სპორტი • 1713648838

„ჩემი კერპი მარადონა იყო, „ნაპოლისთან“ კონტრაქტის გაფორმებას ამიტომაც დავთანხმდით“ - ხვიჩა კვარაცხელიას მამა

„ხვიჩა კვარაცხელიას შეძენა „ინტერს“, „იუვენტუსს“, „სამპდორიასა“ და „რომას“ სურდათ, მაგრამ „ნაპოლიში“ მას თამაშის მეტი შანსი ექნებოდა და მასზე არჩევანი ამიტომ შეაჩერა“ – ამის შესახებ  წიგნში, „კვარადონა, ქართული სასწაული“, ფეხბურთელის მამა, ბადრი კვარაცხელია საუბრობს.„ხვიჩას ბევრი გუნდი აკვირდებოდა – „ინტერი“, „იუვენტუსი“, „სამპდორია“, „რომა“ და „ნაპოლი“, მაგრამ ნეპოლელთა თამაშის სტილიდან, ტაქტიკიდან და რეალობიდან გამომდინარე ჩანდა, რომ თამაშის შესაძლებლობა უფრო მეტად „ნაპოლიში“ ექნებოდა. ის რომ „იუვენტუსში“ წასულიყო, ანხელ დი მარიასთან მოუწევდა კონკურენცია და, შესაძლოა, ნაკლები სათამაშო დრო ჰქონოდა.ამიტომ თავიდანვე „ნაპოლიზე“ ვფიქრობდით. ამას გარდა ჩემი საფეხბურთო კერპი დიეგო მარადონა იყო და იდეა, რომ ჩემი შვილი მისი გუნდის მაისურით ითამაშებდა, ერთ-ერთი გადამწყვეტი ფაქტორი აღმოჩნდა და „ნაპოლის“ შეთავაზებას დავთანხმდით“, – ამბობს ბადრი კვარაცხელია.ამასობაში, იტალირი გამოცემა Corriere dello Sport-ი წერს, რომ მხარეებს ახალი კონტრაქტის თაობაზე ჯერ მოლაპარაკება არ დაუსრულებიათ. აქედან გამომდინარე, ნეაპოლში კვარაცხელიას მომავალი ჯერ კიდევ გაურკვეველია.„ზაფხულში „ნაპოლის“ ბევრი ფეხბურთელი დატოვებს და შემადგენლობა განახლდება. თუმცა წამსვლელთა შორის კვარაცხელია, სავარაუდოდ, არ იქნება. კლუბის მენეჯმენტის სურვილია, რომ ხვიჩას ხელფასი გაუზარდოს და ახალი გუნდი მის გარშემო ჩამოაყალიბოს. კვარაცხელია ორი წელია უმაღლეს დონეზე თამაშობს და მისთვის პირობების გაუმჯობესება დამსახურებული იქნება“, – წერს იტალიური გამოცემა.

სამართალი • 1710268829

გორში, დედაზე ძალადობისა და სიცოცხლის მოსპობის მუქარის ბრალდებით, 19 წლის ბიჭი დააკავეს

გორის ერთ-ერთ სოფელში დედაზე ძალადობისა და სიცოცხლის მოსპობის მუქარის ბრალდებით 19 წლის ბიჭი დააკავეს.ინფორმაციას ადგილობრივი გამოცემა "მოზაიკა" ავრცელებს.გამოცემის ინფორმაციით, დაპირისპირება ურთიერთშელაპარაკების ფონზე მოხდა, დედამ პოლიცია გამოიძახა, - "იჩხუბეს და დედამისმა პოლიცია გამოიძახა. ორთვიანი წინასწარი პატიმრობა შეუფარდეს, როგორც ვიცი. ძალიან კარგი ბიჭია სოფელი ჩავუდგებით თავდებში, რომ ცუდს არაფერს იზამს", - ამბობს გამოცემასთან ადგილობრივი.ბრალდებულს სასამართლომ წინასწარი ორთვიანი პატიმრობა შეუფარდა.შსს-ს ინფორმაციით, გამოძიება საქართველოს სისხლის სამართლის კოდექსის 126-ე პრიმა მუხლის 1-ლი ნაწილითა და 11 პრიმა 151-ე მუხლით მიმდინარეობს, რაც ოჯახში ძალადობასა და ოჯახის წევრის მიმართ მუქარას გულისხმობს.ასევე დაგაინტერესებთ:„ფრთხილად, „ბარსელონა“ - კვარადონა დაბრუნდა!“ - რას წერს GOAL.com დღევანდელ მატჩამდევინ არის მარი ნაკანის უმშვენიერესი შვილიახალი კვლევა - D ვიტამინმა შესაძლოა გულის შეტევის რისკი შეამციროს

მსოფლიო • 1710262940

"ტკივილგამაყუჩებლის დეფიციტის გამო, პაციენტები საათობით ყვირიან" - ღაზაში მომუშავე ექიმები კატასტროფულ ვითარებას აღწერენ

