრს, იქ რა ხდებოდა და რა სიტუაცია იყო და ახლაც ძალიან ბევრ რამეზე ვიკავებ თავს, სხვა ქალები რომ არ დავაზიანო. მაგდა პაპიძის დაცვით, სხვა ქალთა უფლებები არ დააზიანოთ ზოგიერთმა. იმ ქალთა უფლებები, ვინც ძალადობის და სისტემის მსხვერპლია. მაგდა პაპიძე არც ძალადობის მსხვერპლია, არც სისტემის“.-წერს მარიამ ჩხეიძე

კრიმინალი • 1692302192

„ექსპერტიზამ მომკლა მაშინ, პატარა თავს იცავდა, პატარა ხელებით ეწინააღმდეგებოდა…“ - ადვოკატი მარიამ ჩხეიძე, მაგდა პაპიძის საქმეზე

2015 წლის 19 დეკემბერს თბილისში მომხდარმა მკვლელობამ მთელი საქართველო შეძრა. მეუღლისა და 5 წლის შვილის მკვლელობის საქმეზე ახალგაზრდა ქალი – მაგდა პაპიძე დააკავეს. ის ერთადერთი უვადო პატიმარი ქალია საქართველოში. გამოძიებამ დაადგინა, რომ პაპიძემ ქმარს უროთი სასიკვდილო დაზიანებები მიაყენა, ხოლო მცირეწლოვანი გაგუდა.მაგდა თავს უდანაშაულოდ მიიჩნევს. მიუხედავად ამისა, ის ერთადერთი უვადო ქალი პატიმარია საქართველოში.ამ ამბავთან დაკავშირებით იურისტმა – მარიამ ჩხეიძემ პირადი მოსაზრება დააფიქსირა და სოციალურ ქსელში პოსტი გამოაქვეყნა.„მაგდა პაპიძის საქმეზე მინდა დავწერო… საიდან დავიწყო ახლა მაგაზე ვფიქრობ. ნაწილმა იცის ჩემი პოზიცია ამ საქმესთან დაკავშირებით.ქალთა მიმართ ჩემი სოლიდარობა ყველამ იცით. ეს ყოველთვის ასე იყო. 2015 წლის დეკემბერში ამ საზარელი შემთხვევის შესახებ რომ გავიგე, იყო შოკი. შემდეგ კითხვები! კითხვები! კითხვები!მისი სასამართლო პროცესი 2016 წელს დაიწყო და იქვე გადავწყვიტე, რომ ყველა პროცესს უნდა დავსწრებოდი… მსგავსი არაფერი მინახავს… ჩემთვის რაღაც ამოუცნობია. პროცესებზე ყოველთვის მკვეთრ მაკიაჟზე არ გავაკეთებ აქცენტს, თუმცა ამან გარკვეულწილად მოახდინა გავლენა ნაფიც მსაჯულებზე.პროცესზე მისგან ისტერიკას და პანიკას არავინ ითხოვდა, რა თქმა უნდა.ლოგიკურია, რომ ადამიანს თუ შეუძლია ემოციის გამოხატვა არ დაბადებულ შვილზე, მას შეუძლია ემოციის გამოხატვა დაბადებულ, მისივე გაზრდილ 5 წლის გარდაცვლილ შვილზე. ასეა ხო? მე ასე მიმაჩნია… აქ პირიქით იყო.მაგდა ტიროდა არდაბადებულ შვილს (როგორც იცით მუცელი მოეშალა. მის მიმართ განხორციელებული ძალადობის ფაქტი არ დადასტურდა) თოკოსთან (გარდაცვლილ შვილთან) კი სხვანაირად იყო. ემოცია 0! განცდა 0! სახე გაყინული, ემოცია გაყინული (ახლოს ვიჯექი და მის ყველა რეაქციას ვაკვირდებოდი).სხვა ემოცია იყო არდაბადებულ ბავშვზე. ეგრევე ტირილს იწყებდა, სახეზე ემოცია, განცდა… თოკოზე იყინებოდა. საერთოდ არ საუბრობდა თოკოზე, მაშინ როდესაც საუბრობდა შვილზე, რომელიც არ დაიბადა (სამწუხაროა, რომ არ დაბადა, რა თქმა უნდა).მახსოვს თოკოს ტანსაცმელი რომ შემოიტანეს, რომელიც ბავშვს გარდაცვალებისას ეცვა. მახსოვს მისი ემოცია, რაზედაც არ დავკონკრეტდები, არაა საჭირო, მაგრამ ის სახე, ის ემოცია, დღესაც არ იშლება ჩემი გონებიდან. მახსოვს როგორ უყურებდა (რა თქვა ეგეც მახსოვს და სხვა ქალებისთვის იქნება ეს ცუდი და არ ვაკონკრეტებ). მახსოვს მისი აგრესია ყველას და ყველაფრის მიმართ… ამბობდა, რომ თავად არ მოუკლავს არც ქმარი, არც შვილი. 100%-ით ვარ დარწმუნებული, რომ ორივე მან მოკლა მისი ქმედებებიდან და რეაქციებიდან, ასევე რაც მთავარია, ჩვენებიდან გამომდინარე.გარდაცვლილი ქმრის და შვილის ფოტოები გამოსაკვლევად რომ მოიტანეს პროცესზე, თავად ამბობდა, რომ არ იცოდა რა დაზიანება ჰქონდათ და აინტერესებდა ეს. შემდეგ როდესაც იწყებოდა გამოკვლევა დატოვა დარბაზი ისე, რომ არც შეუხედავს (აქ გავუგე მგონი… რაღაც ემოციის მაგვარს მივაწერე, თითქოს, რაც ქმრის და შვილის მიმართ გამოხატა პირველად!) ექსპერტიზამ მომკლა მაშინ, პატარა თოკოს ფრჩხილებში ექსპერტიზისას აღმოაჩინეს მაგდას ზედის ბოჭკო…იმ ზედის, რომელიც მაგდას მკვლელობის დღეს ეცვა.. პატარა თავს იცავდა, პატარა ხელებით ეწინააღმდეგებოდა… დაზიანებები ჰქონდა პატარას გვამს სახეზეც და ყურთანაც (გაგუდვისას დაზიანდა). მაგდამ შეიძულა ქმარი და ქმართან ერთად შვილი, რადგან შვილი იყო საერთო ამ ქმართან…ფოტოების გამოკვლევა რომ დასრულდა, დაბრუნდა დარბაზში..სახე არც ნაფიცებს ჰქონდათ, არც ჟურნალისტებს და არც დამსწრეებს, ვინც იქ ვისხედით. არც უკითხავს არაფერი, რა სახის დაზიანება იყო, სად ჰქონდა (თ) დაზიანება თუ სხვა.პროცესიდან გამოვდივარ, ისაა უნდა დავტოვო. მასთან ახლომდებარე სკამზე ვიჯექი. მესმის რაღაც ჩურჩულის მსგავსი დასთან კომუნიკაციას ცდილობდა (გამოვიდა ისე რომ მათ შორის მე ვიდექი მე უფრო კარგად მესმოდა ვიდრე დას). თავიდან სიტყვა “პური” მეგონა… ჩავთვალე მოშივდა რაც ჩვეულებრივი მოვლენაა თან დიდხანს გრძელდება პროცესი. დამ აშკარად ვერ გაიგო. ისაა მე ვაპირებ რომ ვუთხრა პურს ახსენებს-თქო (სხვა ვერ წარმოვიდგინე). “მაგდუ პური? მოგშივდა?” გავუღიმე დას მეთქი სწორია და იმის თქმასაც ვაპირებ, რომ გარეთ გავდივარ და ჩემს ადგილზე თუ დადგება უკეთ დაამყარებს მაგდასთან კომუნიკაციას “პური კი არა პუდრი. 9 ნომერი პუდრი. გუშინ გამითავდა და შემომიტანეთ”. იქვე გავიყინე… დასაც სახე დაეკარგა, აშკარად..მაპატიეთ ამაზე რომ გავაკეთე აქცენტი, მაგრამ უნდა მეთქვა ეს…საქმის დეტალებს მივუბრუნდები. მოწმეები იხსენებდნენ. ოჯახს საყვარელი ძაღლი ჰყავდა ეზოში… ეს ძაღლი მაგდას აღიზიანებდა. რატომღაც ერთ დღეს თავად გადაწყვიტა მისთვის მიეტანა საკვები. ახსნით თითქოსდა შემოჩვევა უნდოდა… ძეხვი მიუტანა ძაღლს ნემსებით სავსე.. ძაღლმა ჭამა და რა თქმა უნდა მოკვდა… ბევრი რამ მაქვს სათქმელი, მაგრამ ვცდილობ თითქოს თავი შევიკავო…როგორ დასდევდა მთელი ოჯახი ერთ-ერთ პროკურორს ქალს ორსულს. წყევლა, ლანძღვა გინება… სამივეს დასდევდნენ მაგრამ იმ ერთზე განსაკუთრებით ჰქონდათ აგრესია..”ხელი კარი ერთი, ჩააგორეთ ამ კიბეებიდან! “რა დამავიწყებს ამას! ომარის (მაგდას მეუღლის) დედა გაუბედურებული ქალი, რომელმაც შვილი და შვილიშვილი დაკარგა და მე თავად მოვისმინე როგორ თქვა “ვლოცულობდი, მაგდა არ ყოფილიყო და სხვა ყოფილიყო. რა დღეში ვარ ხვდებით, რაზე ვლოცულობდი?!”მთავარი… როგორც თავად ამბობდა, შვილი და ქმარი უგონო მდგომარეობაში იპოვა კართან. რომ გამოვიდა ზემოდან დაადგა ქმარს ფეხი. არც დაიყვირა არაფერი. არც შეკივლება. უთხელესი კედლები იყო სახლში. რამე მსგავსი რომ ყოფილიყო ხმას გაიგებდა ყველა. შებრუნდა სახლში (ქმარი და შვილი ჯერ ისევ კართან არიან მისივე ჩვენებით) გამოიტანა ურო ნაყიდი დანაშაულის იარაღი რითაც მოკლა ქმარი და გადააგდო. სასამართლოში ჰკითხეს ქმარი და შვილი უგონო მდგომარეობაში რომ ნახე კართან, რატომ შებრუნდი სახლში, გამოიტანე ურო და გადააგდეო (ჩვენებაში ასე ამბობდა).ქმარს ცუდი სიმთვრალე ჰქონდა, მეგონა ომარი მთვრალი იყო და რომ გამოფხიზლდება, რამე არ დამიშავოს ამ უროთიო. თან პირველი რეაქცია არა ყვირილი, არამედ ეგ იყო.რეალურად რა მოხდა? მოკლა ქმარიც და შვილიც. გაყვანა უნდოდა ორივესი მანქანამდე..შემდეგ სადმე დაუსახლებელ ადგილზე დაწვავდა გვამებს და ვერავინ გაიგებდა… ბავშვის ცხედარი ადვილად ჩადო მანქანაში, რა თქმა უნდა. მეუღლის გვამს ვეღარ მოერია, რომელიც სპეცრაზმელი იყო. გამოიწვია ხმაური რაზედაც გამოვიდნენ მეზობლები. ამ გადაადგილებისას და გარკვეული პროცესებისას მოხდა ორსულობის შეწყვეტა. არც ძალადობა დადასტურებულა მის მიმართ. არც მეუღლის მხრიდან არც სამართალდამცავ ორგანოში.სპეციალურად თავი შევიკავე, მაგრამ ვატყობ რომ მაკრატლის ეპიზოდი საჭიროა. მაგდას დედამთილის და სხვა მოწმეთა ჩვენებით დადასტურდა რომ თოკო ქაფიაშვილს სიცოცხლის ბოლომდე ფეხზე იარა ჰქონდა. რატომ? ბავშვმა იცელქა და დედამ ფეხში მაკრატელი ჩაარტყა. ეს იყო ერთადერთი ეპიზოდი სადაც მეზობლები იხსენებდნენ, რომ მათი სახლიდან ხმამაღალი კამათის ხმა გავიდა. ფაქტს მაგდას მეუღლე ომარ ქაფიაშვილი შეესწრო, რაზედაც ჰქონდა რეაქცია.სასამართლოს შესვენებაზე მაგდას დედამ და დამ მაგდას ქმრის ომარ ქაფიაშვილის დედა ლილი გაუბედურებული ადამიანი დაიმარტოხელეს საპირფარეშოსთან და სცემეს..სახე აღარ ჰქონდა ქალს! თქვენ არ გინახავთ ძალიან ბევრს, იქ რა ხდებოდა და რა სიტუაცია იყო და ახლაც ძალიან ბევრ რამეზე ვიკავებ თავს, სხვა ქალები რომ არ დავაზიანო. მაგდა პაპიძის დაცვით, სხვა ქალთა უფლებები არ დააზიანოთ ზოგიერთმა. იმ ქალთა უფლებები, ვინც ძალადობის და სისტემის მსხვერპლია. მაგდა პაპიძე არც ძალადობის მსხვერპლია, არც სისტემის“. ასევე დაგაინტერესებთ:მეგობარი ქალისთვის ინტიმური ფოტოების ჩუმად გადაღებისა და გავრცელებისთვის 31 წლის კაცი დააკავეს,,17 ადამიანს ჯოჯოხეთი მოუწყო დედამიწაზე...“ - შატილის ტრაგედიისას დაღუპული კაცის შვილი

