ლუკა კურტანიძე

სოზარ სუბარი: ჩვენი შიში გქონდეთ - ამას ნერგავდა რეჟიმი და 26 მაისი იყო კულმინაცია, რომლის შემდეგაც ძნელი წარმოსადგენი იყო, იმ ეროვნული ენერგიის აზვირთება, რაც მოჰყვა ბიძინა ივანიშვილის პოლიტიკაში გამოჩენას

იყო განცდა, რომ რეჟიმს უნდოდა ქართველი ერის, ხალხის დაშინება. 26 მაისს ხალხის უსასტიკესი დარბევით თითქოს მიაღწიეს კიდეც მიზანს. ძნელი წარმოსადგენი იყო, რომ ხალხი კიდევ ერთხელ გამოვიდოდა საპროტესტო აქციებზე. მაგრამ 5 თვის შემდეგ ბიძინა ივანიშვილმა გააკეთა პირველი განცხადება პოლიტიკაში მოსვლის შესახებ, რომელმაც ახალი სული შთაბერა ჩვენს ქვეყანას, ჩვენს ხალხს და ამით დასრულდა ის რეჟიმი, რომლის დაბრუნება არავითარ შემთხვევაში არ მოხდება, ამას აღარ დაუშვებს ქართველი ერი, - განაცხადა პარლამენტის საგამოძიებო კომისიის თავმჯდომარის მოადგილემ სოზარ სუბარმა კომისიის სხდომაზე, სადაც განიხილებოდა 2011 წლის 26 მაისის დემონსტრაციის დარბევისას ადამიანის უფლებების უხეში დარღვევის ფაქტები.სოზარ სუბარმა ერთ ფაქტს გაუსვა ხაზი, როდესაც ცნობილ სპორტსმენს ლუკა კურტანიძეს ცემისას აქციაზე გადაეფარა გოგი ქავთარაძე.გოგი ქავთარაძე და რეზო ესაძე, ქართული კინოსა და თეატრის ეს ორი ლეგენდა, სასტიკად სცემეს 26 მაისის აქციაზე. ამ დროისთვის გოგი ქავთარაძე 72 წლის იყო, რეზო ესაძე - 77 წლის. სუბარის თქმით, ესაა დასტური იმის, რომ რეჟიმის მიზანი ავტორიტეტების განადგურება იყო. „ისინი დამსახურებასთან ერთად არც ასაკს სცემდნენ პატივს. მათ უნდოდათ ავტორიტეტების განადგურება, რადგან სურდათ ერთადერთი ავტორიტეტი ყოფილიყო ის ადამიანი, რომელიც დღეს „ვივამედში“ განისვენებს, თუ ისვენებს. იყო განცდა, რომ 26 მაისის მანიფესტაციის ასეთი სასტიკი დარბევის მიზანი ქართველი ერის, ხალხის დაშინება იყო.მართლაც, 26 მაისის შემდეგ გაჩნდა განცდა, თითქოს სააკაშვილმა მიაღწია კიდევაც მიზანს, თითქოს ძნელი წარმოსადგენი იყო, რომ ხალხი კიდევ ერთხელ გამოვიდოდა პროტესტზე. მაგრამ 5 თვის შემდეგ გამოჩნდა ბიძინა ივანიშვილის პირველი განცხადება, რომელმაც ახალი სული შთაბერა ჩვენს ქვეყანას, ჩვენს ხალხს და ამით დასრულდა ის რეჟიმი, რომლის დაბრუნებაც არავითარ შემთხვევაში არ მოხდება, ამას არ დაუშვებს ქართველი ერი,“ - განაცხადა სუბარმა.მან ასევე ისაუბრა პოლიციელების როლზე და პარალელი გაავლო 26 მაისის მოვლენებსა და 9 აპრილის ტრაგედიას შორის.„იქ იყვნენ პოლიციელები, რომელთაც ადამიანის სახე არ ჰქონდათ შენარჩუნებული. იყვნენ ის არაადამიანები, რომელთაც ადამიანობა ჰქონდათ დაკარგული და მათ გვერდით იყო ბევრი ღირსეული პოლიციელი. დღეს რამდენჯერმე ახსენეს 9 აპრილი. 1989 წლის 9 აპრილს ქართველ ხსლხთან ერთად იდგა ქართული მილიცია. მართალია, ფორმალურად ისინი საბჭოთა მილიციელები იყვნენ, მაგრამ გულით და შეგნებით ისინი იყვნენ ქართველები და იყვნენ პატრიოტები. სწორედ ეს პატრიოტი მილიციელები გადაეფარნენ ადამიანებს თავიანთი სიცოცხლის ფასად. რომ არა ისინი, მსხვერპლი იქნებოდა გაცილებით დიდი. ვფიქრობ, კარგი იქნება, თუკი ოდესმე 9 აპრილის სიმბოლოდ ქართველი პოლიციელის ძეგლი აღიმართება. ოდესმე შეიძლება ეს მოხდეს კიდეც , დღეს კი მინდა, კიდევ ერთხელ მადლობა გადავუხადო თითოეულ მათგანს,“ - განაცხადა სოზარ სუბარმა.