ოპერაციები ანესთეზიის გარეშე, მკურნალობის გარეშე დატოვებული ქრონიკული დაავადებების მქონე ადამიანები და ხრწნამდე მისული ჭრილობების დამუშავება შეზღუდული სამედიცინო საშუალებებით, - ასე აღწერს BBC ღაზაში არსებულ კატასტროფულ მდგომარეობას. როგორც ადგილობრივი ექიმები ბრიტანულ მაუწყებელთან ჰყვებიან, ტკივილგამაყუჩებლების დეფიციტის გამო, პაციენტები საათობით ყვირიან.როგორც ჯანდაცვის მსოფლიო ორგანიზაციაში აცხადებენ, სიტყვებით შეუძლებელია ღაზის ჯანდაცვის სფეროში არსებული ვითარების აღწერა.ჯანმოს ცნობითვე, ღაზის სექტორის 23-მა საავადმყოფოს მუშაობა სრულად შეწყვიტა, 12 ნაწილობრივ ფუნქციონირებს, ერთი კი - მინიმალურად.ისრაელის თავდაცვის ძალებში აცხადებენ, რომ "ჰამასი" "სისტემურად იყენებს საავადმყოფოებსა და სამედიცინო ცენტრებს თავისი ტერორისტული საქმიანობისთვის".ასევე დაგაინტერესებთ:„ფრთხილად, „ბარსელონა“ - კვარადონა დაბრუნდა!“ - რას წერს GOAL.com დღევანდელ მატჩამდე"დარაბებს მიღმა გაზაფხულიას" შემდეგ, მე მიშა აღარ მინახავს. გული მწყდება, რომ რაღაც ისე ვერ აეწყო..." - მიშა ბუკიას რეზო ჩხიკვიშვილი და ლაშა თაბუკაშვილი იხსენებენქალმა ფრენისას იმშობიარა - მგზავრებს შორის ერთ-ერთი ექიმი აღმოჩნდა (უცხოეთი)

სპორტი • 1710251484

„ფრთხილად, „ბარსელონა“ - კვარადონა დაბრუნდა!“ - რას წერს GOAL.com დღევანდელ მატჩამდე