კრიმინალი • 1690747400

„როგორც ჩანს, პატარა დედისგან თავის დაღწევას ბოლო ამოსუნთქვამდე ცდილობდა..." - დაუჯერებელი დეტალები

2015 წლის 20 დეკემბრის ღამეს, თბილისში, ფერაძის ქუჩაზე მეზობლებს განწირული კივილი შემოესმათ. კორპუსში მცხოვრებლებმა მაშინვე დარეკეს სასწრაფოში. როგორც აღმოჩნდა, გარდაცვლილი პირები მამა-შვილი გახლდნენ. შველას ითხოვდა მაგდა პაპიძეც, რომელმაც გარდაცვლილი მეუღლე და შვილის გვამი პირველმა აღმოაჩინა.ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.ადგილზე მისულ პოლიციას საზარელი სანახაობა დახვდათ - სადარბაზოსთან მდგომი ავტომანქანის გვერდით მოკლული 27 წლის ომარ ქაფიაშვილის გვამი იწვა. მანქანაში, სავარძლებს შორის არსებულ სივრცეში კი ხუთი წლის ბავშვის უსიცოცხლო სხეული ნახეს. ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.გარდაცვლილ მამაკაცს თავის არეში აღენიშნებოდა სიცოცხლისთვის შეუთავსებელი დაზიანებები. სისხლმდენი ჭრილობის გამო, მას თავის ქალა ფაქტობრივად დეფორმირებული ჰქონდა. 5 წლის თორნიკეს კი მარცხენა ყურის უკან ჰქონდა მცირე ზომის დაზიანება. ექსპერტებმა აღმოაჩინეს მამაკაცის ზურგზე არსებული იარაც, რაც გვამის შემთხვევის ადგილიდან გადაადგილებაზე მეტყველებდა. მის სხეულზე არსებული დაზიანებები იძლეოდა იმის ფიქრის საფუძველს, რომ დანაშაულის ჩადენის ადგილას დიდი რაოდენობით სისხლი უნდა ყოფილიყო. გვამების დათვალიერების შედეგად ცხადი გახდა, რომ ომარ ქაფიაშვილის და მისი 5 წლის შვილის მკვლელობის ადგილი ფერაძის ქუჩის 6 ნომრის ეზო არ უნდა ყოფილიყო. საყურადღებო იყო ის გარემოება, რომ ზამთრის სუსხიან ამინდში იმ პერიოდისათვის ორივე გვამს ეცვა ამინდისთვის შეუფერებელი, თხელი ტანსაცმელი. მნიშვნელოვანია ისიც, რომ ომარ ქაფიაშვილს არ ეცვა ფეხსაცმელი.მაგდა პაპიძის გამოკითხვის შედეგად გაირკვა, რომ ქაფიაშვილმა 19 დეკემბერს საღამოს საათებში შვილი სასეირნოდ წაიყვანა, რის შემდეგაც ისინი ცოცხლები აღარ დაბრუნებულან. გამომძიებლები აღნიშნავდნენ, რომ ქალი გამოკითხვის დროს არ გამოხატავდა ემოციებს, რამაც პოლიცია გააკვირვა. ქალი მკვლელობის ერთ-ერთ ვერსიად ასახელებდა გარდაცვლილი მეუღლის ვალებსა და გარკვეულ პირებთან დაპირისპირებას.საბედისწერო დღე მამა-შვილისთვის ჩვეულებრივად მიმდინარეობდა. სამსახურიდან დაბრუნებული ომარი ტელევიზორთან წამოწვა და ტელევიზორს უყურებდა. 20:30 საათისთვის მაგდა იმავე კორპუსში მცხოვრებ დედამთილთან - დარეჯან მინდიკაურთან სარეცხის გასარეცხად შევიდა. ქალმა შვილისა და შვილიშვილის მოკითხვის შემდეგ გაიგო, რომ ისინი სასეირნოდ იყვნენ გასულები, რითაც მაგდამ ისარგებლა და სახლის დალაგება გადაწყვიტა. მინდიკაური აღნიშნავდა, რომ ომარი საკმაოდ დაღლილი იყო და დაძინებას აპირებდა. რამდენიმე საათის განმავლობაში მაგრამ რამდენიმეჯერ შევიდა დედამთილის სახლში. ხან ცხელი წყლით სავსე ჩაიდანს ეზიდებოდა, ხან სარეცხი შეჰქონდა, ხან კი იატაკის ტილოს რეცხავდა. ამ პერიოდში მინდიკაურმა არაერთხელ სცადა შვილთან დარეკვა, თუმცა, აღმოჩნდა, რომ ქაფიაშვილს ტელეფონი გამორთული ჰქონდა. მაგდამ დედამთილს 02:30 საათზე აცნობა, რომ ომარმა მას დაურეკა და მანქანით გამოვლა სთხოვა. შეტყობინების მიღებიდან რამდენიმე წუთში ქალს რძლის ყვირილი მოესმა. ბინიდან გამოსულ მინდიკაურს შვილი და შვილიშვილი გარდაცვლილი დახვდა. ქალის ჩვენებიდან ირკვევა, რომ ომარ ქაფიაშვილის გვამი უკვე ძალიან იყო გაციებული, შესაბამისად, ჩნდება საფუძვლიანი ეჭვი, რომ ის მინიმუმ რამდენიმე საათის მოკლული უნდა ყოფილიყო.მომხდარ ფაქტთან დაკავშირებით ტარდებოდა გადაუდებელი საგამოძიებო მოქმედებები და გრძელდებოდა შემთხვევის ადგილის დათვალიერება. სისხლის კვალი სადარბაზოდან იწყებოდა. ექსპერტებმა დაადგინეს, რომ ასეთი კვალი ადამიანის გათრევის შედეგად უნდა ყოფილიყო დატოვებული. ნაკვალევმა ექსპერტები ქაფიაშვილების საცხოვრებელი ბინის კარამდე მიიყვანა. უცნაურია, რომ ზღურბლს იქით ბინაში სრული წესრიგი იყო. მოგვიანებით, დეტალური დათვალიერებისას, ბინაში მცირე რაოდენობით სისხლი იქნა აღმოჩენილი. გაჩნდა გონივრული ეჭვი, რომ შესაძლოა, ადგილი ჰქონოდა დანაშაულის დაფარვის მცდელობას. ექსპერტებმა გამოიყენეს სპეციალური ქიმიური საშუალება, რომელიც სისხლის შემავალ ჰემოგლობინთან რეაქციაში შედის და სპეციალურ ნათებას იძლევა. შედეგმა მოლოდინს გადააჭარბა - ხსნარის დამუშავების შემდეგ თითქმის მთელი ოთახი განათდა. შეგახსენებთ, რომ ხილული კვალი ბინის ზღურბლთან წყდებოდა, ხსნარის გამოყენების შემდეგ კი გაცოცხლდა ის რეალური სურათი, რომლის დასაფარავად დამნაშავემ ყველაფერი გააკეთა. პაპიძის მონათხრობს სრულიად აბათილებდა საგამოძიებო მოქმედებების შედეგად აღმოჩენილი მტკიცებულებები, ვინაიდან აშკარა იყო, რომ მკვლელობის ადგილი სწორედ ქაფიაშვილების საცხოვრებელი ბინა გახლდათ.პაპიძე გასაუბრებისას იძახდა, რომ მეუღლის წამოსაყვანად გამოსულს, სიბნელეში ბინის კარებთან რაღაცაზე ფეხი წამოედო, რის შედეგადაც წაიქცა და მეუღლისა და შვილის გვამებს დაეცა. მაგდას მეუღლე ნასვამი ეგონა, თუმცა, როგორც თავად თქვა სამეზობლოს შველა მაინც სთხოვა. ქალმა ბავშვი ხელში აიყვანა და მანქანაში ჩასვა, ომარის სხეულს კი ვეღარ მოერია.