დეპუტატმა სხდომაზე პატრიარქის სიტყვებიც გაიხსენა და განაცხადა, რომ მისი მოწოდება ყველასთვის სამაგალითო უნდა იყოს. „ქართველ ერზე ხელის აღმართვა არავის ეპატიება” - ეს არის მისი უწმინდესობის სიტყვები. ეს სიტყვები უნდა გაითვალისწინოს როგორც ხელისუფალმა, ასევე ყველა იმ ადამიანმა, რომელიც დღეს ქუჩაში დგას, პროტესტის გამოსახატად და ამ პროტესტს ხშირად პოლიციელზე თუ მისგსნ განსხვავებულად მოაზროვნე ადამიანებზე თავდასხმით გამოხატავს.და ბოლოს, მინდა ერთი განმარტება გავაკეთო ახალგაზრდებისთვის, ტელეფონების დაშლის თემაზე. დღეს ბატონმა ლუკა კურტანიძემ ახსენა, ტელეფონებს ვშლიდით და სხვა ოთახში გავდიოდით სალაპარაკოდო. წინა სხდომებზეც არაერთმა სტუმარმა თქვა იგივე. ჩვენმა თაობამ კარგად იცის, რას ნიშნავს ეს, მაგრამ არ ვარ დარწმუნებული, რომ ახალგაზრდები, რომლებიც აქ არიან, საერთოდ ხვდებიან, თუ რაზე ვლაპარაკობთ. რა ტელეფონების დაშლასა და რა სხვა ოთახში გასვლაზეა ლაპარაკი, ეს მათთვის გაუგებარია, თითწოს რაღაც მისტიკურ რიტუალთან გვაქვს საქმე. მაგრამ, მაშინდელი რეალობა იყო ასეთი - ყოველი საინფორმაციო იწყებოდა ვიღაცის ფარული სატელეფონო ჩანაწერის გამოქვეყნებით. ეს იყო პოლიტიკოსების საუბრები კოლეგებთან, იწერდნენ ჟურნალისტებს, დიპლომატებს, ამონტაჟებდნენ, აქვეყნებდნენ და შემდეგ, ხშირ შემთხვევაში, ამას წარმოუდგენელ ბრალდებებს მიაბამდნენ ხოლმე. განცდა იყო ისეთი, თითქოს ყველას უსმენდნენ. გასაგებია, რომ ყველა პოლიტიკოსს ნამდვილად უსნენდნენ და სრულიად უკანონოდ, მაგრამ რიგით მოქალაქეებსაც ჰქონდათ განცდა, რომ მათაც უსმენდნენ და სწორედ ამიტომ იყო გავრცელებული ასეთი ლეგენდა, რომ თუ ტელეფონს დაშლიდი, იქიდან ამოიღებდი კვების წყაროს და მას მოწყობილობიდან შორს დადებდი, შენს საუბარს ვერ მოისმენდნენ. ადამიანებს ეგონათ, რომ უბრალოდ გამორთული ტელეფონიც ისმინებოდა.ყველამ იცოდა, რომ ფარული ჩანაწერები, რასაც ყოველდღიურად აქვეყნებდნენ ტელევიზიით, უკანონო იყო, მაგრამ რეჟიმი სწორედ ამით ცდილობდა მოსახლეობის დაშინებას. ამ ქმედებით რეჟიმი ნერგავდა განცდას, რომ არა მხოლოდ ყველას უსმენდა, არამედ უსმენდა სრულიად უკანონოდ და მას ამისი არ ეშინოდა, რადგან ძლიერი იყო. რეჟიმი ამას სრულიად შეგნებულად აკეთებდა. რეჟიმი შეგნებულად აჩვენებდა ყველას, რომ მას შეუძლია ავტორიტეტებს აგინოს, დაამციროს, სცემოს ყველას თვალწინ, მოუსმინოს ადამიანებს უკანონოდ, რომ მას არ ეშინია კანონის დარღვევის, რადგან კანონზე მაღლა დგას. ამით ცდილობდნენ საზოგადოებაში შიშის დანერგვას და 26 მაისი იყო კულმინაცია, რომლის შემდეგაც ძნელი წარმოსადგენი იყო, რომ ისევ თავიდან აზვირთდებოდა ის ეროვნული ენერგია, რომელიც ააზვირთა ბიძინა ივანიშვილის პოლიტიკაში გამოჩენამ,“ - განაცხადა სოზარ სუბარმა.