ცნობილი საფეხბურთო გამოცემა GOAL.com-ი თავის ვებ-გვერდზე „ბარსელონასა“ და „ნაპოლის“ საპასუხო მატჩზე სტატიას აქვეყნებენ და ხვიჩა კვარაცხელიას შესახებ საუბრობენ.„ფრთხილად, ბარსელონა - კვარადონა დაბრუნდა! ნაპოლის ფლანგის ჯადოქარი კვლავ ვქოვს თავის მაგიას“ - ასე ასათაურებს ჟურნალისტი სტატიას.ისევე როგორც სერია A-ს ჩემპიონებმა, კვარაცხელიამაც რთული სეზონი გადაიტანა, მაგრამ ბოლო კვირებში მან ხელახლა აღმოაჩინა საკუთარი თავი და გოლების გატანა დაიწყო.შეგვიძლია თუ არა შევადაროთ მისი სტილი მარადონას სტილს? გარკვეულწილად კი. მას „კვარადონას“ ტყუილად არ ეძახიან. მაგრამ არის თუ არა ცხოვრებაში ისეთივე აქტიური, როგორიც არგენტინელი? არა. ქართველი ყურადღების ცენტრში ყოფნას ერიდება და სინამდვილეში, საკმაოდ მორცხვია.ჩემპიონთა ლიგის 1/8 ფინალში, „ბარსელონასთან“ პირველ მატჩში მიდი საქციელი მოულოდნელი იყო. როდესაც მოედნიდან გაიყვანეს, მისი შოკისმომგვრელი რეაქცია ჰქონდა. აშკარად გაღიზიანებული ჩანდა არა მხოლოდ მწვრთნელის მიმართ, არამედ მისი თანაგუნდელების მისამართითაც. სკამზეც არ დაჯდა და თავისი უკმაყოფილება ნათლად აჩვენა. სათადარიგოს მარცხნივ, კიბის საფეხურზე ჩამოჯდა. შესაძლოა, მისი რეაქცია ისეთი ცუდი არ ყოფილა, როგორიც გასულ უქმეებზე „ენფილდზე“ კევინ დე ბრუინის საქციელი, მაგრამ კვარაცხელია აშკარად იტანჯებოდა.მისი ხასიათი თამაშის შემდეგაც არ გაუმჯობესებულა, რადგან „ნაპოლიდან“ ის პირველი ფეხბურთელი იყო, რომელმაც მარადონას სტადიონი დატოვა, თავზე კი კაპიუშონი ჰქონდა წამოფარებული. მიქს-ზონაში პირდაპირ გაიარა და ჟურნალისტებთანაც არ გაჩერებულა.შესაძლოა, ეს კალცონას მხრიდან უხეში ნაბიჯი იყო, თუმცა, იმ მატჩში კვარაცხელიას რეალურად, არაფერი გაუკეთებია. სახიფათო მომენტები ვერ შექმნა, არ ჰქონდა საკვანძო პასები და ბურთს მხოლოდ 36-ჯერ შეეხო. მერეტსაც კი მასზე მეტი შეხება ჰქონდა.იმავე შეხვედრაში, კალცონამ მოედნიდან ვიქტორ ოსიმენიც გაიყვანა, თუმცა, ნიგერიელმა ანგარიშის გათანაბრება მოასწრო. მაგრამ ოსიმენის შემთხვევაში შემამსუბუქებელი გარემოებებიც იყო. აფრიკის თასიდან დაბრუნების შემდეგ დაღლილობას გრძნობდა და ტრავმის მიღების რისკიც მაღალი იყო.არაპროდუქტიულობის მიუხედავად, კვარაცხელიას უკან დახევის საბაბი არ ჰქონია, ამის მიზეზი კი ბევრი იყო. ის სასოწარკვეთილად ცდილობდა, რომ „ნაპოლის“ დაცემა გამოესწორებინა. იმ არეულობაზე, რომელიც დე ლაურენტისმა შემოიტანა, არ შეიძლება პასუხისმგებლობა კვარაცხელიას დაეკისროს.შესაძლებელია, რომ კვარაცხელიას ცუდი ფორმა და „ნაპოლის“ ვარდნა ერთმანეთსაც დავუკავშიროთ. როდესაც ის კარგად თამაშობს, გუნდიც შედეგიანია, ამას ვერ უარვყოფთ. მიმდინარე სეზონში ის არაერთხელ დაიკარგა, განსაკუთრებით ჩემპიონთა ლიგაზე და ეს გუნდის თამაშზეც პირდაპირ აისახა.კვარაცხელია არ ყოფილა ერთადერთი ფეხბურთელი, რომელსაც გასული სეზონის ბოლოსკენ საწვავი ამოეწურა. არადამაჯერებელი თამაში რამდენიმე ფეხბურთელს ჰქონდა - სტანისლავ ლობოტკას, ჯოვანი დი ლორენცოს, ზამბო-ანგისას და ა.შ. შემდეგ კი გუნდმა ორი მწვრთნელი შეიცვალა. ჯერ რუდი გარსია, შემდეგ კი ვალტერ მაცარი.ისიც უნდა ვაღიაროთ, რომ მიმდინარე სეზონში კვარაცხელია „ნაპოლიში“ საუკეთესო მოთამაშეა. ერთ მატჩში ის საშუალოდ უფრო მეტ დრიბლინგს ასრულებს, ქმნის მეტ შანსს და აწვდის საჯარიმოში, ვიდრე ამას გასულ სეზონში აკეთებდა.თუმცა, მისი ეფექტურობა უდავოდ დაეცა. გასული სეზონი კვარაცხელიამ ყველა ტურნირზე 14 საგოლე გადაცემით დაასრულა, ახლა კი მარტია და მხოლოდ 5 გადაცემა აქვს.მაგრამ კვარაცხელია ბოლო კვირებში თვის ძველ ვერსიას ჰგავს. გვთავაზობს ისეთივე დამანგრეველ დრიბლინგებს და უნარებს, რაც 1 წლის წინ მარადონას სტადიონის დამანგრეველ ოვაციებს იწვევდა.მოგვიანებით, „ნაპოლის“ მთავარმა მწვრთნელმა, ფრანჩესკო კალცონამ აღიარა, რომ თავიდან კვარაცხელიას მისამართით შეცდომები დაუშვა. ახლა კი ქართველი ისე თამაშობს, როგორც გუნდში მოსვლის შემდეგ კალცონას უნდოდა. იტალიელმა სპეციალისტმა კვარაცხელია ნამდვილად იპოვა, რაც „ნაპოლისთვის“ ძალიან კარგი ამბავია. ამან გააჩინა იმედი, რომ გუნდი თავის წარუმატებელ კამპანიას გადაარჩენს. „ბლაუგრანამ“ მარადონაზე კვარაცხელიას ყველაზე ცუდი ვერსია ნახა, სამშაბათს საღამოს კი შესაძლოა საუკეთესო იხილონ.შეგახსენებთ, რომ ჩემპიონთა ლიგის 1/8 ფინალში „ნაპოლისა“ და „ბარსელონას“ პირველი მატჩი დიეგო მარადონას სტადიონზე ფრედ, 1:1 დასრულდა, საპასუხო შეხვედრა კი დღეს, საქართველოს დროით 23:55 საათიდან დაიწყება.