დარეჯან მინდიკაური განმეორებით გამოჰკითხეს. ქალმა გაიხსენა, რომ როდესაც მაგდა ლურჯ გადასაფარებელს მის სარეცხ მანქანაში რეცხავდა, წყალმა წითელი ფერი მიიღო.უკვე ყველა ჩვენება თუ მტკიცებულება იმაზე მიანიშნებდა, რომ ომარ და თორნიკე ქაფიაშვილების მკვლელი მაგდა პაპიძე უნდა ყოფილიყო.მალევე დადგინდა, რომ პაპიძეს მეგობარი მამაკაცი ჰყავდა. 20 დეკემბერს, ღამის 02;30 საათისთვის,  მისი სატელეფონო ნომრიდან გამავალი ბოლო ზარიც სწორედ ამ მამაკაცთან ფიქსირდებოდა. სწორედ იმ დროს, როდესაც მან საცხოვრებელი სახლის ეზოდან დახმარება ითხოვა. მეტიც, იმ ადამიანებს შორის, რომლების ფერაძის 6 ნომერში იყვნენ შეკრებილნი, თავადაც იმყოფებოდა შემთხვევის ადგილას. აღსანიშნავია, რომ მან გამოძიებასთან ითანამშრომლა და ყველაფერი დეტალურად მოყვა. მან პაპიძესთან სასიყვარულო ურთიერთობა დაადასტურა და მეტიც, პოლიციას აცნობა, რომ საბედისწერო დღემდე რამდენიმე ხნით ადრე, ქაფიაშვილისთვის ცნობილი გახდა მათი სასიყვარულო ურთიერთობის შესახებ, რის გამოც, მაგდამ საყვარელ მამაკაცს ომარის "თავიდან მოშორება" შესთავაზა. მამაკაცს შეთავაზება სერიოზულად აღუქვამს, თუმცა, აშკარაა, რომ მაგდა უკვე გეგმავდა მეუღლის მკვლელობას. კაცმა გამოძიებას სატელეფონო მიმოწერები გადასცა, რამაც კიდევ ერთხელ დაადასტურა, რომ მაგდა პაპიძე მეუღლისა და შვილის მკვლელი გახლდათ. პოლიციამ გამორიცხა თანამზრახველობის ვერსიაც, ვინაიდან, მამაკაცს უტყუარი ალიბი ჰქონდა. მიუხედავად ამისა, პიროვნებისგან მოხდა ნიმუშების აღება. ჩატარებული ექსპერტიზის შედეგად დადგინდა, რომ დანაშაულის ადგილიდან ამოღებული და მოწმისგან აღებული ნიმუშები ერთმანეთს არ ემთხვეოდა.გამოკითხვების პარალელურად მიმდინარეობდა ოპერატიულ-სამძებრო ღონისძიებები. სახლთან ახლოს მდგომი ნაგვის ურნიდან ამოღებულ იქნა სისხლიანი ხელსახოცები. პოლიციამ დაათვალიერა კორპუსის მიმდებარე ტერიტორიაზე არსებული ყველა ურნდა. საბოლოოდ კი მათ აღმოაჩინეს სახლიდან გატანილი, პოლიეთილენის პარკში ჩადებული და მწებავი ლენტით გადახვეული სისხლიანი საყოფაცხოვრებო ნივთები: თეთრეული, ტანსაცმელი, გარდაცვლილი ბავშვის ფოტოები, სახატავი რვეულები და ფლომასტერები. ექსპერტებმა ასევე ამოიღეს ურო, რომელზედაც აღინიშნებოდა ომარ ქაფიაშვილის სისხლის კვალი. როგორც აღმოჩნდა, აღნიშნული ურო პაპიძემ 19 დეკემბერს შეიძინა. აღნიშნულთან დაკავშირებით გამოიკითხა მაღაზიის თანამშრომელი, რომელმაც ინფორმაცია დაადასტურა და ხსენებული ურო მის მიერ მარკერით გაკეთებული წარწერით ამოიცნო. ამასთან ერთად, მოხდა მაგდა პაპიძის ფოტოსურათით ამოცნობაც. მისი თქმით, პაპიძე ბავშვთან ერთად იმყოფებოდა, რაც სათვალთვალო კამერებიდან ამოღებული მასალითაც დასტურდება.უროს ტარზე აღმოჩენილი იყო მაგდა პაპიძის გენეტიკური პროფილი და ომარ ქაფიაშვილის სისხლი.ქალი მეუღლისა და შვილის განზრახ მკვლელობის ბრალდებით დააკავეს. გამოძიებამ დაადგინა, რომ იმ საღამოს ქაფიაშვილი გარეთ საერთოდ არ გასულა და შესაბამისად, მაგდასთვის მანქანით გავლაც არ უთხოვია. იმ დროისთვის, როდესაც პაპიძე დედამთილთან სარეცხის გასარეცხად შედიოდა, მას უკვე მოკლული ჰყავდა ქმარ-შვილი. დადასტურდა, რომ მაგდამ ომარ პაპიაშვილს მაშინ ჩაარტყა თავში ურო, როდესაც მამაკაცს ეძინა. მამის სიკვდილიდან მალევე კი 5 წლის თორნიკე ასფიქსიით გარდაიცვალა. ექსპერტიზამ ბავშვის ფრჩხილებში არსებული მაგდას მაისურის ბოჭკოებიც აღმოაჩინა. როგორც ჩანს, პატარა ბავშვი დედისგან თავის დაღწევას ბოლო ამოსუნთქვამდე ცდილობდა.გამოძიების პროცესში ნანახი იქნა მაგდა პაპიძის მიერ წარმოებული ხელნაწერი დღიური, სადაც დეტალურად იყო აღწერილი დანაშაულის გეგმა. ექსპერტიზამ დაადგინა, რომ ხელნაწერი ნამდვილად პაპიძეს ეკუთვნოდა.დაახლოებით 9 საათისთვის მაგდამ ბინის დალაგება დაიწყო. 02:30 საათზე კი მაგდამ მანქანა დაქოქა და სადარბაზოს იმ გასასვლელამდე მიიყვანა, საიდანაც მისი და დედამთლის ბინა შედარებით მოშორებით იყო. მანქანაში პირველ რიგში ბავშვი ჩასვა. შემდეგ კი ომარის გვამის გამოთრევა დაიწყო. მანქანამდე მიყვანილი ომარის გვამის ჩასმა მანქანაში ვეღარ მოახერხა, რადგან მამაკაცს გვამური გაშეშება ეწყებოდა. აღნიშნულის გამო, მაგდამ მაშინვე ყვირილი დაიწყო და მეზობლებს შველა თხოვა.სამედიცინო ექსპერტიზის დასკვნით, ომარ ქაფიაშვილი ქალა ტვინის დაზიანებით, ხოლო პატარა თორნიკე კი ასფიქსიით გარდაიცვალა.ნაფიც მსაჯულთა სასამართომ მაგდა პაპიძე დამნაშავედ ცნო, მოსამართლემ კი მას უვადო თავისუფლების აღკვეთა შეუფარდა.წყარო - პოლიციის ფაილები ასევე დაგაინტერესებთ:"მახსოვს მისი აგრესია... თოკოზე იყინებოდა...ემოცია 0!..." - იურისტის სკანდალური ჩანაწერები საუკუნის სასამართლო პროცესიდანტელეფონი ჰქონდა ხელში...დარტყმის დროს გაისროლა... - ოჯახი ავარიის დროს დაღუპული გოგოს ტელეფონს ეძებს„მიწევს გავაფრთხილო საზოგადოება იმ საშიშროებაზე, რაც ქვეყანაში შეიძლება მოხდეს...“ - ნარკოლოგი საზოგადოებას აფრთხილებს

სამართალი • 1690440978

„ბავშვი დედისგან თავის დაღწევას ბოლო ამოსუნთქვამდე ცდილობდა...“ - პაპიძის საქმის დაუჯერებელი დეტალები