პოლიტიკა • 1747655074

ლუკა კურტანიძე „ნაციონალურ მოძრაობაზე“: ხელისუფლების მართვა ნიშნავს უდიდეს პასუხისმგებლობას, ზრუნვას შენს ერზე და არა ძალადობას, სიკვდილს, შიშს და იმ ტრაგედიას რაც ათასობით ადამიანმა განიცადა

პირველ რიგში ახალგაზრდებსა და ახალ თაობას ვეტყოდი, ის, რაც ხდებოდა. როდესაც ხელისუფლებაში ხარ და ძალაუფლება გაქვს ყველაზე დიდი პასუხისმგებლობა, რაც არის არ უნდა გაგექცეს ის ძალაუფლება, რომელიც ხელში გიჭირავს,-ამის შესახებ ლუკა კურტანიძემ განაცხადა, პარლამენტის დროებითი საგამოძიებო კომისიის სხდომაზე, სადაც 2011 წლის 26 მაისის აქციის დარბევის მოვლენები განიხილება.ლუკა კურტანიძის თქმით, ხელისუფლების მართვა ნიშნავს უდიდეს პასუხისმგებლობას და ზრუნვას შენს ერზე და არა ძალადობას, სიკვდილს, შიშს და იმ ტრაგედიას რაც ათასობით ადამიანმა განიცადა „ნაციონალური მოძრაობის“ სისხლიანი რეჟიმის დროს.„ჩვენი დღევანდელი რეალობა ის არის, რომ არა იმიტომ, რომ ჩვენ ვინმეს დავუმტკიცოთ, ან ვინმეს დასჯა გვინდა, არამედ იმიტომ რომ ხელისუფლების მართვა ნიშნავს უდიდეს პასუხისმგებლობას და ზრუნვას შენს ერზე და არა ძალადობას, სიკვდილს, შიშს და იმ ტრაგედიას რაც ათასობით ადამიანმა განიცადა. დაინგრა უამრავი ადამიანის ოცნებები და ფიქრები.საქართველო - სამშობლო, სახელმწიფო არის ყველასი, მაგრამ მისი მართვა არის ძალიან დიდი პასუხისმგებლობა. ახლა თუ რამე ნაბიჯები იდგმება მხოლოდ და მხოლოდ იმისათვის, რომ მომავალ თაობას და მომავალ ხელისუფლებას ვუთხრათ, თუ როგორ უნდა მართონ სახელმწიფო. რა პასუხისმგებლობა უნდა ჰქონდეს და როგორ უნდა გიყვარდეს შენი სამშობლო და არ იყო იმ ეროვნული ღირებულებებით გამიჯნული დანარჩენი მსოფლიოსგან, რომელიც შეგინარჩუნებს შენს იდენტობას, ეროვნულ ღირებულებებს და იქნები დანარჩენი მსოფლიოსთვის ისეთი საინტერესო, როგორიც არის სახელმწიფო საქართველო.დღევანდელი ეს გამოძიებაც ემსახურება იმას, რომ არცერთ ხელისუფლებას მომავალში არ მიეცეს იმის ცდუნება, რომ ჭარბი ძალაუფლების დროს მოხდეს ისეთი უბედურება, რაც „ნაციონალურმა მოძრაობამ“ ჩაიძინა და რაც ჩვენ ათასობით ადამიანმა მაშინ მივიღეთ.დღეს არის ის თავისუფლება, მე ვფიქრობ, რომ ცოტა ზედმეტიც არის, მაგრამ ყოველ შემთხვევაში ასეთია ჩვენი რეალობა“, - განაცხადა ლუკა კურტანიძემ.

პოლიტიკა • 1747653561

ლუკა კურტანიძე: ბრძანება იყო, სამაგალითოდ დავესაჯეთ. თავისუფლების მოედანზე წრე შეკრეს და რკინის ხელკეტებით მირტყამდნენ. დათა ახალაია სპეცრაზმელს ეუბნება „თუ რამე დაუმორჩილებლობა იქნა, პირდაპირ თავში“