სპორტი • 1708436040

კვარაცხელიას ტრანსფერისთვის „ბარსელონა“ რაფინიასა და ფერან ტორესს შეელევა, ოსიმენის გამო „ნაპოლიში“ განხეთქილებაა - Football Transfers

„ბარსელონა“ ხვიჩა კვარაცხელიას იწვევს, ხოლო „ნაპოლის“ შემადგენლობაში სერიოზული განხეთქილებაა, – ამის შესახებ წერილს fFootball Transfers აქვეყნებს.„სერია A-ს მოქმედ ჩემპიონს რთული სეზონი ელოდება, რადგან ტიტულის დაცვას ვერ ახერხებენ – „პარტენოპეი“ ცხრილში მეცხრე ადგილზეა, გავრცელებული ინფორმაციით, „ნაპოლიდან“ სეზონის მსვლელობისას მეორე მწვრთნელი, ვალტერ მაძარიც გაათავისუფლეს. ნიგერიელი ბომბარდირი ვიქტორ ოსიმენმა, მიუხედავად იმისა, რომ გუნდთან კონტრაქტი გაახანგრძლივა (მისი გამოსყიდვა 130 მილიონი ევრო დაჯდება), იტალიურ კლუბს ზაფხულში დატოვებს. ოსიმენის წასვლა კი, სავარაუდოდ, კლუბში არეულობაში შეიტანს. ამან უკვე გამოიწვია კლუბში „სამოქალაქო ომი“.ყოველ შემთხვევაში, ასე იტყობინება Corriere della Sera, რომელიც ამტკიცებს, რომ „ნაპოლის“ ფეხბურთელები დაიღალნენ იმით, რომ მოთამაშეთა ნაწილს შეღავათიანი პირობები აქვთ. ოსიმენი კი ერთ-ერთი ასეთი ფეხბურთელია. მიუხედავად იმისა, რომ ნიგერიელი მიმდინარე სეზონში კარგად არ თამაშობს, ახალი კონტრაქტით აჟიტირებულია, აფრიკის თასიდან გვიან დაბრუნდა და ფორმაში არ არის. ასეთ დროს ოსიმენის გამორჩევა მის თანაგუნდელებს აწუხებთ.მუდმივმა არეულობამ, რომელმაც ამ სეზონში „ნაპოლი“ მოიცვა, ბუნებრივია, უარყოფითად იმოქმედა ყველაზე, მათ შორის კლუბის უდიდეს ვარსკვლავებზე. მომავალთან დაკავშირებით ხვიჩა კვარაცხელიაც გაურკვევლობაშია. ესპანური მედიის ცნობით, ქართველი ჯადოქარი „ბარსელონამ“ ფლანგების გასაძლიერებლად სასურველ ვარიანტად დაასახელა და მისი შეძენა ზაფხულში სურს. გამოვა თუ არა ეს გარიგება, უცნობია, მაგრამ ერთი რამ ცხადია: ეს ტრანსფერი იაფი არ იქნება.კონკრეტულად როგორ აპირებს „ბლაუგრანა“ ამის განხორციელებას, ჯერჯერობით უცნობია, თუმცა ცხადია, რომ თანხების მოძიება იქნება საჭირო. „ბარსელონას“ მოუწევს რამდენიმე ფეხბურთელის გაყიდვა – რაფინია და ფერან ტორესი არიან მოთამაშეები, რომლებიც შესაძლოა, გაუშვან. თუმცა, კვარადონასთან გარიგების დასასრულებლად კატალონიელებს საჭირო რესურსების მოძებნა მაინც გაუჭირდებათ“, – წერს გამოცემა Football Transfers.

სპორტი • 1707080341

„ხვიჩა სასწაული ხარ... მადლობა საქართველო“ - როგორ შეაფასეს „ნაპოლის“ ფანებმა კვარაცხელიას თამაში

სერია ა-ს 22-ე ტურში "ნაპოლიმ" ხვიჩა კვარაცხელიას გადამწყვეტი გოლით "ვერონა" ანგარიშით 2:1 დაამარცხა.ქართველი მთელი მატჩის განმავლობაში აქტიურობდა და მეტოქის კარს რამდენჯერმა დაემუქრა, ულამაზესი გოლის გატანა კი თამაშის მიწურულს, 87-ე წუთზე შეძლო."პარტენოპეის" ქომაგები კვარას ბრწყინვალე თამაშს სოციალურ ქსელში ეხმაურებიან:"ეს ბიჭი მარტო მიგვათრევს, მიეცით 20 მილიონი ხელფასი""მხეცმა გალია დაგლიჯა, ხვიჩა სასწაული ხარ""ისევ კვარადონა, მადლობა საქართველო""ოდესმე კვარას ნეაპოლში ძეგლს აუცილებლად დავუდგამთ, პირობას ვდებ""ის ნამდვილი მხეცია, ეს როგორ გააკეთა?""გთხოვ კვარა 1 წელიც დარჩი"წყარო:ასევე ნახეთ:რომელ თითზე უნდა გაიკეთოთ ბეჭედი, რომ ის თქვენი თილისმა გახდესსანელებელი, რომელიც არტერიულ წნევას ამცირებს - ექიმის რჩევაროგორ უნდა გაიგოთ, გაქვთ თუ არა გაკეთებული ჯადო ასანთის დახმარებით