2015 წლის 20 დეკემბრის ღამეს, თბილისში, ფერაძის ქუჩაზე მეზობლებს განწირული კივილი შემოესმათ. კორპუსში მცხოვრებლებმა მაშინვე დარეკეს სასწრაფოში. როგორც აღმოჩნდა, გარდაცვლილი პირები მამა-შვილი გახლდნენ. შველას ითხოვდა მაგდა პაპიძეც, რომელმაც გარდაცვლილი მეუღლე და შვილის გვამი პირველმა აღმოაჩინა.ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.ადგილზე მისულ პოლიციას საზარელი სანახაობა დახვდათ - სადარბაზოსთან მდგომი ავტომანქანის გვერდით მოკლული 27 წლის ომარ ქაფიაშვილის გვამი იწვა. მანქანაში, სავარძლებს შორის არსებულ სივრცეში კი ხუთი წლის ბავშვის უსიცოცხლო სხეული ნახეს. ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.გარდაცვლილ მამაკაცს თავის არეში აღენიშნებოდა სიცოცხლისთვის შეუთავსებელი დაზიანებები. სისხლმდენი ჭრილობის გამო, მას თავის ქალა ფაქტობრივად დეფორმირებული ჰქონდა. 5 წლის თორნიკეს კი მარცხენა ყურის უკან ჰქონდა მცირე ზომის დაზიანება.ექსპერტებმა აღმოაჩინეს მამაკაცის ზურგზე არსებული იარაც, რაც გვამის შემთხვევის ადგილიდან გადაადგილებაზე მეტყველებდა. მის სხეულზე არსებული დაზიანებები იძლეოდა იმის ფიქრის საფუძველს, რომ დანაშაულის ჩადენის ადგილას დიდი რაოდენობით სისხლი უნდა ყოფილიყო. გვამების დათვალიერების შედეგად ცხადი გახდა, რომ ომარ ქაფიაშვილის და მისი 5 წლის შვილის მკვლელობის ადგილი ფერაძის ქუჩის 6 ნომრის ეზო არ უნდა ყოფილიყო. საყურადღებო იყო ის გარემოება, რომ ზამთრის სუსხიან ამინდში იმ პერიოდისათვის ორივე გვამს ეცვა ამინდისთვის შეუფერებელი, თხელი ტანსაცმელი. მნიშვნელოვანია ისიც, რომ ომარ ქაფიაშვილს არ ეცვა ფეხსაცმელი.მაგდა პაპიძის გამოკითხვის შედეგად გაირკვა, რომ ქაფიაშვილმა 19 დეკემბერს საღამოს საათებში შვილი სასეირნოდ წაიყვანა, რის შემდეგაც ისინი ცოცხლები აღარ დაბრუნებულან. გამომძიებლები აღნიშნავდნენ, რომ ქალი გამოკითხვის დროს არ გამოხატავდა ემოციებს, რამაც პოლიცია გააკვირვა. ქალი მკვლელობის ერთ-ერთ ვერსიად ასახელებდა გარდაცვლილი მეუღლის ვალებსა და გარკვეულ პირებთან დაპირისპირებას.საბედისწერო დღე მამა-შვილისთვის ჩვეულებრივად მიმდინარეობდა. სამსახურიდან დაბრუნებული ომარი ტელევიზორთან წამოწვა და ტელევიზორს უყურებდა. 20:30 საათისთვის მაგდა იმავე კორპუსში მცხოვრებ დედამთილთან - დარეჯან მინდიკაურთან სარეცხის გასარეცხად შევიდა. ქალმა შვილისა და შვილიშვილის მოკითხვის შემდეგ გაიგო, რომ ისინი სასეირნოდ იყვნენ გასულები, რითაც მაგდამ ისარგებლა და სახლის დალაგება გადაწყვიტა. მინდიკაური აღნიშნავდა, რომ ომარი საკმაოდ დაღლილი იყო და დაძინებას აპირებდა. რამდენიმე საათის განმავლობაში მაგრამ რამდენიმეჯერ შევიდა დედამთილის სახლში. ხან ცხელი წყლით სავსე ჩაიდანს ეზიდებოდა, ხან სარეცხი შეჰქონდა, ხან კი იატაკის ტილოს რეცხავდა. ამ პერიოდში მინდიკაურმა არაერთხელ სცადა შვილთან დარეკვა, თუმცა, აღმოჩნდა, რომ ქაფიაშვილს ტელეფონი გამორთული ჰქონდა. მაგდამ დედამთილს 02:30 საათზე აცნობა, რომ ომარმა მას დაურეკა და მანქანით გამოვლა სთხოვა. შეტყობინების მიღებიდან რამდენიმე წუთში ქალს რძლის ყვირილი მოესმა. ბინიდან გამოსულ მინდიკაურს შვილი და შვილიშვილი გარდაცვლილი დახვდა. ქალის ჩვენებიდან ირკვევა, რომ ომარ ქაფიაშვილის გვამი უკვე ძალიან იყო გაციებული, შესაბამისად, ჩნდება საფუძვლიანი ეჭვი, რომ ის მინიმუმ რამდენიმე საათის მოკლული უნდა ყოფილიყო.მომხდარ ფაქტთან დაკავშირებით ტარდებოდა გადაუდებელი საგამოძიებო მოქმედებები და გრძელდებოდა შემთხვევის ადგილის დათვალიერება. სისხლის კვალი სადარბაზოდან იწყებოდა. ექსპერტებმა დაადგინეს, რომ ასეთი კვალი ადამიანის გათრევის შედეგად უნდა ყოფილიყო დატოვებული. ნაკვალევმა ექსპერტები ქაფიაშვილების საცხოვრებელი ბინის კარამდე მიიყვანა. უცნაურია, რომ ზღურბლს იქით ბინაში სრული წესრიგი იყო. მოგვიანებით, დეტალური დათვალიერებისას, ბინაში მცირე რაოდენობით სისხლი იქნა აღმოჩენილი. გაჩნდა გონივრული ეჭვი, რომ შესაძლოა, ადგილი ჰქონოდა დანაშაულის დაფარვის მცდელობას. ექსპერტებმა გამოიყენეს სპეციალური ქიმიური საშუალება, რომელიც სისხლის შემავალ ჰემოგლობინთან რეაქციაში შედის და სპეციალურ ნათებას იძლევა. შედეგმა მოლოდინს გადააჭარბა - ხსნარის დამუშავების შემდეგ თითქმის მთელი ოთახი განათდა. შეგახსენებთ, რომ ხილული კვალი ბინის ზღურბლთან წყდებოდა, ხსნარის გამოყენების შემდეგ კი გაცოცხლდა ის რეალური სურათი, რომლის დასაფარავად დამნაშავემ ყველაფერი გააკეთა. პაპიძის მონათხრობს სრულიად აბათილებდა საგამოძიებო მოქმედებების შედეგად აღმოჩენილი მტკიცებულებები, ვინაიდან აშკარა იყო, რომ მკვლელობის ადგილი სწორედ ქაფიაშვილების საცხოვრებელი ბინა გახლდათ.რეალური კადრები:პაპიძე გასაუბრებისას იძახდა, რომ მეუღლის წამოსაყვანად გამოსულს, სიბნელეში ბინის კარებთან რაღაცაზე ფეხი წამოედო, რის შედეგადაც წაიქცა და მეუღლისა და შვილის გვამებს დაეცა. მაგდას მეუღლე ნასვამი ეგონა, თუმცა, როგორც თავად თქვა სამეზობლოს შველა მაინც სთხოვა. ქალმა ბავშვი ხელში აიყვანა და მანქანაში ჩასვა, ომარის სხეულს კი ვეღარ მოერია.დარეჯან მინდიკაური განმეორებით გამოჰკითხეს. ქალმა გაიხსენა, რომ როდესაც მაგდა ლურჯ გადასაფარებელს მის სარეცხ მანქანაში რეცხავდა, წყალმა წითელი ფერი მიიღო.უკვე ყველა ჩვენება თუ მტკიცებულება იმაზე მიანიშნებდა, რომ ომარ და თორნიკე ქაფიაშვილების მკვლელი მაგდა პაპიძე უნდა ყოფილიყო.მალევე დადგინდა, რომ პაპიძეს მეგობარი მამაკაცი ჰყავდა. 20 დეკემბერს, ღამის 02;30 საათისთვის,  მისი სატელეფონო ნომრიდან გამავალი ბოლო ზარიც სწორედ ამ მამაკაცთან ფიქსირდებოდა. სწორედ იმ დროს, როდესაც მან საცხოვრებელი სახლის ეზოდან დახმარება ითხოვა. მეტიც, იმ ადამიანებს შორის, რომლების ფერაძის 6 ნომერში იყვნენ შეკრებილნი, თავადაც იმყოფებოდა შემთხვევის ადგილას. აღსანიშნავია, რომ მან გამოძიებასთან ითანამშრომლა და ყველაფერი დეტალურად მოყვა. მან პაპიძესთან სასიყვარულო ურთიერთობა დაადასტურა და მეტიც, პოლიციას აცნობა, რომ საბედისწერო დღემდე რამდენიმე ხნით ადრე, ქაფიაშვილისთვის ცნობილი გახდა მათი სასიყვარულო ურთიერთობის შესახებ, რის გამოც, მაგდამ საყვარელ მამაკაცს ომარის "თავიდან მოშორება" შესთავაზა. მამაკაცს შეთავაზება სერიოზულად აღუქვამს, თუმცა, აშკარაა, რომ მაგდა უკვე გეგმავდა მეუღლის მკვლელობას. კაცმა გამოძიებას სატელეფონო მიმოწერები გადასცა, რამაც კიდევ ერთხელ დაადასტურა, რომ მაგდა პაპიძე მეუღლისა და შვილის მკვლელი გახლდათ. პოლიციამ გამორიცხა თანამზრახველობის ვერსიაც, ვინაიდან, მამაკაცს უტყუარი ალიბი ჰქონდა. მიუხედავად ამისა, პიროვნებისგან მოხდა ნიმუშების აღება. ჩატარებული ექსპერტიზის შედეგად დადგინდა, რომ დანაშაულის ადგილიდან ამოღებული და მოწმისგან აღებული ნიმუშები ერთმანეთს არ ემთხვეოდა.გამოკითხვების პარალელურად მიმდინარეობდა ოპერატიულ-სამძებრო ღონისძიებები. სახლთან ახლოს მდგომი ნაგვის ურნიდან ამოღებულ იქნა სისხლიანი ხელსახოცები. პოლიციამ დაათვალიერა კორპუსის მიმდებარე ტერიტორიაზე არსებული ყველა ურნდა. საბოლოოდ კი მათ აღმოაჩინეს სახლიდან გატანილი, პოლიეთილენის პარკში ჩადებული და მწებავი ლენტით გადახვეული სისხლიანი საყოფაცხოვრებო ნივთები: თეთრეული, ტანსაცმელი, გარდაცვლილი ბავშვის ფოტოები, სახატავი რვეულები და ფლომასტერები. ექსპერტებმა ასევე ამოიღეს ურო, რომელზედაც აღინიშნებოდა ომარ ქაფიაშვილის სისხლის კვალი. როგორც აღმოჩნდა, აღნიშნული ურო პაპიძემ 19 დეკემბერს შეიძინა. აღნიშნულთან დაკავშირებით გამოიკითხა მაღაზიის თანამშრომელი, რომელმაც ინფორმაცია დაადასტურა და ხსენებული ურო მის მიერ მარკერით გაკეთებული წარწერით ამოიცნო. ამასთან ერთად, მოხდა მაგდა პაპიძის ფოტოსურათით ამოცნობაც. მისი თქმით, პაპიძე ბავშვთან ერთად იმყოფებოდა, რაც სათვალთვალო კამერებიდან ამოღებული მასალითაც დასტურდება.უროს ტარზე აღმოჩენილი იყო მაგდა პაპიძის გენეტიკური პროფილი და ომარ ქაფიაშვილის სისხლი.ქალი მეუღლისა და შვილის განზრახ მკვლელობის ბრალდებით დააკავეს. გამოძიებამ დაადგინა, რომ იმ საღამოს ქაფიაშვილი გარეთ საერთოდ არ გასულა და შესაბამისად, მაგდასთვის მანქანით გავლაც არ უთხოვია. იმ დროისთვის, როდესაც პაპიძე დედამთილთან სარეცხის გასარეცხად შედიოდა, მას უკვე მოკლული ჰყავდა ქმარ-შვილი. დადასტურდა, რომ მაგდამ ომარ პაპიაშვილს მაშინ ჩაარტყა თავში ურო, როდესაც მამაკაცს ეძინა. მამის სიკვდილიდან მალევე კი 5 წლის თორნიკე ასფიქსიით გარდაიცვალა. ექსპერტიზამ ბავშვის ფრჩხილებში არსებული მაგდას მაისურის ბოჭკოებიც აღმოაჩინა. როგორც ჩანს, პატარა ბავშვი დედისგან თავის დაღწევას ბოლო ამოსუნთქვამდე ცდილობდა.გამოძიების პროცესში ნანახი იქნა მაგდა პაპიძის მიერ წარმოებული ხელნაწერი დღიური, სადაც დეტალურად იყო აღწერილი დანაშაულის გეგმა. ექსპერტიზამ დაადგინა, რომ ხელნაწერი ნამდვილად პაპიძეს ეკუთვნოდა.დაახლოებით 9 საათისთვის მაგდამ ბინის დალაგება დაიწყო. 02:30 საათზე კი მაგდამ მანქანა დაქოქა და სადარბაზოს იმ გასასვლელამდე მიიყვანა, საიდანაც მისი და დედამთლის ბინა შედარებით მოშორებით იყო. მანქანაში პირველ რიგში ბავშვი ჩასვა. შემდეგ კი ომარის გვამის გამოთრევა დაიწყო. მანქანამდე მიყვანილი ომარის გვამის ჩასმა მანქანაში ვეღარ მოახერხა, რადგან მამაკაცს გვამური გაშეშება ეწყებოდა. აღნიშნულის გამო, მაგდამ მაშინვე ყვირილი დაიწყო და მეზობლებს შველა თხოვა.სამედიცინო ექსპერტიზის დასკვნით, ომარ ქაფიაშვილი ქალა ტვინის დაზიანებით, ხოლო პატარა თორნიკე კი ასფიქსიით გარდაიცვალა.ნაფიც მსაჯულთა სასამართომ მაგდა პაპიძე დამნაშავედ ცნო, მოსამართლემ კი მას უვადო თავისუფლების აღკვეთა შეუფარდა.წყარო - პოლიციის ფაილებიასევე დაგაინტერესებთ:VIDEO: „მტკივა, სირცხვილია“ - აი, რა გააკეთეს გამვლელებმა, როცა ქუჩაში კაცი ქალზე ძალადობდა„ავიყვან! დღესვე წამოვიყვან...“ - სოციალურ ქსელში მიტოვებულ ჩვილზე წერენემუქრება თუ არა საქართველოს სიცხის ციკლონი - განგაშის წითელი დონე რამდენიმე ქვეყანამ გამოაცხადა„დედაჩემი 55 წლის...“ - ნუკი კოშკელიშვილი იუბილარი დედის ფოტოებს აქვეყნებს, რომელმაც გამომწერები აღაფრთოვანა