დაიწყო სამაგალითო დასჯა, მიზანმიმართულად ფიზიკური ანგარიშსწორება. რამდენიმე ათეული ადამიანი ხელკეტებით მისწორდებოდა, ყველაფერი ჩამომახიეს და ასე ნაცემ ნაბეგვი გამიყვანეს გარეთ, - განაცხადა ლუკა კურტანიძემ პარლამენტის დროებითი საგამოძიებო კომისიის სხდომაზე, რომელიც 2011 წლის 26 მაისის აქციის დარბევის მოვლენებს იხსენებს.როგორც ლუკა კურტანიძე აცხადებს, როდესაც თბილისის ცენტრალურ სამმართველოში მიიყვანეს, კიბეებზე ნიღბიანები იყვნენ, რომლებიც ფიზიკურად უსწორდებოდნენ.„ბრძანება იყო მიცემული, რომ სამაგალითოდ დავესაჯეთ, სახალხოდ, რომ ყველას ენახა როგორ [ანადგურებენ ცნობილ ადამიანებს]. დამაპატიმრეს, ჩამიყვანეს თავისუფლების მოედანზე, წრე შეკრეს და იქ უკვე არა მარტო რეზინის ხელკეტებით, არამედ გასაშლელი რკინის ხელკეტებით მირტყამდნენ. როდესაც დასჯილი ავყავდით ხელბორკილებით, მთავარ სამმართველოში რომ უნდა გადავეყვანეთ, დათა ახალაია მოვიდა და შეურაცხყოფილად [მითხრა] „შენ აქ რა გინდა“ და ეს ვიდეოშიც ჩანს, სპეცრაზმელს [ეუბნება] „თუ რამე დაუმორჩილებლობა იქნა, პირდაპირ თავში“. ანუ, ბრძანება მისცა, რომ შეეძლოთ ლიკვიდირებაც მოეხდინათ.დათა ახალაიასთან იყვნენ სხვა ადამიანებიც. ორი პოლიციელი გადამეფარა, რომლებიც ალბათ სხვა დაჯგუფებიდან იყვნენ და მათ უნდოდათ, რომ გავერიდებინეთ, მაგრამ იმ ჯგუფმა, რომელიც ახალაიას ექვემდებარებოდა, იმ ბიჭებსაც [პოლიციელებს] სასტიკად გაუსწორდნენ. შემდეგ როცა ამიყვანეს და თბილისის ცენტრალურ სამმართველოში გადამიყვანეს, დერეფანი გააკეთეს, კიბეებზე ნიღბიანები იყვნენ და სანამ რამდენიმე სართულზე ავიდოდი, ყველა ფიზიკურად მისწორდებოდა“, - განაცხადა ლუკა კურტანიძემ.

პოლიტიკა • 1747640445

სააკაშვილმა 2011 წლის 26 მაისის აღლუმზე, ძალადობრივად დაშლილი აქციისა და სისხლის ფონზე, დააჯილდოვა ის ადამიანები, რომლებიც დღეს ვითომ რაიმე ტიპის პროცესებს აპროტესტებენ - გურამ მაჭარაშვილი

26 მაისის 14 წლის წინანდელი მოვლენები და ადამიანის უფლებების უხეში დარღვევები - ამ თემაზე გაკეთდება მთავარი აქცენტი დროებით საგამოძიებო კომისიის მორიგ სხდომაზე, რომელიც ამ წუთებში იწყება.საკითხზე სასაუბროდ, პარლამენტში ნონა გაფრინდაშვილს, დავით ლორთქიფანიძესა და ლუკა კურტანიძეს ელიან. დაგეგმილია ასევე, ინტერნეტის საშუალებით, გიორგი ბურჯანაძის ჩართვა.პარლამენტის დროებითი საგამოძიებო კომისიის წევრის, გურამ მაჭარაშვილის განცხადებით, 26 მაისი არის "ნაციონალური მოძრაობის" სახე."დღეს გვექნება 2011 წლის 26 მაისს დაზარალებულ ადამიანებთან გასაუბრება. კომისიას ახსნა-განმარტებებს მისცემენ საზოგადოებისთვის ძალიან კარგად ცნობილი ადამიანები, რომელთა წინააღმდეგაც მაშინდელმა რეჟიმმა აჩვენა კიდევ ერთი სახე.26 მაისი არის კლასიკური სახე "ნაცმოძრაობის", თუ როგორ შემოდეს ზოგიერთი გარდაცვლილი ადამიანი მაღაზიის სახურავზე, მათ შორის სასტიკად გაუსწორდნენ ადამიანებს, არ მისცეს საშუალება, რომ გასულიყვნენ რუსთაველის გამზირიდან და რამდენიმე საათში, სააკაშვილმა მიიღო 26 მაისის აღლუმი და ღირსების ორდენით დააჯილდოვა ის ადამიანები, ამ სისხლის ფონზე, რომლებიც დღეს ვითომ, აპროტესტებენ რაიმე ტიპის პროცესებს აქციებთან დაკავშირებით", - განაცხადა გურამ მაჭარაშვილმა.