სპორტი • 1697698440

„მისი ყველაზე ლამაზი გოლი და დაუვიწყარი სანახაობა 60 სტუმრისთვის“ - „გაძეტა დელო სპორტი“ ხვიჩა კვარაცხელიას ქორწილზე წერს

"გაძეტა დელო სპორტი" ხვიჩა კვარაცხელიასა და ნიცა თავაძის ქორწილს გამოეხმაურა. წერილის ავტორია ჟურნალისტი ვინჩენცო დ'ანჯელო, სალომე ხარატიშვილის უშუალო მონაწილეობით. რომელიც lelo.ge-სთან თანამშრომლობს...გთავაზობთ მცირე ამონარიდს ვრცელი სტატიიდან"ყველაზე ლამაზი გოლი, რომელსაც დიდი ხანია ელოდა. "დიახ, თანახმა ვარ" - სიტყვები, რომელიც ცხოვრებას სამუდამოდ ცვლის. ბედნიერების ეს წუთები მან თავის ყველაზე ახლობელ ადამიანებთან ერთად ერთ ლამაზ დღეს გაიზიარა.სწორედ აქ, მართლმადიდებლური რიტუალის აღსრულებით, წყვილის მიერ დიდი ხნის წინ დაგეგმილი ქორწილიც აღსრულდა. "კვარამ" და ნიცამ სამუდამო სიყვარული უფლის წინაშე შეჰფიცეს ერთმანეთს. საქორწინო რიტუალი მდიდარი იყო სიმბოლოებითა და ბრწყინვალე სანახაობით.წვეულება - ემოციური და დაუვიწყარი სანახაობა აღმოჩნდა 60 სტუმრისთვის. მხოლოდ უახლოესი ნათესავები და რამდენიმე სიყრმის მეგობარი. მისთვის ესოდენ მნიშვნელოვან დღეს "კვარამ" ქართული ტრადიციული სამოსი - ჩოხა შეარჩია (თეთრი ფერი - საქორწინო ცერემონიისთვის) - ტიპური ტრადიციული სამოსი ქართველი და კავკასიაში მცხოვრები ეთნიკურად კავკასიელი ხალხისთვის.ნიცამაც, თავის მხრივ, ტრადიციული სტილის საქორწინო კაბა შეარჩია. საქორწინო ბეჭდების სამჯერ გაცვლის შემდეგ, მომდევნო ნაბიჯი უკვე გვირგვინის დადგმის ეპიზოდი იყო, რაც საქორწინო რიტუალის საბოლოო შტრიხია.ეკლესიიდან გამოსულთ კი მათ აღმართული ხმლების კორიდორის გავლამ მოუწიათ. თავის მხრივ, ეს რიტუალიც ბედნიერების კარიბჭის სიმბოლოდ მიიჩნევა.დაბრუნება ნეაპოლში - ფოიერვერკის ეფექტის მქონე დაბრუნება, ეს არის ის, რასაც ნეაპოლში თავის "მეფეს" სთხოვენ, რომ მან ბრძოლა მაღალი მიზნებისთვის კვლავ გააგრძელოს. "კვარას" ღიმილი სახეზე და მისი ბედნიერება პირად ცხოვრებაში რუდი გარსიასთვის ერთგვარი სიმდიდრეა, განსაკუთრებით კი ახლა, როდესაც მისი "ნაპოლი" რაღაც დროით ვიქტორ ოსიმენის გარეშე ითამაშებს.ხვიჩას სამშობლოში დაბრუნების დამახასიათებელი შტრიხი იყო გოლთან დაბრუნებაც. ხანგრძლივი პაუზის შემდეგ მან ეროვნული ნაკრების მაისურითაც გაიტანა გოლი. ამ დღეებში ჩვენ კვლავ ვნახეთ "კვარადონას" გაბრწყინება. ხვიჩა, რომელმაც ტაილანდის წინააღმდეგ ამხანაგურ შეხვედრაში გაიტანა, ხოლო კვირა საღამოს - კვიპროსს, გოლის აღნიშვნის ახალი სცენარიც შემოგვთავაზა - ტრიბუნებისკენ გაიქცა და ხელის მოძრაობით მშვილდოსნის პანტომიმა შექმნა.მოგვიანებით კი სოციალურ ქსელში ატვირთა ფოტო მშვილდით და გულისგამოსახულებიანი წარწერით. ვინ იცის, შეიძლება ეს შენიღბული ძღვენი იყო მისი გულის დედოფლის, ნიცას მიმართ.დარწმუნებით ვიცით, რომ ნეაპოლში ელოდებიან, არის თუ არა ეს საბოლოო გადაწყვეტილება - მშვილდოსანი, რომელმაც მშვილდი მათთან ერთად საბრძოლველად მოზიდა. წყარო