სამართალი • 1690376366

"მახსოვს მისი აგრესია... თოკოზე იყინებოდა...ემოცია 0!..." - იურისტის სკანდალური ჩანაწერები საუკუნის სასამართლო პროცესიდან

2015 წლის 19 დეკემბერს თბილისში მომხდარმა მკვლელობამ მთელი საქართველო შეძრა. მეუღლისა და 5 წლის შვილის მკვლელობის საქმეზე ახალგაზრდა ქალი – მაგდა პაპიძე დააკავეს. ის ერთადერთი უვადო პატიმარი ქალია საქართველოში. გამოძიებამ დაადგინა, რომ პაპიძემ ქმარს უროთი სასიკვდილო დაზიანებები მიაყენა, ხოლო მცირეწლოვანი გაგუდა.მაგდა თავს უდანაშაულოდ მიიჩნევს. მიუხედავად ამისა, ის ერთადერთი უვადო ქალი პატიმარია საქართველოში.ამ ამბავთან დაკავშირებით იურისტმა – მარიამ ჩხეიძემ პირადი მოსაზრება დააფიქსირა და სოციალურ ქსელში პოსტი გამოაქვეყნა.„მაგდა პაპიძის საქმეზე მინდა დავწერო… საიდან დავიწყო ახლა მაგაზე ვფიქრობ. ნაწილმა იცის ჩემი პოზიცია ამ საქმესთან დაკავშირებით.ქალთა მიმართ ჩემი სოლიდარობა ყველამ იცით. ეს ყოველთვის ასე იყო. 2015 წლის დეკემბერში ამ საზარელი შემთხვევის შესახებ რომ გავიგე, იყო შოკი. შემდეგ კითხვები! კითხვები! კითხვები!მისი სასამართლო პროცესი 2016 წელს დაიწყო და იქვე გადავწყვიტე, რომ ყველა პროცესს უნდა დავსწრებოდი… მსგავსი არაფერი მინახავს… ჩემთვის რაღაც ამოუცნობია. პროცესებზე ყოველთვის მკვეთრ მაკიაჟზე არ გავაკეთებ აქცენტს, თუმცა ამან გარკვეულწილად მოახდინა გავლენა ნაფიც მსაჯულებზე.პროცესზე მისგან ისტერიკას და პანიკას არავინ ითხოვდა, რა თქმა უნდა.ლოგიკურია, რომ ადამიანს თუ შეუძლია ემოციის გამოხატვა არ დაბადებულ შვილზე, მას შეუძლია ემოციის გამოხატვა დაბადებულ, მისივე გაზრდილ 5 წლის გარდაცვლილ შვილზე. ასეა ხო? მე ასე მიმაჩნია… აქ პირიქით იყო.მაგდა ტიროდა არდაბადებულ შვილს (როგორც იცით მუცელი მოეშალა. მის მიმართ განხორციელებული ძალადობის ფაქტი არ დადასტურდა) თოკოსთან (გარდაცვლილ შვილთან) კი სხვანაირად იყო. ემოცია 0! განცდა 0! სახე გაყინული, ემოცია გაყინული (ახლოს ვიჯექი და მის ყველა რეაქციას ვაკვირდებოდი).სხვა ემოცია იყო არდაბადებულ ბავშვზე. ეგრევე ტირილს იწყებდა, სახეზე ემოცია, განცდა… თოკოზე იყინებოდა. საერთოდ არ საუბრობდა თოკოზე, მაშინ როდესაც საუბრობდა შვილზე, რომელიც არ დაიბადა (სამწუხაროა, რომ არ დაბადა, რა თქმა უნდა).მახსოვს თოკოს ტანსაცმელი რომ შემოიტანეს, რომელიც ბავშვს გარდაცვალებისას ეცვა. მახსოვს მისი ემოცია, რაზედაც არ დავკონკრეტდები, არაა საჭირო, მაგრამ ის სახე, ის ემოცია, დღესაც არ იშლება ჩემი გონებიდან. მახსოვს როგორ უყურებდა (რა თქვა ეგეც მახსოვს და სხვა ქალებისთვის იქნება ეს ცუდი და არ ვაკონკრეტებ). მახსოვს მისი აგრესია ყველას და ყველაფრის მიმართ… ამბობდა, რომ თავად არ მოუკლავს არც ქმარი, არც შვილი. 100%-ით ვარ დარწმუნებული, რომ ორივე მან მოკლა მისი ქმედებებიდან და რეაქციებიდან, ასევე რაც მთავარია, ჩვენებიდან გამომდინარე.გარდაცვლილი ქმრის და შვილის ფოტოები გამოსაკვლევად რომ მოიტანეს პროცესზე, თავად ამბობდა, რომ არ იცოდა რა დაზიანება ჰქონდათ და აინტერესებდა ეს. შემდეგ როდესაც იწყებოდა გამოკვლევა დატოვა დარბაზი ისე, რომ არც შეუხედავს (აქ გავუგე მგონი… რაღაც ემოციის მაგვარს მივაწერე, თითქოს, რაც ქმრის და შვილის მიმართ გამოხატა პირველად!) ექსპერტიზამ მომკლა მაშინ, პატარა თოკოს ფრჩხილებში ექსპერტიზისას აღმოაჩინეს მაგდას ზედის ბოჭკო…იმ ზედის, რომელიც მაგდას მკვლელობის დღეს ეცვა.. პატარა თავს იცავდა, პატარა ხელებით ეწინააღმდეგებოდა… დაზიანებები ჰქონდა პატარას გვამს სახეზეც და ყურთანაც (გაგუდვისას დაზიანდა). მაგდამ შეიძულა ქმარი და ქმართან ერთად შვილი, რადგან შვილი იყო საერთო ამ ქმართან…ფოტოების გამოკვლევა რომ დასრულდა, დაბრუნდა დარბაზში..სახე არც ნაფიცებს ჰქონდათ, არც ჟურნალისტებს და არც დამსწრეებს, ვინც იქ ვისხედით. არც უკითხავს არაფერი, რა სახის დაზიანება იყო, სად ჰქონდა (თ) დაზიანება თუ სხვა.პროცესიდან გამოვდივარ, ისაა უნდა დავტოვო. მასთან ახლომდებარე სკამზე ვიჯექი. მესმის რაღაც ჩურჩულის მსგავსი დასთან კომუნიკაციას ცდილობდა (გამოვიდა ისე რომ მათ შორის მე ვიდექი მე უფრო კარგად მესმოდა ვიდრე დას). თავიდან სიტყვა “პური” მეგონა… ჩავთვალე მოშივდა რაც ჩვეულებრივი მოვლენაა თან დიდხანს გრძელდება პროცესი. დამ აშკარად ვერ გაიგო. ისაა მე ვაპირებ რომ ვუთხრა პურს ახსენებს-თქო (სხვა ვერ წარმოვიდგინე). “მაგდუ პური? მოგშივდა?” გავუღიმე დას მეთქი სწორია და იმის თქმასაც ვაპირებ, რომ გარეთ გავდივარ და ჩემს ადგილზე თუ დადგება უკეთ დაამყარებს მაგდასთან კომუნიკაციას “პური კი არა პუდრი. 9 ნომერი პუდრი. გუშინ გამითავდა და შემომიტანეთ”. იქვე გავიყინე… დასაც სახე დაეკარგა, აშკარად..მაპატიეთ ამაზე რომ გავაკეთე აქცენტი, მაგრამ უნდა მეთქვა ეს…საქმის დეტალებს მივუბრუნდები. მოწმეები იხსენებდნენ. ოჯახს საყვარელი ძაღლი ჰყავდა ეზოში… ეს ძაღლი მაგდას აღიზიანებდა. რატომღაც ერთ დღეს თავად გადაწყვიტა მისთვის მიეტანა საკვები. ახსნით თითქოსდა შემოჩვევა უნდოდა… ძეხვი მიუტანა ძაღლს ნემსებით სავსე.. ძაღლმა ჭამა და რა თქმა უნდა მოკვდა… ბევრი რამ მაქვს სათქმელი, მაგრამ ვცდილობ თითქოს თავი შევიკავო…როგორ დასდევდა მთელი ოჯახი ერთ-ერთ პროკურორს ქალს ორსულს. წყევლა, ლანძღვა გინება… სამივეს დასდევდნენ მაგრამ იმ ერთზე განსაკუთრებით ჰქონდათ აგრესია..”ხელი კარი ერთი, ჩააგორეთ ამ კიბეებიდან! “რა დამავიწყებს ამას! ომარის (მაგდას მეუღლის) დედა გაუბედურებული ქალი, რომელმაც შვილი და შვილიშვილი დაკარგა და მე თავად მოვისმინე როგორ თქვა “ვლოცულობდი, მაგდა არ ყოფილიყო და სხვა ყოფილიყო. რა დღეში ვარ ხვდებით, რაზე ვლოცულობდი?!”მთავარი… როგორც თავად ამბობდა, შვილი და ქმარი უგონო მდგომარეობაში იპოვა კართან. რომ გამოვიდა ზემოდან დაადგა ქმარს ფეხი. არც დაიყვირა არაფერი. არც შეკივლება. უთხელესი კედლები იყო სახლში. რამე მსგავსი რომ ყოფილიყო ხმას გაიგებდა ყველა. შებრუნდა სახლში (ქმარი და შვილი ჯერ ისევ კართან არიან მისივე ჩვენებით) გამოიტანა ურო ნაყიდი დანაშაულის იარაღი რითაც მოკლა ქმარი და გადააგდო. სასამართლოში ჰკითხეს ქმარი და შვილი უგონო მდგომარეობაში რომ ნახე კართან, რატომ შებრუნდი სახლში, გამოიტანე ურო და გადააგდეო (ჩვენებაში ასე ამბობდა).ქმარს ცუდი სიმთვრალე ჰქონდა, მეგონა ომარი მთვრალი იყო და რომ გამოფხიზლდება, რამე არ დამიშავოს ამ უროთიო. თან პირველი რეაქცია არა ყვირილი, არამედ ეგ იყო.რეალურად რა მოხდა? მოკლა ქმარიც და შვილიც. გაყვანა უნდოდა ორივესი მანქანამდე..შემდეგ სადმე დაუსახლებელ ადგილზე დაწვავდა გვამებს და ვერავინ გაიგებდა… ბავშვის ცხედარი ადვილად ჩადო მანქანაში, რა თქმა უნდა. მეუღლის გვამს ვეღარ მოერია, რომელიც სპეცრაზმელი იყო. გამოიწვია ხმაური რაზედაც გამოვიდნენ მეზობლები. ამ გადაადგილებისას და გარკვეული პროცესებისას მოხდა ორსულობის შეწყვეტა. არც ძალადობა დადასტურებულა მის მიმართ. არც მეუღლის მხრიდან არც სამართალდამცავ ორგანოში.სპეციალურად თავი შევიკავე, მაგრამ ვატყობ რომ მაკრატლის ეპიზოდი საჭიროა. მაგდას დედამთილის და სხვა მოწმეთა ჩვენებით დადასტურდა რომ თოკო ქაფიაშვილს სიცოცხლის ბოლომდე ფეხზე იარა ჰქონდა. რატომ? ბავშვმა იცელქა და დედამ ფეხში მაკრატელი ჩაარტყა. ეს იყო ერთადერთი ეპიზოდი სადაც მეზობლები იხსენებდნენ, რომ მათი სახლიდან ხმამაღალი კამათის ხმა გავიდა. ფაქტს მაგდას მეუღლე ომარ ქაფიაშვილი შეესწრო, რაზედაც ჰქონდა რეაქცია.სასამართლოს შესვენებაზე მაგდას დედამ და დამ მაგდას ქმრის ომარ ქაფიაშვილის დედა ლილი გაუბედურებული ადამიანი დაიმარტოხელეს საპირფარეშოსთან და სცემეს..სახე აღარ ჰქონდა ქალს! თქვენ არ გინახავთ ძალიან ბევრს, იქ რა ხდებოდა და რა სიტუაცია იყო და ახლაც ძალიან ბევრ რამეზე ვიკავებ თავს, სხვა ქალები რომ არ დავაზიანო. მაგდა პაპიძის დაცვით, სხვა ქალთა უფლებები არ დააზიანოთ ზოგიერთმა. იმ ქალთა უფლებები, ვინც ძალადობის და სისტემის მსხვერპლია. მაგდა პაპიძე არც ძალადობის მსხვერპლია, არც სისტემის“.-წერს მარიამ ჩხეიძეასევე ნახეთ:რის გაკეთებას გეგმავს მაგდა პაპიძე, თუ შეწყალების გზით გაათავისუფლებენ - ფრაგმენტი ინტერვიუდან„ველოდები ჩემი თავისუფლების დღეს, დღეს, როდესაც...“ - მაგდა პაპიძე ციხიდან წერილს ავრცელებს„როცა ეს ვუთხარი, წამოხტა და დაიწყო ყვირილი...“ - ვის დაურეკა მაგდა პაპიძემ მკვლელობის ღამეს

კრიმინალი • 1690299177

„როგორც ჩანს, პატარა დედისგან თავის დაღწევას ბოლო ამოსუნთქვამდე ცდილობდა..." - დაუჯერებელი დეტალები "პოლიციის ფაილებიდან"