პოლიტიკა • 1747629349

არჩილ გორდულაძე კომისიაზე: ახალგაზრდებს, რომლებიც ამბობენ, რომ არაფერი არ ახსოვთ, შეუძლიათ, იხილონ, თუ რა უბედურებების დატრიალება შეძლოთ, ატრიალებდნენ და მომავალშიც შეუძლიათ დაატრიალონ კოლექტიური "ნაცმოძრაობის" წარმომადგენლებს

2011 წლის 26 მაისს მომხდარი ადამიანის უფლებების უხეში დარღვევის ფაქტები იქნება დროებითი საგამოძიებო კომისიის დღევანდელი განხილვის ერთ-ერთი მთავარი თემა. საკითხზე სასაუბროდ, პარლამენტში ნონა გაფრინდაშვილს, დავით ლორთქიფანიძესა და ლუკა კურტანიძეს ელიან. დაგეგმილია ასევე, ინტერნეტის საშუალებით, გიორგი ბურჯანაძის ჩართვა.კომისიის მუშაობას კიდევ ერთხელ დადებითად აფასებს "ქართული ოცნება". მმართველი გუნდის განმარტებით, წინა ხელისუფლების პერიოდში ჩადენილი უკანონო და სასტიკი ქმედებების შესახებ მოსახლეობამ დეტალები უნდა იცოდეს."სააკაშვილის რეჟიმი სტრასბურგის სასამართლოს მიერვე არის მწამებლურ რეჟიმად აღიარებული. ეს ყველაფერი ცხადად გამოჩნდა აქციების ძალადობრივად დაშლის, მათ შორის ადამიანების მოკვდინების რეჟიმში. ჩვენ ვხედავდით, რომ ადამიანები გარდაიცვალნენ. საგამოძიებო კომისიას აქვს შესაძლებლობა, რომ საქართველოს საზოგადოებას კიდევ ერთხელ გაახსენოს ეს რეჟიმი. ამავდროულად, იმ ახალგაზრდებს, რომლებიც ამბობენ, რომ არაფერი არ ახსოვთ, შეუძლიათ, იხილონ, თუ რა უბედურებების დატრიალება შეძლოთ, ატრიალებდნენ და მომავალშიც შეუძლიათ დაატრიალონ კოლექტიური "ნაცმოძრაობის" წარმომადგენლებს", - აცხადებს პარლამენტის იურიდიულ საკითხთა კომიტეტის თავმჯდომარე არჩილ გორდულაძე.

სპორტი • 1728883438

ქართველმა მოჭიდავეებმა ვეტერანთა შორის მსოფლიო ჩემპიონატზე 3 მედალი მოიპოვეს

საქართველოს მოჭიდავეთა ნაკრებმა ვეტერანთა შორის მსოფლიო ჩემპიონატზე ასპარეზობა 3 მედლით დაასრულა. თავისუფალ ჭიდაობაში ოქროს მედალს ლუკა კურტანიძე (130 კგ) დაეუფლა. იგივე წონაში ბრინჯაოს მედალი დავით ტყეშელაშვილმა მოიპოვა. ასევე ბრინჯაოს მფლობელი გახდა თემურ გელიტაშვილი (88 კგ)მსოფლიო ჩემპიონატს ხორვატიის ქალაქმა პორეჩმა უმასპინძლა.

ასტროლოგია • 1707512717

რა ახსნას უძებნის მიხეილ ცაგარელი ბოლო დღეებში ერთმანეთის მიყოლებით მომხდარ ტრაგიკულ მოვლენებს და როდის დასრულდება ბოროტი ენერგიის შემოდინება