სპორტი • 1689232963

VIDEO: როგორი სახლი აქვს დიღომში ხვიჩა კვარაცხელიას

დიეგო მარადონას ქალაქში ვხედავთ ქართველი ვარსკვლავის, ხვიჩა კვარაცხელიას პორტრეტებს, მაისურებს, საქართველოს დროშებს... სხვადასხვა ატრიბუტებს...ნეაპოლს მხოლოდ იმიტომ არ უყვარს ხვიჩა, თავისი ფეხბურთით ახალი ცეცხლი რომ დაანთო იტალიის სტადიონებზე - ის უყვართ თავმდაბლობისა და დიდი პროფესიონალიზმის გამოც.CBS-მა “კვარადონაზე“ სიუჟეტი მოამზადა და საქართველოში, ხვიჩა კვარაცხელიას ბინაც გადაიღო.ასევე ნახეთ:⇒ VIDEO: როგორ გამოიყურება ტრაგედიის ადგილი ახლა, სადაც ახალგაზრდა კალათბურთელი დაიღუპა⇒ „მარადონადან კვარადონამდე“ - ქართველმა 33 წლის შემდეგ „ნაპოლის“ ახალი ისტორია დაწერა⇒ „სულ წევს... აღარ ჭამს, გული მიკვდება“ - რას წერს ლენუკა ყიფშიძე⇒ “მინდა მომისმინოთ, მხოლოდ იმიტომ, რომ ეს ჩემთვის სასიცოცხლოდ მნიშვნელოვანია..." - ლიზა ყენია 

სპორტი • 1688660987

ტოპ 10 გარემარბი - რომელ ადგილზეა კვარა ESPN-ის რეიტინგში

ESPN-მა 2022/23 წლების სეზონი შეაჯამა და საუკეთესო გარემარბები დაასახელა.ტოპ 10-ში, „ნაპოლის“ ქართველი ფეხბურთელი, ხვიჩა კვარაცხელიაც მოხვდა და „კვარა“ მე-2 პოზიციას იკავებს. „ერლინგ ჰოლანდის მსგავსად, ხვიჩა კვარაცხელიაც უფრო ძლიერ ჩემპიონატში გადავიდა და უკეთესი სტატისტიკა დააფიქსირა. რუსეთის პრემიერ ლიგაში არსებული ძალისმიერი სტილი კვარასთვის გამაღიზიანებელი გახლდათ და მისგან გათავისუფლებული ქართველი ფეხბურთელი „ნაპოლიში“ გადასვლის პირველივე მომენტში აბსოლუტური აღმოჩენა გახდა. სერია A-ში ჩატარებულ სადებიუტო სეზონში, კვარადონა პირველი იყო საგოლე გადაცემების რაოდენობით (10), მეორე - შექმნილი ძალიან სახიფათო მომენტების რაოდენობით (14), პირველი - მოედნის მესამე ნახევარში გაკეთებული პასების რაოდენობით (603), მეორე - მეტოქის საჯარიმოში შეხებების რაოდენობით (198), მეექვსე - თამაშიდან ზუსტი დარტყმების რაოდენობით (25), მერვე - გოლების რაოდენობით (12), მე-14 - მეტოქის ნახევარზე, ბურთთან ერთად, მინიმუმ 5-მეტრიანი წინსვლების რაოდენობით და მეორე - მესამე ნახევარში მოპოვებული ბურთების რაოდენობით (38). კვარამ მომენტები შექმნა, თანაგუნდელებს გოლის გატანის უამრავი შანსი მისცა, პრესინგს კარგად თამაშობდა და აბსოლუტური დინამო იყო. გავლენა, რომელიც მან ნაპოლიზე და პარტენოპეის ჩემპიონობაზე მოახდინა, აშკარა და სიღრმისეული გახლდათ.„როგორც კი ვარსკვლავად ქცევისკენ ნაბიჯს დგამ, შენი მეტოქეები წიგნების წერას იწყებენ თუ როგორ შეგაჩერონ. საინტერესო იქნება, გუნდები რა გადაწყვეტილებებს მიიღებენ, როცა საქმე ნაპოლის შეტევის გულისა და სულის შეზღუდვაზე მივა. ალბათ, უფრო ძალისმიერ ტაქტიკას გამოიყენებენ, ვიდრე რუსეთში ვიხილეთ და საკითხავია, მის გუნდს რა რეაქცია ექნება“, - წერს ESPN-ი.ამერიკული გამოცემის ტოპ 10 ასე გამოიყურება:1 ბუკაიო საკა2  ხვიჩა კვარაცხელია3  ჯეკ გრილიში4 უსმან დემბელე5  გაბრიელ მარტინელი6  რიად მაჰრეზი7  კინგსლი კომანი8  როდრიგო9  ფილ ფოდენი10 მუსა დიაბი„მოლაპარაკებები დაიწყო“ - რა ინფორმაციას ავრცელებს იტალიელი ჟურნალისტიVIDEO: ვრცელდება ნიცა თავაძის აქამდე უცნობი კადრებიკვარაცხელია „ნაპოლისთან“ ახალ კონტრაქტს, გაზრდილი ანაზღაურებით აფორმებს

სპორტი • 1686043753

"კვარადონა - ქართული სასწაული" - წიგნს იტალიელი ავტორი ჰყავს - "ის ამ წიგნს ელოდა..."