2015 წლის 20 დეკემბრის ღამეს, თბილისში, ფერაძის ქუჩაზე მეზობლებს განწირული კივილი შემოესმათ. კორპუსში მცხოვრებლებმა მაშინვე დარეკეს სასწრაფოში. როგორც აღმოჩნდა, გარდაცვლილი პირები მამა-შვილი გახლდნენ. შველას ითხოვდა მაგდა პაპიძეც, რომელმაც გარდაცვლილი მეუღლე და შვილის გვამი პირველმა აღმოაჩინა.ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.ადგილზე მისულ პოლიციას საზარელი სანახაობა დახვდათ - სადარბაზოსთან მდგომი ავტომანქანის გვერდით მოკლული 27 წლის ომარ ქაფიაშვილის გვამი იწვა. მანქანაში, სავარძლებს შორის არსებულ სივრცეში კი ხუთი წლის ბავშვის უსიცოცხლო სხეული ნახეს. ამავე დღეს დაიწყო გამოძიება წინასწარი შეცნობით არასრულწლოვანი პირის მიმართ განზრახ მკვლელობისა და ორი ან მეტი პირის დამამძიმებელ გარემოებებში ჩადენილი განზრახ მკვლელობის ფაქტზე.გარდაცვლილ მამაკაცს თავის არეში აღენიშნებოდა სიცოცხლისთვის შეუთავსებელი დაზიანებები. სისხლმდენი ჭრილობის გამო, მას თავის ქალა ფაქტობრივად დეფორმირებული ჰქონდა. 5 წლის თორნიკეს კი მარცხენა ყურის უკან ჰქონდა მცირე ზომის დაზიანება. ექსპერტებმა აღმოაჩინეს მამაკაცის ზურგზე არსებული იარაც, რაც გვამის შემთხვევის ადგილიდან გადაადგილებაზე მეტყველებდა. მის სხეულზე არსებული დაზიანებები იძლეოდა იმის ფიქრის საფუძველს, რომ დანაშაულის ჩადენის ადგილას დიდი რაოდენობით სისხლი უნდა ყოფილიყო. გვამების დათვალიერების შედეგად ცხადი გახდა, რომ ომარ ქაფიაშვილის და მისი 5 წლის შვილის მკვლელობის ადგილი ფერაძის ქუჩის 6 ნომრის ეზო არ უნდა ყოფილიყო. საყურადღებო იყო ის გარემოება, რომ ზამთრის სუსხიან ამინდში იმ პერიოდისათვის ორივე გვამს ეცვა ამინდისთვის შეუფერებელი, თხელი ტანსაცმელი. მნიშვნელოვანია ისიც, რომ ომარ ქაფიაშვილს არ ეცვა ფეხსაცმელი.მაგდა პაპიძის გამოკითხვის შედეგად გაირკვა, რომ ქაფიაშვილმა 19 დეკემბერს საღამოს საათებში შვილი სასეირნოდ წაიყვანა, რის შემდეგაც ისინი ცოცხლები აღარ დაბრუნებულან. გამომძიებლები აღნიშნავდნენ, რომ ქალი გამოკითხვის დროს არ გამოხატავდა ემოციებს, რამაც პოლიცია გააკვირვა. ქალი მკვლელობის ერთ-ერთ ვერსიად ასახელებდა გარდაცვლილი მეუღლის ვალებსა და გარკვეულ პირებთან დაპირისპირებას.საბედისწერო დღე მამა-შვილისთვის ჩვეულებრივად მიმდინარეობდა. სამსახურიდან დაბრუნებული ომარი ტელევიზორთან წამოწვა და ტელევიზორს უყურებდა. 20:30 საათისთვის მაგდა იმავე კორპუსში მცხოვრებ დედამთილთან - დარეჯან მინდიკაურთან სარეცხის გასარეცხად შევიდა. ქალმა შვილისა და შვილიშვილის მოკითხვის შემდეგ გაიგო, რომ ისინი სასეირნოდ იყვნენ გასულები, რითაც მაგდამ ისარგებლა და სახლის დალაგება გადაწყვიტა. მინდიკაური აღნიშნავდა, რომ ომარი საკმაოდ დაღლილი იყო და დაძინებას აპირებდა. რამდენიმე საათის განმავლობაში მაგრამ რამდენიმეჯერ შევიდა დედამთილის სახლში. ხან ცხელი წყლით სავსე ჩაიდანს ეზიდებოდა, ხან სარეცხი შეჰქონდა, ხან კი იატაკის ტილოს რეცხავდა. ამ პერიოდში მინდიკაურმა არაერთხელ სცადა შვილთან დარეკვა, თუმცა, აღმოჩნდა, რომ ქაფიაშვილს ტელეფონი გამორთული ჰქონდა. მაგდამ დედამთილს 02:30 საათზე აცნობა, რომ ომარმა მას დაურეკა და მანქანით გამოვლა სთხოვა. შეტყობინების მიღებიდან რამდენიმე წუთში ქალს რძლის ყვირილი მოესმა. ბინიდან გამოსულ მინდიკაურს შვილი და შვილიშვილი გარდაცვლილი დახვდა. ქალის ჩვენებიდან ირკვევა, რომ ომარ ქაფიაშვილის გვამი უკვე ძალიან იყო გაციებული, შესაბამისად, ჩნდება საფუძვლიანი ეჭვი, რომ ის მინიმუმ რამდენიმე საათის მოკლული უნდა ყოფილიყო.მომხდარ ფაქტთან დაკავშირებით ტარდებოდა გადაუდებელი საგამოძიებო მოქმედებები და გრძელდებოდა შემთხვევის ადგილის დათვალიერება. სისხლის კვალი სადარბაზოდან იწყებოდა. ექსპერტებმა დაადგინეს, რომ ასეთი კვალი ადამიანის გათრევის შედეგად უნდა ყოფილიყო დატოვებული. ნაკვალევმა ექსპერტები ქაფიაშვილების საცხოვრებელი ბინის კარამდე მიიყვანა. უცნაურია, რომ ზღურბლს იქით ბინაში სრული წესრიგი იყო. მოგვიანებით, დეტალური დათვალიერებისას, ბინაში მცირე რაოდენობით სისხლი იქნა აღმოჩენილი. გაჩნდა გონივრული ეჭვი, რომ შესაძლოა, ადგილი ჰქონოდა დანაშაულის დაფარვის მცდელობას. ექსპერტებმა გამოიყენეს სპეციალური ქიმიური საშუალება, რომელიც სისხლის შემავალ ჰემოგლობინთან რეაქციაში შედის და სპეციალურ ნათებას იძლევა. შედეგმა მოლოდინს გადააჭარბა - ხსნარის დამუშავების შემდეგ თითქმის მთელი ოთახი განათდა. შეგახსენებთ, რომ ხილული კვალი ბინის ზღურბლთან წყდებოდა, ხსნარის გამოყენების შემდეგ კი გაცოცხლდა ის რეალური სურათი, რომლის დასაფარავად დამნაშავემ ყველაფერი გააკეთა. პაპიძის მონათხრობს სრულიად აბათილებდა საგამოძიებო მოქმედებების შედეგად აღმოჩენილი მტკიცებულებები, ვინაიდან აშკარა იყო, რომ მკვლელობის ადგილი სწორედ ქაფიაშვილების საცხოვრებელი ბინა გახლდათ.რეალური კადრები:პაპიძე გასაუბრებისას იძახდა, რომ მეუღლის წამოსაყვანად გამოსულს, სიბნელეში ბინის კარებთან რაღაცაზე ფეხი წამოედო, რის შედეგადაც წაიქცა და მეუღლისა და შვილის გვამებს დაეცა. მაგდას მეუღლე ნასვამი ეგონა, თუმცა, როგორც თავად თქვა სამეზობლოს შველა მაინც სთხოვა. ქალმა ბავშვი ხელში აიყვანა და მანქანაში ჩასვა, ომარის სხეულს კი ვეღარ მოერია.