ქვეყანაში ბოლო დღეებია, საზარელმა შემთხვევებმა იმატა. ამ მოვლენას, ცნობილი ასტროლოგი, მიხეილ ცაგარელი, „პრაიმტაიმთან“ ხსნის და მოსახლეობას სიფრთხილისკენ მოუწოდებს.„რაშია საქმე და რასთან არის ეს დაკავშირებული? მოდი, აღვნიშნოთ, რომ რასაც ახლა მე ვიტყვი, ამას ცოტა ისეთი გაგება უნდა... მოგეხსენებათ, ასტროლოგია სწორედ ამას გვამცნობს, რომ ზეგავლენაა პლანეტებისა ბიოლოგიურ ორგანიზმებსა და მოვლენებზე, რომლებიც ხდება ჩვენს სამყაროში. ისინი ქმნიან ენერგოვიბრაციულ ენერგიებს, რომელიც ზეგავლენას ახდენს მოვლენებზე. თავის დროზე, როდესაც იყო შოვის ტრაგედია, მაშინ ჩვენ საგანგებოდ აღვნიშნეთ, რომ იყო ძალიან ცუდი და მძიმე ფორმა სავსემთვარეობისა და სავსემთვარეობა, ეს სატანური დღეა ტრადიციულად და ითხოვს განსაკუთრებულ სიფრთხილეს, თან იქ დედამიწა ძალიან უარყოფით ენერგოველში იყო.ახლანდელ პერიოდს რაც შეეხება, ახლა საგანგებოდ აღვნიშნე, რომ ხდება მძიმე რამ, ხვალ, შაბათს ჩვენ გვაქვს დრაკონის წელიწადის შემოსვლა ანუ დრაკონის წელიწადი ცვლის კატის, კურდღლის წელიწადს. თვითონ ეს პროცესი არ არის მსუბუქი, იმიტომ, რომ აქ ხდება სტიქიების შესვლა და ხდება ზოდიაქოს ნიშნების შეცვლა.ენერგეტიკულად ძალიან რთულია. დრაკონის წელიწადი იწყება მეცამეტე ახალმთვარეობაზე, ეს კი არის სატანური და მძიმე დღე. მზე და მთვარე შეერთებულია და მათ შორის მიდის სამკვდრო სასიცოცხლო ომი. ეს მათი ბრძოლა, რა თქმა უნდა, აისახება. მთვარე ადამიანში, ეს არის, გამოსახულება ემოციისა. მზე - შინაგანი ბუნებისა. ამიტომ, აქ მიდის კონფლიქტი ადამიანის ემოციურ ქვეცნობიერ სამყაროსა და მის ცნობიერ, პიროვნული მეს სამყაროს შორის. ეს იწვევს არაადეკვატურ, ემოციურ გამოვლინებებს.ახალმთვარეობაზე, ჩვენი წინაპრები წყალსაც არ უსხამდნენ მცენარეს, რადგან იცოდნენ, რომ მალე დალპებოდა მისი ფესვები, იმდენად ცუდი და ნეგატიური დღეა. პიკს მიაღწევს, 13-14 თებერვალს და იქნება ყველაზე მძაფრი. ხვდება ორი ბოროტი პლანეტა, მარსი და პლუტონი. (ეს არის ნგრევის პლანეტა) ისინი შეერთებაში არიან ერთმანეთთან, გვერდიგვერდ იმყოფებიან და 13-14-ში ერთ გრადუსში დასხდებიან. მათი შეერთება ნიშნავს, რომ ძალიან ცუდი, უარყოფითი, ბოროტი ენერგია მოდის დედამიწაზე. რამაც შეიძლება გამოიწვიოს, როგორც ეკოლოგიური კატასტროფები, ასევე ადამიანებს შორის კონფლიქტები, ჯანმრთელობის გაუარესება.დაახლოებით 15 რიცხვამდე, ყველას ვთხოვ, რომ მაქსიმალური ყურადღება მიაქციონ ჯანმრთელობას და ემოციას“,- ამბობს „პრაიმტაიმთან“ მიხეილ ცაგარელი.ასევე ნახეთ:„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძეVIDEO: “შოვის მსგავსი უბედურება იქნება, უბრალოდ, ამ შემთხვევაში, თოვლი და ტალახი…”– გოგა მანიას 2023 წლის წინასწარმეტყველება

რჩევები • 1707494024

თანამოსაუბრის 3 ფრაზა, რომელიც შეუმჩნევლად გართმევთ ძალას და ენერგიას

მეტყველება არ არის მხოლოდ ინსტრუმენტი სიტყვების ნაკრების სახით, რომელსაც ადამიანები იყენებენ ინფორმაციის გადასაცემად. მეტყველება ბევრად მეტს ნიშნავს – მას აქვს ძლიერი გავლენა, რაზეც ბევრი არც კი ფიქრობს. გსმენიათ გამოთქმა "ბინძური საუბარი"? ცოტას ახარებს ისეთ კომპანიაში ყოფნა, სადაც თანამოსაუბრე ხშირად იყენებს უსიამოვნო სიტყვებს, ფრაზებს ან იგინება. უხერხულობის მიზეზი ძალიან მარტივია - ზოგიერთმა სიტყვამ შეიძლება გამოგვაცალოს ძალა და გავლენა მოახდინოს ქვეცნობიერზე. თუ თქვენი ახალი მეგობარი იყენებს ამ 3 ხრიკიდან ერთ-ერთს, კარგად დაფიქრდით კომუნიკაციის გაგრძელებაზე. ცუდი სურვილებიხშირად ადამიანები მეტყველებაში იყენებენ ზოგიერთ გამოთქმას, რომლის მნიშვნელობა არც კი ესმით. უფრო სწორად, არანაირ მნიშვნელობას არ ანიჭებენ. სხვათა შორის ფრაზა, როგორიცაა "Wow!" ძალიან გავრცელებულია ყოველდღიურ მეტყველებაში. ამავე დროს, მისი მნიშვნელობა აბსოლუტურად უარყოფითია. საუბრის საშუალებით ადამიანებს შეუძლიათ მიიღონ ენერგია, გააფუჭონ განწყობა და ზიანი მიაყენონ ჩვენს ჯანმრთელობას.სიტყვები გარეგნობის შესახებნებისმიერ სიტყვას, რომელსაც ადამიანი ამბობს თანამოსაუბრის გარეგნობაზე, მის ჯანმრთელობაზე, სხეულზე ან შესაძლებლობებზე, დიდი ძალა აქვს. მაგალითად, გამონათქვამები, როგორიცაა: "ბრმა ხართ?", "კეხიანი ცხვირი გაქვს". ერთი შეხედვით უწყინარმა ხუმრობამ შეიძლება გავლენა იქონიოს ადამიანის მთელ ცხოვრებაზე. უხეში საუბარიდამანგრეველი სიტყვების ენერგია ჩვენზე შეუმჩნეველ, მაგრამ საკმაოდ ხელშესახებ გავლენას ახდენს. უარყოფითი სიტყვების უხილავი ზემოქმედება ზუსტად მიზანში ხვდება. როგორ გავუმკლავდეთ მას? დააკვირდით თქვენს მეტყველებას და შეეცადეთ გამორიცხოთ ნებისმიერი უარყოფითი გამონათქვამი და ორაზროვანი მნიშვნელობის მქონე ფრაზა. დაფიქრდით რას ნიშნავს თქვენი სიტყვები. თუ თქვენს ნაცნობებს შორის არიან ისეთებიც, რომლებიც ხშირად ამბობენ უარყოფით ფრაზებს თქვენი მისამართით, უთხარით მათ ამ ყველაფრის შესახებ, ან შეამცირეთ კომუნიკაცია ასეთ ადამიანთან.ასევე ნახეთ:VIDEO: “შოვის მსგავსი უბედურება იქნება, უბრალოდ, ამ შემთხვევაში, თოვლი და ტალახი…”– გოგა მანიას 2023 წლის წინასწარმეტყველება„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძენახეთ, დღეს შესასრულებელი 5 რჩევა, რომელიც წარმატებას და იღბალს მოგიტანთ