სანამ ქართველები გიორგი კეკელიძის წიგნს " ხვიჩა ვარსკვლავი - სახელად ვარსკვლავი"-ს კითხვით არიან გართულნი და წიგნი იტალიურად თარგმნის პროცესშია, მანამ ემანუელე ჯულიანელიმ გამოაცხო წიგნი სახელწოდებით "კვარადონა - ქართული სასწაული". წიგნის პრეზენტაცია ჯერ არ მოწყობილა. სტამბიდან ცხელ-ცხელი ეგზემპლარი ავტორმა ქართველ ჟურნალისტს, ნინო მამუკაძესაც აჩუქა და წიგნი ასევე საჩუქრად ხვიჩას მამასთან, ბატონ ბადრისთან გაატანა.ნეაპოლელი ემანუელე ჯულიანელი თავისუფალი ჟურნალისტია, რომელსაც შვიდი წიგნი აქვს გამოცემული, მათ შორის, ორი ნათარგმნია სხვადასხვა ენაზე. ემანუელე სხვადასხვა იტალიურ გამოცემასთან თანამშრომლობს. "ჩემთვის ნამდვილად დიდი პატივი და სიხარულია, რომ ჩემს წიგნში წარმოდგენილია ბადრი კვარაცხელიაც, ხვიჩას მამა. ის წიგნს მას შემდეგ ელოდა, რაც ორთვენახევრის წინ პირადად შევხვდით" - წერს წიგნის ავტორი ფეისბუქზე.წიგნი ავტორმა სხვადასხვა ქართველთან (და ალბათ, ნეაპოლელთან) ინტენსიური კომუნიკაციის შედეგად დაწერა. მათ შორის, ფეხბურთელის მამასთან."ავტორს ბევრი ადამიანისგან აქვს ინფორმაცია აღებული, მათ შორის - ჩემგანაც, როგორც ხვიჩას თანამემამულისგან. ის ასევე, ბუნებრივია, ესაუბრა ბატონ ბადრის. წიგნი 2 ივნისს გამოვიდა. ჯერ პრეზენტაციაც არ ყოფილა. ჯულიანელიმ გამომიგზავნა სამი ეგზემპლარი, ერთი ჩემთვის, ერთი ბადრი კვარაცხელიასთვის გადასაცემად და ერთიც ნეაპოლის ქართული ბიბლიოთეკისთვის" - ამბობს ნინა მამუკაძე " პრაიმტაიმთან." ასევე დაგაინტერესებთ: ,,მსგავსად სიყვარულის გამცემი ადამიანი, არ ვიცი... უკანასკნელი 15 წელი ვიცხოვრე მასთან..." - კახი კავსაძე 88 წლის გახდებოდა"ერთმანეთი დავლეწეთ. ყურებზე ხელს მკიდებდა და თავს მიწაზე მარტყმევინებდა. დღე და ღამე ვარჯიშობდა..." - ზაზა კოლელიშვილი უცნობი ფაქტებით სოსო ჯაჭვლიანზერატომ უხდის საჯარო ბოდიშს ლანა ღოღობერიძეს მზია მაღლაკელიძე და რას პასუხობს მას რეჟისორიExclusive: "ხუთი წლის შემდეგ, ახლა პირველად ვამბობ..." - რა უთხრა ბიძინა ივანიშვილმა დათო ოქიტაშვილს გიოზე

სპორტი • 1685725500

,,იამაყე საქართველო! იტალიის ჩემპიონატის მეფის გვირგვინი შენს შვილს დაადგეს" - ემოციური გამოხმაურებები სოციალურ ქსელში