დარეჯან მინდიკაური განმეორებით გამოჰკითხეს. ქალმა გაიხსენა, რომ როდესაც მაგდა ლურჯ გადასაფარებელს მის სარეცხ მანქანაში რეცხავდა, წყალმა წითელი ფერი მიიღო.უკვე ყველა ჩვენება თუ მტკიცებულება იმაზე მიანიშნებდა, რომ ომარ და თორნიკე ქაფიაშვილების მკვლელი მაგდა პაპიძე უნდა ყოფილიყო.მალევე დადგინდა, რომ პაპიძეს მეგობარი მამაკაცი ჰყავდა. 20 დეკემბერს, ღამის 02;30 საათისთვის,  მისი სატელეფონო ნომრიდან გამავალი ბოლო ზარიც სწორედ ამ მამაკაცთან ფიქსირდებოდა. სწორედ იმ დროს, როდესაც მან საცხოვრებელი სახლის ეზოდან დახმარება ითხოვა. მეტიც, იმ ადამიანებს შორის, რომლების ფერაძის 6 ნომერში იყვნენ შეკრებილნი, თავადაც იმყოფებოდა შემთხვევის ადგილას. აღსანიშნავია, რომ მან გამოძიებასთან ითანამშრომლა და ყველაფერი დეტალურად მოყვა. მან პაპიძესთან სასიყვარულო ურთიერთობა დაადასტურა და მეტიც, პოლიციას აცნობა, რომ საბედისწერო დღემდე რამდენიმე ხნით ადრე, ქაფიაშვილისთვის ცნობილი გახდა მათი სასიყვარულო ურთიერთობის შესახებ, რის გამოც, მაგდამ საყვარელ მამაკაცს ომარის "თავიდან მოშორება" შესთავაზა. მამაკაცს შეთავაზება სერიოზულად აღუქვამს, თუმცა, აშკარაა, რომ მაგდა უკვე გეგმავდა მეუღლის მკვლელობას. კაცმა გამოძიებას სატელეფონო მიმოწერები გადასცა, რამაც კიდევ ერთხელ დაადასტურა, რომ მაგდა პაპიძე მეუღლისა და შვილის მკვლელი გახლდათ. პოლიციამ გამორიცხა თანამზრახველობის ვერსიაც, ვინაიდან, მამაკაცს უტყუარი ალიბი ჰქონდა. მიუხედავად ამისა, პიროვნებისგან მოხდა ნიმუშების აღება. ჩატარებული ექსპერტიზის შედეგად დადგინდა, რომ დანაშაულის ადგილიდან ამოღებული და მოწმისგან აღებული ნიმუშები ერთმანეთს არ ემთხვეოდა.გამოკითხვების პარალელურად მიმდინარეობდა ოპერატიულ-სამძებრო ღონისძიებები. სახლთან ახლოს მდგომი ნაგვის ურნიდან ამოღებულ იქნა სისხლიანი ხელსახოცები. პოლიციამ დაათვალიერა კორპუსის მიმდებარე ტერიტორიაზე არსებული ყველა ურნდა. საბოლოოდ კი მათ აღმოაჩინეს სახლიდან გატანილი, პოლიეთილენის პარკში ჩადებული და მწებავი ლენტით გადახვეული სისხლიანი საყოფაცხოვრებო ნივთები: თეთრეული, ტანსაცმელი, გარდაცვლილი ბავშვის ფოტოები, სახატავი რვეულები და ფლომასტერები. ექსპერტებმა ასევე ამოიღეს ურო, რომელზედაც აღინიშნებოდა ომარ ქაფიაშვილის სისხლის კვალი. როგორც აღმოჩნდა, აღნიშნული ურო პაპიძემ 19 დეკემბერს შეიძინა. აღნიშნულთან დაკავშირებით გამოიკითხა მაღაზიის თანამშრომელი, რომელმაც ინფორმაცია დაადასტურა და ხსენებული ურო მის მიერ მარკერით გაკეთებული წარწერით ამოიცნო. ამასთან ერთად, მოხდა მაგდა პაპიძის ფოტოსურათით ამოცნობაც. მისი თქმით, პაპიძე ბავშვთან ერთად იმყოფებოდა, რაც სათვალთვალო კამერებიდან ამოღებული მასალითაც დასტურდება.უროს ტარზე აღმოჩენილი იყო მაგდა პაპიძის გენეტიკური პროფილი და ომარ ქაფიაშვილის სისხლი.ქალი მეუღლისა და შვილის განზრახ მკვლელობის ბრალდებით დააკავეს. გამოძიებამ დაადგინა, რომ იმ საღამოს ქაფიაშვილი გარეთ საერთოდ არ გასულა და შესაბამისად, მაგდასთვის მანქანით გავლაც არ უთხოვია. იმ დროისთვის, როდესაც პაპიძე დედამთილთან სარეცხის გასარეცხად შედიოდა, მას უკვე მოკლული ჰყავდა ქმარ-შვილი. დადასტურდა, რომ მაგდამ ომარ პაპიაშვილს მაშინ ჩაარტყა თავში ურო, როდესაც მამაკაცს ეძინა. მამის სიკვდილიდან მალევე კი 5 წლის თორნიკე ასფიქსიით გარდაიცვალა. ექსპერტიზამ ბავშვის ფრჩხილებში არსებული მაგდას მაისურის ბოჭკოებიც აღმოაჩინა. როგორც ჩანს, პატარა ბავშვი დედისგან თავის დაღწევას ბოლო ამოსუნთქვამდე ცდილობდა.გამოძიების პროცესში ნანახი იქნა მაგდა პაპიძის მიერ წარმოებული ხელნაწერი დღიური, სადაც დეტალურად იყო აღწერილი დანაშაულის გეგმა. ექსპერტიზამ დაადგინა, რომ ხელნაწერი ნამდვილად პაპიძეს ეკუთვნოდა.დაახლოებით 9 საათისთვის მაგდამ ბინის დალაგება დაიწყო. 02:30 საათზე კი მაგდამ მანქანა დაქოქა და სადარბაზოს იმ გასასვლელამდე მიიყვანა, საიდანაც მისი და დედამთლის ბინა შედარებით მოშორებით იყო. მანქანაში პირველ რიგში ბავშვი ჩასვა. შემდეგ კი ომარის გვამის გამოთრევა დაიწყო. მანქანამდე მიყვანილი ომარის გვამის ჩასმა მანქანაში ვეღარ მოახერხა, რადგან მამაკაცს გვამური გაშეშება ეწყებოდა. აღნიშნულის გამო, მაგდამ მაშინვე ყვირილი დაიწყო და მეზობლებს შველა თხოვა.სამედიცინო ექსპერტიზის დასკვნით, ომარ ქაფიაშვილი ქალა ტვინის დაზიანებით, ხოლო პატარა თორნიკე კი ასფიქსიით გარდაიცვალა.ნაფიც მსაჯულთა სასამართომ მაგდა პაპიძე დამნაშავედ ცნო, მოსამართლემ კი მას უვადო თავისუფლების აღკვეთა შეუფარდა.წყარო - პოლიციის ფაილებიასევე ნახეთ:მაგდა პაპიძის საჩივარი - ვის უჩივის ქმრისა და შვილის მკვლელობაში მსჯავრდადებული„ველოდები ჩემი თავისუფლების დღეს, დღეს, როდესაც...“ - მაგდა პაპიძე ციხიდან წერილს ავრცელებსრის გაკეთებას გეგმავს მაგდა პაპიძე, თუ შეწყალების გზით გაათავისუფლებენ - ფრაგმენტი ინტერვიუდან