ფინანსები • 1707483696

რა ეღირება უქმეებზე დოლარი და ევრო

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6543 ლარი გახდა. კურსი, რომელიც დღეს მოქმედებდა, 2.6573 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0030 ლარი შეადგინა.რაც შეეხება ევროს, მისი კურსი 2.8584 ლარია. მაშინ, როცა დღეს მოქმედი კურსი 2.8632 ლარს შეადგენდა. შესაბამისად, ევროს ცვლილებამ 0.0048 ლარი შეადგინა.ასევე ნახეთ:VIDEO: “შოვის მსგავსი უბედურება იქნება, უბრალოდ, ამ შემთხვევაში, თოვლი და ტალახი…”– გოგა მანიას 2023 წლის წინასწარმეტყველება„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძენახეთ, დღეს შესასრულებელი 5 რჩევა, რომელიც წარმატებას და იღბალს მოგიტანთ

საზოგადოება • 1707480548

სად და როდის დაკრძალავენ სოსო ჯაჭვლიანს

სოსო ჯაჭვლიანის რძალი, კატო გიორგაძე ავრცელებს ინფორმაციას, სად და როდის გაიმართება მსახიობის პანაშვიდები და დაკრძალვა.„პანაშვიდი : ორშაბათს (12 თებერვალს) ქაშუეთის ეკლესიაში.დაკრძალვა: სამშაბათს, 13 თებერვალს, 3 საათზე.გამოსვენება – ქაშუეთის ეკლესიიდან. დაიკრძალება საბურთალოს კერძო სასაფლაოზე.მადლობა ყველას ჩვენი ტკივილის გულთან მიტანისთვის“.ასევე ნახეთ:„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძეVIDEO: “შოვის მსგავსი უბედურება იქნება, უბრალოდ, ამ შემთხვევაში, თოვლი და ტალახი…”– გოგა მანიას 2023 წლის წინასწარმეტყველება

სამართალი • 1707477638

„მდგომარეობა მძიმეა...“ - რუსთავის ბაზარში დაჭრილი 26 წლის ახალგაზრდის მდგომარეობაზე ახალი ინფორმაცია ვრცელდება