ხვიჩა კვარაცხელია იტალიის სერია A-ს სეზონის საუკეთესო მოთამაშედ დასახელდა.,,ნაპოლის'' ქართველი ფეხბურთელისთვის 2022-23 წლების სეზონი სერია A-ში სადებიუტოა.მან ჩემპიონატში 12 გოლი გაიტანა და 12 საგოლე გადაცემა შეასრულა.Serie A-ის გვერდმა კვარაცხელიას სადებიუტო სეზონი ფენომენალურად შეაფასა და დაწერა, რომ ის ,,საუკეთესოთა შორის საუკეთესოა".ასევე დაგაინტერესებთ: VIDEO: ხვიჩა კვარაცხელია სერია A-ს სეზონის საუკეთესო ფეხბურთელია! - ნახეთ, ტოპ 5 გოლიროგორც მოსალოდნელი იყო, ფაქტს სოციალურ ქსელში ემოციური გამოხმაურებები მოჰყვა.ნანა ჩხაიძე: ,,იამაყე საქართველო! იტალიის ჩემპიონატის მეფის გვირგვინი შენს შვილს დაადგეს.გოგა ჩანადირი: ველოდი ამას! ხვიჩა კვარაცხელია სერია A-ს საუკეთესო ფეხბურთელად დასახელდა.ეს არის უაღრესად დიდი პატივი და აღიარება ქართველი ჩემპიონისთვის და მთლიანად, ჩვენი ფეხბურთისთვის.არადა, ჯერ კიდევ 1 წლის წინათ ხვიჩას გვარსაც კი ვერ წარმოთქვამდნენ იტალიაში. პირველივე თამაშში დაამტკიცა, რომ გამორჩეული იქნებოდა. პირველივე სეზონში გახდა ჩემპიონი "ნაპოლის" მაისურით, პირველივე თვესა და სეზონში მოიპოვა საუკეთესო ფეხბურთელის სახელი. ხვიჩა გახდა პირველი ქართველი, ვინც ევროპის საუკეთესო პირველობების საუკეთესო ფეხბურთელად დასახელდა. ის ასევე სამჯერ დასახელდა იტალიის თვის საუკეთესო ფეხბურთელადაც.ჩვენი კვარადონა, ჩვენი ოქროს ფეხბურთელი. გილოცავ, ხვიჩა ამ აღიარებას!განაგრძე თამაში ისევ ისე შემართებით, ლაღად და კვლავ ბევრი იშრომე. ამაზე არ გაჩერდე.დავით ზალკალიანი: ისტორია დაიწერა! ხვიჩა კვარაცხელია სერია A-ს წლევანდელი სეზონის საუკეთესო მოთამაშე გახდა. ვულოცავ ხვიჩას და სრულიად საქართველოს ამ ისტორიულ წარმატებას!ალექსანდრე ელისაშვილი: ხვიჩა იტალიის ჩემპიონატის წლის საუკეთესო ფეხბურთელად დაასახელეს! ფენომენალური სეზონი ჰქონდაო ასე შეაფასეს. უმაგრესი ამბავია მისთვისაც და საქართველოსთვისაც! მიდი ხვიჩა არ გაჩერდე.ასევე დაგაინტერესებთ: ,,საუკეთესო საუკეთესოთა შორის" - რას წერს Lega Serie A ხვიჩა კვარაცხელიაზე

სპორტი • 1685704265

კვარაცხელია ტოპ ხუთი ჩემპიონატის სიმბოლურ ნაკრებში დაასახელეს

ხვიჩა კვარაცხელია პოპულარულმა გამოცემამ, goal.com-მა მსოფლიოს ტოპ ხუთი ლიგის 23-წლამდელი მოთამაშეების სეზონის სიმბოლურ ნაკრებში დაასახელა.გამოცემამ საუკეთესო ფეხბურთელები ბოლო ათი თვის შედეგებით შეარჩია. მნიშვნელოვანი დეტალია, რომ Goal.com-მა „ნაპოლის“ ქართველი მარცხენაფლანგელის გამო, სეზონის სიმბოლურ გუნდში ბრაზილიის ნაკრებისა და მადრიდის „რეალის“ თავდამსხმელი, ვინისიუს ჯუნიორი არ შეიყვანა.„ვინისიუს ჯუნიორი და გაბრიელ მარტინელი მარცხენა ფლანგზე დასახელების სერიოზული კანდიდატები იყვნენ, მაგრამ 2022-23 წლების ევროპული სეზონის აღმოჩენის უყურადღებოდ დატოვება შეუძლებელი იყო.ხვიჩა კვარაცხელიას დიდი წარმატებები ჰქონდა. ის მხოლოდ 10 მილიონ ევროდ შეიძინეს და თავი მსოფლიო ფეხბურთის ერთ-ერთ ყველაზე თვალსაჩინო თავდამსხმელად წარმოაჩინა. გაიტანა 14 გოლი და შეასრულა ამდენივე საგოლე გადაცემა ყველა ტურნირზე. ლუჩანო სპალეტის ბრწყინვალე გუნდმა 33-წლიანი შესვენების შემდეგ სკუდეტო მოიპოვა და ამავდროულად, ჩემპიონთა ლიგის მეოთხედფინალში პირველად გავიდა.ეს იყო გუნდური შრომის შედეგი, მაგრამ ის ფაქტი, რომ მათ 22 წლის ქართველს ადგილობრივებმა მეტსახელად „კვარადონა” შეარქვეს, ყველაფერს გვეუბნება“, – წერს გამოცემა Goal.com-ი.სიმბოლური გუნდი Goal.com-ის მიხედვით:მეკარე: მარკო კარნესეკი („კრემონეზე“)მცველები: ჯერემი ფრიმპონგი („ლევერკუზენი“), უილიამ სალიბა („არსენალი“), მატიას დე ლიხტი („ბაიერნი“), ალეხანდრო ბალდე („ბარსელონა“)ნახევარმცველები: ჯამალ მუსიალა („ბაიერნი“), პედრი („ბარსელონა“), ჯუდ ბელინგემი („დორტმუნდი“)თავდამსხმელები: ბუკაიო საკა („არსენალი“), ერლინგ ჰალანდი („მანჩესტერ სიტი“), ხვიჩა კვარაცხელია („ნაპოლი“).