სამართალი • 1680074431

შიშველი სხეულის კადრების გავრცელების მუქარით, სქესობრივი კავშირი იძულებით რამდენჯერმე დაამყარა - დაკავებულია 4 პირი

სპეციალურმა საგამოძიებო სამსახურმა 2023 წლის იანვრიდან მარტამდე პერიოდში, პირადი ცხოვრების საიდუმლოს ხელყოფის, სქესობრივი კავშირის იძულების, პირადი მიმოწერის გავრცელებისა და სიცოცხლის მოსპობის მუქარის ხუთი ფაქტი გახსნა.სპეციალური საგამოძიებო სამსახურის ინფორმაციით, ჩატარებული გამოძიებით დადგინდა, რომ ყვარლის მუნიციპალიტეტში მცხოვრები 1996 წელს დაბადებული ბ.ტ., 2022-2023 წლებში, სოციალური ქსელის „ფეისბუქის“ მეშვეობით მოტყუებით მოპოვებულ, დაზარალებულის შიშველი სხეულის ამსახველ ვიდეოებს უკანონოდ ინახავდა.„გარდა ამისა, ბრალდებულმა ზემოაღნიშნული ვიდეოების გავრცელების მუქარით, ქალს შიშველი სხეულის ამსახველი სხვა ვიდეოების გაგზავნა და მის მიერ დასახელებულ პირთან სქესობრივი კავშირის დამყარება მოსთხოვა.ასევე ნახეთ: VIDEO: „ტაროლოგი“ ბიჭის მიერ სექსუალური ძალადობის მსხვერპლის გამაოგნებელი ჩვენება - როგორ გაშიფრა პოლიციამ საზარელი დანაშაულიაღნიშნული დანაშაულებრივი ქმედებით დაირღვა დაზარალებულის პირადი ცხოვრების საიდუმლოება და სქესობრივი თავისუფლება. სპეციალურმა საგამოძიებო სამსახურმა ბრალდებული ბ.ტ. 2023 წლის 14 მარტს დააკავა, მას ბრალდება საქართველოს სისხლის სამართლის კოდექსის 157-ე პრიმა მუხლის პირველი ნაწილითა და 139-ე მუხლის პირველი ნაწილით წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს. ჩატარებული გამოძიებით დადგინდა, რომ 2022 წლის 8 აგვისტოდან ნოემბრის ჩათვლით პერიოდში, ხულოს მუნიციპალიტეტის სოფელ რიყეთში, 2002 წელს დაბადებულმა ლ.ხ.-მ დაზარალებულთან სატელეფონო კომუნიკაციის, ასევე შეხვედრების დროს, მისი პირადი ცხოვრების საიდუმლოს ამსახველი ინფორმაციის და ინტიმური შინაარსის ფოტო და ვიდეო ჩანაწერის გახმაურების მუქარით, სქესობრივი კავშირი იძულებით რამდენჯერმე დაამყარა.ასევე ნახეთ: „როცა ეს ვუთხარი, წამოხტა და დაიწყო ყვირილი...“ - ვის დაურეკა მაგდა პაპიძემ მკვლელობის ღამესსპეციალური საგამოძიებო სამსახურის მიერ ჩატარებული საგამოძიებო მოქმედებების შედეგად, 2023 წლის 23 იანვარს დაკავებული იქნა ბრალდებული ლ.ხ. მას ბრალდება საქართველოს სისხლის სამართლის კოდექსის 139-ე მუხლის პირველი ნაწილით წარედგინა, რაც სასჯელის სახედ და ზომად 5 წლამდე თავისუფლების აღკვეთას ითვალისწინებს. სპეციალური საგამოძიებო სამსახურის მიერ პირადი ცხოვრების ხელყოფის ფაქტზე მხილებული იქნა 1974 წელს დაბადებული გ.ქ. ჩატარებული გამოძიებით დადგინდა, რომ გ.ქ.-მ, 2020 წლის სექტემბერში, სხვა პირისადმი მესაკუთრეობითი დამოკიდებულების მოტივით, უკანონოდ მოიპოვა და გახსნა დაზარალებულსა და მესამე პირს შორის სოციალურ ქსელ „ფეისბუქში“ არსებული მიმოწერა, გაეცნო შინაარსს და მოახდინა მიმოწერის ამსახველი ფოტოების, ე.წ. „სქრინშოთების“ გადაღება.მიუხედავად დაზარალებულის მოთხოვნისა, რომ მასალა წაეშალა, გ.ქ. კუთვნილ მობილურ ტელეფონში მათ უკანონოდ ინახავდა, რითაც ხელყო დაზარალებულის პირადი მიმოწერის საიდუმლოება. გ.ქ.-ს ბრალდება საქართველოს სისხლის სამართლის კოდექსის 159-ე მუხლის პირველი ნაწილით წარედგინა.ასევე ნახეთ: 30 წლის ქართველი ტაქსისტი, პოლონეთში არასრულწლოვანზე სექსუალური ძალადობისთვის დააკავესდანაშაული 3 წლამდე თავისუფლების აღკვეთას ითვალისწინებს. მიმდინარე წელს, სპეციალური საგამოძიებო სამსახურის მიერ ჩატარებული საგამოძიებო მოქმედებების შედეგად, სხვა პირის ინტიმური შინაარსის ფოტოს, ვიდეოს და პირადი კომუნიკაციის ამსახველი მიმოწერების მოპოვების და გენდერული ნიშნით შეუწყნარებლობის მოტივით გავრცელებისთვის დაკავებული იქნა 2 პირი -გარდაბანის რაიონში მცხოვრები 2000 წელს დაბადებული ნ.ი. და წყალტუბოს მუნიციპალიტეტში მცხოვრები 1985 წელს დაბადებული ა.ყ. მათ ბრალდება საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით წარედგინა, რაც სასჯელის სახედ და ზომად 4-დან 8 წლამდე თავისუფლების აღკვეთას ითვალისწინებს. სპეციალური საგამოძიებო სამსახური პირადი ცხოვრების საიდუმლოს ხელყოფის ფაქტების აღსაკვეთად და დანაშაულში მხილებული პირების გამოსავლენად ბრძოლას აქტიურ რეჟიმში აგრძელებს“, – აღნიშნულია სპეციალური საგამოძიებო სამსახურის ინფორმაციაში.

საზოგადოება • 1679519436

მაგდა პაპიძის საჩივარი - ვის უჩივის ქმრისა და შვილის მკვლელობაში მსჯავრდადებული

საქართველოს ჟურნალისტური ეთიკის ქარტიის ინფორმაციით, ქმრისა და შვილის მკვლელობაში მსჯავრდადებული მაგდა პაპიძე "ჯორჯიან თაიმსს" ქარტიაში უჩივის.საუბარია 2023 წლის 23 იანვარს გავრცელებულ მასალაზე, რომელშიც საუბარია, რომ მაგდა პაპიძე საპატიმროში გათხოვდა.,,განმცხადებლის პოზიციით, ჟურნალისტმა გადაუმოწმებელი და ყალბი ინფორმაცია გაავრცელა მისი და მისი ოჯახის მიმართ.განმცხადებელი დავობს ქარტიის ქარტიის პირველი (ინფორმაციის სიზუსტე), მეხუთე (შესწორება), მეექვსე (კონფიდენციალური წყაროს გამჟღავნება), მეშვიდე (დისკრიმინაცია), მეათე (პირადი ცხოვრების ხელშეუხებლობა) და მეთერთმეტე (ფაქტის განზრახ დამახინჯება) პრინციპის დარღვევაზე.ქარტიის საბჭო განცხადებას ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.", - ნათქვამია ქარტიის განცხადებაში.