"სტამბოლის ბაზარში" დაჭრილი 26 წლის ახალგაზრდის მდგომარეობა მძიმეა. ის კლინიკა „რუსთავშია“ მოთავსებულია.როგორც კლინიკის ემერჯენსის განყოფილების ხელმძღვანელმა, ხათუნა რევაზიშვილმა ჟურნალისტებთან განაცხადა, მამაკაცს დაზიანებები სხეულის სხვადასხვა მიდამოებში, საფანტით აქვს მიყენებული.„პაციენტი სასწრაფო დახმარების ბრიგადის მიერ არის შემოყვანილი შემთხვევის ადგილიდან ცეცხლსასროლი იარაღით მიყენებული მრავლობითი, მცირე ზომის ჭრილობებით სხეულის სხვადასხვა მიდამოში. პაციენტის მდგომარეობა შეფასდა, როგორც მძიმე.ახლა ლაბორატორიული მკურნალობა უტარდება და სპეციალისტების მეთვალყურეობის ქვეშ იმყოფება.ამ ეტაპზე კომპიუტერული ტომოგრაფიის კვლევაზეა შეყვანილი, რის შემდეგაც, გადაწყდება მკურნალობის შემდეგი ტაქტიკა. მცირე ზომის ჭრილობები აღენიშნება გულ-მკერდზე, სახეზე, მუცელზე, ბარძაყის წინა ზედაპირზე და მარჯვენა ზემო კიდურზე. ჭრილობები საფანტითაა მიყენებული. ქირურგიული ჩარევა ჯერ არ ჩატარებია. მამაკაცი 26 წლისაა“, – განაცხადა ხათუნა რევაზიშვილმა.ცნობისთვის, რუსთავში, ე.წ. სტამბოლის ბაზარზე განხორციელებული სროლის შედეგად მოკლულია ოთხი პირი, მათ შორის ერთ-ერთი ბრალდებულის ბიძაა, რომელიც ამავე ბაზარში იყო დასაქმებული.შინაგან საქმეთა სამინისტროს ინფორმაციით, დაკავებულია 1988 წელს დაბადებული ადამიანი, რომელმაც რუსთავის ე.წ. სტამბოლის ბაზრის ტერიტორიაზე ცეცხლსასროლი იარაღიდან რამდენჯერმე გაისროლა.ასევე ნახეთ:VIDEO: “შოვის მსგავსი უბედურება იქნება, უბრალოდ, ამ შემთხვევაში, თოვლი და ტალახი…”– გოგა მანიას 2023 წლის წინასწარმეტყველება„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძე

საზოგადოება • 1707474444

„ბოლოს რომ გნახე ხელს მიმალავდი... იმ ნატანჯ ხელს, რომელიც დასერილი და დალურჯებული გქონდა“ - ლუკა კურტანიძე

ხანგრძლივი ავადმყოფობის შემდეგ, სოსო ჯაჭვლიანი თურქეთის კლინიკაში გარდაიცვალა. 65 წლის მსახიობი, სპორტსმენი, რეჟისორი და ყოფილი დეპუტატი, სამშობლოს, უკანასკნელად ახალი წლის დღეებში სტუმრობდა.მეგობართან ბოლო შეხვედრას ჭიდაობის ფედერაციის ყოფილი პრეზიდენტი და ექსპარლამენტარი იხსენებს:„8 თებერვალი ეს ის თარიღია რომელმაც მითხრა სოსო უფალთან წავიდა... იცი სოსო მთელი ეს წლები რაც ერთად ვიარეთ მიუხედავად ყველა სირთულის, სადაც სიკვდილი ძალიან ახლოს იყო. მე სულ შენი იმედი მქონდა და იცი რატომ?! იმიტომ რომ მჯეროდა შენი უღალატობის! ქრისტეს შობამდე მომწერე როცა ჩამოხვალ ბორჯომის ხეობიდან მოდი მნახეო...6 იანვარს შეგხვდი და იქაც იმ მდგომარეობაში მყოფი მომავალზე მესაუბრე. ის სიტყვა რაც დავით აღმაშენებლის საფლავზე ვთქვით 2011 წლის 25 დეკემბერს, ის ბოლომდე გაგვეტანა ჩვენი ერთგულებით! იცი სოსო მე შენი იმედი მაქვს, რომ არ დამტოვებ სადაც არ უნდა იყო, ჩემთან იქნები იმ უტეხი სულით, რომელსაც მე ასე ვაფასებდი და მჯეროდა ყოველთვის! ...6 იანვარს, ბოლოს როცა გემშვიდობებოდი გახსოვს ხელს რომ მიმალავდი?! იმ ნატანჯ ხელს რომელიც დასერილი დალურჯებული ჰქონდა?! მიმალავდი რადგან არ გინდოდა ეგ ნატანჯი ხელი მენახა იმიტომ რომ არ მტკენოდა, კიდევ გინდოდა შენგან იმედით სავსე წამოვსულიყავი და ხელს პლედი გადაფარე...ამ პროცესში მივხვდი რომ უძლიერესი ადამიანი სოსო ჯაჭვლიანი უტეხი გმირი იყო ჩემს თვალწინ, რომელიც სიკვდილს უტეხად ებრძოდა. ამასთანავე ერთგულებაზე მომავალ ბრძოლაზე ძალას და იმედს მატანდი... მოგკიდე ხელი დაგიკოცნე ეგ ერთგულებით სავსე ხელი და შუბლზე მივიდე და გითხარი, მეიმედები... იცით?! ასე რომ მოვეფერე არ ელოდა და მითხრა... შენ შემოგევლე! შენ!...“,-წერს ლუკა კურტანიძე.